Fantasy క్రిష్ :: వైభవ్ E * R * D (26-06-2025)

[Ghost Stories]

I think vaibhav vallandarini katteysi thanu porataniki avuthundochu or akkadavunna things use chesi traps set chesi vundo chu or thathanithaney kattesukoni weapon pettukoni vundochu

[Terminator619]

Nice update sivaram garu...2 days ke update icharu...thank you

[3sivaram]

30. వైభవ్ : ద బ్లాక్ నైట్ 7.0

విశ్వాస్ "అంటే ఇప్పుడు కిడ్నాప్ చేయమని చెప్పిన వాళ్ళు ఇక్కడకు వస్తారు.. అంతేనా.."

వైభవ్ "హుమ్మ్.."

విశ్వాస్, వైభవ్ ని చూసి గర్వంగా నవ్వుకుంటూ ఉన్నాడు.

వైభవ్ "ఎందుకు నవ్వుతున్నావ్.."

విశ్వాస్ నవ్వుతూనే వైభవ్ భుజం చుట్టూ చేయి వేసి "మీ కీర్తి వదినతో ఆఫీస్ పాలిటిక్స్.... ఆ కళ్యాణి తో రిలేషన్ షిప్ ప్రాబ్లమ్స్.... ఏవి కూడా నీ వల్ల కాలేదు.... కానీ చూశావా.. నిన్ను కిడ్నాప్ చేయగానే.. ఎలా క్రిమినల్ గా ఆలోచించి బయట పడిపోయావో.." అంటూ ఎదురుగా కట్లు కట్ట బడిన ఆ నలుగురిని చూశాడు.

వైభవ్ కి విశ్వాస్ వేసిన జోక్ అస్సలు నచ్చలేదు. కోపంగా విశ్వాస్ "అంటే ఏంటి రా.. నేను రౌడీ నా కొడుకులా ఉండడమే కరక్ట్.. అంటావా.."

విశ్వాస్ నవ్వు ఆపుకుంటూ "అంత కోపం ఎందుకులే అన్నా.." అంటూ బుజ్జగిస్తున్నట్టు అన్నాడు.

వైభవ్ విసుక్కున్నాడు, విశ్వాస్ చెప్పాడని కాదు. వైభవ్ కి కూడా అలానే అనిపించింది, సుమారు ఆరు నెలల నుండి ఏ విషయం కలిసి రావడం లేదు. కెరీర్ విషయంలో కీర్తి వదినని గెలవలేకపోతున్నాడు. ఇటు కళ్యాణి చేసిన మోసానికి బదులు తీర్చుకోలేక పోతున్నాడు. కానీ ఫైట్స్, కిడ్నాప్స్ మాత్రం తనకు తేలికగా వచ్చేస్తున్నాయి.

విశ్వాస్, వైభవ్ తో "బ్లాక్ ఉల్ఫ్ గా ఉండడం అనేది ఒక వరం లాంటిది.. మన టీం అంతా నీ తోనే ఉంటాం.. నువ్వు చెప్పిందే చేస్తాం.. నువ్వు ఆ పొజిషన్ కి చేరాక.. మీ రాజ్ గ్రూప్స్ ఇంకా ఆ కళ్యాణి ఫ్యామిలీ అందరూ నువ్వు ఏం చెబితే అది తోక ఊపుకుంటూ చేస్తారు" అన్నాడు.

వైభవ్, విశ్వాస్ వైపు కోపంగా చూడడంతో విశ్వాస్ నోరు మూసుకున్నాడు.

విశ్వాస్ వెనకే మరో వ్యక్తీ కూడా వచ్చి "అవునన్నా నువ్వు మాతో ఉండిపోవచ్చు కదా.." అన్నాడు.

వైభవ్ దీర్గంగా శ్వాస పీల్చి వదిలి (కొంచెం కూల్ అయి) "రాజ్ గ్రూప్స్ మా తాత మాకిచ్చిన ఆస్తి కాదురా.. అది ఒక బాధ్యత.. అది వదిలి వెళ్ళలేను.. పైగా ఇప్పుడు అది సమస్యలలో కూడా ఉంది..." అన్నాడు.

విశ్వాస్ "అంటే.. బ్లాక్ ఉల్ఫ్ గా ఉండనంటావా.."

వైభవ్ "నా కుంటుంబాన్ని సమస్యలలో వదిలి రాలేను అంటున్నాను.."

మరో వ్యక్తీ "తీర్చాక వస్తాను అంటావ్.." అని మళ్ళి ఆలోచించినట్టు మొహం పెట్టి "కరక్టే..  బాబా ఇంకొన్నాళ్ళు లీడర్ గా చేయగలడు..  అప్పటి వరకు నువ్వు నీ ఫ్యామిలీ సమస్యలు సాల్వ్ చేసుకొనే అవకాశం ఉంటుంది" అన్నాడు.

విశ్వాస్ "నాకు ఏ ఫ్యామిలీ సమస్యలు లేవు..  ఎందుకంటే నేను అనాథని కదా.." అన్నాడు.

వైభవ్ కోపంగా విశ్వాస్ మెడ చుట్టూ చేయి వేసి బిగిస్తూ "నీ యబ్బా.. ఎవడ్రా అనాథ.. ఇంత మంది నిన్ను ఫ్యామిలీగా చూస్తూ ఉంటే.. సోది సెంటిమెంటులన్నీ లాక్కొచ్చి ఎమోషనల్ బ్లాక్ మెయిల్ చేస్తావ్.." అన్నాడు.

ఇంతలో వాళ్లకు దగ్గు సౌండ్ వినపడి పక్కకు తిరిగి చూడగా నిషా కనిపించింది.

నిషా వాళ్ళకు సైగ చేస్తూ "వాళ్ళ ఫోన్ మోగుతుంది.. ఎదో మెసేజ్ వచ్చినట్టు ఉంది.." అంటూ ఫోన్ చూపించింది.

వైభవ్, విశ్వాస్ ను పక్కకు తోసేసి ముందుకొచ్చి ఫోన్ తీసుకొని చూశాడు. అందులో "గంటలో వస్తాం.. చెఫ్ ని కూడా తీసుకొని వస్తున్నాం.. వచ్చాక డిష్ రెడీ చేస్తారు.." అని ఉంది.

వైభవ్ ఆ ఫోన్ నెంబర్ చూస్తూ విశ్వాస్ వాళ్ళు తెచ్చిన ల్యాప్ టాప్ ఓపెన్ చేసి ఆ నెంబర్ ని వెతుకుతూ ఉన్నాడు.

ఇంతలో వెనక విశ్వాస్ మరియు నిషా మాట్లాడుకోవడం చూశాడు. ఎందుకో తెలియదు కోపం వచ్చేసింది.

విశ్వాస్ ని కోపంగా పిలిచి ఈ నెంబర్ ఏంటో చూడు అని ఆర్డర్ వేశాడు.

నిషా, వైభవ్ దగ్గరకు వచ్చి "మీతో మాట్లాడాలి సర్" అని అడిగింది.

వైభవ్ కోపంగా "ఏంటి? ఏం మాట్లాడాలి?" అన్నాడు.

విశ్వాస్ ల్యాప్ టాప్ పక్కన పెట్టి "ఎందుకు భయ్యా.. అంత కోపం.. ఆడవాళ్ళు అంటే పువ్వులు.. స్మూత్ గా మాట్లాడాలి.." అన్నాడు.

వైభవ్ "నువ్వు ముందు చెప్పిన పని ఎందుకు చేయడం లేదు.."

విశ్వాస్ "మల్టీటాస్కింగ్..  అది కూడా చేస్తున్నా.. "

వైభవ్ సీరియస్ గా చూడడంతో..

విశ్వాస్ తల దించుకొని "సారీ.." చెప్పాడు.

నిషా మాత్రం సైలెంట్ గా అలానే ఉండిపోయింది. ఏమి మాట్లాడలేదు.

వైభవ్ తన వెనకే ఉన్నప్పటికీ, నిషాని గమనిస్తూనే ఉన్నాడు. ఆమె ఏమి మాట్లాడడంలేదు. మనసులో విశ్వాస్ తో అయితేనే మాట్లాడుతుందా అని అనిపించింది.

