ఖైదీ నెంబర్ 402 - నా మాటే శాసనం
|
ఖైదీ నెంబర్ 402 - నా మాటే శాసనం
|
18-02-2026, 12:30 PM
(This post was last modified: 18-02-2026, 12:31 PM by SivaSai. Edited 2 times in total. Edited 2 times in total.)
Sorry For Inconvenience
Urgent Ga Ma Village Ki Veltunna
Next Update In Saturday or Sunday Afternoon
18-02-2026, 03:32 PM
21-02-2026, 01:22 PM
Update is Coming at Evening
21-02-2026, 04:25 PM
21-02-2026, 04:51 PM
ఎపిసోడ్ 87
తీహార్ జైల్లో గొడవ చేస్తున్న టెర్రరిస్ట్ ఖైదీలకి బుద్ధి చెప్పి వార్నింగ్ ఇచ్చి సందీప్ రావు ఉన్న రూమ్ దగ్గరికి వెళ్ళాడు అభీర్.
అడవిలో లింగు మీద కోపంతో అరిచినా తన మనిషిని పెద్దపులి తీసుకువెళ్లిపోవడంతో భయంతో నోరు మూసుకుని వెనకాల వెళుతూ ఉన్నాడు ఫరూక్. ************** లింగు వెనకాలే వెళుతూ చీలి, ధన వైపు చూసి "అడవి జంతువు వచ్చి మన మనిషిని తీసుకువెళ్ళిపోతే దానిని షూట్ చేయకుండా చూస్తూ నుంచున్నారేమిటిరా..?" అని నెమ్మదిగా అడిగాడు ఫరూక్. "సార్! ఆ జంతువు అసలు మాకు కనపడితేనే కదా షూట్ చెయ్యడానికి అంత ఫాస్ట్ గా వెళ్ళిపోయింది. ఈసారి వస్తే వదిలే ప్రసక్తే లేదు." అని చెప్పాడు ధన. నెమ్మదిగా నడుస్తు జేబులో నుంచి ఫోన్ తీసి చూస్తూ "ఇక్కడ సిగ్నల్ కూడా లేదు." అని కంగారుగా చెప్పాడు ప్రమోద్. "టెన్షన్ పడకు బ్రదర్! నా దగ్గర శాటిలైట్ ఫోన్ ఉంది. దీంతో సముద్రపు అడుగు నుంచి కూడా మనం కాల్ చేయొచ్చు!" అని చూపిస్తూ స్మైల్ ఇచ్చాడు ఫరూక్. ఆ మాట లింగు భుజం మీద నుంచి ఫారూఖ్ మీదకి దూకి చేతిలో ఉన్న సాటిలైట్ ఫోన్ తీసుకుని అక్కడి నుంచి చెట్ల మీదకి ఎగురుతూ వెళ్లిపోయాడు శివుడు. ఫాస్ట్ గా వెళ్ళిపోతున్న కోతిని చూసి "అయ్యో! నీ కోతి నా ఫోన్ ఎత్తుకెళ్లిపోయింది దానిని వెనక్కి పిలువు!" అని చెప్పాడు ఫరూక్. "ఏమో దొర అది ఎటు వెళ్లిందో నాకు కనపడదు కదా! అయ్యినా కోతి ముందు ఎవరైనా ఫోన్ బయటికి తీస్తారా..?" అని అడిగాడు లింగు. "ఒరేయ్ గుడ్డు నీకు కనపడుతుంది కదా! ఆ కోతి ఎటు వెళ్ళిందో చూసి ఫోన్ తీసుకురా..!" అని కోపంగా చెప్పాడు నిర్మల్. "దొర! మీరు ఎంత అరిచిన నా తమ్ముడికి వినపడదు కదా! అయినా మా శివుడు ఆ ఫోన్ ఏం చేసుకుంటాడు కాసేపట్లో తీసుకు వస్తాడు కంగారు పడకండి." అని చెప్పాడు లింగు. అక్కడినుంచి దూరంగా కనిపిస్తున్న కొండల వైపు చూసి "అవేనా నవగ్రహాల కొండలు మనం దగ్గరికి వచ్చేసామా?" అని సంతోషంగా అడిగాడు ప్రమోద్ "దొర! అవి రాతి కొండలు అక్కడే మీ మనిషి స్పృహ లేకుండా దొరికాడు." అని చెప్పాడు ముత్యం. "అలా అయితే! మా వాడిని ఎత్తుకెళ్లిన పక్షి ఇక్కడే ఉంటుంది కాదు, అది మనల్ని చూసి బయటికి రావచ్చు దగ్గరికి వస్తే కాల్చి పారేయండి." అని చెప్పాడు నిర్మల్. "సరే సార్!" అని తన వాళ్ళ వైపు చూసి "ఒరేయ్ కిరా! గన్స్ లోడ్ చేసి రెడీగా ఉండండి ఆ పక్షి మన దగ్గరికి వచ్చిన వెంటనే చచ్చి కింద పడాలి." అని చెప్పాడు ధన. "సరే బాయ్!" అని చెప్పి గన్స్ లోడ్ చేస్తూ "అందరు రెడీ గా ఉండండి ఇక్కడికి ఏ జంతువు వచ్చిన, పక్షి వచ్చిన మనకి ఆహారం అయిపోవాలి." అని చెప్పాడు కిరా. అందరూ గన్స్ లోడ్ చేసి చూస్తూ ఉండగా భయంకరమైన శబ్దం వినిపించి "ఆ సౌండ్ ఏంటి? ఎక్కడి నుంచి వస్తుంది?" అని కంగారుగా అడిగాడు నిర్మల్. "దొర! అది శిలారి పక్షి అరుపు అందరు కిందకు చుడండి లేకపోతే కళ్ళు పీకేస్తుంది." అని చెప్పాడు లింగు. ఆ మాట విని "శిలారీ పక్ష? ఆ పేరు ఇప్పుడు వినలేదే!" అని తల కిందకి దించుకుని నడుస్తూ ఉన్నాడు ముత్యం. అంతలో వేగంగా వచ్చి మీద పడి చేతిలో ఉన్న గన్స్ మొత్తం పట్టుకుని పైకి ఎగిరిపోయాయి సింబా సైన్యం. ఆకాశంలో వెళుతున్న పక్షులని చూసి "సార్! గన్స్ మొత్తం అవి తీసుకువెళ్లిపోతున్నాయి." అని కంగారుగా చెప్పాడు చీలి. "మీరు చాలా అదృష్టవంతులు దొర! ఎవరిని ఎత్తుకు వెళ్లకుండా గన్స్ మాత్రమే తీసుకువెళ్లాయి." అని నవ్వుతూ చెప్పాడు లింగు. "ఒరేయ్! నువ్వు నవ్వుతుంటే నాకు చిరా చిరా లాడిపోతుంది." అని కోపంగా చూస్తూ చెప్పాడు నిర్మల్. "గట్టిగా అరవకు ఏ జంతువు అయ్యినా వచ్చిందంటే మన దగ్గర గన్ కూడా లేదు." అని భయంగా చూస్తూ చెప్పాడు ఫరూక్. "ఫోన్ లేదు, చేతిలో గన్ లేదు, ఎక్కడ ఉన్నామో తెలీదు, ఎటు వెళుతున్నమో తెలీదు, ఈ కళ్ళు లేని వాడిని నమ్మి చాలా పెద్ద తప్పు చేసాము." అని చెప్పాడు ప్రమోద్. "దొర! మా మీద మీకు అనుమానంగా ఉంటే నా తమ్ముడిని తీసుకుని నేను పోతాను మీ దారినా మీరు పొండి." అని కోపంగా చెప్పాడు లింగు. "ఒరేయ్! నీకు దండం పెడతారా బాబు! మమ్మల్ని వదిలేసి వెళ్ళకు ఇక్కడ నుంచి ఎటు వెళ్ళాలో కూడా అర్థం కావడం లేదు, ఎటువైపు చూసిన ఒకేలాగా ఉంది." అని కంగారుగా చూస్తూ చెప్పాడు ఫరూక్. "సరే దొర! ఇంతకీ మీరు ఎక్కడికి వెళ్లాలి?" అని అడిగాడు లింగు. ఆ మాటకి షాక్ అయి చూస్తూ "ఏంటి? ఎక్కడికి తీసుకు వెళ్లాలి అని అడుగుతున్నావు? నీకు నవగ్రహాల కొండలు తెలుసు అని చెప్పావు కదా!" అని అడిగాడు ప్రమోద్. "నాకు తెలుసు అని చెప్పాను దొర కానీ మీరు అక్కడికి తీసుకు వెళ్ళమని చెప్పలేదు కదా!" అని చెప్పాడు లింగు. "ఒరేయ్ గుడ్డి నా కొడకా! నేను నీతో చెప్పలేదు." అని కోపంగా అడిగాడు చీలి. "ఏమో దొర మా గుడ్డు గాడికి వినపడదు." అని చెప్పాడు లింగు. "ఒరేయ్! నీకు కనపడదు మాకు తెలుసు, ఇప్పుడైనా ఆ కొండల దగ్గరికి తీసుకు వెళ్ళరా బాబు, నడవలేక చచ్చిపోతున్నాము." అని చెప్పాడు నిర్మల్. "సరే దొర! అని గుడ్డుని పట్టుకుని కింద కూర్చున్నాడు లింగు. అది చూసి "ఏంట్రా! సరే అని ఇక్కడ కూర్చున్నావు?" అని ఇరిటేషన్ గా చూస్తూ అడిగాడు ధన. "దొర! ఇక్కడి నుంచి చాలా దూరం పోవాలి ఆకలిగా ఉంది బువ్వ తిని పోదాము." అని తన దగ్గర ఉన్న ముఠా విప్పి గుడ్డుతో కలిసి తింటూ ఉన్నడు లింగు. ఇద్దరు తినడం చూసి "నాకు కూడా ఆకలిగా ఉంది మన దగ్గర ఉన్న ఫుడ్ బయటికి తీయండి." అని చెప్పాడు నిర్మల్. "సరే!" అని లగేజ్ కిందకి దింపి ఫుడ్ బయటికి తీసి తినడానికి రెడీ అవ్వడంతో సడన్గా కోతులు గుంపు చుట్టుముట్టి మీద పడి ఫుడ్ మొత్తం తీసుకుని వేగంగా చెట్లు ఎక్కి అక్కడ నుంచి వెళ్లిపోయాయి. ఆ కోతులు వెంటపడుతున్న తన మనుషుల్ని చూసి ప్రశాంతంగా కూర్చుని తింటున్న లింగుని చూస్తూ "ఒరేయ్! ఆ కోతులు మా ఫుడ్ మొత్తం తీసుకు వెళ్లిపోయాయి కనీసం నువ్వు తింటున్న అన్నం లొ చెయ్యి కూడా పెట్టలేదు ఏమిటి?" అని అడిగాడు ప్రమోద్. "ఏమో దొర నాకు కనబడదు." అని ఆత్రంగా తింటూ ఉన్నాడు లింగు. ఆ మాట విని దగ్గరికి వెళ్లి "ఇప్పుడు నీ అవసరం లేకపోతే ఇక్కడే చంపేసేవాడిని." అని ఆవేశంగా చూస్తూ "నీ దగ్గర ఇంకో అన్నం మూట ఉందా? చాలా ఆకలిగా ఉంది." అని అడిగాడు ఫరూక్. "ఊరుకోండి దొర మీరు మా కుడు ఏమి తింటారు?" అని నవ్వుతూ తింటూ ఉన్నాడు లింగు. "ఏయ్ ఫరూక్! సిగ్గు లేదు వాడి దగ్గర సద్ధి అన్నం అడుకుంటున్నావు?" అని చికాకుగా చూస్తూ అన్నాడు నిర్మల్. "ఆకలి వేసినప్పుడు సిగ్గు ఏంది బాయ్!" అంటూ ముత్యం వైపు చూసి "ఆ కోతులు మన ఫుడ్ ఎక్కడైనా పెట్టేఏమో చూడండి నీరసం కూడా వస్తుంది." అని చెప్పాడు ఫరూక్. "ఏంటి సార్! మీరు మరీను కోతులు ఎత్తుకు వెళ్లిన ఫుడ్ ఇంకా దొరుకుతుందా..! కొంచెం ముందుకు వెళితే పళ్ళ చెట్లు ఏమైనా ఉంటాయేమో