Adultery Supriya: Ek Jawan Biwi ki Kahani

[Rohanx40]

Eagerly Waiting for the next updates

[Sriya2]

Update 89

Supriya Hina aur Iqbal ke beech mein pichi hui baithi thi. Peeche se Hina ne uski kamar par haath rakha hua tha aur aage se uski chhaati Iqbal ki peeth ko chhoo rahi thi. Abhi toh woh gaanv se bahar bhi nahi nikle they aur raaste mein itne jhatke lag chuke they ki Supriya ki choochiyan Iqbal se takrate takrate dard karne lagi thi. Shayad uska maansik samay door nahi tha, us samay par uske boobs kuch jyada hi sensitive ho jaate they.

Iqbal apni purani motorcycle ke sheeshe se chori chhupe Supriya ko nihaar raha tha. Itni sundar jo lag rahi thi aaj uski madamji. Lucknow mein ek do baar pehle bhi woh uske saath bike par baithi thi, par us samay woh itne nazdeek nahi they. Na hi faasle mein aur na hi rishte mein. Par ab toh woh dono ek doosre ke behad nazdeek aa chuke they. 

Kaash is waqt Hina uske saath na hoti toh woh itne farrate se is bike ko kahin akele mein dauda leta. Nahi nahi, akele mein kyu, woh kyu aisa soch raha tha. Jab bhi Supriya ka jism uske jism se chhoota, toh pata nahi use kya hi ho jaata tha. Unke khule silky baal bike ki gati se hawa mein lehra rahe they aur unka pyaare sa chhehra aaj toh kuch alag hi chamak raha tha. Unke baare mein sochte hi uska dil zor se dhadakne laga tha.

Doosri taraf Supriya itne dino baad ghar se bahar nikli thi, balki Iqbal se uski shaadi ke baad pehli baar hi woh bahar nikli thi. Iqbal se shaadi ke baad pehli baar… abhi abhi mein kitni aasani se usne ye soch liya jaise isme kuch atpata hi na ho. Iqbal aur uski shaadi... jo ab tak bas naam ki hi thi. Woh usi masjid ke saamne se ho kar nikle jahan use us gadhe ka lund pakadna pada tha… chee chee... woh sochte hi Supriya tharthara uthi.

Gaanv ki galiyon se nikalte hue har mod par log Iqbal aur un dono ko ghoor rahe they. Kuch toh dua salam bhi kar rahe they, aur Iqbal wapas unhe salam kar deta.

Jaise hi bike gaanv ke bazar se hokar nikli, Supriya ne dekha ki jis aadmi ki dukaan se Rubina ne use bra panty dilayi thi woh aadmi apni dukaan ka shutter khol raha tha. Kya naam tha uska… Junaid… haan shayad Junaid hi toh tha. Woh sadak par saamne hi khada tha aur Iqbal ne bike ki speed dheere kar di.

Junaid - Salam Iqbal chachu… kahan chal di sawari subah subah…

Iqbal - Walekum… bas kisi kaam se jaa raha tha…

Junaid ne muskurate hue Hina ki taraf dekha - Acha... is pagli ka admission karane…

Hina chhidte hue boli - Tumhe kaise pata… Naaz ne bataya?

Iqbal ne Hina ko tokte hue kaha - Woh tumse bada hai na Hina… aap karke bolo use…

Hina ne apni naak sikodi - Itna bhi bada nahi hai…

Junaid haste hue - Areee koi nahi… bol le jo bolna hai… haan teri dost ke pet mein koi baat kahan pachti hai…

Hina ne sir jhatak kar bola - Acha kaam karne jaa rahe hai, tabhi tum kale billote ki tarah rasta kaatne aa gaye...

Junaid ne uski baat ko hasi mein taal diya, aur fir Supriya ki taraf dekh kar muskuraya - Aadab chachi jaan… kaise hai aap... pehchana... main aapke bhatije jaise hi hoon...

Supriya ne halke se aadab ka ishaara kiya - Main theek hoon... aap kaise hai...

Junaid - Badiya... aapki shaadi mein dekha tha aapko... aur ab dekh raha hoon… aap ghar se bahar hi nahi nikalti shayad...

Supriya - Haan woh.... bas ghar mein bohot kaam hote hai...

Junaid - Haan woh toh hai... aapko dekh kar koi keh nahi sakta ki shaadi ka rang aap par chhada na ho… befizool hi gaanv mein afwhaein udti rehti hai... 

Supriya ko uski baat samajh nahi aayi, pata nahi woh kaun si afwahon ki baat kar raha tha. Usne Iqbal ki aur dekha, jiske chhehre par Junaid ki baaton se badti chidd dikh rahi thi.

Junaid ko bhi woh dikh gaya tha - Agar meri baat buri lagi ho toh apna bhatija maan kar gustakhi maaf karna...

Iqbal - Chal Junaid… hume abhi chalna chahiye… deri ho jayegi...

Junaid ne unhe fir se muskurate hue salaam kiya aur Iqbal apni bike wahan se chalate hue aage nikal gaya. Hina apna muh Supriya ke kaan ke paas late hue boli - Chachi… ye Junaid mujhe bilkul bhi acha nahi lagta… pata nahi kya kya bolta rehta hai...

Tez bike par Supriya ko Hina ki aawaz saaf toh sunayi nahi de rahi thi, par woh samajh gayi thi woh Junaid ke baare mein kuch bol rahi thi. 

Motorcycle chalte chalte gaanv se thoda bahar ki aur aa gayi thi. October ka mahina chal raha tha toh hawa mein thoda si thandak hone lagi thi. Supriya ke haath ke baal thand se kaanpte hue khade ho rahe they. Hina ne fir se use peeche se thoda sa aage dhakela, woh Supriya se bilkul chipki padi thi, aur Supriya aage Iqbal se. Supriya ki jaanghe thodi si aur chhaudi hote hue Iqbal ki pant se chipak gayi. Na jaane kyu is tarah thand mein kisi se chipke rehne mein ek ajeeb si rahat mil rahi thi.

Kuch der baad, thand mein bhi Supriya ko paseene aane shuru ho gaye they. Abhi toh shayad 40-45 minute ka aur raasta bacha tha. Usne ghar par bina soche samjhe bol toh diya tha ki Iqbal Hina ko roz wahan chhod denge aur le bhi aayenge, par ab use samajh aa raha tha ki Iqbal ko kitni door Hina ko roz laana lejana padega. Pata nahi Iqbal ye sab roz kaise karenge, aur abhi toh thand aur badegi hi.

Ab road thodi si behtar hone lagi thi, par Supriya fir bhi Iqbal se chipki hui thi. Uske haath Iqbal ke kandho ko kas ke pakde hue they, aur ab toh jaane anjaane uski gardan par lipat hi gaye they. Supriya ne apna sir bhi Iqbal ki peeth par tika diya tha. Iqbal ko bhi apni madamji ke iss tarah baithne se bada maza aa raha tha. Ek alag hi garmahat aur sukoon sa mil raha tha peeche se, jaise uski poori duniya uske saath ho.

Raaste bhar mein aisa kuch khaas dekhne ke liye nahi tha, bas woh log shayad dheere dheere Amroha ke nazdeek pahuch rahe they. Kuch time baad, Supriya ne apni aankhein halki si band karli, aur use ek chhoti si jhapki aa gayi. Wahan pahuch kar jab Hina ne use halke se hilaya toh uski aankh khuli. Supriya ne apna sir Iqbal ki peeth se hataya jo abhi bhi aaram se bike rok kar khada tha.

Supriya hadbadate hue boli - Kya hua… hum pahuch gaye kya?

Hina haste hue - Chachi lagta hai aapko Chachu ki peeth par sir rakh kar badi achi neend aayi hai… raat ko bhi aise hi soti ho kya?

Supriya ne uske haath par halke se maara - Chal badmash ladki… kuch bhi bolti hai… tera admission karane aayi hu na… jyada boli toh aise hi wapas chali jayungi.

Hina ne jaldi se apne kaan pakad liye - Aree baba majak tha na… sorry sorry….

Supriya - Hmmmm … ye hui na baat…

Woh dono bike se utre aur Iqbal ne bike to college ke bahar side mein laga diya. Supriya idhar udhar dekhne lagi, bahut bada college toh nahi tha, par kisi bade purane college jaisa lag raha tha. Use ye jagah dekh kar apne Jhansi ke college ki yaad aa gayi.



Bahar ek bada sa lohe ka gate tha jiske aas paas kafi saari ladkiyaan khadi thi aur aas paas kafi chehal pehal si thi. Ladkiyon ka college hone ki wajah se kafi ladke bhi aas paas mandra se rahe they.

Iqbal ne bhi bike laga kar idhar udhar ka muyana kiya. Bahar ladko ko ladkiyaan tadte dekh use acha toh nahi laga tha par filhaal woh Supriya aur Hina ke aage kuch bolna nahi chahta tha.

Supriya - Chaliye Iqbal jee… andar chalte hai…

Iqbal jee bolte hi fir se Supriya ke mann mein ek ajeeb si bijli si daudi. Use apne mann ke upar sanyam ki dori baandhe rakhna seekhna padega shayad. 

Iqbal - Madam… mera matlab Supriya… tum log jayo na andar… main kya karunga andar aakar…

Hina ke saamne shayad usne baat sambhal li thi, pata nahi Hina ne use madam bolte suna ya nahi. Aur suna toh pata nahi woh kya soch rahi hogi.

Supriya - Aap bhi admission ke kaam mein madad karenge… aur kya?

Iqbal - Ab main aap jitna pada likha toh hoon nahi toh kya hi madad karunga andar jakar… waise bhi ladkiyon ka college hai, mujhe thoda ajeeb bhi lagega andar jaana…

Supriya ne Iqbal ki aur dekha, jo aadmi kisi se bhi ladne se nahi darta tha, woh ladkiyon ke college mein jaane ke naam se buri tarah ghabraya hua tha.

Iqbal - Hum sabko aap par bharosa hai… aap ache se baat kar loge… aap jayo ise lekar.. itne main yahan bahar ka haal chaal pata karta hoon…

Supriya ne halke se haan mein sir hilaya aur Hina ko saath lekar andar ki aur chal di. Uske mann mein bhi thodi ghabrahat thi par woh Hina ke saamne kamzor nahi padna chahti thi.

Hina ne raaste mein kaha - Chachi... ek baat bolu... mujhe bada acha lagta hai ki Chachu aapko itni pyaar se aap aap karke bolte hai... 

Supriya ne halke se kaha - Acha...

