Adultery Ahsaan ( by Storyking ) - COMPLETE

[hirarandi]

Uske baad mujhe kuch yaad nahi kyoki meri aankho ke aagey andhera chha gya or main fir se behosh ho gya. Jab aankh khuli to main wapis ussi kamre me tha jaha mujhe pehle rakha gya tha or mere samne japani betha tha or mere mooh par paani maar rha tha.

Japani : Uth ja mere baap sala kabse soya pada hai.
Main : (Apni aankhen saaf karte hue) Japani tu yha...
Japani : haa main... Ab baat sun meri yeh sab sale pagal ho gye hain lekin main janta hoo tu mera bhai hai mera shera.
Main : tu yha kaise aya.
Japani : woh sab chhod yeh le meri gun or yeh kuch paise rakh le tere kaam aayenge or yeh le meri gaadi ki chaabi... ab tu yha se nikal jaa tera yha rehna thik nahi warna chhota sheikh or uske aadmi tujhe thok denge.
Main : lekin tu....
Japani : meri fikar mat kar yaar tere waise hi mujh par bohot ahsaan hai aaj bohot muddat ke baad moqa mila hai yaari ka haq ada karne ka ab tu yha se jaa or yha chale jana yha tu ek dam safe rahega or tujhe tere har sawaal ka jawab bhi mil jayega jo tu aksar sabse puchhta rehta hai or iss jagah ke bare me kisi ko kuch bhi mat btana ( ek parchi mere hath me dete hue)

Uske baad mujhe kamre ke bahar fire ki awaaz sunayi dene lagi. Main poori tarah hosh me to nahi tha fir bhi chalne ke qabil tha mujhe japani ne pakadkar jaldi se khada kiya or apni coat ki jeb se ek or gun nikaal lee or mere aagey aake khada ho gya. or kamre ke bahar mera hath pakadkar le gya bahar niche bohot se log the jo fire kar rhe the. wahi balcony me kuch japani ke log bhi the jo jawab me fire kar rhe the lekin niche khade logo ki tadaad bohot jada thi or uper khade log ginti me bas 5-6 hi the. Tabhi ek goli aake japani ke pet me lagi. jisse woh wahi gir gya maine usko jaldi se sambhala or japani ki di hui pistol se maine bhi niche khade logo par fire karna shuru kar diya.

Japani : tu rehne de shera tu jaa yha se hum log sambhaal lenge.
Main : pagal ho gya tujhe goli lagi tu chal mere sath jo hoga dekha jayega.
Japani : nahi yaar apna sath yhi tak tha ab tu jaa main inko jada der nahi rok paunga or yaad rakhna chhota sheikh tujh par mera udhaar hai jab hath lage to sale ke bheje me goli marna meri taraf se. Yha kisi par bhi bharosa mat karna sab sale kutte hain meri baat yaad rakhna.
Main : (Rote hue) yaar tu kaise baat kar rha hai tujhe kuch nahi hoga tu chal mere sath inn sab ko main akela hi dekh lunga or sheikh ko tu khud marega.
Japani : (haste hue) sher ki aankh me aansu achhe nhi lagte tu jaa yha se.

Tabhi ek goli meri garden ko chho kar nikal gyi jisse meri garden se khoon nikalne laga or dard ki ek tez lehar mere poore badan me daud gyi. Yeh dekhkar jane japani ko kya hua usne mujhe pichhe dhakka de diya jisse main zameen par gir gya or khud khada hoke andha-dhundh niche khade logo par goliyaan barsane laga. Nashe ke injection ki wajah se main chah kar bhi kuch nahi kar paa rha tha isse pehle ki main khada hota japani seedhiyo se niche utarne lag gya or unn logo par apni dusri pistol se bhi goliyaan chalane laga. Jab tak main wapis apne pairo par khada hua niche sab log mar chuke the. or japani seedhiyo me pada tadap rha tha uske poore badan se paani ki tarah khoon nikal rha tha. Main dawayi ke nashe me lad-khadata hua seedhiyo se niche ki taraf aaya or jake Japani ko dekha to woh bhi mujhe chhod kar jaa chuka tha. Maine aaj apni jingadi ka sabse keemti dost kho diya tha jisne jindagi ke har mod par mera sath diya tha. Meri aankho me aansu or dil me chhote sheikh ke liye be-intehaa nafrat thi. Maine apne aansu saaf kiye or apne dost japani ka skaff jo woh hamesha apne hath par bandhta tha usse utaar kar apne hath par baandh liya or waha se seedha ghar ke bahar nikal gya or jaldi se japani ki car me beth gya.