నిషా ఫోన్ చేతిలో పట్టుకొని, గుండె చప్పుడు కంట్రోల్ చేసుకుంటూ వైభవ్ దగ్గరకు వచ్చింది. ఆమె గుటకలు మింగుతూ, గొంతు సౌండ్ పోయినట్టుగా "సర్..." అంది.

వైభవ్ ఆమె వైపు ఒక్క క్షణం పాటు నిష్హబ్దంగా చూస్తూ ఉన్నాడు.

నిషా చేతిలో ఫోన్ స్క్రీన్ "నిరంజన్ కాలింగ్" అనే మాటలు మెరిసాయి.

నిషా "ఇవ్వాళ ఆఫీస్‌కి ఎందుకు రాలేదు... ఎక్కడున్నావ్... అని అడుగుతున్నారు..." నిషా మొహం మీద గందరగోళం స్పష్టంగా కనిపిస్తోంది.

వైభవ్ బాహ్యంగా తడబాటుగా ఏమీ చూపించలేదు. కానీ మనసులో మాత్రం ఎదో ఉరకలేస్తున్న ఆనందం. అదో శాడిస్టిక్ ఆనందం.

"ఏంటో ఈ వింత మనస్సు..." అని మొదలైపోయింది ఆ లోపలి గళం.

"నాకే ఇన్ని ప్రమాదాలు... అయినా, ఈ అమ్మాయి ఎదుర్కొంటున్న చిన్న చిన్న ఇబ్బందులు వినగానే ఏదో హాయిగా ఉంది" ఇలా శాడిస్టిక్ గా ఆలోచించకూడదు అనిపించినా ఎందుకో ఆమె బాధపడుతున్నట్టు చూస్తూ ఉంటే 'క్యూట్' గా ఉంటుంది అనిపించింది.

వైభవ్ తల ఊపి ఆ ఆలోచనలను పట్టుకుని తిప్పేసినా, మనసు మాత్రం వినడంలేదు.

నిషా "సర్.."

నిషా "సర్.."

నిషా "సర్.."

వైభవ్ నుదురు ముడి వేసి కోపం నటిస్తూ "ఏంటి?" అని విసుగ్గా అడిగాడు.

నిషా "నిరంజన్ గారికి చెప్పండి సర్.. లేదంటే కనీసం.. లీవ్ యాక్సెప్ట్ చేయండి.. మీకు ఈమెయిల్ చేశాను.." అని చాలా వినయంగా అడిగింది.

వైభవ్ నిశ్శబ్దంగా ఆమెను చూస్తూ ఒక్కసారిగా నిశ్చేష్టుడైపోయాడు. నాలుగు క్షణాలు మాట్లాడకుండా నోరు తెరుచుకుని అలానే ఉన్నాడు. గుటకలు మింగుతూ "ఒక గంటలో ఇక్కడకు నన్ను కిడ్నాప్ చేసిన వాళ్ళు మహా అయితే నన్ను చంపాలని అనుకునే వాళ్ళు వస్తున్నారు.. " అని తన వైపు వేలు చూపించుకుంటూ "నువ్వు నన్ను లీవ్ యాక్సెప్ట్ చేయమని అడుగుతున్నావా.." అని కోపం ఆపుకుంటూ "ఇక్కడ నా ప్రాణాలు రిస్క్ లో ఉన్నాయ్.." అంటూ అరిచి కళ్ళు పెద్దవి చేసుకొని కోపంగా చూశాడు.

నిషా తల దించుకొని ఏమి మాట్లాడకుండా సైలెంట్ గా అక్కడ నుండి వెళ్ళిపోయింది.

ఇటు తిరగగానే విశ్వాస్ తనని సూటిగా చూస్తూ కనిపించాడు.

వైభవ్ "ఏమయింది?"

విశ్వాస్ "నీ కోసం రాత్రంతా ఎంత కష్టపడిందో తెలుసా.. మేము రావడం లేటు అయితే తనే వచ్చి కాపాడేలా ఉంది.." అన్నాడు.

వైభవ్, నిషా వెళ్ళిన వైపు చూసి ఆలోచించి "జాబ్ నిలబెట్టుకోవడం కోసం అంత కష్టపడిందా!" అన్నాడు.

విశ్వాస్ తల కొట్టుకొని "లవ్ అయి ఉండొచ్చు కదా.." అన్నాడు.

వైభవ్, విశ్వాస్ ని కిందకు మీదకు చూసి "ఏం మాట్లాడుతున్నావ్..?"

విశ్వాస్, వైభవ్ భుజం మీద చేయి వేసి "భయ్యా, నువ్వో ఆలోచించు... "

వైభవ్ "హుమ్మ్ చెప్పూ.."

విశ్వాస్ "తను నీ లక్కీ గర్ల్.. "

వైభవ్ "అయ్యి ఉండొచ్చు.."

విశ్వాస్ "ఇవ్వాళ నువ్వు బ్రతికి ఉన్నావంటే వెనకే తను కూడా వచ్చినందుకే అని ఎందుకు అనుకోకూడదు.."

వైభవ్ తల పట్టుకొని "ఏం చేసింది రా.. ఈ నలుగురిని తను కొట్టి.. కట్టేసిందా.." అని విసుగ్గా చూసి విశ్వాస్ వైపు చేయి చూపించి వెళ్ళబోయాడు.

విశ్వాస్ మళ్ళి వైభవ్ భుజం మీద చేయి వేసి ఆపి "అది కాదు భయ్యా.. ఆలోచించు.. "

వైభవ్ "ఏం ఆలోచించాలి రా.. లవ్ చేయమంటావా ఏంటి?"

విశ్వాస్ "లవ్ కాదు భయ్యా.. ఆలోచించు.. తను నీ లక్కీ గర్ల్ తను నీతో ఉంటె నువ్వు విన్ అవుతున్నావ్ కదా.. మీ కీర్తి వదిన మీదకు వెళ్ళేటపుడు తనని ఎందుకు నువ్వు తోడుగా తీసుకొని వెళ్లావు అనుకో.."

వైభవ్ విసుగ్గా చూస్తూ "నాకు నమ్మాలని లేదు.." అనేశాడు.

---

అంతలో బయట నుండి గొంతు బలంగా వినిపించింది. "ఇన్-కమింగ్!!"

ఒకేసారి కిటికీల గుండా బలంగా మంటల గ్యాస్ బాంబులు పడిపోయాయి. పొగ, పొగ వల్ల వస్తున్న దగ్గు మధ్య ఎవరూ ఏమీ చూడలేని పరిస్థితి. ఎవరు ఎవడో కనిపించకపోయే ఆ నిమిషంలో, వైభవ్ గుర్తొచ్చిన శబ్దం ఒక్కటే — “నాన్నా...” ఆ చిన్న గొంతు ఊహలో వినిపించగానే, ఎదురుగా ఉన్న తిప్పె పట్టాను తీసుకొని నలుగురి ముఖాలపై వేయడం మొదలుపెట్టాడు.

ఇంతలో ఎవరో బలంగా అతని చేయి పట్టుకొని లాగడంతో, ఒక గది నుండి మరొక గది... చివరికి ఒక బాత్రూం లోకి లాక్కెళ్లబడ్డాడు.

బయట ఏం జరుగుతుందో అసలేం అర్ధం కావడం లేదు. నిషా తన చున్నీ ముక్కుకు చుట్టుకొని కనిపించింది.

బయట పెద్ద పెద్ద అరుపులు గన్ కాల్చిన సౌండ్స్ వినపడుతున్నాయి.

వైభవ్ అరుపులు వింటూ అందులో తమ వాళ్ళవి ఏమైనా ఉన్నాయా.. గన్ సౌండ్స్ ఎన్ని సార్లు వచ్చాయి అనేది వింటూ ఉన్నాడు.

నిషాకి మరో సారి గన్ సౌండ్ వినపడగానే భయంతో వైభవ్ చేయి పట్టుకుంది.

