22-11-2019, 09:54 AM
"నువ్వు చేసిన యీ ఘనకార్యాన్ని చూసి నువ్వే గర్వపడడం నాకు చాలా ఆశ్చర్యంగా వుంది. ఇదంతా గొప్ప ప్రేమ అని గావును నీ ఉద్దేశ్యం! ప్రేమ!"
"ప్రేమా! పశువులు-కుక్కలన్నానయం. నీతీ జాతీ విచక్షణలు లేక, కళ్లు కమ్మి, వొళ్ళు కొవ్వి, ఇట్లా బట్టలు విప్పుకొని యీ అడవుల్లో పరుగెత్తుతూ సిగ్గువిడిచి...."
"ఇది ప్రేమా! కామం. వొళ్ళు తెలీని పశుకామం....మదపిచ్చి."
ఇంకేమిటో అన్నాడు.
"చాలు మామయ్య!"
అని పరుగెత్తుతూ వెనక్కి తిరిగి చూశాను. ఎదిగిన ఆడది పరిగెత్తడమేమిటి? పొగరు! దీని చెంపలు వాయించేందుకు వీలైతే బావుండుననే చూపుతో మామయ్య నుంచుని వున్నాడు వెన్నెల్లో.
పొద్దున్నే మామయ్య వెళ్ళేప్పుడు అమీర్!
"బాబాయిగారూ! యింకా మీ వూళ్ళో వున్న తాతలూ అత్తలూ వొస్తారేమో! మిమ్మల్నంటే బాబాయిగారని వూరుకున్నానుగాని, యింకెవరన్నా వొచ్చారా ఇక్కడే పాతేస్తానని చెప్పండి" అన్నాడు.