Login

johnypowas · 26-09-2019, 12:37 PM

பிக் பாஸ்ஸில் கொடுக்கப்பட்ட டாஸ்க்கால் முகேனுக்கு நடந்த அதிர்ச்சி சம்பவம்!

.பிக் பாஸ் சீசன் 3ல் மொத்தம் 16 போட்டியாளர்கள் பங்கேற்றனர். இந்த நிகழ்ச்சியில் பாத்திமா பாபு, மோகன் வைத்யா, வனிதா, மீரா மிதுன், ரேஷ்மா, சரவணன், சாக்ஷி, அபிராமி, மதுமிதா, கஸ்தூரி மற்றும் சேரன் இதுவரை போட்டியிலிருந்து வெளியேறியுள்ளனர். இதில் முகேன் நேரடியாக இறுதி சுற்றுக்கு செல்லும் வாய்ப்பை பெற்றுள்ளார்.

தற்போது பிக் பாஸ் வீட்டில் 6 போட்டியாளர்கள் மட்டுமே களத்தில் உள்ளனர். தற்போது பிக் பாஸ் போட்டியாளர்களுக்கு கொடுக்கும் டாஸ்க் மிக கடுமையானதாக மாறியுள்ளது. இந்நிலையில் நேற்று தலைவர் பதவிக்கான டாஸ்க் போட்டியாளர்களுக்கு கொடுக்கப்பட்டது. அதில் முகேன், சாண்டி மற்றும் கவின் உடல் முழுவதும் பாலிதீன் பேப்பரில் சுற்றியுள்ளனர். அதனை தொடர்ந்து அறைக்குள் போடப்பட்ட ஒரு வட்டதிற்குள் உருண்டு சென்று எழுந்து நிற்கவேண்டும் என்று டாஸ்க் கொடுக்கப்பட்ட்டது. அப்போது பாலிதீன் பேப்பர் உடலில் இறுக்கமாக சுற்றியிருந்ததால் முகேனின் உடலில் அலர்ஜியும், வலியும் ஏற்பட்டுள்ளது. இந்த காட்சி டிவியில் ஒளிபரப்பு செய்யாத நிலையில் நீக்கப்பட்ட காட்சி தற்போது வைரலாகி வருகிறது. ஏற்கனவே தர்ஷனின் காதலி பிக் பாஸ்ஸில் கொடுக்கப்படும் கடுமையான டாஸ்க் பற்றி சமூக வலைத்தளத்தில் பதிவு ஒன்றை போட்டிருந்தார் என்பது குறிப்படத்தக்கது.

johnypowas · 26-09-2019, 12:39 PM

வீழ்ந்துவிட்டாரா சூர்யா?

கடந்த செப்டம்பர் 20, கே.வி. ஆனந்த் இயக்கத்தில் சூர்யா நடிப்பில் உலகம் முழுவதும் வெளியான படம் காப்பான். இவர்கள் கூட்டணியில் உருவாகும் மூன்றாவது படம் இதுவாகும். முதன் முதலில் இவர்கள் கூட்டணியில் உருவான அயன் படம் பெரிய வெற்றிபெற்றது. ஏவிஎம் நிறுவனம்தான் இந்த படத்தை தயாரித்திருந்தது. அடுத்ததாக இவர்கள் கூட்டணியில் மாற்றான் என்றொரு படம் வெளியானது. அயன் அடைந்த வெற்றியினால் இந்த படத்தின் மீது எக்கச்சக்க எதிர்பார்ப்பு இருந்தது. ஆனால், படம் ஒரளவிற்குதான் பேசப்பட்டது. தற்போது மூன்றாவதாக இவர்கள் கூட்டணியில் வெளியாகியுள்ள காப்பான் படத்திற்கு விமர்சகர்களிடமும், பார்வையாளர்களிடமும் பெரிதாக பேச்சு இல்லை. கலைவையான விமர்சனங்களே வருகின்றன.

இந்த காப்பான் படத்திற்கு முன்பாக வெளியாகின படங்களான என்.ஜி.கே, தானா சேர்ந்த கூட்டம், 24, மாசு என்கிற மாசிலாமணி, அஞ்சான் உள்ளிட்ட படங்களும் சூர்யாவிற்கு பெரிதாக கைகொடுக்கவில்லை. இந்த வரிசையில் ஹரி இயக்கத்தில் வந்த சிங்கம்-3 மட்டுமே வெற்றியை பெற்றது. இந்த நிலையினாலும் சூர்யாவின் சமீபத்திய அரசியல் பேச்சுக்கள் பிடிக்காதவர்களும், எதிர்ப்பாளர்களும் சூர்யாவுக்கு இது பின்னடைவு எனவும், சூர்யாவின் சினிமா பயணம் அவ்வளவுதான் எனவும் பேசி வருகின்றனர். அவர்கள் பேசும் அளவிற்கு சூர்யா வீழ்ந்துவிட்டாரா என்ன?

சரி, இப்போது வீழ்ந்துவிட்டதாக சொல்லப்படும் சூர்யாவின் ஆரம்பக்கட்டம் எப்படி இருந்தது. வாரிசு நடிகராக இருந்தாலும் சூர்யாவின் ஆரம்பக்கட்டம் மிகக்கடுமையானதாகவே இருந்தது. முதல் படமான ‘நேருக்கு நேர்’ வெற்றி பெற்றாலும் அதற்கு பிறகு நாயகனாக நடித்த பல படங்கள் தோல்வி அடைந்தன. தொடர்ந்து பல முயற்சிகளுக்கு பிறகு ‘நந்தா’ திரைப்படம்தான் ஒரு நாயகனாக நிலை நிறுத்தியது. கமர்ஷியல் வெற்றி என்றால் அது ‘காக்க காக்க’வில் இருந்துதான் - இதுதான் முறையான கமர்ஷியல் வெற்றி.

அதற்கு முன்புவரை நடிக்க தெரியாதவர், நடனமாட தெரியாதவர், உயரமாக இல்லை என்று பலவிதமாக கிண்டல் செய்யப்பட்டார். இவற்றையெல்லாம் தாண்டி கடினமாக உழைத்து முன்னணி ஹீரோவானார் சூர்யா. தமிழ் சினிமா வரலாறை கவனிக்கத்தவர்களுக்கு தெரியும் அதில் வெற்றி நாயகர்களாக திகழ்ந்தவர்களில் பெரும்பாலானோருக்கு முதல் படமே வெற்றி படமாக அமைந்தது இல்லை. ஆரம்பக்கட்டம், சற்று கடுமையாகவும், கரடுமுரடா இருந்து அதை தாண்டி விடாமுயற்சியோடு தொடர்ந்தவர்களுக்கு பெரிய வெற்றிகள் கிடைக்கும்.

இப்படி தோல்விகளையும் கடந்து முன்னணி நாயகனான சூர்யா நடிப்புடன் நிறுத்திக்கொள்ளவில்லை தனது அகரம் அறக்கட்டளை மூலமாக வாய்ப்பிழந்த ஆயிரக்கணக்கான மாணவர்களுக்கு கல்வி அளித்து கை தூக்கிவிடுகிறார். சமீப காலமாக பல்வேறு பொது பிரச்சனைகள் குறித்து இவர் எழுதிய கட்டுரைகள் மேலோட்டமானவை அல்ல. இப்படி கடந்த 20 ஆண்டுகளுக்கு மேலாக தொடர்ந்து போராடி வரும் சூர்யாவிற்கு இந்த இடைவெளி ஒரு வீழ்ச்சி அல்ல.

“ ஒரு தடவ ஷூட்டிங் முடிச்சிட்டு ரயிலில் வந்து கொண்டிருந்தோம். அப்போது நான் அசதியில் தூங்கிவிட்டேன். திடீரென எழுப்பிய ரகுவரன் சார் ‘உனக்கு எப்படிடா தூக்கம் வருது. இன்னும் எதையும் சாதிக்காம’ என்று கேட்டார். அன்றிலிருந்து நான் சினிமாவில் வெற்றிபெறும்வரை சரியாக தூங்கியது கிடையாது”- இது சூர்யா முன்பு ஒரு பேட்டியில் கூறியது. இப்படிப்பட்ட அவர் மீண்டும் தன்னிடத்திற்கு வருவார். வரும்வரை உறங்க மாட்டார்!

johnypowas · 26-09-2019, 05:10 PM

ரூ.110 கோடி மோசடி: தயாரிப்பாளர் கருணாமூர்த்தி மீது லைகா புகார்

தமிழ்த் திரையுலகில் கத்தி படத்தின் மூலம் லைகா நிறுவனம் தயாரிப்பில் இறங்கியது. தொடர்ந்து 2.0 உள்ளிட்ட பல படங்களைத் தயாரித்தது. அந்த நிறுவனத்தின் முக்கிய பொறுப்பில் இருந்த கருணாமூர்த்தி மற்றும் அவருக்கு உதவியாக இருந்த பானு ஆகியோர் பண மோசடியில் ஈடுபட்டதாக அவர்கள் மீது லைகா நிறுவனம் சார்பில் இன்று(செப்.,26) சென்னை காவல்துறை ஆணையரிடம் புகார் அளிக்கப்பட்டுள்ளது.