చేయి విసిరికొట్టి బయటకు వెళ్లాలని అనిపించింది, కానీ అందమైన నిషా భయపడుతున్న మొహం. అదురుతున్న ఆమె అధరాలు చూస్తూ చాలా అందంగా ఉందనిపించింది. తన కోపాన్ని పక్కన పెట్టి దైర్యం చెబుతున్నట్టుగా ఆమె చేతుల మీద  సున్నితంగా చేయి వేశాడు ఆ చేతి స్పర్శలో అతను చెప్పిన మాట లేదు, కానీ "నువ్వు భయపడకు" అనే ధైర్యం ఉంది.

ఆ క్షణంలో నిషా అచంచలంగా అతని చేయి పట్టుకుంది. తన మొహం చుట్టూ చుట్టుకున్న చున్నీని తీసి అతని ముఖానికి చుట్టింది. ఆ చున్నీ ఇప్పుడు ఆమె రక్షణ కాదు. అతను ఆ విషపు పొగ పీల్చకుండా రక్షణ. తాము ఎంత ప్రాణాపాయ స్థితిలో ఉన్నామో ఆమెకు స్పష్టంగా తెలుసు అందుకే అతని కళ్ళలో సూటిగా చూస్తూ దైర్యంగా తల ఊపింది.

వైభవ్ తల ఊపి డోర్ ఓపెన్ చేసుకొని బయటకు వెళ్ళాడు. విశ్వాస్ మరియు అతనితో వచ్చిన వాళ్ళు అందరూ ఒక గంట ముందే ఇక్కడకు రావడంతో వాళ్లకు ఇక్కడ ఉన్న గదులు అన్ని తెలుసు.. పైగా ట్రైనింగ్ తీసుకున్న వాళ్ళు గనక ఈ పాటికి దాక్కొని ఉంటారు అని అంచనా వేసుకున్నాడు.

గది డోర్ సౌండ్ రాకుండా మెల్లగా ఓపెన్ చేయగానే హాల్ కనిపిస్తుంది. దట్టమైన తెల్లని పొగ మేఘాల మధ్యలో అక్కడక్కడ బ్లాక్ కలర్ డ్రెస్ లలో మిలిటరీ గేర్ లలో కొందరు మనుషులు కనిపించారు. మొహానికి చుట్టుకున్న నిషా చున్నీని ముడిలా తాడులా చేసుకొని రెండు చేతుల్లోకి పట్టుకున్నాడు.

మెల్లగా డోర్ ఓపెన్ చేసి అతని వెనకకు వెళ్లాడు. చున్నీ ముడిని మెడకి వేసి ఒక్కసారిగా లోపలికి లాగి – డోర్ మూసేసాడు.

---

ముందే అతన్ని పట్టు బిగించాక, ఊపిరి పీల్చనివ్వకుండా ఒకదాని తర్వాత ఒకటిగా పంచ్‌లు వానల వలె కురిపించాడు. ముఖం మీద, మెడపై, ఛాతీ మీద... అతని చేతి పిడికిలే ఆయుధంగా మారిపోయింది.

కొద్ది సేపటికి అవే బ్లాక్ డ్రెస్ బట్టలు తొడుక్కొని వాళ్ళ వెపన్స్ ని చేతుల్లోకి తీసుకొని డోర్ ఓపెన్ చేసుకొని వాళ్ళ మనుషుల్లో ఒకరిగా బయటకు వెళ్లాలని అనుకున్నాడు. సడన్ గా విశ్వాస్ చెప్పిన మాట 'లక్కీ గర్ల్' గుర్తుకువ్ వచ్చింది. అటూ ఇటు చూసి చున్నీ తీసుకొని ముద్దలా చుట్టుకొని జేబులో పెట్టుకున్నాడు.

ఇప్పుడు మరింత దైర్యం వచ్చింది..

---

వైభవ్ ఇప్పుడు బయటకు వచ్చాడు. మిలిటరీ గేర్‌లో,  ఒక మాస్క్‌తో. అతనిని ఎవరూ గుర్తించలేరు. అతను ఇప్పుడు ఒక్కతనే కాదు.

అంతరంగంలో హాలు చివర తీరునా ఇద్దరు కదులుతున్నారు. గన్‌లు చేతుల్లో. బ్లాక్ డ్రెస్సులు. దట్టమైన పొగలో వారి మాటలు ముక్కలు ముక్కలుగా వినిపిస్తున్నాయి. 

అక్కడున్న వారికి మొహానికి మాస్క్ వేసుకున్నా, పొగ వల్ల అసహనంగా, చిరాకుగా అనిపిస్తుంది. వైభవ్ మెల్లగా వెనక నుండి వెళ్లి, తన చేతిలో ఉన్న గన్ బ్యాక్ సైడ్ తో మెడ వెనక బలంగా కొట్టాడు అతను స్పృహ లేకుండా ధబ్ మని కిందపడిపోయాడు.

రెండో వ్యక్తి పరుగున వచ్చాడు, అతని గన్ పైకి లేపక ముందే వైభవ్ అతన్ని బలంగా గోడకి వెనుకగా తోసాడు. అతని ఫేస్ మాస్క్ తీసేసి మొహానికి ఉన్న మాస్క్ లాగేసాడు. దట్టమైన పొగ నేరుగా అతని ఊపిరితిత్తుల్లోకి వెళ్లింది. అతని కళ్ళు చెబుతున్నాయి , పని అయిపొయింది అన్నట్టు. అతను కూడా స్పృహ కోల్పోయాడు.

ఇద్దరి మొహాల మాస్క్ లు చేతుల్లోకి తీసుకొని గదిలో మరో డోర్ దగ్గరకు వెళ్లి కోడ్ వర్డ్ లో తట్టాడు. డోర్ అవతల విశ్వాస్ కూడా కోడ్ వర్డ్ లో తలుపు కొట్టాడు. డోర్ ఓపెన్ అవ్వగానే వైభవ్ రెండు మాస్క్ లు వాళ్ళకు ఇచ్చాడు. విశ్వాస్ తో పాటు మరొకరు కూడా మాస్క్ వేసుకొని బయటకు వచ్చారు.

పొగను, శత్రువులను, గదులను చీల్చుకుంటూ హౌస్ అంతటా శోధన మొదలైంది.

ఇంతలో నిషా బాత్రూం కిటికీ పగలకొట్టి అందులో నుండి అవకాశం చూసుకొని బయటకు దూకి వెళ్ళిపోయింది.

వైభవ్ కి ఫోన్ లో నిషా ఫోన్ నుండి మెసేజ్ "కారు బయట ఉంది. నలుగురు అద్దంలో కనిపిస్తున్నారు".

---

ఒక నల్ల కారు పక్కవైపున పార్క్ అయ్యింది. లోపల జైషా, చార్లెస్, జేసన్, ఈథన్. కారు లోపల చప్పటి మ్యూజిక్, ఖాళీ సంబరాలు.  

"ఫినిష్ అయిపోయింది..." అని చార్లెస్ పాడుతుండగా... ఇంటి తలుపు తెరుచుకుంది.

మిలిటరీ గేర్‌లో ముగ్గురు వ్యక్తులు బయటికొచ్చారు. ముఖాలు మాస్క్ లో కప్పబడ్డాయి. చార్లెస్ కారు డోర్ ఓపెన్ చేస్తూ నవ్వాడు.

"యస్! నేను చెప్పానా... పని అయిపోయింది.."  అప్పుడే... అతని ముఖంపై గన్ నోకుంది. 

వైభవ్....

పక్కనే విశ్వాస్. మరో వ్యక్తి కూడా గన్‌లతో.  ముగ్గురు గన్స్ — ముగ్గురి మొహాలపై.

జైషా, చార్లెస్, ఈథన్ – రెండు చేతులు పైకి ఎత్తి సరెండర్ అయినట్టు సిగ్నల్ ఇస్తూ బయటకు కారు దిగి బయటకు వచ్చారు.

నాలుగో వ్యక్తీ అయిన జేసన్ వాళ్ళను వదిలేసి దూరంగా పరిగెత్తాడు. 

వైభవ్ "నువ్వు ఆగకపోతే నిన్ను చంపేస్తా" అని వార్నింగ్ ఇస్తున్నా పట్టించుకోకుండా పరిగెత్తేసాడు.