చూద్దాము." అని చెప్పాడు అరుల్. "దొర! ఇక బయలుదేరుదామా? చీకటి పడితే జంతువులు బయటికి వస్తాయి." అని చేతిని తన చొక్కాకి తుడుచుకుంటూ అడిగాడు లింగు. ఆ మాటకి ఆక్రోసంగా చూస్తూ "నువ్వు తినడం అయింది కదా పద వెళదాము." అని చేతితో పొట్టని గట్టిగా పట్టుకుని చెప్పాడు ఫరూక్. *************** నంద గెస్ట్ హౌస్ లో మిథున్ దగ్గరికి వచ్చి "న్యూస్ చూస్తూ కళ్ళు కాయలు కాస్తున్నాయి కానీ మనకు ఉపయోగపడేది ఏమి చెప్పడం లేదు." అని వేటకారంగా చూస్తూ అన్నాడు రఘురామ్. టెంక్షన్ గా ఉన్న మిథున్ దగ్గరికి వెళ్లి "ఇంతకీ నీ ప్లాన్ ఏమిటి?" అని అడిగింది అర్ణ. "ఒక్క నిమిషం!" అని నితీష్ కి కాల్ చేశాడు మిథున్. జైల్ లోపల తన ఫోన్ రింగ్ అవ్వడం చూసి కంగారుగా సందీప్ రావు రూమ్ లోకి వెళ్లి "సారీ సార్! నేను చేసిన దానికి ఈ ఒక్కసారి క్షమించండి. మిథున్ కాల్ చేస్తున్నాడు ఏం చెప్పాలో అర్థం కావడం లేదు." అని టెన్షన్ గా చూస్తూ చెప్పాడు నితీష్. "లిఫ్ట్ చేసి మాట్లాడి ఆ ఫోన్ నాకు ఇవ్వు వాడితో నేను ఒకసారి మాట్లాడాలి." అని చెప్పాడు అభీర్. "సరే!" అని ఫోన్ లిఫ్ట్ చేసి "సార్ చెప్పండి?" అని అడిగాడు నితీష్. "ఫోన్ లిఫ్ట్ చేయడానికి ఇంత సేపు పట్టిందా? అసలు అక్కడ ఏం జరుగుతుంది? న్యూస్ లో ఒక్క మాట కూడా చెప్పడం లేదు." అని అడిగాడు మిథున్. "సార్! ఇక్కడ అంతా ప్రశాంతంగా ఉంది మీతో ఒక వ్యక్తి మాట్లాడతారంట!" అని అభీర్ కి ఫోన్ ఇచ్చాడు నితీష్. ఆ మాట విని "నాతో ఎవరు మాట్లాడేది?" అని కంగారుగా అడిగాడు మిథున్. నితీష్ దగ్గర ఫోన్ తీసుకుని "మిథున్ టెన్షన్ పడుతున్నావా? నా గొంతు విని నేను ఎవరో ఈపాటికి నీకు అర్థం అయ్యిఉంటుంది." అని చెప్పాడు అభీర్. ఆ మాట విని "అభీర్.. నువ్వు అక్కడ?" అని టెన్షన్ గా చూస్తున్న మిథున్ చేతిలో ఫోన్ తీసుకుని స్పీకర్ ఆన్ చేసింది అర్ణ. "బానే గుర్తుపట్టావు నీ చావుకి ఇంకాస్త టైం ఉంది అనుకున్నాను, కానీ నువ్వు తొందర పడ్డావు రేపు నా మనుషులు నీ తల తీసుకువెళ్లిపోతారు. నీ పాడికి నిప్పు అంటించడానికి మీ నాన్న చేతులు పని చేయడం లేదు మీ అన్న దగ్గర లేడు ఎవరినైనా సిద్ధం చేసుకో లేకపోతే రాబందులు పిక్కు తింటాయి." అని చెప్పి ఫోన్ పెట్టేసాడు అభీర్. ఫోన్లో అభీర్ చెప్పినా మాటలు విని చెమటలు తుడుచుకుంటూ టెన్షన్ గా చూస్తూ ఉండిపోయాడు మిథున్.
21-02-2026, 04:52 PM
ఎపిసోడ్ 88
నితీష్ దగ్గర నుంచి ఫోన్ తీసుకుని మాట్లాడుతూ మిథున్ నా మాట విన్న తర్వాత నేనెవరో తెలిసి ఉంటుంది. నీ చావుకి నువ్వే తొందర పడ్డావు, నా మనుషులు రేపు నీ తల తీసుకువెళ్లి పోతారు నీ పాడికి నిప్పు పెట్టడానికి నీ తండ్రి చేతులు పనిచేయట్లేదు నీ అన్న దగ్గర లేడు మనిషిని అరేంజ్ చేసుకో అని వార్నింగ్ ఇచ్చి ఫోన్ పెట్టేసాడు అభీర్.
**************** ఫోన్లో అభీర్ చెప్పింది విని టెన్షన్ గా ఉన్న మిథున్ వైపు చూసి "ఏంటి? వాడి బెదిరింపులకు భయపడిపోతున్నావా?" అని అడిగింది అర్ణ. "నేను ఇలాంటి బెదిరింపులకి భయపడే రక్తం కాదు, కానీ అభిర్ మాటలు వింటుంటే నాకు తెలియకుండానే చేతులు వణుకుతున్నాయి, చెమటలు పడుతున్నాయి ఎందుకో అర్థం కావడం లేదు." అని చెప్పాడు మిథున్. అక్కడికి వచ్చి వెటకారంగా చూస్తూ "దానినే భయం అంటారు." అని చెప్పాడు రఘురామ్. "అసలు తీహార్ జైల్లో ప్లాన్ విషయం నాకు తప్పితే ఎవరికీ తెలియదు కానీ వాడికి ఎలా తెలిసిపోయింది?" అని అడిగాడు మిథున్. ఆ మాట విని కంగారు పడి దగ్గరికి వచ్చి "నువ్వు ఒక్కడివే ఉన్నప్పుడు మందు తాగుతూ పైకి చెప్పి ఉంటావు, ఏ పక్షో విని వాడికి చేరేసింది దీనికి ఆలోచించాల్సిన పనేముంది ఇప్పుడు ఏం చేయాలో ఆలోచించండి." అని చెప్పాడు వరదరాజులు. "అసలు విషయం అది కాదు! మిథున్ కి ఏదైనా జరిగితే నిర్మల్ రాకుండా ఉండడు, మరి తలకొరివి పెట్టడానికి వేరే వాళ్ళని చూసుకోమని చెప్పాడు అంటే అడవిలోకి వెళ్ళిన వాళ్ళు తిరిగి రారా..! మనవాళ్ళు అక్కడికి వెళ్ళి విషయం అభీర్ కి తెలిసిపోయిందా?" అని కంగారుగా అడిగాడు ప్రమోద్ తండ్రి సుభాష్. "అడవిలోకి మనవాళ్లు ఫుల్ సెక్యూర్ గా వెళ్లారు వాళ్ళను ఎవరు ఏమి చేయలేరు." అని ఫోన్ తీసి ప్రమోద్ కి కాల్ చేసి నాట్ రీచబుల్ రావడంతో "సిగ్నల్ లేదనుకుంటా కంగారు పడాల్సిన పని ఏమీ లేదు." అని చెప్పింది అర్ణ. ఆ మాట విని 'అడవిలోకి వెళ్ళిన వాళ్ళు ఫోన్ కలవడం లేదు ఆగస్త్య చెప్పింది నిజమే! ఆ కొండలని ముట్టుకోవడం ఎవరి వల్ల కాదు మనం వెంటనే అభీర్ తో డీల్ మాట్లాడుకోవడం బెటర్!' అని మనసులో అనుకున్నాడు రఘురామ్. ఆలోచిస్తున్నా రఘురాం దగ్గరికి వెళ్లి "డాడ్ మీతో కలిసి లంచ్ చేద్దాము అనుకున్నారు మీరు రాలేదు కనీసం కాఫీ తాగడానికి అయినా వస్తారా? కాసేపు మాట్లాడుకుందాము ఇద్దరికీ ఉపయోగపడుతుంది." అని నెమ్మదిగా చెప్పాడు తంబియార్. "సరే! వెళ్లి స్ట్రాంగ్ గా రెండు కాఫీ చేయించు మోహిత్ తో కలిసి వస్తాను." అని చెప్పాడు రఘురామ్. ఫోన్స్ కలవక పోయేసరికి టెన్షన్ పడుతూ అర్ణ వైపు చూసి "వాసుకి కూడా అక్కడికి వెళ్ళింది కదా తనకి ఫోన్ చెయ్!" అని చెప్పాడు సుభాష్. "సరే!' అని ఫోన్ తీసి వాసుకి కి కాల్ చేసింది అర్ణ. కాసేపటికి ఫోన్ లిఫ్ట్ చేసి "హలో మేడం! ఇప్పుడే ఫారెస్ట్ లోకి ఎంటర్ అవుతున్నాము ఇక్కడ ఫరూక్ సెక్యూరిటీ గట్టిగానే పెట్టాడు వీళ్ళను దాటి ఎవరు లోపలికి రాలేరు ఇలా ఉంటే మన పని ఈజీగా అయిపోతుంది." అని చెప్పింది వాసుకి. "సరే! నిర్మల్ వాళ్లు ఎక్కడ ఉన్నారో ఏమైనా తెలిసిందా? ఫోన్స్ కలవడంలేదు." అని అడిగింది అర్ణ. "మేడం! వాళ్లు ఫారెస్ట్ లోపలికి వెళ్తున్నాము సిగ్నల్ ఉండదు మేము వస్తే లోపలికి పంపించమని చెప్పారు అంట అందుకే వాళ్ళ ఫోన్స్ మీకు రీచ్ అయ్యి ఉండకపోవచ్చు!" అని చెప్పింది వాసుకి. "సరే! మీరు త్వరగా పని ముగించండి." అని చెప్పి ఫోన్ పెట్టేసి సుభాష్ వైపు చూసి "బాబాయ్! వాళ్ళు ఫారెస్ట్ లోకి వెళుతున్నాము సిగ్నల్ ఉండదని ముందే చెప్పారంట మీరు కంగారు పడకండి." అని అర్ణ. "మిథున్! నువ్వు రేపు ఒక్కరోజు కాస్త జాగ్రత్తగా ఉండు సెక్యూరిటీ లేకుండా ఎక్కడికి వెళ్ళకు కొత్త వాళ్ళు ఎవరిని నీ దగ్గరికి కూడా రానివ్వకు." అని చెప్పాడు ముకుల్. "రేపు ఒక్కరోజు జాగ్రత్తగా ఉంటే సరిపోతుందా తర్వాత అభీర్ మనుషులు మిథున్ జోలికి రాకుండా ఉంటారా..?" అని డౌట్ గా అడిగాడు సుభాష్. "నాకు అభీర్ గురించి బాగా తెలుసు చెప్పిన మాటకి ఇచ్చిన మాటకి కట్టుబడి ఉంటాడు, తన వాళ్ళని చావనివ్వను అని మాట ఇచ్చిన తర్వాత సహదేవుడు చనిపోయాడు అని 12 ఏళ్లు శిక్ష అనుభవించాడు ఇప్పుడు చెప్పిన టైం లోపల మిథున్ ని ఏమి చేయలేకపోతే ఇంక జన్మలో తన జోలికి రాడు." అని చెప్పాడు ముకుల్. "అవునా?" అని మిసైల్, నెల్సన్, సాధు వైపు చూసి "పక్షులు రాకుండా మిషన్ ఆన్ చేయండి ఇప్పటినుంచి రెండు రోజులు వరకు కొత్త వాళ్ళు ఎవరు లోపలికి రావడానికి వీల్లేదు. ఆఖరికి మన గెస్ట్ హౌస్ పైనుంచి ఒక పిట్ట కుడా వెళ్ళకూడదు ఫుల్ సెక్యూరిటీ అలర్ట్ చేయండి ఎవరి మీద అనుమానం వచ్చిన ఆర్డర్స్ కూడా అవసరం లేదు చంపేయండి." అని చెప్పింది అర్ణ. "ఓకే మేడం!" అని చెప్పి అక్కడి నుంచి వెళ్లారు ముగ్గురు. "నేను ఇప్పుడు ఆ అభీర్ గాడి మనుషులకు భయపడి దాక్కోవాలా?" అని కోపంగా అడిగాడు మిథున్. "కాదు కాస్త జాగ్రత్తగా ఉంటున్నావు అంతే, రేపు ఒక్కరోజు కాస్త ఓపిక పట్టు లోపల ఉన్న బుల్లెట్ ప్రూఫ్ రూమ్ లో మందు తాగుతూ ఎంజాయ్ చెయ్!" అని చెప్పింది అర్ణ. 