Hina - Haan... maine gaanv mein kisi ke shauhar ko aise bolte nahi suna... kaash mera shauhar bhi mujhe aise hi pyaar aur izzat se aap karke bulaye...

Supriya ne uske sir par halka sa haath maara - Pehle jo yahan karne aayi hai woh toh kar le... ya abhi ghar chal kar pehle tere liye waise shauhar dhoonde...

Hina muskurati hui chup ho gayi.

Andar aakar unhone kuch ladkiyon se admission office ka raasta poocha. Waise toh bahar se hi ek khidki thi par woh filhaal band thi. Woh dono college ke andar ke raaste se office mein pahuche. Andar jyada log nahi they, 2-3 mahilayen aur ek naujawan sa aadmi.

Supriya un aurato mein se ek ke counter ke paas pahuchi aur apna gala saaf karte hue uska dhyan apni aur kheechne ki koshish karne lagi - Uhnmmm… madam…

Par woh aurat saamne khadi Supriya par koi dhyan nahi de rahi thi.

Supriya ne fir se use aawaz di, is baar thoda aur tez - Madam suniye zara… 

Aurat - Bolo… kya kaam hai… tum dono ko abhi class mein nahi hona chahiye…

Supriya ko acha bhi laga ki us aurat ko lag raha tha ki woh bhi ek student hi hai par saath hi ajeeb sa bhi - Nahi madam woh… admission ke baare mein baat karni hai…

Aurat - Pranav se jaa kar baat karo…

Supriya - Pranav kaun?

Aurat ne tirchi aakhon se Supriya ki aur dekha - Is kamre mein ham mein se Pranav kaun ho sakta hai?

Supriya ne kamre ke entrance ke paas baithi us naujawan aadmi ki taraf dekha. Shayad wo hi Pranav tha. Par ye aurat saaf saaf bhi toh bol sakti thi.

Supriya wapas us counter ki taraf chal padi aur Hina uske theek peeche peeche. Supriya ne wahan pahuch kar kuch bolna hi chaha tha ki woh aadmi bol pada.

Pranav - Admission ka samay nikal chuka hai… ab nahi ho sakta admission…

Supriya ne kheejte hue kaha - Par humne toh abhi kuch bola bhi nahi aapse…

Pranav - Aap wohi hai na jisne 2 din pehle phone kiya tha aur dher saare sawal pooch rahi thi… abhi aapko wahan Sarla ma’am se bhi admission ke baare mein poochte suna.

Supriya - Haan par aapne toh kaha tha na ki aakar baat kar lo…

Pranav - Maine aisa nahi kaha tha, maine ye kaha tha ki phone par admission nahi hota… aur admission ka time nikal chuka hai…

Is aadmi ki baat sunkar Supriya ki kheej badti jaa rahi thi - Par aapne mana bhi toh nahi kiya tha phone par…

Pranav - Aapne sahi se suni ho meri baat tab toh yaad hogi na aapko…

Hina ne halke se Supriya ka haath kheecha. Supriya ne uski shakal ki aur dekha toh kafi mayoos si lag rahi thi, jaise abhi rone lagegi. Uski shakal dekh Supriya mein jaise ladne ki himmat si aa gayi.

Supriya - Aap iski 12th ki marksheet toh dekho… bohot hi honhaar ladki hai…

Pranav - Woh sab theek hai par college session shuru hue ek mahina hone ko aaya hai… ab aise beech mein kaise admission kar de…

Supriya ko lagne laga tha ki ye aadmi unki madad nahi karne wala tha - Mujhe aapke college ke principal se milna hai… unka office kahan hai..

Pranav - Aap unse nahi mil sakti… aapko uske liye appointment chahiye hogi…

Supriya gusse mein kaapne lagi thi - Hum log itni door se aaye hai.. unse mil kar hi jayenge…

Supriya ko ekdam yaad aaya ki is office ke raaste mein hi shayad unka office bhi pada tha. Woh Hina ko kheechte hue bahar ki taraf jaldi se le chali.

Hina ki bikhri hui si aawaz bahar aayi - Chaachhhiiii… ab kya karenge… ye toh mana kar rahe hai…

Supriya ne gusse mein kaha - Abhi ruk na… sab theek ho jayega..

Usne bol toh diya tha par use nahi pata tha ki sab theek hoga ki nahi. Woh jaldi se principal ke office ki taraf badi aur usne dekha ki Pranav bhi uske jaldi se uske peeche peeche aa raha tha.

Supriya ne wahan pahuchte hi darwaze par halke se knock kiya aur darwaza khol diya. Unki kismat achi thi ki Principal sir wahin andar hi baithe they.

Pranav jaldi se peeche se aaya aur zor se bola - Aap aise andar nahi jaa sakti… maine bola na aapko…

Supriya ne use gusse mein ghoora - Mujhe bas paanch minute chahiye… itna samay toh woh nikaal hi sakte hain na…

Un dono ke beech behas shuru ho gayi thi aur unke aas paas log ikkahatta hone shuru ho gaye they. Ye dekh kar Principal bhi khada ho kar bahar ki aur aa gaya.

Principal - Pranav ye sab kya chal raha hai…

Pranav - Sir… main inhe kabse samjha raha hoon ki woh aapke office mein aise nahi jaa sakti aur ye mujhse bekar hi behas kar rahi hai…

Supriya ne principal sir ki aur dekhte hue kaha - Sir mujhe bas aapke 5 minute chahiye…

Principal ka chhehra kafi serious tha - Kis kaam ke liye…

Pranav - Sir koi kaam waam nahi hai… late admission case hai… aur seat bhi toh full hai… maine mana kar diya hai...

Principal ne Supriya ki taraf dekhte hue narmi se kaha  - Dekhiye... college ka session shuru ho chuka hai... aap agle saal admission ka form bhar sakti hai…

Par Supriya haar maane ke mood mein nahi thi - Sir please aap ek baar iski marksheet toh dekhiye… bohot hi medhaavi ladki hai… badi mushkil se iske Abbu ko manaya hai, agar is saal iska admission nahi hua toh fir shayad ye kabhi college na jaa paaye…

Principal ne dono ki aur dekha. Hina ki shakal toh rone wali ho gayi thi, aur gusse aur jhunjhulat mein Supriya ke gaal tamatar ki tarah laal ho chuke they. Usne situation ko samajhte hue kaha - Theek hai aap aaiye mere office mein…

Pranav peeche se bola - Par sir…

Principal - Pranav koi nahi… mujhe handle karne do…

Supriya ne andar jaate hue peeche mud kar Pranav ko ghoor kar dekha. Is aadmi ki wajah se itna tamasha ho gaya tha aaj.

Andar pahuch kar principal ne Supriya aur Hina ko baithne ke liye kaha. Supriya ne baithte hi principal ko Hina ki marksheet di aur principal use dekhte hue Hina se kuch sawaal karne laga. Supriya ne halke se Hina ki peeth par haath rakh kar use hausla diya aur fir dheere dheere Hina ki aawaz bahar nikalne lagi.

Kuch der sawal jawab ke baad Principal ke chhehre par ek muskaan aa gayi thi - Very good… aap toh bohot hi hoshiyaar ladki hai... shayad scholarship layak bhi… aap itna kyu ghabra rahi thi…

Hina - Bas woh bahar jo kuch hua usse…

Principal ne Supriya ki aur dekhte hue kaha - Par aapki behen…. ya dost… woh fight kar rahi thi na aapke liye…

Hina - Jee…

Hina shayad unhe tokna nahi chahti thi ki Supriya darasal uski chachi thi.

Principal - Waise toh main beech session mein late admission nahi leta hu, aur class bhi poori bhari hui hai… par aapki pariwarik stithti ko samajhte hue main aapka admission manjoor kar deta hu…

Supriya aur Hina dono hi ekdam se bohot khush ho gayi - Thank you Sir!! Bohot bohot shukriya...

Principal - No problem... mujhe yakin hai ki aap hamare college ki shaan badayengi... 

Hina ke chhehre ki muskurahat bohot jyada bad gayi thi.

Principal ne fir Supriya ki aur dekha - Aur aap Miss… aapko admission nahi chahiye…

Supriya muskurate hue boli - Nahi Sir… main shayad lagti chhoti hu par maine toh kabka college passout kar liya tha… 

Principal haste hue - Woh toh maine aapke bolne ke andaaz se hi samajh gaya tha. Aap kafi padi likhi lagti hai… kafi confidence bhi hai aap mein...

Apni tareef se Supriya ke gaal sharam se laal ho rahe they, use apni padai ke baare mein jaise sab yaad aane laga - Thank you sir... haan meine B.Com kiya hua hai... aur CA bhi aadha paas kiya hua hai...

Principal - Very good... Aapne kabhi padane ke baare mein socha hai?

Supriya sochte hue boli - Nahi sir.... socha toh nahi... par kyu?

Principal - Aap jaisi confident educated young lady yahan ke students ke liye kafi achi role model ban sakti hain… waise bhi hume yahan Amroha mein ache shikshako ki hamesha kami hi rehti hai... aap agar yahan assistant teacher banna chahe toh main is baare mein soch sakta hu…

Supriya unki baat sunkar ek pal ke liye excited si ho gayi par use shayad apni filhaal ki jindagi ki haqeeqat pata thi - Shayad abhi toh nahi... par main sochungi is baare mein… aapka bohot bohot dhanyavaad ki aapne mujhe is layak samjha...

Principal muskurata hua boli- Main bhi ek teacher hu… ek ache student ko bohot jaldi pehchaan leta hu… anyway aap soch kar mujhe kabhi bhi bata sakti hai… aap ye note Pranav ko de de… aur admission ka baaki sab kaam woh sambhal lega…

Pranav ka naam sunkar Supriya hichkichate hue boli - Sir… Pranav… koi aur nahi kar sakta kya ye kaam?

Principal - Pranav se koi problem? Acha bahar jo hua... woh toh bas apna kaam hi kar raha tha na… thoda ajeeb hai, par waise bohot hi acha ladka hai. Uski aadat hai rules ko ekdam ache se follow karne ki… anushashan bhi toh jaroori hota hai na…

Supriya ne halke se sir hilaya - Jee…

Hina aur Supriya principal sir ko fir se thank you bol kar kamre se bahar nikal gaye. Abhi toh unhe ek baar fir us Pranav ka saamna karna tha. Supriya apna mann maarte hue fir se uske office ki taraf gayi.

Wahan pahuchne tak Supriya ke chhehre ki muskaan gayab ho gayi thi. Pranav ne bhi unhe aate dekh apna muh doosri aur kar liya tha.

