Fantasy Girls college (COPIED)

[liljohn]

" par ye kaise ho sakta hai Sir.. ghar walon ko kya kahoongi...?" Neeru ne sawaal kiya.. halanki uski taraf se poori 'haan' thi...
" college ki taraf se jaayein toh.. aur bachchon ke sath..?" Vasu ka bhi tour ka mood ban gaya tha.. Neeru ke sath
Neeru ke anchhuye youvan ki pyas hathon se na mit paane ki kasak Neeru ki aankhon mein sapast dikhayi di jab usne Vasu se najrein char ki," chaloongi Sir.. kab chalna hai.?"
Vasu ka rom rom khil utha..," main lunch ke baad batata hoon... abhi tum jao.. koyi aa jayega.. " kahkar Vasu khada hokar Staffroom se nikal gaya...
Neeru tadap uthi.. Tour toh jab jayega tab jayega.. abhi kya karoon.. usne angdayi lekar janghon ke beech apni panty ko theek kiya aur murjhayi huyi si apni class mein aa gayi... " Sneha! Main 5 minute mein ghar ke bahar miloonga.. tum taiyaar ho na.. Jaan?" Vicky ne Sneha ko fone par kaha...
" haan.. main taiyaar hoon.. Aa jao!" Sneha ne khud ko niyati ka saamna karne ke liye taiyaar kar liya tha.. waise bhi ab uske paas uski jindagi ke alawa khone ko tha hi kya jo wo mana karti.. aur uss jindagi ka bhi ab kya faayda?
wah pahle hi taiyaar ho chuki thi.. Viru samet sabko usne bata diya tha.. wah ja rahi hai; Vicky ke sath..
Jaise hi wah bahar nikli, Raj ne usko toka," abhi mat jao na Sneha! pls.. ek hafte ki hi toh baat hai.. maan bhi jao!"
" nahi bhaiya.. mujhe jana padega.. Vicky.. Mohan ko meri jarurat hai.. main nahi gayi toh shayad uska sapna 'sapna' hi rah jayega..." Apni aankhon ki nami ko rumaal se pounchhte huye wah boli...," Viru kahan hai?"
"pata nahi.. tum nahi mani toh wo naraj hokar kahin chala gaya.. maine usko roka bhi tha.. par wo nahi mana.. langdate huye gaya hai.. pata nahi kahan.." Raj ko laga ab usko rokne ka koyi faayda bhi nahi.. uski geeli aankhon mein dridhta saaf jhalak rahi thi.. jane ki.. Mohan ke sath..
"wo kahan hai?" Sneha ne apne murjhaye chehre par kshanik muskurahat laate huye poochha.. Raj samajh gaya.. wo kiski baat kar rahi hai..
"abhi bulata hoon.." Raj dusre kamre mein gaya aur ladkiyon mein se Priya ka hath pakad laya..
" tum maan toh rahi nahi ho.. mera tumse baat karne ka dil nahi karta..." Priya ne aate hi apna munh banaya....
Sneha ne uska hath pakad liya.. barbas hi uske aansoo chhalak uthi..," Raj ka hath mat chhodna Priya.. Pahla Pyar aksar kho jata hai.. aur fir aankhein tamaam umra bheed mein usko khojti rahti hain.. (am I right?) ...museebatein aayengi.. par tum dono milkar saamna karna... Bhagwan sachche prem ka sath hamesha dete hain.." Sneha ke liye kahte huye apne aapko sambhalna mushkil ho gaya.. rote huye hi usne baat poori ki,"... Aisa suna hai maine!"
"par tum ro kyun rahi ho Sneha.. subah se hi tum ro rahi ho.. baat kya hai..?" Priya ne Sneha ko pyar ka gurumantra dete huye subakte dekh poochha..
"kuchh nahi.. inka kya hai.. ye toh hamesha sath dete hain.. tanhayi ki agni jab tadap bankar hamein kachotne lagti hai toh yahi toh thandak dete hain.. Aansoo!." Sneha ne unhe pouchhte huye kaha..," dhyan rakhna ek doosre ka.. har koyi Mohan nahi hota.." kahte huye wah Priya ke gale lagkar rone lagi... Priya ki aankhon se bhi aansoo chhalak uthhe..
" Sneha.. hamein tumhare sath ki jarurat padegi.. Mohan ko bol dena.. hamari madad kare.. ab yahan hum kab tak rahenge..?" Priya ne bhi usko apni chhati se chipka liya..
" tabhi bahar Gadi ka horn sunayi diya.. Sneha bina kisi aur se baat kiye jaldi se bahar nikal gayi.. bahar mohan uska intzaar kar raha tha.. 'apna' sapna sakar karne ke liye.... Sneha ne Gadi ki khidki kholi aur agli seat par jakar baith gayi.. apne aakhri safar ke liye
"baat kya hai Sneha? tumhara mood theek nahi lag raha.. koi problem hai kya?" Vicky ne jhijhakte huye Sneha se poochha.. halanki Sneha ne uske paas aane se pahle apne aapko sambhal liya tha.. aur Gadi mein baithte hi muskurakar vicky ki aur dekha bhi tha.. par aaj uski muskurahat mein wo kashish nahi thi.. wo niralapan nahi tha.. aur.. fir chor ki dadhi mein tinka hota hi hai.. Vicky ko shak tha hi.. kahin Sneha 'kuchh' jaan toh nahi gayi hai..
"Nahi.. kuchh nahi.. hum ab kahan ja rahe hain..?" Sneha ne baat palat'te huye poochha...
" kahan ja rahe hain matlab? kahin toh jayenge hi.. pyar nahi karna kya? tum toh tadap rahi thi mere liye!" Vicky ne uske balon mein hath ferte huye kaha...
'pyar karna kisi ke hath mein toh nahi hota na Mohan.. wo toh bus ho jata hai.. jaise mujhe ho gaya.. tumse.. warna kisne socha tha.... Mohan! tumhe main pyari to lagti hoon na...?" Sneha ne vicky se poochha..
"yye tum aaj kaisi baatein kar rahi ho.. kya ho gaya hai tumhe?" vicky ke antarman ne usko dhikkara aur usne Sneha ke haathon mein lahra raha apna hath wapas kheench liya...
"kuchh nahi.. Aaj mummy ki badi yaad aa rahi hai.. !" Sneha recording ko yaad karte hi bhawnao mein bahkar bilakh padi.. Vicky se raha na gaya.. usne gadi side mein lagakar Sneha ka chehra apne hathon mein le liya.. Sneha ka ek ek aansoo laave ki tarah uske dil par tapak raha tha.. badi mushkil sthiti thi.. vicky ke liye," kya baat hai.. tum aaj... tum toh kah rahi thi.. tumne mummy ko kabhi dekha hi nahi.. fir aaj yun achanak mummy kaise yaad aa gayi.....?"
" haan.. Dekha nahi hai kabhi.. par aaj mahsoos ho raha hai.. wo bhi kitni bebas rahi hongi.. kitni tadpi hongi wo.. ye kab tak chalega vicky.. nari kab tak purush ke julmon ka shikar hoti rahegi.. kab tak purush usko apni hasraton aur sapno ko poora karne ka 'sadhan' maanta rahega.. Ardhangini hone ka haq kya hamein kabhi nahi mil payega? hum kya aise hi duniya mein aati hain.. nangi karke jangli kutton ke saamne daalne ke liye..?" Sneha ko 'wo' baatein lagatar ghutan bankar usko khaye ja rahi thi... aakhir usne nikal hi di.. vicky ko vicky kahkar usne Vicky ko hakka bakka kar diya.. aakhir usko bhi haq tha.. jaane se pahle jaan'ne ka.. ki uske sath aisa kyun hua.. yahi uski aakhiri ichchha thi...