அந்தப் புகாரில் உள்ள விவரம் வருமாறு: 2013ம் ஆண்டில் தொழில்நுட்ப ரீதியாக ஒரு ஆலோசகர் தேவைப்பட்டதால் கே.கருணாமூர்த்தியை எங்களது கம்பெனினியின் ஆலோசகராக நியமித்தோம். பிரிட்டிஷ் குடியுரிமை பெற்ற இலங்கைத் தமிழரான, இந்தியத் திரைப்படத் தயாரிப்பாளரான கருணாமூர்த்தி, 27 வருடங்களாக தமிழ்த் திரையுலகத்தில் முக்கியத்துவம் பெற்றவராக இருப்பவர். அவருக்கு அனைத்து விதமான நிதிநிர்வாகங்களில் தனிப்பட்ட விதத்தில் பானு என்பவரும் உதவியாக இருக்கிறார்.

கதை கேட்பது, திட்டங்களை அனுமதிப்பது, எங்கள் தயாரிப்பில் படங்களைத் தயாரிப்பது என தனியாக அவர் முடிவெடுக்கும் விதத்தில் 2013ம் ஆண்டு முதலே கருணாமூர்த்தி அவருடைய தேன் தடவிய வார்த்தைகளால் எங்களை நம்ப வைத்தார். அனைத்து நடிகர்கள், நடிகைகள், மற்ற கலைஞர்கள் என அனைவருக்கும் அவர் தான் சம்பளம் பேசுவதில் முன்னிலை வகித்தார்.

அவருடைய அனுபவத்தால் தினப்படியான வேலைகள் அனைத்திலும் அவர் பங்கேற்பார். அதீதமான நம்பிக்கையால் அவருடைய அனுமதிக்குப் பிறகே நாங்கள் பணம் வழங்குவோம். லைகா நிறுவனத்தின் அனைத்து பரிமாற்றங்களும் அவருடைய கட்டுப்பாட்டிலும், நிர்வாகத்திலும் மட்டுமே இருந்தது. மார்க்கெட்டிங், கணக்கு வழக்குகள், நிதி நிர்வாகம் என அனைத்திலும் அவரை நம்பினோ

johnypowas · 26-09-2019, 05:12 PM

அனைத்து விதமான செயல்களிலும் கருணாமூர்த்தியின் உதவியாக இருந்த பானு தான் லைகா ஊழியர்களையும் நிர்வகிப்பார். பானுவின் உத்தரவுகளை மட்டுமே ஊழியர்கள் பின்பற்ற வேண்டும் என்றும் கருணாமூர்த்தி தெரிவித்திருந்தார். சம்பளம் வழங்குதல், மெயில்கள் பரிமாற்றம் என அனைத்திலும் கருணாமூர்த்திக்குப் பதிலாக பானு தான் முடிவெடுப்பார்.

2014ல் நாங்கள் எங்களது சொந்த பணத்தில் தயாரித்து வெளியிட்ட கத்தி படத்தின் முக்கிய தமிழ்நாடு, கேரளா ஏரியாக்கள், வெளிநாட்டு உரிமை ஆகியவற்றை கருணாமூர்த்தி அவருடைய ஐங்கரன் இன்டர்நேஷனல் பிலிம்ஸ் சார்பாக எந்தவிதமான ஒப்பந்தம் இல்லாமல் எடுத்துக் கொண்டார். சில தொகையை மட்டும் கொடுத்துவிட்டு அதன் மூலம் பெரும் லாபத்தைப் பெற்றார்.

அதே போல, எனக்கு இன்னொரு பேர் இருக்கு, எமன் ஆகிய படங்கள் ஐங்கரன் இன்டர்நேஷனல் நிறுவனத்திற்குத்தான் மொத்த தியேட்டர் உரிமை, சாட்டிலைட் உரிமை விற்கப்பட்டது. 95 கோடி ரூபாய்க்கு அவற்றை விற்றதில் எங்களுக்கு 5 கோடியை மட்டுமே அவர் கொடுத்து எங்களது கம்பெனியை ஏமாற்றியுள்ளார். 90 கோடி ரூபாய் வரை 3 படங்களுக்காக சட்டவிரோதமாக கையாண்டுள்ளார்.

மேற்சொன்ன படங்கள் அனைத்தும் லைக்கா நிறுவனம் சார்பாக நிதி அளிக்கப்பட்டவை ஆகும். அவை ஐங்கரன் இன்டர்நேஷனல் நிறுவனத்திற்கு விற்கப்பட்டுள்ளது. தியேட்டர் உரிமை, சாட்டிலைட் உரிமை ஆகியவற்றுடன் கணக்கிட்டுப் பார்த்தால் சுமார் 100 கோடி ரூபாய் வரை எங்கள் கம்பெனிக்கு நக்ஷடம் வருகிறது.

கடந்த சில வருடங்களாக தீவிர விசாரணைக்குப் பிறகுதான் இதை நாங்கள் தெரிவிக்கிறோம். இப்படை வெல்லும், தியா, கோலமாவு கோகிலா ஆகிய படங்களில் கம்பெனி மீதான கவனம் செலுத்தாமல் முடிந்தவரையில் கையாடல் செய்திருக்கிறார். இவற்றின் நஷ்டம் குறித்த தகவல் விசாரணைக்குப் பிறகே தெரிய வரும்.

எங்கள் அனுமதி இல்லாமல், எங்களுக்குத் தெரியாமல் எந்தவிதமான ஒப்பந்தம் இல்லாமல், ரசீது தொகையை மாற்றி முறைகேடு செய்திருக்கிறார். வெளிநாட்டு உரிமை பெற்றவர்களிடமிருந்து எங்களுக்கு வர வேண்டிய 13 கோடி ரூபாய் தொகையும் வரவில்லை.

கருணாமூர்த்தியின் ஒப்பந்தப்படி 2018ல் வந்தா ராஜாவாதான் வருவேன் படத் தயாரிப்பு மூலம் எங்களுக்கு 14 கோடி ரூபாய் நஷ்டம் ஏற்பட்டது. இந்தியன் 2 படத்தை எங்களது அனுமதி இல்லாமல் தயாரித்து, பிப்ரவரி மாதம் திடீரென நிறுத்தப்பட்ட வகையில் 4 கோடி நஷ்டம் ஏற்பட்டுள்ளது.

johnypowas · 26-09-2019, 05:13 PM

இவை அனைத்தும் எங்களது அனுமதி இல்லாமல் எடுக்கப்பட்டதன் விளைவாக அமைந்தவை. அவரை நாங்கள் கேள்வி கேட்க ஆரம்பித்த பின், கணக்கு புத்தகங்களை தீவிரமாக ஆராய்ந்த பின் அவர் வேண்டுமென்றே எங்களை மிகப் பெரும் நஷ்டத்தில் தள்ளியுள்ளார் என்பது புரிந்தது. அவர் மீது நாங்கள் வைத்த நம்பிக்கை, மரியாதை ஆகியவற்றை மீறி அவர் ஏற்படுத்திய நஷ்டத்தை நாங்கள் சிறிதும் எதிர்பார்க்கவில்லை.

இந்த இரண்டு படங்கள் விகையில் 18 கோடி ரூபாய் நஷ்டம் ஏற்பட்டுள்ளது. இந்த நடவடிக்கைகள் தான் எங்களது கண்களைத் திறந்து அனைத்திலும் நாங்கள் விசாரணையை நடத்த வேண்டியதாயிற்று. ஆகஸ்ட் 7ம் தேதி அந்தப் படங்களின் நஷ்டத்திற்காக அவர் 13 கோடி ரூபாயை 12 மாதங்களில் திருப்பித் தர ஒப்பந்தம் மேற்கொள்ளப்பட்டது.

