[Rohanx40]

Eagerly Waiting for the next updates

[Salma Khan]

What happened? Next update etna late kyun ho gaya

[Sriya2]

Sorry mera ye hafta kafi busy gaya office ke kaam mein. Have not been able to write much yet. Will try to post soon but unsure to give a date.

[Rizzi1198]

Its ok sriya g take your time we will wait

[sexypreeti]

Sorry mera ye hafta kafi busy gaya office ke kaam mein. Have not been able to write much yet. Will try to post soon but unsure to give a date.

No Problem, take your time. We can all wait 

[Salma Khan]

Sorry mera ye hafta kafi busy gaya office ke kaam mein. Have not been able to write much yet. Will try to post soon but unsure to give a date.

Yes, take your full time, no problem, but post longer updates

[Sriya2]

Sorry woh mere office mein last week kuch terminations / layoffs hue hai, jisse filhaal mera workload kafi bad gaya hai aur kafi mental stress bhi. One of my close friends was also let go. I am still very committed to the story and will try to write as soon as possible.

[sexypreeti]

Sorry woh mere office mein last week kuch terminations / layoffs hue hai, jisse filhaal mera workload kafi bad gaya hai aur kafi mental stress bhi. One of my close friends was also let go. I am still very committed to the story and will try to write as soon as possible.

It is okay, We can wait...Sort out your life first...that is always priority...

[Salma Khan]

Sorry woh mere office mein last week kuch terminations / layoffs hue hai, jisse filhaal mera workload kafi bad gaya hai aur kafi mental stress bhi. One of my close friends was also let go. I am still very committed to the story and will try to write as soon as possible.

@Sriya, Solve your problems first and get comfortable, then start writing. Don't worry, we can wait for the best story, we wait every day. We pray for you, good luck.

[Rizzi1198]

Sorry woh mere office mein last week kuch terminations / layoffs hue hai, jisse filhaal mera workload kafi bad gaya hai aur kafi mental stress bhi. One of my close friends was also let go. I am still very committed to the story and will try to write as soon as possible.

Best of luck we all will pray for u dont worry everything will be fine

[Salma Khan]

This story shouldn't have stopped.

[Sriya2]

Update 92

Jaane kyu, subah se Supriya ke chehre par ek dabi hui muskaan thi aur woh jaane ka naam hi nahi le rahi thi. Kal raat woh kisi tarah Biji ko chakma dene mein kaamyab ho gayi thi… kya ye muskaan us jeet ki nishaani thi? Pata nahi… shayad…

Uske achanak yun Iqbal ke gale lag jaana… uske seene se yun chipak ke kuch der khade hona… use bhi nahi pata tha usne aisa kyu kiya tha. Sharam se uske gaal laal ho rahe they, aur woh kisi se aankhen nahi mila paa rahi thi. Shayad ye muskaan us haya ka natija thi, jo uske dil ke kone se ubhar rahi thi? Pata nahi… shayad…

Waise bhi aise lag raha tha ki unki chudai ki khabar poore ghar mein fail gayi thi. Kafi saari aurate majak mein uski chutki le chuki thi, aur baaki jo use shayad pasand nahi karti thi aaj bilkul chhup apne kaam se kaam rakh rahi thi.

Aaj waise bhi nikaah ka din tha, aur ladke wale kuch der mein bas pahuchne hi wale they. Phuphu ne Supriya ko ek naya salwar thamate hue uska maatha choom liya.

Phuphu uske gaal kheechte hue boli - Oh meri shehzaadi… aaj toh chaal hi badli nazar aa rahi hai… lagta hai raat bhai ne khoob pyaar barsaya hai Iqbal ne…

Supriya ne sharmate hue aankhen neeche kar li. Bas use aur Iqbal ko pata tha us kamre mein kal raat ko kya hua tha. Jab un dono ka aalingan toota tha, uske baad Supriya buri tarah jhepte hue chaarpai par let gayi thi. Usne socha toh tha ki woh Iqbal ko bhi usi chaarpai par letne ko bol de, par woh chaarpai itni sakri thi ki ya toh use Iqbal ke upar letna padta ya Iqbal ko uske upar. Jaane kyu is drishye ke baare mein sochte hi uske chooche khade se hone lag gaye.