Maine car start ki or apni jeb me hath daal kar japani ki di hui parchi ko dekhne lga. Usme likha pta dekha or apni car ko tez raftaar se dauda diya main nahi janta tha ki japani ne mujhe kaha bheja hai. Main kaafi der se gaadi chala rha tha or ab main uss ilaake se kaafi door bhi nikal aya tha achanak mujhe yaad aya ki aaj ke hue iss hadse ke bare me khan ko bta doo or ab aagey kya karna hai yeh bhi puch saku. Lekin fir mujhe rana ki yaad aayi or itna to main samajh gya ki jarur khan ke office me hi koi khabri hai jo meri pal-pal ki khabar chhote sheikh tak pohoncha rha hai isliye maine khan ko bhi uss thikane ke bare me btana thik nahi samjha kyoki yeh mumkin tha ki koi khan ka phone bhi tabb kar rha ho. Yhi sab sochta hua main lagataar gaadi ko daudata rha kuch ghante ki drive ke baad mujhe Highway par ek parol pump nazar aaya waha maine ruk kar apni gaadi me feul bharwaya.

Main : suniye yha koi telephone hai mujhe ek phone karna hai.
Ladka : ji sahab ander hai kar lijiye phone.
Main : (gaadi se bahar nikalte hue) shukriya.
Ladka : sahab aapko to bohot chot lagi hai or aapki garden se khoon bhi nikal rha hai.
Main : koi baat nahi yeh thik ho jayega mera chhota sa acident hua tha.
Ladka : bura na mano sahab to mera ghar pass hi hai agar aap chahe to main aapki patti karwa sakta hoo.
Main : nahi koi baat nahi shukriya.

Uske baad waha pade ek paani ke ghade se pehle maine apna mooh dhoya or apni garden par laga khoon saaf kiya. kyoki iss baat ko aab kaafi waqt ho gya tha isliye jakham se khoon nikalna band ho gya tha or meri garden par laga khoon bhi sookh gya tha. Uske baad main patrol pump ke ander chala gya or Khan ka number dail kiya.

Khan : hallo....
Main : hallo khan sahab main Neer bol rha hoo.
Khan : Neer tum... yeh kiska number hai
Main : khan sahab yeh ek patrol pump ka number hai or yha bohot gadbad ho gyi hai
Khan : kya hua....

Uske baad maine saari baat tafseel se khan ko bta di...


Khan : Hhhmmm yaar yeh to bohot gadbad ho gyi hai or tumhari baat ek dam sahi hai mujhe bhi lagta hai koi na koi mere daftar me hi hai jo chhota sheikh se mila hua hai. uss kameene khabri ki wajah se hi mere sabse khas informer raana ki jaan gyi hai. Khair koi baat nahi woh sab main sambhaal lunga. ab tum yeh btao ki ab tum kaha ho.
Main : pta nahi khan sahab abhi to main ussi shehar me hoo ( maine jhooth bola kyoki japani ne mujhe uss jagah ke bare me kisi ko bhi btane se mana kiya tha)
Khan : Tum kuch din ke liye under-ground ho jao kuch din baad mujhse contact karna or mere mobile par phone karke btana ki tum kaha ho phir main tumko tumhara agla kadam btaunga tab tak chhote sheikh ko bhool jao.
Main : ji thik hai...