Vicky ko jaise sanp soongh gaya.. poori teevrata dikhate huye usne Gadi ko lock kar diya.. taki Sneha wahan se bachkar bhag na sake..
" Mujhe bhagna hota toh main tumhare sath aati hi kyun?" Sneha ke chehre par ab sukoon jhalak raha tha... Vicky ko ye batakar ki wo uski fitrat jaan chuki hai..
" Hummmm.. toh tumhe sab kuchh pata lag gaya.." Vicky ne lambi saans chhodte huye kaha...
"nahi.. Sab kuchh kahan pata laga.. mujhe abhi tak ye pata nahi laga hai ki main tumhe pahchan kyun nahi payi.. tumhari aankhon mein chhipi waasna ko main pyar kaise samajh baithi.. aur ye bhi main kabhi nahi jaan paaungi ki sab kuchh jaan lene ke baad bhi tumhare paas kyun chali aayi... Marne ke liye..!" Sneha ne vicky ko jhakjhor kar rakh diya...
" Dekho Sneha.. iske liye main jimmedar nahi hoon.. apne ye sare sawaal apne baap se karna.. jisne apni biwi ke sath aisa kiya.. aur ab tumhare sath karne ki soch raha hai...! maine tumse kabhi pyar kiya hi nahi.. main pyar vyar ko nahi maanta.. mera lakshya Multiplex hasil karna tha.. aur wo tumhe unko sonp dene ke baad hi poora ho sakta hai..." Vicky ne khud ko glani se bachane ki koshish ki...
" theek hi toh hai.. jab wo aisa kar sakte hain toh tumse kya ummeed karoon..? ho toh tum bhi mard hi aakhir... meri ek aakhiri ichchha poori karoge Vicky...?" Sneha ne uski aankhon mein aankhein daal kar kaha...
" Bolo!" Vicky ne steering par sir rakh liya.. wo Sneha se najrein milate huye katra raha tha...
Sneha ki aankhon se jaise sookhe huye aansuon ki dhara bah nikli...," pata hai vicky.. jab main tumhe mohan samajhti thi.. apna Mohan maanti thi..," Sneha subakne lagi.. par usne bolna jari rakha," tab maine... ek sapna dekha tha.. har ladki ki tarah laal jode mein lipati huyi.... suhaag ki sez par tumhara intjaar karne ka.. hamesha ke liye tumhari ho jane ka.. tumhare liye khana banane ka.. tumse roothne ka.. tumhe mana'ne ka.. hamare bachche ko janam dene ka.. usko dular kar rakhne ka.. tumhare gusse se usko bachakar apne aanchal mein lapet kar chhupa lene ka.. aur.. usko.. kabhi meri tarah akela nahi hone dene ka.. usko kabhi hostel na bhejne ka....." kahte huye Sneha bilakh bilakh kar rone lagi.. Vicky jaisa nisthur bhi uski baatein sunkar andar tak hil gaya..," sambhalo Sneha khud ko.. main koshish karoonga tumhare sath aisa na ho.. multiplex mil jaane ke baad mein tumhe bachane ki koshish karunga.. waise bhi tumhare baap ne kaha tha.. ki uske bahar aane se pahle tumhare sath kuchh na karein.. main wada nahi karta.. par koshish jaroor karoonga.. tumhe bachane ki.."
"kyun koshish karoge tum.. kyun...? taki fir se kisi swarth ke liye mera istemaal kar sako.. na.. mujhe bachane ki koshish mat karna.. main toh pahle hi mar chuki hoon.. mujhe baar baar marne ke liye mat chhodo pls.." Sneha ne vicky ke saamne hath jod liye.....
Vicky ke paas koyi jawaab nahi tha.. Sneha ke kisi sawaal ka.. achanak vicky ka fone baj utha.. baanke ka fone tha," haan.. main aa raha hoon.. aadha ghanta lagega.." kahkar vicky ne fone kata aur Gadi start karke chal diya....... Lunch mein Anjali ne aate hi ladkiyon se poochha," Sneha kahan gayi.. uska mood theek huaa ki nahi..?"
"wo toh chali bhi gayi mummy! Mohan aaya tha usko lene.." Gouri ne khadi hote huye kaha.. Sabko darr tha.. ab tour shayad mushkil hai.. sabhi ke munh pichke huye the.. khas tour se Priya aur Riya ke.. unhe wahan se jana pad gaya toh..
"kyaaa??? oh my God! mujhe college nahi jana chahiye tha.. ab main kya karoon..?" badbadate huye anjali ne fone nikal liya aur Shamsher ke paas fone milaya
"haan.. Anjali.. main sham tak pahunch jaaunga.. tour ki taiyaari kar li hai na?" Shamsher ne fone uthate hi kaha...
"wwo.. Sneha chali gayi.. Vicky ke sath.." Anjali ne uski baat par dhyan na dete huye kaha..
"whhat??? usko pata nahi tha kya..? usko bataya nahi tha kya? ye kya ho gaya..?" shamsher vichlit sa ho gaya...
"mujhe nahi pata.. mere khayal se pata chal gaya tha usko.. subah se ro rahi thi..."
Shamsher ne bina ek pal bhi gunwaye Tough ke paas fone lagaya," Sneha chali gayi.. vicky ke sath.. tumne usko bataya kyun nahi..?"
"kya???" lagbhag waisa hi dhakka tough ko bhi laga," par maine toh usko recording tak suna di thi.. fir wo gayi kyun?"
" ab ye baat sochne ka waqt nahi hai.. hamein jaldi hi kuchh karna padega...!" Shamsher ki taraf se aawaj aayi...
" par chinta karne ki baat nahi hai bhai.. Murari ne apne logon ko uske bahar aane tak usko kuchh nahi karne ko kaha hai.. main sambhal loonga.. sala Murari toh apne paas hi hai na.. main sambhal loonga... par vicky ne ye theek nahi kiya bhai.. wo toh pagal ho gaya hai.. waise Murari ne jo location deal ke liye tay ki hai.. main wahan security officer bhej deta hoon.. khud bhi chala jaaunga.. Recording mein Murari ne khol kar bataya tha.. main nikal raha hoon.." kahkar tough ne fone kata aur jaldi se bahar nikal gaya.....
-----------------------
Lunch ke baad mayus anjali jab office louti toh Vasu pahle se hi uska intzaar kar raha tha..
"Shrimati ji.. maine aapki salaah par vichar kiya tha.. bura nahi hai.. main sath chalne ko taiyaar hoon.. kahiye kab ka karyakram rakhein..?"
" Nahi Vasu ji.. maine bhi aapki baat par gour farmaya tha.. aap sahi kah rahe the.. iss waqt tour par jana theek nahi.. maine programme cancel kar diya hai.." Anjali ne kursi par baithte hi apna matha pakar liya....
