22-11-2019, 10:36 AM
"అమీర్ని వొదిలెయ్యనా, వెళ్ళిపోదామా యిద్దరమూ!" అన్నాను. నిజంగానే అన్నాను. ఆ మాటలు ఇప్పుడు తలుచుకుంటే, నా మాటలు అబద్ధం అని ఏడుస్తాను.
దాంతో నా బాబు మనసు కరిగిపోయింది.
స్త్రీ త్యాగానికి ఆయత్తపడితే ధీరుడైన పురుషుడు ఆ త్యాగ లాభాన్ని స్వీకరించగలడా? ఆ మాట చాలు. తనకోసం త్యాగంచేసే స్త్రీ వుండడం పురుషుడికి అమితమైన ఆత్మవిశ్వాసాన్నియ్యాలి. కాని త్యాగాలు గ్రహించడానికి అలవాటు పడ్డ పురుషుడు అతినీచుడు. పతివ్రతల త్యాగాల వల్ల నియమాలు నిలబెట్టుకునే గతి మీ పురాణ ధీరులకే గానీ అమీర్ కీ, మీరాకీ కాదు.
"నేనే వస్తాను దీదీ. రేపణ్ణించి."
"నిజంగా వస్తావా? నా పిచ్చి బాబూ. వూరికే భయపడ్డావు అవునా?"
ఇద్దరమూ యింటివైపు చూశాము.
"కాని దీదీ, ఇదివరకు మల్లేనే నీ పక్కన కూచుంటా. నీ భుజం మీద చెయ్యి వేస్తా" అన్నాడు మీరా.
"ఆ, తప్పకుండా. ఎందుకు అడుగుతావు?"
"మరి....అమీర్ని....చూస్తున్నా...."