22-11-2019, 10:49 AM
నన్ను కావలించుకుని ఆక్రమించుకున్నాడు. మా కాళ్ళు చీకట్లో మెలికలు పడుతున్నాయి.
"వొదులు మీరా! ఇంక రాను - వుండు నాకు నిద్ర వొస్తోంది."
ముందుకు లాగాడు. నేను తూలాను. కాళ్ళు తొక్కుకుని నేను కింద పడ్డాను; సగం ఇసుకలో సగం నీళ్ళలో, ఎక్కడో చీకటి, నిద్ర అలసట. ఇంక నడవక్కర్లేదు. అంతేచాలు. నా పక్కనే, సగం, నామీద, సగం నా పక్కన మీరా పడ్డాడు. అతనిమీద ఒక చెయ్యి వేసుకుని కళ్లు మూసుకున్నాను.
"లే, వెడదాం, లే."
"ఎక్కడికి మీరా?"
"ఎక్కడికో"
"నేను రాలేను. నేను రాను. వుండు నాకు నిద్ర వొస్తుంది."
"రావూ. రావూ? ఇంకా వాడి దగ్గర వుంటావా? నేను వుండనిస్తానా? నా దానివి?"
ఇది మీరాయేనా? నాకు తెలీదు. శక్తిలేదు. మీరా మాట్లాడుతున్నాడు. మీరా నన్ను లోబరచుకుంటున్నాడు.
"వాడేనా? వాడిదానివేనా నువ్వు? సొంతం సంపాయించాడు పాపం?"