ఖైదీ నెంబర్ 402 - నా మాటే శాసనం

[vikas123]

nice update

[kavithacb9]

https://telugu.pratilipi.com/వేదం-ఎపిసోడ్-69

[k3vv3]

ప్రతిలిపి పేమెంట్ సైటు

అక్కడ మొదటి 3/6 ఘట్టాలు మాత్రమే ఉచితంగా చదువవచ్చు.

తరువాతవి చదవాలంటే డబ్బు కట్టాలి.

ఈ లింకులు పని చేయవు.

[ash.enigma]

Just now read this one.
endi bhayya ee araachakam.

ekkada unnav bro inni rojulu nuvvu.
rajamouli ayya vijayendra prasad raase story range lo undi.

and the funny part is.. ippatiki kaeesam interval bang kooda avaledu anukuntunna!!

[SivaSai]

ఎపిసోడ్ 29

హిరణ్యకీ తన ఇంటిలోనే వార్నింగ్ ఇచ్చి కారు దగ్గరికి వెళ్ళిపోయాడు అభిర్.

*********************
అదే సమయంలో పాఠక్ కోసం బీహార్ లోని రుద్రపూర్ స్టేషన్ దగ్గరికి చేరుకొని అక్కడ ఉన్న కానిస్టేబుల్ దగ్గరికి వెళ్లి "ఎస్సై పాఠక్ గారిని కలవాలి." అని అడిగింది మిత్ర.

"సార్ కి ఫీవర్ డ్యూటీకి రాలేదు ఇంటి దగ్గరే ఉన్నారు కావాలంటే లోపల ఇంకో ఎస్ఐ గారు ఉన్నారు వెళ్లి మాట్లాడండి" అని చెప్పాడు కానిస్టేబుల్.

"కాదు కాదు! ఆయన మాకు చుట్టాలవుతారు కలవడానికి వచ్చాము." అని చెప్పింది మిత్ర.

"అవునా మేడం! అయితే  ఇంటికి వెళ్ళండి సెక్యూరిటీ అధికారి క్వార్టర్స్ లో 34 నెంబర్!" అని చెప్పాడు కానిస్టేబుల్.

"థాంక్యూ!" అని చెప్పి చాక్లెట్ తో కలిసి కారులో సెక్యూరిటీ అధికారి కోటర్స్ లో 34 నెంబర్ ఇంటి దగ్గరికి వెళ్లి డోర్ కొట్టింది మిత్ర.

కాసేపటికి డోర్ ఓపెన్ చేసి ఎదురుగా ఉన్న చాక్లెట్, మిత్రలను చూసి "ఎవరు మీరు?" అని అనుమానంగా చూస్తూ అడిగాడు పాఠక్.

"ఐ యాం మిత్ర ఐబి!" అని ఐడి కార్డ్ చూపించింది మిత్ర

"లోపలికి రండి మేడం!" అని చెప్పి సోఫా చూపించి "వాటర్ తీసుకుంటారా?" అని అడిగాడు పాఠక్.

"హ.. తీసుకురండి." అని ఆశ్చర్యంగా చూస్తున్న చాక్లెట్ వైపు చూసి "ఏమైందిరా.?" అని అడిగింది మిత్ర.

"అక్క! డమ్మీ ఐడి చూపించావు ఏమీ కాదు కదా, అసలే సెక్యూరిటీ అధికారి ఇంటికి వచ్చాము." అని భయంగా అడిగాడు చాక్లెట్.

"నువ్వు నోరు మూసుకుని సైలెంట్ గా ఉండు." అని చెప్పి వాటర్ తీసుకొస్తున్న పాఠక్ వైపు చూసి

"మీరు నోయిడా స్టేషన్లో ఎస్సై నిరంజన్ గారి దగ్గర వర్క్ చేశారు కదా అప్పటి ఒక కేస్ గురించి ఎంక్వయిరీ కి వచ్చాము." అని చెప్పింది మిత్ర.

వాటర్ టేబుల్ మీద పెడుతూ "చెప్పండి మేడం! మీకు ఏ డీటెయిల్స్ కావాలి?" అని అడిగాడు పాఠక్.

"నిరంజన్ గారు ఎలా చనిపోయారో మీకు ఐడియా ఉందా?" అని అడిగింది మిత్ర.

"సార్ చనిపోయే సమయానికి నేను అక్కడ డ్యూటీలో లేను ట్రాన్స్ఫర్ అయిపోయాను, నాకు చాలా కాలం తర్వాత తెలిసింది." అని చెప్పాడు పాఠక్.

"పోనీ NIA ఆఫీసర్ మురళి జోషి మర్డర్ కేసులో ఒక పదహారేళ్ల కుర్రాడిని అరెస్టు చేసి నిరంజన్ గారు ఎఫ్ ఐఆర్  చేసారు అప్పుడు నువ్వు డ్యూటీలోనే ఉన్నావు కదా!" అని అడిగింది మిత్ర.

"ఎస్ మేడం! ఆ కేసుని నా జీవితంలో మర్చిపోలేను, ఆ మర్డర్ చేసింది ఆ కుర్రాడు కాదని అందరికీ తెలుసు కానీ పైనుంచి ప్రేజర్ వల్ల కేసు ఫైల్ చేయాల్సి వచ్చింది." అని చెప్పాడు పాఠక్.

"మరి ఎఫ్ఐఆర్ లో ఆ కుర్రాడి పేరు కానీ ఊరు కానీ ఎందుకు మెన్షన్ చేయలేదు, ఆ విషయం మీకు తెలియదా లేక కావాలని పైనుంచి ప్రెజర్ వల్ల ఆపారా?" అని అడిగింది మిత్ర.

"ఆ కుర్రాడి గురించి సార్ కి నాకు అన్ని డీటెయిల్స్ తెలుసు కానీ పైనుంచి ప్రెజర్ వల్లే ఎఫ్ ఐ ఆర్ లో మెన్షన్ చేయలేదు, తర్వాత రోజు నాకు ట్రాన్స్ఫర్ అయింది. అక్కడి నుంచి వెళ్ళిపోయాను ఆ కేసు ఏమైందో కూడా తెలియదు." అని చెప్పాడు పాఠక్.

"ఓకే! ఆ కేసు మళ్ళీ రిఓపెన్ అయింది ఆ కుర్రాడి డీటెయిల్స్ తెలిసిన వాడివి నువ్వు ఒక్కడివే అందుకే నిన్ను వెతుక్కుంటూ వచ్చాము." అని చెప్పింది మిత్ర.

"మేడం! ఆ అబ్బాయి పేరు అభిర్! రాజస్థాన్ దగ్గర గొర్వర్ అనే కొండ ప్రాంతనికి చెందినవాడు, అసలు అతన్ని ఈ కేసులో ఎందుకు ఇరికించారో ఎవరికీ తెలీదు." అని చెప్పాడు పాఠక్.

"అభిర్ స్టేషన్లో ఉన్నప్పుడు అతన్ని కలవడానికి ఎవరైనా వచ్చారా?" అని నోట్ చేసుకుంటూ అడిగింది మిత్ర.

"అప్పుడు!" అని ఆలోచిస్తూ "అతని వయసు ఉన్న  ఐదుగురు కుర్రాళ్ళు వచ్చి మాట్లాడి వెళ్లిపోయారు మేడం!" అని చెప్పాడు పాఠక్.

"అవునా? ఆ ఐదుగురికి కుర్రాళ్ళ డీటెయిల్స్ ఏమైనా తెలుసా?" అని అడిగింది మిత్ర.

"ఆ ఐదుగురు గురించి ఏమీ తెలియదు మేడం! వచ్చి మాట్లాడి వెంటనే వెళ్ళిపోయారు, డీటెయిల్స్ అడిగిన చెప్పలేదు." అని చెప్పాడు పాఠక్.

"ఓకే థాంక్యూ! ఈ విషయంలో మీరు భయపడాల్సిన అవసరం లేదు ఈ ఎంక్వయిరీ గురించి ఎవరికీ తెలియదు." అని చెప్పి చాక్లెట్ తో అక్కడి నుంచి బయటకు వచ్చి కారు ఎక్కింది మిత్ర.

కారు దగ్గరికి వచ్చి "మేడం ఎంక్వయిరీ కి మాత్రం గొర్వర్ ప్రాంతానికి వెళ్ళకండి అక్కడ మనుషుల కన్నా జంతువులే ఎక్కువగా ఉంటాయి." అని చెప్పి లోపలికి వెళ్ళిపోయాడు పాఠక్.

కార్ లో వెళ్ళుతు "అవును అక్క! అతను చెప్పింది నిజమే! ఆ ఏరియా మొత్తం అడవులు!" అని ఫోన్లో చూస్తూ చెప్పాడు చాక్లెట్.

డ్రైవింగ్ చేస్తూ "అసలు! అంత అడవి ప్రాంతం నుంచి ఇక్కడికి ఎందుకు వచ్చాడు? అది కాకుండా అభిర్ జైల్లో ఉన్నట్లు తన వాళ్లకి తెలుసు కానీ 12 సంవత్సరాలుగా తనని చూడడానికి  ఎందుకు రాలేదు.

ఇప్పుడు ఆ అయిదుగురు ఎక్కడ ఉన్నారు అసలు అభిర్ గురించి లండన్ పార్టీ ఎందుకు తెలుసుకోవాలి అనుకుంటుంది." అని ఆలోచిస్తూ అంది మిత్ర.

అంతలో ఫోన్ రింగ్ అవ్వడం చూసి "అక్క! లండన్ పార్టీ కాల్ చేస్తుంది." అని చెప్పాడు చాక్లెట్.

ఫోన్ తీసుకు లిఫ్ట్ చేసి "గుడ్ మార్నింగ్ మేడం!" అని చెప్పింది మిత్ర.

"గుడ్ మార్నింగ్! అభిర్ గురించి ఏమైనా తెలిసిందా?"  అని అడిగింది అర్ణ.

"మేడం! అతను రాజస్థాన్ లో ఉండే గొర్వర్ అనే అడవి ప్రాంతానికి చెందినవాడు ఆ ఏరియా మొత్తం జంతువులతో నిండి ఉంటుంది చాలా డేంజరస్ ప్లేస్!

అక్కడి నుంచి వచ్చి ఈ కేసులో ఇరుక్కున్నాడు ఎందుకు అనేది తెలియడం లేదు, కాని దీని వెనకాల చాలా పెద్ద వాళ్ళ హస్తం ఉందని తెలుస్తుంది

ఆ డీటెయిల్స్ కూడా త్వరలోనే తెలుసుకుంటాను, అంతే కాదు మేడం అతనికి సంబంధించిన ఒక ఐదుగురు స్టేషన్లో ఉన్నప్పుడు చూడడానికి వచ్చారు, కానీ 12 సంవత్సరాలుగా మళ్ళీ తనని చూడడానికి కూడా రాలేదు." అని చెప్పింది మిత్ర.

"గుడ్! మంచి ఇన్ఫర్మేషన్ ఇచ్చావు, ఇంకా ఏదైనా విషయం తెలిస్తే వెంటనే నాకు కాల్ చెయ్!" అని చెప్పి ఫోన్ పెట్టేసింది అర్ణ.

"ఈ గోర్వార్ ఏరియా గురించి నేనుఎక్కడో విన్నాను." అని ఆలోచించి
"ఎస్! చంద్రశేఖర్ గారు ఆర్కియాలజిస్ట్ మనం ఆయనని కలిస్తే అసలు ఆ ఏరియాలో ఉండే వాళ్ల గురించి తెలుస్తుంది." అని కార్ స్పీడ్ పెంచింది మిత్ర.

***********************

అదే సమయంలో  కారులో ఇంటికి వెళుతూ సీరియస్ గా ఉన్న అభిర్ వైపు చూసి "ఏంటి? ఒక్కసారిగా అలా మారిపోయావు? నిజంగా నీకోసం నీ వాళ్ళందరూ ఉన్నారా?" అని అడిగింది వసుంధర.

డ్రైవింగ్ చేస్తూ "మేడం! మా అభిర్ సేన నాయకుడి ఆజ్ఞ కోసం మేమంతా ఎదురు చూస్తున్నాము, ఇక పిలుపు అందింది దేశం నలుమూలలా ఉన్న దళం సిద్ధం అవుతుంది." అని గ్లాస్ దింపి ఆకాశంలో  ఎగురుగుతున్న గరుడ పక్షిని చూపించాడు శంకర్.

ఆ మాట విని శంకర్ వైపు ఆశ్చర్యంగా చూస్తూ "నీకు అభిర్ ముందే తెలుసా?" అని అడిగింది వసుంధర.

"అభిర్ ని ఈ చేతులతో ఎత్తుకొని పెంచాను మేడం!" అని చెప్పాడు శంకర్.

ఆకాశంలో ఎగురుతున్న గరుడ పక్షిని చూస్తూ "అంటే! అది మీ వాళ్ళందరికీ సిగ్నల్ ఇస్తుందా?" అని డౌట్ గా అడిగింది నీలమ్.

"అవును మేడమ్! ఆ పక్షి అరుపు విన్న వెంటనే దళం లో ఉన్న ప్రతి ఒక్కరికి నాయకుడు నుంచి పిలుపు వచ్చింది అని అర్థమవుతుంది." అని చెప్పాడు శంకర్.

"నిజంగా హిరణ్య కోర్టుకి వెళ్లితే చంపేస్తారా?" అని అడిగింది నీలమ్.

"అభిర్ నోటి వెంట మాట వచ్చింది అంటే అది మా అందరికీ ఆజ్ఞ! తప్పకుండా జరిగి తీరుతుంది." అని చెప్పాడు శంకర్.

"మీకు నంద ఫ్యామిలీ వల్ల ఏదో అన్యాయం జరిగిందని అర్థమైంది. మరి ఇన్ని సంవత్సరాలు సైలంట్ గా ఎందుకు ఉన్నారు?" అనుమానంగా అడిగింది వసుంధర.

"ఆ ఫ్యామిలీ లో వారసులు లేకుండా చేస్తానని అభిర్ చెప్తున్నాడు, అంత తప్పు వాళ్ళు ఏం చేశారు?" అని అడిగింది నీలమ్.

ఇంటి దగ్గర కార్డ్ స్లో చేస్తూ "అది తెలియాలి అంటే ఇప్పటివరకు ఎవరకి తెలియని రహస్యం మీకు తెలియాలి." అని చెప్పడం స్టార్ట్ చేశాడు శంకర్.

*****************

లండన్ ఇంటిదగ్గర టెన్షన్ గా ఉన్న  ముకుల్ దగ్గరకు వచ్చి "తాతగారు! అర్జెంటుగా రమ్మని కాల్ చేశారు ఏమైంది? అలా ఎందుకు ఉన్నారు?"  అని డౌట్ గా అడిగింది అర్ణ.

