Thread Rating:
  • 0 Vote(s) - 0 Average
  • 1
  • 2
  • 3
  • 4
  • 5
Adultery Ahsaan ( by Storyking ) - COMPLETE
#28
Raana gaadi ko tez raftaar se bhaga rha tha or main khidki se apna chehra bahar nikaale thandi hawa ka maza le rha tha. mujhe nahi pta kab meri aankh lag gyi or main sou gya. jane main kitni der sota rha lekin raana ke hilane se meri aankh khul gyi...


Rana : shera bhai airport aa gya hai utro...
Main : (dono hatho se aankhen malte hue) kyaa....
Rana : bhai airport aa gya flight pakadni hai na gaadi se utaro....
Main : (apne dono hath apne mooh par ferte hue) haa chalo...

Uske baad main or rana gaadi se utar gye rana ne jaldi se gaadi ki pichhli seat se uska or mera suit case nikala or meri taraf badhne laga. maine apna suit case pakad liya or usne apna. Fir humne gaadi ko wahi chhod diya or hum dono airport ke ander aa gye. yeh jagah mere liye ek dam nayi thi main thik hone ke baad pehle kabhi essi jagah par nahi aaya tha. Rana ne mujhe ek jagah ki taraf ishara karke bethne ko kaha or khud kisi se milne chala gya. Main Airport par ek khaali jagah par beth gya or chaaro taraf dekh rha tha waha ke log jo ghum rhe the or security guard jo logo ko check kar rhe the. ek jagah par sabke samaan ko ek machine (scaner) me daal kar check kiya jaa rha tha isliye mujhe apne samaan ki fikar hone lagi kyoki itna to mujhe dekh kar hi samajh aa gya tha ki mere samaan bhi jarur check hoga or mere pass pistol bhi thi or khan ke diye hue transmeters bhi jisse khan mujh tak pohonch sake. Abhi main soch hi rha tha ki Rana 2 guard jinke pass hathiyaar the unke sath meri taraf aa rhe tha mujhe lga shayad unn logo ne rana ko pakad liya. Isliye maine jaldi se apna ek hath jacket me daal liya jiss taraf pistol thi or apna hath pistol par rakh liya.

Rana : chalo bhai kaam ho gya 10 mint baad flight hai apni...
Main : (chain ki saans lekar apna hath jacket se bahar nikalte hue ) achha... lekin yeh log kon hai.
Rana : bhai yeh khan sahab ke hi log hain humko yha koi pareshani na ho isliye...
Main : achha... main to samjha tumko inhone pakad liya.
Rana : (muskurakar) nahi bhai sab thik hai aap be-fikar ho jaye.
Main : (haa me sir hilate hue) Hhhmmm yaar rana waise hum kya shehar se bahar jaa rhe hain.
Rana : (haste hue) bhai aapko khan sahab ne kuch nahi btaya.
Main : (na me sir hilate hue)
Rana : koi baat nahi.... chalo chalen der ho rhi hai.

Uske baad koi khas baat nahi hui jaldi hi hum runway par aa gye jaha hmara chhota sa plane already teiyaar khada tha. hum dono ko woh dono log bina security check ke ek chhote se plane tak chhod gye jaha sirf main or rana hi bethe the baaki tamaam plane khaali pada tha. Main har chij ko badi hairaani se dekh rha tha kyoki yeh sab kuch mere liye ek dam naya tha. khair Kuch hi ghante ke baad hum humari manzil tak pohonch gye. flight se utarne ke baad main Rana ke pichhe-pichhe hi chal pada kyoki main nahi janta tha ki uske baad kaha jana hai. Flight se utarne ke baad airport par ek car pehle se mojood thi jisme main or rana beth gye. bahar raat ho gyi thi lekin itni jada roshni or badi-badi buildings thi jo maine pehle kabhi nahi dekhi thi maine jaldi se car ka glass niche kiya or bahar dekhne lga.

Rana : bhai kya kar rhe ho sheesha band karo koi dekh sakta hai.
Main : yha humko kon janta hai yaar dekhne do naa achha lag rha hai.
Rana : bhai aapke liye yeh shehar ajnabi hai lekin aap iss shehar ke liye ajnabi nahi ho aapke iss shehar me sirf dost hi nahi dushman bhi bohot hai. main aapke liye hi keh rha hoo.
Main : (bina kuch bole sheesha uper karte hue) thik hai.... Wese kya tum mere bare me sab kuch jante ho.
Rana : bhai iss shehar me shayad hi koi essa ho jisne shera bhai ka naam nahi suna ho.
Main : waise ab hum jaa kaha rhe hain.
Rana : hotel me jaha humne rukna hai fir kal shaam ko deal hai to waha jana hai.
Main : achhaa...