Uske baad maine phone band kiya or bahir aa gya jaha woh ladka khada mera hi intezaar kar rha tha. maine usko feul ke paise diye or wapis apni car me aake beth gya. or wapis apni car ko tez raftaar se dauda diya. mujhe meri mazil par pohonchte-pohonchte raat ho gyi thi. Japani ne jaha ka mujhe pta diya tha main nahi janta tha ki usne mujhe kaha bheja hai isliye mere dimaag me ab bhi kai sawaal ghum rhe the. Kuch hi der me main apni manzil par pohonch gya jo ek basti si lag rhi thi. Waha kaafi gharo me roshni nazar aa rhi thi lekin mujhe jitna pta diya gya tha woh sirf uss basti tak ka hi tha aggey mujhe pta nahi tha ki konse ghar me jana hai kyoki waha mujhe bohot se ghar nazar aa rhe the. Main car se utra or ek ghar ka darwaza khat-khataya. kuch hi der me darwaza khul gya. Uss ghar me se ek aadmi bahar aaya.

Main : ji itni raat ko aapko taqleef dene ke liye maafi chahta hoo dar-asal mujhe rasool se milna tha.

Abhi maine apni baat bhi muqammal nahi ki thi ki mere samne khada aadmi mujhe dekh kar khush ho gya or mere gale se lag gya.

Admi : shera bhai tum zinda ho.

Mere kuch samajh nahi aa rha tha ki yeh aadmi mujhe kaise janta hai.

Main : kya aap mujhe jante hain.

Aadmi : kaisi baaten kar rhe ho bhai tumko yha kon nahi janta tum to hmare apne ho. bahar kyo khade ho ander aao.

Main : ji shukriya.

Meri kuch bhi samajh nahi aa rha tha ki yeh mere sath kya ho rha hai yeh aadmi mujhe kaise janta hai. Tabhi ek aurat meri taraf aayi or adab se mujhe salam kiya or mere samne paani ka ek glass rakh diya or wapis ander chali gyi. Uss khatoon ne naqab kiya hua tha isliye main uska chehra nahi dekh paya. Tabhi woh aadmi mere pass aaya.

Aadmi : tum yhi betho main saari basti ko btake aata hoo ki hmara shera wapis aa gya hai or hmari dua rang le aayi hai.
Main : Achha lekin tumhara naam kya hai
Aadmi : kamaal hai 4 din humse door kya hue ab tum mera naam bhi bhool gye ho. main rasool hoo tumhare bachpan ka sathi. Tum betho main abhi aya.

Main chup-chap waha betha rha sath hi paani peene laga or charo taraf nazar daudakar uss ghar ko dekhne lga ghar kuch khas nahi bana hua tha ek dam mere gaav ke ghar jaisa tha. tabhi ek chhota sa bacha mere pass aya.

Bacha : aap shera chacha ho naa.
Main : (uss bache ko utha kar apni god me bithate hue) hanji beta main shera hoo lekin aap mujhe kaise jante ho.
Bacha : (ungali se ek kamre me ishara karte hue) ammi ne btaya mujhe ki aap mere shera chacha ho.
Main : Achhaaaa.... yeh to bohot achhi baat hai or aapka naam kya hai.
Bacha : mera naam Ali hai aapka naam kya hai shera chacha.
Main : (haste hue) Achha ji.... tum to bohot pyaari baate karte ho.

Abhi main uss bache se baat hi kar rha tha ki bahar mujhe logo ka shor sunayi diya isliye maine uss bache ko apni god me uthaya or bahar jake dekhne laga. bahar bohot se log jama ho gye the jo mujhe badi hairaani se dekh rhe the. Tbhi uss bheed me se ek budhi si aurat mere samne aake khadi ho gyi or mujhe bade gaur se dekhne lagi. Fir bade pyaar se mujhe gale se laga liya or mera matha chum liya sath hi mujhe dua dene lagi.