"ఇన్ని సంవత్సరాలు ప్రశాంతంగా ఉన్న ఏమాపాశం మళ్లీ మన మీదకు వస్తుంది. ఈ నంద సామ్రాజ్యాన్ని ఎలా కాపాడలో తెలియడం లేదు, అందుకే నీతో ఒకసారి మాట్లాడాలి అనిపించి రమ్మన్నాను." అని చెప్పాడు ముకుల్.

"మీరు టెన్షన్ పడేది జైల్ నుంచి రిలీజ్ అయిన అభిర్ గురించే కదా! అసలు గొర్వర్ అనే అడవి ప్రాంతంలో ఉండే అతనితో మనకి వీరోధమేమిటి? ఆఫ్ట్రాల్ ఒక సామాన్యమైన మనిషిని చూసి భయపడి ఇండియా నుంచి ఎందుకు వచ్చేసారు?" అని అడిగింది అర్ణ.

ఆ మాటకి ఆశ్చర్యంగా చూస్తూ "నువ్వు అభిర్ గురించి ఎంక్వయిరీ చేస్తున్నావా?" అని అడిగాడు ముకుల్.

"నేను మీకు ముందే చెప్పాను, మీ ఆస్తి వారసత్వంలో పాటు మీ బాధను కూడా పంచుకుంటాను అని అందుకే చేస్తున్నాను." అని చెప్పింది అర్ణ.

"ఇంతకాలం నా మనసులో దాచుకున్న రహస్యం నీకు చెప్పి భారం దించుకుంటాను, ఈ విషయం తెలిసిన తర్వాత అయినా అభిర్ గురించి ఆలోచించకుండా ఉంటావు." అని చెప్పడం మొదలుపెట్టాడు ముకుల్.
***********************

అదే సమయంలో తీహార్ జైల్ కి వెళ్లి "మిస్టర్ నితీష్ మిమ్మల్ని కొన్ని విషయాలు అడగడానికి వచ్చాను, మీరు కరెక్ట్ గా ఆన్సర్ చెబితే డ్యూటీలో ఉంటారు, లేకపోతే కస్టడీలోకి తీసుకోవాల్సి ఉంటుంది." అని చెప్పాడు శ్రీకర్.

"మీరు నన్ను ఏమి అడగాలి అనుకుంటున్నారో నాకు తెలుసు! అభిర్ పేరు అండమాన్ లిస్టులో ఎందుకు యాడ్ చేశాను అనే కదా! కూర్చోండి ప్రశాంతంగా మాట్లాడుకుందాము." అని చెప్పాడు నితీష్.

"ఎస్! అభిర్ పేరుని ఎందుకు యాడ్ చేయాల్సి వచ్చింది. దీని వెనకాల ఎవరు ఉన్నారు?" అని అడిగాడు శ్రీకర్.

"మీకు నేను ఆ పేరు చెబుతాను కానీ మీరు అతన్ని టచ్ కూడా చేయలేరు జనశక్తి పార్టీ  అభిజిత్ పాండే!" అని చెప్పాడు నితీష్.

ఆ మాట విని ఆశ్చర్యంగా చూస్తూ "అభిజిత్ పాండే గారా? ఆయనకి ఏమి అవసరం?"అని డౌట్ గా అడిగాడు శ్రీకర్.

"నాకెలా తెలుస్తుంది ఆయన చెప్పిన తర్వాత చేయకుండా నేను కాదు, మీరు కూడా ఉండలేరు, అందుకే ముందే చెప్పాను టచ్ కూడా చేయలేరని అడిగే ధైర్యం ఉంటే వెళ్లి ఆయననే అడగండి." అని చెప్పాడు నితీష్.

అక్కడినుంచి బయటికి వచ్చి కారుకి డ్రైవర్ వైపు చూసి "వసుంధర మేడం ఇంటికి వెళ్ళు!" అని చెప్పాడు శ్రీకర్.

"ఓకే సార్!" అని కార్డ్ స్టార్ట్ చేశాడు డ్రైవర్.

కార్ లో కూర్చుని "ఈ కేసులో అభిజిత్ పాండే పేరు చేరిస్తే వెంటనే కేసు పక్కన పెడతారు, అసలు అతనికి అభిర్ కి సంబంధం ఏమిటి?" అని ఆలోచిస్తూ ఉన్నాడు శ్రీకర్.

[SivaSai]

ఎపిసోడ్ 30

2010 సంవత్సరం, న్యూస్ చానల్స్ లో "ఈరోజు నంద గ్రూప్ అఫ్ కంపెనీస్ కి కాబోయే చైర్మన్ గారైన గోకుల్ నంద గారు ఇండియాకి వస్తున్నారు, మరొకసారి భారీగా పెట్టుబడులు రావచ్చని పారిశ్రామిక వర్గాలవారు ఆశిస్తున్నారు.

ఎయిర్ పోర్ట్ లో గోకుల్ గారికి స్వాగతం పలకడానికి సెంట్రల్ మినిస్టర్, జనశక్తి పార్టీ అధ్యక్షుడు అయినా  అభిజిత్ పాండే గారు ఇప్పుడే చేరుకున్నారు.

మరొక ముఖ్య విషయం ఏమిటంటే గోకుల్ గారు, అభిజిత్ గారు చిన్ననాటి స్నేహితులు చాలాకాలం తర్వాత మళ్ళీ కలుసుకోబోతున్నారు." అని చెప్పాడు రిపోర్టర్.

ఎయిర్ పోర్ట్ లో వెయిట్ చేస్తూ తన పక్కన ఉన్న మనిషి వైపు చూసి "జాకీ! వాడు లండన్ నుంచి నా కోసం వస్తున్నాడు, ఎక్కడ చిన్న మిస్టేక్ కూడా జరగకూడదు మన ఆతిథ్యం చూసి ఆశ్చర్యపోవాలి." అని చెప్పాడు అభిజిత్.

"భయ్యా! నువ్వేమీ కంగారు పడకు గెస్ట్ హౌస్ లో అన్ని సెట్ అప్ చేశాను." అని చెప్పాడు జాకీ.

"ఓకే! సడన్గా వస్తున్నానని కాల్ చేశాడు ఇక్కడ అంత అర్జెంట్ పని ఏమిటో కూడా అర్థం కాలేదు." అని ఫ్లైట్ ల్యాండ్ అవ్వడం చూసి హడావుడిగా వెళ్ళాడు అభిజిత్.

ఫ్లైట్ లో నుంచి దిగుతూ ఎదురుగా ఉన్న అభిజిత్ ని చూసి సంతోషంగా వచ్చి కౌగిలించుకుని "వీడియో కాల్ లో కన్నా డైరెక్ట్ గానే స్మార్ట్ గా ఉన్నావు." అని కళ్ళు ఎగరేస్తూ చెప్పాడు గోకుల్.

ఆ మాటకి నవ్వుతూ "నీ కన్నా స్మార్ట్ గా ఉన్నానా?" అని బొకే ఇచ్చి "కాబోయే నంద గ్రూప్ చైర్మన్ గారికి వెల్కమ్!" అని చెప్పాడు అభిజిత్.

బోకే తీసుకుంటూ "అబ్బా.. ఆ గోల నుంచి రిలాక్స్ అవ్వడానికి ఇక్కడికి వచ్చాను, మళ్లీ ఆ విషయలు గుర్తు చేయకు." అని విసుగ్గా అన్నాడు గోకుల్.

"అయితే! అర్ణపాప ని కూడా తీసుకురావాల్సింది. కొన్ని రోజులు ఇక్కడ సరదాగా ఉండేది." అని కార్ దగ్గరికి తీసుకువెళ్ళాడు అభిజిత్.

కార్లు ఎక్కి రిలాక్స్ గా కూర్చుని వెళుతూ, "నా వైఫ్ చనిపోయి వన్ ఇయర్ అవుతుంది. అప్పట్నుంచి అర్ణ వాళ్ళ తాత దగ్గర ఉంటుంది.

ఈ బిజినెస్ వ్యవహారాలతో నేను బిజీ అయిపోయాను,  లైఫ్ రొటీన్ అయ్యిపోయింది. కొన్ని రోజులు రిలాక్స్ అవుదామని ఇండియాకి వచ్చాను అందుకే ఫస్ట్ కాల్ నికు చేశాను." అని చెప్పాడు గోకుల్.

"నువ్వు ఇండియా వస్తే నాకే కాల్ చేయాలి." అని చెప్పి ఫ్రెంట్ సీట్లో ఉన్న జాకి వైపు చూపిస్తూ

"నా తమ్ముడు లాంటి వాడు, పేరు జాకీ! నేను పొలిటికల్ వ్యవహారాలు చూసుకుంటే, వాడు పైన వ్యవహారాలు చూసుకుంటాడు." అని పరిచయం చేశాడు అభిజిత్.

"నమస్తే భయ్యా!  మీరు ఇక్కడి నుంచి వెళ్లే లోపు ఎంజాయ్మెంట్ ఏంటో నేను చూపిస్తాను, మీరు కంప్లీట్ గా రిలాక్స్ మూడ్ లోకి వెళ్ళిపోతారు." అని చెప్పాడు జాకీ

"నాకు కూడా కావలసింది అదే!" అని చెప్పాడు గోకుల్.

అంతలో మీడియా వాళ్ళు కారుని చుట్టుముట్టడం చూసి 'వీళ్ళు వదిలేటట్లు లేరు.' అనుకుని "గోకుల్!  ఒక్కసారి  బిజినెస్ వ్యవహారాల గురించి రాలేదు ఫ్రెండ్స్ తో కొన్ని రోజులు గడపడానికి వచ్చాను అని ఒక చిన్న స్టేట్మెంట్ ఇవ్వు చాలు ఇంక నీ వెంట పడరు." అని చెప్పాడు అభిజిత్.

"షూర్!"  అని కారు దగ్గరికి వచ్చిన మీడియా వాళ్ల వైపు చూసి గ్లాస్ దింపి

"హాయ్! నాకోసం ఇంత సేపు వెయిట్ చేసినందుకు థాంక్యూ సో మచ్! నేను వెళ్లే ముందు కచ్చితంగా మీకు ఒక ఇంటర్వ్యూ ఇచ్చి వెళ్తాను అప్పటివరకు ప్లీజ్ డోంట్ డిస్ట్రబ్!" అని స్మైల్ ఇస్తూ గ్లాస్ పైకి ఎత్తాడు గోకుల్.

గెస్ట్ హౌస్ దగ్గరికి  కార్ లో తీసుకు వెళుతూ "నీకు ఎటువంటి ఎంజాయ్మెంట్ కావాలో చెప్పు వెంటనే అరేంజ్ చేస్తాను." అని చెప్పాడు అభిజిత్.

"నాకు ఎంజాయ్మెంట్ కాదు థ్రిల్లింగ్  కావాలి." అని చెప్పాడు గోకుల్.

ఆ మాట విని "ఏంటి? థ్రిల్లింగ్ ఆ..! ఫారన్ కంట్రీస్ లో దొరకని  థ్రిల్లింగ్ ఇండియాలో ఏముంటుంది?" అని అనుమానంగా అడిగాడు అభిజిత్.

"నాకు థ్రిల్లింగ్ ఇచ్చే విషయం ఏమిటో నీకు చెప్పడానికి ఒక మనిషి ఆల్రెడీ ఇండియా వచ్చాడు, కాసేపట్లో మన దగ్గరికి వస్తాడు." అని చెబుతూ గెస్ట్ హౌస్ రావడంతో కారు దిగాడు గోకుల్.

"ఏంటి భయ్యా! ఇండియాలో ఉన్న నిధి గురించి ఏమైనా తెలిసిందా ఏంటి?" అని నవ్వుతూ అడిగాడు జాకి.

ఆ మాట విని నవ్వి గెస్ట్ హౌస్ లోపలికి వెళుతూ, "డబ్బు నా దగ్గర ఎంత కావాలి అంటే అంత ఉంది దాని గురించి నేను వెతకాల్సిన అవసరం లేదు, ఈ లోకంలో దానికి మించింది ఒకటి ఉంటుంది దాని గురించి మీ అన్నకి బాగా తెలుసు!" అని చెప్పాడు గోకుల్.

ఆ మాట విని "అవును! డబ్బు కన్నా పవర్ఫుల్ అయింది పవర్! అది ఉంటే అన్ని మన కాలు కిందకి వస్తాయి, మన నోటి నుంచి వచ్చిన మాట వేదం అవుతుంది." అని చెప్పాడు అభిజిత్.

"అంటే భయ్యా! పవర్ కోసం నువ్వు కూడా ఇండియన్ పాలిటిక్స్ లోకి వస్తావా?" అని అనుమానంగా అడిగాడు జాకి.

"నాకు పాలిటిక్స్ మీద పెద్దగా ఇంట్రెస్ట్ లేదు అయినా అభిజిత్ ఉండగా నాకు అవసరం లేదు." అని చెప్పాడు గోకుల్.

"మరి పాలిటిక్స్ కన్నా పవర్ ఫుల్ అయింది ఏముంది?" అని అయోమయంగా అడిగాడు జాకి.

"ప్రపంచంలో ఎక్కడ లేనటువంటి పవర్ఫుల్ అయిన ఆధ్యాత్మిక శక్తి ఇండియా గడ్డ మీద ఉంది. అది మన దగ్గర ఉంటే ఎటువంటి పనినైనా సాధించవచ్చు!" అని చెప్పాడు గోకుల్.

ఆ మాట విని డౌట్ గా చూస్తూ "ఆధ్యాత్మిక శక్తి  ఆ...! ఇక్కడ ఉన్న గుళ్ళలో ఉంటుంది. లేకపోతే తపస్సు చేసుకునే ఋషుల దగ్గర ఉంటుంది. దానిని మనం తీసుకోవడం ఎలా కుదురుతుంది. మనస్ఫూర్తిగా నమస్కారాలు చేస్తే పుణ్యం వస్తుంది." అని చెప్పాడు అభిజిత్.

"నాకు కావలసింది పుణ్యం కాదు, ఆధ్యాత్మిక శక్తి ఉన్న కొన్ని వస్తువులు ఈ గడ్డమీద ఇంకా ఉన్నాయి, వాటితో మనం ఎప్పటికీ రాజులాగా ఉండవచ్చు, మన పేరు చరిత్ర పుటల్లో ఉండిపోతుంది." అని చెప్పాడు గోకుల్.

