வயது ஒரு தடையல்ல! - Completed

[whiteburst]

91.

 
வெளியிலிருந்து வந்ததால், அவன் கொஞ்சம் வியர்த்து இருந்தான். நானோ குளித்து, முடித்து ஃப்ரெஸ்ஸாக இருந்தேன்.
 
ஏய்.. சொன்னாக் கேளு. இப்பதான் குளிச்சிட்டு வேற வந்திருக்க! சும்மாவே ஆளை மயக்குவ! இப்ப எல்லா விஷயமும் தெரிஞ்ச பின்னாடி, என் கூட இவ்ளோ நெருக்கமா, இப்படி ஃப்ரெஸ்ஸா இருந்தா, என்னால கண்ட்ரோலே பண்ண முடியாது! ரெஃப்ரஸ் ஆயிட்டு வர்றேன் விடு/
 
நிமிர்ந்து அவனையேப் பார்த்தேன். பின் சொன்னேன்.
 
ஏன் கண்ட்ரோல் பண்ற? எடுத்துக்கோ என்னை!



எ… என்னடி சொல்ற?

 

எனக்கு நீ வேணும்! இப்ப, இந்த நிமிஷம் வேணும்! அப்படியே வேணும்! தர்றியா?

 

எ… என்னடி சொல்ற?

 

ம்ம்ம்… என்னை எடுத்துக்கோடா மடையான்னு சொல்றேன்.

 

ஏ….ஏய் பீரியட்ஸ்டி!

 

இ… இல்ல பொய் சொன்னேன்!

 

கோபத்துடன் கேட்டான். ஏன்?

 
மனசுக்கு கஷ்டமா இருந்துச்சு!



எதுக்கு? என் கூட படுத்ததுக்கா?

 

இப்பொழுது எனக்கு கடும் கோபம் வந்தது. அதே கோபத்துடன் நிமிர்ந்து பார்த்தேன். ஆனால் அவனோ சிரித்துக் கொண்டிருந்தான். பட் பட்டென்று அவனது தோள்களில் சில அடிகள் வைத்து விட்டு நிமிர்ந்து அவனைப் பார்த்தேன்.

 

ஏய், இப்ப சொல்றேன் கேட்டுக்கோ! இனி, நானும், இந்த உடம்பும், உனக்கு மட்டுந்தான் சொந்தம். நீ என்னை கல்யாணம் பண்ணிகிட்டாலும் சரி, இல்ல கடைசி வரை கல்யாணமே பண்ணிக்காட்டியும் சரி, எனக்குக் கவலையில்லை! புரியுதா? இனி இப்டி பேசுன…

 

கல்யாணமே பண்ணிக்காடியும் பரவாயில்லையா? அப்ப, ஊருக்காக வேற ஒருத்தியை கல்யாணம் பண்ணிகிட்டு, உன்கிட்ட வந்தாலும் உனக்கு ஓகேயா?

 

நீ யாரைக் கல்யாணம் பண்ணிகிட்டாலும் எனக்கு கவலையில்லை. ஆனா, என்னைப் பொறுத்த வரை, நான் உனக்கு மட்டும்தான் சொந்தம்…… அதுதான் நான் என் தப்புக்கு செய்யுற பிராயிச்சித்தம்!

 

----------------

 

அப்படின்னு சினிமா டயலாக், பேசுவேன்னு நினைச்சியா? கொன்னுடுவேன் கொன்னு.

 

என் வாழ்க்கைல மட்டுமில்லை, உன் வாழ்க்கைலியும், இனி நான் மட்டுந்தான்.

 

அந்த வாழ்க்கையை, நீ கல்யாணம் பண்ணிட்டு வாழ்ந்தாலும் சரி, இல்லை பண்ணாம வாழ்ந்தாலும் சரி, எனக்கு கவலையில்லை. என் வாழ்க்கை உன்னோடத்தான். அதுக்கு இந்த சமூகம் என்ன பேரு வெச்சாலும் எனக்கு அதைப் பத்தி கவலையில்லை.

 

 ஆனா, உனக்கு நான் மட்டும்தான். எனக்கும் நீ மட்டும்தான்! அப்பிடியிப்படி, இன்னொரு பொண்ணு பக்கம், பாக்கனும்னு நினைச்சாக் கூட, மவனே அடி பின்னுடுவேன். புரியுதா? உன்னை மட்டுமில்லை, அந்தப் பொண்ணையும் சேத்து!

 

நான் என்ன பேசினாலும், அவனது புன்னகை மட்டும் மாறவேயில்லை!

 

அப்புறம் என்னாத்துக்குடி, இன்னொருத்தன் கட்டுன தாலியை இன்னும் கட்டிட்டு இருக்க?

 

உனக்கு உறுத்தனும்னுதான்… உன் தாலி இருக்க வேண்டிய இடத்துல, எவனோ கட்டுன தாலி இருக்கேன்னு, உனக்கு உறுத்த வேணாம். அது எப்டி இன்னொருத்தன் கட்டலாம்னு, உனக்கு கோவம் வரவேணாம்? அந்தத் தாலி, ஏன் இன்னும் அங்க இருக்குன்னு, வெறி வரவேணாம்? அதுக்குதான் உன் கண் முன்னாடி போட்டிருக்கேன்?