ஓட்டலில் தங்கிய வகையில் 42 லட்சம், அட்வான்ஸ் பெற்ற விதத்தில் 14 லட்சம், கார்டுக்காக 13 லட்சம் அவரது கணக்கில் உள்ளது. வெளிநாட்டுப் பயணங்களுக்காக பிசினஸ் வகுப்பில் பயணித்தற்கு 1 கோடியே 26 லட்சம் ஹோட்டலில் தங்க 52 லட்சம் செலவு செய்யப்பட்டுள்ளது. தொடர்ந்து சில வருடங்களாக அவர் தொடர்ந்து எங்களை ஏமாற்றியது துரோகத்தைத் தவிர வேறொன்றுமில்லை. அவரை நம்பி பல கோடிகளை முதலீடு செய்தோம். ஆனால், அவர் அதற்குத் தகுதியானவர் அல்ல.

மேலும், கன்ஸ்டிரக்ஷன் கம்பெனி ஒன்றிற்கு 25 கோடி ரூபாய் நிதி உதவியை எங்களது அனுமதி இல்லாமல் வழங்கியிருக்கிறார். அவர்களுக்கும் எங்களுக்கும் எந்தத் தொடர்பும் இல்லை. அந்தப் பணத்தை வாங்கித் தர வேண்டியது தன் பொறுப்பு என்றார். ஆனால், இதுவரையில் அந்தப் பணம் வரவில்லை.

எங்கள் அனுமதி இல்லாமல் வந்தா ராஜாவாதான் வருவேன், இந்தியன் 2 ஆகிய படங்களைத் தயாரிக்க ஆரம்பித்ததற்காக அதற்குரிய நஷ்டமான 13 கோடி ரூபாயை மட்டும் திருப்பித் தர சம்மதித்துள்ளார். அதே சமயம் 90 கோடி ரூபாய் நஷ்டம், கணக்கில் உள்ள 13 கோடி ரூபாய், 25 கோடி ரூபாய் கடன் வழங்கியது ஆகியவற்றிற்கான பொறுப்பைத் தட்டிக் கழிக்கும் விதத்தில் மேலும், நிதி மோசடிகள் வெளியாகுமோ என்ற பயத்தில் கம்பெனியை விட்டு விலக முயற்சிக்கிறார்.

இப்போது கருணாமூர்த்தியை கம்பெனியை விட்டு நீக்கிவிட்டோம். இதில் விசாரணை நடத்தினால் அவர் செய்த மேலும் பல கிரிமினல் செயல்களைப் பற்றித் தெரிய வரும். அவர்கள மீது விசாரணை நடத்தி எங்களது பணத்தைப் பெற்றுத் தருமாறு கேட்டுக் கொள்கிறோம்,” என அந்தப் புகாரில் தெரிவித்துள்ளனர்.

johnypowas · 26-09-2019, 05:15 PM

ரூ. 10 கோடி வாங்கிவிட்டு கொடுக்கவில்லை: கமல் மீது ஞானவேல்ராஜா புகார்

கமல் ஹாஸன் தன்னிடம் வாங்கிய பணத்தை கொடுக்கவில்லை என்று தயாரிப்பாளர் ஞானவேல்ராஜா புகார் அளித்துள்ளார்.

ரூ. 10 கோடி வாங்கிவிட்டு கொடுக்கவில்லை: கமல் மீது ஞானவேல்ராஜா புகார்

கமல் ஹாஸன் நடிப்பில் கடந்த 2015ம் ஆண்டு வெளியான படம் உத்தம வில்லன். இந்த படத்தை கமலின் நண்பர் ரமேஷ் அரவிந்த் இயக்கியிருந்தார். இப்படம் வெளியாவதில் சிக்கல் ஏற்பட்டது. அதை சமாளிப்பதற்காக கமல், தயாரிப்பாளர் ஞானவேல் ராஜாவிடம் இருந்து 10 கோடி ரூபாய் வாங்கியுள்ளார்.

அதுமட்டுமின்றி ஞானவேல்ராஜா தயாரிப்பில் ஒரு படத்தை இயக்கி, நடித்து தருவதாக வாக்குறுதியையும் கொடுத்துள்ளார். படம் வெளியாகி இத்தனை ஆண்டுகள் கடந்த பிறகும் கமல் தனது தயாரிப்பில் நடித்து கொடுக்கவில்லை என்றும் வாங்கிய பணத்தை திருப்பித் தரவில்லை என்றும் ஞானவேல் ராஜா தயாரிப்பாளர்கள் சங்கத்தில் புகார் அளித்துள்ளார்.

அதில், 'கடந்த 2015 ஆம் ஆண்டு கமல் நடிப்பில் உருவான உத்தமவில்லன் திரைப்படம் வெளியாவதில் சில சிக்கல் ஏற்பட்டதைத் தொடர்ந்து கமல், தம்மை அணுகியதாகவும், தமது ஸ்டூடியோ க்ரீன் நிறுவன தயாரிப்பில் ஒரு படத்தில் இயக்கி, நடித்துக் கொடுப்பதாகக் கூறினார். மேலும் படத்தில் நடிப்பதற்காகச் சம்பளத்தில் முன்பணமாக 10 கோடி ரூபாயை கேட்டு பெற்றுக் கொண்டதாக ஞானவேல்ராஜா தெரிவித்துள்ளார்.

பணம் பெற்று கொண்டு நான்கு ஆண்டுகள் ஆகிவிட்ட நிலையில், இது வரை தமது படத்தில் நடிக்க அவர் முன் வரவில்லை என்றும், 10 கோடி ரூபாய் பணத்தைத் திருப்பித் தரவில்லை என்றும் ஞானவேல் ராஜா தனது புகார் மனுவில் தெரிவித்துள்ளார். இந்த புகாரை ஏற்று கொண்ட தயாரிப்பாளர் சங்கம் கமலிடம் விளக்கம் கேட்டு நோட்டீஸ் அனுப்பியுள்ளது. இந்த சம்பவம் சினிமா வட்டாரத்தில் சலசலப்பை ஏற்படுத்தியுள்ளது

johnypowas · 28-09-2019, 09:51 AM

நெஞ்சை நெகிழவைக்கும் வகையில்: அக்கா மீது பாசமுள்ள தம்பி, தம்பி மீது பாசமுள்ள அக்கா - சிவப்பு மஞ்சள் பச்சை விமர்சனம்

[Image: 201909132158105824_Sivappu-Manjal-Pachch...SECVPF.gif]

johnypowas · 28-09-2019, 09:52 AM

நடிகர்: சித்தார்த், ஜி.வி.பிரகாஷ் குமார் நடிகை: காஷ்மீரா, லிஜோமோள் டைரக்ஷன்: சசி இசை : சித்து குமார் ஒளிப்பதிவு : பிரசன்னா எஸ்.குமார்
முதல்முறையாக அக்காள்-தம்பி பாசத்துடன், அந்த தம்பிக்கும்-அக்காள் கணவருக்குமான உறவை நெஞ்சை நெகிழவைக்கும் வகையில் சொல்லியிருக்கிறார் டைரக்டர் சசி. படம் சிவப்பு மஞ்சள் பச்சை சினிமா விமர்சனம்.
இதுவரை அம்மா-மகன், அப்பா-மகன், அண்ணன்-தங்கை...என பல பாசமலர் கதைகளை பார்த்து இருக்கிறோம். முதல்முறையாக அக்காள்-தம்பி பாசத்துடன், அந்த தம்பிக்கும்-அக்காள் கணவருக்குமான உறவை நெஞ்சை நெகிழவைக்கும் வகையில் சொல்லியிருக்கிறார், டைரக்டர் சசி. லிஜோ மோள் ஜோஸ்-ஜீ.வி.பிரகாஷ் இருவரும் குழந்தை பருவத்திலேயே அம்மா-அப்பாவை இழந்த அக்காவும், தம்பியும். அக்காவுக்கு அப்பா போல் தம்பி ஜீ.வி.பிரகாசும், தம்பிக்கு அம்மாவைப்போல் லிஜோ மோள் ஜோஸ்சும் ஒருவர் மீது ஒருவர் பாசமழை பொழிகிறார்கள். “தம்பிக்கு பிடித்தவரைத்தான் திருமணம் செய்து கொள்வேன்” என்று அக்காள் லிஜோ மோள் ஜோஸ், தம்பி ஜீ.வி.பிரகாஷ் கையில் சத்தியம் செய்து கொடுக்கிறார். அந்த சத்தியம் காப்பாற்றப்பட்டதா, இல்லையா? என்பதே ‘சிவப்பு மஞ்சள் பச்சை.’