Uske baad hum dono car me khamosh bethe rhe or kuch der baad car ne humko ek bohot oonchi building ke samne utaar diya yeh ek behad shandaar hotel tha. Ander rana ke sath main hotel ke ander chala gya waha hum dono ke liye pehle se room book the. Rana mujhe shaam ko teiyaar rehne ka bolkar apne kamre me chala gya. Main bhi safar se thak gya tha isliye room me aate hi sou gya. Subah main der se utha or nashta mangwane ke baad mere pass ab karne ko koi kaam nahi tha isliye apna waqt TV dekhkar guzarne ki koshish karne lga. Lekin aaj mujhse waqt kaate nahi kat rha tha. Main akela bohot jada bore ho rha tha isliye waqt se pehle hi naha kar teiyaar ho gya or shaam ko rana ka intezaar karne laga. khair shaam ko Rana ne mera darwaza khat-khataya or iss baar uske sath kuch or log bhi the. Woh sab log mujhe badi hairani se dekh rhe the lekin mujhe kisi ka bhi chehra yaad nahi tha shayad rana sahi tha yha ke kaafi log mujhe jante the. hum sab tez kadmo ke sath Lift ki taraf badhne lage. Lift me rana ke sath khade log mujhe badi hairani se dekh rhe the. kuch der baad hum hotel se nikale or car me beth gye. car me bethne ke baad aagey jane kya hone wala hai yeh soch kar meri dil ki dhadkan kaafi tez ho gyi thi or mujhe ghabrahat si ho rhi thi isliye main paani ki bottal se baar-baar paani pee rha tha.
kuch hi der baad gaadi ek azeeb si jagah aake ruk gyi. yeh jagah bahar se kisi khandhar jaisi lag rhi thi or kaafi puraani si imaarat thi jo lagta tha ki bohot waqt se band padi ho aas-pass kafi kachra jama hua pada tha. main uss jagah ko gaur se dekhne lag gya. uske baad sab log gaadi se utar gye lekin jab main bhi gaadi se utarne lga to raana ne mujhe rok diya.

Rana : bhai aap car me hi betho.. Agar hum log 5 mint me wapis nahi aaye to aap ander aa jana or jo bhi mile mile thok dena sale ko or yaad rakhna aapko paise or druggs dono uthane hain.
Main : thik hai yaad rakhunga.

Fir woh log chale gye or main gaadi me betha hua apni ghadi me waqt dekhne laga. Ab mujhe 15 mint guzarne ka intezaar tha. maine jaldi se ek baar fir apni coat ki jeb me hath dala or pistol ko nikaal kar apne hath me pakad liya or usme se magzine nikaal kar goliyaan check ki or fir se magzine ko pistol me daal diya or apni pistol ko load kar liya sath hi dusri jeb se silencer nikaal kar pistol ki nali par laga diya taaki goli chalne ki awaz kam se kam ho. Main ander se ghabra bhi rha tha or unn logo se samna karne ke liye be-qaraar bhi tha. main kabhi ghadi ki taraf dekh rha tha kabhi uss tooti si imarat ki taraf. ab mujhse intezaar karna mushkil ho rha tha isliye maine jald baazi me gaadi ka gate khola or 10 mint hone par hi apni pistol hath me liye uss imarat me ghus gya lekin ander ghuste hi mujhe samajh nahi aa rha tha ki kis taraf jana hai kyoki waha se 3 raste nikal rhe the or andhera bhi kaafi tha kyoki raat hone lagi thi. Thoda aagey jane par mujhe samne wale raste par kuch roshni nazar aayi isliye main dewaar ka sahara leke samne wale raste ki taraf badhne laga.

waha mujhe samne 2 log nazar aaye jo meri taraf peeth karke khade the. maine apni bandook ka pehla nishana baayen taraf khade aadmi ki khopdi par lagaya or pistol ka trigger daba diya ek jhatke ke sath pistol se goli nikali or uss aadmi ke bheje se aar-paar ho gyi woh aadmi wahi zameen par gir gya. itne me dusra aadmi jo uski dusri taraf khada tha usko girta dekh kar uski taraf badha to maine apna dusra nishana uske sir me lgaya lekin woh jhuk kar thoda uper ko dekhne lga or apni garden charo taraf ghumane lga. isliye goli uske sir ki jagah uske gale me lagi jisse woh zameen par gir gya or tadapne laga. main jaldi se uske pass gya or ek goli or uske sir me maar di. Uss aadmi ke pass jana hi meri sabse badi galati thi. waha jate hi meri taraf goliyaan chalne lagi. maine jaldi se khud ko bachane ke liye deewar ke pichhe ho gya. Kuch der goliyaan chalane ke baad woh log ruk gye maine dheere se apni garden bahar nikali or unn logo ki posittion check karne lga. unme se 3 log jiss banch par druggs or paise pade the uske pichhe chhupe hue the or 2 log ek khambe ke pichhe the jin par jaha main khada tha waha se nishana lgana bohot mushkil tha. baaki rana or jo log mere sath car me yha aaye the unka koi naam-o-nishaan nahi tha.

