Fantasy Choti si Bhool By Mr. Jatin ( COMPLETE )

[hirarandi]

Date : 24-08-09
2:00 pm
kal shaam ko main bahut bechain tha. ritu ke karib rahne ki itni aadat ho gayi hai ki ek ek pal ushke bina mushkil se beet raha tha. phir mujhe ushki chinta bhi ho rahi thi ki vo kaisi hai. subah jab main ushe ushke ghar chhod kar ghar se baahar nikla tha to ushne bade pyar se peeche mud kar meri aur dekha tha. abhi tak vo moment meri aankho mein ghum rahi hai. ajeeb hota hai ye pyar bhi, har vakt dil ko bechain rakhta hai.
subah se shaam ho gayi par ritu ka koyi phone nahi aaya. Main ushka phone try kar raha tha to baar baar switched off aa raha tha. Dil bahut bechain ho raha tha. main ushke ghar jaana chaahta tha, par ye soch kar ruk gaya ki kahin koyi ladaayi jhagda na ho jaaye aur bani banaayi baat bigad jaaye.
koyi 8:30 baje ritu ka phone aaya
“kaha thi tum mujhe kitni chinta ho rahi thi” — maine pucha
“sorry jatin, phone ki bettery khatam ho gayi thi, aur main yahaan baato mein uljhi huyi thi, tum theek to ho. Sonu ne badi jor se hokey maari thi na. I am sorry for that jatin” —– ritu ne kaha
maine kaha, “main apne ghar par hun, jaan tum meri chinta mat karo aur bataao ki kya huva”
“jatin, sab theek hai, chinta ki koyi baat nahi hai, abhi main busy hun, koyi ek ghante main tumhe phone karti hun, theek hai, mera wait karna araam se baat karenge….ok” —– ritu ne kaha
maine kaha, “theek hai jaan, tum chinta mat karo, araam se phone karna”
“theek hai phir main thodi der mein aati hun”
—– ritu ne kaha
ye kah kar ritu ne phone kaat diya
aur phir jeendagi ka vo khubsurat lamha aaya jishki yaad jeendagi bhar mere saath rahegi. Main shaayad sab kuch bhul jaaun par vo lamha kabhi nahi bhula paaunga
koyi 9:30 par mere ghar ki bell baji
maine darvaaja khola to, khusi ke maare meri aankhe bhar aayi
mere saamne meri dulhan khadi thi, aur bade pyar se meri aur mushkura rahi thi.
“kya baat hai pati dev, ander nahi aane doge kya” —– ritu ne pucha
“tum yahaan kaise pahunch gayi jaan, tum to kah rahi thi ki main ek ghante baad phone karungi” —- maine khusi mein jhum kar pucha
“saari baat yahi karoge ya phir ander bhi bulaaoge” —- ritu ne pucha
“ruko tum pehli baar ghar aayi ho, aur main apni dulhan ko pure riti rivaaz se ghar mein parvesh karaaunga”
main itna khus tha ki mujhe kuch samajh nahi aa raha tha ki main kya karun. Maine pura ghar chaan maara par sawaagat karne ke liye kuch nahi mila. bahut dino baad ghar aaya tha, ishliye kuch milna mushkil tha.
main vaapas darvaaje par aa gaya. Shaayad ritu meri uljhan samajh gayi aur boli, “kya baat hai jatin, tum kishi baat ki chinta mat karo, main aa rahi hun”
maine kaha,“ nahi ruko to”
main ritu ke paas aa gaya aur bola, “jaan ghar mein tumhaare swaagat ke liye kuch nahi hai, lekin mein tumhaare kadmo mein apna dil beecha raha hun, tum mere dil par paanv rakh kar ghar mein parvesh karo”
ye kah kar main ritu ke kadmo mein late gaya
“jatin ye kya kar rahe ho tum, ish sab ki koyi jaroorat nahi hai, chalo utho yaha se” —- ritu ne jhuk kar mujhe uthaate huve kaha
“nahin jaan meri jeendagi ka ye khubsurat ahsaash mujh se mat chino, main ye din yaadgaar banaana chaahta hun” —– maine kaha
“tum nahi maanoge” —- ritu ne kaha aur mushkuraate huve mere dil par halka sa paanv rakh kar ghar mein daakhil ho gayi
“haan to pati dev ab utho aur ye darvaaja band kar lo” —- ritu ne kaha
“tum to bahut halki ho jaan, dil par kuch asar hi nahi huva” —- maine kaha
“ye tumhe abhi pata chala, roj mujhe godi mein utha kar ghumte ho, tab ye ahsaash nahi huva kya” — ritu ne mushkura kar pucha
maine uth kar darvaaja band kiya aur ritu ko baahon mein bhar kar kaha, “Tumne aaj mujhe bahut bada gift diya hai, yahaan aakar, pata hai mai tumhe bahut miss kar raha tha”
“main bhi tumhe miss kar rahi thi jatin” —- ritu ne kaha
“acha bataao to sahi ki kya huva ghar par aur chintoo kahaan hai” —– maine pucha
“jatin papa ne mujh se koyi baat nahi ki haan maine mammi aur sonu ko sab kuch samjha diya hai. mammi kah rahi thi ki vo khud papa ko samjha lengi ushke baad shaanti se chintoo ko ley jaana. Sonu hi mujhe apni car mein yahaan tak chhod kar gaya hai, vo sorry mahsush kar raha tha, kah raha tha ki baad mein shaanti se tumse milega. Bas ab papa ki baat hai, ishliye maine chintoo ko abhi laane ki zid nahin ki. main bhi yahi chaahti hun ki sab shaanti se ho jaaye. Main khus hun ki mammi aur sonu ab mere saath hain. Papa mujhe bahut pyar karte hain, mujhe yakin hai ki vo bhi jaldi hi samajh jaayenge. Ab lagta hai ki meri jeendagi mein shaanti hai aur sab kuch theek hone wala hai”