'రెండు మాటలకి పెద్ద తేడా ఏముందో!' అనుకుంటూ అక్కడినుంచి వరదరాజులుతో కాఫీ తాగడానికి మోహిత్ తో కలిసి బయలుదేరాడు రఘురామ్. ************ తీహార్ జైల్లో తన కేబిన్ లో ఉన్న అభీర్ వైపు చూసి "ఈ రోజు నువ్వు లేకపోతే పెద్ద ప్రాబ్లం అయ్యేది కరెక్ట్ టైం కి వచ్చావు." అని సంతోషంగా చూస్తూ చెప్పాడు సందీప్ రావు. "సార్! నాకు సహాయం చేసిన వాళ్ళని కాపాడుకోవడం నా బాధ్యత! అలాగే వాళ్ళని ఇబ్బంది పెట్టాలని చూసిన వాళ్ళని శిక్షించడం కూడా నా బాధ్యతే!" అని చెప్పి నితీష్ వైపు చూసి "ప్రాణాలతో ఉండాలి అంటే జాబ్ కి రిజైన్ చేసి ఎక్కడికైనా దూరంగా వెళ్ళిపో నువ్వు మళ్ళీ నా కంటికి కనిపించకూడదు." అని చెప్పి నీలమ్ వాళ్ళతో కలిసి ఇంటికి బయలుదేరాడు అభీర్. అక్కడినుంచి కార్ లొ ఇంటికి వెళుతూ "రేపు మిథున్ ని నిజంగానే చంపించేస్తావా?" అని అడిగింది నీలమ్. "మిథున్ కి రేపు చావు రాసిపెట్టి ఉంది కాబట్టే నా నోటి నుంచి ఆ మాట వచ్చింది." అని చెప్పాడు అభీర్. "మిథున్ ని చంపుతానని అతనితోనే డైరెక్ట్ గా చెప్పావు ఖచ్చితంగా జాగ్రత్త పడతాడు ఎక్కడ ఉన్నాడో కూడా మనం కనిపెట్టలేము." అని చెప్పింది మిత్ర. "అతను ఎక్కడ దక్కున అతని చుట్టూ ఎంత మంది ఉన్నా 24 గంటలలో వాడి చావు కన్ఫామ్! తప్పించుకోవడానికి సైంధవుడు ఎంత ప్రయత్నించినా అర్జునుడు ప్రయోగించిన పాశుపతాస్త్రనికి బలి అవ్వక తప్పులేదు. అలాగే నేను కూడా మిధున్ మీదికి నా దగ్గర ఉన్న పాశుపతాస్త్రాన్ని ప్రయోగిస్తున్నాను దానిని తప్పించుకుని ఎక్కడికి పారిపోలేదు." అని చెప్పాడు అభీర్. కారు దిగిన నీలమ్ వాళ్లతో పాటు ఇంట్లోకి వస్తున్న అభీర్ వైపు చూసి "నువ్వు చెప్పినట్లే అపాయింట్మెంట్ తీసుకున్నాను రేపు బైరి నేను వెళ్లి కలుస్తాము తప్పకుండా మనకి సపోర్టుగా ఉంటారు." అని చెప్పింది వసుంధర. ఆ మాట విని "మీరు ఎవరిని కలవడానికి వెళుతున్నారు?" అని అనుమానంగా అడిగింది నీలంమ్. "కొన్ని విషయాలు తెలుసుకోకపోవడమే మంచిది. రెండు రోజుల్లో మీరు బేరా అడవికి బయలుదేరాలి రెడీగా ఉండండి." అని చెప్పాడు అభీర్. "సరే!" అని మిత్ర వాళ్ళ వైపు చూసి "వదిన అభీర్ ని కలవడానికి వచ్చినపుడే చెప్పా కదా, ఏదో పెద్ద ప్లాన్ వేస్తున్నాడు అని మనకి కూడా చెప్పడం లేదు చూడు." అని నెమ్మదిగా చెప్పింది నీలమ్. "నీ మనసులో విషయం కూడా నువ్వు అభీర్ కి చెప్పడం లేదు కదా!" అని నవ్వుతూ అడిగింది మిత్ర. ఆ మాటకి స్మైల్ ఇస్తూ "ఆ విషయం చెప్పడానికి మంచి టైమ్ రావాలి ఇంతకీ అభీర్ వదిలే పాశుపతాస్త్రం ఎవరో నీకు తెలుసా?" అని అడిగింది నీలమ్. "అభీర్ సేనాలో పవర్ఫుల్ వెపన్స్ చాలా ఉన్నాయి మిథున్ మీదకి ఎవరిని ఎక్కు పెట్టాడో చూడడానికి నేను కూడా వెయిటింగ్!" అని చెప్పింది మిత్ర. ************* వరదరాజుల వాళ్ళతో కలిసి కాఫీ తాగుతూ "సడన్ గా నా మీద ఎందుకు ప్రేమ పుట్టుకు వచ్చిందో విషయం ఏమిటో చెప్పండి?" అని అడిగాడు రఘూరామ్. "నువ్వు కూడా మాలాగా గోడ మీద పిల్లి లాంటి వాడివి ఏటు అనుకూలంగా ఉంటే అటు దూకేస్తావు ఆ విషయం నాకు బాగా తెలుసు అందుకే ముకుల్ గారు నంద గ్రూప్ బాధ్యతలు నీ చేతిలో నుంచి తీసి అర్ణ చేతిలో పెట్టారు. ఇప్పుడు నువ్వు నీ ఫ్యామిలీకి ఎగైనెస్ట్ గా అభీర్ తో డిల్ చేసుకోవడానికి ట్రై చేస్తున్నావు అనే విషయం మాకు తెలుసు! మేము ఆల్రెడీ అభీర్ తో డీల్ లొ ఉన్నాము ఇద్దరం చేతులు కలిపితే మన బలం పెరుగుతుంది అందుకే మాట్లాడడానికి పిలిపించాము." అని చెప్పాడు ప్రతాప్ మిశ్రా. "మీకు ఎవరో తప్పుడు ఇన్ఫర్మేషన్ ఇచ్చారు నా ఫ్యామిలీకి ఎగైనెస్ట్ గా నేను ఎందుకు వెళ్తాను నన్ను టెస్ట్ చేయమని ఆర్ల మిమ్మల్ని పంపించిందనుకుంటా వెళ్లి ఇటువంటి పిచ్చిపిచ్చి వేషాలు వేయొద్దని చెప్పండి." అని కోపంగా చూస్తూ చెప్పాడు రఘురామ్. ఆ మాటకి స్మైల్ ఇస్తూ "అగస్త్య కన్నా నాకు అభీర్ బాగా తెలుసు!" అని చెప్పాడు వరదరాజులు. ఆ మాటకి షాక్ అయ్యి చూస్తూ "మిమ్మల్ని అర్ణ పంపలేదని అర్థమైంది. ఏం చేద్దామో చెప్పండి?" అని అడిగాడు రఘురామ్. "అభీర్ తో డైరెక్ట్ గా నేను మాట్లాడతాను ఆ అగస్త్యని ఎడంకాలితో పక్కకి తన్ను మధ్యలో మూడో మనిషి ఉండకూడదు." అని చెప్పాడు వరదరాజులు. ఆ మాటకి మోహిత్ వైపు చూసి ఆలోచిస్తూ ఉన్నాడు రఘురామ్.
21-02-2026, 07:49 PM
bhale tension lo pettaru bhayya
waiting for next 2 updates
21-02-2026, 11:13 PM
correshtga aapesav bro... taruvayi bhaagam kosam wait chestam.
But take a boww for your dedication!!!
22-02-2026, 08:34 AM
ఎపిసోడ్ 89
మనం కలసి పనిచేయడానికి ఏం చేయాలో చెప్పండి అని వరదరాజులని అడిగాడు రఘురామ్.
ఆ అగస్త్య గాడిని లెఫ్ట్ లెగ్ తో తన్నండి మనకి అభీర్ కి మధ్య జరిగే డిల్ లో మూడో వ్యక్తి ఉండకూడదు అని చెప్పాడు వరదరాజులు. ************* ఆ మాటకి మోహిత్ వైపు తిరిగి ఆలోచిస్తూ "నువ్వు ఏమంటావు?" అని అడిగాడు రఘురామ్. "ఆ అగస్త్య గాడిని ఏ కాలితో తన్నిన నాకు ఎటువంటి అభ్యంతరం లేదు ఎందుకంటే వాడు నీకు పరిచయం నాకు కాదు." అని చెప్పాడు మోహిత్. "సరే! వాడి సంగతి నేను చూసుకుంటాను మీరు అభీర్ తో మాట్లాడి ఒక మీటింగ్ సెట్ చేయండి." అని చెప్పాడు రఘురామ్. "ఒక్క నిమిషం ఇప్పుడే కాల్ చేస్తాను." అని చెప్పి అభీర్ కి కాల్ చేసి స్పీకర్ ఆన్ చేశాడు వరదరాజులు. నీలమ్ మిత్ర వాళ్లతో మాట్లాడుతూ ఉండగా ఫోన్ రింగ్ అవ్వడం చూసి లిఫ్ట్ చేసి "వరదరాజులు ఏమిటి విషయం?" అని అడిగాడు అభీర్. "హ బాబు! నేను ఇచ్చిన ఇన్ఫర్మేషన్ నీకు ఉపయోగపడింది అనుకుంటున్నాను, నువ్విచ్చిన స్ట్రోక్ కి మిథున్ బుల్లెట్ ప్రూఫ్ రూమ్ లో దాక్కున్నాడు మరి జాగ్రత్తగా ప్లాన్ చేసుకో!" అని చెప్పాడు వరదరాజులు. "ఇన్ఫర్మేషన్ ఇచ్చినందుకు థాంక్స్! మనం ఒకసారి కలుసుకుందాము." అని చెప్పాడు అభీర్. "సరే బాబు! నీతో బేరా అడవిలో కొండల గురించి ఒకసారి మాట్లాడాలి అనుకుంటున్నాను." అని చెప్పడు వరదరాజులు. "నా మనిషి బైరి మీకు ఫోన్ చేస్తాడు మాట్లాడండి." అని చెప్పి ఫోన్ పెట్టేసాడు అభీర్. ఫోన్ కట్ అవడంతో రఘురామ్ వైపు చూసి నవ్వుతూ "చూసావా? ఇప్పుడు డైరెక్ట్ గా అభీర్ మనిషి మనతో కాంటాక్ట్ లోకి వస్తాడు." అని నవ్వుతూ చెప్పాడు వరదరాజులు. "నువ్వు గోడ మీద పిల్లివి కాదు జిత్తుల మారి నక్కవి!" అని నవ్వుతూ అన్నాడు రఘురామ్. "సరే కానీ! ఆ కొండలు మనం తవ్వుకోవడానికి అభీర్ ఏమి ఎక్స్పెక్ట్ చేస్తాడని మీరు అనుకుంటున్నారు." అని అడిగాడు మోహిత్. "ఏది అడిగినా నలుగురివి సమానమైన షేర్స్, పెట్టుబడి అయిన లాభమైన!" అని చెప్పాడు ప్రతాప్ మిశ్ర. "డన్!" అని చెప్పి టేబుల్ మీద ఉన్న మందు గ్లాసు తీసుకుని చీర్స్ చెప్పాడు రఘురామ్. ************** వసుంధర ఇంటి దగ్గరికి వచ్చిన బైరి వైపు చూసి "ఏమైంది? జైల్లో ఖైదీలు ఇచ్చిన ఇన్ఫర్మేషన్ కరెక్టేనా?" అని అడిగాడు అభీర్. "ఎస్! మిధునతో ఐఎస్ఐ వాళ్ళు టచ్ లో ఉన్నారు జైల్లో ఉన్న టెర్రరిస్ట్ లని తప్పించడానికి ప్లాన్ చేశారు డీటెయిల్స్ మొత్తం RAW కి పంపించాను ఇంకా వాళ్ళు చూసుకుంటారు." అని చెప్పాడు బైరి. "గుడ్! వరదరాజుల ఆ కొండలు చూడాలని మోజు పడుతున్నాడు