Meri nazare rana or uske sath aye logo ko talaash kar rhi thi lekin waha koi bhi mujhe nazar nahi aa rha tha. tabhi unn logo ne fir se goliyaan chalani shuru kardi isliye mujhe fir se deewar ke pichhe jana pada. ab main uss jagah par akela tha or woh 5 log the main soch rha tha ki inko kaise khatam karu isliye apni nazar charo taraf dauda rha tha ki lekin waha mujhe kuch bhi essa nazar nahi aa rha tha jisse main unko bahar nikaal saku. tabhi mujhe khyaal aya maine zameen se ek pathar uthaya or uper band pade latakte hue pankhe par nishana laga ke jor se pathar mara. pathar ki tannnnn ki awaz se sabki nazar uper chali gyi jisse mujhe meri possition badalne ka moqa mil gya. Maine jaldi se chalaang lagakar ek khambe ke piche chala gya. yha se main sirf 2 logo par sahi nishana laga sakta tha maine jaldi se table ke niche bethe aadmi par nishana lagaya or goli chala di goli seedha uske pet me lgi or woh gir gya or tadpne laga. uske pass jo dusra aadmi woh apne sath wale ko goli lagne se shayad dar gya isliye khada hoke apne dusre sathi ki taraf bhagne laga maine jaldi se apna nishana lgaya or usko dusri taraf pohonchne se pehle hi dher kar diya. ab mujhe baaki 3 ko bhi marna tha. lekin jaha main khada tha waha se main unn tak nahi pohonch sakta tha isliye maine goliyaan zaya karna munasib na samjha or wahi khade hokar unki agli chaal ka intezaar karne lga. tabhi unme se ek ki awaz aayi...

Aadmi : oye kon hai tu sale....kyo goli chala rha hai...security officerwala hai kya...sale har baar haddi pohonchate to hain iss baar tujhe tera hissa nahi mila jo yha mooh maarne aa gya hai. sale hum sheikh sahab ke log hai or yeh maal bhi unka hai humko jane de warna teri laash ka bhi pta nahi chalega.

Main khamosh rha or chup chap unke bahar nikalne ka intezaar karne lga. woh log kuch der ese hi chillate rhe. kaafi der baad jab meri taraf se koi awaaz nahi aayi to unn logo ne fir se goliyaan chalani shuru kardi ab ki baar maine jawab me koi goli nahi chalayi or unke bahar nikalne ka intezaar karne lga. kuch der baad unme se ek aadmi khambe ke pichhe se bahar aaya or mez ke pass aake ruk gya or idhar-udhar dekhne lga. ab ki baar maine usse poora moqa diya ki woh bag ko band kar sake. fir usne apne dusre sathi ko bhi hath se ishara kiya or woh bhagta hua bandook taane meri taraf badhne lga. main yhi chahta tha maine jaldi se khambe ke pichhe se bahar nikla or sabse pehle jo meri taraf aa rha tha uske pair me goli maari woh wahi gir gya or tadapne lga itna me jo dusra aadmi mez ke pass khada usne dono bag uthaye or khambe ki taraf bhagne lga maine uski peeth me 2 goli maari woh bhi wahi gir gya ab maine apna nishana uss lete hue aadmi par lgaya jiske pair me goli lagi thi iss baar maine seedha uske maathe par goli maari. dono aadmi khatam ho chuke the or ab sirf ek aadmi bacha tha or mez ke pass hi paise wala or druggs wala bag gire pade the. is baar maine awaaz lagayi...

Main : mujhe pta hai tu akela hi bacha hai agar yha se nikalna chahta hai to nikal jaa maal ko bhoolja woh mera hua.
Woh aadmi : lekin iski kya garenty hai ki tum goli nahi chalaoge.
Main : sale main tujhe TV bech rha hoo jo garenty chahiye..... nikalna hai to nikal jaa nahi to tujhe maar kar to main yeh maal hasil kar hi lunga.
Woh aadmi : thik hai maal tum rakh lo lekin goli mat chalana.
Main : manzoor hai apni pistol phenk kar bahar aaja.

