Romance BESHARAM by entertainerjatt - ( Completed)

[sarit11]

Originally Posted by wolverineak

Nice story Bhai...
Lagta hai ki Neha ki vajah se hi Dono wapas ek ho jayege...
Aur aisa Kyo lag raha hai ki ashu un Dono ke bich mai aa raha hai..
Keep updating....

Originally Posted by kkkikahani

Are sam ab ijjat gai tel lene banja besharam....
Ijjat to tu kama lega waise bhi boss ki dant to har koi sunta hai...
Ab log to bate banyege unka kya sunana to

entertainerjatt
Bhai apki baat toh sahi hai...par Divya Sam ki boss nahi hai...Sam ka khud ka business Divya se kahin jyada hai...par Divya ke dad ke Jane ke baad Sam ne in logon ki help ki thi...

Par ab apne sahi kaha k agar bigadi ko bnana hai toh Besharam banna hi padega...

Keep supporting bhai...

[sarit11]

Update 23

Sam: promise kabhi tum logon ko chhodke nahi jaunga…

Riya: pakka wala promise?

Sam: han boht pakka wala promise…

Fir Sahil aur Riya Sam ke gale lag gaye…

Ab age…

Aise hi thodi der batein karne ke baad wo dono wahan se chale gaye…Sam bhi so gaya…

Agle din Thursday subah sabhi breakfast kar rahe the…Divya thodi tension mein lag rahi thi…Sam use notice kar raha tha…

Aisa lag raha tha mano Divya ka dhyan kahin aur ho…wo kisi gehri soch mein dubi huyi thi…khair usne apna khana Khatam kiya aur office ke liye nikal padi…

Sam bhi uske Jane ke thodi der baad sabko bye bol kar office ke liye nikal pada…office pahunch kar Sam apne cabin mein gaya…

Use aye huye abhi thoda time hi huya tha k tabhi peon uske cabin mein aya…

Peon: Sir apko mam ne bulaya hai…

Sam: Divya ne?

Peon: Ji sir…

Itna bol kar peon wahan se chala gaya…Sam ko pata tha k Divya uske sath Shimla Jane wali baat karne wali hai…Sam apne cabin se nikla aur Divya ke cabin ki taraf chal pada…

Divya apni chair par baithi door ki taraf hi dekh rahi thi…sayad Sam ka hi wait kar rahi ho…Jaise hi Sam cabin mein aya toh Divya ne use baithne ko kaha…

Sam chair par baith gaya…aur chup chap baitha raha wo chahta tha k Divya hi baat shuru Kare…

Divya: Sam wo Maine Suna hai k tum Shimla wale project ke liye Neha ko sath lejane wale ho…

Sam: han…

Divya: par tum akele bhi toh ja sakte ho na…

Sam: han par mujhe us project ke liye agar kisi help ki jarurat padi toh Neha meri help kar sakti hai…

Divya: OK…but Neha ko office mein apna kus kaam finish karna hai…

Sam ko pata tha k Divya saaf saaf Behane bana rahi hai…par usne kus nahi kaha aur wo Neha ko lejane ki Jid karta raha…

Sam: plz Divya baat ko samjho Neha ka mere sath hona is project ke liye boht jaruri hai…wo is project ko ache se read kar chuki hai…

Divya: par Sam tum meri baat ko bhi samjho na agar Neha yahan na rahi toh uska pending kaam kon pura karega aur isse company ko boht loss hoga….

Divya ne ek aur bahana maar diya tha par Sam bhi kacha khiladi nahi tha…

Sam: dekho agar aisi baat hai toh use apna kaam Khatam karne do shimla ka kaam toh abhi shuru karna hai…use thoda delay kar dete hain…par main akela us project ko pura nahi kar sakta…

Divya: acha tum aisa karo Ashu ko sath le jao…

Sam: tum majak toh nahi kar rahi ho na…yeh baat tum bhi ache se janti ho k Ashu us project ka part nahi hai…Ashu ko khud pehle use ache se read karna padega…isse acha hai k main Neha ka pending work Khatam hone ka intzar karun…

Divya ko ab koi rasta nahi sujh raha tha isliye use wo bolna pada Jo wo kisi bhi keemat par nahi bolna chahti thi…

Divya(thode dukhi man se): dekho Neha ki yahan boht jarurat hai aur rahi baat shimla wale project ki toh main tumhare sath chali jaungi…par hum use delay nahi kar sakte…

