22-11-2019, 10:06 AM
పాపం. నా గొంతుమార్చి యిలా కఠినంగా మాట్లాడితే చాలా నొచ్చుకున్నాడు. చప్పున వెనక్కి తిరిగి మైదానం వేపు నడుస్తున్నాడు.
నేను వెనకనే వెళ్ళి అందుకుని "ఎక్కడికి" అన్నాను.
"నా సంగతెందుకు నువ్వెళ్ళు"
"ఎందుకు వెడుతున్నావు!"
"నా యిష్టం."
"మరి వూళ్ళోకి వెళ్ళవూ?"
"ఇది మా వూరు కాదు"
ఇద్దరమూ పకాలున నవ్వాము.
"రా మరి" అన్నాను గోముగా.
"ఎందుకో చెప్పు"
"దాని యింటికి"
అతని మొహంమీద భయమూ, కోపమూ, కమ్మాయి, తమార పుష్పంమీద దుమ్ము పడ్డట్టు.
"నీతో చెప్పినందుకు యిట్టా చేస్తావా?" చాలా కష్టంగా అన్నాడు.
"నేనేమీ చెయ్యను. నీకు గానీ, అమీర్ కి గానీ ఏమీ అపకారం చెయ్యను."
"అయితే ఎందుకు"
"చెపుతాగా"