Fantasy Choti si Bhool By Mr. Jatin ( COMPLETE )

[hirarandi]

Dipti ne kaha matlab aaj kal tumhara naam rohit se joda jaa raha hai, kya ye sach hai.
Neha ne kaha, yaar ye ladke bhi naa, aisa kuch nahi hai, mai to ushey theek se jaanti bhi nahi.
Dipti ne kaha, oh ha ye baat to hai, ladke yu hi afvaah failate rahte hai.
Dipti ne kaha, par ek baat hai, bura na maano to puch lu.
Neha ka chehra hairani ke kaaran laal ho gaya vo boli, puch naa aakhir kya baat hai.
Dipti ne kaha chal jaane de.
Neha ne chonk kar pucha, kya hai bataao to ?
Dipti ne kaha tumhara naam ush kamine peon ashok se bhi joda jaa raha hai, bata na ye kya chakkar hai ?
Neha ke, ek pal ko hosh ud gaye aur vo gahri chinta mein doob gayi.
Uski haalat vaisi hi lag rahi thi jaisi ki aajkal meri hai.
Neha ne meri aur dekha, dipti samajh gayi aur boli, arey ghabra mat ye meri achi dost hai, bata baat kya hai ?
Vo boli samajh nahi aa raha kaise bataaun, tu jaane de phir kabhi baat karenge, yaha koyi sun lega.
Dipti boli chal phir tere hostel mein chaltey hai.
Main bhi bechan thi sab jaanene ke liye.
Neha ne jheejakte huve kaha chal theek hai, chalo, mera man bhi halka ho jayega, kab se ish baare mein baat karna chahti thi.
Hum 10 minut mein ushke hostel ke room mein aa gaye.
Neha ne pucha, kuch tea, coffee chalegi.
Maine aur dipti ne manaa kar diya.
Neha apne bed par baith gayi aur hum dono ne ek ek chair khiska lee.
Dipti ne pucha, haa bata ab kya baat hai ?
Neha ne gahri saans lee aur boli, par vaada karo tum dono ye baat kisi ko nahi bataaogi.
Dipti boli arey ye bhi koyi kahne ki baat hai, tu dar mat aur bata kya baat hai ?
Neha ne kaha par ye tumhe sun-ney mein bahut bekar lagegi.
Dipti boli, koyi baat nahi tu bata to sahi.
Phir neha ne bataana suru kiya.
“Neha ne kaha, ashok ke baare mein mujhe kuch nahi pata tha. peechle saal ki baat hai, ek din mai kuch kaam se principal se milne gayi thi, darasal mujhe ghar jaane ke liye leave chahiye thi, ishliye principal se milne gayi thi, unki sanction milni jaroori thi.
Principal ke gate ke bahar, ashok khada tha.
Maine ush se pucha, principal ander hai kya?
Vo bola, ji madam abhi to vo kahi bahar gaye hai.
Maine man hi man kaha oh no.
Ashok ne pucha madam kya kaam hai.
Maine na jaane kyo bata diya ki mujhe leave sanction karvani thi, unse milna tha.
Vo bola, madam ji aap apni application mujhe de do main sanction karva dunga, aap jao.
Maine kaha, theek hai, aur apni leave application ushey de aayi.
Agley din vo mujhe canteen ke baahar mila aur bola, madam ji aap ki leave sanction ho gayi hai.
Maine khusi mein ushey kaha thankyou.
Uske baad vo jab bhi kahi college mein kahi takarta to bolta namastey madam ji, koyi kaam ho to bataana.”
Phir neha chup ho gayi aur kisi gahri chinta mein doob gayi.
Dipti ne pucha, bas itni shi baat thi ya kuch aur bhi hai.
Neha ne gahri saans lee aur boli, kaas bas itni hi baat hoti.
Dipti ne kaha, to phir aage bata na kya baat hai ?
Neha ne phir se bataana shuru kiya.
“ ek din ki baat hai college mein chutti thi. mai subah 11 baje akeli hi market chali gayi, mujhe kuch samaan khridna tha. kharidari karte, karte 12:30 baj gaye.
achanak aasmaan mein baadal chaa gaye. Maine socha jaldi hostel chalna chahiye. Mai kisi auto ya riksa ka wait karne lagi.
tabhi achanak ashok vaha aa gaya, vo apni bike par tha, vo bola, madam ji aap kya apne hostel jaa rahi hai.
maine kaha haa.
Vo bola, agar bura na maano to mai aap ko chod dunga, mausam kharab hota jaa raha hai.
Maine kaha nahi koyi baat nahi mai auto lekar chali jaaungi.
Vo bola, madam ji mai ushi taraf jaa raha hu, aap baith jao, jaldi se hostel chod dunga.
Mujhe laga chalo theek hai, kisi bhi vakt baarish aa sakti hai baarish se pehle agar ye mujhe hostel chod dega to acha hoga.
Mai uski bike par baith gayi.
Thodi der hi huyi thi ki bahut tej baarish hone lagi.
Ashok bola, madam ji thodi der ruk jaate hai aur ushne ek ghane ped ke niche bike rok di.