சின்ன வயது அக்காள்-தம்பி கதையுடன் படம் ஆரம்பிக்கிறது. ஜீ.வி.பிரகாசின் ‘பைக்’ ரேஸ், சித்தார்த்-ஜீ.வி.பிரகாஷ் மோதல், காதலியின் தம்பி, தனக்கு மைத்துனன் என்ற உறவை நினைத்து பார்த்து சித்தார்த் இறங்கி வருவது, தன் மீதான கோபத்தை ஜீ.வி.பிரகாஷ் மனதில் இருந்து துடைத்து விடுவதற்கு முன்வருவது, இருப்பினும் ஜீ.வி.பிரகாஷ் சமாதானம் ஆகாமல் சித்தார்த்தை பழிவாங்குவதிலேயே குறியாக இருப்பது என ஒரு திகில் படத்துக்கான பதற்றத்துடன் திரைக்கதை வேகம் பிடிக்கிறது. இடைவேளைக்குப்பின், லிஜோ மோள் ஜோஸ்சுக்கு வேறு மாப்பிள்ளை பார்ப்பது, எதுவும் சரிவராமல் மறுபடியும் மாப்பிள்ளையாக சித்தார்த் வருவது, ஜீ.வி.பிரகாஷ் காதல் வலையில் விழுவது, சித்தார்த்தையும், லிஜோ மோள் ஜோஸ்சையும் இணைத்து வைக்க ஜீ.வி.பிரகாசின் காதலி முயற்சிப்பது, வில்லன் மதுசூதனின் போதை மருந்து கடத்தல் என திருப்பங்களுக்கு மேல் திருப்பங்களுடன் கதை சுவாரஸ்யமாக நகர்கிறது. படத்தின் உச்சக்கட்ட காட்சிதான் நம்பகத்தன்மை இல்லாமல், நீளமான இழுவையாக இருக்கிறது. உணர்ச்சிகரமான பாசப்போராட்டங்களுடன் கூடிய கதாபாத்திரத்தில், முதல்முறையாக சித்தார்த். இதுபோன்ற கதையும், கதாபாத்திரமும் ஒரு கதாநாயகனுக்கு கிடைப்பது, வரம். கிடைத்த வாய்ப்பை மிக சரியாக பயன்படுத்திக் கொண்டிருக்கிறார், சித்தார்த். காதலையும், மோதலையும் மிக இயல்பாக வெளிப்படுத்துகிறார்.

கதாநாயகனுடன் மோதுவதால் ஜீ.வி.பிரகாசின் பாத்திரம் ஆரம்ப காட்சிகளில் வில்லன் போல் அமைந்து விடுகிறது. தன் பாசமுள்ள அக்காவுக்காக ஜீ.வி.பிரகாஷ் கொஞ்சம் கூட இறங்கி வராதது, பார்வையாளர்களுக்கு கோபத்தை ஏற்படுத்துகிறது. சித்தார்த்துடன் மோதல், கட்டிப்பிடித்து உருளுதல், அவருடைய வீட்டில் வேண்டா விருப்பமாக தங்கியிருப்பது ஆகிய காட்சிகளில், ஜீ.வி.பிரகாஷ் நடிப்பில் பிரகாசம். அந்த அக்காள் வேடத்தில் லிஜோ மோள் ஜோஸ், உருக வைத்து விடுகிறார். காதலரையும் விட்டுக் கொடுக்காமல், தம்பியையும் விட்டுக் கொடுக்காமல், இருவருக்கும் இடையில் சிக்கி தவிக்கும் காட்சியில், லிஜோ மோள் ஜோஸ் கலங்க வைத்து விடுகிறார். தமிழ் பட உலகுக்கு ஒரு நல்வரவு. இன்னொரு நாயகியான காஷ்மீராவும் கதாபாத்திரத்தை உணர்ந்து நடித்து இருக்கிறார். வில்லன் மதுசூதனின் மிரட்டல்கள், பயமுறுத்துகின்றன.

பிரசன்னா எஸ்.குமாரின் ஒளிப்பதிவும், சித்துகுமாரின் பின்னணி இசையும் காட்சிகளுக்கு ஜீவனாக அமைந்து இருக்கின்றன. உணர்வுப்பூர்வமான கதையை விறுவிறுப்பாக சொல்லியிருக்கிறார், டைரக்டர் சசி. காட்சிகளும், வசன வரிகளும், சில இடங்களில் கண்கலங்க வைத்து விடுகின்றன. அக்காள் மீது பாசமுள்ள தம்பியும், தம்பி மீது பாசமுள்ள அக்காள்களும் அழுது விடுவார்கள். இதுபோன்ற உறவுகளை மேம்படுத்திக் காட்டும் படைப்புகள் நிறைய வரவேண்டும். அதற்கான பாராட்டுகள் சசி போன்ற டைரக்டர்களுக்கு போய் சேர வேண்டும்
.

johnypowas · 28-09-2019, 09:53 AM

இரும்பு இதயங்களை கூட இளக வைக்கும் கதை - படம் ஒத்த செருப்பு விமர்சனம்

[Image: 201909250928200469_Otha-Seruppu-in-cinem...SECVPF.gif]

johnypowas · 28-09-2019, 09:54 AM

நடிகர்: பார்த்திபன் நடிகை: - டைரக்ஷன்: பார்த்திபன் இசை : சந்தோஷ் நாராயணன் ஒளிப்பதிவு : ராம்ஜி
இது, வழக்கமான திரைப்படம் அல்ல. புதுமை விரும்பியான பார்த்திபன் (அவர் மட்டுமே) நடித்து, இயக்கியிருக்கும் படம். ஒத்த செருப்பு சினிமா விமர்சனம் பார்க்கலாம்.

ஒரு கொலை குற்றத்துக்காக பார்த்திபன் போலீஸ் காவலில் வைக்கப்பட்டு இருக்கிறார். அவரிடம் உதவி கமிஷனர், துணை கமிஷனர், ஒரு பெண் மனநல மருத்துவர் ஆகியோர் விசாரணை நடத்துவது போல் படம் ஆரம்பிக்கிறது.

மாசிலாமணி (பார்த்திபன்) ஒரு ‘கிளப்’பில் காவல்காரராக இருக்கிறார். அவருக்கு உஷா என்ற அழகான மனைவியும், விசித்திரமான நோயினால் பாதிக்கப்பட்ட மகனும் இருக்கிறார்கள். இவர்கள் வாழ்க்கையில், பார்த்திபன் மனைவியின் அழகே பாதிப்பை ஏற்படுத்துகிறது. இதற்கு இவர்கள் குடும்ப ஏழ்மை காரணமாகிறது.

பார்த்திபன் வேலை செய்யும் ‘கிளப்’ செயலாளர் மற்றும் நிர்வாக பொறுப்பில் உள்ள ஒரு ஆசாமி, உஷாவை “அக்கா” என்று அழைத்து வந்த ஒரு ஆட்டோ டிரைவர் ஆகியோர் அவர் குளிப்பது போல் வீடியோ படம் எடுத்து மிரட்டுகிறார்கள். தங்கள் ஆசைக்கு பணியாவிட்டால், அந்த வீடியோ படத்தை இணையதளத்துக்கு கொடுத்து விடுவதாக மிரட்டி, பாலியல் தாகத்தை தணித்துக் கொள்கிறார்கள்.

இந்த விவகாரம் பார்த்திபனுக்கு தெரியவருகிறது. மானமுள்ள ஒரு கணவன் என்ன செய்வானோ அதையே பார்த்திபனும் செய்கிறார். மனைவியை மிரட்டி பணியவைத்து ‘செக்ஸ்’ உறவு கொண்ட அந்த ‘கிளப்’ நிர்வாகிகள் இரண்டு பேர்களை கொலை செய்கிறார். கணவரின் கொலை வெறியை புரிந்து கொண்ட உஷா, ஆட்டோ டிரைவரை பயன்படுத்தி பார்த்திபனை தீர்த்துக்கட்ட முயற்சிக்கிறார்.

அதில் இருந்து பார்த்திபன் எப்படி தப்புகிறார்? துரோகம் செய்த மனைவியை அவர் என்ன செய்கிறார்? என்பது, ‘கிளைமாக்ஸ்.’

இரும்பு இதயங்களை கூட இளக வைக்கும் கதை. இதில், பார்த்திபன் ஒருவர் மட்டுமே நடித்து இருக்கிறார். தொடர்பு இல்லாமல் பேசுவது, அவருடைய கதாபாத்திரத்தை ஒரு மனநோயாளி என்று புரியவைக்கிறது. கொலை செய்ததை முதலில் அவர் மறுப்பது, பின்னர், “நான்தான் அந்த கொலையை செய்தேன்” என்று ஆவேசமாக சொல்வது, மனைவியின் அழகை புகழ்வது, விசாரணை அதிகாரிகளிடம் பேசிக்கொண்டே வெளியில் இருக்கும் மகன் மீது பாசத்தை காட்டுவது, இடையிடையே அவருக்கே உரிய பாணியில், சிலேடையுடன் கூடிய வசனம் பேசி, ஹாஸ்யம் செய்வது ஆகிய காட்சிகள் மூலம் பார்த்திபனுக்குள் இருக்கும் சிறந்த நடிகர் வெளிப்படுகிறார்.