Supriya ne paas aakar rookhi aawaz mein kaha - Suniye… ye principal sir ne aapke liye diya hai…

Pranav ne unke haath se kagaz liya aur use padne laga. Jo kuch likha tha shayad use acha toh nahi laga tha par woh bhi shayad vivash tha ab. Usne ek form nikaal kar Supriya ke saamne kiya - Ye form bhar dijiye... aur hazar rupay admission fee bhar dijiye...

Fee sunkar Hina ek dam se bol padi - Hazar rupay!!!

Supriya ne use chup karaya - Shhhh... tu kyu pareshaan hoti hai... main dekh lungi na...

Supriya ne form bharna shuru kiya. Usne kal hi college ki website par saari fee waigera dekh li thi aur Iqbal se kuch paise apne paas rakh liye they. Pata nahi Iqbal paiso ka intezaam kahan se karta tha, par ab tak usne Supriya ko ek baar bhi kisi cheez ke liye na nahi kiya tha. Un dono ne Rubina aur Abbas ko college ke paiso ke baare mein batana sahi nahi samjha, kahin woh paiso ka naam sunkar uski padai na rok de.

Supriya ne jaldi se form bhar karke Pranav ke aur sarkaya aur saath hi admission fee ke paise bhi. Is beech Hina ke phone par Iqbal ka phone call aane laga toh woh office se bahar ho kar Iqbal se baat karne lag gayi. Supriya bas chhup chaap counter ke saamne gusse mein haath par haath rakh kar khadi thi.

Pranav bhi chup chaap form check kar raha tha. Usne thodi der baad kaha - Documents dijiye...

Supriya ne documents uske aage bada diye.

Pranav ne uski aur dekha - Photocopy?

Supriya - Wahan gaanv mein koi photocopy machine nahi hai... woh aapke peeche machine hai na... aap nikal lo usme photocopy...

Pranav bolne ko hi hua tha ki ye rules ke khilaaf hai par use upar Supriya ka tamtamaya hua sa chhehra dikhayi diya. Use ye job karte hue abhi ek saal hi hua tha, par woh apna kaam poori nishtha se karta tha. Par ab agar woh is aurat ko bahar jaakar photocopy karwane ke liye bologe toh kahin woh fir se tamasha na bana de.

Usne gehri saans li aur photocopy machine ke paas jakar documents ki copy banane laga. Use ye karte dekh Supriya ke chhehre ki shikan thodi kam hui thi, use laga nahi tha ki ye itni aasani se is kaam ke liye maan jayega. 

Use apne college ke din yaad aa gaye jahan college ke office ke log students ko is kaam ke liye bahar daudate they. Tab uske dost uski mohakta ko aage karke un logo se kaam nikalwate they. Tab kitni buddhu thi na woh, shayad bilkul Hina ki tarah.

Photocopy karne ke baad Pranav wapas apni seat par aakar baith gaya. Supriya abhi bhi chhup khadi thi, aur bareeki se Pranav ko kaam karta dekh rahi thi.

Pranav ne chhupi ko todte hue achanak se kaha - Aap sach mein Hina ki chachi ho?

Supriya uska sawaal sun kar chhaunk gayi - Kya???

Pranav ne office ke bahar phone par baat kar rahi Hina ki taraf ishaara kiya - Woh ladki, Hina hi naam bhara hai na uska aapne form par, aap uski chachi ho? Woh aapko chachi bula rahi thi na...

Supriya ki tyyori chhadd gayi - Aapko kya lena dena usse?

Pranav neeche dekhte hue dheere se haste hue badbadaya - Kuch nahi.... bas pehli baar baal vivah ka case dekh raha hoon shayad... ya aapki twacha se aapki umar ka pata nahi chalta...

Uski baat sunkar Supriya ke andar gussa fir se bad gaya, iski itni himmat, pata nahi ye aise kaise bol sakta tha. Abhi jakar principal se iski complaint karti hoon.

Par tabhi Pranav ne form ka ek tukda stamp karke use wapas diya - Ye lijiye ho gaya Hina ji ka admission... Bcom mein.... ye kitabo ki list hai jo course mein hai. Yahan se thodi door hi ek purani kitabo ki dukan hai, main uska address likh deta hoon... aap wahan se le le...

Supriya bhadakte hue boli - Aapko lagta hai hum log nayi kitaabe nahi khareed sakte?

Pranav ne hairaan hote hue upar dekha - Maine aisa kab kaha... par agar purani kitaabe sasti mil jayengi toh woh nahi leni chahiye... main toh wohi hi khareedta... aap har baat mein ladna kyu chahti hai...

Supriya ne uske haath se form aur kitaabo ki list kheechi aur sir jhatakte hue office se bahar nikal gayi. Woh is aadmi se aur behas nahi kar sakti thi. 

Supriya ne Hina ki aur dekha, jaise pooch rahi ho ki aur kitni phone par baat karegi. Hina ne jaldi se phone call cut kiya.

Supriya - Kisse baat kar rahi thi?

Hina - Pehle Chachu se, fir Ammi se, aur fir Naaz se...

Supriya apna sir hilate hue chalti rahi, kya kare woh is ladki ka. Ab use Rubina ki jhunjhulahat samajh aa rahi thi. Woh dono chalte chalte bahar ki aur aa gaye. Iqbal wahin motorcycle ke paas khada tha. Un dono ko aata dekh uske chhehre par ek muskurahat aa gayi.

Hina bhi khush hoti hui apne chachu ke paas pahuchi - Chachu.... ho gaya mera admission... maine aapko bataya na phone par... Chachi ne kaise us aadmi ko hadka diya tha, aur fir principal se baat karke admission karwa diya.

Iqbal muskurata hua bola - Haan... tune phone par sab bata toh diya tha... par fir bata de...

Hina fir se poori kahani sunane lag gayi aur Supriya wahan khadi has rahi thi. Iqbal use haste hue uski aur dekh raha tha, aur Supriya ne apna chhehra use chhupane ke liye doosri side kar diya. Kya kamaal lag rahi thi uski madamji.



Kuch der baad Supriya ne Hina ki baat beech mein rokte hue kaha - Chalo abhi ye kitabe bhi leni hai... fir ghar bhi chalna hai... tumhare Chachu ko kaam par bhi toh jaana hai...

Pata nahi kyu woh Iqbal ka naam bhi le paa rahi thi Hina ke saamne.

Iqbal - Jee... bataiye kahan chalna hai kitabe lene...

Supriya ne Pranav ka diya hua kagaz khola. Kitabo ki ek lambi list thi, har kitaab kam se kam 300-400 rupay ki toh padegi. Bohot saare paise kharch ho jayenge. Side mein hi ek address likha hua tha, shayad us second hand kitaabo ki dukaan ka.

Supriya ne kuch pal socha aur fir woh address Iqbal ke saamne kar diya - Yahan jaana hai hume...

Iqbal - Haan chaliye na... main raasta pooch leta hoon kise se...

Supriya ne Hina ki aur dekha - Is baar main beech mein nahi baithne wali...

Hina ne Supriya ko mazak mein halki si takkar di - Kyu? Aate waqt toh bade itminaan se sote hue aayi thi aap... fir se wohi maza le lo na...

Supriya ne Hina ka kaan pakad liya - Badi zubaan khul rahi hai aaj tumhari... main toh sabse aage bhi baith kar is bike ko chali sakti hu..

Hina - Ahhh... haan toh sahi hai na... fir chachu ko aapke peeche hi bithayungi... kya pata aapko aur bhi acha lage...

Supriya ke gaal sharam se buri tarah laal ho gaye they. Aaj shayad khushi ke maare woh kuch jyada hi bol rahi thi. Ya fir apni Ammi se shayad bahut kuch seekh gayi thi ye ladki.

Is beech Iqbal bike par baith kar use shuru kar chuka tha. Supriya jaldi se uske peeche baithi aur Hina Supriya ke. Hina ne apna ek haath Supriya ke haath par rakha. Iqbal raasta poochte poochte paas hi ki us dukaan tak pahucha. Abhi shayad thodi der pehle hi dukaan khuli thi aur koi bhi grahak nahi tha.

Wahan kafi kitaabe toh ek dher mein hi bahar footpath par rakhi hui thi. Supriya aur Hina aaram se baith kar kitaabe chhatne lage. Kuch kitaabe bahar mil gayi aur kuch andar. Aakhir mein ek kitaab chhod kar baaki sab mil hi gayi




Dukaandar ne jab kitabo ka total kiya toh pore 1100 ka total tha. Iqbal apni jeb se paise nikaal gin raha tha. Hina toh abhi bhi kitaabe dekhne mein hi vyast thi, par Supriya ki nazre Iqbal par tiki thi. Woh kis tarah se ek ek note ko gin raha tha, shayad poore 1100 toh nahi ban rahe they.

Iqbal Supriya se dheere se bola - Madamji mere paas toh abhi sirf hazar rupay hi hai... koi kitaab chhod de kya... baad mein aakar le jayenge...

Apni purani jindagi mein Supriya ko is tarah se paiso ki tangi ka andaaza bhi nahi tha. Bachpan se usne toh jis cheez par haath rakha tha use uske maa baap ne dilaya tha, aur Atul se shaadi ke baad bhi kuch khareedne se pehle socha nahi.

Supriya ne socha ki shayad use yahan aapna mohakta aur madhur aawaz ka istemaal karna pade - Aap mujhe paise do, main baat karti hu...

Supriya bill lekar dukandaar ki aur gayi - Uncle... uncle... suniye...

Uncle - Jee beta... boliye...

Supriya ne apni aawaz ko ekdam naram banaya - Uncle... aap please ye 1100 ki books aap 800 mein final kar dijiye na...

Uncle - Nahi betaji... itna margin nahi hota... hum toh waise bhi saste mein hi bech rahe hai...

Supriya ne apni badi badi aankhon se uncle ki aur pyaar se dekha - Please uncle... thoda toh adjust kijiye na... waise bhi abhi toh college ka session bhi shuru ho chuka hai toh itne bachhe nahi aate honge...

Uncle ka dil paseej raha tha - Aree beti... chkkkk... chalo aap itna bol rahe ho toh theek hai 1000 de do..

Supriya abhi bhi mol bhav kar rahi thi - 950 mein done karte hai na... abhi toh first year ki books hai... baaki saalo ki bhi aapki hi dukaan se leni hai na...

Uncle ne muh banate hue hai - Aap bhi na bohot ziddi ho... chaliye theek hai boni ka time hai... aap 950 de do...

Supriya ke chhehre par ek badi si muskaan aa gayi - Thank you uncle ji!!!