Iqbal bina kuch bole nange farsh par let gaya tha, bina kisi chaddar ya takiye ke. Supriya ko us par daya toh aa rahi thi par woh karti kya. Uska dil zor zor se dhadak raha tha, aur kya pata Iqbal ne uski aawaz sun bhi li ho toh? Par jab uski aankh khuli toh sawera bas hone ki wala tha aur Iqbal abhi bhi bina ufff kiye zameen par so raha tha.

Phuphu - Chal ab Ammi aur Rubina bhabhi ki pareshaani khatam ho jayegi… par main unhe phone karke nahi batayungi… woh toh tera ye gulabi chhehra dekhte hi samajh jayengi… aisa lag raha hai tu toh uski deewani ho gayi hai ek raat mein hi… kahe toh aaj raat bhi…

Supriya ne apne gulabi gaalo ko zor se na mein ghumaya - Nahi nahi Phuphu… waise hi itni sharam aa rahi hai… sab log aise dekh rahe hai…

Phuphu haste hue - Toh kya hua… tu hai aisa chaand ka tukda… sab dekhenge hi… mujhse log pooch rahe they ki Rubina ki aur behen bhi hai kya jo chhupa kar rakhi hai… 

Supriya ne sharam se sir jhuka liya. Sach mein iss baar yahan Phuphu ka alag hi roop dekhne ko mila tha.

Phuphu - Jab mauka lage toh Biji ke paas jakar unka shukriya kar diyo… unki wajah se sab ho paaya hai.. aise hi unhone kitne miyaan biwi ke beech sab kuch theek kiya hai…

Supriya ne halke se kaha - Jee…

Ghar mein chehal pehal kafi bad gayi thi aur ladke wale bas aane hi wale they. Supriya tayyar ho kar Biji ke kamre mein pahuchi. Wahan kuch aur ladkiyaan bhi baithi hui thi.

Biji ne use dekhte hi apne paas bulaya - Ladki… idhar aaa…

Supriya chup chaap unke paas aa gayi - Jee Biji…

Biji - Tum baaki log dekhi zara baarat aayi ya nahi… tu idhar baith mere paas…

Kamra jald hi khaali ho gaya aur Supriya aur Biji hi kamre mein reh gaye they. Supriya ko laga woh kal raat ke baare mein hi baat karna chahengi. Biji apni aawaz ko thoda kadak karte hue boli -  Sun ladki… Shabbo ko toh lagta hai main sathiya gayi hoon… par abhi meri umar hi kya hai... sach bata... tu hi thi na wahan Lucknow mein… 

Supriya ko samajh nahi aaya woh kya kahe. Biji ko sach batana theek rahega kya? Agar unhone kisi ko keh diya toh?

Biji - Tere shauhar ko bhi main dekhte hi pehchaan gayi thi, wohi tha na jiske saath tu masjid aayi thi ek baar…

Supriya ne uski taraf nahi dekha, uski aankhen hamesha sach bol hi deti thi.

Biji - Hmmm... aur main ye bhi dawe se keh sakti hu ki tera asal naam Sufeena nahi hai na... kyu?

Supriya apni nervous ungliyaan bistar par ghuma rahi thi.

Biji ne pyaar ae uski thodi par apna angootha rakha aur apni aawaz thodi soft kari - Dekh.. us sab se koi farak nahi padta… ab tu hamari pyaari dulhan raani hai… samjhi...

Supriya ne unhe ye kehte sun ekdam se unki aur dekha. Unki aankhon mein use apne liye pyaar hi nazar aa raha tha.

Supriya - Biji.... aap mujh par gussa nahi ho?