Sam toh man hi man dance kar raha tha…uska plan akhirkar kamyaab ho hi gaya…usne yahi socha tha k yah toh Divya use Jane se rok legi yah khud uske sath jane ko tyar ho jayegi…aur huya bhi yahi…

Sam(apni khusi chipate huye): thik hai jaisa tum thik samjho…

Divya: OK but meri kus shartein hongi…

Sam: main kion manu tumhari shartein agar Jana hai toh jao nahi toh main Neha ko le jaunga…

Sam ki Is baat se Divya bilkul backfoot par a gayi thi…use lag raha tha k ab wo kus bhi apni marji se nahi kar sakti…par fir bhi usne ek last kosish karne ki Sochi…

Divya: main bas itna chahti hun k tum mujhse faltu batein na karo…

Sam: toh thik hai vaise bhi mujhe koi shauk nahi hai tumhare sath batein karne ka…ok ab main chalta hun…aur hum kal subah hi niklenge…aur car se hi jayenge…

Divya: car se kion…flight se bhi toh ja sakte hain…

Sam: kionk mujhe car mein hi Jana hai…ab main tumhari ek baat man raha hun toh tumhe bhi meri ek baat manni padegi…

Sam ne toh bechari Divya ko bilkul back foot par la kar khada kar diya tha…Divya ke paas Sam ki baat manne ke ilawa aur koi rasta nahi tha…

Divya(bujhi si awaj mein): OK thik hai…

Fir Sam wahan se nikal kar apne cabin mein chala gaya…wo cabin mein jate hi dance karne laga…wo boht khus tha…isliye dil khol kar bina music ke naach raha tha…wo itna khus tha k use as paas ki koi sujh bujh hi nahi rahi thi...

Itne mein kisi ke hasne ki awaj ayi aur Sam wahin ruk gaya…usne palat kar dekha toh Neha darwaje par khadi Sam ko dekh kar has rahi thi…

Sam(Neha ke paas jate huye): kya huya sadma laga hai kya…

Neha(haste huye): sadma toh lagega hi na jab mera naya naya dost paglon ki tarah bina music ke dance karega…

Sam: toh tum mujh par has rahi ho…

Neha: han aur kis par hasungi…tum hi toh paglon wali harkat kar rahe the…

Sam: wo asal mein Main Divya ke sath Shimla Jane wala hun isliye aise khus ho raha tha…

Neha: acha…par yaar yeh tumhara aur Divya ka kya chakar hai…sab bolte hain k tum dono ki shadi hone wali thi…toh huyi kion nahi…

Sam(thoda dukhi hokar): yaar wo kisi ne mere sath boht badi sajish ki jiski wajah se shadi tut gayi…

Neha: acha aisa kya huya tha…

Fir Sam ne wo bechlor party wali baat Neha ko batayi…Neha ko yeh sun kar bada jhatka laga…

Neha: yaar mujhe toh yakeen hi nahi ho raha k koi tum Jaise ache insan ke sath aisa kar sakta hai…

Sam: kya pata yaar kon tha aur aisa kion kiya…

Neha: chal chhod par ab tu kya Divya ko wapis manane aya hai…

Sam: han…

Neha: yeh toh achi baat hai…agar kabhi meri help ki jarurat ho toh batana…

Sam: aj tumhari help se hi toh Divya mere sath shimla ja rahi hai…

Neha(hairan hote huye): Maine kab tumhari help ki…

Fir Sam ne apne banaye huye plan ke bare mein Neha ko bataya aur jab Neha ne puri baat suni toh uski hansi chhut gayi…

Neha: yaar tu toh bada jugadi nikla…aur Divya mujhse kion itna jalti hai…aur mujhe lagta hai kal Jo mujhe usne bewajah sunaya wo bhi isi wajah se hoga...