 

என் பதிலில் சற்றே சீற்றமடைந்தவன், அதே ஆவேசத்துடன் கேட்டான்.

 

சரி… அன்னிக்கு நைட்டே நான் கோவப்பட்டேன்ல? கழட்டி எறிய வேணாம்? எடுத்து பத்திரமா வைக்கிற? அடுத்த நாளும், அதை கட்டியிருந்த? ம்ம்ம்?

 

அவன் சீற்றத்தைச் சட்டை செய்யாமல் நானும் கொஞ்சம் வேகமாகச் சொன்னேன்.
 
கோவப்பட்டியா? கோவப்பட்டு என்ன பண்ண? என் கழுத்துல, இன்னொருத்தன் தாலி இருக்குன்னு தெரிஞ்சவுடனே, நீயா கழட்டி எறிய வேணாம்? என்கிட்ட கேள்வி கேட்டுட்டு நிக்குற?!

 

நீ, என் கழுத்துல தாலி கட்டுறியா இல்லையான்னு, எப்ப வேணா முடிவு பண்ணிக்கோ! ஆனா, இப்பவே, உன் கையால, இந்தத் தாலியை கழட்டி எறி! எவனோ கட்டுன தாலியை, உன் கையால கழட்டி தூக்கி எறியனும்னுதான், இத்தனை நாள் வெயிட் பண்ணேன்!

 

என்னையே பார்த்தவன், என் கழுத்திலிருந்த தாலியைக் கழட்டினான். பின், தூக்கி எங்கோ எறிந்தான். அது எங்கே சென்று விழுந்தது என்று கூட இருவரும் கவலைப்படவில்லை. அதே வேகத்தோடு, என்னை இழுத்து அணைத்தான்.

 

அவனுக்கு இணையான சந்தோஷத்தோடு நானும் அவனை இறுக்கிக் கொண்டாலும், வேண்டுமென்றே செல்லமாக அவனை அடித்துக் கொண்டே சொன்னேன்.

 

இதைச் செய்ய, உனக்கு இத்தனை நாளாடா??? ம்ம்ம்? ராஸ்கல்! சின்னப் பையன்கிறது சரியாத்தான் இருக்கு! எல்லாம் சொல்லிக் கொடுக்கனுமா?

 

ஹா ஹா ஹா!

 

ஏண்டா சிரிக்கிற?

 

இல்ல, வெளிய என்னமோ, நான் பயங்கரக் கோவக்காரன், முரடன்னு பேரு. உன்னை எல்லாரும், ரொம்ப சாஃப்ட்டு, மென்மையான மனசு, தங்கமான பொண்ணுன்னு பேசுறாங்க!

 

ஆனா, இங்க என்னான்னா, எல்லாத் தப்பும் என்னாலங்கிற, என்னைப் போட்டு அடிக்கிற? ஏன் இத்தனை நாளா செய்யலைன்னு போட்டு அதட்டுற! ஒரு சக்சஸ்ஃபுல் பிஸ்னஸ்மேனைப் பாத்து சின்னப்பையன்னு ஓட்டுற!

 

இந்த உலகம் உண்மையை என்னிக்கும் நம்பறதே இல்லை பாத்தியா?!

 
அவனோடு இணைந்து சிரித்தாலும், அவனது அணைப்புக்குள் இருக்கும் போது தெரிந்தது, இதை விட உலகில் மகிழ்ச்சி எதுவும் இல்லை என்று!



அப்படியே சிறிது நேரம் இருந்தோம். அவன் அணைத்து இருந்தாலும், அதற்கு மேல் அவன் எந்த முயற்சியும் எடுக்கவில்லை.

 

நான் உள்ளுக்குள் அவனைத் திட்டிக் கொண்டிருந்தேன். லூசு, லூசு… அதான் என்னை எடுத்துக்கோடான்னு சொல்லிட்டேன்ல?  பீரியட்சும் இல்லைன்னுட்டேன். இன்னும் ஏன் சும்மா இருக்கான்? நான் இன்னும் வெட்கத்தை விட்டு என்னத்தைச் சொல்லுறது?! மடையன்! அன்னிக்கு மாதிரியே எடுத்துக்க வேண்டியதுதானே?

 

ஆனால், அவன் என்னைச் சீண்டுவதற்க்காகத்தான் அப்படி இருக்கிறான் என்று புரியவில்லை.

 

அவன் இன்னமும் அமைதியாகவே இருந்ததால், நான் வெட்கத்துடன் பேசினேன்.

 

ம… மதன்

 

ம்ம்…

 

எ… எனக்கு பீரியட்ஸ்லாம் இல்லை!

 

ம்.. அதான் சொன்னியே!

 

எனக்கு எரிச்சல் வந்தது. இன்னமும் புரிஞ்சிக்க மாட்டேங்குறானே?!

 
என் எரிச்சலை அதிகப்படுத்தும் வகையில் இன்னொன்று செய்தான்.