Uske baad woh aadmi ne mez ki taraf apni pistol fenk di or sir par hath rakh kar bahar aa gya. maine jaldi se thoda sa bahar nikalkar apni pistol ka nishana uske dil par lgaya or goli chala di woh aadmi bhi wahi khatam ho gya. uske baad main dheere se bahar aya or jhuk kar dheere-dheere aagey mez ki taraf badhne lga jiske pass dono bag gire pade the maine charo taraf dekha waha mujhe koi bhi nazar nahi aa rha tha isliye maine jaldi se dono bag uthaye or rana or uske logo ko dhoondhne lga lekin mujhe woh kahi nazar nahi aaye isliye main uss khandar se bahar nikal aaya. Ab maine charo taraf dekha lekin bahar bhi siwaye gaadi ke koi nahi tha. maine dono bag gadi me rakhe or car start ki taaki wapis hotel jaa saku. tabhi car ke cabinate me kisi phone ki ghanti ki awaz sunayi di jo shayad kaafi der se baj rha tha. maine jaldi se cabinate khola or phone bahar nikala or phone utha kar apne kaan se lagaya dusri taraf se jo awaz sunayi di woh jaani-pehchani si lagi. yeh to khan tha.....

Main : hallo....
Khan : haa bhai shera kya khabar hai.
Main : khan sahab mujhe rana ek deal par leke gya tha jaha ek masla ho gya hai
Khan : woh sab mujhe pta hai yeh btao dono bag kaha hai.
Main : mere pass...
Khan : unme se koi zinda to nahi bacha.
Main : nahi maine sabko khatam kar diya...
Khan : achha kiya.... ab tum yha se apne hotel chale jao jaha tum ruke hue ho.
Main : lekin rana or uske log jane kaha chale gya hain maine unko sab jagah dhoondh liya hai koi bhi nahi mila mujhe.
Khan : koi baat nahi unko maine hi bola tha ki nikal jane ko waha se.
Main : thik hai fir ab mere liye kya hukum hai.
Khan : tum bas apne hotel jao or kal raat tak intezaar karo rana khud hi tumhare pass aa jayega... wese tumhara nishaana bohot achha hai.
Main : shukriya... wese aapko kaise pta ki mera nishana acha hai.
Khan : main tumse door jarur hoo lekin tumhari pal-pal ki khabar mere pass pohonchti hai or wese bhi yeh to poore underworld me mashoor hai ki shera ka nishana kabhi nahi chookta... nahi to pehli baar hathiyaar uthane wala aadmi dhang se goli bhi nahi chala sakta or tumne sabko 8 goli me hi khatam kar diya. yeh jaan kar achha lga ki tumhara nishana ab bhi jabardast hai.
Main : shukriya.... janab yeh paise or druggs ka kya karna hai.
Khan : abhi tum isko apne pass hi rakho hotel me jab kal raat ko rana aayega to usko de dena or tum ab meri ijajat ke bina hotel se bahar mat jana yeh phone bhi mujhse baat karne ke baad tod dena samajh gye.
Main : thik hai.

Uske baad khan ne phone band kar diya or maine uss phone ko wahi todkar phenk diya fir main wapis hotel me aa gya. ab mujhe agle din tak sirf intezaar karna tha kyoki or koi kam mere pass karne ko nahi tha. main bahar bhi nahi jaa sakta tha kyoki khan ne mujhe bahar jane se mana kiya tha. ese hi maine agla sara din sirf TV dekh kar or sou kar hi guzara. Agli shaam ko kisi ne mere room ka darwaza khat-khataya to maine jaldi se pehle apni pistol nikali or usko apni kamar ke pichhe taang liya or ahista se darwaza khol diya samne rana khada tha jiske sath 2 or aadmi the.

Main : tum ho... yaar kal kaha chale gye the kuch btaya bhi nahi.
Rana : bhai khan sahab ka order tha ki agar woh log kuch naatak kare to paise wahi chhodkar chale jana.
Main : thik hai
Rana : bhai woh dono bag kaha hai.
Main : (ungali se ishara karte hue) bed ke niche pade hai nikaal lo.
Rana : (jhuk kar bed ke niche dekhte hue) thik hai.... bhai aap jaldi se teiyaar ho jao abhi nikalna hai.
Main : ab kaha jana hai.
Rana : (dono bag bahar nikalte hue)bhai woh log jinka yeh maal hai woh uss aadmi ka chehra dekhna chahte hain jisne unka maal loota tha or unke log maare the.
Main : matlab mujhe... kuch gad-bad to nahi hogi.
Rana : bhai fikar mat karo aapke hi purane sathi hain aapko kya hona hai. wese bhi sheikh sahab ka maal har koi nahi loot sakta.
Main : to kya main ab sheikh sahab se milne wala hoo.
Rana : nahi bhai abhi to aapko bas lala bhai or gaani bhai hi milenge.
Main : thik hai... jana kaha hai
Rana : aapke purane club me jana hai bhai
Main : thik hai

