22-11-2019, 09:52 AM
"అమీర్ యిప్పుడు రాడు. నేను రానివ్వను. ఇవ్వాళ్టికి యిక్కడే మామయ్యా! నువ్వు. ఆ మూల గోనిపట్ట వుంది. దాన్ని పరచుకుని పడుకో. దోమలు లేవులే."
"ఏమీ భయం లేదు కద!"
"అప్పుడప్పుడూ ఒకటి రెండు పాములూ, ఒకటి రెండు తోడేళ్ళూ వొస్తుంటాయి" అన్నాడు అమీర్.
అమీర్ మళ్ళీ తెలుగు మాటాడాడు. ఎన్నాళ్ళయింది విని! నా తెలుగు తురకగా మారిందన్నాడు మామయ్య.
"రావు మామయ్యా! అమీర్ మాటలకేం?"
మేము బయలుదేరాం, మామయ్య గొణుక్కుంటున్నాడు.
"నీకు మామయ్య అయితే, నాకేమౌతాడు?"
"తురకాడికి నీకేమౌతాడు? నీ మొహం!"
"అది కాదు, నీ పెనిమిటిని నేనైతే-"
"నువ్వు నా పెనిమిటివైతే, యింకా నీతో వుండవొచ్చానా?"
చంప చెళ్ళుమంది.
"చెపుదూ! తమాషా చేస్తాను."
"బాబాయి."