ఆ మాట విని పక్కన ఉన్న జాకి వైపు ఆశ్చర్యంగా చూసి  "గోకుల్! అటువంటి వస్తువులు గురించి వినడమే కానీ ఇప్పటివరకు ఎక్కడ బయట పడలేదు." అని చెప్పాడు అభిజిత్.

"ఎస్! అటువంటి వస్తువుని వెతికి పట్టుకోవడంలోనే ఉంటుంది థ్రిల్!" అని చెప్పాడు గోకుల్.

అంతలో బయటినుంచి ఒక సెక్యూరిటీ గార్డ్ లోపలికి వచ్చి "సార్! ఎవరో సర్పరాజ్ అంట గోకుల్ గారి కోసం వచ్చారు లోపలికి పంపించమంటారా?" అని అడిగాడు.

"సర్పరాజ్ ఆ..?" అని అడిగి గోకుల్ వైపు చూసి "ఎవరతను?" అని డౌట్ గా అడిగాడు అభిజిత్.

"ఎస్! అతను నా మనిషే లోపలికి పంపించండి." అని చెప్పి అభిజిత్ వైపు చూసి

"నేను చెప్పాను కదా నాకన్నా ముందు ఒక మనిషి ఇండియా వచ్చాడు అని, అది అతనే, సర్పరాజ్ మహంతి వరల్డ్ టాప్ ఆర్కియాలజిస్ట్!" అని చెప్పాడు గోకుల్.

లోపలికి వచ్చి గోకుల్ వైపు చూసి "గుడ్ మార్నింగ్ సార్!" అని చెప్పి కొన్ని బుక్స్ టేబుల్ మీద పెట్టాడు సర్పరాజ్.

"ఆర్కియాలజిస్ట్ అంటే చరిత్ర గురించి తెలుసుకోవడానికి తవ్వుతూ ఉంటారు, మీ దగ్గర మా గోకుల్ కి థ్రిల్లింగ్ ఇచ్చే అంత విషయం ఏముంది?" అని అడిగాడు అభిజిత్.

"నీకు అతని గురించి సరిగ్గ తెలియదు, ఆయన ప్రపంచంలో ఉన్న అన్ని మైథాలజీల మీద రీసెర్చ్ చేశారు." అని చెప్పి సర్పరాజ్ వైపు చూసి

"మీరు నాకు చెప్పిన విషయాల గురించి నా ఫ్రెండ్ కూడా ఒకసారి చెప్పండి." అని చెప్పాడు గోకుల్.

"ఓకే సార్!" అని జాకీ వైపు చూసి "డోర్ క్లోజ్ చేయండి." అని చెప్పాడు సర్ఫరాజ్.

"సరే!" అని బయటికి వెళ్లి సెక్యూరిటీ వైపు చూసి "కాసేపు ఎవరు డిస్టర్బ్ చేయకండి ఇంపార్టెంట్ మీటింగ్లో ఉన్నము." అని చెప్పి డోర్ క్లోజ్ చేసి లోపలికి వచ్చాడు జాకీ.

"నేను ప్రపంచంలో ఉన్న అన్ని మైథాలజీల మీద రీసెర్చ్ చేశాను, ఇంకా ఈ భూమి మీద మిగిలి ఉన్న మైథాలజీ ఏదైనా ఉంది అంటే అది హిందూ మైథాలజీ ప్రపంచంలో ఎక్కడ ఆర్కియాలజిస్టులు త్రవ్వకాలు జరిపిన,

హిందూ మైథాలజీ నమూనాలు బయటకు వస్తూనే ఉంటాయి, అది ఇంకా మిగిలి ఉండడానికి కారణం, కారణం ఈ భూమి మీద ఇంకా ఆధ్యాత్మికమైన కొన్ని శక్తివంతమైన వస్తువులు.

ఈ భూమి మీద రహస్య ప్రదేశాలలో కొంతమంది రక్షణలో అలాంటి వస్తువులు ఇంకా ఉన్నాయి, వాటి కోసం నేను చాలా రీసెర్చ్ చేశాను చాలా ప్రదేశాలు తిరిగాను." అని చెప్పాడు సర్పరాజ్.

"మీరు చెప్పింది వింటుంటే చాలా ఇంట్రెస్టింగ్ గా ఉంది. మీ రీసెర్చ్ లో దేని గురించైనా తెలిసిందా? అటువంటి వస్తువు ఎక్కడ ఉందో చెప్పండి దాన్ని ఎలా సాధించాలో నాకు బాగా తెలుసు!" అని చెప్పాడు అభిజిత్.

"థాంక్యూ!" అని చెప్పి "మీరు ఎప్పుడైనా జారువా తెగ గురించి విన్నారా?" అని అడిగాడు సర్పరాజ్.

ఆ మాటకి కాసేపు ఆలోచించి "ఆ తెగ గురించి విన్నాను వాళ్లు అండమాన్ లో ఉన్న ఒక ఒక దీవిలో ఉంటారు  లోపలికి వెళ్లడానికి ట్రై చేసిన ఒక ఫార్నర్ ని కూడా ఈ మధ్య చంపేశారు." అని చెప్పాడు అభిజిత్.

"ఎస్! ఆ జారువా తెగ ఇప్పటిది కాదు, వాళ్ల గురించి వేదాలలో కూడా ఉంది. ఆ తెగ కాలక్రమమైన ముక్కలుగా చీలిపోయి కొంతమంది మనుషులకు దూరంగా బతుకుతున్నారు.

కొంతమంది ఈ జీవన విధానానికి అలవాటు పడి మనతో కలిసి బతుకుతున్నరు కానీ వాళ్ళు చాలా భిన్నమైనవారు." అని చెప్పాడు సర్పరాజ్.

"భిన్నమైన వాళ్ళు అంటే వాళ్ళ దగ్గర మాయలు మంత్రాలు ఏమైనా ఉంటాయా?  వాళ్ల దగ్గర మీరు చెప్పిన వింత వస్తువులు ఏమైనా ఉన్నాయా?" అని ఆత్రుతగా అడిగాడు జాకి.

[k3vv3]

అసలు కథ ఇప్పుడే మొదలయింది, నేను ఊహించినట్లు!

[vikas123]

nice update

[ash.enigma]

Sooner story

[Satensat005]

Superb guruji

[ash.enigma]

Just now read this one.
endi bhayya ee araachakam.

ekkada unnav bro inni rojulu nuvvu.
rajamouli ayya vijayendra prasad raase story range lo undi.

and the funny part is.. ippatiki kaeesam interval bang kooda avaledu anukuntunna!!

As I said.. interval bang ippudu!!

[SivaSai]

ఎపిసోడ్ 31

ఇండియా వచ్చిన గోకుల్ ని రిసీవ్ చేసుకుని గెస్ట్ హౌస్ కి తీసుకువెళ్లాడు అభిజిత్.

అక్కడకు వచ్చిన గోకుల్ మనిషి సర్పరాజ్ కొన్ని ఆధ్యాత్మిక వస్తువులు గురించి చెబుతూ జారువా తెగ గురించి చెప్పాడు.

**************************

"ఆ తెగ వాళ్ళ దగ్గర అటువంటి ఆధ్యాత్మికమైన వస్తువులు ఏమైనా ఉన్నాయా?" అని అడిగిన జాకీ వైపు చూసి

"ఎస్! నాకు దొరికిన ఆధారాలను బట్టి కొన్ని పవర్ఫుల్ వస్తువులు ఆ జారువా తెగ వాళ్ళ దగ్గర ఉన్నాయి." అని చెప్పాడు సర్ఫరాజ్.

"అవునా? ఆ తెగకు సంబంధించిన వాళ్ళు ఎక్కడ ఉన్నారో తెలిస్తే చెప్పండి వెంటనే ఇక్కడికి తీసుకువచ్చే ఏర్పాటు చేస్తాను." అని చెప్పాడు అభిజిత్.

"ఆ తెగవారి గురించి నా దగ్గర కొన్ని ఆధారాలు ఉన్నాయి, వాటి వివరాలు మీకు చెబుతాను తరువాత వాటి ద్వారా వాళ్ళు ఎక్కడ ఉన్నారో మనం కనిపెడదాము." అని చెప్పాడు సర్పరాజ్.

"అంటే! వాళ్ళు ఎక్కడ ఉన్నారు మీకు కూడా తెలియదా?" అని అడిగాడు జాకి.

"నో! కానీ వాళ్ల దగ్గర కొన్ని ఆధ్యాత్మికమైన శక్తులు కలిగిన వస్తువులు ఉన్నాయని ఖచ్చితంగా తెలుసు! ఆ జారువా తెగవారు అమ్మవారి శక్తితో ఉద్భవించారు అని చెబుతూ ఉంటారు.

వాళ్ల గురించి తెలుసుకోవాలి అంటే, చత్రపతి శివాజీ మహారాజ్ గురించి రీసెర్చ్ చేసి పూర్తి వివరాలు తెలిసిన ఒక ఆర్కియాలజిస్ట్ తో మనం మాట్లాడాలి అటువంటి వాళ్ల గురించి మీకేమైనా తెలుసా?" అని అడిగాడు సర్పరాజ్.

"శివాజీ మహారాజ్ గురించి రీసెర్చ్ చేసిన వారు అంటే, శివమణి అని ఒక వ్యక్తి తెలుసు! కానీ ఆయన మనకు హెల్ప్ చేస్తారో లేదో కన్ఫర్మ్ గా చెప్పలేను." అన్నాడు జాకీ.

"శివమణి పేరు నేను కూడా విన్నాను ఆయన మనకి హెల్ప్ చేస్తే కచ్చితంగా ఆ తెగవారు ఎక్కడ ఉన్నారో తెలుసుకోవచ్చు!" అని చెప్పాడు సర్ఫరాజ్.

"నేను సెంట్రల్ మినిస్టర్ నాకు కూడా వాడు హెల్ప్ చేయకపోతే, ఇంక వాడికి లైఫ్ ఏ ఉండదు, నా ఫ్రెండ్ కోసం నా పవర్ మొత్తం ఉపయోగిస్తాను." అని చెప్పాడు అభిజిత్.

"గుడ్! వెంటనే ఆయనతో మాట్లాడే ఏర్పాట్లు చేయండి. ఆ చరిత్రలోనే ఈ తెగ వారికి గురించి ఆధారాలు లభిస్తాయి." అని చెప్పాడు సర్ఫరాజ్.

"ఓకే!" అని జాకి కి వైపు చూసి "మనం ఈ రోజే శివమణితో మాట్లాడాలి, అతను ఎక్కడ ఉన్నాడో తెలుసుకో!" అని చెప్పాడు అభిజిత్.

"సరే భయ్యా!" అని ఫోన్ తీసుకుని బయటికి వెళ్లాడు జాకీ.

సర్పరాజ్ వైపు చూస్తూ "ఆ తెగ వాళ్ళ దగ్గర ఏ వస్తువు ఉందని మీకు అనుకుంటున్నారు?" అని అడిగాడు అభిజిత్.

"నాకు తెలిసి ఆ తెగ వారి దగ్గర చాలా శక్తివంతమైన ఆధ్యాత్మిక వస్తువులు భద్రపరిచారు అని తెలుసు! వాటిని చూస్తేనే కాని మనం ఏ విషయం చెప్పలేము, ఉదాహరణకి ఒక జీవికి ప్రాణం పోసే శక్తి కూడా వాళ్ళ దగ్గర ఉంది అంటారు." అని చెప్పాడు సర్పరాజ్.

"ఏంటి? ప్రాణం పోసే శక్తి ఉందా?" అని ఆశ్చర్యంగా చూస్తూ అడిగాడు అభిజిత్.

"అంతేకాదు అమ్మవారు శివాజీ మహారాజ్ కి ప్రసాదించిన శక్తివంతమైన ఖడ్గం చంద్రహాస్ కూడా వాళ్ళ దగ్గరే ఉంది." అని చెప్పాడు గోకుల్.

"ఏంటి? చంద్రహాస్ కూడా వాళ్ళ దగ్గరే ఉందా? అలా అయితే వాళ్ళని కనిపెట్టి తీరాల్సిందే!" అన్నాడు అభిజిత్.

**************

లంచ్ చేస్తున్న అభిజిత్ వాళ్ళ దగ్గరికి వచ్చి "భయ్యా! శివమణి గురించి తెలుసుకున్నాను, నువ్వు ఓకే అంటే ఫోన్ చేసి మన గెస్ట్ హౌస్ కి రమ్మని చెప్తాను, రాకపోతే నా స్టైల్ లో వెళ్లి తీసుకువస్తాను." అని చెప్పాడు జాకీ.

"నో నో! అలా చేయకూడదు మనం బలవంతం చేస్తే చరిత్ర గురించి తెలిసిన నిజాలు కొన్ని చెప్పకుండా దాస్తాడు, మనమే ఆయన దగ్గరికి వెళదాము.

అప్పుడు గౌరవం ఇచ్చినట్లు ఉంటుంది. ఒక సెంట్రల్ మినిస్టర్ ఆయన దగ్గరికి వచ్చాడు అన్న దానిమీద మనకి నిజాలు దాయకుండా చెబుతాడు." అని చెప్పాడు సర్పరాజ్.

"కరెక్ట్! మనం అతనితో ఒక మంచి పని కోసం మాత్రమే ఇదంతా అన్నట్లు నమ్మించాలి." అని చెప్పాడు గోకుల్.

"నువ్వు దాని గురించి అంత టెన్షన్ పడకు, ఇక్కడ ఉంది ఒక పొలిటికల్ లీడర్! అందితే జుట్టు, లేకపోతే కాళ్లు ఇవన్నీ మాకు మామూలే!" అని నవ్వుతూ చెప్పి

జాకి వైపు చూసి "మనం కలవడానికి వస్తున్నామని శివమనికి చెప్పు, వాడి ఇంటికి వెళ్ళడానికి అన్ని ఏర్పాట్లు చెయ్!" అని చెప్పాడు అభిజిత్.

"సరే భయ్యా!" అని చెప్పి అక్కడి నుంచి బయటికి వెళ్ళాడు జాకీ.

లంచ్ కంప్లీట్ అయిన తర్వాత జాకీ తో కలిసి శివమణి ఇంటికి బయలుదేరారు ముగ్గురు.

**********

ఇంటి ముందు మూడు కార్లు ఆగడం చూసి బయటికి వచ్చి అభిజిత్ ని చూసి దగ్గరకు వెళ్లి "నమస్తే సార్! మీరు వస్తున్నారని ఫోన్ చేశారు, చెబితే నేనే మీ దగ్గరికి వచ్చేవాడిని కదా, మీకెందుకు అంత శ్రమ!" అని వినయంగా అడిగాడు శివమణి.