Sam: kya pata par sayad tumhe mere sath dekh kar insecure feel karti hogi…

Neha: han par yeh toh achi baat hai iska matlab toh yahi huya na k wo abhi bhi tumhse boht pyar karti hai…

Sam: wo toh mujhe pata hi hai tabhi toh yahan aya hun use manane…chal chhod tu bata yahan kion ayi thi koi kaam tha kya…

Neha: yaar koi kaam nahi tha isliye toh ayi thi…socha kus der batein karke time paas kar lun…

Sam: OK…

Neha: chal yaar ab main chalti hun agar Divya ne mujhe yahan dekh liya toh meri fir se band Baja degi…

Neha ki baat par Sam halka sa muskura pada…fir Neha wahan se chali gayi aur Sam bhi apne kaam mein lag gaya…

To be continued…

SIDHU SAAB

______________________________

Romance- Dildariyan (Completed)
Romance- BESHARAM (Completed)
Thriller- Swordsman - Begins(Completed)

Adultery- Kameena Dil (Running)

[sarit11]

Aryan sahu

Are Koi To Divya k mathe par pani dalo aur Dimag ko cool karo !
Gusse se kitni garam hai aesa lag raha aas paas aag lag jayega.... [img]file:///images/smilies/smile.gif[/img]
Sam thoda bachke.....
Yeh bohot interesting hoga ki Sam kya plan bana raha hai....
Very nice update....

entertainerjatt
Bhai yeh kaam toh Sam hi kar sakta hai...aur Sam ke plan ka aj pata chal hi jayega....thanks bhai and supporting...

[sarit11]

Hitesh.soni1

Meri aashiqui ye rabb ke hawale
Roothe yaar ko bas koi mana le
Yaadonki sooli dil mein gad jati hai
Veeraniyan jab had se badh jaati hai

Ek daur woh tha, mujhse bhi zyada
Unko fikar thi meri, kehte they mujhse
Rukhsat na honge, milke dobara kabhi

Ab toh gairon se mera haal pucha jaata hai
Yahi darde dil mere dil ko rulata hai

Wafa ne bewafai, bewafai
Bewafai ki hai
[img]file:///images/smilies/congrats.gif[/img]

Superb bhau.... Lagta hai shimla tour ke baad dono ek ho hi jayenge....
Sabhi gile sikhwe dur hone wale hai....

Hum to fan ho gaye bhau aapke....

Intezaar

entertainerjatt
Thanks bhai...aur kya kamaal ki lines likhi hain apne...fan toh hum ho Gaye apke..

[img]file:///images/smilie4/repped.gif[/img] bhai

[sarit11]

posted upto 100 pages

[HUNTER]

waiting for
              next update.....

[sarit11]

Update 24

Neha: yaar koi kaam nahi tha isliye toh ayi thi…socha kus der batein karke time paas kar lun…

Sam: OK…

Neha: chal yaar ab main chalti hun agar Divya ne mujhe yahan dekh liya toh meri fir se band Baja degi…

Neha ki baat par Sam halka sa muskura pada…fir Neha wahan se chali gayi aur Sam bhi apne kaam mein lag gaya…

Ab age….

Wo din aise hi nikal gaya jab sham ko wo dono ghar gaye toh yahan Sam boht jyada khus tha wahin Divya kus khoyi khoyi si lag rahi thi….

Kionk Divya ke man mein do tarah ke bichar a rahe the…ek taraf toh wo is chij se khus thi k Sam Neha ke sath na jakar uske sath Jane wala hai…dusri taraf wo is baat se upset bhi thi k wo dobara se Sam ki taraf badh rahi hai…agar dobara use wahi dard mila toh wo kahin tut kar bikhar na jaye…

Khair Fir sabhi ne mil kar dinner kiya…dinner ke baad Seema Divya ke sath uske kamre mein aur Riya aur Sahil Sam ke sath uske kamre mein chale gaye…kionk wo dono aj apni shimla ke liye packing karne wale the…

Sam ke kamre mein wo teeno full masti kar rahe the…aur sath mein packing bhi kar rahe the…

Sam(apni ek T-shirt suitcase mein dalte huye): Yaar tum dono ko main kaise thanks kahun…agar tum dono meri Help na karte toh main aj akela Jane ke liye packing kar raha hota…

Riya: are bhaiya hum toh hamesha apke sath hain…aur ab yeh faltu ki batein chhodo aur packing karo…

Fir un teeno ne milkar packing Khatam ki…aur sabhi bed par baith gaye…

Sahil(ek lambi sans lete huye): yaar Thak gaya itna kaam life mein kabhi nahi kiya…

Riya: tu na rehne de tune aj tak koi kaam bhi nahi kiya…aj bhi kya kiya bas sirf bhaiya se puch kar batata raha na k konsi chij kaam ki hai…

Sahil: han toh Fir yeh kaam koi asan kaam hai…pata hai baar baar bolne se mera munh dukh gaya…

Sahil ki baat sun aur uski shakal dekh kar wo dono hans pade aur Sahil chhid kar wahan se bhag gaya…