Uncle ne kitabe ek polythin ki bag mein daali aur woh use lekar bahar aa gayi. Usne wapas 50 rupay ka note Iqbal ke haath mein thamaya - Ye lijiye...

Iqbal ye dekh kar hairaan sa ho gaya - Aree ye kaise kar diya madamji aapne...

Supriya muskurate hue boli - Bas... ladkiyon ka kamal hota hai... aap nahi samjhenge...

Iqbal - Ye baat toh sach hai aapki... main nahi samjhunga...

Supriya ek dam chhup ho gayi aur woh aur Iqbal ek doosre ke paas hi khade they. Unhe shayad samajh nahi aa raha tha woh ek doosre se kya bole. Tabhi Hina bhi dukaan se bahar aa gayi.

Hina - Woh ek kitaab nahi mili....

Supriya - Mil jayegi... itna pareshaan kyu ho rahi hai...

Hina - Hmmm... aree woh dekho wahan... samose jalebi.... aur woh bhi abhi abhi tal ke nikaale hai... Chachu woh khaate hai na...

Isse pehle Iqbal kuch bolta, Supriya bol padi - Nahi nahi... bahar ka khaana nahi... ghar chalkar khayenge...

Hina ne udaas hote hue Iqbal ki aur dekha - Roz roz toh nahi aate na yahan... aur fir kal se toh bas ghar se college aur college se ghar hi hoga na... aap dono bhi saath hai aaj...

Iqbal haste hue bola - Chal... khilata hoon...

Supriya ne bolne ki koshish kari - Par....

Par Iqbal ne use chhup kara diya -  Aap pareshaan na ho... aaiye na...

Woh teeno saamne ki dukaan ki chal diye. Iqbal ne jaldi se 2 plate samose aur jalebi ka order de diya, aur jald hi woh unhe mil bhi gaya. Hina plate utha kar jaldi se samosa khaane lagi.

Hina - Bohot garam hai... bilkul aapki tarah Chachi...

Supriya muskurayi, iski shararat toh khatam hi nahi ho rahi thi aaj. Iqbal ne doosri plate Supriya ko pakda toh di thi par woh khaa nahi rahi thi. Iqbal ne un dono ke liye toh khaana le liya tha par apne liye nahi.

Iqbal ne halke se kaha - Khaiye na... ruki hui kyu hai...

Supriya hichkichate hue boli - Aap bhi khaa lijiye na... isi plate mein...

Iqbal ne haath se na ka ishaara karte hue kaha - Nahi nahi... aap khaiye... mujhe bhook nahi...

Hina - Khaa lijiye na Chachu.... ek plate mein khaane se pyaar badta hai...

Supriya ne apne ungliyon se samose ko do hisse mein toda aur ek hissa Iqbal ki aur bada diya - Lijiye...

Iqbal ne Supriya ki aur dekhte hue samose ko pakad liya, aur plate mein rakhi chatni se samose ko lagate hue khaane laga. Supriya bhi usi chatni mein apna samosa laga rahi thi. Waise toh kuch bhi nahi tha isme, par kitna ajeeb sa lag raha tha. 

Kuch der baad teeno aise hi jalebi bhi khaane lage. Iqbal dheere dheere aur bhi sahaj ho kar unke saath aaram se khaa raha tha. Na jaane kyu Supriya sochne lagi ki shayad kabhi usne is tarah se Atul ke saath bahar ek hi plate mein kabhi nahi khaaya tha. Atul ko is tarah sadak par khade ho kar khaana bhi acha nahi lagta tha. Usne turant hi in khayalo ko apne dimaag se nikaala, pata nahi woh kya kya sochne lag jaati thi.

Khaane ke baad, Supriya plate faikne thoda andar ki aur gayi, aur tabhi uski nazar wahan dukaan ke andar ek guchhe mein tang rahi ankhbaar ki katrone par padi. Shayad unme chota mota samaan parosa jaata tha. Par is akhbaar ki katran par uski photo kyu nazar aa rahi thi?

Supriya ne jaldi se us kagaz ke tukde ko gucche se toda aur apne haath mein daba liya. Bahar aate hue usne jaldi se kagaz par ek jhalak maari.

Is berang akhbar mein kisi ne uske gumshuda hone ka ad daala tha. Ye uski passport size photo thi, shayad jo usne ek baar Lucknow mein khichwayi thi. Photo ke neeche likha tha - sampark kare - Atul Sharma - aur uske neeche Lucknow, Gwalior aur Jhansi teeno gharo ka pata tha, saath hi uska phone number bhi tha.

Iqbal ko paas aata dekh, Supriya ne fir se kagaz ko apni mutthi mein daba liya. Supriya ka dil tez tez dhadak raha tha. Pata nahi ye kitne pehle ka akhbaar tha? Kya Atul use sach mein dhoond raha tha???

[Ayush01111]

Supriya ke pass abbi bhi samay hai jo 1000 ki kitab nahi aford kar sakta vo yaha kya kar raha hai jaldi se isko apne maa baap ke pass ja kar atmhatya kar leni chaiye atul jaise pati ki ge durdasha bichara uska to koi dosh hi nahi hai

[qazmlp]

Compelling story, I am hooked...It seems sexypreeti's words have really fired you up to make this a standout classic.
All the Best Sriya !!!!

[Rizzi1198]

Awsome update maza a gya fantastic

[tappuahmed]

Bhai Sriya2, 

To keep the story truly interesting (after that Iqbal debacle earlier), make Supriya "cheat" on Iqbal. Iqbal's personality is like Atul, nice guy. Supriya is a sl*t who enjoys sleeping behind the back. This core personality trait would keep it interesting. Make her have an affair with Pranav. It will add the religion seduction angle too!

[Sriya2]

Bhai Sriya2, 

To keep the story truly interesting (after that Iqbal debacle earlier), make Supriya "cheat" on Iqbal. Iqbal's personality is like Atul, nice guy. Supriya is a sl*t who enjoys sleeping behind the back. This core personality trait would keep it interesting. Make her have an affair with Pranav. It will add the religion seduction angle too!

I dont see it as a debacle, I think it opened up the story nicely. I have been able to frequent references to it.

[sexypreeti]

Brilliant, just superb 

And thanks for such a quick update 

[sushilt20]

Superb update And awesome story

[tappuahmed]

I dont see it as a debacle, I think it opened up the story nicely. I have been able to frequent references to it.

I completely agree! My point is to keep story and character consistent, it would be good to see Supriya now having affair with Pranav while Iqbal get the KLPD like Atul. This will show the depths of adulterous and sexy scene.

[Morbius]

Thanks for all the update
Kahani jaha se suru Hui thi lagta hai wahi pohoch rahi hai Supriya apni nayi zindagi ji Rahi hai jo uski pichli zindagi se kahi aalag hai ek middle class Life wala pyar dekh liya ek ameero wala pyar dekh liya ab gaon wala pyar dekh rahi hai new character intresting hai
Also kuch kuch jagah pe Principal ka gender galat hai like Karta hai ki jagah karti hai
Acha laga thoda udhar ke baare mai bhi bataya iss update mai ki atul apni biwi ko khoj raha hai sayad wo bhi utni hi takleef mai ya zayada last encounter mai to usse pit te hue dekha tha aur last conversation se aisa laga tha ki wo full try kar raha tha apne sir supriya ke beech mai sab theek karne ka but jaab ye sab pata chalega usse tab wo kya Karega
Kya Supriya ko iqbaal ka pyar smjh aayega aur kya wo iss nayi life mai rahegi ya purani life mai wapas jayegi
Jan ne mai maza aayega

Diwali aa rahi hai so writer maybe busy so be patient readers and Happy Diwali in advance
Enjoy

[sushilt20]

Waiting for update

[Salma Khan]

Shaandaar update, Supriya Vikram ko aise kaise bhool sakti hai na to uske bare me pata kar rahi hai na hi Vikram pe gusaa hai, jabki Rahul se bahut gussa thi ishi baat pe

[Sriya2]

Update 90

Pichle ek ded mahine se woh din Atul ke jehan mein ghoome jaa raha tha. Jo uske liye bas ek normal sa din hona chahiye tha, jahan woh office ka kaam karta, aur apne ghar chala jaata, us din uski jindagi poori ulat pulat ho gayi thi.

Woh baitha hua kaam hi kar raha tha ki achanak ek bhaari sa haath aakar uske kandhe par laga - Atul Sharma!!! 

Atul ne peeche palat kar dekha, chaar paanch hatte katte log office mein ghus aaye they aur security guard sehma hua sa unke thoda peeche tha.

Atul ne unhe hairaani se dekhte hue poocha - Yes, kahiye?

Aadmi - Is waqt tumhari biwi kahan hai?

Atul ko unki baatein bahut hi atpati si lag rahi thi, woh uski biwi ke baare mein kyu pooch rahe they. Woh they kaun? Office ke baaki log bhi khade ho kar Atul ki taraf aane lage they.

Atul ne pareshaan hote hue idhar udhar dekha - Sorry... aap kaun ho...

Aadmi - Teri biwi ke yaar hai hum...

Atul ye sunkar thoda bhadak sa gaya - Ye kya bakwaas kar rahe ho... kya gunda gardi hai ye...

Aadmi - Gunda gurdi toh tune abhi dekhi nahi hai... teri biwi kahan hai ye poocha hai abhi toh bas... 

Atul ne jhunjhulate hue kaha - Ghar par hogi aur kahan...

Aadmi ne sir hilate hue kaha - Wahan toh nahi hai... chal apni biwi ko call laga aur pooch woh kahan hai...

Disha apna desk chhod kar Atul ke thoda paas pahuch gayi thi. Pichle 4-5 saalo se Vikram ke saath kaam karke woh inhe 2-3 baar toh dekh hi chuki thi. Par use bhi in logo se kafi darr sa lagta tha.

Atul Supriya ko call karne ki koshish kar raha tha par uska phone band aa raha tha. Usne fir se try kiya, uske mann mein ek ghabrahat si shuru ho gayi thi. Supriya theek toh thi na?

Atul ne pareshaan hote hue us aadmi ko dekha - Uska phone nahi lag raha hai...

Aadmi - Theek hai... chal tu fir hamare saath...

Us aadmi ne Atul ka collar pakadte hue apne saath ghaseetna shuru kiya. Kuch log Atul ki madad ke liye aage bhi bade par un gundo ne unhe side kar diya. Disha aur baaki kuch log unke peeche peeche neeche ki aur aa gaye.

Atul ko toh us samay andaaza bhi nahi tha ki is samay uski poori jindagi badal rahi thi.