భుజం మీద చెయ్యి వేసి "కొంతమంది గొప్ప వ్యక్తులను కలుసుకోవడానికి స్వయంగా రావడమే కరెక్ట్!" అని చెప్పి పక్కనే ఉన్న గోకుల్ సర్పరాజ్ లని పరిచయం చేస్తూ

"తను నా ఫ్రెండ్ గోకుల్, నంద గ్రూప్ చైర్మన్! ఆయన పేరు సర్పరాజ్ మహంతి ఆర్కియాలజిస్ట్! ఇద్దరి గురించి మీరు వినే ఉంటారు." అన్నాడు అభిజిత్.

"ఎస్ సార్! నిన్న న్యూస్ చానల్స్ మొత్తం గోకుల్ గారి పేరు చెబుతూనే ఉన్నారు కదా తెలియకుండా ఎలా ఉంటుంది. అలాగే సర్పరాజ్ గారి గురించి తెలియని ఆర్కియాలజిస్టు ఉండడు, మీతో పాటు వారిని కూడా తీసి రావడం నాకు చాలా సంతోషంగా ఉంది." అని చెప్పాడు శివమణి.

హాల్లోకి వెళ్లి సోఫాలో కూర్చుంటూ కాలేజ్ డ్రెస్సులో "డాడీ!" అనుకుంటూ లోపలకి వస్తున్న పాపని చూసి "మీ అమ్మాయా? చక్కగా ఉంది పేరేమిటి?" అని అడిగాడు గోకుల్.

"అవును సార్! తన పేరు మిత్ర! నా భార్య ఝాన్సీ! ఇక్కడ గవర్నమెంట్ కాలేజ్లో టీచర్ గా చేస్తుంది." అని పరిచయం చేసాడు శివమణి.

"మా అమ్మాయికి కూడా ఇంతే వయసు ఉంటుంది. ఈసారి ఇండియా వచ్చినప్పుడు తీసుకువస్తాను మీ అమ్మాయికి మంచి ఫ్రెండ్ అవుతుంది." అని చెప్పాడు గోకుల్.

"థాంక్యూ సార్!" అని సంతోషంగా చెప్పాడు శివమణి.

"మిస్టర్ శివమణి! మీతో ఒక చిన్న పని ఉండి వచ్చాము, మీరు తప్పకుండా హెల్ప్ చేస్తారని అనుకుంటున్నాను." అన్నాడు అభిజిత్.

"అయ్యో సార్! మీరు అంతగా అడగాలా నేను ఏం చేయాలో చెప్పండి మీ అంతటి వారికి నేను చేయగలిగింది ఏదైనా ఉంటే తప్పకుండా చేస్తాను." అని చెప్పాడు శివమణి.

"ఏమీ లేదు! నా ఫ్రెండ్ ఒక మంచి హిస్టారికల్ మూవీ తీయాలి అనుకుంటున్నాడు, అప్పుడు నేను చత్రపతి శివాజీ మహారాజ్ చరిత్ర తీయమనిచెప్పాను, దానికి ఓకే అన్నారు.

కానీ ఆయన చరిత్ర తప్పుగా తీస్తే ఏం జరుగుతుందో మనందరికీ తెలుసు అందుకే పూర్తి వివరాలు తెలిసినా మీ హెల్ప్ కోసం వచ్చాము." అని చెప్పాడు అభిజిత్.

"ఈ విషయంలో మీకు తప్పకుండా నేను హెల్ప్ చేస్తాను సార్! శివాజీ మహారాజ్ చరిత్రలో చాలామందికి తెలియని కోణాలు కూడా నాకు తెలుసు, నేను వారి గురించి వారి సైన్యం గురించి చాలా రీసెర్చ్ చేశాను." అని చెప్పాడు శివమణి.

"మీరు వెంటనే ఒప్పుకున్నందుకు చాలా థాంక్స్!" అని సర్పరాజ్ వైపు చూసి

"మీకు కావాల్సిన విషయం ఏమిటో ఆయనకి వివరంగా చెప్పండి మనకి పూర్తిగా సహకారం అందిస్తారు." అని చెప్పాడు అభిజిత్.

"ఓకే సార్!" అని శివమణి వైపు చూసి,

"శివాజీ మహారాజ్ చరిత్ర గురించి నాకు కూడా తెలుసు కానీ ఆయన సైన్యంలో ఎవరికి తెలియని ఒక తెగ కి చెందిన దళం ఉండేది దాని గురించి వివరాలు కావాలి." అని అడిగాడు సర్పరాజ్.

"సరే సర్!  మీకు అభ్యంతరం లేకపోతే నా రూమ్ లోకి వెళ్లి మాట్లాడుకుందామా?" అని అడిగాడు శివమణి.

"తప్పకుండా!" అని సోఫాలో నుంచి లేచి గోకుల్ తో కలిసి శివమణి వెనకాలే వెళ్ళుతు అభిజిత్ వైపు చూసి

"మనకు కావలసిన విషయం శివమణి దగ్గర తెలుస్తుంది అనుకుంటున్నాను జాగ్రత్తగా డీల్ చేయండి." అని చెప్పాడు సర్పరాజ్.

రూమ్లో కూర్చోవడానికి కుర్చీలు చూపించి లోపలి నుంచి కొన్ని బుక్స్ బయటకు తీసి

"నేను చాలా సంవత్సరాలుగా శివాజీ మహారాజ్ దగ్గర ఉన్న వీరుల గురించి రీసెర్చ్ చేస్తూ ఉన్నాను, కొంతమందికి వారసులు ఉన్నారు, కొంతమంది ఏమైపోయారో కూడా తెలియదు.

మీరు అడిగినట్లు బయట ప్రపంచానికి తెలియని ఒక తెగ శివాజీ మహారాజ్  గారికి కి సహాయం చేసింది అనే విషయం నిజమే, కానీ ఎక్కడ కూడా ఇప్పుటీ వరకు వాళ్ళ ప్రస్తావన రాలేదు.

కానీ నాకు దొరికిన కొన్ని ఆధారాలలో, అభిర్ సేన గురించి తెలుసుకున్నాను, వారు చాలా శక్తివంతులని, అమ్మవారి అనుగ్రహం తో శివాజీ మహారాజ్ కి ఆ దళం దగ్గర అయిందని తెలిసింది.

ఆ సేన కోసం నేను చాలా రీసెర్చ్ చేశాను వారు జారువా తెగకు చెందిన వారిని నా రీసెర్చ్ లో తెలిసింది. వాళ్లని కలిసి ఇంకా వివరాలు సేకరించడం కోసం ఆ తెగవారు నివసించారు అని చెప్పే బామ్రఘడ్ అడవుల్లో చాలా సంవత్సరాలు వెతికాను."  అని చెప్పాడు శివమణి.

"అక్కడ జారువ తెగకు చెందిన వాళ్ళని మీరు కలిసారా?" అని ఆతృతగా అడిగాడు సర్పరాజ్.

"నాకు ఆ తెగకు చెందిన వాళ్ళు ఎవరు కనపడలేదు కానీ, వాళ్ల గురించి కొన్ని ముఖ్యమైన విషయాలు తెలిసాయి వాళ్ళు ఎక్కడ జీవిస్తున్నారో కొన్ని ఆధారాలు తెలుసుకున్నాను." అని చెప్పాడు శివమణి.

"అవునా? మీరు తెలుసుకున్న విషయాల గురించి వివరంగా చెప్పండి." అని ఆసక్తిగా అడిగాడు గోకుల్.

[SivaSai]

ఎపిసోడ్ 32

జారువా తెగ గురించి రీసెర్చ్ చేసి కొన్ని ఆసక్తికర విషయాలు తెలుసుకున్నాను అని శివమణి చెప్పడంతో వారి గురించి చెప్పమని ఆత్రుతగా అడిగాడు గోకుల్.

*****************

"నేను ఈ తెగ వారి గురించి తెలుసుకోవడానికి బామ్రఘడ్ ఆడవిల్లోకి వెళ్లాను, అక్కడ శ్యామ్ అనే ఆదివాసి గైడ్ పరిచయమయ్యాడు, అతన్ని ఈ జారువ తెగ గురించి వివరాలు అడిగాను.

అతను నన్ను ఒక పెద్ద కొండ ప్రాంతానికి తీసుకువెళ్లి అక్కడ ఉన్న కొన్ని గుహలను చూపించి, ఆ ప్రదేశంలోనే ఆ తెగవారు నివసించే వారని లోపలికి వెళ్లినవారు వెనక్కి తిరిగి రాలేదు. అందుకే అప్పటినుంచి ఎవరు వెళ్లడానికి ప్రయత్నించడం లేదు అన్నాడు." అని చెప్పాడు శివమణి.

తను చెప్పింది విని "అంటే! ఆ గుహల లోపల ఇంకా ఆ తెగవారు నివసిస్తున్నారా? వాళ్లే లోపలికి వెళ్ళిన వాళ్ళని చంపేస్తున్నారా ఏంటి?" అని అనుమానంగా అడిగాడు అభిజిత్.

"కాదు! ఆ గుహల లోపాలా ఆ తెగవారి పూర్వీకులు ఆత్మలుగా తిరుగుతూ ఆ ప్రదేశానికి రక్షణగా ఉన్నారని ఆ చుట్టుపక్కల వారు నమ్ముతారు." అని చెప్పాడు శివమణి.

"ఆ గుహలకు రక్షణగా పూర్వీకుల ఆత్మలు ఉన్నాయి అంటే లోపల కచ్చితంగా ఏదో ఉండే ఉంటుంది." అని చెప్పాడు గోకుల్.

"నాకు కచ్చితంగా అదే అనుమానం వచ్చింది. కానీ లోపల ఆత్మలు ఉన్నాయన్న విషయం నేను నమ్మలేదు, ఆక్సిన్ సిలిండర్ అరేంజ్ చేసుకుని నా నడుముకి తాడు కట్టుకొని శ్యామ్ చేతికి ఇచ్చి, నేను బలంగా లాగితే వెంటనే నన్ను బయటకి తీసుకురమ్మని చెప్పి లోపలికి బయలుదేరాను." అని చెప్పాడు శివమణి.

తను చెప్పేది ఇంట్రెస్ట్ గా వింటూ "గుహల లోపల ఆ తెగ వాళ్ళు నివసించారు కాబట్టి ఖచ్చితంగా అక్కడ ఆక్సిజన్ ప్రాబ్లం ఉండదు, ఎవరైనా మనుషులు కానీ జంతువులు గాని ఉండి ఉండాలి, అందుకే వెళ్లిన వారు తిరిగి రావడం లేదు అక్కడ మీకు ఏం కనిపించింది?" అని ఆసక్తిగా అడిగాడు సర్పరాజ్.

"నేను వెళ్ళిన గుహలోపల ఎవరు కనిపించలేదు, కానీ కాస్త దూరం వెళ్లిన తర్వాత నా ఒళ్ళు మంటలు రావడంతో వెంటనే వెనక్కి వచ్చేసాను." అని చెప్పాడు శివమణి.

"అవునా? అసలు మీకు ఒళ్లంతా మంటలు ఎందుకు వచ్చాయి? లోపల ఏదైనా కెమికల్ ఎవబైడ్ అవుతుందా?" అని అడిగాడు గోకుల్.

"కాదు సార్! లోపల గుహల గోడల మీద కొన్ని రంగురాళ్లు అమర్చి ఉన్నాయి వాటి మీద వెలుతురు పడగానే విషషవాయువులు బయటికి వస్తున్నాయి, అందువల్లే లోపలికి వెళ్ళిన వారెవరు బయటికి రాలేకపోతున్నారు. ఆ విషయం తెలుసుకోవడానికి నాకు నెల రోజులు పట్టింది." అని చెప్పాడు శివమణి.

"వండర్ఫుల్! అంటే ఆ తెగ వాళ్ళు చాలా తెలివైన వారు మాత్రమే కాదు వాళ్ళ దగ్గర చాలా రకాల విద్యలు కూడా ఉన్నాయి, మరి ఆ గృహ లోపలికి ఎలా వెళ్లారు? అక్కడ ఏం కనిపించింది?" అని ఆత్రుతగా అడిగాడు సర్పరాజ్.

"ఆ విషయం తెలుసుకుని లైట్స్ ఏమి వాడకుండా నైట్ మోడ్ స్పెట్స్ తో లోపలికి వెళ్లాను, అక్కడ రహస్యంగా దాచిన కొన్ని వస్తువులు దొరికిన తర్వాత అర్థమైంది.

ఆ తెగ వారికి గురించి నమూనాలు కానీ వివరాలు కానీ ఎవరికి తెలియకుండా ఉండడం కోసం, గుహలను ఆ విధంగా ఏర్పాటు చేసి అక్కడ నుంచి వేరే ప్రదేశానికి వెళ్ళిపోయారు." అని చెప్పాడు శివమణి.

"ఇంట్రెస్టింగ్! మీకు ఆ గుహలోపల దొరికిన వస్తువులు ఏమిటి? దాని ద్వారా వాళ్ల గురించి ఏం తెలుసుకున్నారు?" అని అడిగాడు గోకుల్.

"నాకు అక్కడ కొన్ని జంతువుల చర్మాలు దొరికాయి, వాటి మీద ఆ తెగ వారి గురించి వివరాలు రాసి ఉన్నాయి, కానీ ఆ భాష ఏమిటో నాకు అర్థం కాలేదు, ట్రాన్స్లేట్ చేయడానికి నాకు సంవత్సరం పట్టింది." అని చెప్పి బీరువాలో నుంచి అక్కడ దొరికిన వాటిని టేబుల్ మీద పెట్టాడు శివమణి.

జంతు చర్మాల మీద రాసి ఉన్న అక్షరాలని చూస్తూ "ఈ లాంగ్వేజ్ ఇప్పటిది కాదు చాలా ప్రాచీనమైనది. అంటే ఈ తెగవారు కూడా బీసీ కాలం నాటివారు." అని ఆశ్చర్యంగా చూస్తూ చెప్పాడు సర్ఫరాజ్.

"ఎస్ సార్ కరెక్ట్!" అని చెప్పాడు శివమణి.

"మీరు ట్రాన్స్లేట్ చేశాను అని చెప్పారు కదా, దానిమీద ఏమి రాసి ఉంది?" అని అడిగాడు అభిజిత్.

"జారువ తెగవారు అమ్మవారి శక్తి నుంచి ఉద్భవించినట్లు వారు భావించేవారు, వాళ్లలో ఎవరు  బాహ్య ప్రపంచంలోకి వచ్చేవారు కాదు మనుషులు ప్రవేశించలేని దీవులలో అడవులలో నివసించేవారు.