Uske baad main jaldi se bathroom me gya or teiyaar ho ke bahar aa gya. Fir main rana or baaki woh 2 log car me beth kar nikal pade. kuch der baad car parking wali jagah par rok di gyi or hum sab bahar nikal aaye. rana mujhe ek ajeeb si jagah leke gya jaha bohot tez music baj rha tha. hume waha khade 2 logo ne dusre gate se ander jaane ka ishara kiya to hum log dusri taraf se ander chale gye. waha gate par hum sabki achhe se talashi lee gyi or meri pistol wahi bahar hi nikaal lee gyi. Ab mujhe sach me darr lag rha tha kyoki ab hum me se kisi ke pass bhi hathiyaar nahi the. badhte hue har kadam ke sath mere dil ki dhadhkan bhi badh rhi thi. Lekin rana ek dam khush or bohot sukoon se muskurata hua chal rha tha jaise kuch hua hi na ho. hum logo ke pichhe 4 log guns liye chal rhe the unhone hume ek cabin me bitha diya jiske samne wali kursi khaali padi thi. hum charo apne samne padi kursiyo par beth gye. Main kamre ko dekhne lga jo kaafi shandaar tareeke se sajaya gya tha uski har chij kaafi keemti lag rhi thi. tabhi rana ki awaaz aayi...

Rana : bhai ab sab aapke uper hi hai sambhaal lena.
Main : bhenchod woh jo bahar tera baap khada tha usne meri pistol le lee hain ab inko kya main table kursi se sambhalunga chutiye....
Rana : bhai aapke hath jodta hoo yha hath mat uthana nahi to bohot masla ho jayega hum me se koi bhi zinda bahar nahi jayega.
Main : to sale yha meri kya qurbani dene ke liye laya hai mujhe.

Tabhi pichhe se cabin ka gate khula or 5-6 log ander aaye jinhone hum sabke sir par bandook taan di isliye hum sab log hath uper karke apni-apni jagah se khade ho gye. main abhi soch hi rha tha ki inko kaise sambhalu ki tabhi dubara cabin ka darwaza khula or 2 or log ander aa gye inko main pehle dekh chuka tha yeh lala or gaani the jo sheikh ke hotels or clubs sambhalte the. woh dono shayad bhaag kar aaye the isliye unki saans phooli hui thi. Aate hi woh dono mujhe bade gaur se dekhne lage or mere pass aake mere sir par lagi bandook ko jhatke se udhar kar diya or jisne mere sir par bandook taan rakhi thi usko thappad maar kar gaaliyaan dene lage....

Gaani : bhenchod itna bhi nahi pta apne logo par bandook nahi taante yeh to apna bhai hai shera (mujhe gale lagate hue)
Lala : (mere kandhe par hath rakhte hue) oye tu kaha tha yaara itne waqt se hum sab ne tujhe kitna dhoondha. japani to tere pichhe pagal sa hua pada tha sheikh sahab bhi pareshaan ho gye the humne to socha tu mar muk gya hoga.
Gaani : kya hua yaar tu humko ese kyo dekh rha hai.
Rana : maine apna vaada poora kiya ab maal main rakh sakta hoo.
Lala : oye tu nahi janta tune humko hmari taqat de di hai jaa rakh le sheikh sahab ka inaam samajh kar.
Gaani : Rana ruk oye... tune btaya nahi hmara maal lootne ki himmat kisne ki thi.
Main : maine....
Lala : oye tune.... wahi main soch rha tha yeh sher ka shikaar kon khaa gya.
Main : sher ka shikaar sirf shera hi khaa sakta hai.
Gaani : sach kaha yaar tune....lekin yaar tu itne waqt tak tha kaha par.
Rana : bhai jaan inko pichhla kuch bhi yaad nahi hai yaddasht ek dam saaf ho chuki hai.
Lala : tujhe yeh mila kaha par yeh bta.
Main : kuch maheene pehle main ek gareeb kisaan ko mila tha adhmari or jakhmi haalat me jinhone naa sirf mujhe bachaya balki meri marham patti bhi ki magar jab tak mujhe hosh aya to mujhe kuch bhi yaad nahi tha. (maine unko wahi btaya jo khaan ne mujhe kehne ko bola tha)
Gaani : yaar kaha rehta hai woh gareeb kisaan humko bta uska ghar bhar denge noto se jisne hmara yaar humko lauta diya uski 7 pushto ko kaam nahi karna padega.
Rana : woh ab iss duniya me nahi rhe bhai jaan. isliye yeh shehar aaye the kaam ki talaash me mere ek aadmi ne inko pehchaan liya to humne inko apne sath kaam par laga liya.
Lala : (Rana ko dhakka dete hue) oye bhenchod tuuuu kaam dega shera ko... sale aukaat kya hai teri... 2 takke ka dealer hai. gaani thok de iss madarchod ko.
Rana : (lala ke pair pakadte hue) maafi bhai jaan main to bas inko aap tak hi pohonchana chahta tha or kuch nahi.
Gaani : tera maksad neq tha lekin tune hmara maal lootne ki or hmare aadmi marwane ki galati kaise ki isko to kuch yaad nahi hai lekin tu to sab janta tha naa.
Lala : (mujhe cabin se bahar leke jate hue) chal aa bhai tujhe teri asal jagah dikhau isko gaani sambhal lega.
Main : pehle isko jane do isne kuch nahi kiya unn logo ko maine maara tha.
Gaani : thik hai bhai tu kehta hai to maaf kiya (rana ko laat marte hue) chal bhaag jaa bhosdi ke or dubara nazar mat aana mujhe... iss baar tu shera ki wajah se bach gya agli baar hmare maal par hath daalne ke baare me socha bhi yaad rakhna jo bakshna jante hain woh jaan lena bhi jante hain.
Rana : (mere pair pakadte hue) aapka bohot-bohot shukriya shera bhai.
Main : chal jaa yhaa se.
Lala : yaar gaani tu shera ko leke chal main yeh khush khabri abhi sabko deke aata hoo.