జైషా పొగరుగా "నువ్వు చంపవని నీకు నాకు అందరికి బాగా తెలుసు.." అన్నాడు.

వైభవ్ జేసన్ వైపు గన్ ని ఏయిమ్ చేశాడు. కానీ కాల్చలేదు.

జైషా "నువ్వు కాలిస్తే పోయేది ఒకడి ప్రాణమే...

కానీ మొదలయ్యేది పెద్ద యుద్ధం. మాకు చావుల భయం లేదు.”

వైభవ్ మౌనంగా అతని కళ్ళలోకి చూసాడు.

జైషా "నా మాట విని మమ్మల్ని వదిలేయ్.." అన్నాడు. అతని కళ్ళలో పొగరు, మొహం పై నవ్వు వైభవ్ కి ఏ మాత్రం నచ్చలేదు.

అప్పుడే — ఒక కారు స్పీడ్ గా దూసుకొచ్చి జేసన్‌ను ఢీకొట్టింది.

బాడీ గాలిలో తేలినట్టు పైకి లేచి నేలపై పడిపోయింది.

వైభవ్ ఒక్కసారిగా గన్ విశ్వాస్ వైపుకు విసిరేసి, కారు వైపుకు పరిగెత్తాడు.

వైభవ్ గన్ ని విశ్వాస్ కి విసేరేసి కారు దగ్గరకు పరిగెత్తుకుంటూ వెళ్ళాడు.

నిషా కార్ డోర్ ఓపెన్ చేసుకొని బయటకు వచ్చింది. చెమటలు, భయం, కన్నీళ్లు కలిపిన ముఖంతో ఆమె జేసన్ దగ్గరకు పరిగెత్తింది.

"ఏం చేశాను..? ఏం జరిగింది...?" అంటూ భయపడుతూ అడుగుతుంది. వైభవ్ ఆమెను ఒక్కసారి చేరుకొని. దగ్గరకు తీసుకొని ఆమెను గట్టిగా కౌగిలించుకున్నాడు. ఆమె అతని ఛాతీలో ఒదిగిపోయింది. ఒణికిపోతుంది.

మూడు నిమిషాల మౌనం.

వాతావరణం అంతా నిష్హబ్దం ఏలుతుంది. గాలి కూడా ఎండతో కలిసి బాగా వేడిగా వీస్తూ ఉంది.

అంతలో నేలపై ఉన్న జేసన్ — ఒక్కసారిగా శ్వాస గట్టిగా తీసుకుని లేచి కూర్చున్నాడు.

---

[Sweet481n]

Nice update

[K.rahul]

Nice update

[Babu143]

Superb

[yekalavyass]

జేసన్ లేచి కూర్చుంటేనే కదా మజా!

[Bhargavram]

twaraga keerthy Suresh update ivvandi bro

[Terminator619]

Nice action sequence, update super.

[Uday]

30. వైభవ్ : ద బ్లాక్ నైట్ 7.0

అంతలో నేలపై ఉన్న జేసన్ — ఒక్కసారిగా శ్వాస గట్టిగా తీసుకుని లేచి కూర్చున్నాడు.

సూపర్...అదేంటి భయ్యా, వీడు జేసనా బైసనా...కారుతో గుద్దితే కూడా లేచి కూర్చున్నాడు....

[ash.enigma]

ippude ayindi.. how can you write so big stories boss?
next update eppudu?

[3sivaram]

30. వైభవ్ : ద బ్లాక్ నైట్ 8.0

"కొక్కొరకో...  కొక్కొరకో..." అనే శబ్దం చక్కని వాతావరణాన్ని మరింతగా ఉత్సాహంగా మార్చేస్తుంది.

రాజభవనం మాదిరిగా ఉండే అద్భుతమైన బంగ్లా తలుపులు, తెరలు కదిలాయి. దూరంగా సూర్యుడు వేడెక్కిన ప్రకాశంతో ఆకాశంలో తన పయనం ప్రారంభించాడు. ఒక పని వాడు తెల్లని చొక్కా మరియు పంచెని లుంగీలా కట్టుకొని, చేతిలో ట్రే పట్టుకొని నెమ్మదిగా మెట్ల మీదుగా పైకి ఎక్కాడు. ట్రేలో నాలుగు పింగాణి టీ కప్పులు. ఒక కప్పులో చింతచిగురు, మరోకటిలో దాల్చిన చెక్క సువాసన, మూడవదానిలో పుదీనా ఆకుల రుచి... నాల్గవది మాత్రం వాసన లేకుండా నిశ్శబ్దంగా ఉరకలు వేస్తోంది.

మొదటి గదికి వెళ్లాడు.

జేసన్ మంచం మీద కుంటుతూ కూర్చొన్నాడు. బాడీకి చిన్న చిన్న కట్లు. గడచిన కొన్ని రోజుల్లోనే అతను కోలుకుంటున్నాడు. జేసన్ వైపు తిరిగి నవ్వుతూ 'గుడ్ మార్నింగ్' అని తన భాషలో చెప్పి అక్కడ నుండి రెండో రూమ్ కి వెళ్ళాడు. అతని మొహం పై చిరునవ్వు మాత్రం చెరగకుండా అలానే ఉంది. మిగిలిన ఇద్దరికీ వాళ్ళ టీ యిచ్చి ఆఖరిగా చార్లెస్ రూమ్ కి వెళ్ళాడు.

చార్లెస్ టీ తీసుకొని కప్పు పగలకొట్టి ఆ పెంకు అందుకొని ఆ పని వాడి గొంతు కోస్తా అంటూ "ఎక్కడ ఉన్నాం, ఎలా బయట పడాలి" అని అడుగుతూ మీదమీదకు వచ్చాడు. ఆ పని వాడు మాత్రం భయపడుతూనే తన భాషలో ఎదో చెప్పుకుంటున్నాడు. చార్లెస్ కి ఏమి అర్దం కాక, ఏం చేయాలో తెలియక పిచ్చెక్కినట్టు అయి కనీసం ఫోన్ అయినా ఇవ్వమని ఆ పెంకు పక్కన పడేసి చేతులు జోడించి ప్రాధేయపడ్డాడు. ఆ పని వాడు భయం భయంగా ఆ గది నుండి బయట పడి అక్కడ నుండి పారిపోయి వెళ్ళిపోయాడు. కొద్ది సేపటికి సర్వీస్ స్టాఫ్ వచ్చి క్లీన్ చేసి వెళ్ళారు. పని వాడు చెప్పిన సమాధానాలు అర్ధం కాక తల పట్టుకొని మంచం మీదనే కూర్చున్నాడు.

విశ్వాస్ నలుగురికి మత్తు మందుతో కూడిన ఒక సూప్ ఇచ్చాడు. అది తాగిన తర్వాత నుండి ఇక్కడే ఉంటున్నారు. అసలు తాము ఎక్కడ ఉన్నాము, ఎప్పుడూ ఇక్కడ నుండి బయట పడతాము అనేది తెలియకుండా బయట ప్రపంచంతో సంబంధం లేకుండా ఉన్నారు. కానీ తమకు ఇక్కడ అన్ని రకాల సదుపాయాలూ ఉన్నాయి. విందు, మందు.. రకరకాల స్విమ్మింగ్ పూల్, హాట్ బాత్ లు ఉన్నాయి.

కిడ్నాప్ అయిన మాట నిజమే కానీ ఇక్కడ ఫైవ్ స్టార్ ట్రీట్ మెంట్ చూస్తూ ఉంటే, ధ్యానం చేసుకోవడానికి ప్రశాంత వాతావరణానికి ఇది బ్రహ్మాండమైన ప్రదేశం. ఇక్కడి లోకల్ ట్రీట్మెంట్ చేసే డాక్టర్ వల్ల జేసన్ చాలా త్వరగా కోలుకుంటున్నాడు. మూడో రోజుకే లేచి నడుస్తున్నాడు. చుట్టూ విశాలమైన మైదానం.. అది దాటితే చిన్న చిన్న పొదలు చూడడానికి అడవిలాగా కనిపిస్తుంది.

