22-11-2019, 10:35 AM
నేను ముందే చెప్పలా. యిట్లా జరుగుతుందని? అతనడగడం, దానికి నువ్వు భయపడడం, నాతో మాట్లాడానికి వీలులేకపోవడం."
"అతని దగ్గిర రహస్యం యెందుకు? వృధాగా అనుమానం కలిగించి ఏం లాభం?"
"అనుమాన మేమిటి? మీరాతో వెళ్ళానను. ఏం?"
"కాని రహస్యంగా అతను వినకుండా. అతను చూడకుండా మనకేముంది? చెప్పు."
"ఏం లేకపోతే మాత్రం? ఏం లేదు కనకనే మనం వొంటరిగా వుంటేనేం?"
"ఎందుకు వుండడం?"
"మరి నాతో మాట్లాడవా?"
"మాట్లాడనన్నానా? అక్కడికే రా."
"పోనీ. యిట్లా నాతో మాత్రం తిరగకూడదా?"
"అతను కూడా వుంటేనేం?"
"వుండక పోతేనేం?"
నేను మాట్లాడలేదు. ఆ సమస్య నా కర్థం కావటం లేదు. అమీర్ని చూస్తే భయం వేస్తోందనే సంగతి వొప్పుకోడం యిష్టంలేదు.
"నీ కిష్టం లేదనరాదూ."
"మీరా?"
"పోనీ అతని కిష్టంలేదు. నీకు భయమను."
ఆలోచించాను.