ஒரே ஒரு கதாபாத்திரத்தை மட்டும் நடிக்க வைத்து, முழு படத்தையும் ரசிக்க வைத்து இருப்பது, ‘ஒத்த செருப்பு’ என்ற டைட்டிலுக்கு உயிர் கொடுத்து இருப்பது ஆகிய காட்சிகள், பார்த்திபனை ‘சிறந்த டைரக்டர்’ ஆக அடையாளம் காட்டுகின்றன. படத்தின் முடிவைத்தான் ஜீரணிக்க முடியவில்லை.

ஒரே ஒரு அறைக்குள் மட்டுமே நடக்கும் கதை என்பதால், ராம்ஜியின் ஒளிப்பதிவுக்கு அதிக வேலை இல்லை. சி.சத்யாவின் பின்னணி இசை, கதையோட்டத்துக்கு ஜீவனாக அமைந்து இருக்கிறது.

‘ஒத்த செருப்பு’க்கு நிறைய விருதுகள் கிடைக்கும்.

johnypowas · 28-09-2019, 09:55 AM

கூலிக்கு கொலை செய்யும் இளைஞனும், அவனை பயன்படுத்திக் கொள்ளும் அரசியல்வாதியும் - மகாமுனி விமர்சனம்

[Image: 201909132128344268_Magamuni-in-cinema-review_SECVPF.gif]

johnypowas · 28-09-2019, 09:56 AM

நடிகர்: ஆர்யா நடிகை: மகிமா நம்பியார், இந்துஜா டைரக்ஷன்: சாந்தகுமார் இசை : எஸ்.எஸ்.தமன் ஒளிப்பதிவு : அருண் பத்மநாபன்
ஆர்யா, இரண்டு வேடங்களில் நடித்த படம். கூலிக்கு கொலை செய்யும் இளைஞனும், அவனை பயன்படுத்திக் கொள்ளும் அரசியல்வாதியும். படம் மகாமுனி சினிமா விமர்சனம்.
செப்டம்பர் 13, 09:28 PM
கதையின் கரு: ஆர்யா, இரண்டு வேடங்களில் நடித்த படம். இருவரும் மனநிலை பாதிக்கப்பட்ட ஒரு பெண்ணுக்கு பிறந்தவர்கள். இரண்டு மகன்களையும் அவர்கள் சின்ன வயதாக இருக்கும்போதே மனநிலை பாதிக்கப்பட்ட தாய் பிரிந்து சென்று விடுகிறார். ஒரு ஆர்யா (மகா) கூலிக்கு கொலை செய்பவர்களுக்கு ‘ஸ்கெட்ச்’ போட்டு கொடுப்பவர். இவருடைய மனைவி, இந்துஜா. இருவருக்கும் ஐந்து வயதில் மகன் இருக்கிறான்.

இன்னொரு ஆர்யா (முனி) திருமணம் ஆகாதவர். ஆன்மிகத்தில் ஈடுபாடு உடையவர். வேட்டி-சட்டை, நெற்றி நிறைய விபூதி அணிந்த ஆசிரியர். இவருடைய வளர்ப்பு தாய், ரோகிணி. ஒருதலையாக காதலிப்பவர், மகிமா நம்பியார். ‘மகா’ ஆர்யா, அரசியல்வாதி இளவரசுவிடம் அடியாளாக இருக்கிறார். ஒரு சந்தர்ப்பத்தில், அவரை கொலை செய்ய இளவரசு ஆட்களை அனுப்புகிறார். அந்த கொலை சதியில் இருந்து ஆர்யா தப்புகிறார்.

‘முனி’ ஆர்யாவை மகள் மகிமா நம்பியார் விரும்புவது, அப்பா ஜெயப்பிரகாசுக்கு பிடிக்கவில்லை. ஆர்யாவை கொல்வதற்கு சதி செய்கிறார். அவரிடம் இருந்து ஆர்யா தப்பினாரா, இல்லையா? என்பது ‘கிளைமாக்ஸ்.’

மகா, முனி ஆகிய 2 வேடங்களுக்கும் நிறைய வித்தியாசம் காட்டியிருக்கிறார், ஆர்யா. இளவரசுவை முழுமையாக நம்புகிற அடியாளாக- ‘மகா’ஆர்யா வரும் காட்சிகளில், நிமிர்ந்து உட்கார வைக்கிறார். இவர் முதுகில் கத்திக்குத்து வாங்குவதும், அந்த கத்தியை முதுகில் இருந்து எடுக்கும்போதும், இதுவரை பார்த்திராத ஆர்யா. ‘மகா’விடம் இருந்து முற்றிலும் மாறுபட்ட அப்பாவி ஆசிரியர் முனியாக அனுதாபம் சம்பாதிக்கிறார். ஜெயப்பிரகாசின் சதியால் பாம்பிடம் கடி வாங்குகிற காட்சியில், அய்யோ பாவமாக மாறுகிறார்.

ஊடக துறை மாணவியாக மகிமா நம்பியார், திறமையை காட்ட சந்தர்ப்பம். போர் குணம் கொண்ட அந்த கதாபாத்திரம், மகிமா நம்பியாருக்கு முற்றிலும் புதுசு. அனுபவ நடிப்பால், கவனம் ஈர்க்கிறார். ‘மகா’ஆர்யாவின் மனைவியாக-ஒரு பையனுக்கு தாயாக இந்துஜா. கணவர் மீதான கோபம், ஊடல், கூடல், மகன் மீது காட்டும் பாசம் என ஒரு நடுத்தர வர்க்க பெண்ணை கண்முன் நிறுத்துகிறார். கணவரை போலீஸ் பிடித்து செல்லும்போதும், மகனுடன் பஸ்சில் அழுது கொண்டே செல்லும்போதும், போலீஸ் அதிகாரியின் சபலத்துக்கு அடிபணியாமல் கிணற்றில் குதித்து தற்கொலை செய்து கொள்ளும்போதும், உருக்கமாக நடித்து இருக்கிறார்.

இளவரசு, ஜெயப்பிரகாஷ், அருள்தாஸ், ஜி.எம்.சுந்தர் என அனைத்து நடிகர்களும், அவர்களின் கதாபாத்திரங்களும் உயிரோட்டமானவை. அருள் பத்மநாபனின் ஒளிப்பதிவை படத்தின் இன்னொரு கதாநாயகன் என்று சொல்லலாம். காட்சிகளுக்கு ஜீவனாக அமைந்து இருக்கிறது, ஒளிப்பதிவு. எஸ்.எஸ்.தமன் இசையில் பாடல்கள் மனதில் ஒட்டவில்லை. பின்னணி இசை, காட்சிகளுக்கு கனம் சேர்க்கிறது.

சாந்தகுமார் டைரக்‌ஷனில், படத்தின் முதல் பாதி அதிக கவனம் பெறாமல், குறைந்த வேகத்துடன் கடந்து செல்கிறது. இரண்டாம் பாதி, அதிவேகத்துடன் பயணிக்கிறது. உயிரை உறைய வைக்கும் அதிரடி காட்சிகளும், எதிர்பாராத திருப்பங்களும் பாலாவின் ஆரம்ப கால படங்களை நினைவூட்டுகின்றன.

johnypowas · 30-09-2019, 09:21 AM

சிவகார்த்திகேயனின் ‘நம்ம வீட்டு பிள்ளை’ களநிலவரம் என்ன? – திரையரங்கு உரிமையாளரின் பதிவு இதோ
by RasikanSeptember 30, 2019

[Image: Still-Namma-Veetu-Pillai-Houseful-Shows-1024x576.jpg]

[Image: Still-Namma-Veetu-Pillai-Houseful-Shows-1024x576.jpg]

பாண்டிராஜ் இயக்கத்தில் சிவகார்த்திகேயன், பாரதிராஜா, ஐஸ்வர்யா ராஜேஷ், யோகி பாபு, சூரி, சமுத்திரக்கனி, நடராஜ், ஆர்.கே.சுரேஷ் என பல முன்னணி நடிகர்கள் நடித்து வெளிவந்துள்ள திரைப்படம் ‘நம்ம வீட்டு பிள்ளை’ ஊடகங்களில் கலவையான விமர்சனங்களை பெற்றுள்ள நிலையிலும், வசூல் ரீதியாக சிறப்பாக சென்றுகொண்டிருப்பதாக கூறப்படுகிறது.
தற்போது நெல்லையில் உள்ள பிரபல தியேட்டர்களில் ஒன்றான ராம் முத்துராம் சினிமாஸ் நிறுவனம் தற்போது வரை ‘நம்ம வீட்டு பிள்ளை’ ஹவுஸ் புல்லாக சென்று கொண்டிருப்பதாக கூறியுள்ளது.
இது மேலும் சிவகார்த்திகேயன் ரசிகர்களை மகிழ்ச்சிப்படுத்தியுள்ளதுடன், சிவகார்த்திகேயனுக்கு நல்ல கம்பேக் என அவரது ரசிகர்கள் கூறி வருகின்றனர்.

