Romance மெய்நிகர் பூவே

[bsbala92]

மறுநாளும் கார்த்திக் தனது கேபிணிற்கு சென்று பேக்கை வைத்து விட்டு சீட்டில் அமர அவன் முன் அதே போன்று டைரி மில்க் சாக்லேட் ஒன்று ரிப்பன் கட்டி வைக்கப்பட்டு இருந்தது. அவனுக்கு அது சற்று எரிச்சலையும் தந்தது.

 
இந்த முறை அதை எடுத்து தனது காலுக்கு கீழ் இருக்கும் குப்பை தொட்டியில் அதை எடுத்து போட்டு விட்டு ராஜியை திரும்பி பார்த்தான். அவள் வழக்கம் போல தனது கணினி திரையை பார்த்து கொண்டு வேளைகளில் மும்மரமாக இருந்தாள்.
 
“ கண்டிப்பா இவளோட வேலை தான். என்ன சொன்னாலும் புரிஞ்சிக்க மாட்டேங்கிறாலே. அவகிட்ட நாம அமைதியாய் போறதுனால தான் ரொம்ப இம்சை பண்றா. பதிலுக்கு அவளை நாம எதாச்சும் செய்யணும். அவளாவே நம்மள வெறுத்து ஒதுங்கி போகணும். இல்லனா இது தொடர்ந்து கிட்டு தான் இருக்கும். “ யோசித்து கொண்டே சீட்டின் பின்னால் சாய்ந்தான்.
 
அந்நேரம் அரவிந்த் அவன் ரூமிற்கு வந்தான். “ என்ன மச்சான் ஏதோ பலத்த சிந்தனைல இருக்க. ஊருல எதாச்சும் பிரச்சனையா. :
 
“ அப்படிலா ஒன்னும் இல்லடா.”
 
“ அப்போ ஏன் ஒரு மாதிரி இருக்க.”
 
“ ஒன்னும் இல்லன்னு சொல்றேன்ல. அதை விடு. ஆமா உன் வீட்டுக்கு எல்லாம் கூட்டிட்டு போய் சம்மதம் எல்லாம் வாங்கிட்ட போல இருக்கு. “
 
“ ஆமாடா எல்லாருக்கும் அவளை பிடிச்சிருக்கு. அவுங்க வீட்ல தான் என்ன சொல்லுவாங்களோன்னு பயப்படுறா. “
 
“ கண்டிப்பா ஒத்துக்க மாட்டாங்க மச்சான். அதனால நீ என்ன பண்ற தெரியுமா. பேசாம அவளை இப்போவே கலட்டி விட்டுட்டு வேலையை பார்க்குற வழியை பாரு. “
 
“ டேய். ஆரம்பமே அபசகுனமா பேசாதடா. உன்கிட்ட போய் சொன்னேன் பாரு. என் புத்தியை சொல்லணும். ஆனா ஒன்னுடா சத்தியமா சொல்றேன். உனக்கும் இதே மாதிரி லவ்வுல பிரச்சனை வரும். அப்போ தெரியும் என்னோட வலி. “
 
“ என்ன சாபம் விடுறியா. சரிங்கப்பா. உங்க சாபம் எல்லாம் எங்க பலிக்கபோகுது. நானாச்சும் லவ் பண்றதாச்சும். உன் லவ் சீக்கிரமே ஊத்திகிட்டு கூடிய சீக்கிரம் நீ முரட்டு சிங்கிள் ஆக என்னோட மனமார்ந்த வாழ்த்துக்கள் மச்சான். கை கொடு. “
 
“ போடா. உங்கிட்ட போய் பேச வந்தேன் பாரு. உன்னை எல்லாம் திருத்தவே முடியாது. “ அவன் கையை தட்டி விட்டு அங்கிருந்து நகர்ந்தான்.
 
“ ஆமா ஆமா அப்படியே நாங்க திருந்திட்டளும். எங்க போனாலும் இங்க தான வரணும். போடா போ. ”
 
அரவிந்த் சென்றவுடன் க்ரிஷிடம் சென்று அடுத்த ப்ரஜெக்டுக்கான விவரங்களை கேட்டு தெரிந்து கொண்டு அதை மீட்டிங் வைத்து அனைவரிடமும் தெரிய படுத்தினான். மீட்டிங்கில் அரவிந்த் கார்த்திக்கை கண்டு கொள்ளாமல் இருக்க ராஜி வைத்த கண் வாங்காமல் கார்த்திக்கை ரசித்து கொண்டிருந்தாள்.
 
ஆனால் கார்த்திக் யாரையும் சட்டை செய்யாமல் அவன் வேலையே கண்ணாக அனைத்தையும் தெளிவாக கூறி முடித்தான்.
 