చార్లెస్ రెండో రోజుకే ఈ సస్పెన్స్ భరించలేక దాక్కుంటూ దాక్కుంటూ బయటకు పరిగెత్తాడు. పని వాడు అటూ ఇటు చూసి వెళ్లి తమ పై అధికారికి విషయం చెప్పాడు. రిసార్ట్ మొత్తానికి చార్లెస్ పారిపోయిన విషయం తెలిసిపోయింది. చార్లెస్ చాలా జాగ్రత్తగా ఎవరి కంట కనపడుకుండా దాక్కుంటూ దాక్కుంటూ రిసార్ట్ బయటకు వచ్చాడు. ఎదురుగా కనిపిస్తున్న మైదానంలో ఎవరి కంట కనపడకూడదు అని బలంగా అనుకుంటూ ఫుల్ స్పీడ్ లో పరుగులు తీస్తూ పరిగెత్తాడు. ఎదురుగా చెట్లలో మమేకం అయిపోయి జాగ్రత్తగా అడుగులు వేస్తూ ముందుకు వెళ్ళాడు. దారిలో కనిపించే చిన్న చిన్న జంతువులు, కీటకాలు మరియు రకరకాల చెట్లని పలకరిస్తూ ప్రయాణం చేస్తున్నాడు.

ఆకాశంలో సూర్యుడు ప్రకాశం మొదలయి అక్కడ అంతా తన ప్రకాశాన్ని నింపుతూ ఉండగా ముందుముందుకు వచ్చి తాము ఎక్కడ ఉన్నాం అనేది చూశాడు. ఎదురుగా విశాల మైన సముద్రం.. ఆశ చావక తిరిగి అడవిలోకి వెళ్ళిపోయి చాలా గంటల ప్రయాణం తరువాత మరో వైపుకి వెళ్లి చూశాడు ఎక్కడా సామాన్య వాతావరణం కనిపించలేదు సరికదా మళ్ళి సముద్రమే కనిపించింది. విశాల మైన సముద్రాన్ని చూస్తూ ఉంటే పిచ్చ కోపం వచ్చేస్తుంది. తాము ఒక దీవిలో ఉన్నాం అని అర్ధం చేసుకోవడానికి ఎక్కువ సమయం పట్టలేదు. 

అన్నింటి కంటే ఆశ్చర్యంగా ఏమిటి అంటే అక్కడ ఉన్న అందరికి తను పారిపోయిన విషయం తెలుసు.. అయినా ఎవరూ పట్టించుకోలేదు. వెతకడానికి రాలేదు.

సూర్యుడు అస్తమించే వేళ కడుపు నిండా ఆకలి, ఒళ్లంతా అలసటతో రొప్పుతూ తిరిగి రిసార్ట్ కి చేరుకున్నాడు. ఎదురుగా డైనింగ్ టేబుల్ మీద ఫుడ్ కనపడగానే తాను ఒక ఉన్నత కుటుంబానికి సంబంధించిన వాడిని అన్న విషయం కూడా మర్చిపోయి నోట్లో కుక్కుకుంటూ తింటున్నాడు. చార్లెస్ కంటి ఎదురుగా చక్కని పంజరంలో కనిపిస్తున్న కొన్ని పక్షులను చూశాడు. తాము కూడా ఇలాంటి పంజరంలోనే ఉన్నట్టుగా అనిపించింది.

నిరాశగా తన బాడీని ఈడ్చుకుంటూ తన గదికి వెళ్లి బాత్రూంకి వెళ్లి షవర్ ఆన్ చేశాడు.

---

(ముందు రోజు - సిటీ)

నిద్రలేవగానే పరుగుపరుగున బాత్రూంలోకి వెళ్లి బయటకు వచ్చింది. నిషా చుట్టూ చూస్తూ విశాల మైన గది మరియు గది మధ్యలో ఉన్న పెద్ద మంచం, మరియు గోడకు ఉన్న పెయింటింగ్స్ చాలా రిచ్ గా అనిపించింది. కానీ ఇవేవి తనకు కొత్త కాదు. తన ఎక్స్-హస్బెండ్ డాక్టర్ సాత్విక్ రిచ్ ఫ్యామిలీ అయి ఉండడం అలాగే డైవర్స్ తో కలిసి ఉండేటపుడు తన అక్క కూడా వచ్చిన శాలరీ వచ్చింది వచ్చినట్టు లగ్జరీ ఐటమ్స్ కొనడమే కాబట్టి రిచ్ నెస్ తనకు కొత్త కాదు.

మెల్లగా మెట్లు దిగి కిందకు వస్తూ ఉంటే, వైభవ్ నవ్వుతూ ఎదురువచ్చి "గుడ్ మార్నింగ్" అని చెప్పాడు.

నిషా ఒక్క క్షణం షాక్ అయింది. ఎప్పుడో ఇంటర్వ్యూ చేసినపుడు చూసింది వైభవ్ నవ్వడం. ఇప్పుడు అతను కారణం లేకుండా నవ్వుతుంటే ఒకింత భయం వేసింది.

చుట్టూ చూసి "మనం ఎక్కడ ఉన్నాం.." అంది.

వైభవ్ "నా ఇంట్లో.."

నిషా "ఏ ఊళ్ళో" అని అడుగుదాం అనుకోని బాస్ ని అంత విడమరిచి అడగలేక ఫోన్ లో "Where am I?" అని చెక్ చేయగా H' సిటీ అని చూపించగానే హమ్మయ్యా అనుకోని తిరిగి బాస్ వైపు చూసింది.

వైభవ్ నవ్వుకొని కిచెన్ వైపు నడుస్తూ వెళ్ళడం చూసి "సర్.. నేను చేస్తాను.." అంటూ వెళ్ళింది.

వైభవ్ వద్దూ.. అంటున్నా ఆమె చనువు తీసుకోవాలని, తన గురించి అడిగి తెలుసుకోవాలని అతనికి కూడా అనిపిస్తుంది.

నిషా కిచెన్ లోకి వెళ్లి వంట చేస్తూ ఉంటే, సన్నని చమట ఒక తడి లేయర్ గా ఆమె మొహం అంతా పట్టేసింది.

ఎందుకో తెలియదు నిషాని చూస్తూ ఉండే కొద్ది ఇంకా ఇంకా ఆకర్షితుడు అవుతూ ఉన్నాడు.

నిషా వండుతూ ఉంటే ఆమెకు హెల్ప్ చేస్తూ అక్కడే ఉండి పోయాడు.

నిషా "మీకు ఈ ఫుడ్ ఐటెం అంటే ఇంత ఇష్టం అని నాకు తెలియదు.. ఇక్కడే ఉండిపోయారు.."

వైభవ్ బలవంతంగా తన చూపుని ఆమె మొహం నుండి ఫుడ్ వైపు చూస్తూ "యమ్మీ" అన్నాడు.

ఆమె తెల్లని మెడ వెనక కనిపిస్తూ ఉంటే ఎదో తెలియని ఆకర్షణ అతన్ని ఆమె వైపు లాగేస్తుంది.

నిషా పక్కకు తిరిగి నవ్వుతూ చూసింది. ఆమె నవ్వు అతని గుండెల్లో ముద్రగా పడిపోయింది.

వైభవ్, నిషా ఎదో మాట్లాడుతుందని తాను కూడా ఎదో ఒక సమాధానం చెప్పాలని అర్ధం అయింది.

వైభవ్ "నాకు అలా చూస్తూ ఉండిపోవాలనిపిస్తుంది"

నిషా సంతోషంగా నవ్వుతూ "అవునా.."

నిషా "నాకు కూడా వంట చేయడం అంటే చాలా ఇష్టం.. మా అక్క కూడా ఎప్పుడూ నాతో హోటల్ పెట్టిస్తా అంటుంది.." అని నవ్వేసింది.

వైభవ్ కూడా నవ్వేశాడు.

నిషాతో కలిసి బ్రేక్ ఫాస్ట్ చేస్తున్నంత సేపు సంతోషంగా నవ్వుకుంటూనే తిన్నాడు.

నిషా తన కారులో తన ఇంటికి వెళ్ళిపోగానే, ఏదో కోల్పోయినట్టు అనిపించింది.