ఒక్కసారి మాట్లాడు." అని చెప్పాడు బైరి. "అవునా? నిర్మల్ వాళ్లకి దారి చూపించడానికి లింగుని, గుడ్డుని పంపించినట్లు వీళ్ళకి హెల్ప్ చేయడానికి మరో ఇద్దరిని పంపిస్తాను." అని నవ్వుతూ చెప్పాడు బైరి. "మిధున్ తల తీసుకురావడానికి ఒక మంచి పాశుపతాస్త్రం వదలాలి భద్రని సిద్ధం అవ్వమను ఏం చేయాలో నేను చెప్తాను." అని చెప్పాడు అభీర్. "సరే నాయకుడా! ఉదయానికి భద్ర ఇక్కడ ఉంటాడు." అని చెప్పి అక్కడి నుంచి బయలుదేరాడు బైరి. వసుంధర వైపు చూసి "మేడం! మీకు అభ్యంతరం లేకపోతే ఈరోజు నేను ఇక్కడే ఉంటాను." అని చెప్పాడు అభీర్. ఆ మాట విని "ఒక్కరోజు ఏం కర్మ! జీవితాంతం ఉండిపోయినా మాకు అభ్యంతరం లేదు." అని సంతోషంగా చూస్తూ చెప్పింది నీలమ్. ఆదివిని నవ్వుతూ లోపలికి వెళ్ళాడు అభీర్. నీలమ్ వైపు అనుమానంగా చూస్తూ "అభీర్ విషయంలో నువ్వు కొంచెం ఎక్కువ ఎగ్జాట్ మెంట్ అవుతున్నట్లు అనిపిస్తుంది జాగ్రత్త! అతని మనసులో అగ్నిపర్వతంలా రగిలిపోతున్న పగ ఉంది అది చల్లారే వరకు ప్రేమ అనే పన్నీరు ఎంత చల్లినా ఆవిరి అయిపోతుంది తర్వాత నువ్వు బాధపడతావు." అని చెప్పింది వసుంధర. ఆ మాటకి స్మైల్ ఇస్తూ "తెలుసు వదిన! ఆ పగ తన వాళ్ళ మీద ఉన్న ప్రేమ నుంచి పుట్టుకు వచ్చిందే అది చల్లారే వరకు వెయిట్ చేస్తాను." అని చెప్పింది నీలమ్. "యుద్ధం ముగిసిన తర్వాత సంతోషం మాత్రమే కాదు బాధ కూడా ఉంటుంది ఆ విషయం మైండ్ లో ఉంచుకుని వెయిట్ చెయ్!" అని చెప్పి లోపలికి వెళ్ళింది వసుంధర. ****************** తల్వార్ వాళ్లతో కలిసి గొర్వర్ గెస్ట్ హౌస్ దగ్గరికి చేరుకుని "చీకటి పడుతుంది కదా నైట్ ఇక్కడ స్టే చేసి ఉదయం లోపలికి వెళదాము." అని చెప్పింది వాసుకి. అంతలో అక్కడికి వచ్చి "నమస్తే దొర! నా పేరు కేశవ! మీరు వస్తారు ఏర్పాట్లు దగ్గర ఉండి చూసుకోమని మా నాయకుడు చెప్పాడు." అన్నాడు కేశవ. "అవునా మీరు ఈ అడవిలోనే ఉంటారా? ఏ తెగకు చెందినవాళ్లు? మీ నాయకుడు ఎక్కడ?" అని అడిగాడు తల్వర్. "మేము చిర్రీ తెగా కు చెందిన వాళ్ళము దొర! ఈ పొద్దు ఇక్కడకి వచ్చిన దొరలతో కలిసి నవగ్రహాల కొండలు చూపించడానికి మా నాయకుడు అడవిలోకి వెళ్ళాడు మీరు కూడా అక్కడికే వెళ్లాలా?" అని అడిగాడు కేశవ. "అక్కడికి కాదులే కానీ నీకు బేరా అడవి మొత్తం తెలుసా? అక్కడ ఉండే జారువ తెగ వాళ్ళతో పరిచయం ఉందా?" అని అడిగాడు తల్వార్. "ఆ తెగ వాళ్ళు అక్కడ ఉన్న కొండమీద ఉండే వారు దొర ఏదో ప్రమాదం జరిగి అందరూ చనిపోయారు, ఇప్పుడు ఎవరు అక్కడ ఉండడం లేదు. ఇంక బేరా అడవి గురించి అంటారా..! నాకు కొట్టినపిండి మిమ్మల్ని ఎక్కడకి కావాలిఅంతే అక్కడకి తీసుకువెళతాను మీ సామాన్లు మోయడానికి మనుషుల్ని కూడా పురమాయిస్తాను." అని చెప్పాడు కేశవ. "ఈ అడవిలో భూమి అడుగునా ఒక పెద్ద గుహ ఉందంట దాని గురించి నువ్వు ఎప్పుడైనా విన్నావా?" అని అడిగాడు గఫార్ ఖాన్. "చాలాసార్లు విన్నాను దొర! ఆ గుహకు వెళ్లడానికి మార్గం కోసం బ్రిటిష్ వాళ్లు కూడా వెతికారని మా తాత చెప్పేవాడు కానీ ఇప్పటివరకు అది ఎవరికి కనపడలేదు అసలు అది ఉందో లేదో కూడా తెలియదు." అని చెప్పాడు కేశవ. "ఆ ప్లేస్ కచ్చితంగా ఉంది మేము వెతికి పట్టుకుంటాము ఉదయం నీ మనుషుల్ని తీసుకురా.. అడవిలోకి వెళ్ళేటప్పుడు మా సామాన్లు మోయాలి." అని చెప్పాడు గఫర్ ఖాన్. "సరే దొర తీసుకు వస్తాను, కానీ ఆ అడవిలోకి వెళ్లడం ప్రాణాలతో చెలగాటం కాబట్టి కొంచెం ఎక్కువ ఖర్చవుతుంది." అని చెప్పాడు కేశవా. "మేము ఏ పని చెబితే ఆ పని చేయాలి మనిషికి గంటకి ₹1000 ఇస్తాం సరేనా!" అని చెప్పింది వాసుకి. "సరే! ఉదయం నా మనుషులతో ఇక్కడ ఉంటాను, మీరు ఆఖరిసారి శుభ్రంగా తిని పడుకోండి." అని చెప్పి అక్కడి నుంచి వెళ్ళిపోయాడు కేశవా. "మనిషికి ఆశ చూపిస్తే ప్రాణాలు కూడా లెక్క చేయడు." అని నవ్వుతూ చెప్పింది వాసుకి. "అతను ఆఖరిసారి శుభ్రంగా తిని పడుకోమన్నాడు." అని అనుమానంగా అడిగాడు గఫార్ ఖాన్. "అతను చెప్పింది ఆఖరిసారి కాదు ఆకలితో ఉన్నారు కదా తిని పడుకోండి అని చెప్పి వెళ్ళిపోయాడు పదండి లోపలికి వెళదాము." అని చెప్పాడు తల్వర్. *********** బేరా అడవిలో గుడ్డు చెయ్యి పట్టుకుని నడుస్తూ తన వెనుక ఉన్న నిర్మల్ వాళ్ళ వైపు చూసి "దొర! చీకటి పడిందా? మిడతల అరుపులు వినిపిస్తున్నాయి." అని అడిగాడు లింగు. "మీడతల అరుపులు ఏమి కర్మ రకరకాల అరుపులు వినిపిస్తున్నాయి ఎప్పుడో చీకటి పడింది." అని కంగారుగా చూస్తూ చెప్పాడు ఫరూక్. "నాకు కనపడదు కదా దొర! అందుకే ఆగలేదు మనం ఈ రాత్రికి ఇక్కడే ఉండి ఉదయం కొండల దగ్గరికి పోదాము ఇంక ముందుకు వెళితే నక్కలు మీద పడతాయి." అని చెప్పాడు లింగు. "అవునా? నాకు నక్కలు అంటే చచ్చే భయం ఇక్కడికి ఏ జంతువులు రావు కదా!" అని అడిగాడు నిర్మల్. ఆ మాట విని నేల మీద చెయ్యితో తడుముతూ "ఇక్కడ సింహం పంజా గుర్తులు ఉన్నాయి దొర ఆకలి వేసినప్పుడు వస్తాయనుకుంట!" అని చెప్పాడు లింగు. "ఏంటి? ఆకలి వేసినప్పుడు సింహాలు వస్తాయా? అంత తేలిగ్గా చెబుతున్నవేమిటి మన దగ్గర వెపాన్స్ కుడా లేవు వెనక్కి వెళ్ళిపోదాము పదండి." అని చెప్పాడు ప్రమోద్. "రాత్రి సమయంలో వెళ్లడం ప్రమాదం దొర! అడుగుల చప్పుడు వినపడితే పెద్ద పులులు దాడి చేస్తాయి." అని చెప్పాడు లింగు. "ముందుకు వెళితే గొయ్యి వెనక్కి వెళితే నూయ్యి ఇక్కడ ఉండడమే బెటర్! సింహాలకి ఆకలి వేస్తేనే కదా వచ్చేది లేకపోతే రావు కదా!" అని టెంక్షన్ గా చూస్తూ చెప్పాడు ప్రమోద్. ముత్యం వైపు చూసి "ముందుకు వెళితే తినడానికి పళ్ళ చెట్లు ఉంటాయని చెప్పావు? ఎక్కడ ఒక్కటి కూడా కనిపించడం లేదు." అని చుట్టూ చూస్తూ అడిగాడు చీలి. "ఈ దారి చాలా కొత్తగా ఉంది మేము కూడా ఎప్పుడు ఇక్కడకి రాలేదు ఆకులు ఉన్న చెట్లే తప్పితే పళ్ళు ఉన్న చెట్టు ఒకటి కనపడటం లేదు." అని చెప్పాడు ముత్యం. లింగు వైపు చూసి "ఇక్కడ కనీసం మంచినీళ్లు అయినా దొరుకుతాయా?" అని అడిగాడు నిర్మల్. "అయ్యో పాపం దాహం వేస్తున్న దొర! మా గుడ్డు గాడిని అడుగుతా ఉండండి." అని సైగలు చేశాడు లింగు. సైగలు చూసి "దొర! కాస్త పక్కకి వెళితే పులులు, సింహాలు నీళ్లు తాగే చెరువు ఉంటుంది కావాలంటే వెళ్ళండి. కానీ జాగ్రత్తగా ఉండాలి ఆ చెరువు నిండా ముసళ్లు ఉంటాయి." అని చెప్పాడు గుడ్డు. "చెరువులో ఉండే ముసళ్ళు మనల్ని ఏమి చేస్తాయి." అని తన మనుషుల వైపు చూసి "నలుగురు వెళ్లి బాటల్స్ నిండా మంచి నీళ్లు పట్టుకురండి. అలాగే వచ్చేటప్పుడు పళ్ళ చెట్లు ఏమైనా కనపడితే చూడండి." అని చెప్పాడు ధన. "సరే బాయ్!" అని చెప్పి అక్కడినుంచి వాళ్ళ మనుషులు వెళుతున్న అడుగుల చప్పుడు విని నోటి దగ్గర రెండు చేతులు పెట్టుకుని గట్టిగా ఒక వింత అరుపు అరిచాడు లింగు. ఆ అరుపు విని ఉలిక్కిపడి చూస్తూ "ఎందుకు అలా అరుస్తున్నావు? భయపడి చచ్చిపోయాను." అని కంగారుగా చెప్పాడు ఫరూక్. "అడవిలో నిద్రపోయేటప్పుడు ఇలా అరిస్తే పురుగు పుట్రా దగ్గరికి రావు దొర!" అని గుడ్డుతో కలిసి కింద కూర్చున్నాడు లింగు. అడవిలో చెట్లు మీద ఉండి అరుపు విని "మన లింగు బలి ఇవ్వడానికి మేకల్ని పంపించాడు సిద్ధంగా ఉండండి." అని తన మనుషులకి చెప్పాడు సోము.
22-02-2026, 08:35 AM
ఎపిసోడ్ 90
అడవిలో లింగు చేసిన సౌండ్ విని బలి అవ్వడానికి మేకలు వస్తున్నాయి సిద్ధంగా ఉండండి తన మనుషులకి చెప్పాడు సోము.