Do log Atul ko pakde hue building se bahar lekar aaye aur ek gaadi ki taraf le jaane lage. Atul buri tarah ghabra chuka tha, use nahi pata tha ye log uske saath kya karne wale they.

Achanak se kuch shor sa hua aur un logo ne kuch door khadi ek gaadi ki taraf ishaara kiya aur kuch logo ne uski taraf bhaagna shuru kiya. Par Atul ko abhi bhi do logo ne pakad rakha tha aur woh use ek gaadi mein daalte hue apne saath le chale.

Ek aadmi Atul ke saath gaadi ki pichli seat par tha aur doosra gaadi chala raha tha. Is samay Atul ki sochne samajhne ki shamta khatam si ho gayi thi. Woh kuch poochne ki himmat bhi nahi kar paa raha tha. 

Thodi der baad gaadi ek jagah aakar ruki aur un logo ne Atul ko neeche utara. Atul ne aas paas dekha. Ye thodi jaani pehchani si jagah lag rahi thi. Ye koi farmhouse sa tha jahan woh pehle aaya tha. Haan, ye toh wohi farmhouse that jahan… jahan us raat… uski bank ki naukri chali gayi thi. Ye toh Vikram sir ka hi farmhouse tha shayad.

Woh log Atul ko dhakka dete hue andar ek kamre mein le aaye. 

Atul ne himmat karke poocha - Mujhe yahan kyu laaye ho… maine kuch nahi kiya hai…

Us aadmi ne uski baat ko ansuna karte hue use ek kagaz pen thamaya - Is par woh saare address aur naam likh jahan teri biwi jaa sakti hai…

Atul ko samajh aane laga tha ki woh log Supriya ko dhoond rahe they, par woh use yahan kyu lekar aaye they. Ye toh Vikram sir ka hi farmhouse tha. Aisa kya ho gaya tha?

Atul - Kya hua hai? Tum kyu dhoond rahe ho meri biwi ko… kiske kehne par mujhe yahan laaye ho…

Aadmi ne Atul ko kagaz ki taraf ishaara kiya - Jaldi se address likh… time nahi hai jyada… jaldi se shuru ho jaa nahi toh hame shuru hona padega…   

Woh dono log uske aas paas hi mandra rahe they. Ab tak un logo ne use maara peeta toh nahi tha, par Atul ne unki shakal dekh kar unhe aur jyada intezaar karwana theek nahi samjha. Usne apne Gwalior ke ghar ka aur Supriya ke ghar ka address likhna shuru kiya.

Is beech use saath wale kamre se ek aadmi aur aurat ki ladai ki aawaz aane lagi. Woh dono ek doosre par buri tarah cheekh rahe they. Aadmi ki aawaz kuch jaani pehchaani si thi.

Use saare shabd saaf toh sunayi nahi de rahe they par woh aurat kafi bhadki hui thi aur baar baar angrezi mein gaaliyan de rahi thi. Aadmi ki aawaz kabhi gayab ho jaati aur kabhi woh us aurat par chillane lagta.

Atul ne address likh kar apne saath khade aadmi ki aur dekha.

Aadmi - Aur koi dost yaar teri biwi ka? Sabke naam pata likh yahan…

Atul - Nahi… aur toh koi nahi… 

Aadmi - Soch soch… kiske saath bhaag sakti hai teri biwi?

Atul bhadakte hue bola - Supriya kyu bhagegi kisi ke saath… 

Aadmi haste hue bola - Shayad tu khush nahi rakh paata hoga na apni chinaar biwi ko.. isliye bhaag gayi woh… chal ab har woh naam aur phone number likh jisse teri biwi ya tu baat karte ho…

Atul ko uski baaton par bohot tez gussa aa raha tha par woh is samay in logo ke aage bebas tha. Un logo ne use lagbhag ek ghanta bithaye rakha aur use Supriya ke office ke jin logo ke naam pata they woh likhta gaya.

Saath wale kamre abhi bhi cheekhne chillane ki aawaz aa rahi thi par ab thodi mandi ho gayi thi. Atul apne dimaag par zor daalte daalte thak gaya tha. Un logo ne uske phone ke saare contacts usse kagaz par likhwa liye they. 

Lagbhag ek ghante baad ek aadmi kamre mein ghusa jise dekh baaki dono log bhi tan ka khade ho gaye, jaise woh unka leader ho.

Aadmi - Aslam bhai… mili kya woh…

Aslam - Abhi toh nahi… par mil jayegi… gaadi bus adde ke paas chhodi hai toh kisi bus mein hi chadhe honge. Isne diya jo isse maanga tha?

Aadmi - Haan… ye hai sab…

Aslam kagaz ko dekhte hue bola - Hmmm… isko jaane do…

Aadmi - Jaane de? Abhi toh iski kutai bhi nahi ki hai…

Aslam ne use ghoor kar dekha - Memsaab ne bola hai…

Aadmi - Oh acha… chal bhai khada ho… ja tu…

Atul ko yakin nahi ho raha tha woh use jaane de rahe they. Woh dheere dheere khada hua aur bahar ki aur jaane de.

Par peeche se Aslam ne use aawaz lagayi - Sun… mera number le le… agar teri biwi ka phone aaye toh sabse pehle mujhe call karke bataiyo… samjha…

Atul ne mudte hue haan mein sir hilaya aur Aslam ke aadmi ne uske haath mein Aslam ka number thama diya. Atul ab jaldi se kamre se bahar nikla. Isse pehle ye log apna mann badal le woh yahan se nikalna chahta tha.

Woh bahar aaya hi tha ki use hallway mein Vikram sir khade dikhayi diye. Woh kafi jyada serious nazar aa rahe they. Shayad wohi toh they barabar wale kamre mein.

Atul unki taraf bada - Sir… ye sab kya… ye log Supriya ko kyu dhoond rahe hai… kya hua hai sir?

Vikram - Atul… I don’t know how to say this but… Supriya ne meri company se kaafi bada fraud kiya hai…

Atul ko apne kaano par yakin nahi hua - KYA???

Vikram - I didn’t want to believe it either… but yehi sach hai… usne meri company se laakho rupay ki chori ki hai aur ab woh absconding hai…

Atul buri tarah shock mein tha - Sir par use toh woh naukri chhode hue kayi hafte ho chuke hai… 

Vikram ke maathe ki tyoriyaan chaddh gayi thi - Yeah I know… we are still investigating but usne shayad ye company chhodne se pehle kiya tha… I can’t share all the details with you right now… 

Atul - Sir…

Vikram - Look I am sorry you had to go through this today… ye log Supriya ko dhoond rahe they… Supriya ke against abhi ek FIR bhi darz ho rahi hai…

Atul - Sir… main maan hi nahi sakta ki Supriya kuch aisa kar sakti hai… jaroor koi galat fehmi hui hai…

Vikram - Look I can’t… I also have to inform you ki tumhe immediately terminate kiya jaa raha hai… so kal se kaam par mat aana…

Vikram ye bolkar mud kar doosri aur chala gaya. Atul wahan nishabd khada use jaate dekh raha tha. Aaj hi aaj mein pata nahi kya kya hota jaa raha tha.

Kuch second baad usne apne aap ko sambhala aur bahar ki aur nikla. Uske mann mein kayi sawal aur khayal chal rahe they. Ye sab koi bura sapna toh nahi tha? Supriya kya sach mein fraud karke gayab thi? Ya ye sab koi mazak tha aur use ghar jakar woh wahin milegi. Woh abhi sabse pehle kisse baat kare is sab ke baare mein?

Woh building se bahar aaya hi tha ki kisi ladki ne uska naam pukara - Atul!!!

Atul ne apni nazre utha kar dekha toh saamne Disha thi - Disha… tum yahan…

Disha - Haan… maine Vikram ko call kiya tha office mein jo hua woh batane ke liye toh pata chala ki woh tumhe yahan lekar gaye hai…

Atul ko kam se kam se wahan koi toh mil gaya tha apne mann ki baat share karne ke kiye - Disha… Vikram sir keh rahe they ki… Supriya fraud karke… mujhe toh kuch samajh nahi aa raha…

Disha - Atul hame yahan se jaldi se nikalna chahiye… ghar chal kar baat karte hai…

Atul buri tarah khoya hua sa tha aur Disha uska haath pakadte hue usne apne saath le chali. Usne ek auto wale ko roka hua tha aur woh dono us auto mein baith kar wahan se nikal gaye.

Atul abhi bhi sab kuch apne dimaag mein process karne ki koshish kar raha tha. Jaroor koi galatfehmi hi hui hogi. Uske aur Disha ke beech raaste bhar koi baat nahi hui aur thodi der baad auto Atul ke ghar ki building ke aage ruka.

Disha ne auto wale ko paise diye aur woh dono auto se utar gaye. Woh log building ki taraf bade they ki security guard Atul ko dekhte hue uski aur aaya.

Guard - Saab ji… kuch log aaye they… jabardasti andar ghus gaye aur aapke ghar ka taala tod diya… main aapko phone bhi laga raha tha…

Atul - Haan.. main dekhta hoon…

Atul aur Disha upar uske flat tak pahuche. Uske ghar ka darwaza khula hua tha aur and andar ghuste hi unhone dekha ki ghar ka furniture aur samaan idhar udhar ho rakha tha.

Atul saare kamro mein jakar dekhne laga, shayad ek dabi hui umeed se ki kahin use Supriya mil jaye. Par woh kahin nahi thi. Uske bedroom ki table par Supriya ka mangalsutra rakha hua tha. Ye wahan kyu tha? 

Atul kamre se bahar nikla, Disha drawing room mein khadi thi. Atul ne socha ki shayad use baithne ke liye bolna chahiye par uska dimaag hi kaam nahi kar raha tha.

Atul - Disha… Supriya ghar par nahi hai.. uska phone bhi band pada hai… kal raat hamari kafi behas hui thi…

Disha - Atul tum baitho.. main paani laati hu…

Atul sofe par sahara leta hua us par baith gaya. Disha kuch hi pal baad uske liye paani ka ek glass le aayi.

Atul - Kuch samajh nahi aa raha kya karu… Vikram sir bol rahe they woh FIR darz karwa rahe hai… Supriya aisa kaise kar sakti hai…

Disha - Aur kuch bataya Vikram ne?

Atul - Bas yehi ki Supriya paise chura ke gayab hai… aur mujhe naukri se nikaal diya…

Disha - Hmmm… naukri se jyada pehle Supriya ka milna jaroori hai…

Atul - Haan… tum sahi keh rahi ho… par kuch samajh nahi aa raha kya karu?

Disha - Supriya wahan office ke bahar ek gaadi mein aayi thi… 

Atul chaunkte hue bola - Kya? Kab?