"Parantu ye toh koyi baat nahi huyi.. maine lakh sochne ke baad apna mann banaya.. aur ab jabki main jane ka ichchhuk hoon toh aap mana kar rahi hain.. aapko chalna chahiye.. aur nahi toh aap bachchon se hi poochh kar dekh lo.. maine bhi ek aadh ladki se iss baare mein vichar kiya tha.. wo chalne ko taiyaar hain.. aap kahein toh main bachchon se parchiyan dalwa leta hoon.. jaisa bahumat kahe.. boliye?" bechare vasu par toh gaaz si gir padi tour cancel hone ki baat sunte hi... jaane kitne armaan sanjo liye the usne ghante bhar mein hi....

[liljohn]

"Dekhiye vasu ji.. tour mumkin nahi hai.. aap samajhne ki koshish karein... aur mere sir mein dard hai.. aap kripaya mujhe akela chhod dein..." Anjali tunak si padi thi...
Vasu bina kuchh bole munh fulakar wahan se nikal gaya.. usne class nahi li.. jate huye usne chhoti class ki ek ladki ko bulaya aur usko Neeru ko math ki kitab lekar staffroom mein bhej dene ko bol kar khud wahin chala gaya...
"ji Sir.. Aapne bulaya?" kahte huye Neeru seedhi staffroom mein ghus gayi.. usne andar aane ki ijajat tak nahi maangi.. wo khili huyi thi.. jate hi usne apni math ki kitab ko table par patka aur vasu ki aur munh karke khadi ho gayi...," maine poochh liya hai Sir.. gharwalon se.. main bhi chaloongi tour par... "
Vasu bechaini se khada hokar idhar udhar tahlne laga," Saali sari duniya prem ki dushman hai..! Log jodiyan bante dekh hi nahi sakte.. sabko apni apni padi hai.. batao.. agar chal padte toh kounsa pahad toot padna tha.... ?" Vasu badbada raha tha.. Neeru ko bus ek hi baat dhang se sunayi di.. ' Sari duniya prem ki dushman hai'
"kya Sir?" Neeru ne hichkichate huye poochha..
" arey kya kya?" Vasu ne Neeru ke paas aakar usko kandhon par se pakad liya.. uska gussa uski pakad ki majbooti mein jhalak raha tha.. Neeru andar tak hil gayi.. neeche tak.. Vasu ne aawesh mein bakna jari rakha," wo kya samajhte hain..? agar hum ghoomne nahi gaye toh kya hum pyar karna chhod denge.. kya hum yahan pyar nahi kar sakte.. nahi nahi.. ye toh vidyalay hai.." Vasu ne apne hath hata liye," kya tum mere paas ghar nahi aa sakti.. kya main chori chhipe Raat ko deewarein kood kar tumhare ghar nahi aa sakta.. kya hamara pyar itna kamjor hai ki...."
Vasu jane kya kya bak raha tha.. mano bhang kha rakhi ho.. Neeru hairan thi.. abhi tak jo uss'se baat karte huye hichkicha raha tha.. ab deewarein koodne ki baat kar raha hai.. jane kitne rang the uske Vasu ke.. wo toh aaj tak usko samajh hi nahi payi thi...
Par wo man hi man khil uthi thi.. Jo wo bol dena chahti thi.. uski jarurat hi na padi.. sab kuchh akele vasu ne hi bol diya
"toh kya Sir.. hum tour par nahi ja rahe..?" Neeru ne lagataar anaap shanaap bol rahe vasu ko khud bolkar chup kiya...
" nahi.. par tum chinta mat karo.. main tumhare ghar aaunga.. aaj raat ko.. aa jaaun na?"
Neeru se koyi jawaab dete hi na bana.. wah sharma gayi.. kitaabein uthayi aur bahar bhag gayi.. par jawaab toh Vasu ko mil hi gaya tha.. uski muskurahat mein!
Vicky chupchap Sneha ko lekar apni manjil ki aur chalta ja raha tha.. uska man usko kachot raha tha.. kya wah sahi kar raha hai? haan bhi aur nahi bhi.. uske antarman mein virodhabhas goonj raha tha.. Vicky ke paas sab kuchh tha.. par wo manjil par pahunch kar sustaane walon mein se nahi tha.. uska lakshya aur aagey.. fir aur aagey badhte jana tha.. Jaankaron ki rai mein multiplex rupaiyon ki khan tha.. kahne ko net income sirf 2 se 2.5 lakh rupaiye mahina par vastavikta iss-se kafi alag thi.. pahle jab casino par ban nahi tha to uska malik shahar ka sabse bada ameer tha.. karan undergroung floor par casino ki aad mein hone wale har tarah ke dhandhe.. karodon rupaiyon ki paidawar har mahine uss 100x100 ki chhoti si jagah se hoti thi... par pichhli sarkar ne sab kuchh band karwa diya aur Multiplex ka malik bhari dabav mein aa gaya.. par ab.. ab andar ki khabar ye thi ki agli sarkaar aate hi usko fir se chalu karne ja rahi hai.. aur yahi karan tha ki Murari aur Vicky mein usko lekar talwaarein khinchi huyi thi.. aur chakachoundh kar dene wale rupaiyon ki khanak ke saamne kisi ke jajbaat kuchh mayne nahi rakhte the.. kuchh bhi nahi...
Par Sneha iska shikar kyun bani? kash wah shuru mein hi Sneha ko sab sach bata deta.. kum se kum wo sapne toh na paalti.. usko aaj khud ki hi najron mein yun jaleel toh na hona padta.. Jo sapne Sneha ne dekhe hain.. khud usko bhi toh kabhi na kabhi dekhne hain... iss'se jyada pyar usko karne wali dusri koyi ladki duniya mein usko mil sakegi.. sab kuchh pata chalne ke baad bhi aa gayi..
" Kamaal hai.. Pyar karne wale log kitne beparwah hote hain.. kitne pagal.." Vicky ne ek lumbi saans chhodte huye Sneha ki aur dekha.. uske chehre par koyi bhav nahi tha..
Sneha ne koyi jawaab nahi diya.. par garv se apna sir utha liya.. mano usko apne pagalpan par garv ho.. pyar ko sanjeedagi se samajhne ka ghamand!
" tum kisi aakhiri ichchha ki baat kar rahi thi.. wahi bata do!" khisiyaye huye se vicky ne fir Sneha ko toka...
" tum poori nahi karoge vicky..tum pyar ko samajhte hi nahi ho.. jane do..!" Sneha ne saamne dekhte huye hi jawaab diya...
"kahkar toh dekho! kya pata kar bhi doon?" Vicky ne fir poochhne ki jurrat ki..
"Maine Raj aur Priya dono se baat ki thi.. Dono ek dusre se behad pyar karte hain.. jaise main tumhe kar baithi thi.. bina soche samjhe.. bina jane.. pagal thi na.. tumhare liye.. "
"ye Priya koun hai?" Vicky ne usko toka..
" unke Saamne hi rahti hai.. dono ek hi class mein padhte hain.. ek hi college mein.. wo bhi uske sath hi bhag kar Loharu aa gayi hai.. pata nahi unka kya hoga? Priya ne mujhse kaha tha.." Sneha ne apne aapko jajbaat mein bahne se rokne ki lakh koshish ki par apne aapko subakne se na rok payi.. par wah bolti rahi.." Priya ne kaha tha.. apne Mohan se kahna hamari madad kare.. wo hamara intzaar karenge.. taki hum wapas jakar unki madad kar sakein.. meri tarah wo bhi nadan hain.. agar unke saamne koyi rukawat aayi.. toh mujhe darr hai.. wo bikhar jayenge... main chahti hoon ki tum unki madad karo..!" Sneha ne apni baat poori ki....