Amma : (rote hue) kaha chala gya tha beta apni amma ko chhod kar or itna waqt tu tha kaha janta hai humne tujhe kitna yaad kiya or teri salamati ke liye kitni duayen ki thi.
Main : Mera accident ho gya tha jisse meri yaddasht chali gyi thi. Aap log kaun hai or mujhe kaise jante hain.
Amma : mujhe pehchana nahi shera main amma hoo.
Main : (Naa me sir hilate hue) mujhe yha japani ne bheja hai.
Amma : Japani.... hai kaha woh na-muraad tu wapis aa gya hai or usne hume btana bhi jaruri nahi samjha.

Uske baad maine apni saari kahani amma ko or waha khade tamaam logo ko suna di or sath hi yeh bhi bta diya ki japani ke sath kya hua yeh sunkar sab log behad dukhi ho gye.

Amma : kya taqdeer mili hai hume ek beta wapis mila to dusra beta door chal gya.
Main : amma maine usse bohot kaha tha sath chalne ke liye lekin woh mana hi nahi or khud unn logo se mere liya ladta rha. Mere liye apni jaan qurbaan kar di.
Amma : essa hi tha woh tujh par to jaan deta tha or tum dono ki dosti ko kon nahi janta.
Main : (rote hue) amma mujhe bohot afsos hai ki main japani ke liye kuch kar nahi paya.

Uske baad kaafi der waha sab log khade rhe or sab log mujhse tarah-tarah ke sawaal puchhte rhe raat kaafi ho gyi thi isliye amma ne sabko jaane ka keh diya or mujhe wapis rasool ke sath ek ghar me bhej diya jo mujhe btaya gya ki yeh mera hi ghar hai. Uske baad main uss ghar ke ander chala gya or poore ghar ko bade gaur se dekhne lga. Ghar kaafi shandaar tha or waha rakhi har chij kaafi keemti lag rhi thi. Uss ghar ki ek-ek chij mujhse judi thi lekin jane kyo mujhe kuch bhi yaad nahi tha. Main uss ghar ki ek-ek chij ko bade gaur se dekh rha tha or pehchaane ki koshish kar rha tha. Kuch der yha-waha ghumne ke baad main apne bister par aake let gya or din bhar hue tamaam hadso ke bare me sochne lga. kuch hi der me mujhe neend aa gyi or main sukoon ki neend sou gya.

Subaah apni aadat ke mutabiq main jaldi uth gya or naha-dho kar teiyaar ho gya uske baad rasool ka beta ali mujhe uske ghar bulane ke liye aa gya waha maine rasool ne or ali ne sath mil kar nashta kiya. fir rasool mujhe wahi bethne ka keh kar khud kahi chala gya. main bhi ab ek dam farig tha isliye ali ke sath khelne me lag gya. Kuch der baad rasool wapis aa gya.

Rasool : chalo shera chalen.
Main : kaha chalna hai.
Rasool : tum chalo to sahi bohot se log hain jo tumhara intezaar kar rhe hain.
Main : achha chalo....
Rasool : suno pehle yeh kapde badal lo or yeh jutte or locket bhi utaar do.
Main : lekin kyo
Rasool : sabar karo tumko tumhare sab sawaalo ka jawab mil jayega.

Uske baad main kapde badalkar or rasool ke diye kapde pehankar rasool ke sath ghar se bahar nikal gya jaha bahar ek car hmara intezaar kar rhi thi hum dono chup-chap uss car me jaake beth gye. Kuch der baad car ne humko ek khandar ke bahar utaar diya.

