22-11-2019, 09:28 AM
'రెండో మాట నేననలేక వూరుకుంటే, అతనే -
'నేను చస్తూవుంటే, నిన్నూ చంపుకుంటా' అన్నాడు.
'పోనీలే పాపం నీకోసం నేనూ చస్తాలే' అన్నాను నవ్వుతో.
'చావకపోతే చంపుతా'
'కాని అమీర్ మనం చేసిన ఈ ఘనకార్యానికి మనకి స్వర్గమిచ్చే దాత యెవడు?'
'మా స్వర్గంలో ఫరవాలేదు. నేను మాట్లాడతాగా?'
'ఎవరితో?'
'మా స్వర్గం వాళ్ళతో'
'తమాషాగా వుందే, మీ స్వర్గం సన్గథి౧ మీ నరకంలో ఎవరుంటారు?'
"హిందూ ప్లీడర్లు, కాఫర్లు" అని రాయిపెట్టి కుండ పగలగొట్టాడు. నవ్వెట్లా ఆపుకోను?
"ఆయన మూలకంగా ప్లీడర్లందరికి యిప్పించావా నరకం?"
"కాకపోతే నా దగ్గర వ్యాజ్యానికని ముగ్గురు ప్లీడర్లు గాడ్దె కొడుకులు మూడు ఆర్లు పద్దెనిమిది రూపాయలు లాగారు. వాళ్ళందరికీ బాధ.... నరకమే"
"నీ పెత్తనమే!"
"చూస్కో, అబద్దమేమో!"
"ఇంకేం మాట్లాడను?"