Biji - Gussa? Itni pyaari si... masoom si ladki hai tu... tujh par main gussa kaise ho sakti hu... idhar aa... 

Biji ne use apni aur kheecha aur Supriya ne apna sir unki godi mein rakh diya, aur unhone pyaar se uske baal sehlaye.

Biji - Bas thodi pagal ladki hai tu... tab bhi tujhe kaha tha na maine...

Supriya ke aankhon se ek aansu ki lakeer uske gaalo se hoti hui neeche beh rahi thi.

Biji - Tere mann mein jo bhi faltu ke khayal chal rahe hai unhe jitna jaldi ho sake nikaal de…

Supriya ki subakti hui aawaz nikli - Aapko kaise pata mere mann mein kya chal raha hai…

Biji - Itni duniya dekhi hai na… par waisi teri jaise bewakoof ladki nahi dekhi kabhi… aur pyaari bhi…

Supriya - Par kaise nikaalu? Darr lag raha hai…. Ye meri jindagi nahi hai… mere log nahi hai… main yahan ki nahi hu...

Biji - Jisne tujhe khoya woh uski badkismati... jisne tujhe paaya woh uski khushkismati... jo bhi hua, jaise bhi hua... kisi ko kuch batane ya samjhane ki jaroorat nahi hai... bas ab tu yahan hai... aur yahin ki hokar reh jaa...

Supriya - Par.... Iqbal jee... mere shauhar...

Biji - Par war kuch nahi... tera mard tujhse thoda bada hai umar mein… par waise acha hai.. tujhe usse sahara milega… mard waise bhi aurat se bada hi hona chahiye… use khush kar… uske saath khush reh… samjhi…aur jaldi se mujhe khushkhabri de...

Supriya ke gaal sharam se laal ho rahe they, Biji toh pata nahi kya kya bole jaa rahi thi.

Biji - Aur sun... mujhe apni tarah bewakoof mat samajhiyo... mujhe pata kal raat ka drama... jo tune aur tere shauhar ne kiya tha... kamre mein nahi thi toh kya, abhi bhi kaan tez hai mere... main teri izzat rakhna chahti thi isliye kamre mein nahi aayi...

Supriya ye sun kar hairaan ho gayi. Use toh laga tha usne Biji ko chakma de diya tha, par shayad woh galat thi. Usne kuch bolna chaha - Biji woh... woh...

Biji - Woh woh kya... ab tera shauhar hai woh... aur tujhe apne rishte ka haq ada karna hi hoga... chal ab... yahin baithi rahegi ya bahar bhi chalegi...

Supriya apne aansu pochte hue khadi hui aur Biji bhi khadi ho gayi. Supriya ne apne baal aur kapde theek kiye. Bahar logo ka jamawda sa lag gaya tha aur ladke wale aa gaye they. Ladke wale shehar se they toh unke saath kafi log they, aur photographer waigera bhi they.

Jald hi nikaah pade jaane laga, aur Supriya ladki ke thoda peeche baithe hue thi. 1-2 mahine pehle woh bhi isi tarah se ek chaddar ke aage muh karke baithi thi. Tab woh itni pareshaan aur khoyi hui thi ki use pata bhi nahi tha woh kya karne jaa rahi thi. Tab uske kaano mein koi shabd bhi nahi jaa rahe they.

Par aaj Qazi ki saari baatein saaf sunai de rahi thi - Nikah ek paak aur mubarak rishta hai jo mard aur aurat ke darmiyan qayam kiya gaya hai. Yeh ek aisa ahd hai jo mohabbat, izzat aur zimmedari par mabni hai.

Supriya apne khayalo mein sochne lagi, kya usne bhi isi rishte ko qabool kiya tha? Par Iqbal aur uske beech ye sab kaise ho sakta tha... unke beech ki umar ka faasla, unki padai likhai ka faasla, unki parwarish ka faasla... kitna bada faasla tha unke beeche mein.