*************** సోము చెప్పింది విని తన టీమ్ లో ఉన్న 25 మందిలో కొంతమంది చెట్ల మీదకి, కొంతమంది చెరువులో నీళ్లలో మునిగి లోపల ఉండి అక్కడికి వచ్చే వాళ్లకోసం వెయిట్ చేస్తూ ఉన్నారు. ధన చెప్పడంతో చేరువు కోసం వెతుక్కుంటూ అడవిలో వెళుతూ "మనిషన్నవాడు ఎవడు ఇంత అర్ధరాత్రి ఈ అడవిలో తిరగడు." అని భయంగా చుట్టూ చూస్తూ చెప్పాడు నలుగురిలో ఒకడు. అడవిలో వస్తున్న సౌండ్స్ విని "అవి పక్షుల అరుపులో మనుషుల అరుపులో కూడా అర్థం కావడం లేదు, నేను ఇందాక ఆ లింగు గాడిని తిట్టాను అది మనసులో పెట్టుకుని వాడు మ్యాప్ వేయలేదు కదా!" అని కంగారుగా అడిగాడు నలుగురిలో మరొకడు. "ఒరేయ్! ఆ కళ్ళు లేని వాడికి అంత సీన్ లేదు కొండలు కనిపించగానే ఫస్ట్ చచ్చేది వాడే!" అని దూరంగా మెరుస్తున్న కళ్ళు కనిపించడంతో "దెయ్యం!" అని భయంగా చెప్పాడు మరొకడు. "ఒరేయ్! అది జింక చెరువులో నీళ్లు తాగుతుంది. మన అడుగుల చప్పుడు విని ఇటు చూసింది దాని కళ్ళు చూసి నువ్వు భయపడ్డావు పద నీళ్లు తెచ్చుకుందాము." అని సంతోషంగా ముందుకు పరిగెత్తాడు నలుగురిలో మరొకడు. చెరువు దగ్గరికి వస్తున్న నలుగురిని చెట్టు మీద నుంచి చూస్తూ "సౌండ్ కూడా రాకూడదు చచ్చిన తర్వాత బాడీ కనపడకూడదు." అని చెప్పాడు సోము. "సరే!" అని చెప్పి చెట్టు మీద నుంచి వేగంగా దూకి అక్కడికి వచ్చిన నలుగురి గొంతులో పొడిచి చెరువులోకి తోసి లోపల ఉన్న వాళ్ళ వైపు చూసి "శవాలు పైకి తేలకూడదు పాతి పెట్టండి." అని చెప్పి అక్కడి నుంచి చెట్ల మీదకి వెళ్ళిపోయారు సోము టీమ్ లో నలుగురు. నీళ్ల అడుగున ఉన్న సోము మనుషులు చెరువులోకి పడ్డ ధన మనుషులుని పైకి తేలనివ్వకుండా అడుగున పాతిపెట్టిన కర్రలకి కట్టేరు. నీళ్ల కోసం వెళ్ళిన నలుగురు ఎంతసేపటికి రాకపోవడంతో "వీళ్ళకి చెరువు ఇంకా కనబడలేదా ఏంటి? బాగా దాహం వేస్తుంది." అని విసుగ్గా చూస్తూ అన్నాడు నిర్మల్. ఆ మాట విని "దొర! నన్ను వెళ్లి చూసి రమ్మంటారా? మీ మనుషులు ఏమైనా దారి తప్పేరేమో అనుమానంగా ఉంది." అని చెప్పి బయలుదేరాడు లింగు. "ఒరేయ్ నువ్వు ఆగరా నాయనా! అయ్యినా అటు వెళుతున్నావు ఏమిటి? మనవాళ్లు వెళ్ళింది ఇటువైపు కదా!" అని డౌట్ గా అడిగాడు ఫరూక్. "దొర! మా గుడ్డు గాడికి దిక్కులు సరిగ్గా తెలియదు ఇందాక అటు తిరిగి నుంచున్నాడు కదా అందుకునే తూర్పు ఇటువైపు అనుకుని ఉంటాడు, మంచినీళ్ళ చెరువు ఇటువైపు ఉంది." అని చెప్పాడు లింగు. "అవునా? మరి అటువైపు వెళితే ఏమొస్తుంది?" అని కంగారుగా అడిగాడు ధన. "మనకి మంచే జరిగింది దొర! అటువైపు సింహాలు ఉంటాయి మీరు వాళ్ళు వెళ్లారు కదా వాటికీ ఆకలి తీరిపోయి ఉంటుంది ఇంకా మన వైపు రావు." అని సంతోషంగా చెప్పాడు లింగు. "అంటే! నా మనుషులు సింహాలకి ఆహారం అయిపోయారంటావా?" అని ఏడుపు మొహం పెట్టుకుని అడిగాడు ధన. "దొర! సింహ లకి మాత్రమే కాదు అవి తిన్న తర్వాత నక్కలు కూడా తింటాయి మనకి వాటి బెడద కూడా తప్పినట్లే!" అని చెప్పాడు లింగు. "మనం ఈ అడవిలో ఉన్న జంతువులకి ఆకలి తీర్చడానికి వచ్చినట్లు ఉంది. నిజంగా ఇటువైపు చెరువు ఉంటుందా?" అని టెన్షన్ గా చూస్తూ అడిగాడు చీలి. "ఇటువైపు వెళితే కచ్చితంగా నీళ్లు దొరుకుతాయి." అని చెప్పి చీలి దగ్గరికి వెళ్లి మొహం మీద చేతులు పెట్టి తడుముతు "దొర! మనం జంతువుల్ని తిన్నప్పుడు సంతోషంగా ఉంటావు కదా, కానీ ఆ జంతువులే మనల్ని తింటే ఎందుకు బాధపడతారు సంతోషంగా ఉండండి." అని చెప్పాడు లింగు. ఆ మాటకి ఏం చెప్పాలో అర్థం కాక తన మనుషులు నలుగురిని లింగు చూపించిన వైపు పంపించి "నీళ్లు కనపడితే సిగ్నల్ ఇవ్వండిరా.. అందరం వస్తాము." అని చెప్పాడు చీలి. కాసేపటికి మొదటిసారి వెళ్లిన నలుగురు వైపు నుంచి సౌండ్ వినపడడంతో "ఏంటిది అంత గట్టిగా అరుస్తుంది?" అని డౌట్ గా అడిగాడు నిర్మల్. "అది అరుపు కాదు దొర! సింహం తేన్పు కడుపునిండా తిన్న తరువాత అలాగే సొండ్ చేస్తుంది." అని చెప్పాడు లింగు. మరి కాసేపటికి చీలి మనుషులు వెళ్లిన వైపు నుంచి కేకలు వినపడడంతో "మనవాళ్లు ఎందుకు అరుస్తున్నారు ఏదైనా ఎటాక్ చేసిందా?" అని కంగారుగా అడిగాడు ఫరూక్. "నీళ్ల చెరువు కనిపించిందేమో దొర! సిగ్నల్ ఇస్తున్నారు వెళదామా?" అని అడిగాడు లింగు. "ఎవరు ఇక్కడి నుంచి ఒక్క అడుగు కూడా ముందుకు వేయకండి. నీళ్లు దొరికితే వాళ్లే వెనక్కి వస్తారు ఆ జంతువుల బారిన పడి చచ్చే కన్నా దాహంతో చావడమే మంచిది." అని భయంగా చూస్తూ చెప్పాడు నిర్మల్. "సరే దొర! అయితే నాకు నిద్ర వస్తుంది ఉదయం బయలుదేరి కొండల దగ్గరికి వెళదాము." అని చెప్పి గుడ్డుతో కలిసి అక్కడే పడుకున్నాడు లింగు. ధన, చీలి వైపు చూసి "మంట వెలిగించండి ఒకరి తర్వాత ఒకరు కాపలాగా ఉండండి మిగతా వాళ్ళు పడుకోండి. ఉదయం ఈ గుడ్డి నా కొడుకు కొండలు చూపించకపోవాలి అప్పుడు చెబుతాను." అని పడుకున్న లింగు వైపు కోపంగా చూస్తూ చెప్పాడు నిర్మల్. "సరే సర్!" అని అక్కడ ఉన్న పుల్లలు ఏరి మంట వెలిగించి కాసేపటికి నిద్రలోకి జారుకున్నారు అందరు. ************ ఉదయం నంద గెస్ట్ హౌస్ లోకి హడావిడిగా వచ్చి వీల్ చైర్ లో కూర్చుని ముకుల్ తో మాట్లాడుతున్న అభిజిత్ దగ్గరకు వెళ్లి "సార్! మనం డేంజర్ లో పడ్డాము జైల్లో ఎటాక్ ప్లాన్ చేయడానికి మిథున్ సార్ ఇర్ఫాన్ అనే ఐ ఎస్ ఐ ఏజెంట్ తో మాట్లాడారు, వాడిని రాత్రి పంజాబ్ బోర్డర్లో మిలటరీ వాళ్ళు లేపేసారు. ఇర్ఫాన్ దగ్గర దొరికిన ఫోన్లో చాలా డీటెయిల్స్ దొరికాయి అని తెలిసింది." అని కంగారుగా చెప్పాడు మిథున్ పిఏ రాహుల్. "అవునా? వీడికి చాలా సార్లు చెప్పాను ఎన్ని తప్పులు అయినా చేయొచ్చు కానీ టెర్రరిస్టులతో లింకులు పెట్టుకోకూడదు." అని టెన్షన్ గా చూస్తూ చెప్పాడు అభిజిత్. "సార్! ఎందుకైనా మంచిది మిథున్ సార్ ని ఇక్కడి నుంచి కొన్ని రోజులు లండన్ పంపించేస్తే బెటర్!" అని చెప్పాడు రాహుల్. అక్కడికి వస్తూ "అప్పుడు తప్పు చేసినట్లు మనమే ఒప్పుకున్నట్లు అవుతుంది. ఆఫీసర్స్ వస్తే రానివ్వండి ఎంక్వయిరీ నే కదా చేసేది కరెక్ట్ ఎవిడెన్స్ ఉండాలి కదా! ఒకవేళ ఆఫీసర్స్ ఎవిడెన్స్ ఏదైనా చూపించినా ఇది రాజకీయంగా ఎదుర్కోలేక ఎగైనెస్ట్ పార్టీ వాళ్ళు చేస్తున్న కుట్ర అని చెబుదాము, అప్పుడు అరెస్టు చేయడానికి ఎవరికి ధైర్యం సరిపోదు తరువాత డబ్బుతో ఎలా మేనేజ్ చేయాలో నాకు బాగా తెలుసు!" అని నవ్వుతూ చెప్పింది అర్ణ. ఆ మాటకి సంతోషంగా చూస్తూ "నువ్వు లండన్ లో ఉన్న ఇక్కడ రాజకీయాలు బానే వంట పట్టించుకున్నావు కరెక్ట్ గా చెప్పావు, డబ్బు అధికారం ఉంటే ఎవరు ఏమి చేయలేరు." అని చెప్పాడు అభిజిత్. రాహుల్ వైపు చూసి "ఈ కేస్ ఎంక్వయిరీ చేస్తున్న ఆఫీసర్ ఎవరో తెలుసుకో వాళ్లని ఎలా మేనేజ్ చేయాలో నేను చూసుకుంటాను." అని చెప్పింది అర్ణ. "ఓకే మేడం!"అని అక్కడ నుంచి ఫోన్ మాట్లాడుకుంటూ బయటికి వెళ్ళాడు రాహుల్. ********** ఉదయం గొర్వర్ గెస్ట్ హౌస్ దగ్గరకి తన మనుషుల్ని ఒక పది మంది తీసుకుని వచ్చి "దొర మేము సిద్ధం అడవిలోకి బయలుదేరుదామా?" అని అడిగాడు కేశవ. "నీ మనుషులు వచ్చారా..?" అని బయటకు వచ్చి కండలు తిరిగి బాడీ బిల్డర్స్ లాగా ఉన్న పదిమందిని చూసి గుటకలు మింగుతూ "కాస్త బలమైన వాళ్ళని తీసుకొచ్చినట్లు ఉన్నావు." అని కంగారుగా అడిగింది వాసుకి. "మీ సామాన్లు మొత్తం మోయాలి కదా దొరసాని! ఆది కాకుండా అక్కడ కష్టమైన పని ఏదైనా ఉన్న చేయాలి అందుకే ఉన్న వాళ్ళలో కాస్త బలమైన వాళ్ళని తీసుకువచ్చాను." అని చెప్పాడు కేశవ. ఆ పదిమందిని చూసి "మంచి దిట్టంగా ఉన్నారు మనకి కరెక్ట్ గా సరిపోతారు ఒకవేళ నిధి దొరికిన అక్కడి నుంచి ఇక్కడికి మోసుకురావాలి కదా!" అని చెప్పాడు తల్వర్. "దొర! వాళ్ళకి పైసలు గురించి చెప్పకండి మొత్తం సొమ్ము నాకు ఇవ్వండి నేను వాళ్లకి పంచి పెడతాను." అని తల గోక్కుంటూ చెప్పాడు కేశవ. "సరే సరే! మేము చెప్పినట్లు అన్ని పనులు వాళ్లతో చేయించు నీకు వచ్చే కమిషన్ కాకుండా ఇంకా ఎగస్ట్రా అమౌంట్ కూడా ఇస్తాను." అని చెప్పింది వాసుకి. "మీరే చూస్తారు కదా మా వాళ్ళ పనితనం మళ్లీ ఎక్కడ పని ఉన్న ఇక్కడికి వచ్చి నా మనుషుల్ని తీసుకువెళ్లాలి." అని నవ్వుతో చెప్పాడు కేశవ. "సరే! ఆ సామాన్లు తీసుకోండి ఇంకా బయలుదేరుదాము." అని గఫర్ ఖాన్ చేతిలో ఉన్న మ్యాప్ తీసుకుని రూట్ చూస్తూ ఉన్నాడు తల్వర్. ************* ఉదయం అడవి లోపల మోహన సూర్యకిరణాలు పడడంతో నిద్రలేచి "బాస్ బాస్!" అని గట్టిగా అరుస్తూ ఉన్నాడు చీలి. ఆరుపులకి కంగారు పడి లేచి చూస్తూ "ఏమైంది?" అని టెన్షన్ గా చుట్టూ చూస్తూ అడిగాడు నిర్మల్. "బాస్! మన మనుషులు ఎవరూ లేరు ఇక్కడ నుంచి ఈడ్చుకుపోయినట్లు ఆనమాలు ఉన్నాయి." అని భయంగా చూస్తూ చెప్పాడు ధన. "అవునా?" అని కంగారుగా చూస్తూ "అక్కడ లింగు, గుడ్డు కూడా లేరు వీళ్ళని కూడా జంతువులు పట్టుకుపోయాయా?" అని టెన్షన్ గా చూస్తూ అడిగాడు ఫరూక్. అంతలో పాట పాడుకుంటూ వస్తున్న లింగు వాళ్ళని చూసి "వాళ్ళిద్దరూ ఇక్కడే ఉన్నారు." అని చూపించడు ప్రమోద్. అక్కడికి వస్తున్న ఇద్దరికీ వైపు చూసి "ఒరేయ్! మా మనుషులందరూ ఏమైపోయారు?" అని కోపంగా చూస్తూ అడిగాడు ధన. ఆ మాటకి ఆలోచిస్తూ "ఏమో దొర! నాకు కనపడదు నా తమ్ముడికి వినపడదు వాళ్లు ఎక్కడికి వెళ్లారో ఏమైపోయారో మాకు ఎలా తెలుస్తుంది." అని అమాయకంగా ఫేస్ పెట్టి చెప్పాడు లింగు.