ఆ తెగలో కూడా చాలా శాఖలు ఉన్నాయి, వారిలో బాగా తెలివైన వారు అన్ని కళలో నైపుణ్యం ఉన్నవారు అభిర్ అనే శాఖకు సంబంధించిన వారు, అమ్మవారి ఆజ్ఞ రావడంతో వారి స్వస్థలం వదిలి 1500 సంవత్సరంలో  బామ్రఘడ్ అడవులలో నివాసం ఏర్పరచుకున్నారు." అని చెప్పాడు శివమణి.

ఆ మాట విని కుర్చీ లోనుంచి లేచి సంతోషంగా చూస్తూ "ఎగ్జాట్లీ కరెక్ట్! నా రీసెర్చ్ లో కూడా శివాజీ మహారాజ్ గారికి రహస్యంగా సహాయం చేసిన దళం పేరు అభిర్ సేన అని తెలిసింది." అని చెప్పాడు సర్పరాజ్.

"థాంక్యూ సార్!" అని జంతు చర్మం మీద ఉన్న ఒక ముద్రను చూపించి "అభిర్ శాఖలో ఈ ముద్ర చేతి మీద పచ్చబొట్టుగా ఉండి జన్మించిన వారిని అమ్మవారు నాయకుడుగా నియమించింది అని వాళ్ళ ఉద్దేశం.

అంతేకాదు ఆ పచ్చబొట్టుతో పుట్టిన వాళ్ళ నాయకుడికి తల్లిదండ్రులు ఏ పేరు పెట్టిన అతనికి 14 సంవత్సరాలు నిండిన తర్వాత అభిర్ అని పిలుస్తారు, అప్పటినుంచి అమ్మవారి అనుగ్రహంతో అతనికి కొన్ని శక్తులు కూడా వస్తాయి.

ఆ వ్యక్తి నాలుగు వేదాలు స్పష్టంగా చదవగలడు, ఏ జీవికైనా ప్రాణదానం చేసే శక్తి వస్తుంది. అడవిలో నివసించే ఏ జంతువు అయినా సరే అతని మాట వింటుంది. ధర్మ పరిరక్షణ కోసం ఏం చేయడానికైనా వెనుకాడడు." అని చెప్పాడు శివమణి.

"గ్రేట్! మరి అభిర్ సేన శివాజీ మహారాజ్ కి ఎలా కలిశారు?" అని అడిగాడు గోకుల్.

"శివాజీ మహారాజ్ 17 ఏళ్ళ వయసులో మొట్టమొదటి యుద్ధం చేసి బిజాపూర్ సామ్రాజ్యానికి చెందిన తోర్నా కోటను సొంతం చేసుకున్నాడు. మరో మూడేళ్ళలో కొండన, రాజ్‌ఘడ్ కోటలను సొంతం చేసుకొని పూణే ప్రాంతాన్నంతా తన స్వాధీనంలోకి తెచ్చుకున్నాడు.
అప్పుడు ఆదిల్షా యుద్ధ భయంకరుడుగా పేరు పొందిన అఫ్జల్ ఖాన్‌ను శివాజీ పైకి యుద్ధానికి పంపించాడు.

శివాజీ మహారాజ్ కొలహపూర్ లో ఉన్న భవాని మాత భక్తుడు ఆయన ప్రతి యుద్ధానికి ముందు అమ్మవారి దర్శనం చేసుకునేవారు, అఫ్జల్ ఖాన్‌ మీద యుద్ధానికి సిద్ధమయ్యే ముందు భవాని మాత ప్రత్యక్షమై ధర్మపరి రక్షణ చేయమని చంద్రహాస్ అనే ఖడ్గాన్ని ప్రసాదించి,అభిర్ సేన కూడా నీకు తోడుగా ఉంటుంది అని ఆశీర్వదించారు.

అభీర్ సేన నాయకుడికి అమ్మవారి ఆదేశం రావడంతో శివాజీ మహారాజ్ ని కలిసి తోడుగా ఉంటాము అని ప్రమాణం చేసి అప్పటినుంచి గూడచారులుగా వ్యవహరించడం మొదలుపెట్టారు.

చుట్టుపక్కల శివాజీ మహారాజ్ కి శత్రువులుగా భావించిన వారి రాజ్యాలలో అభిర్ సేనకు సంబంధించిన వారు వెళ్లి విషయాలు తెలుసుకుని పక్షుల ద్వారా జంతువుల ద్వారా వాళ్ళ నాయకుడికి సమాచారాన్ని అందించేవారు.

ఆ విషయాన్ని వెంటనే శివాజీ మహారాజ్  గారికి అందించి సహాయం చేస్తూ ఉండేవారు, కానీ అభిర్ సేన ఎప్పుడూ ప్రత్యక్ష యుద్ధంలో పాల్గొనలేదు." అని చెప్పాడు శివమణి.

"అంటే! అభిర్ సేన కి యుద్ధం రాదా? వాళ్లు గూడచార్యులుగా మాత్రమే ఉండేవారా?" అని అడిగాడు అభిజిత్

"కాదు సార్! మీరు వాళ్ళని చాలా తక్కువ అంచనా వేస్తున్నారు, శివాజీ మహారాజ్ ఎదుగుదలను సహించలేని బిజాపూర్ సుల్తాన్ అరబ్, పర్షియా, ఆఫ్ఘన్ నుండి మెరికల్లాంటి 10,000 మంది కిరాయి సైనికులను దొంగ చాటుగా వెళ్లి అంతం చేయాలని ఆదేశించాడు.

అప్పుడు కొల్హాపూర్ దగ్గర శివాజీ మహారాజ్ తో పాటు మూడు వేల మంది సైన్యం మాత్రమే ఉన్నారు అనే విషయం తెలుసుకున్న అభిర్ సేన నాయకుడు తన వాళ్ళతో కలిసి శివాజీ మహారాజ్ దగ్గరికి చేరుకున్నాడు.

అప్పుడు 'హర హర మహాదేవ ' అంటూ శివాజీ మహారాజ్ యుద్ధరంగంలో విజృభించి శతృవులను ఊచకోత కోశాడు. ఈ విజయంతో కేవలం సుల్తానులే కాక మొఘల్ చక్రవర్తి అయిన ఔరంగజేబుకు సైతం భయం పుట్టింది.

తన గూడాచారుల సహాయంతో శివాజీ మహారాజ్ సైన్యంలో అభిర్ సేన అనే ఒక తెగవారు ఉన్నారు అని తెలుసుకుని వాళ్ళని బంధించడానికి ప్రత్యేకమైన సైన్యాన్ని బామ్రఘడ్ అడవులకి పంపించాడు ఔరంగజేబు.

కానీ అక్కడకు వెళ్లిన ఒక్క సైనికుడు కూడా వెనుతిరిగి వెళ్లలేదు, వారి శవాలు కూడా దొరకలేదు మళ్లీ ఆ ప్రాంతానికి సైన్యాన్ని పంపడానికి కూడా ఔరంగజేబు భయపడ్డాడు." అని చెప్పాడు శివమణి.

తను చెప్పింది మొత్తం ఆసక్తిగా వింటూ "మరి అంతటి వీరుల గురించి ఎవరికీ తెలియకపోవడం ఏమిటి? వారు బామ్రఘడ్ ప్రాంతాన్ని ఎందుకు వదిలి వెళ్ళిపోయారు?" అని అడిగాడు సర్పరాజ్.

"అభిర్ సేన భవాని మాత దయతో తనకు పరిచయమయ్యారు, వారి గురించి బాహ్య ప్రపంచానికి తెలిస్తే వారికి ఉన్న శక్తులను ఉపయోగించుకోవడానికి శత్రువులు ప్రయత్నిస్తారు అని శివాజీ మహారాజ్ వారి గురించి ఎక్కడ కూడా ప్రస్తావన తీసుకువచ్చేవారు కాదు.

అంతేకాదు అభిర్ సేన ధర్మ పరిరక్షణకు సహాయం చేయడం మాత్రమే కాకుండా, కొన్ని దైవీకమైన వస్తువులకు రక్షణగా ఉండేవారు వారి గురించి బయటకు తెలిస్తే ప్రమాదం అని కూడా అనుకుని ఉండవచ్చు!" అని చెప్పాడు శివమణి.

"అవునా? వారి దగ్గర ఆ దైవీకమైన వస్తువులు ఏమున్నాయో దాంట్లో వ్రాసి ఉందా?" అని అడిగాడు సర్పరాజ్.

"నాకు దొరికిన జంతు చర్మాల మీద కొన్ని రాసి ఉన్నాయి కానీ వాటి గురించి తెలుసుకోవడం నావల్ల కాలేదు, కానీ శివాజీ మహారాజ్ మరణానికి ముందు ఏకాంత ప్రదేశంలో అభిర్ సేన నాయకుడికి కలిసి చంద్రహాస్ ఖడ్గంన్ని అందించారని దానిని తీసుకుని తన వాళ్లతో కలిసి ఆ ప్రాంతం వదిలి వెళ్ళిపోయాడని ఉంది." అని చెప్పాడు శివమణి.

"అవునా? అభిర్ సేన ఆ ఖడ్గాని తీసుకుని అక్కడి నుంచి ఎక్కడికి వెళ్లారో తెలిసిందా?" అని ఆత్రుతగా అడిగాడు గోకుల్.

"నాకు తెలిసి అక్కడ దొరికిన ఆధారాలు ప్రకారం రాజస్థాన్లో ఉన్న గొర్వర్ ప్రాంతానికి వెళ్లారు అనుకుంటున్నాను." అని చెప్పాడు శివమణి.

ఆ మాట విని "మనం రేపు ఉదయమే రాజస్థాన్ బయల్దేరి వెళ్లి గొర్వర్ ప్రాంతంలో అభిర్ సేన ఆచూకీ ఏమైనా దొరుకుతుందేమో చూద్దామా?" అని అని అడిగాడు సర్ఫరాజ్.

[shekhadu]

wow interesting bro
we are involving deeply

[Sachin@10]

Excellent update

[SivaSai]

ఎపిసోడ్ 33

శివమణి చెప్పిన వివరాలు విని "మనం రాజస్థాన్ లో ఉన్న గొర్వర్ వెళ్లి ఆ తెగ వారి ఆచూకీ తెలుస్తుందేమో చూద్దాము." అని చెప్పాడు సర్పరాజ్.

********************

రూమ్లో తమ ఎదురుగా ఉన్న ముగ్గురు వైపు చూస్తూ బుక్స్, గుహలో దొరికిన జంతు చర్మాలు తీసి లోపల పెడుతూ చిన్నగా నవ్వి
"సార్! మీకు సినిమా తీయడానికి వాళ్ల చరిత్ర కావాలి అంతేగాని వాళ్లతో పనేముంది?" అని అడిగాడు శివమణి.

ఆ మాట విని ఫేస్ ఫీలింగ్ మార్చి "మీరు చెప్పింది కరెక్టే! మనం వాళ్ళని కలిస్తే ఇంకా లోతైన విషయాలు తెలుసుకోవచ్చు కదా!" అని చెప్పాడు అభిజిత్.

"మీరు సినిమా తీయడం కోసం నా దగ్గరకు రాలేదని అర్థమైంది. అభిర్ సేనని ఎందుకు కలుసుకోవాలి అనుకుంటున్నారో నాకు క్లారిటీ ఇస్తే, మరి కొన్ని విషయాలలో నేను మీకు క్లారిటీ ఇస్తాను." అని వ్యంగంగా చూస్తూ చెప్పాడు శివమణి.

"గుడ్! మీరు మా ఫీలింగ్స్ తెలుసుకున్నారని అర్థమైంది. ఆ అభిర్ సేనాని వెతకడానికి మాకు హెల్ప్ చేయండి మీకు ఎంత డబ్బు కావాలో చెప్పండి." అని అడిగాడు గోకుల్.

"ఆ అభిర్ సేన దగ్గర ఉన్న ఏ వస్తువు కోసం మీరు వెతుకుతున్నారో తెలుసుకోవచ్చా?" అని అడిగాడు శివమణి.

"ఆ తెగ వారి దగ్గర దైవికమైన శక్తి గల కొన్ని వస్తువులు ఉన్నాయని మాత్రమే మాకు తెలుసు ఏమి ఉన్నాయో వివరాలు కూడా మాకు తెలియదు." అని చెప్పాడు సర్పరాజ్.

"మిస్టర్ శివమణి! ఆ తెగ వారి దగ్గర శక్తివంతమైన వస్తువులు ఏమున్నాయో మీకు తెలుసు అని నాకు అర్థమైంది. కానీ దానిని సాధించడానికి మీ దగ్గర ఉన్న శక్తి సరిపోలేదని కూడా అర్థమైంది. మాతో కలిసి పని చేయండి దానిని సాధిద్దాం అందరం పంచుకుందాము." అని చెప్పాడు అభిజిత్.

"మినిస్టర్ గారు కరెక్ట్ గా చెప్పారు." అని నవ్వుతూ అన్నాడు శివమణి.

"అంటే! మీకు దొరికిన ఆధారాలను బట్టి వారి దగ్గర ఏ వస్తువులు ఉన్నాయో కూడా తెలుసుకున్నారు కదా!" అని ఆశ్చర్యంగా చూస్తూ అడిగాడు గోకుల్.

"నాకు దొరికిన ఆధారాల్లో అటువంటిదేమీ లేదు, కానీ కొన్ని విషయాలు తెలుసుకున్నను అది నిజమో కాదో వాళ్ళని కలిస్తేనే చెప్పగలను." అని చెప్పాడు శివమణి.

"మరి ఇంకెందుకు ఆలస్యం మాతో కలిసి రండి." అని చెప్పాడు సర్ఫరాజ్.

"అభిర్ సేనాను చేరుకోవడంఅంత సులభమైన పని కాదు, ప్రపంచంలో ఏ మూల ఏం జరిగినా తెలుసుకునే గూడాచారి వ్యవస్థ ఉన్న మొగలలు వల్లే అవలేదు, వారిని వెతుక్కుంటూ వెళ్లిన వారెవరు వెనక్కి తిరిగి రాలేదు, కానీ నా దగ్గర ఒక మార్గం ఉంది." అని చెప్పాడు శివమణి.

"అవునా? మరి ఇక లేట్ ఎందుకు అది ఏమీతో చెప్పండి?" అని ఆత్రుతగా అడిగాడు గోకుల్.

"మనం ఉదయం గొర్వర్ బయలుదేరి వెళదాము అక్కడ అబీర్ సేనలో ఒక్కరినైనా మనం కలుసుకోగలిగితే అప్పుడు వారితో పరిచయం ఏర్పారుచుకోవడానికి నా దగ్గర ఉన్న ఉపాయం బయట పెడతాను." అని చెప్పాడు శివమణి.