Jab tak Supriya ka dhyaan wapas aaya nayi dulhan nikaah qabool kar chuki thi.

Qazi - Dua hai ke yeh naya safar aap dono ke liye khushiyoṅ, sukoon aur mohabbat se bharpoor ho.

Log ek doosre ko mubarakbad dene lage, aur Supriya bhi muskurati hui dulhan ke gale lag gayi. Uske baad sab log khane ki dawat ki taraf bade, par Supriya ko toh us aur jaana nahi tha.

Woh thoda bahar ki aur aayi toh Iqbal wahin khada tha. Jaise hi usne Supriya ko dekha uske chhehre par ek muskaan si aa gayi - Kaisa laga aapko sab kuch....

Supriya - Bohot acha... aap khaana khane nahi gaye?

Iqbal - Nahi... kuch khaas bhook nahi hai... waise bhi aap bhi toh nahi khayengi...

Supriya - Toh kya hua? Aap toh khaa hi sakte hai na...

Woh dono baat hi kar rahe they ki ekdam se Photographer ne unhe aawaz di - Bhai jaan... mohtarma... zara idhar dekhiye... photo ke liye...

Dono ekdam se chaunk se gaye aur camera ki aur muh kar liya. Par woh dono abhi bhi ek doosre se thoda door hi khade they.

Tabhi Supriya ke kaan mein Biji ki aawaz padi, jo shayad paas mein hi baithi thi - Miyaan biwi ho... toh zara sat kar photo khichwayo... aise kya door door khade ho...

Photographer ne ye sunte hi kaha - Aree.. aap dono Miyan biwi ho... haan haan tab toh jode wali photo honi chahiye... paas ho jaiye....

Supriya ek kadam Iqbal ki aur hui, par abhi bhi unke beech thoda gap tha.

Biji - Iqbal... teri hi biwi hai... aur hum kaunsa purane khayalat ke hai... ho jaa aur paas...

Par Iqbal hil nahi raha tha. Supriya ne halke se Iqbal ki aur apna sir mod kar dekha, jaise use ishaare se keh rahi ho ki woh uski aur ho sakta tha. Par Iqbal jaise phir bhi nahi hila. Toh Supriya hi thoda sa aur sarak kar uski aur ho gayi.

Supriya ka baaya haath aur kandha Iqbal ki chhaati ko halke se choo raha tha.



Photographer ne fir se kaha - Inke kandhe par haath rakhiye...

Supriya ne iss baar sir jhukate hue bohot hi dheemi aawaz mein kaha - Woh itni baar bol chuka... rakh lijiye na haath kandhe par...

Supriya ko laga nahi tha ki Iqbal apna haath uske kandhe par rakhega, par achanak se use uska haath apne kandhe par aate hue mehsoos hua. Supriya ek dam kaanp si uthi aur uska dil zor se dhadakne laga. Supriya ne kisi tarah se apne aap ko sambhalte hue aage camera ki aur dekha. 

Photographer ne un dono ki photo kheechi, aur jaise hi woh wahan se hata, Supriya jaldi se Iqbal se alag hokar Biji ke paas aa gayi.

Biji haste hue boli - Achi lag rahi thi tumhari jodi...

Supriya sharmate hue - Jee Biji...

Biji - Ya khuda... jaisi tu sharmili waise hi tera dulha bhi sharmila... abhi theek karti hu use... Iqbal... oh Iqbal... yahan aa zara...

Iqbal jaldi se Biji ki aur aaya - Jee Biji... kuch kaam tha...

Biji - Kaam toh bhatere hai... par sabse bada ek kaam hai... 

Iqbal - Jee kahiye na...

Biji - Apni biwi ko zara gaanv ghuma la... 3 din se bechari shaadi byah ke kaam sambhalte sambhalte thak gayi hai...

Iqbal - Par Biji... yahan gaanv mein ghumane layak kya hai...

Biji bhadakte hue boli - Tere gaanv se toh bada hi hai... dukaan le jaa... khet dikha de... itna lamba chhauda aadmi hai... par ek aurat na sambhali jaati tujhse...