Sam: are yeh kya kar diya…ab use manana padega…

Riya: Nahi bhaiya ab ap chup chap so jaiye subah itne lambe safar par Jana hai…use main samjha dungi…

Sam: OK meri dadi amma…

Riya(bed se khade ho kar): OK good night my sweet jiju…

Sam: good night Sali sahiba…

Fir wo dono khud ki baat par hi Hans pade aur fir Riya wahan se chali gayi aur Sam aram se so gaya…

Udhar Divya apni packing Khatam karne ke baad apne kamre mein bechain si idhar se udhar ghum rahi thi…

Divya (khud se): yaar main kion kar rahi hun…kion mera dil Sam ki itni fikar karta hai…kion use kisi aur ke sath dekh mujhe acha nahi lagta…main toh apna pyar ek saal pehle hi Khatam kar chuki hun…main sirf us Sameer Khurana se nafrat karti hun…

Ab bhala is Divya ko kon samjhaye k pyar itni asani se Khatam nahi hota…aur itni si baat par itni nafrat bhi achi nahi…par ab kar kya sakte hain…Divya ki batein hi sunte hain…

Divya: main ab fir se Sam ko aisa mauka nahi dungi k wo mera dil dobara tod sake…mujhe pata hai wo sirf aya hi is liye hoga taki wo meri kahi huyi baton ka badla le sake…ek thapad Marne se uska man kahan bhara hoga…par main use yeh mauka nahi dene wali….par main apne man ka kya karun yeh toh har waqt uski taraf bhagta rehta hai…jab ek saal tak mujhse dur tha tab toh kisi tarah khud ko sambhal leti thi…par ab use samne dekh kar na Jane kya ho jata hai…man chahta hai k wo mujhe apni bahon mein bhar le aur bole k Divya main bhi tumse utna hi pyar karta hun jitna tum karti ho…

Divya apne man mein chal rahi is kasmkas se boht pareshan a chuki thi aur wo balkani mein jakar khadi ho gayi…raat ko chal rahi thandi hawa ke jhonke uske chehre se takrate toh use sukoon sa milta…

Khair wo aise hi kafi der wahan khadi rahi aur fir jakar apne bed par lait gayi…dhire dhire use bhi neend a hi gayi…

Agle din Friday subah sabhi dinning table par baithe breakfast kar rahe the…Divya chup chap si baithi thi sayad apne apko is trip ke liye prepare kar rahi thi…

Baki sab batein karte huye breakfast kar rahe the…khair sabhi ne nashta Khatam kiya aur fir Riya aur Sahil sabko bye bol kar college ke liye nikal gaye…

Unke Jane ke thodi der baad Sam aur Divya bhi apna apna smaan lekar hall mein aye aur Seema se mil kar bahar garage mein a gaye…

Divya(Driver ko): chalo gadi nikalo…

Sam: iski jarurat nahi hai main drive kar lunga…

Divya: acha toh tumhe bhi drive ati hai…mujhe toh pata hi nahi tha…

Sam: aj pata chal jayega…chalo apna smaan rakho aur baitho car mein…

Divya: tujhe koi manner nahi hai kya…ladkion ka smaan khud rakhte hain…tabhi toh tum ek gentleman banoge…

Sam: oh hlo miss Patel…yeh na apna lecture kisi aur ko dena…main tujhe apne sath lejane ke liye maan gaya itna hi kafi hai tumhare liye…

Divya: acha toh main tumhare sath jane ko tyar ho gayi tumhare liye bhi yahi boht hai…ab mera smaan rakho car mein…

Sam: main kion rakhun…tum khud rakho apna smaan…

Abhi wo dono apas mein lad hi rahe the k tabhi wo driver unke paas a kar bola…

Driver: ji Maine ap dono ka saman rakh diya hai car mein…

Driver ki baat sunte hi wo dono chup ho gaye…ab becharon ke paas ladne ka koi bahana hi nahi bacha tha…isliye wo dono chup chap car mein baith gaye…