Quote:
[/url]Ram Muthuram Cinemas

✔@RamCinemas

Houseful show for #NammaVeetuPillai
Let's play #Verithanam for the packed Audience [img=16.9x18]https://abs.twimg.com/emoji/v2/72x72/1f525.png[/img]
Who wants the video response? [img=17.9x18]https://abs.twimg.com/emoji/v2/72x72/1f60e.png[/img]

7,371
12:30 PM - Sep 29, 2019
Twitter Ads info and privacy

[color][size][font]

1,502 people are talking about this

[url=https://twitter.com/RamCinemas/status/1178202776632848384]

Still Namma Veetu Pillai Houseful Shows[/font][/size][/color]

johnypowas

அப்போ புரியல.. இப்போ புரியுது.. தர்ஷன் வெளியேற்றம்.. வைரலாகும் ஷெரின் வீடியோ!

சென்னை: பிக்பாஸ் நிகழ்ச்சியில் இருந்து தர்ஷன் வெளியேறிய தகவலை தொடர்ந்து ஷெரினின் வீடியோ வைரலாகி வருகிறது.
பிக்பாஸ் நிகழ்ச்சியில் இருந்து இந்த வாரம் தர்ஷன் வெளியேறிவிட்டதாக உறுதியான தகவல்கள் வெளியாகியுள்ளன. இறுதிச்சுற்றுக்கு தகுதி பெறுவார் என எதிர்பார்க்கப்பட்ட நிலையில் தர்ஷன் வெளியேற்றப்பட்டிருப்பது பெரும் அதிர்ச்சியை ஏற்படுத்தியுள்ளது.
இதனால் விஜய்டிவியையும் பிக்பாஸ் நிகழ்ச்சியையும் ரசிகர்கள் கடுமையாக விமர்சித்து வருகின்றனர். கடந்த வாரம் சேரன் வெளியேற்றப்பட்டதே மக்களின் விருப்பத்திற்கு எதிராக என மக்கள் கருத்து தெரிவித்து வந்தனர்
[Image: sherin1-1569740505.jpg]

ஒருதலைக் காதல்
பிக்பாஸ் வீட்டில் இருந்தவரை தர்ஷனும் ஷெரினும் நல்ல நண்பர்களாக இருந்தனர். ஷெரினுக்கு தர்ஷன் மீது ஒரு தலையாக காதல் இருந்தபோதும், தர்ஷனுக்கு வெளியில் காதலி இருப்பதை அறிந்து அதனை வெளிப்படுத்தாமல் இருந்து வந்தார்.
[Image: vanith-1--1569740498.jpg]

[url=https://www.outbrain.com/what-is/default/en][/url]

தர்ஷன் சப்போர்ட்
பிக்பாஸ் கொடுத்த கடிதம் எழுதும் டாஸ்க்கின் போது கூட ஷெரின், தர்ஷனுக்குதான் கடிதம் எழுதினார் ஷெரின். தர்ஷனும் எந்த பிரச்சனையானாலும் ஷெரினுக்காக குரல் கொடுத்து வந்தார்.

johnypowas · 30-09-2019, 09:31 AM

வைரல் வீடியோ
இந்நிலையில் தர்ஷன் வெளியேறிய தகவலால் கடுப்பான ரசிகர்கள், இதற்கு ஷெரினும் ஒரு காரணம் என டிவிட்டி வருகின்றனர். மேலும் தர்ஷன் வெளியேற்றப்பட்ட நிலையில் ஷெரின் வீடியோ ஒன்றையும் வைரலாக்கி வருகின்றனர்.
[Image: sherin128-1569740674.jpg]

இப்போ புரியுது
அப்போ புரியல.. இப்போது புரிகிறது என்ற கேப்ஷனில் வைரலாகும் அந்த வீடியோவில், ஷெரின் தனது பள்ளிப்பருவத்தில் நடந்த கதைகளை ஏற்கனவே பகிர்ந்த சம்பவங்கள் உள்ளனர்.
[Image: sherin12-1569740680.jpg]

[url=https://www.outbrain.com/what-is/default/en][/url]

பள்ளிப்பருவ காதல்
அதாவது தான் 9ஆம் வகுப்பு படிக்கும் போது, தனக்கு 10ஆம் வகுப்பு படிக்கும் மாணவன் ஒருவன் காதல் கடிதம் கொடுத்த சம்பவம் மற்றும் பள்ளித்தேர்வில் ஷெரின் டிஸ்டிங்ஷன் வாங்கியதும், அந்த மாணவன் பத்தாம் வகுப்பு தேர்வில் பெயிலான கதையும் உள்ளது.

[Image: sherin45-1569740734.jpg]

வெற்றி வாய்ப்பு இழப்பு
அந்த வீடியோவை தற்போது வைரலாக்கி வரும் ரசிகர்கள், இதேபோல்தான் தர்ஷனும் ஷெரின் பின்னால் சுற்றி வெற்றி வாய்ப்பை இழந்துவிட்டதாக நெட்டிசன்கள் கருத்து தெரிவித்து வருகின்றனர்.

johnypowas

கோலா

[Image: 201910011258237225_kola-movie-review-in-...MEDVPF.gif]

நடிகர்
விக்கி ஆதித்யா
நடிகை
ஹரிணி ஆர்
இயக்குனர்
மோத்தி பா
இசை
கண்மணி ராஜா
ஓளிப்பதிவு
தமீன் ஜே அலெக்ஸ்

நகரில் போதை மருந்து நடமாட்டம் அதிகமாக இருக்கிறது என்றும், அதை ஒழிக்க காவல் துறை தீவிர கவனம் செலுத்த வேண்டும் என்றும் மற்ற போலீஸ் அதிகாரிகளுக்கு கமிஷனர் உத்தரவிடுகிறார். இந்த நிலையில், போதை மருந்து தயாரிக்கும் ரெட்டியும், அதை வினியோகிக்கும் கஜாவும் சந்தித்துக் கொள்கிறார்கள். அப்போது, போதை மருந்துகளை தன்னை தவிர வேறு யாருக்கும் கொடுக்க கூடாது என்று ரெட்டியிடம் ஒப்பந்தம் போடுகிறார், கஜா.

அதற்கு சம்மதிக்கும் ரெட்டி, போதை மருந்தை வினியோகிக்கும் ஒட்டுமொத்த உரிமையை கஜாவுக்கு கொடுக்கிறார். கஜா, போதை மருந்துகளை மருத்துவ கல்லூரி மாணவர்-மாணவிகள் மத்தியில் பரவ விடுகிறார். அந்த போதை மருந்துகளுக்கு நடுத்தர குடும்பத்தை சேர்ந்த ஒரு இளைஞரும், கமிஷனரின் மகளும் அடிமை ஆகிறார்கள். அதில், நடுத்தர குடும்பத்து இளைஞர் பாதிக்கப்பட்டு உயிரை விடுகிறார். கமிஷனரின் மகள் கவலைக்கிடமான நிலையில் ஆஸ்பத்திரியில் அனுமதிக்கப்படுகிறார்.

[Image: 201910011258237225_1_ko3503._L_styvpf.jpg]

[size=undefined][size=undefined]

போதை மருந்து கலந்த உணவை சாப்பிட்ட குழந்தைகளும் பாதிக்கப்படுகிறார்கள். அதை நேரில் பார்த்த கஜா, போதை மருந்துகளை வினியோகிக்கும் தொழிலையே விட்டு விடுகிறார். அவருக்கு பதில் கஜாவின் வலது கையாக இருந்த பதி, அந்த தொழிலை ஏற்கிறார். இதனால் ஏற்படும் மோதல்களும், அதன் விளைவுகளும்தான், ‘கோலா.’