Ye sunte hi Iqbal ne apna sir jhuka liya. Biji ko yun Iqbal ko daante hue sunkar pata nahi kyu Supriya ke chhehre par ek halki si muskaan si aa gayi thi. Ab tak sirf usne hi jo daant khaayi thi Biji se, chalo kisi aur bhi toh ye jhelne ka mauka mile.

Iqbal ne apni aankh ke kone se ek nazar Supriya ki aur dekha, aur Supriya ne ekdam se apne chhehre ki muskaan gayab kar di.

Iqbal ne serious hote hue kaha - Theek hai Biji... main le jayunga...

Biji - Jayo fir... abhi nikal jayo... shaam tak ghar aa jaana...

Iqbal ne haan mein sir hilaya aur usne Supriya ki aur ek nazar dekha. Woh bahar ki aur chalne laga. Supriya peeche khadi reh gayi thi, use nahi laga tha woh is tarah Iqbal ke saath bahar jayegi. Usne Biji ki ek aur nazar dekha aur unhone use haath se jaldi se uske peeche jaane ka ishaara kiya.

Iqbal apne tez kadmo se ghar ke bahar nikal gaya aur Supriya jaldi se uske peeche peeche ho li. Woh apni raftaar tez karke us tak pahuchne ki koshish kar rahi thi. Par Iqbal toh tez hi chale jaa raha tha. Chalte chalte woh thoda door aa gaye they aur Supriya ab Iqbal ki raftaar ko match nahi kar paa rahi thi. Sadak par idhar udhar khade log bhi use ajeeb si nazro se ghoor rahe they.

Supriya ne apna gala saaf karte hue aawaz lagayi - Suniye... Iqbal ji... rukiye zara...

Iqbal ruka aur usne peeche mud kar Supriya ki aur dekha. Supriya jaldi se chalte chalte uske paas pahuch gayi aur naraazgi bhari aawaz mein boli - Biji ne aapko mujhe saath le jaane le liye bola tha... na ki mujhe rassi se baandh kar kheechne ke liye...

Iqbal ekdam se bola - Maine kab aapko rassi se baandh kar kheecha...

Supriya ne apne haath se ek adarshay si rassi ko kheechna ka ishaara kiya - Khichi toh chali aa rahi hu aapke peeche peeche... dikh nahi rahi aapko ye rassi...

Iqbal ne idhar udhar dekha - Madamji... kahan... mujhe toh kuch nahi dikh raha...

Supriya ke chhehre par thodi jh,.'at aa gayi thi - Offoo.. rehne dijiye... ye bataiye kahan le jaa rahe hai mujhe?

Iqbal - Khet ki taraf... Biji ne bola toh tha khet dikha du aapko...

Khet mein is tarah Iqbal ke saath jaane ke baare mein sochte hi pata nahi kyu Supriya ke shareer mein ek sansanat si daud gayi. Supriya ne sharmate hue neeche dekha - Khet mein kya hai dekhne ke liye... wahan nahi jaana mujhe...




Iqbal - Toh fir kahan chalna hai?

Supriya - Bazaar hi le chaliye yahan ke...

Iqbal - Theek hai chaliye...

Supriya - Par thoda dheere dheere chaliye... main aap jitni lambi nahi hoon na... toh mere kadam thode chhote hi padte hai...

Iqbal - Jee madamji....

Dono fir se chalne lage aur is baar Iqbal dheere hi chal raha tha taaki Supriya uske saath chal sake. Dono bilkul chup chaap chal rahe they, Supriya ko bhi samajh nahi aa raha tha woh kya bole. Use mehsoos ho raha tha ki Iqbal shayad apni aankh ke kone se uski aur hi dekh raha tha.

Iqbal ki nazar tabhi Supriya ke baah par padi jahan ek kaala neela sa nishaan pada hua tha. Usne rukte hue kaha - Madamji... ye kya hua? Ye chot kaise lagi aapko?