மீட்டிங் முடிந்து அனைவரும் கிளம்பி விட எப்போதும் கார்த்திக்குடன் வரும் அரவிந்த் அன்று அவனுடன் வராமல் கேப் பிடித்து சென்று விட்டான். கார்த்திக் அதை பெரியதாக அலட்டி கொள்ளாமல் பிளாட் நோக்கி சென்றான்.
 
அன்று இரவு மீரா அரவிந்துடன் போனில் பேசி கொண்டிருக்க ராஜி அந்த சமயம் தனது பேக்கில் இருந்து டைரி மில்க் சாக்லேட் ஒன்றை அழகாக பேக் செய்து சிவப்பு ரிப்பன் கட்டி கொண்டிருந்தாள். அந்நேரம் மீரா உள்ளே வர ராஜி அவசரம் அவசரமாக அதான் மேல் பெட்சீட் போர்த்தி விட்டு அதை மறைத்தாள்.
 
“ என்னடி. திடீர்னு வந்துட்ட. உன் ஆளுகிட்ட பேசலையா “
 
“ அவன்கூட சண்டை ராஜி. ஆமா ராஜி நீ ஏன் திடீர்னு என்ன பார்த்ததும் போர்வை எடுத்து மறைச்ச. “
 
அய்யயோ பார்த்துட்டாலே. மாட்டிகிட்டேனே. என்ன சொல்ல. எதாச்சும் சொல்லு ராஜி.
 
“ ஹே. நான் என்ன மறைச்சேன். ஒன்னும் இல்லையே. ரொம்ப குளிரா இருந்துச்சு. பெட்ஷீட் எடுத்து மூடிகிட்டேன். உனக்கு தெரியாம நான் என்ன பண்ண போறேன் சொல்லு. சரி ஏன் அரவிந்த் அண்ணா கூட சண்டை. “
 
“ எல்லாம் உன் ஆலால தான். “
 
“ என் ஆளா. யாரு கார்த்திக்கா. “
 
“ ஆமா அந்த சனியன்னால தான் “
 
“ ஒய் என்ன சனியன் கினியன்னுட்டு. மரியாதையா பேசு மீரா. “
 
“ பின்ன வேற எப்படி சொல்லுவாங்கலாம். என்ன ஜென்மம்டி அது. “
 
“ மீரா நீ ரொம்ப ஓவரா பேசுற. ஒழுங்கா என்ன நடந்துசுன்னு சொல்லு.”
 
“ இன்னைக்கு அரவிந்த் கிட்ட உன் லவ் புட்டுகிடும். பேசாம அவளை கலட்டி விடுன்னு சொல்லிருக்கான். அவன் சொல்லுறதை கேட்டுட்டு இவன் என்கிட்டையே வந்து சொல்றான். அவனை எதாச்சும் சொல்லிடு வர வேண்டியது தானன்னு சொன்னதுக்கு நே ஒன்னும் அவனை பத்தி பேசாதன்னு என்கிட்டே சண்டை போடுறான். “
 
“ ஆமா கரெக்டு தான. அவுங்க பிரெண்ட்ஸ்க்குள்ள ஆயிரம் இருக்கும். நீ ஏன் அதுக்குள்ள குறுக்க வர. “ ( மீரா பிரெண்ட் ராஜியாக இருந்திருந்தாள் இந்நேரம் மீராவிற்கு ஆதரவாக பேசி இருப்பாள். இப்போது மிசஸ் கார்த்திக் ஆயிற்றே.)
 
“ நீயும் என்ன ராஜி இப்படி பேசுற. நானே எங்க வீட்ல என்ன சொல்லுவங்கலோன்னு பயந்துட்டு இருக்கேன். அவன் இப்படி சொன்னா. கூட கொஞ்சம் மனசுக்கு கஷ்டமா இருக்காதா. “
 
“ சரி விடு மீரா இதை பத்தி பேச வேணாம். பேசினா தேவை இல்லாத மனகஷ்டம் வரும். எதை பத்தியும் யோசிக்காம தூங்கு. நானும் தூங்குறேன். பை குட் நைட். “
 
மீராவிற்கு ராஜியின் இந்த பேச்சு சற்று ஏமாற்றமாக இருந்தது, ராஜி ஊருக்கு சென்று வந்ததில் இருந்து அவளுடைய நடவடிக்கைகளில் சற்று மாற்றம் இருப்பதை அவளும் கவனிக்காமல் இல்லை. ஆனால் இப்போது அரவிந்த் உடன் போட்ட சண்டையில் அதை கவனிக்க தவறினாள்.
 
அன்று இரவு கார்த்திக் நன்றாக தூங்கி கொண்டிருக்க “ டேய் என்னடா இப்படி பண்ணிட்ட. வேணாம்டா. ஏமாந்து போயடுவடா. கடைசில என் நிலைமை உனக்கு வேண்டாம்டா. பொண்ணுங்கள நம்பாத. “ அசிரீரியை போல ஒலித்தது.
 