"theek hai.. main kar doonga.. par karna kya hai?" Vicky ne baat aage badhane ki koshish ki....
" unko jagah deni hai.. jahan par wo rah sakein.. unko raasta dikhana hai.. nahi Raasta mat dikhana.. wo 'pyar' ko tumse kahin behtar samajhte hain.. ek baat aur maanoge...?" Sneha ne apne aansoo pouchhe...
" Bolo..."
" Unhe kabhi mat batana ki tumne mujhe chhod diya.. mere pyar ki touheen hogi.. unke saamne mein harpal tumhari hi baat karti rahi.. Mohan aisa hai.. Mohan waisa hai..mohan ne mere liye ye kiya.. wo kiya.. wo tumhari bahut ijjat karte hain.. tumhe aadarsh maan'ne lagey hain apna.. agar unko ye sab pata lag gaya toh wo 'pyar' ko hi galat samajhne lagenge.. ek dusre par se bhi visvas uth jayega unka.. aur main nahi chahti ki dil hamesha haare.. aur Dimag hamesha jeete!...
achanak vicky ne kachche raaste par gadi mod di.. wahan 3 gaadiyan khadi thi.. jo unke pichhe chal padi..
" inko sonp dogey mujhe?" Sneha ne vichlit hote huye kaha.. usko laga.. vicky se juda hone ka time aa gaya hai.. mayusi aur majboori uske haseen chehre par achanak bikhar gayi...
" Nahi.. ye apne aadmi hain.. Meri protection ke liye sath aaye hain.. wo bhi poori taiyari ke sath aaye honge.." Vicky ne kaha...
" ek baat bataaoon vicky.. tumhe yaad hai jab hostel se nikalne ke baad unn logon ne hamari gadi rukwayi thi.. aur mujhe le jane ki koshish kar rahe the.. tab mujhe tumse pyar nahi tha.. main apni jaan bachane ke liye tumhare seene se ja chipki thi.. uss waqt main jeena chahti thi.. apne liye... aur jab tumne ek hath se mujhe apne andar samet kar uss aadmi ke munh par ghoonsa mara tha.. wo meri jindagi ka sabse haseen pal tha.. usi ek pal mein mujhe tumse pyar ho gaya.. usi ek pal mein main tumko apna maan baithi.. usi ek pal main mujhe ahsaas hua tha ki pyar kya hota hai.. dusre ke liye jeena kya hota hai.. aur main tumhare liye jeene lagi thi... mujhe nahi pata tha wo sab natak tha.." kahte hi Sneha Vicky ki chhati se chipak gayi aur bachchon ki tarah se rona shuru kar diya.. Vicky ka hath apne aap hi uth kar Sneha ki kamar par chala gaya.. aur usko sakhti se apni chhati mein dubka liya...
" Mujhe wahi maar dena Vicky.. paise lete hi.. unko bhi toh mujhe maarna hi hai.. main tumhe yaad karke tadapna nahi chahti.. main jeena nahi chahti vicky.. please.. mujhe maar dena jaan.. main aur jeekar kya karoongi.. ab har pal mere liye saja ke samaan hoga.. mujhe kyun tadapne ke liye chhod dena chahte ho.. maar dena mujhe.." Sneha ke har shabd mein guhaar thi.. har shabd mein adhuri kasak thi.. uske poora na ho pane ki.. ardhanigini na ban pane ki...
Vicky se kuchh bolte na bana.. ab toh bus ek hi kaam ho sakte tha.. ya toh Sneha ko poori karna.. ya apne armaan..
kareeb 5 minute aur chalne ke baad wo ek teeley ke paas aa gaye.. wahan kuchh aur gadiyan khadi thi... unke theek saamne kuchh doori par Vicky ne gadi rok di.. dusri gadiyan uski barabar mein aa khadi huyi...
Vicky Gadi se neeche utar gaya.. uske utarte hi uski gaadiyon mein se ek aadmi gadi ke bahar Sneha ki bagal mein aa khada hua.. pata nahi kyun?
kuchh aur aadmi nikal kar gadiyon ke paas khade ho gaye.. lagbhag sabhi ke hath mein hathiyar the..
Dusri taraf bhi kuchh aisa hi drishya tha.. farq sirf itna hi tha ki inke paas Sneha thi aur unke paas paisa.. Sneha ki keemat!
Vicky aage gaya toh Udhar se Baanke bhi iss aur chala aaya.. Paas aate hi Baanke ne vicky ki aur hath badhaya.. par vicky ke hath uski jeb se na nikle.. ya pata nahi.. nikal hi nahi paye," paisa?"
" poora hai.. hamare paas aakar dekh sakte ho.. aao!" baanke ne jawaab diya...
Vicky uske sath unki gadiyon ke paas gaya aur dono suitcase check kiye.. hazar hazar ki gaddiyan thi..
" chaho toh gin sakte ho?" Baanke ne batteesi dikhate huye kaha..
" Ek note bhi kum nikla toh tujhe pata hai main kya karoonga...!" Vicky ne rookha sa jawaab diya..
" kaise karna hai..?" Baanke ne adla badli ke baare mein poochha...
" tum apni ek gadi wahan bhej do.. Hum Sneha ko usmein bitha denge.. " vicky ne ek gadi ko apni aur aane ka ishara kiya aur unki gadi uski taraf chal padi..," Idhar hum apni gadi mein Paise rakhenge.. aur udhar tumhari Gadi mein Sneha ko bithayenge.. uske baad humari sabhi gadiyan aage nikal jayengi aur tumhari gadiyan udhar se seedhe... theek hai?" Vicky ne poochha...
"haan.. par main pahle ladki check karoonga...!" Baanke ne kaha...
" aa jao.." Kahkar vicky Sneha ki aur chal pada... Baanke bhi uske pichhe pichhe aane laga...
Sneha gadi mein sahmi huyi si baithi thi.. sab kuchh itna aasan nahi tha jaisa usne socha tha.. dusre aadmi ke sath jane ki kalpana karte huye hi usko darr lag raha tha.. wah toh kahin se bhi apna nahi tha.. jab vicky ne aisa kar diya toh.... wah rone lagi....
Baanke ne ke paas aakar andar jhanaka..," agar main foto sath nahi lata toh kabhi visvas nahi hota ki yah Murari ji ki beti hai.. Dekh na.. kitni garam item hai.. Sasuri rote huye bhi kitni sexy lag rahi hai... nahi?" Baanke ne foto nikal kar Sneha ka chehra milate huye kaha...

[liljohn]

" chupchap apna kaam karo.. jyada bakwas karne ki jarurat nahi hai.. warna yahin thok doonga.. samjha!" Jane kyun Vicky ko Baanke ke Munh se Sneha ke shareer ki kamottejak prashansa sunkar jalan si huyi.. uska tohbda chadh gaya...
"he he he.. isko jara neeche utaro.. Murari ji ne bola tha achchhe se check karna.. Achchhe se..!" Baanke Sneha ko apne sath le jane ko kuchh jyada hi lalayit tha..
Vicky ne khidki khol di," Neeche aao Sneha...!"
" nahi.. main iske sath nahi jaaungi.. mujhe mat bhejo pls.. mujhe yahin maar do.. main nahi jaaungi.." Baanke ka chehra hi kuchh aisa tha.. Sneha apni seat se chipak gayi...