Supriya ne dheere se kaha - Aapne hi toh maari thi ye chot... aur ab bhool bhi gaye?

Iqbal ek dam se hairaan pareshaan hote hue bola - Maine? Maine toh kuch nahi kiya aisa....

Supriya apni aawaz banate hue boli - Bhool gaye aap... kal raat... aapne zor se mera haath daba diya tha....

Iqbal - Ohhh usse ye nishaan pad gaya!! Woh toh aapne hi kaha tha mujhe aapka haath pakadne ke liye...

Supriya ko Iqbal ko satana acha sa lag raha tha - Haan par shayad aapne kuch jyada hi zor se daba diya, aur ye nishaan pad gaya...

Iqbal ki shakal utar gayi - Maaf kijiyega mujhe madamji... mujhe nahi pata tha aisa kuch ho jayega... chaliye main aapko doctor ke paas le chalta hoon....

Supriya - Aree nahi nahi... doctor kya karega isme... theek ho jayega... main toh bas majak kar rahi thi... mere shareer par nishaan kafi jaldi se pad jaate hai... par fir chale bhi jaate hai...

Iqbal - Haan aapka shareer itna mulayam sa jo ha... ainda kabhi aisa nahi hoga...

Supriya ekdam se bol padi - Kyu!? Nahi mera matlab... aap kyu pareshaan ho rahe hai... ho jayega theek.... chaliye ab iski bharpai karne ke liye mujhe kuch yahan ki koi khaas cheez khilwa dijiye... kafi bhook lag rahi hai... main toh din ka khaana bhi nahi kha paayi...

Iqbal - Aree haan haan... chaliye na.... main aapko ek achi si jagah le chalta hoon....

Dono saath chalte chalte bazaar mein pahuch gaye they aur jald hi wahan ke sabse bade halwai ki dukaan ke bahar. Iqbal ne Supriya ke liye chhole bhature khareede aur woh use khaane lagi. Supriya ko aisa lag raha tha ki jaise woh kayi mahino baad kuch acha sa khaana kha rahi ho. Usne Iqbal ko bhi ishaara kiya ki woh uske saath hi kha le, aur woh dono saath hi khane lage.

Supriya ko aisa lag raha tha ki jaise aas paas ke logo ki nazre us par hi tiki thi, aur Iqbal bhi unhe ghoor kar door rakh raha tha. Kuch der baad woh khaana kha kar bazaar mein tehelne lage. Saath chalte chalte beech beech mein unki ungliyaan apas mein takra jaati aur woh dono hi jaldi se apna haath peeche kar lete.

Supriya beech beech mein kisi dukaan par rukti, wahan samaan dekhti aur fir aage bad jaati. Woh kuch khareedna nahi chahti thi, par use sab dekhne ka kafi mann tha. Poore bazar mein shayad uske aane se itni rounak si bad gayi thi, aur woh sabka dhyaan apni aur kheech rahi thi.





Supriya ek dukaan par khadi choodiyaan pehen kar dekh rahi thi, usne palat kar Iqbal ki aur dekha - Ye kaisi lag rahi hain?

Iqbal halke se muskuraya, woh ghoomte ghoomte thoda toh thak gaya tha aur madamji ki aur khichta hua dhyaan bhi use acha nahi lag raha tha, par uski madamji ne itni masoomiyat se usse ye poocha tha ki woh sab bhool sa gaya tha - Aap le lijiye... aap par bohot achi lag rahi hai.

Supriya halke se muskurayi aur usne chhoodiyaan haath se nikaal kar wapas rakh di - Nahi nahi... leni nahi hai... bas dekh rahi thi...

Iqbal - Areee aapko pasand hai toh le lijiye na...

Supriya - Nahi... chaliye... wapis chalte hai... kafi der ho gayi hai...

Iqbal - Acha aap chaliye us aur... main aata hoon...