“ அண்ணன் இல்லன்ன. நான் நம்பள. நான் நம்பவும் மாட்டேன். நீ சொன்னது தான் கரெக்ட்டுன்ன. வேண்டாம். வேண்டாம். வேண்டாம். திரும்ப திரும்ப தூக்கத்தில் உளறினான். பதறி அடித்து எழுந்தான் கார்த்திக். முகம் எல்லாம் வியர்த்து விறுவிறுத்து இருக்க தண்ணீர் எடுத்து குடித்தான்.
 
பெட்டை விட்டு எழுந்து போட்டோ செல்பில் இருந்த ஒரு போட்டோவை எடுத்து பார்த்தான். அண்ணே. சொல்லிக்கொண்டே போட்டோ எடுத்து நெஞ்சோடு அனைத்து கொண்டான். 
 
அன்று ராஜி கணினியில் தனது வேலையை பார்த்து கொண்டிருக்க கார்த்திக் அழைப்பதாக அரவிந்த் சொல்லி விட்டு சென்றான். ராஜி சென்னை வந்து இத்தனை நாட்களில் கார்த்திக் அவளை அழைப்பது இதுவே முதல் முறை. சந்தோசமாக டேபிளை விட்டு எழுந்துகார்த்திக் கேபிணிற்கு சென்றாள்.
 
இவை அனைத்தையும் பக்கத்தில் இருந்து கவனித்து கொண்டிருந்தாள் மீரா. அரவிந்துடன் ஏற்பட்ட சண்டையில் அவள் ராஜியிடம் இரண்டு நாட்களாக பேசவில்லை. ராஜியும் அவளிடம் அதை பற்றி பெரிதாக எடுத்து கொள்ளவில்லை.
 
“ மே ஐ கம் இன் சார். “ சொல்லிவிட்டு உள்ளே சென்றாள்.
 
“ எஸ். உக்காரு. “
 
“ சொல்லுங்க சார். ”
“ கொஞ்சம் தனியா பேசணும். கீழ போய் ஒரு காபி குடிச்சிட்டே பேசலாமா. “
 
எப்போதும் எரிஞ்சி விழும் கார்த்திக்,அதிகாரமாக பேசும் கார்த்திக் இன்று அவளிடமே கேட்கிறான். ராஜி மாறிட்டனா. சாக்லேட் வச்சது வேலை செய்யுது. இப்போவாச்சும் புரிஞ்சிகிட்டானே . கேள்வி கேட்காத. மனசு மாறுரதுக்குள்ள்ள  சரின்னு சொல்லு.
 
“ ம்ம்ம் வரேங்க. நீங்க சொல்லி நான் வராம இருப்பேனா.”
 
“ சரி நீ முதல்ல முன்னாடி போ. நான் பின்னாடி வரேன். “
 
காபி ஷாப்பில் எதிர் எதிர் இருக்கையில் இருவரும் அமர்ந்திருக்க ராஜி நடப்பது எல்லாம் கனவா இல்லை நனவா என்பது போல கையை பிசிந்து கொண்டு கார்த்திக் என்ன சொல்லுவான் என எதிர்பார்த்திருந்தாள்.கார்த்திக்கே பேச்சை ஆரம்பித்தான்.
 
“ நீ கொடுத்த சாக்லேட்க்கு ரொம்ப தேங்க்ஸ். “
 
“ நீங்க சாப்பிட்டீங்களா. உங்களுக்கு பிடிச்சிருந்ததா. ”
 
“ இதே மாதிரி தினமும் கொடுக்குறியா. “
 
“ நீங்களா இதை சொல்றது. கார்த்திக் நீங்க சொல்றதை சத்தியமா என்னால நம்ப முடியல. இது நிஜம் தானா. “
 
“ நிஜம் தான் ராஜி. நம்ப முடியளல்ல. ஆனா நம்பித்தான் ஆகணும். “
 
“ ரொம்ப சந்தோசமாக இருக்கு கார்த்திக். இவ்ளோ சீக்கிரம் நீங்க மாறிடுவீங்கன்னு. உங்களுக்காக நான் தினமும் கொடுப்பேன். நீங்க என்ன கேட்டாலும் கொடுப்பேன். இப்போவே உங்கள கட்டி பிடிச்சி லவ் யூ சொல்லணும் போல இருக்கு. “
 
“ ஹே இரு இரு முழுசா கேட்டுட்டு அப்றமா சொல்லு. “
 
“ சீக்கிரம் சொல்லுங்க அதிர்ச்சி மேல அதிர்ச்சி கொடுக்குறீங்க. “
 
“ இதை விட பெரிய அதிர்ச்சி ஒன்னு உனக்கு காத்துட்டு இருக்கு. “
 
“ என்ன சொல்லுங்க. எனக்கு தாங்க முடியல. “
 
“ நீ முதல் நாள் கொடுத்த சாக்லேட்ட சாப்பிட்டது நான் இல்ல. உங்க H.R. சந்துரு சார் தான். அப்றம் இன்னைக்கு வரைக்கும் நீ கொடுத்த சாக்லேட் எல்லாம் என்னோட டஸ்ட் பின்ல தான் வச்சிருந்தேன். இப்போதான் அவன்கிட்ட கொடுத்தேன்.”
 
