Non-erotic సమాచారం... ఎంత భద్రం!?

[sarit11]

ఫోను మన మాటలు వింటుందా?

మన స్మార్ట్‌ ఫోనులో ఉండే అన్ని ఆప్స్‌ వినగలవు. గూగుల్‌, ఫేస్‌బుక్‌ లాంటివి కూడా. అందుకు రకరకాల కారణాలు ఉన్నాయి. ఓకే గూగుల్‌, సిరి, అమెజాన్‌ ఎకో లాంటివి మనం వాయిస్‌ కమాండ్‌ ఇస్తే రికార్డు చేస్తాయి కానీ అలాంటి ఆదేశాలు ఇవ్వకపోయినా ఫోనులో ఉన్న మైక్రోఫోన్‌ ద్వారా మన చుట్టూ విన్పిస్తున్న శబ్దాలను ఈ ఆప్‌లు రికార్డు చేస్తాయి. ‘ఆటోమేటెడ్‌ కంటెంట్‌ రికగ్నిషన్‌ టెక్నాలజీ’ ద్వారా విన్న శబ్దాల నుంచి జరుగుతున్న విషయాలను గ్రహించడానికి ప్రయత్నిస్తాయి. మనం టీవీ చూస్తున్నట్టయితే పక్కనే ఉన్న ఫోను ఆన్‌ చేయకపోయినా టీవీ శబ్దాలను రికార్డుచేస్తుంది. దానిద్వారా ఏ సమయంలో ఏ కార్యక్రమాలు చూస్తున్నామో తెలుస్తుంది. ఒకవేళ మనం కారు కొనడానికి షోరూముకు వెళ్లామనుకోండి. దానికి ముందు ఏయే ప్రకటనలు చూశామూ ఫోన్లో ఏమేమి సెర్చ్‌ చేశామూ లాంటి సమాచారాన్నీ తీసుకుంటారు. ఈ సమాచారాన్నంతా క్రోడీకరించి మనం కారు కొనాలన్న నిర్ణయానికి రావడానికి దారితీసిన పరిస్థితులను బేరీజు వేస్తారు. ఇలా సేకరించిన సమాచారాన్ని ప్రకటనలూ మార్కెటింగ్‌ సంస్థలకు అమ్ముతారు. మన ఫోనులో ఉండే కొన్ని ఆప్స్‌ ద్వారా ఈ సాంకేతికతను ఉపయోగిస్తారు. వినటమే కాదు, మన ఫొటో తీసుకునే అవకాశమూ మన కదలికల్ని వీడియో రికార్డు చేసే అవకాశమూ కూడా ఈ ఆప్స్‌కి ఉంటుంది.