23-02-2026, 09:15 AM
Super Update andi.. waiting for next episodes .. keep rocking
23-02-2026, 10:08 AM
ఎపిసోడ్ 91
ఇర్ఫాన్ దగ్గర దొరికిన ఫోన్ లో డీటెయిల్స్ ఎంక్వయిరీ చేస్తున్న ఆఫీసర్ గురించి తెలుసుకో అని రాహుల్ కి చెప్పింది అర్ణ.
కేశవ తో వచ్చిన మనుషులతో కలిసి అడవిలోకి బయలుదేరారు వాసుకి వాళ్ళు. ఉదయం అడవిలో లేచి చూసేసరికి వాళ్ళ మనుషులు ఎవరో కనపడకపోవడంతో కంగారుపడుతున్నారు నిర్మల్ వాళ్లు ************ తన మనుషుల గురించి అడిగిన చీలి వైపు చూస్తూ "నాకు కనపడదు కదా దొర! వాళ్ళు ఏమైపోయారో నాకెలా తెలుస్తుంది. ఒకవేళ ఏదైనా జంతువుల లాక్కెళ్ళిన మా తమ్ముడు గుడ్డుకి వినబడదు." అని చెప్పాడు లింగు. ఆ మాటకి రెండు చెంపలు వాయించుకుంట "నిన్ను అడగడం నాది బుద్ధి తక్కువ!" అని చెప్పి వెనక్కి తిరిగి "బాస్! ఇక్కడ నుంచి ఎవరో ఈడ్చుకుని వెళ్లినట్లు మార్క్స్ ఉన్నాయి కచ్చితంగా ఇక్కడ ఎవరో మనకి కనిపించకుండా మనుషులు ఉన్నారు." అని చెప్పాడు చీలి. "ఆ కొండమీద చనిపోయిన జారువా తెగ ఆత్మలు తప్పితే ఇక్కడ మనుషులు ఎవరు ఉండరు దొర!" అని చెప్పాడు లింగు. "మనమైన మిగిలాము ఇక్కడ ఉండడం కన్నా ఆ కొండల దగ్గరికి వెళ్లడం బెటర్ వాసుకి వాళ్లు కూడా కచ్చితంగా అక్కడికి వస్తారు." అని చెప్పాడు నిర్మల్. "సార్! మరి మన వాళ్ళు ఏమైపోయారో తెలుసుకోవడం ఎలాగా?" అని కంగారుగా అడిగాడు ధన. "వాళ్ల గురించి తెలుసుకోవాలి అంటే ముందు మనం బతికి ఉండాలి కదా!" అని లింగు వైపు చూసి "వాడిని తీసుకురండి." అని చెప్పాడు నిర్మల్. "మనం వెనక్కి వెళ్లిపోవడం బెటర్! నిజంగా ఇక్కడ ఆత్మలు ఉన్నాయేమో! జరిగేదంతా చూస్తుంటే కొంచెం కంగారుగా ఉంది." అని టెన్షన్ గా చూస్తూ చెప్పాడు ప్రమోద్. "మనం ఒక్కసారి అడుగు వెనక్కి వేస్తే మళ్లీ ముందుకి రాలేము ఆ కొండల దగ్గరికి వెళ్ళితే సిగ్నల్ రావచ్చు అప్పుడు నా మనుషుల్ని ఇక్కడికి రమ్మని ఫోన్ చేస్తాను." అని చెప్పాడు ఫరూక్. "దొర! మరి ఇంక బయలుదేరుదామా? మీకోసమే ఈ పళ్ళు తీసుకొచ్చాను ఇవి తింటే దాహం తగ్గి నడవడానికి కాస్తా ఓపిక వస్తుంది." అని ఇచ్చాడు లింగు. "సరే!" అని పళ్ళు తీసుకుని తింటూ లింగు వెనకాల వెళుతు నాకెందుకో వీడి మీద అనుమానంగా ఉంది. " అని చెప్పాడు ధన. "మన మనుషుల్లో ఒక్కడైనా కనపడని అప్పుడు వీడి సంగతి చెబుతాను." అని కోపంగా చూస్తూ వెనకాలే వెళ్ళాడు చీలి. ************* ప్రతాప్ మిశ్ర, రఘురామ్ వాళ్ళతో మాట్లాడుతూ ఉండగా ఫోన్ రింగ్ అవ్వడం చూసి "ఏదో విఐపి నెంబర్ లాగా ఉంది." అని ఫోన్ లిఫ్ట్ చేసి "హలో ఎవరు?" అని ఆత్రుతగా అడిగాడు వరదరాజులు. "నా పేరు బైరి! మా నాయకుడు మీతో మాట్లాడమని చెప్పాడు ఏంటి విషయం?" అని అడిగాడు బైరి. "మనం ఒకసారి పర్సనల్గా కలుసుకుని ఒక డీల్ మాట్లాడుకుందాము మీకు మాకు హెల్ప్ అవుతుంది." అని చెప్పాడు వరదరాజులు. "సరే!ఎక్కడ కలుసుకుందాము లొకేషన్ పంపించండి ఒక గంటలో అక్కడ ఉంటాను." అని చెప్పాడు బైరి. "నా గెస్ట్ హౌస్ లొకేషన్ పంపిస్తున్నాను అక్కడ అయితే మనం ప్రశాంతంగా మాట్లాడుకోవచ్చు త్వరగా వచ్చేయండి." అని చెప్పి ఫోన్ పెట్టేసి లొకేషన్ సెండ్ చేసి రఘురాం వాళ్ళ వైపు చూసి "మనం బయలుదేరాలి." అని చెప్పాడు వరదరాజులు. "మనం సైలెంట్ గా ఇక్కడి నుంచి జారుకోవాలి లేకపోతే అర్ణకి అనుమానం వస్తుంది." అని చెప్పాడు రఘురామ్. అక్కడికి వస్తు "మీరు వెళ్లి డీల్ చేసుకోండి ఇక్కడ సంగతి నేను చూసుకుంటాను మీ మీద ఎవరికి అనుమానం రాదు." అని చెప్పింది ఆశ. ఆ మాట విని ఆశ్చర్యంగా చూస్తూ "ఏంటి? నా కూతురేనా ఇలా మాట్లాడుతుంది?" అని అడిగాడు రఘురామ్. "ఎస్! ఏ పనైనా మనం బిజినెస్ లానే చేయాలి పగ ప్రతికరాలతో కాదు వెళ్లి అభీర్ తో డీల్ కుదుర్చుకోండి. ఏది ఏమైనా సరే ఆ కొండలు మన హ్యాండ్ ఓవర్ అవ్వాలి." అని చెప్పింది ఆశ. "ఇప్పుడు నాకు కొండంత బలం వచ్చింది." అని సంతోషంగా వరదరాజులు వాళ్ళతో పాటు అక్కడి నుంచి బయలుదేరాడు రఘురామ్. కాసేపాటకి అక్కడికి వచ్చిన ఆశ వైపు చూసి "మామయ్య వాళ్ళు ఎవరు కనబడడం లేదు ఎక్కడికి వెళ్లారు?" అని అడిగింది అర్ణ. "మీరెవరు చేయలేని పని చేయడానికి వెళ్లారు ఇంక ఈ ఆటకి పులిస్టాప్ పడుతుంది." అని చెప్పింది ఆశ. "ఏంటి నువ్వు చెప్పేది? ఆ అభీర్ తో మాట్లాడడానికి వెళ్లారా?" అని అనుమానంగా అడిగాడు ముకుల్. "అవును ఈ డీల్ ఓకే అయితే మన ప్రాబ్లమ్స్ క్లియర్ అయినట్లే మన అందరి కోరిక కూడా తీరుతుంది." అని చెప్పింది ఆశ. "నో! అభీర్ ట్రాప్ చేశాడు మనం అతని ఉచ్చులో పడకూడదు అక్కడ ఎలాంటి డీల్ కుదురుచుకోవాలి అన్న ముందు తాతయ్యతో ఒక మాట చెప్పమను, మన కోరిక తీరడం కాదు అతని కోరిక తీరుతుంది." అని కంగారుగా చెప్పింది అర్ణ. "అసలు ఈ పెంటకి కారణం నువ్వు! అందరూ ప్రశాంతంగా ఉన్నాము ఈ ఇండియా ప్రాపర్టీ గురించి బయటికి తీసుకువచ్చి అందరినీ ఇక్కడికి వచ్చేలాగా చేసావు ఇప్పుడు సవ్యంగా జరుగుతున్న డీల్ ని కూడా చెడగొట్టాలి అనుకుంటున్నావా?" అని కోపంగా చూస్తూ అడిగింది ముకుల్ పెద్ద కూతురు ఝాన్సీ. "అవును!ఇక్కడే ఉంటే వీళ్ళతో పాటు మనం కూడా చస్తాము పదండి ఆ డీల్ ఓకే అయితే లండన్ వెళ్ళిపోదాము." అని చెప్పింది నళిని. అంతలో లోపలికి గవర్నమెంట్ వెహికల్స్ రావడం అక్కడకి వస్తున్నా మిస్సైల్ వైపు చూసి "ఎవరు వచ్చింది?" అని అడిగాడు ముకుల్. "సార్! యాంటీ టెర్రరిస్ట్ ఫోర్స్! మిధున్ గాని ఎంక్వయిరీ చేయడానికి వచ్చారంట! ఎంత చెప్పినా వినకుండా లోపలికి వచ్చేసారు వాళ్ల దగ్గర కోర్టు ఆర్డర్ కూడా ఉంది." అని చెప్పాడు మిస్సైల్. "అవునా?" అని కాల్ చేయడానికి ఫోన్ తీసి "సిగ్నల్ లేదు ఏంటి?" అని కంగారుగా అడిగాడు ముకుల్. కారు దిగి అక్కడికి వస్తూ "సారీ సార్! మా ఎంక్వయిరీ కంప్లీట్ అయ్యేవరకు ఇక్కడ ఫోన్స్ పని చేయవు జామర్స్ ఆన్ చేసాము. మర్చిపోయాను నేను ఎవరో చెప్పలేదు కాదు ఐ యాం వీరభద్రం ATF, జస్ట్ టెన్ మినిట్స్ కోపరేట్ చేయండి మిధున్ గారిని పిలిపించారు అంటే కొన్ని క్వశ్చన్స్ అడిగి వెంటనే వెళ్ళిపోతాము." అని ఐడి కార్డ్ చూపించాడు వీరభద్రం. "మిథున్ కి టెర్రరిస్టుల నుంచి త్రెడ్ కాల్ కొచ్చింది అందుకే సేఫ్టీ రూమ్ లో ఉన్నాడు కావాలి అంటే అక్కడికి వెళ్లి మీరు తెలుసుకోవాల్సింది తెలుసుకొని రావచ్చు కానీ ఒక్కరు మాత్రమే వెళ్లాలి." అని చెప్పింది అర్ణ. "ఓకే మేడం! నేను బయటకి వచ్చేవరకు ఇక్కడి నుంచి ఎవరు వెళ్ళకూడదు." అని ఆశ వాళ్ళ వైపు చూసి లోపలికి వెళ్ళాడు వీరభద్రం. అభిజిత్ వైపు చూసి "ఇండియాలో ఆఫీసర్స్ ఇంత ఫాస్ట్ గా ఉన్నారా? ఇన్సిడెంట్ జరిగిన సిక్స్ అవర్స్ లో ఎంక్వైరీ కి వచ్చేసారు." అని