படத்தின் தயாரிப்பாளர் மோத்தி பா 'கஜா' கதாபாத்திரத்தில் நடித்து, படத்தை இயக்கியும் இருக்கிறார். ‘கஜா’ கதாபாத்திரத்தில் அவர் கச்சிதமாக பொருந்தியிருக்கிறார். அவருடைய வசன உச்சரிப்பே மிரட்டலாக இருக்கிறது. போதை மருந்தின் பாதிப்புகளை சொல்லியிருக்கும் விதத்தில், படத்தின் விறுவிறுப்பு கூடுகிறது.
[/size][/size]

[Image: 201910011258237225_2_ko3504._L_styvpf.jpg]

[size=undefined][size=undefined]

கதாநாயகன் விக்கி ஆதித்யாவுக்கு அதிக வேலை இல்லை. மருத்துவ கல்லூரி மாணவியாகவும், கமிஷனரின் மகளாகவும் வரும் ஹரிணி, கதாபாத்திரமாகவே மாறியிருக்கிறார். கமிஷனராக ஜீவா ரவி, கஜாவின் வலதுகையாக பாபு, மனைவியாக சந்தானலட்சுமி ஆகியோரும் கதாபாத்திரங்களாக கவனம் ஈர்க்கிறார்கள்.

ரெட்டி கதாபாத்திரத்தில் தருண் மாஸ்டர் வருகிறார். அவரை இன்னும் பயன்படுத்தி இருக்கலாம். அமுதவாணன், ஜீவா பாலா ஆகிய இருவரும் சிரிக்க வைக்க முயற்சித்து இருக்கிறார்கள். தமீன் ஜே.அலெக்சின் ஒளிப்பதிவும், கண்மணி ராஜாவின் பின்னணி இசையும் படத்துக்கு வேகம் கூட்டுகின்றன.

மொத்தத்தில் ’கோலா’ நல்ல முயற்சி.[/size][/size]

johnypowas · 03-10-2019, 09:50 AM

திட்டம் போட்டு திருடுற கூட்டம்

[Image: 201909281558560863_Thittam-Poattu-Thirud...MEDVPF.gif]

நடிகர்
சந்திரன்
நடிகை
சாட்னா டைட்டஸ்
இயக்குனர்
சுதர்
இசை
அஷ்வத்
ஓளிப்பதிவு
மார்ட்டின் ஜோ

பார்த்திபன், கயல் சந்திரமௌலி, டேனியல் போப், சாம்ஸ், சாட்னா டைட்டஸ் ஆகிய ஐந்து பேரும் சேர்ந்து திட்டம் போட்டு ஐதராபாத்தில் உள்ள அருங்காட்சியகத்தில் விலைமதிப்புள்ள ஓவியத்தை திருடுகிறார்கள். இவர்கள் கூட்டத்தை பிடிக்க ஐதராபாத் போலீஸ் தீவிர முயற்சி செய்கிறது.

இந்த ஐந்து பேரும் அடுத்ததாக சென்னையில் நடைபெறும் கிரிக்கெட் போட்டியின் உலக கோப்பையை திருட திட்டம் போடுகிறார்கள். இதை திருடி விற்றால் அவர்களுக்கு கோடிக்கணக்கில் பணம் கிடைக்கும். ஆனால், இவர்களுக்கு பல தடைகள் வருகிறது.

இதை சமாளித்து இறுதியில் ஐந்து பேரும் உலகக் கோப்பையை திருடினார்களா? இல்லையா? ஐதராபாத் போலீஸ் இவர்களை பிடித்தார்களா? என்பதே படத்தின் மீதிக்கதை.

[Image: 201909281558560863_1_tptk-2._L_styvpf.jpg]

[size][font][size][font]

நீண்ட இடைவெளிக்குப் பிறகு கயல் சந்திரமௌலி இப்படத்தின் மூலம் திரையில் தோன்றியிருக்கிறார். நடிப்பு திறனை சிறப்பாக வெளிப்படுத்திய இவருக்கு இந்த படமும் பெயர் சொல்லும் படமாக அமைந்திருக்கிறது. இந்த படத்தில் காமெடி காட்சிகளில் அசத்தி இருக்கிறார்.

வித்தியாசமான கெட்டப்பில் தனக்கே உரிய நக்கல், நையாண்டியுடன் நடித்து அனைவருடைய கவனத்தையும் பெற்றியிருக்கிறார் பார்த்திபன். பல காட்சிகளை சாதாரணமாக நடித்து விட்டு செல்கிறார். பிச்சைக்காரன் படத்தில் கதாநாயகியாக நடித்த சாட்னா டைட்டஸ் இந்த படத்தில் ஐவரில் ஒருவராக நடித்திருக்கிறார். ஆண்களுக்கு இணையாக போட்டிபோட்டு நடித்திருக்கிறார். சாம்ஸ், டேனி ஆகியோரின் நடிப்பு திரைக்கதை ஓட்டத்திற்கு பெரிதும் உதவியிருக்கிறது.

[/font][/size][/font][/size]

[Image: 201909281558560863_2_tptk-4._L_styvpf.jpg]

[size][font][size][font]

கொள்ளையடிப்பதை மையமாக வைத்து படத்தை உருவாக்கி இருக்கிறார் இயக்குனர் சுதர். கிரிக்கெட் உலக கோப்பையை திருட முயற்சிப்பது புதிய முயற்சி. திரைக்கதையை மிகவும் விறுவிறுப்பாகவும் காமெடியுடனும் கொண்டு செல்கிறார் இயக்குனர். ஆனால், காமெடி காட்சிகளை சுவாரஸ்யமாக கொடுத்திருந்தால் கூடுதலாக ரசித்திருக்கலாம்.

அஷ்வத் இசையில் பாடல்கள் கேட்கும் ரகம். மார்ட்டின் ஜோவின் ஒளிப்பதிவு படத்திற்கு பலம் சேர்த்திருக்கிறது.

மொத்தத்தில் ‘திட்டம் போட்டு திருடுற கூட்டம்’ காமெடி கூட்டம்.[/font][/size]
[/font][/size]

johnypowas · 03-10-2019, 09:55 AM

வார்

[Image: 201910021412137532_war-movie-review-in-tamil_MEDVPF.gif]

நடிகர்
ஹிருத்திக் ரோஷன்
நடிகை
வாணி கபூர்
இயக்குனர்
சித்தார்த் ஆனந்த்
இசை
விஷால் தத்லானி
ஓளிப்பதிவு
பெஞ்சமின் ஜாஸ்பர்

இவரை பல சோதனைக்கு பிறகு டீமில் இணைத்து அவருக்கு சிறப்பான பயிற்சி தருகிறார் ஹிரித்திக் ரோஷன். ஒரு கட்டத்தில் ஒரு பயங்கரவாதியை பிடிப்பதற்கான பணியில் இருந்த போது நாயகியை சந்திக்கிறார் ஹிரித்திக் ரோஷன். நாயகி வாணி கபூர் திருமணமாகி கணவனை பிரிந்து தனது 6 வயது மகளுக்காக வெளிநாட்டில் பணிபுரிகிறார். ஹிரித்திக் ரோஷன் தனது பணிக்காக நாயகியை பயன்படுத்துகிறார். அப்போது நாயகி பயங்கரவாதிகளால் கொல்லப்படுகிறார்.

இதனால் மனவேதனை அடையும் ஹிரித்திக் ரோஷன் இந்த சம்பவத்தில் நாட்டை காக்ககூடிய அதிகாரிகளே நாட்டை காட்டி கொடுக்கிறார்கள் என்பதை உணர்கிறார். இம்மாதிரியான தேச துரோகிகளை கண்டுபிடித்து தீர்த்துக்கட்டும் முயற்சியில் இறங்குகிறார் ஹிரித்திக். இதனை அறிந்த பிற அதிகாரிகள் ஹிரித்திக் ரோஷனை தேச துரோகி என முடிவு செய்து அவரை கொல்வதற்கு டைகர் ஷெரிப்பை அனுப்புகிறார்கள். இறுதியில் உண்மை நிலவரம் டைகர் ஷெரிப்புக்கு தெரிய வந்ததா? எதிரிகளின் சூழ்ச்சியில் இருந்து ஹிரித்திக் ரோஷன் தப்பித்தாரா? என்பதே மீதிக்கதை.

[Image: 201910021412137532_2_wa3503._L_styvpf.jpg]

[size][font]

ஹிரித்திக் ரோஷன், ஆக்‌ஷன், டான்ஸ், செண்டிமென்ட் என அனைத்து காட்சிகளிலும் ஸ்கோர் செய்கிறார். இவருக்கான தமிழ் டப்பிங்கும் அழகாக பொருந்தி இருப்பது அவரது கதாபாத்திரத்திற்கு உயிர் கொடுக்கிறது. ஹிரித்திக் ரோஷனுக்கு இணையாக டைகர் ஷெரிப்பும் தனது பங்களிப்பை மிக சிறப்பாக கொடுத்திருக்கிறார். படத்தில் இருவேறு கதாபாத்திரங்களாக வந்து இரண்டிலும் ஸ்கோர் செய்கிறார். இறுதி காட்சியில் ஹரித்திக் ரோஷன் உடனான ஆக்‌ஷன் காட்சியில் இவரின் பங்கு பிரம்மிக்க வைக்கிறது.