అక్కడే కూర్చొని ఆలోచిస్తూ ఉండిపోయాడు. సుమారు నెల, రెండు నెలల నుండి ప్రశాంతంగా కూర్చోన్నది లేదు. ఎప్పుడూ ఎదో ఒక టెన్షన్, ఎవరో ఒకరి ఎమోషనల్ బ్లాక్ మెయిలింగ్ కానీ నిషాతో మాట్లాడిన ఈ కొద్ది సమయం తనని చాలా ఉత్సాహ పరిచింది. ఆమె ఉనికి, ఆమె నవ్వు, ఆమె వంటి నుండి వచ్చే మంచి గంధం లాంటి సువాసన తనకు చాలా కొత్తకొత్తగా అనిపిస్తుంది.

ఆమె వెళ్లి అరగంట గడుస్తున్నా ఆమె ఆలోచనలలో అలానే ఉండిపోయాడు.

ఇంతలో ఫోన్ మోగింది. ఆ రింగ్ టోన్ వింటుంటేనే వైభవ్ కి చిరాకు వచ్చేసేది, కానీ ఇప్పుడు ఎదో తెలియని కొత్త ఉత్సాహం వచ్చేసింది.

ఫోన్ అందుకొని "హలో" అంటూ స్టైల్ గా అన్నాడు.

---

రాజ్ గ్రూప్స్ ప్రధాన కార్యాలయం, ఉదయం తొమ్మిది గంటల ప్రాంతం. కారు హారన్ మృదువుగా మోగింది. గ్రౌండ్ ఫ్లోర్‌ ముందు నెమ్మదిగా ఆగిన నల్ల నేవీ బ్లూ బీఎండబ్ల్యూ నుండి వైభవ్ దిగి వచ్చాడు. ఆ ఫిట్‌డ్ సూట్, శాంతంగా నడవడం, మెరిసే బూట్లు — ప్రతీది కూడా అతని రేంజ్ చూపించేదిలా ఉంది. కానీ అతని మొహంలో పూసిన చిరునవ్వులో మాత్రం ఒక అసహజమైన గంభీర్యం కనిపించింది. ఎప్పుడూ ప్రత్యేక ఎగ్జిక్యూటివ్ లిఫ్ట్‌ వాడే వైభవ్‌ ఈ రోజు జనరల్ లిఫ్ట్‌కు వైపు నడవడం చూసి సెక్యూరిటీ సిబ్బంది నిమిషం నిశ్చలంగా నిలబడి చూశారు.

ఆఫీసు ముందు నిలబడిన కొంత మంది – ఆ నాలుగు ఫ్యామిలీలకు చెందిన వ్యక్తులు ఫోన్ లలో అప్పటికే మెసేజ్ పాస్ చేశారు "He is back..."  అది విన్న అవతలి వారి నిస్సహాయత, కోపం కూడా ఆయా ఫోన్ లలో వినిపిస్తూ ఉంది.

వైభవ్ ఆరోగ్యంగా అందరి కనిపించడం అంటే అది ఆ నలుగు ఫ్యామిలీలకు వార్నింగ్ పాస్ చేసినట్టే.. ఇప్పటికే వాళ్ళ కొడుకుల ఆచూకీ తెలియదు. Highest chance వాళ్ళు వైభవ్ చేతిలో బంధీగా ఉండి ఉంటారు.  

గత వారం పది రోజులుగా వైభవ్ ని రాజ్ గ్రూప్స్ ని రకరకాలుగా ఇబ్బంది పెట్టారు.. నువ్వేం చేయలేవు అంటూ అతని ముందు డ్యాన్స్ చేశారు. కానీ ఇప్పుడు తీరా చూస్తే తాము ఎంత పెద్ద పొరపాటు చేశామో అర్ధం అయింది. అర్జెంట్ గా తమ మనుషులతో రాజ్ గ్రూప్స్ తో మీటింగ్ అరేంజ్ చేయమని ఆయా కంపనీలు తమ తమ ఇంటర్నల్ డిపార్టమెంట్ లకు మెసేజ్ పాస్ చేసుకున్నారు.

ఇది ఇలా ఉంటే -- -- -- --

రాజ్ గ్రూప్స్ లో మాత్రం వైభవ్ అంటే ఒక రకమైన చిన్న చూపు ఉంది. వైభవ్ తన ఎగేజ్మేంట్ క్యాన్సిల్ చేసిన దగ్గర నుండి సిటీలో ఉండే కళ్యాణి ఫ్యామిలీ తో కలిపి మొత్తం అయిదు కంపనీలతో ప్రాజెక్ట్ ల కోసం పోరాటం చేయడం అవుతుంది. నిజానికి ప్రస్తుతం ఇదొక టగ్ ఆఫ్ వార్ లాంటి పరిస్థితి. ఏ మాత్రం అలసత్వం చూపినా మొత్తం బూడిదలో పోసిన పన్నీరు అవుతుంది. కీర్తి మేడం తన శాయశక్తులా ఇప్పటికే వార్ రూమ్ ను రెండు సార్లు కండక్ట్ చేసినా ఫలితం లేకుండా పోయింది.

మధ్యానానికి మీటింగ్ రూమ్ డోర్ ఓపెన్ చేసుకుంటూ వైభవ్ ఎంటర్ అయ్యాడు. రాజ్ గ్రూప్స్ సీనియర్ స్టాఫ్, సీనియర్ పార్టనర్స్ మరియు డైరక్టర్స్ అందరూ ఉన్నారు. వాళ్ళను లీడ్ చేస్తూ కీర్తి కూడా అక్కడే ఉంది. ఆ నాలుగు ఫ్యామిలీల (జైషా, ఈథన్, జేసన్ మరియు చార్లెస్) స్టాఫ్ రాజ్ గ్రూప్స్ ఇచ్చిన ప్రపోజల్స్ ని తిరగేస్తూ వాళ్ళు అందించిన టీ కాఫీలులో బిస్కెట్లు ముంచుకొని తింటూ ఉన్నారు.

అయితే గదిలోకి సడన్ గా ఎంటర్ అయిన వైభవ్ గురించి రాజ్ గ్రూప్స్ ఎంప్లాయిస్ కి మాత్రమె కాదు వాళ్లకు కూడా చిన్న చూపు అలానే ఉంది. చాలా మంది వైభవ్ ని చూసి తల అడ్డంగా ఊపుతున్నారు.

వైభవ్ ఆ నాలుగు ఫ్యామిలీల స్టాఫ్ ని చూస్తూ "రేపు మార్నింగ్ నా ఆఫీస్ లో సరిగ్గా తొమ్మిది గంటలకు ఒక నిముషం అటూ కాకూడదు, ఒక నిముషం ఇటూ కాకూడదు.. షార్ప్ 9 ఓ క్లాక్ కి రమ్మని మీ బాస్ లను డైరక్ట్ గా రమ్మని చెప్పండి.. ఇక మీరు వచ్చిన పని అయిపొయింది వెళ్ళిపోండి.." అన్నాడు.

ఇదంతా గమనించిన కొంత మంది డైరక్టర్లు మరియు పార్టనర్స్ సీరియస్ గా చూస్తూ ఉన్నారు. నాలుగు కంపనీల ప్రతినిధులు ఒకే సారి వస్తున్నారు అనే సరికి వాళ్ళు ఎక్కడి పనులు అక్కడే వదిలేసి ఆదరా బదరా వచ్చారు. ఇప్పుడు వైభవ్ వచ్చి వాళ్ళ బాస్ లు మాత్రమె రావాలి, పైగా ఇప్పుడు వెళ్ళిపోండి రేపు రండి అనడమే కోపం తెప్పిస్తుంది.

కీర్తి కూడా కోపంగా కళ్ళు పెద్దవి చేసుకొని వైభవ్ వైపు చూస్తూ "నువ్వు నీ పని చేసుకుంటూ అదుపులో ఉంటే బాగుంటుంది.." అంది. ఆమెకు వైభవ్ ఎప్పుడూ నచ్చడు, కానీ చాలా కష్టపడి నటిస్తూ వచ్చింది. కానీ ఇలా నాలుగు పెద్ద ఫ్యామిలీల డీల్ ని ఒకే సారి తన్నేయడం ఆమె జీర్ణించుకోలేకపోయింది.