Uske baad main or gaani cabin ke bahar club me uper aa gye. jaha ek kaanch ke glass se niche ka tamaam nazara dikhayi de rha tha. main uss kaanch ke pass khada hoke niche nachte ladke-ladkiyo ko dekhne lga jo music ki rhythem par thirak rhe the.

Gaani : (sharab ka glass meri taraf karte hue) yeh le bhai tere milne ki khushi me
Main : nahi shukriya main peeta nahi hoo.
Gaani : (hairaan hote hue) oye mere daaru ke tanker teri tabiyat to thik hai tu to koorli bhi daaru se karta tha tujhe kya ho gya yaar.
Main : mujhe kuch yaad nahi hai or main jab se thik hua hoo tab se maine daru ko hath tak nahi lagaya isko peena to door ki baat hai.
Gaani : thik hai bhai teri marzi.... wese kya dekh rha hai niche.... koi patola (sunder ladki) pasand aaya hai to bta utha lete hain sali ko.... (mere kandhe par hath markar haste hue)
Main : nahi yaar main to ese hi dekh rha tha (muskurate hue)

Tabhi lala bhi waha aa gya.

Lala : Bta mere yaar kya sewa kare teri... oye tera hath abhi tak khaali hai yaar gaani daaru de bhai ko.... itni muddat baad apne gareeb khane me aya hai shera.
Gaani : (naa me sir hilate hue) sahab ne chhod di hai yaar
Lala : hainnnn..... oye sachi... zra mooh idhar karna shera...hahahahahaha
Main : haa main daaru nahi peeta
Lala : bhai sher khoon naa peeye to hum maan sakte hain lekin shera daru na piye yeh baat to hmari bhi samajh se bahar hai... kya yar uss budhe ne hmare yaar ka beda-gark kar diya hai.
Main : dubara uss bujurg ke liye kabhi galat lafz mat nikalna.... uss insaan ne mujhe nayi jindagi di hai samjhe...
Gaani : arre yaar gussa kyo hota hai bhai lala to mazaak kar rha tha chal ab nahi bolega jane de... maaf kar de yaar.
Lala : (kaan pakad kar uthak-bethak nikalte hue ) leh bhai basssss

Tabhi ek aadmi waha aaya or usne gaani ke kaan me kuch kaha or chala gya.

Gaani : yaar shera tujhe japani or sooma bula rhe hain.
Main : kaha par...
Gaani : wahi.... yaar teri purani man-pasand jagah par or kaha....
Lala : tu bhi naa gaani yaar usko kuch yaad nahi hai or tu laga hai apni chawal maarne. (meri baaju pakadte hue) chal bhai main tujhe leke chalta hoo.
Main : thik hai chalo lekin yaar meri gun to wapis kar do tumhare admiyo ne talashi lete hue nikaal lee thi. (haste hue)
Gaani : arre yaar itni si baat yeh le tu mera ghoda (gun) rakh le maine kal hi naya khareeda hai agar pta hota tu aa rha hai to tere liye bhi ek essi mangwa leta.
Main : nahi yaar tune apne liye mangwayi hai to main yeh nahi le sakta isko tu hi rakh.
Gaani : arre yaar kya ladki jaise naatak kar rha hai yeh le rakh chala ke dekhna ek dam makhan hai makhan repid fire hai german automatic 12 round hai jab tak samne wala ki ek goli nikalegi teri 6 goliyaan nikal chuki hongi.... yeh le rakh (jabardasti meri belt me phasate hue)
Main : Shukriya gaani bhai....
Gaani : oye yeh shareefo ke chonchale kaha se seekh kar aya hai yaar chal idhar aa yaaro ko shukariya ese bolte hain... (mujhe gale lagate hue)
Lala : agar tumhara laila majnu ka romance khatam ho gya ho to hum log chalen.
Main : ha...ha...chalo....

