BECHARA-DIL-KYA-KARE ~ Monika

[monikat]

chapter-6 #updatee-18
"aap meri baat sun bhi rahe hai ya nahi.....???????" pratap se koi jawab na pakar chetna ne pucha.
Pratap joki is waqt paper me chhapi news ko padh kar hairan tha achanak se chaukta hua bola- "kya hua???"
.
"kya hua????" chetna ne pratap ki baat dohara di. Iske baad dono ke beech thodi der khamoshi rahi. Chetna lagataar pratap ki aankho me dekh rahi thi jabki chetna ki taraf dekh kar pratap ko baar baar renuka ke saath bitayi wo raat yaad aa jaati, aur us raat ki yaad aate hi pratap ko apne aap par bahut gussa aata. Pratap nischit hi chetna se pyar karta tha aur ab use lag raha tha ki usne chetna ko dhokha diya. Isiliye pratap , chetna ki aankho me nahi dekh paa raha tha.
.
"jab se aap vapas aaye hai aap mujhe ignore kar rahe hai!!!!!!" aakhir chetna ne khamoshi todte hue kaha.
Ek baar phir dono ke beech khamoshi chhaa gayi.
.
"jaane se pahle maine aapko ek letter diya tha, aapne uska jawab nahi diya" is baar bhi khamoshi chetna ne hi todi. 
"chetna, hum baad me is matter par baat karege. Abhi aap college jao" pratap ko taal-te hue kaha. Jabki sach ye tha ki pratap bhi chetna se pyaar karta tha lekin renuka aur pratap ke beech jo bhi hua tha, us ke kaaran pratap ko dar tha ki kahi renuka bhi us se pyaar na karne lagi ho!!!!! Isiliye chetna se apne pyaar ka ijhaar karne se pahle pratap ek baar renuka se baat karna chahta tha. 
.
Pratap ek baar phir paper me chhapi news ko padhne laga ya phir ye kahe ki chetna ki najro ka saamna karne se bachne ke liye pratap news paper padhne ka dhong kar raha tha.
.
Chetna , pratap se bahut pyar karti thi aur jab us ne dekha ki pratap uske taraf dhyaan nahi de raha to uski aankho me aansu aa gaye. Is duniya sabse mushkil samay tab hota hai jab aapka premi ya premika aapke saamne ho aur phir bhi wo aap se baat na kar raho ho aur baat na kar paa raha ho. (Lekin ye feelings wahi samjh sakta hai jisne kabhi pyaar kiya ho. Warna baaki logo ko to ye ya to pagalpan lagta hai ya chutiyapa.)
.
Chetna ki aankh se nikla aansu seedhe jaakar pratap ke news paper par jaa gira. Pratap ne najar upar ki to use chetna ki aankho me aansu dikhayi diye. Ab aur jyada bardast karna Chetna ke bas me nahi tha wo roti hue apne kamre ke taraf bhaag gayi. 
.
Pratap ne jab chetna ki aankho me aansu dekhe to use laga jaise kisi ne uske dil me khanjar chhubha diya ho. Chetna ki inhi "masti aur shaitaani bhari" aankho ko dekh kar pratap us se pyaar karne laga tha aaj uski vajah se chetna ki aankho me aansu the. Pratap ne news paper side me fenka aur wo bhi bhaagte hue chetna ke room par pahucha. 
.
Chetna apne bistar pet ke bal lete hue ro rahi thi. "sorry chetna, mera iraada tumhe dukhi karne ka nahi tha" pratap ne kaha. Pratap ki baat sun kar chetna uth kar baith gayi lekin usne pratap se kuch kaha nahi. Pratap ne kaafi der tak chetna ko manane ka prayas kiya lekin chetna nahi maani, usne ek bhi lafj apne labo se nahi nikala.
.
Aap kuch bhi sahan kar sakte hai lekin apne lover ka udaas chehra nahi sahan kar sakte. Is samay pratap ke liye chetna ki smile se jyada koi bhi keemti cheej nahi thi. Isi ko to pyaar kahte hai na??
.
"jab tab aap humse baat nahi karegi hum isi tarah kaan pakad kar uthak baithak lagaate rahege, aapke aankho me aansoo laane ke liye yahi humari saja hai" pratap ne kaha aur apne kaan pakad liye.
.
35 years ka pratap is samay 19 years ki chetna ke saamne kaan pakad kar khada tha. "" Pratap ko is tarah khada dekh chetna ki hasi nikal gayi. Aur chetna ko hasta dekh pratap ka bhi dil khush ho gaya.
.
"ab aap khush hai na??" pratap ne pucha. "nahiiii" chetna ne kaha. "lekin kyu???" pratap hairaan tha ki ab kya hua.
"kyuki humne aapse apne pyaar ka ijhaar kar diya hai lekin aapne apne dil ke jajbaat hume nahi bataye" chetna ne kaha.
"hum bhi aapse pyaar karte hai" pratap ne turant jawab diya. 
"aise nahi aaj raat 12 baje mai aapko L.P. le chalugi waha aapko ek lover ki tarah mujhe propose karna hoga" chetna ne kaha.
"raat ke 12 baje???? Aur ye L.P kya hai??" pratap ne pucha.
" L.P matlab lovers point" chetna ne sharmaate hue jawab diya.