అంతలో అందరి ఆలోచనలను భగ్నం చేస్తూ ఆ ప్రతినిధులు "రేపు రావడానికి ఒప్పుకున్నారు సర్.." అని చెప్పి సర్దుకొని అక్కడ నుండి వెళ్ళిపోయారు.

వైభవ్ విసురుగా అందరిని చూస్తూ అటూ ఇటూ తిరుగుతూ ఉన్నాడు.

అందరూ ఇప్పటికే షాక్ నుండి తేరుకోలేదు.

వైభవ్ "వారం పది రోజుల నుండి చూస్తున్నా.. ఒక్క చిన్న కంపనీ నుండి కాపాడుకోవడానికి గిల గిలా కొట్టుకుంటున్నారు.. చేతకాదని ముందే చెబితే మేం చూసుకుంటాం కదా.." అని విసుగ్గా చూసి కీర్తి వైపు చూడకుండ వెళ్ళిపోయాడు. అక్కడున్న అందరికి వైభవ్ కీర్తిని అన్నాడని తెలుసు.. కానీ ఎవరూ మాట్లాడలేకపోయారు.

కీర్తి కూడా వైభవ్ ఇలా అందరి ముందు తన పై ఇలా ఫైట్ మొదలు పెడతాడు అని ఊహించలేదు. సైలెంట్ గా పిడికిలి బిగించి పట్టరాని కోపాన్ని పంటి కింద నొక్కి పట్టింది.

---

డ్రైవర్ స్పీడ్ లిమిట్స్ పాటిస్తూ కార్ నడుపుతున్నాడు. ముందు ప్యాసింజర్ సీట్లో నిషా పింక్ శాలీన్ డ్రెస్‌లో కూర్చొని, విండ్ షీల్డ్ బయట చూస్తూ ముద్దుగా నవ్వుతోంది.

నిషా "సర్ అలా ఎంట్రీ ఇచ్చారో చూశారా? అంత సీరియస్ మీటింగ్‌లో ఓపెన్ డోర్ ఎంట్రీ అంటే… పవర్ ఫుల్!"

నిషా నవ్వుతూ "ఇప్పుడే నన్నెవడైనా అడిగితే… ‘ఇంత పవర్‌ఫుల్ బాస్‌తో పనిచేస్తున్నా’ అని చెప్తా!"

వెనక సీట్లో నిరంజన్, చెంప మీద చెయ్యి పెట్టుకుని విండ్ షీల్డ్‌లోని రియర్ వ్యూ మిర్రర్ లో తనను తాను చూసుకుంటూ ఉండిపోయాడు.

నిరంజన్ చిన్నగా గొణుక్కుంటూ "పవర్‌ఫుల్ అనేది ఓ మాటే… కానీ నా కెరీర్‌కి RIP రాస్తే సరిపోతుంది ఇప్పుడు..."

కొద్ది సేపు మౌనం...

నిషా విండో బయట చూస్తూ, హాయిగా నవ్వుతూ "ఇవ్వాళ్టి వాతావరణం చాలా బాగుంది సర్… అసలే మీతో మొదటి టాస్క్, మీ డ్రైవ్ చూసినప్పటి నుంచీ... ఏదో సినిమా సీన్‌లో ఉన్నట్టు అనిపిస్తుంది!"

వైభవ్ వెనక సీట్లో కూర్చుని తల వాల్చి, కొద్దిగా అలసిన గంభీరతతో నవ్వుతూ "సినిమా సీన్ కాదు నిషా... ఇది నా లైఫ్ – నా స్టంట్స్ నేనే చేసుకుంటున్నా, కధా, స్క్రీన్ ప్లే కూడా నేనే రాసుకున్నా"

నిషా తన తల వైభవ్ వైపు తిప్పి, చిరునవ్వు నవ్వుతూ "లవ్ లో బ్రేకప్ అయితే కెరీర్ లో కలివస్తుంది అంట... మీరు చూస్తూ ఉండండి.. మీ ఐడియాస్ కి..., మీ స్టైల్ కి... మీ బ్రిలియన్స్ కి... ఇక నుండి మీ కెరీర్ సూపర్ స్పీడ్ లో ఉంటుంది.." అంది.

నిరంజన్ "అవుతుంది.. అవుతుంది.. తేడా పడితే అధః పాతాళానికి వెళ్ళిపోతాం.."

వైభవ్ ఆలోచనల్లో సడన్ గా చిన్నప్పటి కళ్యాణి వచ్చి వెళ్ళింది. తన బాధలో ఆమె మాటలు తడి చేసి వెళ్లిపోయినట్టు అనిపించింది. కానీ మెల్లగా నవ్వి తన భావాలను కవర్ చేసుకున్నాడు.

వైభవ్ "హ్మ్... నీకు ఒక విషయం చెప్పనా?"

నిషా "ఏమిటి సర్?"

వైభవ్ "ఈరోజు నిన్ను చూస్తుంటే... క్లాస్ అనిపిస్తోంది... డ్రెస్ సెలక్షన్ ఎవరు చేస్తారు? నువ్వేనా? లేక ఎవ్వరైనా స్టైలిష్ట్ ఉన్నారా వెనక?"

నిరంజన్ కోపంగా "అసిస్టెంట్ అంటే, కొంచెం జిగేల్ జిగేల్ మనే మోడరన్ డ్రెస్ వేసుకొని ముందుకు చొచ్చుకుపోయి చేతులు కాళ్ళు వేస్తూ మాట్లాడేలా ఉండాలి.. ఎదో సార్ గారికి కాబోయే మిస్సెస్ లాగా వెనక వెనక నిలబడడం కాదు" అని విసుగ్గా అన్నాడు.

కొద్ది సేపు మౌనం...

నిషా చీర అంచు సవరిస్తూ, చిరునవ్వుతో "నా దృష్టిలో డ్రెస్సింగ్ అంటే, మనకు గౌరవం తెచ్చేదిలా ఉండాలి.. మోడరన్ గా అయినా ట్రేడిషినల్ గా అయినా.." అంది.

---

నిరంజన్ తన ఇంటి దగ్గర కారు దిగి తన బ్యాగ్ ని హాగ్ చేసుకున్నట్టు చేసుకొని బాధగా నడుచుకుంటూ వెళ్తున్నాడు.

వైభవ్ అతన్నే చూస్తూ "పాపం.. అసలు ఈ పూట నిద్ర పడుతుందో లేదో.." అని సాగదీస్తూ నవ్వుతున్నాడు.

నిషా "మీరు ఇలా ఏడిపించడం కరక్ట్ కాదు.." అంటూ చిన్నగా చిరునవ్వు నవ్వింది.

వైభవ్ ఒక నిముషం మౌనంగా ఉండి నవ్వేశాడు.

నిషాని తన ఇంటి దగ్గర దింపి తన ఇంటికి వెళ్ళిపోయాడు. 

---

మరుసటి రోజు ఉదయం..

కంపెనీ భవనం ముందు నలుగురు పెద్దలు — జైషా, జేసన్, చార్లెస్, ఈథన్.

అందంగా ట్రిమ్ చేసిన లాన్ పక్కన ఓ రేంజ్ రోవర్, ఓ మెర్సిడెస్ మేబాక్, ఓ లంబో SUV, ఓ బెంట్లీ నిలబడ్డాయి.

సెక్యూరిటీ స్టాఫ్ అంతా ఊపిరి సలపకుండా వచ్చే VIPల కోసం కష్టపడుతూ ఉన్నారు.

కీర్తి తన ఆఫీస్ లో కూర్చొని ల్యాండ్ లైన్ ఫోన్ ని అలానే చూస్తూ ఉంది. ఆమె ఒక్కతే కాదు మొత్తం రాజ్ గ్రూప్స్ మొత్తం ఊపిరి బిగబట్టి ఎదురుచూస్తూ ఉంది. మొత్తం నాలుగు ఫ్యామిలీల పెద్దలు ప్రస్తుతం అదే బిల్డింగ్ లో అందులోనూ ఎటువంటి ప్రాజెక్ట్, స్టాఫ్ లేని వైభవ్ ఆఫీస్ లో వైభవ్ కోసం ఎదురు చూస్తూ ఉన్నారు.