Par ladayi fir se shuru ho gayi…kionk Divya backseat par baith gayi…

Sam: Divya age a kar baitho…

Divya: main kion baithun…main nahi baithne wali tumhare sath…

Sam: dekho main tumhara driver nahi hun…chup chap age a kar baitho…

Divya: ja nahi ati kya kar lega tu…

Sam: dekho Divya main boht serious hun…age a jao…

Divya: chal thik hai par pehle plz bolo…

Sam: tum age a rahi ho ja nahi…

Divya: bolo plz…

Sam (tang a kar): plz age a jao…

Fir Divya car se utri aur Sam ki bagal mein a kar baith gayi…

Divya: yeh huyi na ache bachon wali baat ab chalo jaldi se…

Sam(munh mein badbadate huye): koi na mera bhi time ayega…

Fir Sam ne gadi start ki aur chal pada apni manjil ki aur...Divya Sam ki taraf nahi dekh rahi thi…aur Sam bhi apni driving ki taraf dhyan laga raha tha…par Sam is baat se khus bhi tha k Divya aj khul kar batein kar rahi hai…usse jhagda rahi hai…

Dono chup chap baithe the…tabhi Sam ne music player on kiya…song shuru huya…

Humein Tumse Pyaar Kitna Yeh Hum Nahi Jaante
Magar jee nahin sakte tumhare binaa

Humein Tumse Pyaar Kitna Yeh Hum Nahi Jaante
Magar jee nahin sakte tumhare bina
Hume tumse pyaar...

Suna Gham judaai Ka Uthaate Hai Log
Jaane Zindagi Kaise Bitaate Hai Log
Din Bhi Yaha To Lage Baras Ke Samaan
Hume Intezaar Kitna Yeh Hum Nahi Jaante
Magar Jee Nahi Sakte Tumhaare Bina
Hume Tumse Pyaar Kitna Yeh Hum Nahi Jaante
Magar Jee Nahi Sakte Tumhaare Bina
Hume Tumse Pyaar....

Tumhein Koi Aur Dekhe to jalta Hai dil
Badhi Mushkilon Se Phir Sambhalta Hai dil
Kya Kya Jatan Karte Hain Tumhe Kya Pataa
Yeh Dil Beqaraar Kitna Yeh Hum Nahi Jaante
Magar Jee Nahi Sakte Tumhare Bina
Hume Tumse Pyaar Kitna Yeh Hum Nahi Jaante
Magar Jee Nahi Sakte Tumhaare Bina
Hume Tumse Pyaar.....

Kishore da ke is legendary aur romantic song ne mahol ko thoda halka toh kar hi diya tha reh reh kar dono ke dil mein ek dusre ke prati pyar a raha tha…

Divya bhi ab kabhi kabhi chor najron se Sam ki taraf dekh rahi thi aur Sam bhi kabhi kabhi driving se dhyan hata kar Divya ki taraf najar maar hi leta tha…

To be continued….

SIDHU SAAB

[sarit11]

Update 25

Kishore da ke is legendary aur romantic song ne mahol ko thoda halka toh kar hi diya tha reh reh kar dono ke dil mein ek dusre ke prati pyar a raha tha…

Divya bhi ab kabhi kabhi chor najron se Sam ki taraf dekh rahi thi aur Sam bhi kabhi kabhi driving se dhyan hata kar Divya ki taraf najar maar hi leta tha…

Ab age…

Sam chahta tha k wo Divya se kus batein kare par Divya ne use pehle hi mana kar rakha tha is liye wo chup hi raha…khair dono ko ab tak ghar se chale huye kafi time ho gaya tha…Divya bhi ab baithe baithe bore ho chuki thi…par wo Sam se baat karke khud ki ego ko hurt nahi Karna chahti thi…par jhagda toh kar hi sakti thi na…

Divya: Maine kaha tha k flight se chalo…ab tak toh kabke pahunch jate…

Sam: yaar pahunch jayenge…tumhe itni kion jaldi ho rahi hai…

Divya: kionk main tumhare sath aur der nahi baith sakti...

Sam: main tumhe khane nahi wala…chup chap baithi raho…

Divya: par mujhe tumse nafrat hai…wo toh mom ne pata nahi tumhe office kion bheja…aur ab main tumhare sath yahan akar fas gayi…

Sam: dekho Maine tumhe nahi kaha k tum yahan mere sath ao…main Neha ko apne sath lane wala tha…

Divya: main nahi chahti k tum uski bhi life spoil karo…

Sam(gadi ke ek dum se break laga kar): kya matlab tumhara…

Divya: mujhse kya puch rahe ho…tum toh ho hi aise…kisi ladki ki feelings toh samjhte nahi…sirf use dhokha dena jante ho…mujhe diya aur wo bhi pata nahi kon hogi jiske sath tum ek hi bed par chii…uski bhi tumne life kharab kardi hogi…