Uske baad main or lala dono car me beth kar nikal pade. kuch hi der me lala mujhe abaadi se nikaal kar essi jagah le gya jaha na to koi oonchi building thi na ho koi chaka-chondh thi. rasta ek dam sunsaan tha andheri raat apne poore shabaab par thi. sirf head light hi thi jiski roshni se hume samne ka nazar aa rha tha warna aas-pass kahi koi abaadi nahi thi isliye mujhse rha nahi gya or maine puch liya...

Main : lala hum kaha jaa rhe hain?
Lala : bhai tumko btaya to tha ke japani or sooma bhi tujhse milna chahte hain.
Main : or kitna door hai....
Lala : bas 15 mint aankh band karke beth or samajh pohonch hi gye (gaadi ki speed badhate hue)

Kuch hi der me gaadi apni full speed par thi essa lag rha tha jaise gaadi daud nahi rhi balki udd rhi hai lala ek dam mere jaise gaadi chala rha tha. Shayad isliye mujhe bhi essi tez gaadi chalane ki aadat thi. lala ne 15 mint se bhi kam waqt me ek basti me gaadi ko ghusa diya jaha galiyaan behad tang thi log sadko par hi beth kar apna samaan bech rhe the lala ko or mujhe dekh kar sab log hairaan ho rhe the or hath utha kar mujhe salaam kar rhe the mujhe bar-bar sabke salaam ka jawab dena pad rha tha isliye jab tak gaadi uss gali se guzarti rhi maine apna hath hawa me utha kar hi rakha. Kuch hi der me ek essi jagah lala ne gaadi rok di jo bahar se dekhne me kisi godown jaisa lag rha tha lekin ander se bohot shor aa rha tha. main bade gaur se uss jagah ko dekhne laga mujhe jane kyo woh jagah mujhe jaani-pehchani si lag rhi thi.

Main : lala yeh konsi jagah hai...
Lala : chal bhai tujhe mardo wala khel dikhata hoo (car rokte hue)
Main : (car ka gate kholte hue) chal....

Uske baad main or lala uss jagah ke ander chale gye waha bohot jaada bheedh thi yha tak ki sahi se khade hone ki bhi jagah nahi thi log ek dusre par chadh rhe the itna boora haal tha tabhi lala ne apni jeb se phone nikala or kisi ko phone kiya....
Lala : hallo....bhenchod bulaane se pehle yeh to bta deta ki yha daba ke maarna hai humko....
Lala : haa sath hi aya hai...yaar kaha se aaye yha pair rakhne ki jagah nahi hai....
Lala : sala isi liye main yha aata nahi hoo....
Lala : achha thik hai....
Lala : ok bhai 5 mint me milte hain basss

Uske baad usne phone kaat diya.....

Lala : chal bhai shera iske bich me se hi nikalna padega.... janta hai teri or japani ki yeh manpasand jagah hai tum dono sara din yhi pade rehte the.... (haste hue) yaar tu yha sara din rehta kaise tha mujhe to yeh samajh nahi aa rha yeh bheedh me nikalte hue meri to jaan nikal jayegi tu pta nahi kaise jata tha.

Lala ki yeh baat sunkar jane mujhe essa kyo laga ki main pehle bhi hawa me fire nikaal kar rasta saaf kar chuka hoo isliye maine foran lala se keh diya...

Main : tu bole to rasta main saaf karu....
Lala : (hairaan hote hue) kaise....
Main : (apni gun nikalte hue) tu bas dekhta jaa...

Main uss gate ke samne jake khada ho gya or sab log shor macha rhe the koi jane ka rasta nahi de rha tha maine 2-3 baar awaaz lagayi lekin koi nahi suna isliye maine gun ko hawa me uper uthaya or ek fire nikaal diya. sabki nazar pichhe meri taraf dekhne lagi or mujhe dekhte hi sab ne hath utha kar shera.... shera.... shera.... karne lage or mere liye rasta chhod diya maine palatkar lala ki taraf dekha or bas muskura diya. jawab me woh bhi mujhe dekh kar muskuraya or mere kandhe par thapki marte hue mujhe shabashi dene laga. uske baad maine jaise hi chalna shuru kiya waha par kuch log ne hawa me apni bandooke taan lee or goliyaan chalani shuru kar di sath saari bheedh mere naam ka naara buland karne lagi. Main or lala jab aagey gye to samne mujhe ek bada sa pinjra nazar aaya jisme 2 log apas me lad rhe the. aagey jaate hi mere or lala ke liye waha bethe logo ne kursiyaan khaali kardi or sab log waha mera haal-chal puchhne lage hum dono waha kursi par beth kar unn dono ladne wale aadmiyo ka match dekhne lage. Jane kyo mujhe yha aake ek ajeeb si khushi ho rhi thi jaise mujhe gaav jate khushi hoti thi mujhe essa lag rha tha jaise main apne ghar hi aa gya hoo.
Like Reply