Main : rasool yeh konsi jagah hai.
Rasool : (khush hote hue) tum chalo to sahi

Main sawaliyaa nazaro se rasool ko dekhta hua uske piche-piche chalne laga. khandar ke ander ghuste hi bahar mujhe bahar kuch log khade nazar aaye jinke hath me bandooken thi. unko dekhte hi main alert ho gya or apna hath piche apni gun ke uper rakh liya taaki jarurat padne par main jaldi se gun nikaal saku. Lekin waha to sab ulta ho gya tha woh log mujhe dekhte hi khush ho gye or bari-bari mujhse gale milne lage. Woh sab log mujhe dekh kar bohot khush the. Uske baad ek aadmi jaldi se ek qabar ke samne jake khada ho gya usne ek nazar mujhe muskurakar dekha or fir qabar par lage ek pathar ko ghuma diya jisse qabar kisi darwaze ki tarah khul gyi fir woh aadmi mujhe pichhe aane ka ishara karke niche utar gya. main bhi baaki logo ke sath uss qabar ke ander utar gya jo ki bahar se qabar jaisi lagti thi lekin ander se ek khufiya rasta thi lekin mujhe yeh nahi pta tha ki yeh rasta jata kaha hai main bas unke piche-piche chal rha tha.

Kuch hi der me hum ek alishan jagah par khade the waha niche bohot se log pehle se mojud the sab ne bari-bari aake mujhe gale se lagaya or japani ka afsos kiya mere sath. Uske baad woh log mujhe ek kamre me le gye jaha ek bujurg bed par lete hue the jinke ek taraf khoon ki bottal lagi thi shayad woh bohot jada ghayal the or unke baaju me sooma, gaani or lala bhi bethe the. Unko waha dekh kar main behad hairaan tha ki yeh log yha kaise hain.

Main : tum dono yha kaise.
Lala : sab btate hain pehle baba se to mil le yaar.
Main : (chonkte hue) kya yeh bade sheikh sahab hai?
Sooma : haa bhai
Baba : (hath uthakar mujhe pass aane ka ishara karte hue) yha aao beta.
Main : (baba ka hath chumte hue) lekin chhota to bol rha tha yeh dubai me hain.
Baba : (mera hath pakadte hue) yha betho beta main janta hoo tumhare dimaag me bohot se sawaal hai or aaj main tumko tumhare har sawaal ka jawab dunga. Usne tumhare sath hi nahi balki hum sab ke sath bhi dhokha kiya hai. lekin pehle yeh btao tum itna waqt tak the kaha par or woh kon farishtey the jihone tumko bachaya.

Maine baba ko apni guzri hui tamaam jindagi ke bare me sach-sach bta diya. Uske baad main apne sawaalo ke jawab chahta tha isliye maine bari-bari baba se sawaal puchhne shuru kar diye.

Baba : ab puchho beta kya puchhna chahte ho
Main : Baba aap to chhote ke walid hain fir aapke sath usne dhokha kisliye kiya....
Baba : woh insaan kisi ka waffadar nahi uska paisa hi mazhab hai or makkari hi imaan hai.
Main : lekin baba aapki essi haalat kaise hui.
Baba : beta main bohot pehle jaan gya tha ki woh meri jagah lene ke liye kisi bhi had tak gir sakta hai isliye maine apni kursi ka waris usse nahi balki tumhe bnana chahta tha. lekin uss ko yeh baat pta chal gyi or usne duniya ko yeh btaya ki main dubai me hoo jabki mujhe apne hi qile me qaid kar diya kuch din baad usne meri tamaam dolat ke bare me mujhse puchha jab maine nahi btaya to usne mujhe bhi goli maar di ab mere baad mere waris tum the isliye usne tum par bhi dhokhe se hamla karwa diya tumko apne raste se hataane ke liye. jisme tum to bach gye lekin tumhari yaddasht khatam ho gyi uper wale karam se main bhi bach gya fir mere yeh bache tumko bohot din tak talash karte rhe lekin tumhari koi khabar nahi mili... chhote ko shaq na ho isliye sooma, laala, gaani or japani uski gang me kaam karte rhe sirf isliye ki uski saari khabar mujh tak pohonchti rhe. fir ek din achanak se tum bhi wapis aa gye lekin tumko kisi ki koi khabar nahi thi tumhare wapis aa jane se chhote ki kursi ko sabse bada khatra ho gya isliye usne har tareeke se tumko nuksaan pohonchane ki koshish ki... ring me bhi tumhare khilaaf jo fighter khada hua tha usko tumhe maarne ke liye kaha gya tha lekin tumne use hi maar diya fir tumhari car me usne bumb lagwaya lekin tum uss din ghar se bahar hi nahi nikle or tum fir bach gye jab japani ko yeh baat pta chali to usne tumko kabhi akaila nahi chhoda bahane se hamesha lala ya japani tumhare sath rhe. uske baad japani ne tumhe apne sath rakh liya or har qadam par bina tumhe pta chale tumhari hifazat karta rha.
Main : lekin baba inhone to mujhe bhi kabhi kuch nahi btaya.
Baba : beta jaise tum wapis aaye the tumko yeh sab btana khatre se khaali nahi tha kyoki tum par nazar rakhi jaa rhi thi isliye maine hi inko tumhe kuch btane se mana kiya tha.
Main : ek baat samajh nahi aayi aapko mera pta kaise chala.
Baba : (muskurate hue) beta tum logo ko maine paida nahi kiya to kya hua lekin tumko maine paala hai or tum sab ki main rag-rag janta hoo.
Main : baba ab mere liye kya hukum hai.
Baba : (apne takiye ke niche haath daal kar gun nikalte hue) ek meyaan me 2 talwaare nahi reh sakti shera tumko usse khatam karna hoga or meri kursi sambhalni hogi.
Main : Baba woh aapka beta hai
Baba : mere bete iss waqt mere sath mojud hain. jisko main tumhe khatam karne ke liye bol rha hoo woh mera to kya kisi ka bhi beta nahi hai. Mujhe afsos hota hai essi aulaad par, ek tum log ho jo sirf meri parvarsih ke liye apni jaan tak dawo par lagane ko teiyaar rehte ho mere liye ek woh hai jo kursi ke liye apne hi baap ko marana chahta hai.
Main : ji baba jaisa aap chahenge waisa hi hoga.
Baba : (muskurate hue) mujhe tumse yhi umeed thi beta.