Disha - Jab woh log tumhe pakde hue neeche laaye they…

Atul - Kya keh rahi thi Supriya? Kiske saath thi woh?

Disha - Woh log ek dam se Supriya ke peeche bhaagne lage toh meri usse baat nahi ho paayi… par haan us gaadi ko koi aadmi chala raha tha…

Atul - Kaun tha woh aadmi? Kaisi gaadi thi woh?

Disha - Aadmi ko toh main sahi se dekh nahi paayi par gaadi ek purani si safed Maruti 800 thi… jo kafi common si gaadi hai…

Atul sochne laga, waise toh ye car kafi common thi, par usne ek safed Maruti 800 yahan is building mein kayi baar neeche khadi dekhi thi. Kya yahan building mein hi kisi ke saath Supriya ka chakkar chal raha tha?

Disha - Atul… tumhe Supriya ke ghar inform karna chahiye.. aur apne ghar bhi…

Disha jaise Atul - Haan… par main unse kya kahunga? Mujhe khud nahi pata abhi tak kya hua hai?

Disha - Bar batana toh padega na… jitni jaldi tum unhe batayoge utna behtar hoga…

Disha Atul ko uski khoyi hui awastha mein guide sa kar rahi thi. Ye do call karna Atul ke liye aasan nahi tha. Supriya ke ghar par call karte hue hazaro sawal us par baras pade they, jinka jawaab use bhi nahi pata tha. Woh log pehli gaadi se Lucknow aa rahe they.

Apne ghar phone karke bhi yehi haal tha, par thoda sa alag. Uske ghar walo ne phone par hi Supriya ko kosna shuru kar diya tha. Woh log subah ki gaadi se aane wale they. 

Dono call karke Atul sofe par thaka haara baith gaya aur usne apna sir pakad liya. Uske phone par kayi saare message aur logo ke call aane shuru ho gaye they, par woh kisi se baat nahi karna chahta tha. Disha ne paas aakar uske sir par halke se haath rakha.

Atul ki aawaz fat si rahi thi - Sab log… itna pareshaan they… aur main kuch sahi se samjha bhi nahi paaya… kahin Supriya ke gharwale ya na soche ki maine kuch…

Disha - Tum aisa kyu soch rahe ho… tum jitna bata sakte they tumne bata diya… mere khayal se hame thane chalna chahiye aur ek missing person ki report likhwa deni chahiye…

Atul - Hmmm… par Vikram sir… woh bhi toh…

Disha - Unke baare mein mat socho tum ab… tum bas Supriya ko dhoondne ke baare mein socho…

Is musibat ki ghadi mein Disha ka clear mind use hausla sa de raha tha. Atul thane jaane ke liye apne kapde theek karne laga aur apna muh dho kar aaya.

Jaise hi woh dono darwaze ki aur bade, unke ghar par zor se khatkhatane ki aawaz aayi. Atul darwaze ki aur jaldi se bada, uske dil mein zara si aasha jagi ki kya pata bahar Supriya hi ho.

Par bahar vardi pehne hue do officer they. Atul unhe dekhte hi hairaan sa ho gaya - Atul Sharma?

Atul - Jee…

Officer - Hum yahan Supriya Sharma ke case ke silsilay main aaye hai…

Atul - Haanji… hum log aapke paas hi aa rahe they… Supriya ka kuch pata chala?

Officer ne Atul ke sawal ka jawab nahi diya - Hmmm… hame abhi ghar ki talashi leni hai…

Do constable ghar mein ghus gaye aur unhone ghar ki talashi shuru kar di.

Atul - Aap yahan kya dhoond rahe hai… yahan kuch nahi hai… aap bahar Supriya ko dhoondiye na…

Officer - Aap hame na bataye ki hame kya karna hai… aap Iqbal Qureshi ko toh jaante honge… aapki building ka watchman…

Atul - Haan… matlab mujhe pata woh kaun hai.. par is sab ka usse kya lene dena…

Officer - Hame shak hai ki aapki biwi uske saath farar hai…

Atul buri tarah chaunkte hue bola - Kya?!!

Officer - Aapko pata tha un dono ke baare mein?

Atul - Un dono ke baare mein kya?

Officer - Hamne doosre watchman aur building ke kuch logo se poochtach ki hai toh pata chala hai ki aapki biwi Iqbal ke kafi nazdeek thi. Dono saath mein kayi baar bahar ghoomne jaate they… aur woh aapke ghar bhi aata tha…

Atul - Ye kya bakwaas hai… aisa kuch nahi…

Officer - Mr Atul.. ya toh aap is natak mein mile hue hai ya aap duniye ke sabse bewakoof pati hai… jo apni jawan biwi ko kaabu mein nahi rakh sake…

Officer ke teekhe shabd sun kar Disha apne aap ko rok nahi saki - Aap kaise bol sakte hai… aap apna kaam kijiye… aur Supriya ko dhoondiye…

Officer - Woh toh hum dhoond hi lenge… aap dono apna bayan darz karaiye…

Constable kafi der tak ghar mein dhoondta raha par use kuch nahi mila. Is beech officer ne Disha aur Atul ka bayan le liya tha.

Officer - Mr Atul… aap abhi ye shehar chhod kar na jaa sakte… aapko har hafte thane mein aakar haazri lagani hogi…

Kuch der baad officer aur constable wahan se chale gaye they. Aur Atul ka dimaag pehle se bhi jyada ghoom gaya tha. Supriya ke kisso ki list badti jaa rahi thi. Sach mein woh itna bewakoof kaise ho sakta tha ki use ye sab nahi dikha.

Disha wahin uske saath baithi thi. Woh use akele chhod kar jaana nahi chahti thi. Shaam ho chali thi aur logo ki call aani band hi nahi ho rahi thi. Atul sirf Supriya ya apne ghar ke phone uthata baaki kisi ke nahi.

Gharwalo se pata chala ki kuch log unke har rishtedaar ko phone karke Supriya ke baare mein pooch rahe they. Un logo ko bhi woh call aaya tha. Phone par woh log kafi gande se bol rahe they aur unko dhamka rahe they. Atul samajh gaya ki ye log zaroor Vikram sir ke log honge, jo shayad khud bhi Supriya ko dhoondne mein lage they.

Disha ne is beech kuch khane ko bana liya tha par Atul ko zara bhi bhook nahi thi. Har baat jaise Supriya ko lekar hi hoti. Atul sochne laga tha ki kaise Supriya aaj kal itne mehnge mehnge kapde pehenne lagi thi, aur jewellery aur watches bhi. Kayi baar usne socha bhi tha ki woh Supriya se is kharche ke baare mein baat kare, par un dono ke beech tanav use is cheez ka mauka hi nahi deta.

Tabhi Atul ke phone par Rahul ka call aane laga. Atul ye call bhi uthana nahi chahta tha, kyunki use pata tha Rahul kis baare mein call kar raha hai, par Rahul Lucknow mein uske kuch hi dosto mein se tha jo Supriya ko bhi ache se jaanta tha. Kya pata use is sab ke baare mein kuch pata ho.

Phone uthate hi Rahul ki aawaz aayi - Atul! Kuch gadbad hui hai kya?

Atul - Tere paas kuch logo ka call aaya tha Supriya ke baare mein poochne ke liye?

Rahul - Haan... hua kya hai?

Atul use thodi der sab samjhata raha - Rahul, kal shaam ko Supriya Kriti ke ghar gayi thi, tu wahan tha kya? Wahan kuch hua tha kya?

Rahul - Haan... main thodi der ke liye wahan tha... Kriti ki birthday party... par main jaldi nikal gaya tha... bas Kriti aur Supriya hi ghar mein reh gaye they...

Atul - Yaar... pata nahi ye sab kya ho gaya hai... mujhe toh kuch samajh nahi aa raha...

Rahul - Tu fikr mat kar... main udhar aata hoon...

Atul jaanta tha Disha use akela chhod kar nahi jayegi, toh Rahul ke aane se kam se kam woh ek baar apne ghar toh chali jayegi - Haan... tu aaja...

Atul ke phone rakhte hi Disha ko samjhaya ki uska dost Rahul yahan aa raha tha aur woh ab aaram karne ke liye ghar jaa sakti thi. Disha sach mein jaana toh nahi chahti thi par aakhir woh Atul ki request maante hue wahan se nikal gayi.

Uske thodi der baad Rahul bhi wahan pahuch gaya tha aur Atul apni negative thoughts uske saath share karne laga. 

Rahul ko bhi nahi lagta tha ki Supriya ne aisa kuch kiya hoga, par use saaf saaf samajh nahi aa raha tha ki hua kya hoga. Kya Vikram ne Supriya ko guthli ki tarah choos kar side kar diya tha? Jo bhi ho woh Vikram ke khilaaf kuch nahi bolna chahta tha kyunki woh apne aap ko is sabse door hi rakhna chahta tha. Kahin Vikram ne uska haal Atul jaisa kar diya toh?

Atul - Supriya sach mein ek watchman ke saath bhaag gayi? Poori duniya mujh par has rahi hogi is time...

Rahul ne bhi use bhadkane mein koi kami nahi chhodi - Yaar... main kuch bolna toh nahi chahta... par uska character thoda ajeeb toh tha...

Atul ne chaunkte hue poocha - Kaise?

Rahul ka Supriya se badla lene ka samay aa gaya tha - Yaar, main batana nahi chahta tha... par us watchman ke saath toh maine bhi Supriya ko ek-do baar dekha tha... kuch toh ajeeb tha unke beech. Aur yaad hai jab hum log office ke kaam ke liye hum log Thailand gaye they, tab woh wahan aaye ek kaale se kuch jyada hi chipak rahi thi... 

Atul ne sharam se sir jhuka liya - Tune mujhe pehla kyu nahi bataya ye sab...

Rahul - Tu mera dost hai... aur mujhe laga ho sakta hai meri galat fehmi ho... main tum logo ki life disturb nahi karna chahta tha...

Atul - Par bata deta toh shayad aaj ye din nahi aata...

Rahul - Koi nahi yaar... mujhe lagta hai woh log use dhoond hi lenge... par milne ke baad kya hoga... ye nahi pata...

Atul ka muh latak gaya, sach mein agar Supriya mil bhi gayi toh is sabse ubarna toh bohot hi mushkil hoga.

Der raat tak woh aur Rahul is sab ke baare mein baat karte rahe aur dono sofe par hi so gaye. Subah ghar ki ghanti bajne se Atul ki aankh khuli. Atul ne jaldi se jakar darwaza khola. Bahar Supriya ke pariwar wale pahuche they, uske maa baap aur bhai bhabhi...