நாயகி வாணி கபூர் சிறிது நேரமே வந்தாலும் தனது கதாபாத்திரத்தை சிறப்பாக செய்துள்ளார். மேலும் அசுதோஷ் ராணா, அனில் ஜார்ஜ், அனு பிரியா, கீத் டல்லிசன் ஆகியோர் தங்களது கதாபாத்திரத்தை உணர்ந்து சிறப்பான நடிப்பை வெளிப்படுத்தியுள்ளனர்.

[/font][/size]

[Image: 201910021412137532_3_wa3502._L_styvpf.jpg]

[size][font]

இயக்குனர் சித்தார்த் ஆனந்த், ராணுவத்தை மையமாக வைத்து திரைக்கதை அமைத்து படத்தை சிறப்பாக கையாண்டுள்ளார். ஹாலிவுட் தரத்தில் படத்தை எடுத்துள்ளார்.

பெஞ்சமின் ஜாஸ்பரின் ஒளிப்பதிவு படத்திற்கு மிகப்பெரிய பலமாக அமைந்துள்ளது. விஷால் தத்லானியின் பின்னணி இசை மிரட்டலாக உள்ளது.

மொத்தத்தில் “வார்” ஆக்‌ஷன் விருந்து.

இந்திய ராணுவத்தில் உள்ள ரகசிய உளவு டீமின் தலைவராக இருக்கிறார் ஹிரித்திக் ரோஷன், இவர் டீமில் புதிதாக வந்து இணைகிறார் டைகர் ஷெரிப். இவரது தந்தை ராணுவத்தில் இருந்தபோது நாட்டுக்கு செய்த துரோகத்தால் இவர் குடும்பம் அவப்பெயருக்கு ஆளாகிறது. இதனை போக்க ரகசிய உளவுத்துறையில் இணைந்து தனது குடும்பத்தின் மீதுள்ள அவப்பெயரை நீக்கவும், நாட்டின் பாதுகாப்பை காக்கவும் துடிப்போடு இருக்கிறார் டைகர் ஷெரிப்.

[/font][/size]

[Image: 201910021412137532_1_wa3504._L_styvpf.jpg]

johnypowas · 04-10-2019, 09:30 AM

Joker - சினிமா விமர்சனம்

[Image: _109089060_maxresdefault.jpg]

படத்தின் காப்புரிமைWARNER BROS
டிசி காமிக்ஸின் பேட்மேன் கதைகளில் வில்லனாக வரும் ஜோக்கரை பிரதான பாத்திரமாக வைத்து உருவாகியிருக்கும் திரைப்படம் இது.
பேட்மேன் படங்களில் எந்த நோக்கமும் இல்லாமல், எங்கிருந்து வந்தான் எனத் தெரியாமல் வில்லத்தனம் செய்யும் ஜோக்கர் பாத்திரத்திற்கு, ஒரு பின்னணியைக் கொடுக்கிறது இந்தப் படம்.
1981ஆம் ஆண்டு. கோதம் நகரம். பல்வேறு பிரச்சனைகளில் சிக்கி சின்னாபின்னமாகிக் கொண்டிருக்கிறது நகரம். இந்த ஊரில் சற்று மனநலம் பாதிக்கப்பட்ட ஆர்தர் ஃப்ளெக் (ஜாக்வின் ஃபோனிக்ஸ்) தன் தாயுடன் வசித்துவருகிறான். சம்பந்தமில்லாத தருணங்களில் கட்டுப்படுத்த முடியாமல் சிரிக்கும் பிரச்சனையும் ஆர்தருக்கு இருக்கிறது.

திரைப்படம்
Joker

நடிகர்கள்
ஜாக்வின் ஃபோனிக்ஸ், ராபர்ட் டி நீரோ, ஜாஸி பீட்ஸ், ஃப்ரான்செஸ் கான்ரே;

இயக்கம்:
டாட் ஃபிலிப்ஸ்

ஒரு மிகப் பெரிய 'ஸ்டாண்ட் - அப்' காமெடியனாக வரவிரும்பும் ஆர்தருக்கு கிடைப்பதென்னவோ, கடைகளுக்கு வெளியில் நின்று வாடிக்கையாளர்களை அழைக்கும் வேலைதான். அதிலும் சில சமயம் அடிவாங்க நேர்கிறது. விரக்தியும் நிராசையும் மிகுந்த வாழ்வை நடத்திக்கொண்டிருக்கும் ஆர்தர், ஒரு தருணத்தில் தாங்க முடியாமல் மூன்று கொலைகளைச் செய்துவிடுகிறான்.
அதைத் தொடர்ந்து கோதம் நகரில் நடக்கும் போராட்டம், ஆர்தருக்கு தன் வாழ்க்கை குறித்து தெரியவரும் உண்மைகள் ஜோக்கரின் எதிர்காலத்தையே மாற்றிவிடுகின்றன

johnypowas · 04-10-2019, 09:36 AM

கோதம் நகரத்தின் வில்லனான ஜோக்கர் கதாபாத்திரத்தில் கடந்த பல ஆண்டுகளில் சீஸர் ரொமெரோ, ஜாக் நிக்கல்சன், ஹீத் லெட்ஜர் என பல நடிகர்கள் நடித்திருக்கிறார்கள். ஒவ்வொருவரும் இந்தப் பாத்திரத்திற்கு ஒரு புதிய பரிமாணத்தை அளித்திருக்கிறார்கள்.
அதுபோலவே இந்தப் படத்தில் ஜோக்கர் கதாபாத்திரத்திற்கு ஒரு புதிய, கண்ணீரும் ரத்தமும் தோய்ந்த வண்ணத்தைக் கொடுத்திருக்கிறார் ஜாக்வின் ஃபோனிக்ஸ். டார்க் நைட் படத்தில் ஹீத் லெட்ஜர் ஜோக்கராக நடித்த பிறகு, வேறு யாரும் அந்த அளவுக்கு ஜோக்கருக்கு உயிர் கொடுக்க முடியுமா என நினைத்திருந்த நேரத்தில், அதைத் தாண்டிச் செல்கிறார் ஜாக்வின்.
[Image: _109091399_6b7799fe-6f8b-47dd-9197-98aabc3327e8.jpg]

[Image: _109091399_6b7799fe-6f8b-47dd-9197-98aabc3327e8.jpg]

படத்தின் காப்புரிமை@JOKERMOVIE/TWITTER
படத்தின் கதை 1980களில் நடப்பதால், அதற்கேற்றபடி ஒரு நகரத்தை, துல்லியமாக உருவாக்கியிருப்பது அசரவைக்கிறது. படத்தின் பிற்பாதியில் சிறிது நேரம் தொய்வடையும் படம், இறுதியை நெருங்கும்போது மீண்டும் சூடுபிடிக்கிறது.
படத்தில் சில விஷயங்கள் திரும்பத் திரும்பச் சொல்லப்படுவது அயர்ச்சியை ஏற்படுத்துகிறது. எதிர்கால பேட்மேனை இந்தப் படத்தில் குழந்தையாக சந்திக்கிறார் ஜோக்கர். அது பிற படங்களில் காலக் குழப்பத்தை ஏற்படுத்தலாம்.
ஆனால், சினிமாவை ஜாலியான பொழுதுபோக்காக பார்ப்பவர்களுக்கான படம் அல்ல இது. வித்தியாசமானவர்கள், குறைபாடுள்ளவர்களுக்கு ஒரு சமூகத்தில் எப்படி இடமளிக்க வேண்டும் என்ற கேள்வியை எழுப்பும் இந்தப் படம், நேரம் செல்லச்செல்ல பார்ப்பவர்களை ரொம்பவுமே தொந்தரவு செய்கிறது. சமூகத்தால் ஒதுக்கப்படும் ஒருவர் அதற்குப் பதிலாக வன்முறையைக் கையில் எடுப்பது சரிதானா என்ற கேள்வியையும் படம் எழுப்புகிறது.
மிகச் சிறந்த நடிகர்களைக் கொண்டு, மிகச் சிறப்பாக உருவாக்கப்பட்ட திரைப்படம்தான் இது. ஆனால், பார்த்து முடிக்கும்போது தீவிரமான எதிர்மறை எண்ணங்களை ஏற்படுத்துகிறது.

Login
Username:
Password:	Lost Password?
	Remember me