అడిగింది అర్ణ. "టెర్రరిస్ట్ మేటర్ కదా కాస్త ఫాస్ట్ గానే ఉంటారు అయ్యినా ఎంక్వయిరీనే కదా ప్రాబ్లం ఏమి ఉండదు." అని చెప్పాడు అభిజిత్. ఆశ వాళ్ళ వైపు చూసి "మీరు కాసేపు వెయిట్ చేయండి మనం తర్వాత మాట్లాడుకుందాము, అందరు క్షేమంగా ఉండాలని నేను కూడా చూస్తున్నాను." అని చెప్పాడు ముకుల్. అంతలో ఒక కారు వచ్చి ఆగి రియాతో పాటు కిందకి దిగిన విష్ణు ని చూసి దగ్గరికి వెళ్లి "ఎలా ఉన్నావు?" అని అడిగింది అర్ణ. ఆ మాటకి కోపంగా చూస్తూ "ఆ అభీర్ గాడిని చంపేశారా?" అని అడిగాడు విష్ణు. "ఆ విషయాలు తర్వాత మాట్లాడుకుందాము ముందు నువ్వు లోపలికి వేళ్ళు!" అని చెప్పాడు ముకుల్. "ఆ అభీర్ మనుషులు కొంతమంది ఆ కొండ దగ్గరికి ఒక గుహలో నుంచి రావడం నేను చూశాను మనం ఇక్కడ చేతులు ముడుచుకుని కూర్చుంటే సరిపోదు మనవాళ్ళతో అక్కడికి వెళ్లి జరిగింది మళ్ళీ రిపీట్ చేయాలి." అని ఆవేశంగా చెప్పాడు విష్ణు. "అంటే! అడవిలోకి వెళ్లిన వాళ్లందరూ అభీర్ మనుషుల చేతిలో ఇరుక్కున్నారా..?" అని కంగారుగా అడిగాడు సుభాష్. "మనం ఏలెర్ట్ గా లేకపోతే కచ్చితంగా ఇరుక్కుంటారు అభీర్ కూడా షూటింగ్ నిమిత్తం బేరా కొండల దగ్గరికి వెళుతున్నాడని తెలిసింది." అని చెప్పింది రియా. "తాతయ్య! మనం ఇక్కడ ఉండడం కన్నా వాడి ప్లేస్ లోకి వెళ్లి మనమేమిటో చూపిద్దాము." అని చెప్పింది అర్ణ. "ఆ అభీర్ అందరిని అడవికి రప్పించడానికి ప్లాన్ చేస్తున్నాడు అనిపిస్తుంది ఈ ఎంక్వయిరీ కంప్లీట్ అయిన తర్వాత ఒకసారి ప్రశాంతంగా ఆలోచిద్దాము." అని చెప్పాడు ముకుల్. "సరే! త్వరగా ఏదో ఒకటి ఆలోచించండి అడవిలోకి వెళ్లిన వాళ్ళు సేఫ్ గా ఉన్నారో లేదో!" అని కంగారుగా అటు ఇటు తిరుగుతూ ఉన్నాడు సుభాష్. అంతలో లోపల నుంచి బ్యాగ్ తీసుకుని బయటికి వస్తూ "సారీ ఫర్ ద డిస్టబెన్స్! మిథున్ గారితో మాట్లాడి అన్ని సెటిల్ చేసుకున్నాను." అని బ్యాగ్ వైపు చూసి నవ్వుతూ కారు దగ్గరికి వెళ్ళాడు వీరభద్రం. "నా కొడుకు ఎటువంటి వాళ్లనైనా కొనగలడు వాడికి ఆ టాలెంట్ ఉంది." అని నవ్వుతూ చెప్పాడు అభిజిత్. ఆఫీసర్స్ అక్కడ నుంచి వెళ్లిపోవడంతో ఆశ వైపు చూసి "అభీర్ తో ఏ డీల్ కుదుర్చుకోవడానికి వెళ్లారు." అని అడిగాడు ముకుల్. అంతలో మరో కారు వచ్చి ఆగడంతో "మళ్లీ ఎవరు వచ్చారు?" అని విసుగ్గా అడిగాడు ముకుల్. కారులో నుంచి ఒక వ్యక్తిని తీసుకుని అక్కడికి వస్తు "మేడం! ఇర్ఫాన్ కేస్ డిల్ చేస్తున్న ఆఫీసర్ గారు అన్ని విషయాలు మిథున్ సార్ డైరెక్టుగా ఫోన్లో మాట్లాడేసారు ఒక్కసారి మీట్ అవ్వాలి అంటే తీసుకువచ్చాను." అని చెప్పాడు రాహుల్. ఆ మాట విని ఆశ్చర్యంగా చూస్తూ "మరి ఇప్పుడు వచ్చిన ఆఫీసర్స్ ఎవరు?" అని కంగారుగా అడిగింది అర్ణ. "ఎవరు వచ్చారు మేడం! ఈ కేసు ఇంకా ఫైలే అవ్వలేదు నేను హాఫ్ ఆన్ అవర్ బ్యాక్ మిధున సార్ తో ఫోన్లో మాట్లాడి ఆఫీసర్స్ దగ్గర ఉన్న ఫోన్ కూడా హ్యాండ్ ఓవర్ చేసుకున్నాను." అని చెప్పాడు రాహుల్. "అవునా?" అని బుల్లెట్ ప్రూఫ్ రూమ్ దగ్గరికి పరిగెత్తి మిథున్ స్టైల్ గా నుంచుని ఉండడం చూసి లోపలికి వెళ్లి "నో! ఆ వీరభద్రం బ్యాగ్ లో తీసుకెళ్ళింది డబ్బు కాదు మిధున్ తల!" అని గట్టిగా అరిచింది అర్ణ. ఆ ఆరుపు విని టెన్షన్ గా వీల్ చైర్ లో నుంచి కింద పడ్డాడు అభిజిత్.
23-02-2026, 10:10 AM
ఎపిసోడ్ 92
ఆఫీసర్ తో పాటు రాహుల్ వచ్చి చెప్పింది విని కంగారుగా బుల్లెట్ ప్రూఫ్ రూమ్ లోకి వెళ్లి చూసి షాక్ అయ్యి "వాడు బ్యాగ్ లో పట్టుకు వెళ్ళింది డబ్బులు కాదు మిధున్ తల అని గట్టిగా అరిచింది అర్ణ.
************ ఆ మాట విని టెన్షన్ గా వీల్ చైర్ లో నుంచి కింద పడ్డ అభిజిత్ ని విష్ణు తో కలిసి పట్టుకుని పైకి లేపి కూర్చోబెట్టి కళ్ళలో భయం, బాధ చూసి సంతోష పడింది రియా. "నా కొడుకుని చంపింనా వాడు బతికి ఉండడానికి వీలు లేదు సీసీ కెమెరాలలో చూసి ఎవరో తెలుసుకోండి." అని కోపంగా చూస్తూ చెప్పాడు అభిజిత్. "సార్! ఆ వీరభద్రం లోపలికి వచ్చినప్పుడు మొబైల్స్ పనిచేయకుండా జామర్స్ ఆన్ చేశాడు కదా దాంతోనే సీసీ కెమెరాలు కూడా ఆఫ్ చేశాడు అసలు వాళ్ళు ఇక్కడికి వచ్చింది కుడా రికార్డు అవ్వలేదు." అని చెప్పాడు మిస్సైల్. "టెర్రరిస్ట్ లా నుంచి త్రెడ్ కాల్ వచ్చిందని చెప్పారు జాగ్రత్తగా ఉండాలి కదా! కంప్లైంట్ రాసి ఇవ్వండి ఇక్కడికి వచ్చింది ఎవరో ఎంక్వయిరీ చేస్తాము." అని చెప్పాడు ఆఫీసర్. ఆ మాట విని రాహుల్ వైపు చూసి "ఆఫీసర్ గారిని ఇక్కడి నుంచి తీసుకువెళ్లు కంప్లైంట్ ఇవ్వాలో లేదో మేము ఆలోచించుకుని చెప్తాము అప్పటివరకు మీరు సైలెంట్ గా ఉండండి." అని చెప్పాడు ముకుల్. "సరే మీ ఇష్టం!" అని రాహుల్ తో కలిసి అక్కడి నుంచి వెళ్ళిపోయాడు ఆఫీసర్. రూమ్ లో నుంచి బయటకు వస్తూ "ఆ అభీర్ మన వీక్నెస్ మీద దెబ్బ కొట్టాడు మనం ఇంకా చూస్తూ ఉండకూడదు వాడి వీక్నెస్ మీద దెబ్బ కొట్టాలి." అని కోపంగా చూస్తూ చెప్పింది అర్ణ. "ఆ అభీర్ వీక్నెస్ ఆ బేరా కొండలు అక్కడ ఉన్న తన మనుషులు ఆ ఒక్క విషయంలోనే మనకి లొంగుతాడు." అని చెప్పాడు విష్ణు. "ఎవరు ఆవేశపడకండి." అని రియా వైపు చూసి "నీకు అభీర్ షూటింగ్ అడవికి వెళుతున్నారని ఎలా తెలిసింది?" అని అడిగాడు ముకుల్. "ఆ చానల్లో నాకు తెలిసిన ఒక మనిషి ఉన్నాడు అతని ద్వారా తెలుసుకున్నాను." అని చెప్పింది రియా. "సరే! ఈరోజు నుంచి పగలు ప్రతీకారాలు పక్కన పెట్టండి నా వారసులు నా స్నేహితులు ప్రాణాలతో ఉండడమే నాకు కావాలి." అని చెప్పి రియా వైపు చూసి "నువ్వు కూడా ఇక్కడి నుంచి వేళ్ళు మావల్ల నీకు ఎటువంటి ప్రమాదం రాకూడదు." అని చెప్పాడు ముకుల్. "ఏంటి తాతయ్య నువ్వు మాట్లాడేది? జరిగిందంతా మర్చిపోయి వెళ్లి అభీర్ గాడిని క్షమించమని అడుగుదామా?" అని ఆవేశంగా అడిగాడు విష్ణు. "అవును! మనం ఎక్కడైతే తప్పు చేశామో అక్కడికి వెళ్లి క్షమించమని అడుగుదాము అవసరమైతే నా ప్రాణాలు తీసుకోమని చెబుతాను ఇకనుంచి నా మాటకి ఎవరు ఎదురు మాట్లాడకూడదు." అని ఆవేశంగా చెప్పాడు ముకుల్. "సరే సార్! ఇంక నేను వెళ్తాను." అని విష్ణు వైపు చూసి "బాయ్!" అని చెప్పి అక్కడి నుంచి వెళ్లింది రియా. సంతోషంగా ముకుల్ దగ్గరికి వచ్చి "తాతయ్య! ఇప్పుడు నువ్వు కరెక్ట్ గా ఆలోచిస్తున్నావు మనం అభీర్ తో డీల్ చేసుకుంటే ఇంకా ఏ ప్రాబ్లం ఉండదు." అని చెప్పింది ఆశ. "కరెక్ట్! నేను ఫస్ట్ లోనే ఈ డిసిషన్ తీసుకోవాల్సింది మీరు లోపలికి వెళ్ళండి అన్ని విషయాలు నేను చూసుకుంటాను." అని చెప్పాడు ముకుల్. "ఓకే!" అని తల్లిని పిన్నిని తీసుకుని లోపలికి వెళ్ళింది ఆశ. "ఏమైంది? ఒక్కసారిగా ఇలా మారిపోయారు నా కొడుకు చావుని చూసేసరికి మీకు భయం