"ఓకే షూర్! దీనికి నేను ఓకే ఉదయం బయలుదేరుదాము." అని మాట్లడబోతున్న సర్పరాజ్ చెయ్యి పట్టుకున్నాడు అభిజిత్.

"నాది ఇంకొక షరతు ఉంది వాళ్ళ దగ్గర దొరికిన వస్తువులలో నాకు నచ్చింది ఒకటి మాత్రమే తీసుకుంటాను మిగతావి మీరే ఉంచుకోండి. తరువాత నన్ను మోసం చేయాలని చూస్తే మీరే ఇబ్బంది పడతారు." అని చెప్పాడు శివమణి.

"మనం ఆ తెగ వారి దగ్గర ఉన్న వస్తువులు సాధించలేకానీ మీకు ఏది కావాలంటే అది ఉంచుకోండి. నాకు ఎవరు సాధించలేని సాధించడం మాత్రమే కావాలి, డబ్బు మీద ఆశ లేదు." అని చెప్పాడు గోకుల్.

"ఓకే సర్! ఉదయం గోర్వర్ స్టార్ట్ అవుదాము." అని చెప్పాడు శివమణి.

"థాంక్యూ! మార్నింగ్ రెడీగా ఉండండి." అని చెప్పి చైర్ లో నుంచి లేచి బయటికి వెళ్లారు నలుగురు.

అక్కడినుంచి బయటికి వెళ్లి కారులో గెస్ట్ హౌస్ కి వెళుతూ, గోకుల్ వాళ్ళ వైపు చూసి "సార్! శివమణి చెప్పిందానికల్లా మీరు ఇద్దరు ఓకే అన్నారు ఎందుకు? మనం పూర్తి విషయాలు తెలుసుకోవాల్సింది." అని అడిగాడు సర్పరాజ్.

"శివమణికి ఆ తెగవారి దగ్గర ఏ వస్తువులు ఉన్నాయో కచ్చితంగా తెలిసే ఉంటుంది. అందుకే ఒక్క వస్తువు మాత్రమే తీసుకుంటాను అని చెబుతున్నాడు, మనం ప్రెజర్ చేసినా చెప్పడు, ఒప్పుకోవడం తప్పితే వేరే మార్గం లేదు." అని చెప్పాడు గోకుల్.

"ముందు ఆ తెగ వారి దగ్గరికి చేరుకున్న తర్వాత, మనకి అనుకూలంగా ఉంటే ఉంటాడు, లేకపోతే అడవిలోనే కలిసిపోతాడు, విశ్వాసంగా ఉండడానికి మనం ఏమైనా వాడు పెంచుకున్న కుక్కలామా!" అని నవ్వుతూ

డ్రైవింగ్ చేస్తున్న జాకీ వైపు చూసి "మన మనుషుల్ని వాడి పెళ్ళాం పిల్లల మీద ఒక కన్ను వేసి ఉంచమను అవసరమైతే వాడిని దారిలోకి తెచ్చుకోవడానికి వీళ్ళు ఉపయోగపడతారు." అని చెప్పాడు అభిజిత్.

"సరే భయ్యా! మిచల్ గాడిని ఆ ఇంటి దగ్గరే ఉంచుతాను." అని చెప్పాడు జాకీ.

*********************

రెండు రోజుల తర్వాత శివమణితో కలిసి గొర్వర్ ఫారెస్ట్ దగ్గర ఉన్న గెస్ట్ హౌస్ కి చేరుకొని రెస్ట్ తీసుకుంటూ

"శివమణి గారు అసలు ఆ అభిర్ సేన ఈ ప్రాంతానికి వలస వచ్చినట్లు మీరు ఎలా అంచనా వేస్తున్నారు?" అని  అడిగాడు సర్పరాజ్.

"సుమారు 2000 BCE, వేద కాలంలో ప్రస్తుత రాజస్థాన్ ప్రాంతం బ్రహ్మావర్త అంటే  దేవతలచే సృష్టించబడిన భూమి, దొరికిన ఆధారాలనుబట్టి ఆ జారువ తెగ ఏర్పడింది ఈ ప్రదేశంలోనే అని అంచనా వేశాను నాకు తెలిసి కచ్చితంగా వాళ్ళు ఇక్కడే స్థిరపడి ఉండాలి.

ఈ ఏరియాలో ఉన్న గిరిజనులతో జంతువులు స్నేహితులలా కలిసి తిరుగుతూ ఉంటాయి అది చూడడానికి చాలామంది టూరిస్టులు ఇక్కడికి వస్తారు అక్కడినుంచి నుంచి 25 కిలోమీటర్ల లోపలికి వెళితే దట్టమైన అడవులు ఉన్నాయి కచ్చితంగా ఆ ప్రదేశంలోనే అభిర్ సేన ఉండి ఉంటుంది." అని చెప్పాడు శివమణి.

"ఇన్ని విషయాలు తెలిసిన మీరు ఆ తెగ వాళ్ళని కలుసుకోవడానికి ఎప్పుడు ప్రయత్నించలేదా?" అని అనుమానంగా అడిగాడు గోకుల్.

"నో! అది నా శక్తికి మించిన పని, ఒకవేళ నేను వెళ్లి వాళ్ళని కలిసిన మాట్లాడి రాగలను కానీ వాళ్ళ దగ్గర ఉన్న వస్తువులు ముట్టుకోను కూడా ముట్టుకోలేను.

మీలాంటి పెద్ద వాళ్ళ అండ ఉంటే అది కుదురుతుంది దానికి బుర్ర ఒక్కటే సరిపోదు  పలుకుబడి, డబ్బు కూడ ఉండాలి అప్పుడే సాధ్యమవుతుంది." అని చెప్పాడు శివమణి.

అంతలో గెస్ట్ హౌస్ లోకి వచ్చి "భయ్యా! ఫారెస్ట్ లోకి వెళ్లడానికి డిపార్ట్మెంట్ వాళ్ళ అబ్జెక్షన్ చెప్తున్నారు లోపల ఏ జంతువుని వేటాడబోవమని లెటర్ ఇవ్వాలి అని అడుగుతున్నారు." అని చెప్పాడు జాకీ.

"అవునా? హంటింగ్ చేస్తే ఏమవుతుంది అంట!" అని అనుమానంగా అడిగాడు గోకుల్.

"అక్కడ నివసించే కొన్ని జాతులు వాళ్ళు ఎదురు తిరుగుతారు అంట!" అని చెప్పాడు జాకి.

"అక్కడ హంటింగ్ చేయకూడదు అన్నారు అంటే, నాకు తెలిసి కచ్చితంగా మనం వెతుకుతున్న వాళ్ళు ఉండే ఉంటారు, ఎందుకంటే అభిర్ సేన వేటకి విరుద్ధం వాళ్ళు జంతువుల్ని ప్రేమిస్తారు." అని చెప్పాడు శివమణి.

"సరే! నేను ఈ ఏరియా మినిస్టర్ తో మాట్లాడతాను నువ్వు హంటింగ్ చేయము అని చెప్పి లెటర్ ఇవ్వు, లోపలికి వెళ్ళిన తర్వాత మన పని మనం చేసుకుందాము." అని చెప్పాడు అభిజిత్.

"సరే భయ్యా!" అని చెప్పి బయటకు వెళ్ళాడు జాకి.

****************

ఉదయం సెక్యూరిటీ జీప్ లలో ఆర్వార్ పర్వత శ్రేణి దగ్గర ఉన్న గొర్వర్ అడవి ప్రాంతంలోకి సఫరికి బయలుదేరారు గోకుల్ వాళ్ళు.

జీప్ డ్రైవ్ చేస్తూ పక్కన కూర్చున్న  శివమణి వైపు చూసి "సార్! ఈ ప్రాంతంలో చిరుతపులు  గిరిజనులతో కలిసి తిరుగుతూ ఉంటాయి." అని కొండ మీద ఉన్న జంతువులని చూపించాడు డ్రైవర్.

జీప్ లో నుంచి అక్కడ ఉన్న చిరుతలను చూసి ఫోటోలు తీస్తూ "ఈ ప్రాంతమంతా కొండలే ఉన్నాయి అడవి ప్రాంతం కనిపించడం లేదు ఈ జంతువులు మొత్తం ఎక్కడ ఉంటాయి?" అని అడిగాడు గోకుల్.

"ఇక్కడి నుంచి ఒక 30 కిలోమీటర్లు వెళితే 'బేరా' అనే అడవి ప్రాంతం వస్తుంది సార్! కానీ అక్కడికి వెళ్ళడానికి పర్మిషన్ లేదు." అని చెప్పాడు డ్రైవర్.

"అవునా? ఆ అడవిలోకి వెళ్లడానికి ఎందుకు పర్మిషన్ లేదు?" అని డౌట్ గా అడిగాడు అభిజిత్.

"ఆ ప్రాంతంలో చాలా రకాల క్రూర మృగాలు ఉంటాయి సార్! పెద్దాపులులు, సింహాలు కూడా స్వేచ్ఛగా తిరుగుతూ ఉంటాయి అందుకే దాన్ని డేంజర్ జోన్ గా అనౌన్స్ చేసి లోపలికి ఎవరికి ఎంట్రన్స్ ఇవ్వడం లేదు." అని చెప్పాడు డ్రైవర్.

"అంటే! బేరా అడవి ప్రాంతంలో జంతువులు మాత్రమే జీవిస్తాయా అక్కడ  మనుషులు ఎవరు ఉండడం లేదా?" అని అడిగాడు సర్పరాజ్.

"అక్కడ కూడా కొన్ని గిరిజన జాతులు వాళ్ళు ఉంటారు అని చెబుతారు కానీ వాళ్ళని ఇప్పటివరకు నేను చూడలేదు." అని చెప్పాడు డ్రైవర్.

"సరే! ఇక్కడ చూడడానికి పెద్ద థ్రిల్లింగ్ గా ఏమీ లేదు, బేరా ఏరియాకు తీసుకువెళ్లు సరదాగా ఫోటోలు తీసుకుని వెంటనే వెనక్కి వచ్చేద్దాము." అని చెప్పాడు గోకుల్.

"సార్! అక్కడికి వెళ్లడం చాలా డేంజర్! అయ్యినా లోపలికి జీప్ వెళ్ళదు నడిచి వెళ్లడమే!" అని ఎదురుగా కనిపిస్తున్న సన్నటి దారిని చూపించాడు డ్రైవర్.

అడవిలో దూరంగా కనిపిస్తున్న దారిని చూసి "సరే! నువ్వు ఇక్కడే వెయిట్ చెయ్, మేము సరదాగా లోపలికి వెళ్లి వస్తాము." అని జీప్ దిగాడు శివమణి.

జీపు దిగుతు సూట్ కేసులో నుంచి గోకుల్, అభిజిత్ లు గన్ బయటికి తీయడం చూసి
"సార్! ఎట్టి పరిస్థితుల్లో అక్కడ ఏ జంతువుని షూట్ చేయకండి మీ మంచికే చెప్తున్నాను." అని చెప్పాడు డ్రైవర్.

"సరే సరే! సేఫ్టీ కోసం తీసుకువెళుతున్నాము అంతే హంటింగ్ చేయకూడదని మాకు తెలుసు! బ్యాగ్ లో మందు బాటిల్ ఉంది కావాలంటే తీసుకుని ఎంజాయ్ చెయ్!" అని చెప్పాడు జాకి.

జీప్ దిగి కనిపిస్తున్న దారి నుండి బేరా అడవి ప్రాంతంలోకి అడుగు పెట్టారు గోకుల్ వాళ్ళు

గోకుల్ వాళ్ళు అడవిలోకి వెళ్లడం చూసి జీప్ దిగి ఆకాశంలోకి చూస్తూ వింత శబ్దం చేస్తూ సిగ్నల్ ఇచ్చాడు డ్రైవర్.

[SivaSai]

ఎపిసోడ్ 34

గోకుల్ వాళ్ళు జీపు దిగి డ్రైవర్ డేంజర్ అని చెబుతున్న వినకుండా బేరా అనే అడవి ప్రాంతంలోకి ఎంటర్ అయ్యారు.

అందరూ అడవిలోకి వెళ్లడం చూసి జీప్ దిగి ఆకాశం వైపు చూసి వింత శబ్దం చేసి సిగ్నల్ ఇచ్చాడు డ్రైవర్.

**********************

దట్టమైన బేరా అడవిలోకి ఎంటర్ అయ్యి అడ్డుగా ఉన్న కొమ్మలని నరుకుతూ దారిని సరి చేస్తూ ముందుకి వెళుతూ  ఉన్నాడు జాకి.

వెనకాలే వెళుతూ నిశ్శబ్దంమైన వాతావరణం లో పక్షుల అరుపులు, సెలయేళ్ల శబ్దం రావడం వింటూ నెమ్మదిగా నడుస్తూ
"ఇక్కడ ఇంత సైలెంట్ గా ఉంది ఏమిటి? మనం వదిలిన ఊపిరి సౌండ్ మనకే వినపడుతుంది." అని చుట్టూ చూస్తూ అన్నాడు అభిజిత్.

"ఎస్! ఇలాంటి డీప్ ఫారెస్ట్ అమేజన్ల్ లో ఉంటాయి ఇండియాలో కూడా ఉన్నాయని నాకు ఇప్పుడే తెలిసింది." అని ఆశ్చర్యంగా చూస్తూ చెప్పాడు గోకుల్.

అడవిలో నెమ్మదిగా ముందుకు వెళుతూ ఎదురుగా  చెట్టుకు వేలాడుతున్న కొండచిలువని చూసి కంగారుపడి "అసలు ఇక్కడ మనుషులు ఉండే జాడలేదు మనం రాంగ్ ప్లేస్ కి వచ్చాము అనిపిస్తుంది." అని  చెప్పాడు సర్పరాజ్.

"అవును భయ్యా! ఇక్కడ జంతువులు ఉంటాయి అని చెప్పారు ఇప్పటివరకు ఒక్కటి కూడా కనపడలేదు, మనం బాగా లోపలికి వెళ్ళిపోతున్నాము దారి తప్పితే వెనక్కి కూడా వెళ్లలేము ఫోన్ సిగ్నల్ కూడా రావడం లేదు." అని చెప్పాడు జాకి.

అందరూ అంటున్న మాటలు విని బ్యాగ్ లో నుంచి మ్యాప్ తీసి చూసి "మనం కరెక్ట్ గానే వెళుతున్నాము కచ్చితంగా ఇక్కడ నివసించే వాళ్లే అభిర్ సేన, నాకు తెలిసి మనల్ని వాళ్ళు గమనిస్తేనే ఉంటారు ఎవరో ఒకరు ఎదురుపడతారు చూడండి." అని చెప్పాడు శివమణి.