" Neeche aao Sneha.. pls.. natak band karo.. maine tumhe kya kaha tha.." Vicky ne uska hath pakda toh usne apna hath chhuda liya.. ," nahi.. maine kaha na.. main nahi jaaungi.. mujhe maar do.. yahin!" Sneha ki karun chitkar Vicky ke kaleje mein utar gayi.. par usne apne aapko sambhale rakha.. uska kaleja hi kuchh aisa tha..
" isko neeche utaaro.. Vicky ne apne ek aadmi ko ishara kiya aur khud alag hat gaya...
wo aadmi.. Sneha ko kheench kar neeche utaarne ki koshish karne laga.. par jaise Sneha ko toh koyi aur 'hath' apne badan par ab ganwara hi na tha," Door hato.. main utar rahi hoon.." Sneha ne bilakhte huye kaha.. uski aankhon ke saamne andhera sa chhaya hua tha.. jaise mout hi usko pukar rahi ho.. usko vicky ki bagal mein tangi mouser dikhayi di.. aur usko laga usko raasta mil gaya hai.. Wah neeche utar kar vicky ke sath khadi ho gayi.. mouke ke intzaar mein..
"dekh lo jaldi.. mere paas time nahi hai..
" Baanke gour se Sneha ko upar se neeche tak dekhne laga.. uski laar tapak padi.. aankhon mein khoon wasna bankar utar aaya.. Sneha ka har ang itna rasila tha ki kapdon ke upar se hi kisi ki bhi pant geeli ho sakti thi.. Baanke bhool gaya ki wah vicky ke paas khada hai.. ye bhi ki vicky ne usko 2 minute pahle hi chetawani di thi..
Baanke ki najron ko iss tarah apne badan mein chubhta hua dekhna Sneha se sahan
na hua.. wah lajjit hokar vicky se ja lipti aur apne aapko usmein chhupane ki koshish karne lagi.. theek usi tarah jaisa pichhli baar natak ke waqt hua tha..
Vicky ko har pal ye ahsaas ho raha tha ki wah duniya ka sabse gira hua insaan hai.. sabse jyada lalachi aur dhokhebaaj.. usko glani si hone lagi...
" wah Vicky babu.. jawab nahi tera bhi.. maan gaya.. ek baat toh bata.. iska kuchh istemaal bhi kiya ya mere liye kunwari...!"
aagey Baanke ek shabd bhi na bol paya.. uski gardan ghoom gayi.. vicky ka ek jordaar thappad uske gaalon par paanchon ungaliyon ke nishan chhod gaya tha.. gusse se tilmilaye huye Vicky ka hath seedha apni mouser par gaya..
Vicky ko har pal ye ahsaas ho raha tha ki wah duniya ka sabse gira hua insaan hai.. sabse jyada lalachi aur dhokhebaaj.. usko glani si hone lagi...
" wah Vicky babu.. jawab nahi tera bhi.. maan gaya.. ek baat toh bata.. iska kuchh istemaal bhi kiya ya mere liye kunwari...!"
aagey Baanke ek shabd bhi na bol paya.. uski gardan ghoom gayi.. vicky ka ek jordaar thappad uske gaalon par paanchon ungaliyon ke nishan chhod gaya tha.. gusse se tilmilaye huye Vicky ka hath seedha apni mouser par gaya.. aur usne mouser nikal kar Baanke ke seene par taan di.. Vicky ka chehra jillat aur gusse se laal ho chuka tha.. pahli baar jab usne Baanke ko Sneha ko ghoorte dekha tha toh uske dil mein ajeeb si siharan paida huyi thi.. tab usko pahli baar ye ahsaas huaa tha ki Sneha jaane anjaane uski dhadkano mein sama chuki hai.. unke sapne saanjhe ho gaye hain.. Sneha usko apne liye jarurat si lagne lagi thi.. apni ijjat si lagne lagi thi.. 'apni' lagne lagi thi.. par iss baar usko yakeen ho gaya.. wah Sneha ko nahi chhod sakta.. wah uske liye kuchh bhi chhod sakta hai...," unko bolo paisa idhar lekar aa jayein.. main 10 tak ginoonga bus!"
" Nahi.. vicky babu.. pls.. wwo.. mere aadmi nahi hain.. wo Murari ke aadmi hain.. sach mein.. wo kabhi Sneha ko liye bagair paisa nahi denge.. bhagwan ki kasam.. aa.. mm..man toh majak kar raha tha.. ye toh mere liye beti ke jaisi hai.. hai na?.. pls.... mujhe bakhs do..."
Vicky Ginati ginta ja raha tha aur Baanke ki patloon sach mein hi geeli ho gayi.. Bolte bolte... Darr ke marey usne pant ke andar hi 'kar' di..
Vicky 7 tak pahuncha toh Sneha bol padi," Nahi.. aisa mat karo.. main chali jati hoon.. main ja rahi hoon.. " Kahte huye usne khud ko Vicky ke seene se alag karne ki koshish ki par tab tak Vicky ne usko apna hath uski kamar mein daal kar majbooti se apne seene se chipka liya tha.. aur iss baar wo natak nahi tha.. Vicky jud gaya tha.. Sneha ke naam ke sath hamesha ke liye...
9 tak ginte ginte mouser neeche jhuk gaya.. wah Sneha ki najar mein ab aur bura nahi ban'na chahta tha.. usko insaan bankar dikhna chahta tha.. pyar karne wala.. mout baantne wala nahi...
"Bhag jao yahan se.. iss'se pahle ki main apna vichar fir se banaun.. mujhe yahan dikhayi mat dena.." Vicky ne ek ek shabd ko chabate huye kaha...
uske baad toh Baanke ne pichhe mudkar dekha hi nahi... wo sab apni gadiyon mein baithe aur gaadiyan dhool udaati huyi unki aankhon se aujhal ho gayi...
" Chalo wapas!" Vicky ne apne sathiyon se kaha.. unn sabki aankhon mein aansoo aa gaye the.. khushi ke.. Vicky ko pahli baar unhone iss andaj mein dekha tha.. achanak sabne ek dusre ki aankhon mein dekha aur ek sath hawa mein fire kar diya.. Sneha saham kar Vicky ki chhati mein ja dubki..
" aaj tu asli wala leader ban gaya re vicky.. apan tujhe salaam karta hai.." uss aadmi ki aawaj se laga uska koyi kareebi hi hoga.. koyi aur toh iss tarah aalinganbaddh jode ke paas jane ki himmat kar hi nahi sakta tha...
jab sab chale gaye toh Vicky ne Sneha ko apne bahupash se alag karke uski aankhon mein jhanka.. Sneha samajh nahi pa rahi thi ki kya bole!
" Main tumhare layak nahi hoon Sneha.. bulki tumhare sath khada hone layak bhi nahi hoon.. par main tumhari 'wo' ichchha jaroor poori kar ke dikhaunga.. main tumhe galat sabit nahi hone doonga.. Raj aur Priya ko milne se koyi nahi rok sakta.. ..... agar Raj mere jaisa nahi nikla toh... aao tumhe unke paas chhod aaun!" Vicky ne ab tak sahmi khadi Sneha ko Gadi mein bithaya aur fir khud gadi mein baith kar gadi chala di! kafi der yunhi chupchap chalte rahne ke baad Sneha ne najrein ghumakar Vicky ki aur dekha.. Vicky ke haav-bhav bilkul badle huye the.. chehre par Paschatap nahi Garv tha... Glani nahi Sukoon tha..
