A wedding ceremony in village

[Logan555]

Near Shiv Temple



Suraj ke doobne aur chand ke nikalne ke sath hi besabri se ek ek pal ko kaat rahe Ajay ne bina der kiye us seemarekha ko laangh diya jo aadiwasiyo ke ilake me jati thi. Un aadiwasiyo se madad ki ummed me ajay unki basti ki taraf bada ja raha tha ki tabhi ek aadiwasi mahila jo ek hath me matke me pani aur doosre haath me chhadi liye thi se ajay ka aamna saamna ho gaya.



Mahila: Toko suka akito
Ajay: Kya aap mujhe dekh sakti hai
Mahila: Toko suka akito
Ajay: Mujhe samajh nahi aa raha aap kya keh rahi hai
Mahila: Toko suka akito
Ajay: Dekhiye mujhe aapke mahaguru se milna hai mujhe aghori ne bheja hai mujhe unki madad chahiye.
Mahila: Akito Toko suka akito akito
Ajay: Kya akito akito kar rahi hai mujhe kuchh nahi samajh aa raha chalo hato mere raaste se mai khud apna rasta dhoond lunga.

Ajay aage badne ko hua par Mahila ne apna matka neeche rakha aur chhadi se ajay ka rasta rok liya. Ajay ne gusse me apni mutthi bheech li.
Mahila: Akito



Ajay: Dekho mai ek aatma hu bahut rudra aatma 200 saalo ki kaid se azaad hokar aya hu mere gusse ko mat bhadkao mai ek aurat ko nuksaan nahi pahuchanaaaaaaaaaaaa.........
Ajay apna sentence pura bhi nahi kar paya tha tha ki us mahila ne apni chhadi ghuma kar Ajay ke de maari jiske aakhiri sire par ek rudraksha bandha tha jiske sparsh matra se Ajay ko bijli ka wo zordaar jhatka laga ki uska sara gussa thanda ho gaya aur chand ke sath taare bhi nazar aa gae aur wo phadphadata hua zameen par gir pada aur uski mutthi khul gai. Mahila ne phir Ajay ko maarne ke liye apni chhadi uthai par tabhi uski nazar Ajay ki khuli mutthi me pade us khandit rudraksha par padi aur usne wo rudraksha uth kar dekha jise dekh wo soch me pad gai.

Kuchh soch kar usne wahi ek ped se ek lata todi aur kuchh mantra budbuda kar use Ajay ke dae pair ki chhoti ungli me baandh diya. Uske bandhte hi Ajay ko aisa mehsoos hone laga jaise uska pura shareer badi bhari bhari zanjeero me jakad diya gaya ho usse hila tak nahi ja raha tha. Uske baad us mahila ne us lata ka doosra sira apni chhadi me baandh liya aur Ajay ko apni chhdi me ulta latka liya aur apni matki utha kar wapas apne kabeele ki taraf chal di. Kuchh der pehle us mahila ko apna zabardast gussa dikhane wale Ajay Star ab uski chhadi me ulte latke chale ja rahe the.
Ajay man me: Sala jis kabeele ki pani bharne wali ek aurat bus ek dande ke dum pe ek shaktishaali aatma ko ulta taang deti hai us kabeele ke mahaguru kya bala honge. Lagta hai Aghori baba ne mujhe sahi jagah bheja hai. Par philhaal ye dande wali maiya mujhe kaha liya ja rahi hai.

Ajay budbudatr hue: Akito OO maiya Akito

Ajay ko apne dande par taange hue wo ek basti me daakil hui jaha charo taraf aadiwasi nazar aa rahe the. Uske dande me ek aatma ko tanga dekh sab use dekh kar apas me kaanaphoosi kar rahe tha. Jjs tarah halal karne se murge ko ulta latka kar le jaya jata hai kuchh waisi hi feeling is waqt Ajay Star ko ho rahi thi kyuki aad paas ka mahaul kaafi dangerous tha. Wo mahila ek hatte katte aadiwasi ke saamne jakar ruk gai jo dekhne me yaha ka koi powerful vyakti lag raha tha jike do aadiwasi haath daba rahe the.



Aadiwasi: Asuka peeplimo
Mahila: Jasika Naakihara Rudra saka
Itna keh kar usne wo khandit rudraksha uske saamne kar diya. Jise dekh wo aadiwasi bhi soch me pad gaya.
Aadiwasi: Siraah
Ye sunkar us mahila ne us lata ko apne dande se khol diya Ajay dhamm se zameen par aa gira phir kuchh mantra budbudate hue usne ajay ke pair me bandhi lata bhi khol di. Jaise tano bhari zanjeer se Ajay ko azaadi mil gai. Us aadiwasi ne haath dikhakar ajay ko uthne ka ishara kiya aur Ajay bhi ise ek friendly gesture maan kar uth khada hua. Pat Ajay ko samajh nahi aa raha tha ki wo unki baat kaise samjhe aur apni baat unhe kaise samjhae.

Ajay: Dekhiye kaise kahu
Ajay apne haath ke ishar se use samjhane ki koshish karne laga. Wo haath hila hila kar samjhne ki bharsak koshish kar raha tha.
Aadiwasi: Tum chaho to muh se bol kar bhi samjha sakte hai.
Ajay shocked hote hue: Oh u understand hindi oh thank god no more Akito Akito.
Aadiwasi: Tumhe aghori ne bheja hai.
Ajay: Ya ya ha hai aghori ne mujhe aghori ne hi bheja hai aur ye rudraksha diya tha aur kaha tha ki ye dekhte hi aap samajh jaenge ki mujhe unhone bheja hai.
Aadiwasi: Ye rudraksha sirf tumhari pehchaan ke liya nahi tumhari raksha ke liye bhi tha yadi ye rudraksha tumhare paas na hota to bina anumati humare chhetra me ghusne ke dand me meri patni tumhari aatma roop ko bhi nasht kar deti.
Ajay: Oh to wo lady dara singh aapki biwi thi. Khair ab jab sari galatfehmi door ho gai hai to kya mai aapke mahaguru se mil sakta hu.
Aadiwasi: Nahi abhi nahi abhi wo saadhna me baithe hai jab to tak wo saadhna se nahi jaagte koi unse nahi mil sakta.
Ajay: Dekhiye mera unse abhi milna bahut zaroori hai kisi ke pran sankat me hai mujhe unki madad chahiye.
Aadiwasi: Wo saadhna me rehte hue bhi is chhetra aur isme pravesh karne walo par puri nazar rakhte hai aur tumhari samasya se wo bhi wo ab tak avgat ho gae honge yadi zaroori hota to wo ab tak sadhna se jaag jate par wo ab bhi sadhna me hai matlab jiski tum baat kar rahe ho uske pran philhaal surakshit hai aur ho sakta hai tumhari samsya ka hal hi dhoond rahe ho isliye unke jaagne ka intezaar karo.



Intezaar karne ke alawa Ajay ke paas koi chara nahi tha.