వేసిందా?" అని అడిగాడు అభిజిత్. "అవును! నేను రాంగ్ రూట్లో వెళుతున్నారని అర్థమైంది అభీర్ కి ఆ బేరా కొండలు తన మనుషులు మాత్రమే వీక్నెస్ కాదు మరొక వీక్నెస్ మంచితనం దాని గురించి మనం మర్చిపోయాము." అని చెప్పాడు ముకుల్. "మీరు చెబుతుంది ఏమిటో నాకు అర్థం కాలేదు." అని డౌట్ గా చూస్తూ అడిగింది అర్ణ. "ఇది శకుని పాచికిలాట నీకు అర్థం కాదు లాయర్ వసుందరకి శాంతి సందేశం పంపించండి. ఈ ప్లాన్ ఎవరికి తెలియకూడదు అందుకే రియా ని కూడా ఇక్కడి నుంచి పంపించాను మనం అనుకున్నది పూర్తయ్యేంతవరకు ఎవరిని నమ్మకూడదు." అని కసిగా చూస్తూ చెప్పాడు ముకుల్. ఆ మాటకి కసిగా చూస్తూ "సరే తాతయ్య! మిధున్ దహన సంస్కారాలు అయిన వెంటనే శాంతి సందేశం పంపిస్తాను." అని చెప్పింది అర్ణ. ***************** బేర అడవిలో నిర్మల్ వాళ్ళని ఒక ప్లేస్ దగ్గరికి తీసుకెళ్లి "దొర! మీకు కనిపిస్తున్నవే నవగ్రహాల కొండలు." అని చూపించాడు లింగు. ఆ మాటవిని నీరసంగా చూస్తూ "ఇవేనా ఆ కొండలు? వాటి దగ్గరికి వెళ్లడానికి కూడా ఓపిక లేదు ముందు తినడానికి ఏమైనా కావాలి." అని అడిగాడు ఫరూక్. "దొర! ఇంతకీ ఈ కొండల గురించి మీరు ఎందుకు వెతుకుతున్నారు?" అని అడిగాడు లింగు. "ఈ కొండల దగ్గర చాలా విలువైన రాళ్లు దొరుకుతాయి అని తెలిసింది వాటి కోసం వచ్చాము." అని నీరసంగా చెప్పాడు నిర్మల్. "సరే దొర! వెళ్లి ఆ విలువైన రాళ్లు తీసుకుని ఇక్కడ ఎవరికైనా ఇచ్చి తినడానికి ఏమైనా అడగండి." అని చెప్పాడు లింగు. "ఆ రాళ్లు తీసుకుని ఇక్కడ ఎవరు తిండి పెడతారు?" అని అడిగాడు ప్రమోద్. "అవునా? అయితే ఆ మట్టిని తినండి విలువైనది కదా ఆకలి తీరుతుంది." అని చెప్పాడు లింగు. ఆ కొండల దగ్గరికి వెళ్లి మెరుస్తున్న రాళ్ళను చూసి "సార్! ఇవి నిజంగానే దగా దగా మెరిసిపోతున్నాయి." అని సంతోషంగా చూస్తూ చెప్పాడు చీలి. "అవునా?" అని సంతోషంగా కొండల దగ్గరికి వెళ్లి రాళ్లని చూస్తూ "ఆ గుడ్డోడిని ముగోడిని చంపేయండి ఇక్కడికి మళ్ళీ ఎవరిని తీసుకురాకూడదు." అని చెప్పాడు నిర్మల్. "సరే సార్!" అని అక్కడి నుంచి బయటికి వచ్చి చూసి "ఇక్కడ వాళ్ళిద్దరూ లేరు వెళ్లిపోయారు." అని గట్టిగా అరుస్తూ చెప్పాడు ధన. అక్కడికి వస్తు "ఇప్పటి దాకా ఇక్కడే ఉన్నారు కదా అంతలో ఎక్కడికి పోయారు." అని చుట్టూ చూస్తూ ఉన్నాడు చీలి. "సార్! మీరు చెప్పిన మాట విని భయపడి పారిపోయినట్లు ఉన్నారు." అని చెప్పాడు ధన. "మేము ఎక్కడికి పారిపోలేదు దొర! ఇక్కడే ఉన్నాము సహాయం చేసిన వాడికి మీరు ఎంత మేలు చేస్తారో తెలుసుకుందామని కాస్త పక్కకి వెళ్లాము." అని చెప్పాడు లింగు. అక్కడికి వస్తున్న లింగు వైపు చూసి "ఒరేయ్! మీ ఇద్దరిని చూస్తుంటే చంపాలి అనిపించడం లేదు కానీ తప్పదు వచ్చే జన్మలోనైనా మాలాంటి వాళ్ళకి సహాయం చేయకండి." అని కత్తి బయటికి తీసాడు చీలి. "సరే దొర! మొదట నా తమ్ముడు గుడ్డుని చంపండి. నాకు కనపడదు కాబట్టి బాధపడను అదే నన్ను చంపితే వాడికి కనపడుతుంది కదా బాధపడతాడు." అని చెప్పాడు లింగు. చంపడానికి ముందుకి వచ్చిన ధనని చూసి అరుస్తూ ఎగిరి భుజం మీద కూర్చుని తన మోచేత్తో తల మీద ఒక్క దెబ్బ కొట్టాడు గుడ్డు. ఆ దెబ్బకి చెవుల నుంచి ముక్కు నుంచి రక్తం వచ్చి కింద పడి కదలకుండా ఉన్న ధన ని చూసి "ఒరేయ్! నీ తమ్ముడు ఏమిట్రా అలా చంపేసాడు." అని కంగారుగా అడిగాడు చీలి. "ఏమో దొర నాకు కనపడదు." అని చెప్పాడు లింగు. ఆ మాటకి కోపంతో ఊగిపోతు నుంచుని చూస్తున్న గుడ్డుని చంపడానికి కత్తి పట్టుకుని మీదకి ఊరికాడు చీలి. మీదికి వస్తున్న చీలి చేతిని తన చేతితో మెలి వేసి పైకి ఎత్తి ఏత్తి కర్రని విరిచినట్లు చేతిని విరిచి పక్కన పడేసేసి చేతిలో ఉన్న కత్తి తీసుకుని పీకని కోస్తూ నిర్మల్ వాళ్ళు ముగ్గురి వైపు చూసి "మా నాయకుడు మిమ్మల్ని చంపొద్దు ఇక్కడే వదలమన్నాడు." అని ఎర్రటి కళ్ళతో కోపంగా అరుస్తూ చెప్పాడు గుడ్డు. "అంటే! మీరిద్దరూ అభీర్ మనుషుల?" అని భయంగా చూస్తూ అడిగాడు ప్రమోద్. "నా తమ్ముడికి వినపడదు కదా దొర నేను చెబుతాను మేము అభిర్ మనుషులం కాదు, అభీర్ సేనలో సైన్యం!" అని చెప్పి అక్కడికి ఎగురుకుంటూ వచ్చిన సింబా కాళ్లు పట్టుకొని "మీరు బతికి ఉంటే మళ్ళీ కలుద్దాము దొర!" అని చెప్పి అక్కడి నుంచి వెళ్ళిపోయారు లింగు గుడ్డులు. ఆ మాట విని ఆశ్చర్యంగా చూస్తూ "అభీర్ సేనాలో ఒక గుడ్డివాడు మూగ వాడే ఇలా ఉంటే మిగతా వాళ్ళు ఎలా ఉంటారు?" అని కంగారుగా అడిగాడు ఫరూక్. "మనం ఇక్కడి నుంచి వెళ్ళిపోదాము పదండి." అని కంగారుగా చెప్పాడు ప్రమోద్. "ఎక్కడికి వెళ్ళేది ఒక్కసారి అటువైపు చూడు ఇక్కడ నుంచి అడుగు బయట పెట్టామో ఆ పెద్ద పులి నోట్లో పడతాము." అని భయంగా చూస్తూ చెప్పాడు నిర్మల్. "ఇప్పుడు మన పరిస్థితి ఏమిటి ఇక్కడే చచ్చిపోవాల?" అని ఏడుపు మొహం పెట్టుకుని అడిగాడు ఫరూక్. అంతలో ఆ కొండమీదకి వచ్చి శాటిలైట్ ఫోను వాళ్ళ మీదకి గిరాటు వేసి వెళ్ళిపోయింది కోతి. ఆ ఫోన్ చూసి "నోరు లేకపోయినా ఈ శివుడు మంచి వాడిలాగా ఉన్నాడు ముందు వాసుకి ఫోన్ చేయాలి వాళ్ళు ఇక్కడే ఉన్నారు మనల్ని ఎలాగైనా కాపాడతారు." అని చెప్పాడు నిర్మల్. "ఒక్క నిమిషం మనల్ని కాపాడమంటే వాళ్ళు ఇక్కడికి రారు నిధికి దారి దొరికింది అని చెబితే పరిగెత్తుకుంటూ వస్తారు." అని చెప్పాడు ప్రమోద్. "సరే!" అని ఫోన్ తీసి వాసుకి నెంబర్ కి కాల్ చేశాడు నిర్మల్. అడవిలో నడుస్తూ ఫోన్ రింగ్ అవ్వడం చూసి లిఫ్ట్ చేసి "హలో ఎవరు మాట్లాడేది." అని అడిగింది వాసుకి. "నేను నిర్మల్ ని మాట్లాడుతున్నాను మాకు నవగ్రహాల కొండల దగ్గర నిధికి దారి దొరికింది కానీ లోపలికి ఎలా వెళ్లాలో మాకు అర్థం కావడం లేదు మీరు ఎక్కడ దాకా వచ్చారు." అని అడిగాడు నిర్మల్. ఆ మాట విని తల్వార్ వైపు చూస్తూ "నిర్మల్ సార్ వాళ్లకి నిధికి దారి దొరికిందంట మనం వెంటనే నవగ్రహాల కొండల దగ్గరికి వెళ్ళాలి." అని సంతోషంగా చెప్పింది వాసుకి. ఫోన్ తీసుకుని "నిర్మల్ గారు మీరు ఆ దారిని ఏమి ముట్టుకోకండి నేను వచ్చి తెరుస్తాను." అని చెప్పి ఫోన్ పెట్టేసి కేశవ వైపు చూసి "మనం నవగ్రహాల కొండల వైపు వెళ్ళాలి." అని మ్యాప్ చూస్తూ రూట్ చెప్పాడు తల్వార్. ఆ మాట విని ' లింగు పని పూర్తయింది అనుకుంటా మనుషుల రూపంలో ఉన్న రాక్షసులు చచ్చి ఉంటారు.' అని నవ్వుకున్నాడు కేశవ.
23-02-2026, 10:58 AM
okaremo shakuni aata modalettaru.. okaru.. chakravyuham vesi andarini anduloki rappistunnaru.
aidava vedam.. baaga nadustundi!! |
|
« Next Oldest | Next Newest »
|
![[+]](https://xossipy.com/themes/sharepoint/collapse_collapsed.png)