అనుకున్న టైం 9ది దాటింది, వైభవ్ ఆచూకి లేదు. ఆఫీస్ మొత్తం ఖాళీగా ఉంది. నిరంజన్ మరియు నిషా ఇద్దరూ వచ్చిన గెస్ట్ లకు సదుపాయాలూ చూస్తూ ఉన్నారు. వాళ్ళ దృష్టిలో బ్యాడ్ గా పడకూడదు అని తెగ ఇబ్బంది పడిపోతున్నాడు. నిప్పుల మీద నడుస్తున్నాడు అతని పరిస్థితి. నిషా న్యాచురల్ గా నవ్వుతు పలకరిస్తూ మాట్లాడుతూ ఉంది. వచ్చిన వాళ్ళకు రకరకాల ఫోన్ లు వస్తున్నాయి కానీ అన్ని క్యాన్సిల్ చేసుకొని అలానే ఉన్నారు.

పది..

కీర్తి, ఫోన్ స్క్రీన్ ని చూస్తూ ఉంది. "Switch off… unreachable…"

పడకెండు..   దాటింది..

వైభవ్ ఆచూకి లేదు.. కీర్తి ఓపిక పట్టలేక తానే స్వయంగా వైభవ్ ఆఫీస్ దగ్గరకు వచ్చింది. వైభవ్ కి మొదట్లో మోసం చేసి ఈ ఆఫీస్ అసైన్ చేసినపుడు వచ్చింది, మళ్ళి ఇప్పుడు.

ఆ నాలుగు ఫ్యామిలీ పెద్దలను నవ్వుతూ పలకరించింది కానీ అందరూ వైభవ్ కోసమే ఎదురు చూసే పనిలో ఉన్నారే కానీ ఆమెతో కనీసం మాట్లాడడానికి కూడా ఎవరూ సిద్దంగా లేరు. కీర్తి చేసేది లేక మరో చైర్ తీసుకొని పిడికిలి బిగించి అక్కడే కూర్చుంది.

కొద్ది సేపటికి నిషా వచ్చి నలుగురిని మీటింగ్ రూమ్ లోకి రమ్మని పిలిచింది. వాళ్ళతో పాటు వేరే ఎవరూ రాకూడదు అని చెప్పడంతో అందరూ అలాగే చేశారు. కీర్తి చైర్ నుండి లేచి మీటింగ్ రూమ్ వైపు నడిచింది. నిరంజన్ ఆపబోయి కీర్తి కోపంతో ఉన్న మొహం చూసి భయపడ్డాడు. నిషా నవ్వుతూనే డోర్ దగ్గర నిలబడి క్షమాపణ చెప్పింది.

కీర్తి సీరియస్ గా "నేను ఎవరో తెలుసా!" అంది.

అందుకు బదులుగా నిషా వెనకాలే నిలబడ్డ చార్లెస్ యొక్క ఫాదర్ "ప్లీజ్ మేడం.. బయట ఉండండి.." అన్నాడు.

కీర్తి వెంటనే నవ్వు మొహం పెట్టి "సరే!" అని పక్కకు వెళ్ళింది.

రూమ్ డోర్ చూస్తూ ఉంటె లోపలకు వెళ్లాలని లేదా కనీసం డోర్ దగ్గర చెవి పెట్టి వినాలని ఉంది.

అసలు ఏమి ఏమైనా లోపల ఏం జరుగుతుందో తెలుసుకోవాలని అనిపిస్తుంది.

కీర్తి మోహంలో కనిపిస్తున్న ఎక్సప్రేషన్స్ చూస్తూ నిరంజన్ ఆశ్చర్యపోయాడు.

నిరంజన్ నెమ్మదిగా అడిగాడు "మేడం, కాఫీ తేవాలా?"

కీర్తి నిదానంగా తల తిప్పి — "కాఫీ కాదు... వైభవ్, అసలు వైభవ్ గురించి తెలుసుకోవాలి" అంది.

ఆమె మోహంలో నవ్వు కనిపించింది. నిరంజన్ కి ఆమె మనసులో ఏముందో తెలియదు. నిజానికి ఎవరికీ కూడా ఆమె మనసులో ఏముందో తెలియదు.

ఇంతలో డోర్ ఓపెన్ అయింది. ముందుగా నిషా కొద్ది సేపటి తరువాత నాలుగు ఫ్యామిలీ పెద్దలు బయటకు వచ్చారు, నిషా "రేపు మార్నింగ్ 9' గంటలకు షార్ప్" అంది. అలాగే అంటూ తల ఊపి వెళ్ళిపోయారు. అంత సేపు కూర్చోబెట్టుకున్నా ఒక్కరి మొహాలలో కూడా కోపం లేదు. కానీ వాళ్ళను మరియు ఆ పరిస్థితిని చూస్తూ ఉంటే ఒకింత భయంగా అనిపిస్తుంది.

---

నిషా ఒక వీడియో ఓపెన్ చేసింది. అందులో పాండు.. మరియు అతని మనుషులు ఎలా జైషా తమతో బిజినెస్ మాట్లాడి పనులు చేయించుకునే వాళ్ళు. అలాగే వైభవ్ ని ఎలా కిడ్నాప్ చేశారు. ఇంకా రకరకాల చట్ట వ్యతిరేక పనులలో వీళ్ళ సాక్షాలు అన్ని చూపించింది.

అందరూ కోపం తెచ్చుకున్నప్పటికీ గుటకలు మిగుతూ ఆపుకొని "మా పిల్లలు ఎక్కడా.." అని అడిగారు.

నిషా మరో వీడియో ఓపెన్ చేసింది. అందులో నలుగురు VIP ట్రీట్మెంట్ లో ఎంజాయ్ చేస్తూ ఉన్నారని.. కానీ వచ్చిన దగ్గర నుండి వారిలో వాళ్ళు గొడవపడుతూ ఉన్నారని.. ఒకరికి తగిలిన దెబ్బల వల్ల లోకల్ లో ట్రీట్మెంట్ తీసుకుంటున్నారని, ప్రస్తుతం బాగానే ఉన్నారని (జేసన్ పేరు చెప్పలేదు) అలాగే ఇవ్వాళ పొద్దున్నే ఒకరు (చార్లెస్ పేరు చెప్పలేదు) తప్పించుకునే ప్రయత్నం చేశారని వైభవ్ వాళ్ళు సేఫ్ గా తిరిగి తీసుకొచ్చే పనిలో ఉన్నారని చెప్పింది.

అవి విన్న నాలుగు ఫ్యామిలీ పెద్దలు ఒకింత ఊపిరి పీల్చుకున్నారు. అసలు ప్రాణాలతో ఉన్నారు చాలు అనిపించింది. కానీ వెంటనే మొహం నిండా కోపం ప్రదర్శిస్తూ వైభవ్ గురించి కోపంగా అడిగారు.

నిషా నవ్వుతూ "తప్పించుకున్నా, VIP ట్రీట్మెంట్ తీసుకున్నా అందరూ ప్రస్తుతం వైభవ్ సర్ కంట్రోల్ లోనే ఉన్నారు.. అయినా ఈ విషయాలు మేం చెప్పాలా.. మీకు తెలియదా ఏంటి?" అని అక్కడ నుండి వెళ్ళిపోయింది.

కొద్ది సేపటికి నలుగురు పెద్దలు బయటకు వచ్చారు. నిషా "రేపు మార్నింగ్ 9' గంటలకు షార్ప్" అంది. చేసేది లేక తల ఊపి వెళ్ళిపోయారు.

---

[Mahesh12345]

ఓసీ నీ పాసుగోల

ఇదేందయ్య ఇదెందిది

ఇదేందిది అంట

మడుసులని నిదర పోనివా ఏంది

అసలు ఒక కత నీ ఇట్టా కూడా రాయచ్చా అంట

అబ్బో అబ్బో సానా యవ్వారం ఉండదయ్యో నీ దగ్గర

ఏదో అనుకున్న కానీ మాములోడివి కాదయ్యో నువ్వు

కూసింత పెద్ద మనసు సేసుకొని బేగిరం గా మిగతాది కూడా రాసెయ్యరాదు అంట

ఏతంటావూ