Messages In This Thread
Ahsaan ( by Storyking ) - COMPLETE - by hirarandi - 03-12-2019, 04:15 PM
RE: Ahsaan ( by Storyking ) - by hirarandi - 03-12-2019, 04:16 PM
RE: Ahsaan ( by Storyking ) - by hirarandi - 03-12-2019, 04:17 PM
RE: Ahsaan ( by Storyking ) - by hirarandi - 03-12-2019, 04:17 PM
RE: Ahsaan ( by Storyking ) - by hirarandi - 03-12-2019, 04:18 PM
RE: Ahsaan ( by Storyking ) - by hirarandi - 03-12-2019, 04:20 PM
RE: Ahsaan ( by Storyking ) - by hirarandi - 03-12-2019, 04:22 PM
RE: Ahsaan ( by Storyking ) - by hirarandi - 03-12-2019, 04:22 PM
RE: Ahsaan ( by Storyking ) - by hirarandi - 03-12-2019, 04:49 PM
RE: Ahsaan ( by Storyking ) - by hirarandi - 03-12-2019, 04:49 PM
RE: Ahsaan ( by Storyking ) - by hirarandi - 03-12-2019, 04:51 PM
RE: Ahsaan ( by Storyking ) - by hirarandi - 03-12-2019, 04:53 PM
RE: Ahsaan ( by Storyking ) - by hirarandi - 03-12-2019, 04:53 PM
RE: Ahsaan ( by Storyking ) - by hirarandi - 03-12-2019, 04:54 PM
RE: Ahsaan ( by Storyking ) - by hirarandi - 03-12-2019, 04:55 PM
RE: Ahsaan ( by Storyking ) - by hirarandi - 03-12-2019, 04:57 PM
RE: Ahsaan ( by Storyking ) - by hirarandi - 03-12-2019, 04:58 PM
RE: Ahsaan ( by Storyking ) - by hirarandi - 03-12-2019, 04:58 PM
RE: Ahsaan ( by Storyking ) - by hirarandi - 03-12-2019, 04:59 PM
RE: Ahsaan ( by Storyking ) - by hirarandi - 03-12-2019, 05:00 PM
RE: Ahsaan ( by Storyking ) - by hirarandi - 03-12-2019, 05:02 PM
RE: Ahsaan ( by Storyking ) - by hirarandi - 03-12-2019, 05:02 PM
RE: Ahsaan ( by Storyking ) - by hirarandi - 03-12-2019, 05:03 PM
RE: Ahsaan ( by Storyking ) - by hirarandi - 03-12-2019, 05:05 PM
RE: Ahsaan ( by Storyking ) - by hirarandi - 03-12-2019, 05:08 PM
RE: Ahsaan ( by Storyking ) - by hirarandi - 03-12-2019, 05:08 PM
RE: Ahsaan ( by Storyking ) - by hirarandi - 03-12-2019, 05:09 PM
RE: Ahsaan ( by Storyking ) - by hirarandi - 03-12-2019, 05:10 PM
RE: Ahsaan ( by Storyking ) - by hirarandi - 03-12-2019, 05:11 PM
RE: Ahsaan ( by Storyking ) - by hirarandi - 03-12-2019, 05:11 PM
RE: Ahsaan ( by Storyking ) - by hirarandi - 03-12-2019, 05:12 PM
RE: Ahsaan ( by Storyking ) - by hirarandi - 03-12-2019, 05:12 PM
RE: Ahsaan ( by Storyking ) - by hirarandi - 03-12-2019, 05:13 PM
RE: Ahsaan ( by Storyking ) - by hirarandi - 03-12-2019, 05:14 PM
RE: Ahsaan ( by Storyking ) - by hirarandi - 03-12-2019, 05:14 PM
RE: Ahsaan ( by Storyking ) - by hirarandi - 03-12-2019, 05:15 PM
RE: Ahsaan ( by Storyking ) - by hirarandi - 03-12-2019, 05:16 PM
RE: Ahsaan ( by Storyking ) - by hirarandi - 03-12-2019, 05:17 PM
RE: Ahsaan ( by Storyking ) - by hirarandi - 03-12-2019, 05:18 PM
RE: Ahsaan ( by Storyking ) - by hirarandi - 03-12-2019, 05:19 PM
RE: Ahsaan ( by Storyking ) - by hirarandi - 03-12-2019, 05:20 PM
RE: Ahsaan ( by Storyking ) - by hirarandi - 03-12-2019, 05:21 PM



Users browsing this thread: 1 Guest(s)