Supriya ne uski aur shak se dekha, par woh do chaar kadam aage badane lagi. Iqbal ne jaldi se dukaan wale ko choodiyan pack karne ko kaha, aur woh unki payment karne laga.

Tabhi ek-do ladke Supriya ke aas paas mandrane lage they. Ek ladka toh Supriya ke peeche aa kar uske kafi kareeb aa gaya tha, shayad woh Supriya ki gaand ko chhoone hi wala tha. Iqbal jaldi se choodiyan lekar Supriya ki aur lapka aur usne us ladke ko thoda peeche dhakela.

Ladka ladkhadata hua peeche hua - Chacha... kya hua... dhakka kyu maara... teri beti hai kya...

Iqbal ko ye sun kar gussa aane laga aur woh us ladke ki aur lapka aur uska collar pakad liya - Behenchod... beti lagti hai meri hai woh...

Ladka haste hue bola - Beti nahi toh kya... biwi hai... 

Iqbal ne use pakde hue zor se hila diya aur woh use maarne hi wala tha ki Supriya itne mein jaldi se mudi aur usne Iqbal ki kalai par apna haath rakh diya - Iqbal ji... chhodiya na ise...

Iqbal ka chhehra gusse mein ubal raha tha par Supriya ka haath us par lagte hi usne us ladke ko chhod diya.

Supriya - Koi fayda nahi hai... ghar wapis chalte hai...

Supriya kisi tarah se Iqbal ko kheech kar apne saath le jaane lagi. Peeche se ladke has rahe they, aur jaane kya kya bol rahe they.

Ladka - Dekho toh sahi buddhe ki kismat... itni jawaan ladki ke saath ghoom raha hai...

Supriya ne Iqbal ki shakal ki aur dekha aur woh apne daant kit kita raha tha, usne apni ungliyaan ek mutthi mein kas li thi.

Supriya - Please... aap shaant rehna... unki baaton par dhyaan na de...

Iqbal ne koi jawab nahi diya par uske kaano se abhi bhi dhuaan sa nikal raha tha. Dono chalte chalte shayad kheto ki aur hi aa gaye they. Supriya ne Iqbal ka haath chhoda aur wahan pade ek bade se patthar par jakar baith gayi thi. Uska bhi muh utar sa gaya tha.



Iqbal uska saamne khada gusse mein idhar udhar ghoom raha tha - Madamji... aapne mujhe roka kyu? Aapko pata bhi hai... woh aapko galat jagah chhoone wala tha....

Supriya gussa hote hue boli - Aapko mere liye har kisi se ladayi kyu mol leni hoti hai... woh toh base ladke they...

Iqbal aur bhi bhadak gaya - Aur main buddha hoon... hai na...

Supriya - Maine ye kab kaha... 

Iqbal - Kehne ki kya zaroorat hai... sach hai ye toh... aur mujhe bhi pata hai... 

Supriya - Maine ye nahi kaha.... main toh base ye keh rahi hoon ki  usse maar peet karne ki kya zaroorat thi...

Iqbal - Madamji... par...

Supriya - Par war kuch nahi... main bhi apna khayal rakh sakti hu... aap kab tak mujhe bachate rahenge...

Iqbal - Jab tak main aapke saath hu... tab tak...

Supriya - Par kyu? Hamare beech rishta hi kya hai...

Iqbal ekdam se chhup ho gaya aur fir dheere se bola - Haan... aap shayad sahi keh rahi hain... rishta hi kya hai hamare beech...

Supriya - Mera woh matlab nahi tha... main toh bas...

Iqbal ne Supriya ko beech mein rok diya - Aapko kuch samjhane ki jaroorat nahi hai... kal hum log wapis ghar chale jayenge... sab fir se waise hi ho jayega... par mujhe bohot acha laga aapne jis tarah yahan sabke saamne meri izzat rakhi...

Supriya ka gala bhar sa aaya tha aur woh kuch sochte hue boli - Aur sab kuch pehle jaise na rahe toh...