Ghar ke andar ghuste hi un logo ne Atul par sawalo ki baarish kar di - Kuch pata chala Supriya ka? Pulis kya bol rahi hai? Ye sab kaise kya ho gaya tha?

Atul ke paas in sawalo ka koi jawab nahi tha. Uske bhi toh wohi sawal they. Aawazein sunkar Rahul bhi uth gaya tha, aur sab log baar baar ek doosre se wohi sawaal kar rahe they.

Aarti Bhabhi ki shakal toh buri tarah utri hui thi. Unke pariwaar mein wohi toh jo aakhri baar Supriya se mili thi, aur us samay un dono ke beech itni kaha suni ho gayi thi. Par shayad Aarti ne bhi ab tak kisi ko khul kar kuch nahi bataya, khaskaar Vikram ke baare mein. Aakhir is sab mein uske bhi toh raaz they.

Din hote hote Supriya ke bhaiya aur Atul thane ka ek chakkar kaat aaye they, aur wahan unhe kuch nahi pata chala tha. Supriya ke bhaiya toh khud hi building ke neeche logo se poochtaach kar rahe they, aur jo kuch woh sun rahe they, unhe apne kaano par yakin nahi ho raha tha. Kuch logo ne unhe Supriya aur Iqbal ki nazdeeki ke baare mein bataya, kaise woh dono aksar saath ghooma karte they.

Barabar wale flat ki Megha ko bhi Supriya se baat kiye hue kafi samay ho gaya tha, aur use bhi kuch nahi pata tha. Bas ye ki Supriya pehle se kafi badal gayi thi. Jo seedhi saadhi si ladki Lucknow aayi thi, Supriya woh ab waisi nahi reh gayi thi. 

Jab Atul wapas ghar pahucha, toh usne dekha ki uske ghar se uske mummy papa aur jiju bhi wahan pahuch gaye they. Aur Disha bhi wapas wahan aa gayi thi. Sabke muh latke hue they par shayad alag alag karan se. Woh log besabri se Atul aur Supriya ke bhai Sudheer ka intezaar kar rahe they.

Unke ghar mein ghuste hi Aarti jaldi se unki taraf aayi - Kuch pata chala...

Sudheer ki aankhein bilkul khoyi hui si thi - Nahi... kuch nahi...

Poore kamre mein fir se sannata sa ho gaya.

Kuch der baad Atul ke mummy Sarita boli - Pata nahi kab se chal raha tha ye tamasha... pareshaan kar rakha tha aapki beti ne hume aur hamare bete ko...

Aarti ke muh se ekdam se nikal gaya - Mausi ji aap kya bol rahe ho...

Atul bhi beech mein bola - Mummy... ye time nahi hai ye sab bolne ka...

Sarita aur bhi bhadak gayi - Kyu? Itne time se chal raha tha ye sab drama... aur tu chup chaap seh raha tha... bhaag gayi na aakhir... aur woh bhi ek watchman ke saath... aur us par gaban karke bhaagi hai... kisi cheez ki kami nahi chhodi usne...

Aarti - Hame abhi sab sach nahi pata... kya pata uske saath kuch aur hua ho?

Sarita - Kya aur hua ho? Woh toh shuru se hi badchalan si thi... ab saari baatein khul ke aa rahi hai...

Aarti - Shuru se matlab?

Sarita - Kyu suhaagraat ke agle din tumhe phone nahi kiya tha usne ki use maza nahi aaya Atul ke saath? Aur fir usne apne devar Dhruv ko bhi nahi chhoda tha, uske bhi peeche pad gayi thi, woh toh bhagwaan ka bhala ho woh bach gaya...

Aarti - Aap log kuch bhi bol rahe ho... Atul tum bolo na apne mummy ko kuch...

Atul pareshaan hota hua chhup baith gaya. Uski saansein bhaari thi. Sach mein aisa lag raha tha ki Supriya ka ek ek raaz bahar aa raha tha. Use bhi ab tak ye Dhruv wali baat nahi pata thi. Aur kal raat jo kuch Rahul ne bola, uske baad use is baat par koi ashcharya nahi hua.

Par Disha jaroor beech mein bol padi - Aunty mere khayal se... jo yahan apna bachaav karne ke liye nahi hai... uske baare mein hame baat nahi karni chahiye... hame apna saara focus Supriya ko dhoondne mein lagana chahiye...

Sarita - Tum kaun ho? Supriya ki dost? Tabhi uski pairvi kar rahi ho?

Disha - Nahi main Supriya ki dost nahi hu... balki Atul aur main dost hai...

Atul ko thodi hairaani hui par acha bhi laga ki is Disha aaj use apna dost bula rahi thi. Par saath hi aisa lag raha tha ki woh Supriya ki side bhi le rahi hai.

Sarita - Agar tum Atul ki dost ho toh ye batayo... kaise dhoonde use? Us ladki ke chakkar mein Atul ab thane aur kacheri ke chakkar kaatta rahe? Usne toh kahin ka nahi chhoda ise... iski naukri bhi gayi aur poori rishtedaari mein izzat bhi... woh log kal se sabko phone kar chuke hai... hum log logo ko samjhate samjhate thak chuke hai...

Apni mummy ko is tarah bolte dekh Atul se raha nahi gaya - Aap thak gaye ho toh main kahunga ki aap log wapas chale jayo...

Sarita - Atul par...

Atul - Nahi... aap logo ko meri ya Supriya ki fikr nahi hai... bas fikr hai toh apni izzat ki... aur rishtedaaro ki...

Sarita kuch pal ke liye chup ho gayi. Par kuch der baad fir se wohi sab behas shuru ho gayi thi. Atul wahan se hatt kar doosre kamre mein chala gaya. Kal din se usne shayad ek pal bhi chain ka nahi liya tha.

Supriya ka pariwaar bhi akele mein jakar baat karne laga. Sudheer ne jo use pata chala woh sab bataya jisse unke pairo tale bhi zameen nikal gayi thi. Aisa hi lag raha tha ki Supriya ne kuch galat kaam kiya tha. Kuch der baad woh log Atul ko bol kar wahan se nikal gaye, woh shayad abhi apne ghar toh nahi jaa rahe they, par filhaal us ghar ke mahaul mein khade rehna mushkil tha.

Disha aur Rahul bhi thodi der baad wahan se nikal gaye they. Atul apne hi ghar mein apne gharwalo ke saath tha, par ye woh log they jinhone use kabhi kisi layak nahi samjha tha, aur woh apne hi ghar mein ek ajeeb si ghutan mehsoos kar raha tha. Shayad inhi logo ki wajah se toh usne ab tak Supriya ne naata jode rakha tha, kyunki woh samaj mein apni aur apne pariwaar walo ki bezzati nahi karwana chahta tha.

_______________________

Agla ek hafta kuch aise hi beete, har din ek hi jaisa. Atul aur Sudheer aur logo se baatein karke jaankari lene ki koshish karte aur jo kuch unhe pata chal raha tha woh sab Supriya ke khilaaf hi tha. Supriya ki kaamwali Karuna toh bohot hi bhadki thi Supriya par. Kaise woh Iqbal se milne ke bahane dhoonda karti thi, aur kaise aur bhi mard uske flat par aate they usse milne, aur kaise woh uske saamne Atul bhaiya ko napunsak bataya karti thi. 

Atul toh ab Sudheer bhaiya se bhi nazre milane layak nahi raha tha. Uski bezzati par bezzati hoti jaa rahi thi.

Atul us hotel pahucha jahan Supriya ka pariwaar ruka hua tha. Sudheer hi sab kuch bata raha tha aur Atul chup chaap baitha tha.

Supriya ki mummy - Aarti... tu toh yahan aayi thi na in logo ke paas... tujhe kaise nahi pata chala ye sab...

Aarti - Mummy ji... aisa kuch laga hi nahi... bas yehi lag raha tha ki Atul aur Supriya ki aapas mein ban nahi rahi hai...

Mummy - Woh itni seedhi si ladki thi... kabhi aisa kuch nahi kiya usne...

Aarti - Mummy ji... thodi toh badal gayi thi woh yahan bade shehar mein reh kar...

Sudheer bhadakte hue bola - Thodi!? Mujhe uska bhai hote hue itni ghatiya baatein sunne ko mili hai na... mann kar raha tha us har insaan ka muh tod du... par fir kis kis ka muh todunga...

Aarti - Aap aise mat pareshaan mat ho... woh mil jayegi...

Sudheer ne gehri saans lete hue kaha - Main toh shayad chahunga ki ab woh kabhi mile hi na... ya mile toh uski...

Mummy - Sudheer... kya bol raha hai...

Supriya ke papa ekdam se bol pade - Sahi toh keh raha hai... hum yahan aa rahe they... socha tha ki Atul ne kuch galat kiya hoga... par yahan aakar sab saaf ho raha hai... hamari beti paise chori karke ek neech insaan ke saath bhaag gayi hai... ab woh wapas bhi aa gayi toh kya Atul ko use sweekarna chahiye?

Supriya ke papa ke muh se ye baat sun kar poora kamra chhup ho gaya tha. Kisi ko bhi yakin nahi ho raha tha ki itna kam bolne wale papa aaj ye keh gaye they.

Papa - Mere khayal se hum logo ko wapas ghar chalna chahiye... sab log apne kaam mein wapas lage... Anya beta ko bhi toh rishtedaaro ke paas chhod kar aaye hai... 

Aarti - Papa ji par aisa kaise uski khoj chhod kar wapas chale jaye?

Papa - Mere liye toh woh ab nahi milne wali... yahan samay ki barbadi karne ka koi fayda nahi hai... Atul beta, mera kehna toh tumhe bhi yehi hoga ki tum apni jindagi mein aage bado... hame maaf karna...

Papa kamre se bahar chale gaye they, aur mummy foot foot kar ro rahi thi. Atul ko yakin nahi ho raha tha ki Supriya ke khud ke pariwaar ko us par bharosa nahi raha tha. Shayad sirf ek Aarti bhabhi uske liye abhi bhi bol rahi thi. Par use kahan pata tha ki Aarti kuch aisa jaanti thi jo woh nahi jaanta tha, par use apni shaadi bhi toh bachani thi.

_____________________________________

Do hafte beet gaye they, ab sab log Atul ko uske haal par chhod kar wapis chale gaye they. Koi nahi tha uske liye, bas ek khaali ghar... jahan woh zameen par baitha par deewaron ko dekhte rehta. Kisi ko ab tak Supriya ki koi khabar nahi thi. Aur woh ye shehar bhi toh chhod kar nahi jaa sakta tha.