Sneha ko samajh mein hi na aaya aur baat kahan se shuru kare..." Ab tumhe wo multiplex kaise milega....... Vicky?"
Vicky ne koyi jawaab nahi diya.. bus Sneha ki aur najar bhar kar dekha aur fir seedha ho gaya.. kahna toh chahta tha wah.. bahut kuchh.. kahna chahta tha ki mujhe ahsaas ho gaya hai.. jindagi kya hoti hai.. kahna chahta tha ki.. 'wo' uske liye duniya ki sabse keemati cheej hai.. uske liye wo sabkuchh chhod sakta hai.. agar wo uska hath fir se pakad le toh.. par Vicky ko jab apni Jindagi mein Sneha ki jarurat ka ahsaas hua toh sath hi sath ye bhi ahsaas ho gaya ki wo kya karne ja raha tha.. uske sath.. aur yahi wajah thi ki lakh koshish karne ke baad bhi uske munh se ek shabd tak na nikla...

"Hum kahan ja rahe hain?" Sneha ne usko fir toka...
"Loharu! Mujhe lagta hai wahan tum khush rah sakti ho.. main Shamsher aur tough se baat karoonga.. tumhare liye.. mujhe pata hai.. Sneha.. maine jo kuchh bhi kiya.. wo maafi ke layak nahi.. par pls ho sake toh mujhe maaf kar dena.. ho sake toh!" Vicky ka gala bhar aaya... apni baat kahne ke douran usne kayi baar Sneha ke chehre ki aur dekha.. par jab jab wah najrein milane ki koshish karti.. wah apni najrein hata leta.. usmein ab Sneha ki najron ka saamna karne ki himmat nahi ho pa rahi thi...
" koi farq nahi padta... mujhe tumse koi gila nahi hai.. meri kismat hi aisi hai!" Sneha ke tanha dil mein abhi bhi Vicky ke aagosh mein sama jane ki tadap thi.. par Vicky ko bhi uss'se pyar ho...; tabhi toh! wah toh aisa kuchh bol hi nahi raha tha.. jaise bus uss par daya karke hi usko wapas le aaya ho...
Dono asamanjhas mein the.. dono ek dusre ke liye tadap rahe the par pahal karne se dono hi katra rahe the.. isi asamanjhas mein wo yunhi aadhi adhoori baat karte huye loharu pahunch gaye...
"arey Dekho.... Shayad Sneha didi wapas aa gayi", khoobsoorat si ladki ko Gadi se utarte dekh Vani khushi se uchhalte huye andar bhagi aur usne sabko chounka diya," Black color ki gadi mein hain.."
Andar baithe sabhi ke murjhaye chehre ummeed ki kiran ke sath hi ajeeb dhang se khil uthe.. sabhi bhagte huye bahar ki aur bhage.. Priya ne khidki mein se hi Sneha ko gadi ke paas khadi hokar Vicky ki aur dekhte dekh liya.. wo khushi se jhoom uthi aur bhagti huyi jakar Sneha ko apni baahon mein bhar liya," Mujhe visvas tha; tum jaroor aaogi.. thank you Sneha.. Thank you!"
Sneha ki aankhein chhalak aayi," Shayad tumhara visvas hi mujhe yahan tak le aaya Priya.. warna.." Gadi ke chalne ki aawaj sunte hi Sneha chounk kar palti.. usne chalte huye Vicky ko kuchh bolne ka soch rakha tha.. par.. wo apne se door ja rahi Gadi ko tab tak vismit netron se taakti rahi jab tak ki wo uski aankhon se aujhal na ho gayi..
"ab toh hum chalenge na didi.. tour par.. ab toh Sneha didi bhi aa gayi hain.." Vani Priya ke hath se lipat gayi.. wo thi hi aisi.. ghanta bhar pahle hi wahan aayi thi.. Disha ke sath.. aur Viru se lekar Riya tak.. sabke dilo dimag par chha chuki thi.. sabko lag raha tha jaise usko wo varshon se jaante hain.. Vani apna dil khol kar jo rakh deti thi...
Ab tak sabhi Sneha ke ird-gird jama ho chuke the..
"thahar ja.. nahi toh kaan ke neeche ek lagaaunga.. usko andar toh aane de pahle.." Virender ne Vani ka hath pakad kar ek aur kheench liya...
" aap itne gussail kyun ho.. ? sab aapse darte hain.. aise bologe toh main aapse baat nahi karoongi haan.." Vani ne apni kalai sahlate huye banawati gusse se viru ki aur dekha aur hans padi.. uski hansi hi toh sabki jaan thi... Viru bina muskuraye na rah saka...

[liljohn]

" ab bhi toh aa gayi.. maine kaha nahi tha? bhai ke bina dil nahi lagega tumhara!" Viru Sneha ki aur Muskurate huye bola..
Sneha kuchh na bol saki.. uske chehre par aise bhav the jaise uska sab kuchh kho gaya ho.. jaise usko visvas hi nahi tha.. Vicky uski duniya mein satrangi sapne sajakar yun bhag jayega.. Ghar ke andar aate huye bhi wah mud kar baar baar pichhe dekhti rahi........ " haan! toh list bana lo, yahan se koun koun tour par ja rahe hain?" Living room mein Sabko apne charon aur liye baithi Gouri ne chillakar sabko chup kiya.. Viru ek taraf leta hua tha aur Raj uske paas baitha hua ladkiyon ki baatein sun raha tha...
" koun koun kya? sabhi chalenge..!" Vani ne apni najrein ghumakar sabhi ke chehre par jhalak aayi sahmati ke bhav dekhe...
"kyun nahi? poore gaanv ko hi utha le chalte hain... kya khayal hai?" Gouri ne Vani ki hansi udate huye kaha...
" main toh yahan baithe sabhi logon ki baat kar rahi thi.. Gaanv ki baat thode hi kar rahi hoon.." Vani ne munh banate huye kaha...
"arey pagli.. hum sab toh chalenge hi.. par 5-7 bachchon se tour thode hi chala jayega.. kuchh idea do.. gaanv ki aur koun koun ladkiyan chal sakti hain... hamare sath.. agle mahine exam hain.. college se jyada chalne ko taiyaar nahi hongi.." Gouri ne samjhate huye kaha..
" Neha!" Disha tapak se boli.. uske jehan mein sabse pahla naam yahi aaya..," wo jaroor chal padegi.. agar main usko kah doongi toh!"
"theek hai.. likh liya.. aur?" Gouri ne wahan baithe sabhi ke naam likh kar agli line mein 'neha' likh diya!
"Divya! wo toh pakka chal padegi.. likh lo!" ye Vani ki aawaj thi..
" OK!"
" Nisha!" Gouri ne yaad karte huye naam liya..
" Na! wo nahi chal sakti.. uski toh shadi hai.. agle hafte! " Disha ne Gouri ko naam likhne se rok diya...
"sach? kiske sath?" Gouri ne chahakte huye poochha.. Nisha ko Sanjay ka khayal ho aaya.. kitna bewafa nikla wo?
"Koyi bada businessman hai.. Hisar se.. suna hai love marriage hai.. ladke walon ne khud hath maanga hai.."