"ఈ అడవిలో చెట్ల నుంచి వచ్చే సౌండ్ వింటేనే గుండె దడ పెరిగిపోతుంది ఇప్పుడు ఎవరైనా ఎదురుపడితే గుండె ఆగిపోతుంది." అని చెప్పి
జాకీ బ్యాగ్ లో ఉన్న వాటర్ బాటిల్ తీసుకుని తాగుతూ చెట్ల మధ్యలో నుంచి లైటింగ్ కంట్లో పడడంతో ఒక్కసారి ఉల్లిక్కిపడి "అక్కడ ఎవరో ఉన్నారు." అని కంగారుగా అరిచాడు అభిజిత్.

ఆ అరుపు విని అందరూ ఒక చోటకి వచ్చి గన్స్ బయటకు తీసి అభిజిత్ వైపు చూసి "నీకు ఎవరు కనిపించారు?" అని అడిగాడు గోకుల్.

"నేను మంచినీళ్లు తాగుతుంటే ఆ తుప్పల మధ్యలో నుంచి నా కంట్లో లైటింగ్ పడింది అక్కడ కచ్చితంగా ఎవరో ఉన్నారు." అని కంగారుగా చెప్పాడు అభిజిత్.

"మీరు ఇక్కడే ఉండండి." అని బ్యాగ్ లో నుంచి స్టిక్ తీసి పెద్దదిగా చేసి ముందుకు వెళ్లి అక్కడ ఉన్న చెట్లను పక్కకు జరిపి ఉంగరం కనిపించడంతో దగ్గరికి వెళ్లి తీసుకుని
"ఈ ఉంగరం ఇక్కడికి ఎలా వచ్చింది?" అని ఆశ్చర్యంగా చూస్తూ తీసుకువచ్చి సర్పరాజ్ చేతిలో పెట్టాడు జాకి.

తన చేతిలో ఉన్న ఉంగరం బురద పట్టేసి ఉండడంతో  వాటర్ పోసి క్లీన్ చేసి భూతఅద్దంలో చూసి గోకుల్ వైపు ఆశ్చర్యంగా చూస్తూ "సార్! ఇది ఔరంగజేబు కాలంనాటి రాజముద్రిక!" అని చెప్పాడు సర్ఫరాజ్.

"ఎస్! నేను ముందే చెప్పాను కదా, మనం కరెక్ట్ ప్లేస్ లోకి వచ్చామని, అభిర్ సేన కోసం వెతుకుతూ ఏ సేనాధిపతో వచ్చి ఇక్కడ చనిపోవడంతో ఆ ఉంగరం పడి ఉంటుంది." అని సంతోషంగా చూస్తూ చెప్పాడు శివమణి.

సర్పరాజ్ చేతిలో ఉన్న ఉంగరం తీసుకుని చూస్తూ "దీనిని ఆక్షన్ లో పెడితే మంచి డబ్బులు వస్తాయి, ఇలాంటి విలువైన వస్తువులే చెట్ల మధ్య పడేసి ఉన్నాయి అంటే లోపల ఇంకా విలువైనవి ఉంటాయి." అని ఆశగా చూస్తూ చెప్పాడు గోకుల్.

అంతలో సడన్గా చెట్టు మీద నుంచి దూకి  గోకుల్ చేతిలో ఉన్న ఉంగరం తీసుకుని వేగంగా చెట్టు మీదకు వెళ్ళి కింద ఉన్న వాళ్ళ వైపు చూసి పళ్ళు ఇక్కిలించింది ఒక కోతి.

సడన్ గా మీదకి దూకేసరికి ఉలిక్కిపడి వెనక్కి వెళ్లి గన్  తీసి తల పైకి ఎత్తి చెట్టు మీద ఉన్న కోతిని చూసి నవ్వుతూ "ఇదేనా నువ్వు చెప్పిన అభిర్ సేన!" అని శివమణి వైపు చూసి నవ్వుతూ అడిగాడు గోకుల్.

అంతలో వేగంగా ఇంకొక కోతి వచ్చి గోకుల్ చేతిలో ఉన్న గన్ లాక్కుని చెట్టు ఎక్కింది.

అది చూసి "మన వస్తువులు మొత్తం బాగ్స్ లో పెట్టి గట్టిగా పట్టుకోండి. ఇప్పుడు ఆ కోతి చేతిలో గన్ ఉంది మనం కొంచెం జాగ్రత్తగా ఉండాలి." అని చెప్పాడు శివమణి.

చెట్టుమీద గన్ పట్టుకుని ఉన్న కోతి వైపు ఆశ్చర్యంగా చూస్తూ "ఒరేయ్ జాకి! దాని చేతిలో గన్ ఎలాగైనా తీసుకో  అది షూట్ చేస్తే, కోతి చేతిలో చచ్చాము అంటారు, పరువు కూడా పోతుంది." అని చెప్పాడు అభిజిత్.

"సరే భయ్యా!" అని భయం భయంగా చెట్టు కిందకు వెళ్లి బ్యాగ్ లో ఉన్న బిస్కెట్ ప్యాకెట్ చూపించి "ఇది తీసుకో అది ఇవ్వు!" అని అడిగాడు జాకి.

నెమ్మదిగా కోతి కిందకి దిగడం చూసి "హమ్మయ్య!" అని ఊపిరి పీల్చుకున్నాడు అభిజిత్.

కిందకు వచ్చి జాకీ చేతీలో బిస్కెట్ ప్యాకెట్ తీసుకొని మళ్ళీ వేగంగా పైకి వెళ్లి అక్కడి నుంచి కొంచెం ముందుకు వెళుతూ గోకుల్ వాళ్ళ వైపు చూసి వెక్కిరిస్తూ ఉంది కోతి.

"ఓర్ని.. ఈ కోతికి తెలివి బానే ఉంది. మనల్ని పిచ్చోళ్లను చేస్తుంది. ఎలాగైనా దాని పట్టుకోండి లైసెన్స్ గన్ పోతే పెద్ద గోల అవుతుంది." అని చెప్పాడు గోకుల్.

రెండు కోతులు కాస్త ముందుకు వెళ్లడం వెనక్కి తిరిగి చూసి వెక్కిరించి మళ్ళీ ముందుకు వెళ్లడం చేస్తూ ఉండడం చూసి

"ఆగండి అవి మనల్ని కావాలని ఎక్కడికో తీసుకు వెళుతున్నాయి మనం వాటి ట్రాప్ లో పడకూడదు." అని చెప్పాడు శివమణి.

వెనక్కి తిరిగి చూసి "అవును భయ్యా! ఈ కోతుల గోలలో  పడి మనం వేరే రూట్ వచ్చేసాము, ఇప్పుడు ఎటువైపు నుంచి వచ్చామో ఎటువైపు వెళ్ళాలో కూడా అర్థం కావడం లేదు." అని అయోమయంగా చూస్తూ చెప్పాడు జాకీ.

"నేను ఊహించిందే జరిగింది మనల్ని ఎవరో వాచ్ చేస్తున్నారు, కావాలని రూటు మార్చి మనల్ని కన్ఫ్యూజ్ చేస్తున్నారు." అని చెప్పాడు శివమణి.

అంతలో అక్కడికి వచ్చి బిస్కెట్ ప్యాకెట్, గన్ కిందపడేసి వేగంగా వెళ్ళిపోయాయి రెండు కోతులు.

కింద పడ్డ వాటిని తీసుకుంటూ "ఆ ఉంగరం కింద పడయలేదు, అంటే దానిని ఆ కోతులు పెట్టి మనల్ని ట్రాప్ చేసి రూటు మార్చాయి." అని చెప్పాడు సర్ఫరాజ్.

"అవునా?" అని ఆశ్చర్యంగా చూస్తూ "అయ్యితే కోతి నుంచి మనిషి పుట్టిన మాట నిజమే! వీటికి మనకన్నా ఎక్కువ తెలివి ఉంది." అని చెప్పాడు అభిజిత్.

"సరే కానీ! మనల్ని ఈ రూట్లో ఆ కోతులు ఎందుకు తీసుకువచ్చాయి?" అని చుట్టూ చూస్తూ దూరంగా జింకలా గుంపు కనపడడంతో
"ఇప్పటికి మనకి అడవిలో జంతువులు కనిపించాయి." అని సంతోషంగా మెడలో ఉన్న కెమెరాతో ఫోటోలు తీస్తూ చెప్పాడు గోకుల్.

జింకల గుంపు వైపు చూసి దూరంగా వాటర్ ఫాల్స్ కనిపించడంతో "ఆహా..! ఈ ప్లేస్ చాలా ప్రశాంతంగా చూడడానికి ఎంత అందంగా ఉంది. దీనిని టూరిస్ట్ స్పాట్ గా ఎందుకు చేయలేదు?" అని అడిగాడు సర్పరాజ్.

"సార్! ఆ ప్రశాంతత ఇక్కడ ఉండే మనుషుల వల్ల జంతువుల వల్ల వస్తుంది. మనలాంటి వాళ్ళు ఎంటర్ అయితే ఆ ప్రశాంతత పోతుంది." అని నవ్వుతూ చెప్పాడు శివమణి.

"కరెక్ట్! ఈ ప్లేస్ లో గన్ బయటికి తీయాలి అన్న మనసు ఒప్పుకోవడం లేదు, అందుకనే హంటింగ్ నిషేధించారు అనుకుంటా!" అని బైనోక్లోర్ లో చూస్తూ చెప్పాడు అభిజిత్.

కొంచెం ముందుకు వెళ్లి చూస్తూ వెనక్కి తిరిగి "భయ్యా! ఇటువైపు రండి కాస్త అడవి తక్కువగా ఉంది ఆ కొండవైపు వెళదాము కాసేపు రెస్ట్ తీసుకోవచ్చు!" అని చెప్పాడు జాకి.

"సరే!" అని మైదానం లాంటి ప్లేస్లో నడుచుకుంటూ కొండ దగ్గరకు వెళ్లి కూర్చుని బ్యాగ్ లో ఉన్న ఫ్రూట్స్ బిస్కెట్స్ తీసుకొని తింటూ
"ఇంత అడవి మధ్యలో ఈ ప్లస్ ఇలా ఉంది అంటే, దీనిని మనుషులు ఎవరో బాగు చేసి వ్యవసాయం చేస్తున్నారు." అని చెప్పాడు సర్ఫరాజ్.

"అవును సార్! కచ్చితంగా ఇక్కడ ఎవరో ఒకరు ఉంటారు వాళ్ళ ద్వారా మనం అభిర్ సేన వాళ్ళని కలవచ్చు అనే నమ్మకం నాకు ఉంది." అని చెప్పాడు శివమణి.

వాటర్ తాగుతూ కొండ మీద నుంచి నిదానంగా దిగుతున్న రెండు పులి పిల్లని చూసి "హే..! అటు చూడండి." అని కెమెరాతో ఫోటోలు తీస్తూ చెప్పాడు గోకుల్.

దూరంగా ఉండి వాళ్ల వైపే చూస్తున్న రెండు పులి పిల్లల్ని చూసి బిస్కెట్స్ బయటికి తీసి "రండి రండి." అని పిలుస్తూ ఉన్నాడు అభిజిత్.

"అవి మనల్ని చూసి భయపడి దగ్గరకు రావడం లేదు." అని లేచి నడుచుకుంటూ వెళ్లి దగ్గర్నుంచి ఫోటోలు తీస్తూ ఉన్నాడు గోకుల్.

అటువైపే చూస్తూ "గోకుల్! ఒక్కసారి పక్కకు చూడు." అని భయంతో గట్టిగా అరిచి గన్ బయటికి తీసాడు అభిజిత్.

ఆరుపు విని "ఏమైంది?" అని తల పక్కకు తిప్పి భారీ ఆకారంలో ఉన్న పెద్ద పులిని చూసి ఒక్కసారి షాక్ అయ్యి కింద పడి నెమ్మదిగా వెనక్కి జరుగుతూ అభిజిత్ వాళ్ళ దగ్గరికి వచ్చి
"ఒక్కసారి నా గుండె ఆగినట్లు అయింది." అని భయంగా చూస్తూ చెప్పాడు గోకుల్.

అంతలో మరొకవైపు నుంచి ఏనుగుల గుంపు రావడం చూసి "సార్! మనం ఇరుక్కుపోయాము ఆ కోతులు మనల్ని కావాలని ఇక్కడికి తీసుకువచ్చి ఈ జంతువులకు అప్పచెప్పాయి." అని కంగారుగా చూస్తూ చెప్పాడు జాకి.

ఒకవైపు ఏనుగులు ఒకవైపు పెద్దపులి చుట్టుముట్టడంతో గన్ బయటికి తీసి షూట్ చేయబోతున్న గోకుల్ ని అపి "సార్! కంగారు పడకండి బుల్లెట్ సౌండ్ వింటే అవి రెచ్చిపోయి మీద పడతాయి." అని చెప్పాడు సర్పరాజ్.

వాళ్ల వైపే కోపంగా చూస్తూ మీదకి వస్తున్న పెద్దపులిని చూసి భయంతో "అభిర్!" అని గట్టిగా అరిచాడు శివమణి.

[ash.enigma]

Chala tension create chestava bhayya..
eppudu emi jarigutunda .. ani undi

[Sachin@10]

Superb update

[SivaSai]

ఎపిసోడ్ 35

బేరా అడవిలో కోతుల ట్రాప్ లో పడి లోపలికంటూ వెళ్లి ఒక కొండ దగ్గర రెస్ట్ తీసుకుంటూ అక్కడికి వచ్చిన పులి పిల్లల్ని ఫోటో తీస్తూ పక్కనే ఉన్న పెద్దపులిని చూసి భయంతో వెనకడుగు వేశారు గోకుల్ వాళ్ళు.

*********************

అడవిలో ఒకవైపు పెద్దపులి ఒకవైపు ఏనుగులు రావడం చూసి భయంతో "అభిర్, అభిర్!" అని గట్టిగా అరిచాడు శివమణి.

ఆ అరుపు విని శివమణి వైపు చూసి "నువ్వేంటయ్యా! ఎవరైనా భయమేస్తే బాబోయ్ అంటారు, నువ్వు అభిర్ అని అరుస్తున్నావు ఎందుకు?" అని అయోమయంగా  అడిగాడు అభిజిత్.

"సార్! అభిర్ పేరు వింటే ఇక్కడ జంతువులు మనల్ని ఏమీ చేయవు, అందరూ గట్టిగా అరవండి వెనక్కి వెళ్ళిపోతాయి." అని దగ్గరకు వస్తున్న పెద్దపులిని చూసి కంగారుగా చెప్పాడు శివమణి.