Haan ek aur insaan tha jo roz shaam apne office ke baad seedhe uske ghar pahuch jaata tha - Disha. Woh roz shaam ek tiffin liye Atul ke liye khaana le aati. Aur fir ghar aakar uske liye agle din ka khana bana jaati. Atul use kayi baar mana kar chuka tha, par woh uski ek nahi sun rahi thi. Kahin na kahin Atul ko bhi uska aana acha lagta.

Aaj bhi shaam ki ghanti bajte hi Atul ko pata tha ki Disha aayi hogi. Woh dheere se khada ho kar darwaza kholne gaya.

Atul ne darwaza kholte hue kaha - Disha... maine kaha hai na ki main khana bana lunga.

Disha ne ek smile ke saath kaha - Good evening... koi nahi... is bahane kisi ke saath dinner ho jaata hai...

Atul ne ek saans chhodi - Hmmmm... tum mere saath kyu dinner karna chahti ho... main toh itna boring insaan hu... 

Disha - Kyunki mujhe pata hai ki tumhare saath mujhe jyada bolne ki koshish nahi karni padegi...

Disha ghar ke andar ghus gayi thi aur woh kuch der baad plate mein khana laga kar le aayi. Usne Atul ko dekhte hue kaha - Tum shave kar karoge? 3 din se tok rahi hu...

Atul - Shave karke kahan jayunga... thane toh Monday jaana hai ab...

Disha - Hmmm... shave karke acha lagega... thoda light...

Disha aur Atul ne khana shuru kar diya tha. Kabhi kabhi Atul ke mann mein aata toh woh uske saath Supriya ko lekar apne mann ki baat share kar leta. Koi purani baat jo ab yaad aayi ho... ya kuch ankaha jo reh gaya ho unke beech... Disha sab kuch aaram se sun leti...

Atul - Aaj neeche watchman se pata chala ki Iqbal jis gaanv ko apna gaanv batata tha... wahan toh kisi se kabhi uska naam bhi nahi suna... batayo itne saal woh logo ko apna galat pata bata raha tha... na usne kabhi koi chitthi bheji na woh koi phone call karta tha... bas ek din hawa mein gayab ho gaya...

Disha - Hmmm.... par kahan Supriya aur kahan woh... Supriya uske saath kyun bhagegi... mujhe toh ye samajh hi nahi aa raha...

Atul - Uski bhi theory hai logo ke paas...

Disha - Kya theory?

Atul hichkichate hue bola - Suna hai uska woh neeche ka part... kafi bada tha... aur ladkiyon ko kafi maza deta tha... pata nahi baaki sach kya hai..

Disha - Oh god... log bhi na...

Atul - Par ab yaad karu toh Supriya kayi baar uska jikr karti thi... thoda ajeeb tha tab bhi...

Disha - Tum ye baat pachaas baar bol chuke ho...

Atul - Kya karu... aur kuch bolne ke liye hi nahi hai... ab toh mujhe lagta hai koi use dhoond bhi nahi raha sahi se...

Disha - Vikram ke woh log toh abhi bhi dhoond rahe hai use...

Atul ki aankhon mein is nayi jaankari se ek jaan si aa gayi - Tumhe kaise pata? Kuch kaha Vikram ne?

Disha - Nahi... Vikram ne toh kabhi mujhe kuch nahi kaha hai... bas observe kar leti hu...

Atul - Tum Vikram se baat karke dekho na... try karo agar kuch pata chale toh?

Disha - Hmmm... itna easy nahi hai... ab toh waise bhi ek nayi secretary aa gayi hai uski... mujhe lagta hai woh uske upar jasoosi kar rahi hai...

Atul - Vikram ke upar?

Disha - Haan... Vikram ke jaate hi woh uske cabin mein ghus jaati hai... main use nahi rokti kyunki Vikram ne kaha ki usko koi rok tok nahi karna hai...

Atul - Kafi ajeeb hai...

Disha - Hmmm... tum newspaper office gaye? Maine kaha tha na ki woh Supriya ke lapata hone ka ishtehaar daal do newspaper mein... ya tv mein?

Atul - Itne paise nahi hai ki TV mein ad daalu... aur waise bhi newspaper kaun padta hai aajkal...

Disha - Padte hai log... kisi local akhbaar mein daalna jiski achi readership ho... log woh wale akhbaar kafi padte hai abhi bhi...

Atul - Hmmm... dekhta hoon...

Dono khana khate hue baatein karte rahe.

______________________________________

2-3 hafte aur beet gaye they. Supriya ka ab bhi koi ata pata nahi tha, aur ab toh Atul ne bhi saari umeed chhod si di thi. Par thanedaar use abhi bhi har hafte wahan hazri lagane ke liye bolta tha.

Naukri ke bina Atul ke bank account mein paise kam ho rahe they aur shayad ab is 2 bedroom flat ki jaroorat bhi nahi thi. Ghar se bhi call aane kam ho gaye they, shayad sabne use uske haal par chhod diya tha.

Bas use har shaam ab Disha ka intezaar hota. Pehle lagta tha ki woh kyu aati hai, ab agar woh ek din nahi aati toh aisa lagta ki woh bhi use chhod gayi hai. Par woh use kuch keh nahi paata.

Darwaze ki ghanti bajte hi usne turant hi darwaza khola - Hello...

Saamne Disha hi thi, woh Supriya jitni sundar toh bilkul nahi thi, par jitna sahaj woh uske saath mehsoos karta tha usne kabhi ded do saal mein Supriya ke saath nahi kiya. Woh makeup ke bina uske ghar aati thi, uska thoda saawla rang, patle se honth. Uske nain naksh theek they, par Supriya jaise teekhe nahi. Shayad umar mein woh Supriya se thodi badi hogi, shayad uski hi umar ki, ya usse zara si badi?

Par woh use itni gaur se kyu dekh raha tha. Woh bas uski dost thi. Supriya ko bhi toh yehi dhoka hua tha.

Disha - Hi... sorry kal nahi aa saki... thoda late ho gaya tha office mein...

Atul ko office ke naam se thodi chhidd si hui - Hmmm... Vikram ka koi zaroori kaam tha kya?

Disha - Nahi... woh toh yahan hai bhi nahi... bas kuch prints nikaal kar booklets banani thi...

Atul ke mann mein ajeeb se khayal aane lage, ye bhi toh wahin Vikram ke saath hi kaam karti thi. Aajkal Vikram par uska gussa bad gaya tha, aisa lagta tha ki Vikram ki wajah se uske saath ye sab hua tha.

Disha - Kya hua? Kya soch rahe ho...

Atul ne serious aawaz mein kaha - Tum ab yahan aana band kar do... itna door padta hai tumhare liye... waise bhi main shayad kahin aur shift ho raha hoon... kisi chhote flat mein...

Disha - Theek hai wahan aa jayungi...

Atul - Nahi... tumne kafi help kar di hai... par kab tak karogi na...

Disha - Tumhare dimaag mein kya chal raha hai... mere saath seedhe seedhe bol sakte ho na... ya bas mann mein rakh kar use ghutti bana lena hai...

Atul - Kuch bhi toh nahi aisa... main toh bas ye keh raha hoon ki tum bhi toh busy ho...

Disha - You know... yehi tumhari problem hai... Mujhe pata hai tumhare mann mein kya chal raha hai... 

Atul - Kya chal raha hai...

Disha - Yehi ki main bhi tumhe chhod kar chali jayungi na...

Atul ne apni nazre doosri aur kar li - Nahi... aisa kuch nahi... aur chali bhi jayogi toh kya farak padta hai...

Disha ne ek gehri saans li - Mujhe pata hai tum kitna uncomfortable feel karte ho mera Vikram ke yahan job karne se...

Atul - Main kyu uncomfortable feel karunga? Tumhari job hai..

Disha - Har baat ka sawal se jawab mat do... woh tum apne aap se pucho...

Atul ne gehri saans li - Haan theek hai... maine socha hai is baare mein... par sirf isliye kyunki maine aur bhi logo se baat kari toh mujhe Vikram ke baare mein kuch cheez pata chali jo woh duniya ko nahi dikhata... tum 4-5 saalo se uski assistant ho... tumhe toh pata hi hoga woh sab shayad...

Disha ne kandhe ucha kar kaha - Haan... shayad... toh?

Atul - Toh... tum meri dost ho... aur main nahi chahta ki tum uske jhamelo mein faso... bas yehi concern hai mera...

Disha ne muskurate hue kaha - Bas yehi concern hai?

Atul - Haan bas yehi...

Disha kuch second ruki aur fir boli - Maine aaj hi resign kar diya hai... main doosri naukri dhoond lungi...

Atul chaunkte hue bola - Kya! Par kyu? Tum toh wahan ache se settled ho...

Disha - Agar tumhe iska jawaab nahi pata toh main nahi bata sakti... 

Atul chup ho gaya tha.

Disha ne dheere se kaha - Tum chaho toh mere saath move in kar sakte ho... hum rent aur baaki sab kharcha aadha aadha baat lenge...

Atul ne Disha ki aankhon mein aankh daal kar kaha - Disha... main kuch dino se... ye kehna chahta tha ki...

Disha ne muskurate hue kaha - Hey... ruko ruko... abhi bas rent share ki baat hui... aur kuch nahi...

Atul ab nahi rukne wala tha - Mujhe bolne do please... I really like you... kaash mujhe tum pehle mili hoti... kaash...

Disha chhup ho gayi thi, shayad woh bhi yehi chahti thi - Atul, I like you too... par agar kal ko Supriya tumhari life mein wapis aa gayi toh?

Atul ne apna sir uske sir par tika diya - Supriya kabhi meri life mein aayi hi nahi thi...

Dono ki aankhon se thode se aansu behne shuru ho gaye they. Living room ke ek kone mein Atul ka phone silent par tha aur us par kisi unknown number se call aa rahi thi, jiska shayad use abhi pata bhi nahi tha.

[Sriya2]

@Ayush01111 - I hope this update satisfies you finally...

Happy Diwali everyone... next update may be take a few days...

[qazmlp]

The Lucknow happenings are very well enumerated. The fact that you did it so comprehensively tells how much you value your plot and your commitment to it.Happy Dwali to you Sriya, take your time and recharge completely before getting back to continue this story.

[Rizzi1198]

Nice one

[Salma Khan]

Shukriya shukriya shukriya bahut zabardast update

[Salma Khan]

Waiting for next updates because ummed nahi thi etna jaldi update dogi @Sriya kamaal kar diya you are great

[Rohanx40]

Super super super story very nice update again thank you so much