" chhodo na.. aur naam yaad karo!" Vani ne Disha ke munh par hath rakhte huye kaha..," Sarita!" Vani ko yunhi yaad aa gaya.. Divya se Rakesh aur uss'se Sarita!
" chal na! kiska naam le rahi hai.. tour ka maja kharab karwayegi kya? " Disha ne bigate huye kaha..
" Mat le chalo! mujhe kya hai? Maine toh naam yaad dilaya tha bus!" Vani ne munh banaya...
" likh lete hain yaar.. waise hi bachche kum pad rahe hain.. agar aur ladkiyan jaane ko taiyaar ho gayi toh naam kaat denge.. ismein kya hai!" Gouri ne samjhate huye kaha...
"chalo.. likh lo! waise meri koyi dushman bhi nahi hai wo.. bus.. nature ki achchhi nahi hai.." Disha ne safayi dete huye kaha..
Gouri ne naam likh liya..
" Seema didi.. wo bhi toh chal sakti hain..?" Vani ne ek aur naam yaad dilaya..
" nahi.. wo nahi chalengi.. wo toh pregnant hain.." Disha ne ye naam bhi nakar diya..
" Poochh toh lo didi.. kya pata chal padein!" Vani ne jor dekar kaha..
" Mujhe pata hai chhutaki.. wo nahi chalengi.. tu khamkha.. behas kyun kar rahi hai..?"
" Mansi!.. haan.. Mansi.. likh lo didi.. inki mat suno! ye toh 'bus' ko bharne hi nahi dengi wo pakka chalegi.. mere kahte hi!" Vani ek baar Gouri ki aur muskurayi aur fir Disha ki aur ghoora.. kahin wo mana na kar de.. Disha muskurane lagi.. Mansi ke sath hi usko manu ka khayal aa gaya tha...
" likh liya.. aur bolo.." Gouri ne naam likhte huye kaha..
"Kitne ho gaye didi..?" Vani ne copy mein jhankte huye poochha...
"Dekho.. Disha.. Sneha.. Main.. Priya.. Riya.. Vani.. Raj.. Virender... Neha.. Divya.. Sarita.. Mansi.. aur Mummy... Jija ji.. Vasu Sir.. " Gouri ne aakhiri teeno naam list mein jodte huye kaha..
" Aur Sunil Sir?" Vani ne yaad dilaya..
" Nahi.. Mummy ne poochha tha.. wo nahi chal payenge..!" Gouri ne bataya...
Vani jaane kab se kuchh soch rahi thi..," ladkiyan 11 aur ladke sirf 4!"
par kisi ne bechari ki baat par dhyan nahi diya.. usne Disha ki aur Dekha," Didi!"
" Hummmm!" Disha kuchh sochti huyi boli...
Vani ko kuchh kahte na bana.. uske dil ki baat toh Disha ko soch leni chahiye thi...
" Bol!" Disha ne usko toka...
" Kuchh nahi!" Vani ne mayoos hote huye kaha...
"Vicky nahi chal raha kya?" Priya aur Riya Sneha ko dekhte huye achanak ek sath bol padi..
Sneha kuchh na boli.. wo aise hi baithi rahi.. gumsum si...
" Didi! ek minute idhar aana...!" Vani ne khadi hote huye Disha ka hath kheencha..
Disha uthkar uske sath bahar aa gayi," kya?" uski aankhon mein sharaarat si thi.. Shayad wo samajh rahi thi ki Vani kya kahna chahti hai..
" agar Mansi ne mana kar diya toh..?" Vani ne uski aankhon mein dekhte huye poochha...
"par tu hi toh kah rahi thi.. wo chal padegi.. tu fone kar le usko.." Disha anjaan bani rahi..
" nahi.. matlab... aap samajhti kyun nahi.. agar usne mana kar diya toh..?" Vani kuchh aur bhi kahna chahti thi..
" Toh kya?"
" jaise agar uske ghar walon ne agar ye kah diya ki hum isko akeli nahi bhejenge.. toh..?" Vani ne hulka sa ishara diya...
" toh kya? hum jabardasti thode hi le ja sakte hain.. nahi le jayenge.. naam kaat denge.. aur kya?" ab Disha ko ismein koyi shak nahi tha ki Vani ghumafira kar Manu ko sath le chalne ko kah rahi hai..
Vani pair patakti huyi Andar aa gayi..," Mujhe nahi chalna tour par.. main nahi ja rahi.. mera naam kaat do" kahkar Vani Viru ke bed ke paas dale huye sofe par aakar pasar gayi...
Disha bhi uske peechhe peechhe hanste huye andar aa gayi..
" Ab kya problem ho gayi chhammak chhalo!" Viru ne hanste huye Vani ko chheda...
" Aap bhi mat jao tour par.. main bhi nahi ja rahi.. koyi maja nahi aayega tour par.. sab bore hi hone hain.. mujhe pata hai.." Vani ne aur bhi logon ko protest mein shamil karne ki koshish ki..
" Theek hai.. main bhi nahi ja raha.. mujhe toh waise bhi pair mein dard hai.. main kya karoonga jakar..? ghooma toh waise bhi nahi jana hai mujhse!" Viru ne uske Sur mein sur milaya...
Riya ne palat kar vani se hath mila rahe Viru ko dekha.. seene mein anjani si jalan huyi," tumhare liye strecher le chalenge.. main ghumati rahungi.. iss tooti huyi taang ko.."
" pahle khud toh dhang se chalna seekh le.. mujhe ghumayegi..!" Viru ne eent ka jawaab patthar se diya..
" haaaaaaa.. mujhe chalna nahi aata..! kisne bola hai..?" Riya ne viru ko ghoorte huye poochha..
" Maine dekha hai.. Mardon ki tarah se chalti hai tu.. ladkiyon wali toh tujhmein baat hi nahi hai.. " kahte huye Viru jor jor se hansne laga...
Riya ne munh banaya aur uthkar andar chali gayi..
" kya hai ye.. hum planning kar rahe hain chalne ki aur tum logon ko ladayi soojh rahi hai.. Vani idhar aaja.. kuchh aur naam sochte hain..!" Disha ne Vani ko pyar se pukara..
" Main nahi chal rahi.. Mansi ke bagair main nahi jaaungi..." Vani ne apna chehra dusri aur ghuma liya...
" matlab Mansi nahi chal rahi..? Gouri ne uske naam par pen rakh diya..
" Chalegi na.. ye toh pagal hai.. Vani! main uske gharwalon se baat kar loongi.. wo bhej denge usko.. aaja tu.."
Vani nahi aayi.. tabhi Anjali ghar aa gayi," Arey Sneha.. Oh My God!" tum aa gayi.. tumne bataya kyun nahi..? Maine toh.."
" Mummy.. hum tour ki planning kar rahe hain.. college se kitne naam huye?" Gouri ne Anjali ki baat par gour na karte huye poochha...
" Par tour toh maine cancel kar diya.. 5-7 ladkiyon ne kaha tha ki wo ghar poochh kar jawaab dengi.. par maine fir unko mana hi kar diya.. ab toh kal hi poochhna padega... main ajeet aur Shamsher ko fone kar deti hoon...!" Anjali ko yaad aaya.. wo log bhi chinta kar rahe honge...
" maine kar diya Ma'm" Sneha ne anjali ko bataya...
" oh.. bahut achchha kiya.. par mujhe bhi bata dena chahiye tha na.. main sara din tension mein rahi..." Anjali ne uske paas aakar baithte huye pyar se uske gaalon par hath fera..," mere sath andar aa ek baar..."