ఆ మాట విని "అవునా?" అని అందరూ "అభిర్, అభిర్!" అని గట్టిగా అరవడం మొదలుపెట్టారు.

అంతలో కొండమీద నుంచి చేతిలో చిన్న కర్ర పట్టుకుని కిందకి దిగుతూ గోకుల్ వాళ్ళ వైపు చూసి "ఓయ్..! ఎందుకు అరుస్తున్నారు?" అని నడుం దగ్గర చేతులు పెట్టుకుని చూస్తూ అడిగాడు ఒక కుర్రాడు.

దూరంగా రాయి మీద బక్క పల్చగా చొక్కా లేకుండా తల పాగా కట్టుకొని మాసిపోయిన పంచ కట్టుకుని ఉన్న కుర్రాడిని చూసి "హెల్ప్ మీ హెల్ప్ మీ!" అని అరిచాడు గోకుల్.

ఆ మాట విని రాయి దిగి దగ్గరికి వచ్చి పెద్దపులి మీద కర్రతో ఒక్కటి ఇచ్చి దాని చెవ్వు దగ్గరికి వెళ్లి "పక్కకు వెళ్ళు భయపడుతున్నారు కదా!" అని  గట్టిగా అరిచాడు ఆ కుర్రడు.

ఆ మాట విని పెద్దపులి వెనక్కి వెళ్లడం చూసి ఊపిరి పీల్చుకుని "దానికి చెవిలో చెప్పావు ఎందుకు?" అని కంగారుగా అడిగాడు గోకుల్.

"మా లచ్చికి కి కాన్పు అయిన తర్వాత సరిగ్గా వినపడటం లేదు అందుకే చెవి దగ్గరికి వెళ్లి గట్టిగా చెప్పాను." అని చెప్పాడు ఆ కుర్రాడు.

"ఏంటి? దీని పేరు లచ్చి ఆ..! దీనికి వినపడడం లేదా?" అని ఆశ్చర్యంగా చూస్తూ వెనకాల వస్తున్న ఏనుగులను చూసి "వాటిని కూడా కొంచెం ఆపవా?" అని రిక్వెస్ట్ గా అడిగాడు సర్పరాజ్.

"సరే! ఇంతకీ మీరు ఎవరు? ఇక్కడికి ఎందుకు వచ్చారు?" అని దగ్గరికి వెళ్లి గోకుల్ చేతిలో ఉన్న బిస్కెట్ ప్యాకెట్ తీసుకొని ఏనుగుల వైపు చూసి "పక్కకి వెళ్ళండి." అని కర్ర ఆడించాడు ఆ కుర్రడు.

ఏనుగులు పక్కకి వెళ్లడం చూసి 'వారిని వేలుడంత లేడు  వీడికి మాట వింటున్నాయి.' అని ఆశ్చర్యంగా చూస్తూ ఉన్నాడు అభిజిత్.

ఏనుగులు పక్కకి వెళ్లడంతో ఊపిరిప్పించుకుని బ్యాగ్ లో నుంచి ఇంకొక బిస్కెట్ ప్యాకెట్ తీసి ఆ కుర్రాడికి ఇస్తూ "నీ పేరేమిటి బాబు?" అని అడిగాడు శివమణి.

"నా పేరు సహదేవుడు! ఇంతకీ మీరు ఇక్కడికి ఎందుకు వచ్చారో చెప్పలేదు?" అని శివమణి చేతిలో ఉన్న బిస్కెట్ ప్యాకెట్ కూడా తీసుకున్నాడు.

"అవునా? పేరుకు తగ్గట్టే మాకు సహాయం చేయడానికి వచ్చావు, ఇంతకీ నువ్వు ఇక్కడ ఏం చేస్తున్నావ్?" అని అడిగాడు సర్పరాజ్.

ఆ మాటకి వెటకారంగా చూస్తూ "ఆ... మా భూమి మీద నుంచుని నేను ఇక్కడకి ఎందుకు వచ్చానని అడుగుతున్నావా? ఇంతకీ నువ్వు ఎందుకు వచ్చావో ముందు చెప్పు!" అని అడిగాడు సహదేవుడు.

"మేము సరదాగా అడవిలో ఉన్న జంతువులని చూడడానికి వచ్చాము, అవును అవి నీ మాట ఎందుకు వింటున్నాయి?" అని డౌట్ గా అడిగాడు గోకుల్.

పక్కనే ఉన్న ఆభిజిత్ వైపు చూసి "ఇతను నీ మాట వింటాడా?" అని అడిగాడు సహదేవుడు.

"హా.. వింటాడు అతను నా ఫ్రెండ్!" అని చెప్పాడు గోకుల్.

ఆ మాట విని "మీరు ఇంగ్లీషు దొరలా!" అని తల ఊపుతూ "మరి ఆ పెద్దపులి, ఏనుగులు కూడా నా ప్రెండ్స్ అందుకే నా మాట వింటున్నాయి." అని చెప్పాడు సహదేవుడు.

"నీకు అభిర్ తెలుసా?" అని నెమ్మదిగా అడిగాడు శివమణి.

"అభిర్ ఆ..  ఇక్కడ ఎవరూ లేరు, ఆ పేరు ఉన్నవాళ్లు  ఎవరన్నా అడవిలో తప్పిపోయారా?" అని అడిగాడు సహదేవుడు.

"హ..అలాంటిదే! మాకు ఈ అడవి మొత్తం చూపిస్తావా నీకు డబ్బులు ఇస్తాము." అని జేబులో నుంచి పర్స్ బయటకి తీసాడు శివమణి.

చేతిలో ఉన్న డబ్బులు వైపు చూసి "ఆ చిత్తు కాగితాలతో నేను ఏమి చేసుకోను." అని గోకుల్ వైపు చూసి "అతని మెడలో ఉన్న బొమ్మలు పెట్టి ఇవ్వమను అప్పుడు సుపిత్తాను." అని చెప్పాడు సహదేవుడు.

"అడివిలో ఉండడం వల్ల వీళ్ళకి డబ్బులు విలువ తెలీదు." అని తన మెడలో ఉన్న కెమెరా తీసి సహదేవుడు మెడలో వేసాడు గోకుల్.

ఆ మాటకి తలపైకి ఎత్తి గోకుల్ వైపు చూస్తూ "నాకు డబ్బులు విలువ తెలుసు దొర, మీకే పట్టణంలో ఉండి డబ్బుల విలువ తెలియకుండా పోయింది.

ఇక్కడ ఆ చిత్తు కాగితాలు ఉంటే గుక్కెడు మంచినీళ్లు కూడా దొరకవు నాతో రండి." అని అక్కడ ఉన్న రెండు పులి పిల్లల్ని ఎత్తుకొని ముందుకు వెళ్ళాడు సహదేవుడు.

సహదేవుడు ముందుకు వెళ్లడంతో వాళ్ళ వైపు చూసి గర్జిస్తున్న పులిని చూసి "పదండి పదండి ఆ బుడ్డోడు లేకపోతే మనల్ని మింగేసేటట్లు ఉంది." అని కంగారుగా చెప్పాడు అభిజిత్.

సహదేవుడు వెనకాలే వెళుతూ శివమణి వైపు చూసి "ఇక్కడ అభిర్ సేన ఉంటారు అన్నావు, అతను అసలు ఆ పేరే తెలియదు అని చెబుతున్నాడు." అని డౌట్ గా అడిగాడు సర్ఫరాజ్.

"సార్! నా అంచనా తప్పు కాదు, కచ్చితంగా వాళ్ళు ఇక్కడే ఉంటారు, లేకపోతే ఈ జంతువులు  అంత తేలికగా వీళ్ళ మాట వినవు, నాకు తెలిసి ఆ సహదేవుడు కూడా అభిర్ సేన మనిషే అయి ఉంటాడు." అని అనుమానంగా చెప్పాడు శివమణి.

ఆ మాట విని కాసేపు ఆలోచించి సహదేవుడి దగ్గరికి వెళ్లి "నీతో పాటు ఇక్కడ ఇంకా ఎంతమంది ఉంటారు, మీ గూడెం ఎక్కడ?" అని అడిగాడు సర్ఫరాజ్.

ఆ మాట విని అందరి వైపు అనుమానంగా చూస్తూ "ఇంతకీ మీరు ఎవరి కోసం వెతుకుతున్నారు ముందు ఆ విషయం చెప్పండి." అని అడిగాడు సహదేవుడు.

"మేము చత్రపతి శివాజీ మహారాజ్ గారికి చెందిన మనుషులము, ఆయన సైన్యంలో పనిచేసిన ఒక దళం వారు ఇక్కడ ఉన్నారు అని తెలిసి వాళ్ళ వస్తువులు ఇవ్వడానికి వచ్చాము." అని బ్యాగ్ జిప్ తీసి చూపించాడు శివమణి.

"ఓహో..అవునా? మీరు అబద్ధం చెబుతున్నారని నాకు బాగా అర్థమైంది. శివాజీ మహారాజ్ గారి మనుషులైతే పెద్ద పులిని చూసి భయపడరు ధైర్యంగా రొమ్ము చూపించి నుంచుంటారు." అని చెప్పాడు సహదేవుడు.

"అంటే! మేము సైన్యంలో పనిచేసే వాళ్ళము కాదు, సమాచారం అందించే వాళ్ళము అందుకే భయపడ్డాము." అని చెప్పాడు శివమణి.

"అలా అయితే మీరు ఇక్కడ ఎవరిని కలవడానికి వచ్చారు." అని అడిగాడు సహదేవుడు.

"ఆ సేన నాయకుడు అభిర్ ని కలవడానికి వచ్చాము." అని చెప్పాడు సర్పరాజ్.

"ఆ పేరుతో మా గూడెంలో ఎవరూ లేరు, ఈ జంతువుల్ని చూసి వెనక్కి పోండి. మిమ్మల్ని మా సింబా చూశాడు అంటే కాళ్లతో పట్టుకెళ్ళి అక్కడ కనిపిస్తున్న కొండ మీద పెడతాడు, అప్పుడు మీకు దిగడం కూడా కుదరదు అక్కడే సత్తారు." అని చెప్పాడు సహదేవుడు.

"సింబా అంటే మీ నాయకుడా?" అని అడిగాడు గోకుల్.

"సింబా అంటే ఇక్కడ ఉన్న జంతువులని కాపలాకాసేవాడు మీరు వల్ల ఒక జింక పిల్ల అరుపు వినబడితే చాలు క్షణాల్లో మీ ముందు వాళ్లతాడు." అని చెప్పాడు సహదేవుడు.

'ఓహో. అందుకే ఇక్కడ హంటింగ్ చేయకూడదు అన్నారు.' అనుకున్నడు జాకి.

"మరి మీ గూడెం నాయకుడు ఎవరు? ఆయనను మేము ఒక్కసారి కలవచ్చా?" అని అడిగాడు శివమణి.

"మా నాయకుడి పేరు శంభు దొర! ఆయన్ని ఎవరు చూడడం కుదరదు." అని చెప్పాడు సహదేవుడు.

"మమ్మల్ని ఒక్కసారి ఆయన దగ్గరికి తీసుకువెళ్ళు  విషయం చెప్పి ఈ వస్తువులు ఇచ్చి వెళ్ళిపోతాము." అని రిక్వెస్ట్ గా అడిగాడు శివమణి.

సైలెంట్ గా ఉన్న సహదేవుడు వైపు చూసి "మీకు మీ నాయకుడు ఎలాగో, నేను పట్టణంలో ఉన్నా ప్రజలకి నాయకుడిని కాబట్టి నువ్వు నా మాట వినాల్సిందే!" అని చెప్పాడు అభిజిత్.

"నువ్వు నా నాయకుడివి కాదు కదా నేను ఎందుకు వినాలి, అయ్యినా ఒక పెద్ద పులిని, రెండు ఏనుగుల్ని చూసి భయపడ్డ మీరు, మా నాయకుడి దగ్గరికి వెళ్లాలంటే ఇలాంటివి 100 కనపడతాయి వాటి మధ్యలో నేను లేకుండా వెళ్లే ధైర్యం ఉందా చెప్పండి దారి చూపిత్తాను." అని అడిగాడు సహదేవుడు.

ఆ మాటకి ఒకరి మొహాలు ఒకరు చూసుకుని" మనం అభిర్ సేన నాయకుడితో మాట్లాడడానికి వచ్చాము కనీసం ఈ బుడ్డోడు తోనే మాట్లాడలేకపోతున్నాము. " అని పెదవి విరిచాడు అభిజిత్.

అంతలో వెనకాలే నడుస్తూ కాసేపు ఆలోచించి బ్యాగ్ లో నుంచి  అభిర్ భుజం మీద ఉండే పచ్చ బొట్టు బొమ్మ తీసి సహదేవుడికి చూపించి "ఈ గుర్తు ఉన్న మనిషిని మేము కలవాలి." అని అడిగాడు శివమణి.

తన చేతిలో ఉన్న గుర్తువైపు చూసి ఆకాశంలో శబ్దం రావడం వినబడి "సింబా వస్తున్నాడు, వాడు నా మాట వినడు వెంటనే ఇక్కడి నుంచి పారిపోండి." అని చెప్పాడు సహదేవుడు.

"సింబా వస్తున్నాడు అని చెప్తున్నాడు అసలు సింబా అంటే ఎవరు?" అని డౌట్ గా తలపైకెత్తి చూసి  ఆకాశంలో నుంచి కిందకి వేగంగా వస్తున్న పెద్ద పక్షిని చూసి "ఓ మై గాడ్!" అని కంగారుగా అన్నాడు గోకుల్.

భయంకరంగా వస్తున్న అరుపు విని చెవులు మూసుకుని వేగంగా కిందకు వస్తున్న పక్షిని చూసి "ఈ సింబల్ చూసి అది నేల మీదకు దిగుతుంది మనం కరెక్ట్ ప్లేస్ కి వచ్చాము." అని చెప్పాడు శివమణి.

"అది సరే! ఆ పక్షి మనల్ని రెండు కాళ్ళతో ఎత్తుకు వెళ్ళిపోయేటట్లు ఉంది. ముందు ఆ సంగతి చూడండి." అని భయంగా చూస్తూ చెప్పాడు జాకి.

ఆ పక్షి వేగంగా మీదకి రావడం చూసి భయంతో గట్టిగా కళ్ళు మూసుకున్నారు అందరూ.

అంతలో దూరం నుంచి "సింబా ఆగు!" అని అరుపు వినిపించి వేగంగా వెనక్కి తిరిగి వెళ్ళిపోయింది ఆ పక్షి.

"మనకి ఎవరో హెల్ప్ చేసారు." అని ఆనందంగా కళ్ళు తెరిచాడు గోకుల్.