ராஜிக்கு உச்சந்தலையில் எதையோ கொண்டு அடித்தது போல இருந்தது. நா வறண்டு தளுதளுத்தது. திக்கி திணறி கேட்டாள் “ நீ நீங் நீங்க பொய் சொல்றீங்க. என்ன காயபடுத்தனும்னு தான சொல்றீங்க. ப்ளீஸ் கார்த்திக் அப்படி சொல்லாதீங்க. என்னால தாங்க முடியல. “
 
“ நீ நம்பலைன்ன கொஞ்சம் பின்னாடி திரும்பி பாரு. நீ கொடுத்த அதே சாக்லேட் அதே ரிப்பன் கட்டி அச்சு பிசகாம வேற ஒருத்தி கிட்ட கொடுத்துட்டு பல்ல இழிச்சி கடலை போட்டுட்டு இருக்கான் பாரு. “
 
ராஜி திரும்பி பார்க்க அங்கு சந்துரு ராஜி கொடுத்த சாக்லேட்டை வேறு ஒருவரிடம் கொடுத்து காதல் வசனம் பேசி கொண்டிருந்தான்.
 
“ ராஜிக்கு இப்போது கோபம் வந்தது. தான் ஆசை ஆசையாக கொடுத்த சாக்லேட் ஏதோ ஒரு பரதேசிக்கு கொடுத்தது இல்லாமல் தன்னிடமே அதை கூறி கஸ்ட்டபடுத்துகிறான். ராஜி கோவப்படாத. வேணும்னு தான் செய்யுறான், கண்ட்ரோல். கண்ட்ரோல். “
 
“ சரி பரவா இல்ல. நீங்க பேசணும்னு சொன்ன விஷயத்தை சொல்லுங்க. “
 
“ இது உனக்கு கஷ்டமா இருக்குமே. இல்லையா. “
 
“ நான் ஏன் சார் கோவப்படனும். நான் உங்களுக்கு கொடுத்தேன் நீங்க அதை வேற ஒருத்தருக்கு கொடுத்தீங்க. இதுக்கு ஏன் நான் கஷ்டபடனும். நீங்க கோவப்படாம என்கிட்டே தேங்க்ஸ் சொன்னதுக்கு நான் சந்தோசம் தான் படனும்.”
 
“ ஓஹோ அப்போ என்மேல உனக்கு கோவம் இல்ல. வருத்தம் இல்ல. “
 
“ கண்டிப்பா இல்லங்க. கொஞ்சம் பக்கத்துல வாங்களேன் ”.
 
“ எதுவா இருந்தாலும் அங்கயே இருந்து சொல்லு. “
 
“ சொல்லிடுவேன். ஆனா நீங்க கோவப்பட கூடாது. “
 
“ சொல்லு சொல்லு “
 
“ உங்க மேல கோபமே வராது மை டியர் புருஷா. “ மெதுவாக சொன்னாள்.
 
“ ஏய் உன்ன ககூப்பிட்டு வச்சி நான் கஷ்டபடுத்துறேன். நீ என்னடான்னு கொஞ்சிட்டு இருக்க. “ கார்த்திக் அவளை முறைத்து கொண்டே கேட்டான்.
 
“ மாமா கோவப்படாதீங்க மாமா. இப்போ என்ன உங்களுக்கு டெய்லி நான் சாக்லேட் தரனும். அவ்ளோதானே. டெய்லி கொடுக்குறேன் உங்களுக்கு. நான் கிளம்புறேன் மாமா. அப்றம் லவ் யூ மாமா. “ சொல்லிவிட்டு அங்கிருந்து நகர்ந்தாள் ராஜி.
 
“ கார்த்திக் கோவத்தில் கையில் இருந்த காபி கப்பை நசுக்கி விட்டு பெருமூச்சு ஒன்றை விட்டான். நாம என்ன பால் போட்டாலும் சிக்ஸ் அடிக்கிறாளே. இருடி அடுத்து உனக்கு இன்னொன்னு வச்சிருக்கேன், அப்போ என்ன பண்றேன்னு நான் பார்க்கத்தானே போறேன். “