Sneha Anjali ke pichhe pichhe bedroom ki aur chal di...
" ye kya kar rahi ho tum?" Anjali jor jor se hunsne lagi.. Riya ko dekhkar Sneha bhi apni hansi ko na rok payi..
" apni chal dekh rahi hoon.. bahar wo 'tooti taang kah raha hai ki mujhe chalna nahi aata.. main ladkon ki tarah chalti hoon.. ladkon ki tarah chalti hoon kya main? aur kya ab main catwalk karoon..?" Riya ne gusse se kaha.. wo Dressing table ke saamne khadi hokar apne madak kulhon ko matkate huye baar baar aage pichhe ho rahi thi...
" Wo toh pagal hai! koun kah sakta hai ki tumhe chalna nahi aata.. ulta tumhari chal toh bahut hi... achchhi hai.. usne dekhi hi kahan hai.. ladkiyon ki chal aaj tak.. kabhi dekhta bhi hai wo ladkiyon ko.. diya hoga toh tumhari hi chal par diya hoga dhyan.. ya tumhe jalane ke liye kah raha hoga.. har ladki tumhari tarah kahan chal pati hai Riya!" Sneha ne sach mein hi uski chal ki tareef ki thi.. Morni jaisi chal kahein toh atisyokti na hogi..... "par mummy, tour college ki taraf se hi jana jaroori hai kya? bewajah bheed ikatthi karne se kya fayda.. ab tak kul milakar 10 se jyada toh hum yahin baithe ho gaye hain.. jisko chalna hoga chal padega.. family tour ki tarah se bhi toh ho sakta hai.." Gouri ne college ki taraf se tour le jane mein aa rahi dikkaton ka hal Anjali ko sujhaya...
" Wo toh theek hai.. par maine Vasu Ji se discuss kiya tha.. mere samjhane par hi wo raji huye the.. aur jab unka mood ban gaya toh maine tour cancel hone ki baat kah di.. ab agar unko nahi le gaye toh wo bura nahi manenge kya?" Anjali ne jawab diya...
"par hum ye thode hi kah rahe hain ki kisi ko lekar hi nahi chalna.. agar wo chalna chahein toh hamein koyi problem nahi hai.. tour jana chahiye bus.. kal hi!" Gouri ne apne kahne ka matlab khol kar samjhaya...
"fir toh unko abhi bolna padega.. kal subah ke liye..!"
" wo main bol doongi ma'm! aap chinta na karein.. kaho toh main abhi jakar bol deti hoon.." Vani ko chhed'te huye usko manane mein lagi Disha ne Anjali se mukhatib hote huye kaha...
" Nahi! mujhe bhi chalna padega.. main hi unko samjhaungi.. ye Vani ko kya ho gaya hai? ye kyun roothi huyi leti hai?" Anjali ne Vani ko baar baar Disha ka hath apne shareer se jhatakte dekh poochha...
" chhoti si baat par jid lagaye padi hai.. kah rahi hai.. ummmhhh" Disha ke munh par tapak se uthkar Vani ne hath rakh diya...," Kuchh nahi hai ma'm.. main toh bus aise hi leti huyi hoon..." kahte huye Vani Disha ka hath pakad kar bahar kheench le gayi...
"aap toh bahut buri hain didi.. kya batane wali thi unko?"
" yahi ki tum ab bachchi nahi rahi.. badi badi baatein sochne lagi ho..!" Disha ne hunste huye usko aur adhik chida diya..
" ismein badi baat kya hai.. main yahi toh bol rahi hoon ki..."
" Mujhe sab pata hai tu kya bol rahi hai.. La! main Mansi ke paas fone milati hoon.. uska no. de.."
" kya kahoge aap?" Vani ne no. dekar utsukta se uski aur dekha...
" yahi ki ghar wale agar usko akeli hamare paas tour par bhej dein toh usko shamsher aate huye apne sath le aayega..." Disha ne fone laga kar kaan se sata liya...
" agar wo mana karein toh mere paas ek idea hai didi..." Vani mayusi se uski aur dekhne lagi..
" chup kar.. fone lag gaya.. Hello! Namaste aunty ji!" fone Mansi ki mummy ne uthaya tha...
" namaste beti.. koun?" udhar se aawaj aayi...
" Ji main Vani ki badi behan bol rahi hoon.. Disha!"
" oho! kaho beta.. tum aaye nahi gaanv se.. yahan college ki chhuttiyan badh gayi hain.. isiliye kya?"
" Kya? chhuttiyan badh gayi hain.. mujhe toh pata hi nahi tha..." Disha ke chehre par sukoon ki lahar doud gayi.. ab Mansi ko chalne ke liye mana uske liye chutkiyon ka khel tha....
" wo aaj hi declare huyi hain na.. Garmi kitni pad rahi hai.... Khair Mansi toh Manu ke sath bajar gayi hai.. Manu ke no. par baat kar lo.. doon kya?"
" Nahi Auntiji.. no. toh hamare paas hai.. par aapse hi baat kar leti hoon.."
"bolo beti.. bolo!"
" wo.. hum 5-7 din ke tour par nainital ja rahe hain Vani kah rahi thi.. Mansi bhi chalti toh bahut maja aata..! aap bhej do na usko!"
" kyun nahi beti.. wo toh ye sunkar bahut hi khush hogi.. ab chhuttiyan bhi pad gayi hain.. garmi se toh bachi rahegi.. kab ja rahe ho?"
" Ji.. aaj Raat ka hi vichar hai.. chalne ka.."
" oho! itni jaldi.. khair.. mujhe toh koyi problem nahi hai.. tum unse baat kar lo!"
" theek hai auntiji.. waise Manu bhi chalna chahe toh? hamare sath ladke bhi ja rahe hain...!"
" Dekh beta.. uska main kuchh kah nahi sakti.. wo toh yahan shahar mein hi bahar kum nikalta hai.. jab dekho.. computer se chipka rahta hai.. jane kya mil gaya hai usko.. kahta rahta hai.. Mujhe ek story ko English mein translate karne ka contract mila hua hai.. pata nahi kya story hai.. Ram jane? andha hokar rahega.. agar maan jaye toh usko bhi sath ghaseet le jana.. meri toh sunta nahi hai.."
"theek hai auntiji.. main uske paas hi fone kar leti hoon.. namaste auntiji.." Disha ne fone kata toh Vani wahan se rafuchakkar ho gayi thi.. Disha ne andar jakar dekha toh wo sharmayi huyi si tirchhi aankhon se usko hi dekh rahi thi.. yahi toh chahti thi wo.. Manu ko sath le jana.. aur jab Disha ne Manu ka jikar kiya toh uss'se wahan khadi na raha gaya.. jane kyun?
"Idhar aa Vani.. jaldi aa!" Disha ne Darwaje par aakar usko pukara..
"kya hai?" Vani ki khushi chhupaye na chhup rahi thi.. wo munh fer kar hansne lagi..
"aa toh.. jaldi.. kaam hai..!" kahkar Disha bahar nikal gayi...
Vani ne pichhe se aakar Disha ko apni baahon mein bhar liya.. Disha ne chhudane ki koshish ki par Vani ne na chhoda usko..
" Dekh.. ab jyada machal kar dikhayegi toh main Manu ko nahi bulaungi haan.." Disha ne bandar ghudaki di...