Fantasy Choti si Bhool By Mr. Jatin ( COMPLETE )

[hirarandi]

“ritu vo sab to theek hai, par jab tak tum khud ko maaf nahi karogi, tab tak yu hi pareshaan rahogi. Apni galti ko maan-na alag baat hai par hum hamesha ush galti ko sar par dho kar nahi chal sakte. Aaj jeendagi ek khubsurat mod par hai. chaaro aur hamaare pyar ki mahak faili huyi hai. sab kuch bhula kar ish pyar ki mahak mein kho jao. Shaanti se apne chaaro aur dekho ek hasin jeendagi hamaara intezaar kar rahi hai” —- maine kaha
“main samajh rahin hun jatin. Jab se tumse shaadi huyi hai, maine khud ish pyar ki mahak ko apne chaaro aur mahsush kiya hai. mera yakin karo main khud ko ish pyar par luta dena chaahti hun. kal jab tum mujhe godi mein utha kar bade pyar se yaha bedroom mein laaye the to main man hi man khud ko tumhaare liye taiyaar kar rahi thi. main soch rahi thi ki tumhaare kadmo mein aaj apna pyar beecha dungi. par na jaane kyon ushi vakt papa ki kahi baate jo unhone shaadi vale din phone par kahi thi mere kaano mein gunjne lagi. yaad hai na tumhe ki vo kah rahe the ki vo chintoo ko hum paapiyon ke paas nahi bhejenge. Ishliye mera sharir jakad gaya aur main zeenda laash ban kar rah gayi. jatin main tumhaari patni hone ke saath saath ek ma bhi hun. mujhe apne bete ki bahut yaad aati hai.” —— ritu ne bade hi bhaavuk andaaz mein kaha
maine aage badh kar ritu ke maathe ko chum liya aur kaha, “ohh jaan, mujhe bhi chintoo ki chinta hai. mujhe nahi pata tha ki tum ushe ley kar itna pareshaan hogi”
ritu rote huve mere gale lag gayi aur bhaari man se boli, “jatin, main roj papa ka phone try karti hun, par vo mera phone kaat dete hain. Mammi aur sonu bhi mujh se koyi baat nahi kar rahe. samajh nahi aata ki main kya karun, kya nahin. Main kaise apne bete se milun”
“hmm….. aisa karte hain hum delhi chalte hain. Ushe khud yaha ley kar aayenge” ——- maine pyar se kaha
“nahin jatin apne ghar walo ka saamna karne ki himmat mujh mein nahi hai, vo mujhe bahut galat samajh rahein hain” —– ritu ne kaha
“jeendagi mein ish baat se farak nahi padta ki log aapko kya samajhte hain, farak padta hai to ish baat se ki aap khud ko kya samajhte hain. Ish pyar ki laaz rakho jaan aur sar uncha rakh kar aage badho. Tumhaara aisa behaviour ish pyar ka apmaan hai” —- maine kaha
“to tum hi bataao ki kya karun main” — ritu ne pucha
“jao aur apne bete ko apne saath ley aao” —- maine kaha
“kya tum mere saath chaloge” —– ritu ne pucha
“kyon nahi jaan, maine abhi kaha to tha ki, delhi chalte hain, chintoo ab mera beta hai. main abhi flight book kra kar aata hun ” —- maine kaha
“arey ruko mera credit card kab kaam aayega, yahi laptop se book kar lenge” —- ritu ne kaha
“nahin tum apna credit card apne paas rakho apna ghar main khud sambhaalunga, 10 minut lagenge abhi ticket ley kar aata hun” — maine kaha
“tum mera koyi kharcha nahi hone dete, mera paisa bhi to tumhaara hi hai” —- ritu ne kaha
“vo to theek hai jaan lekin main apne parivaar ki saari zimmedari khud uthaana chaahta hun” —- maine kaha
“theek hai main dinner taiyaar karti hun, jaldi aana, hum khaana kha kar dher shaari baate karenge” — ritu ne kaha
main ticket ley aaya. Subah 7:30 ki flight thi.
hum dono raat bhar baate karte rahe. Man mein yahi sawaal tha ki ritu ke ghar jab hum jaayenge to ushke parents kaise react karenge. Baate karte karte hum peechli raat ki tarah ek dushre ki baahon mein sho gaye.