Iqbal - Matlab?!

Supriya haste hue boli aur apna haath aage badaya - Kuch nahi... aap nahi samjhenge... laiye... meri woh choodiyaan toh de dijiye jiski wajah se ye saara tamasha hua...

Iqbal ne jaldi se - Ji... ye lijiye na...

Supriya - Ab main kya lu inhe... aap hi pehna dijiye na?

Iqbal - Main pehna du?

Supriya - Haan... kabhi kisi ladki ko choodiyaan nahi pehnai kya...

Iqbal - Jee.... bohot saal ho gaye... 

Supriya ne fir se apne haath aage karke ishaara kiya - Pehnai na...

Iqbal jhukte hue neeche baitha, aur choodiyon ke dabbe mein se choodiyan nikali. Usne choodiyan ka guchha lete hue Supriya ki ungliyon ki aur badaya. Woh thodi si andar gayi par fir uski ungliyon ke jod par atak gayi. Usne unhe andar dhakelne ki koshish kari par woh aage nahi jaa rahi thi. Iqbal ne Supriya ki aur ek nazar daali, Supriya ke chhehre par ek shararat bhari muskaan thi.

Supriya - Aise nahi andar jayegi... haath pakadna padega...

Iqbal ne ek baar fir Supriya ki aur dekha, uski aankhon mein. Aaj use wahan ek alag sa ehsaas nazar aa raha tha jo use ab tak nahi aaya tha.

Iqbal ne halke se kaha - Soch lijiye... ek baar haath pakad liya toh main chhodunga nahi...

Supriya ne uski aankhon mein dekhte hue confidently uska jawab diya - Main chhodne ke liye kahungi bhi nahi...

Iqbal ne dheere se Supriya ki haath ko thoda peeche se pakda, aur choodiyon ko uske haath par fir se chadane ki koshish karne laga. Supriya ke soft se haath ko pakadte hi uska dil zor se dhadakne laga tha. Thoda sa aur dhakelne ke baad choodiyan kalai tak pahuch hi gayi.

Supriya ne sharam se apni aankhen jhuka li. Kuch der Iqbal chup chaap Supriya ke saamne zameen par baitha raha, aur Supriya usse nazre bhi nahi mila paa rahi.

Supriya ne chhupi ko todte hue kaha - Chale Iqbal jee...

Iqbal Supriya ko ghoore jaa raha tha, usne apni aankhen jhuka li - Jee madamji... chaliye...

Supriya ne apna haath Iqbal ki aur badaya jaise usse sahara le rahi ho khade hone ka. Par doosre hi pal, Supriya thoda aage ki aur jhuki aur jaldi se Iqbal ke gaal par ek halki si kiss karte hue boli - Choodiyon ke liye shukirya.

Isse pehle ki Iqbal soch pata woh jaldi se khade hote hue wahan se bhaag padi. Pata nahi Iqbal uski sweekrati ko samjha tha ya nahi, pata nahi unka ye rishta aage kaise badega... itna kuch toh chal raha tha uske dimaag mein, par filhaal woh nahi chahti thi ki Iqbal use pakad paaye. Use apne peeche se Iqbal ke bhaagte hue kadmo ki aawaz aa rahi thi.

[Rizzi1198]

Wow zabardast lagta supriya ko mohabbat ho gai iqbal se so amazing update thanku sriya ji

[qazmlp]

Kya baat hai !!! What fantastic writing !!! I say this again, your writing quality is worthy of a movie/drama theatre screenplay.

[shdas]

Bahut Badhiya...but pls change genre from 'Adultery' to 'Romance' ..suit the story better now

[Salma Khan]

Shukriya, thank you bahut shaandar update

[Salma Khan]

Please keep updating, you are best writer

[HBK♡♡]

Thank you very much late but best and amazing update

[HBK♡♡]

Please keep updating as soon as possible

[Rohanx40]

I'm beyond impressed by your confidence! You're rocking, excellent update.