Uske baad Baba ko humne araam karne diya or hum sab bahar aake beth gye aaj main bohot khush tha kyoki ek muddat ke baad mujhe sukoon mila tha main ab apne bare me sab kuch jaan chuka tha.

Main : yaar lala tum logo se main aksar itne sawaal puchhta tha kabhi to mujhe bta dete
Lala : yaar hum kya karte baba ka hukum tha jab tak tu thik nahi ho jata tujhe kuch na btaya jaye janta hai agar chhote ko tere bare me pta na chalta to ab bhi tujhe hum logo ne kuch nahi btana tha lekin afsos uss kameene ko tere bare me sab pta chal gya or isi chakkar me japani ko apni jaan gawani padi.
Main : yaar main sach kehta hoo agar mujh par nashe ka asar nahi hota to main japani ko kharoch bhi nahi aane deta.
Sooma : hum jante hain yaar tu hum sab ke liye apni jaan bhi daav par laga sakta hai lekin kya karte dost tu ek qora kagaz banke wapis aaya tha tujhe yeh sab kuch btate bhi to kaise.
Main : koi baat nahi yaar tum logo ne thik kiya

Uske baad baaki ka din ese hi guzra lekin aaj main bohot khush tha or dil ko ek tasalli thi ki mera bhi koi hai. Or sabse badi baat mujhe mera sukoon mil gya tha kyoki jo sawaal hamesha mere dimaag me ghumte rehte the or mujhe pareshaan karte the unse aaj mujhe nijaat mil gyi thi mera dil chah rha tha ki main apni yeh khushi baba, nazi, fiza, heena or rizwana ke sath bhi baantu lekin afsos main unn logo se bohot door tha. Mera dil chah rha tha ki kaash woh bhi aaj mere sath hote to yeh dekh kar kitna khush hote ki mera bhi ek parivaar hai jisme unn sab logo ki tarah yeh log bhi be-intehaa pyaar karte hain. Essi socho ke sath mera poora din guzar gya shaam ko rasool hum sab ke liye khana le aaya jo hum sab ne milkar khaya. Uske baad main rasool ke sath wapis apni basti me aa gya or apne ghar me jake sukoon se sou gya.