Vaise toh Sam ab jaldi kisi ki baat ka gussa nahi karta tha…par Divya ki yeh batein uske dil ko cheer gayi thi…use boht dukh ho raha tha k Jo ladki kabhi usse itna pyar karti thi wo aj uske prati jehar ughal rahi hai…Sam ki ankhon mein halke ansoo bhi a gaye the…

Sam (dukhi si awaj mein): pata hai Divya tumhare aise hi kadwe lafjon ki wajah se hum tab bhi alag huye the aur aj bhi tum wahi par khadi ho…

Par Divya apni galti toh manne se rahi use toh sirf Sam hi galat najar ata tha…aur jab Sam ne use aisa kaha toh wo kafi gusse mein a gayi…

Divya(gusse mein): tab ki baat alag thi mujhe bhi dukh huya tha alag hone ka par ab mujhe tumse koi farak nahi padta…main apni life mein age badh chuki hun…

Sam(vyangatmak lehje mein): achi baat hai k tum age badh chuki ho…vaise tumhare bf ka kya naam hai..

Divya: bf?

Sam: han bf …acha acha tumhara koi bf nahi hai yah Fir tum kisi se shadi karne wali ho…

Divya: kya bakwas kar rahe ho…

Sam: nahi tumne hi toh kaha k tum age badh chuki ho mujhe laga mujhe bhul ke tumne koi bf banaya hoga…

Divya(topic se bachte huye): mujhe tumse koi faltu baat nahi karni hai…

Iske baad Sam ne bhi koi baat nahi ki aur na hi Divya ne koi baat ki…

Kafi lambe aur thaka dene wale safar ke baad dono shimla ke ek khubsurat hotel ke samne ruke…

(shimla ki main koi khas tareef nahi karunga kionk sab uske bare mein jante hain…agar fir bhi kisi ko na pata ho toh wo uske bare mein search kar sakta hai kionk main khud shimla ke bare mein kus nahi janta)

Khair dono gadi se bina bole nikle…kionk unki booking pehle se hi thi toh hotel ke staff ne unka smaan unke kamron mein pahuncha diya…

Wo log bhi keys lekar apne apne kamron mein chale gaye…wo dono boht Thak gaye the toh dono ne shower liya aur aram karne lage…dono kafi thake huye the…dinner apne apne room mein kiya aur fir so gaye…

Next day dono uthe fresh huye aur fir Divya Sam ke kamre ki taraf chal padi…Sam kamre mein bed par baitha tha…Divya ne knock kiya toh Sam ne uth kar door khola…

Sam kus bolta usse pehle hi Divya bol padi…

Divya: Sam chalo…

Sam: kahan Jana hai abhi…

Divya: jis kaam ke liye hum aye hain…

Sam: acha toh chalo main thoda change kar lun…

Divya: OK thik hai…main room mein ja rahi hun mujhe bata dena…

Sam: OK…

Fir divya wahan se chali gayi aur Sam change karne ke liye…thodi der baad Sam divya ke room ki taraf chal pada…

Sam ne door knock kiya aur Divya ne door open kiya…

Sam: toh ab chalein…

Divya: OK..

Fir wo dono wahan se nikal gaye…Sam ne parking se car nikali aur us jagah ki taraf chal pade yahan restaurant banne wala tha…

Sam(drive karte waqt): Divya kitni dur hai wo jagah…

Divya: bas kus hi dur hai…

Fir thodi hi der baad dono wahan pahunch gaye…Sam ne us jagah ka ache de muayna kiya…aur ache se samjha…

Isi tarah is project ke silsile mein do din nikal gaye…Sunday wale din kareeb sham ko Divya Sam ke room mein ayi…

Divya: Sam hum log ghar ja rahe hain...

Sam(hairani se): yaar tum pagal ho gayi ho kya…sham ke 4:00 baje rahe hain…ab kaise jayenge…

Divya: mujhe kus nahi Sunna mujhe subah tak ghar pahunchna hai…

Sam: yaar tum baat ko samjho Raat ko drive karna safe nahi hoga…

Divya: nahi mujhe kus nahi sunna…

Sam: plz meri baat ko samjho hum kal subah jaldi hi nikal jayenge…

Divya: main kal subah ka wait nahi kar sakti…mujhe abhi Jana hai…

Sam: chal thik haj but tujhe Karna kya hai itni jaldi jakar…

Divya: kus bhi Karna ho tum apne kaam se kaam rakho…

Sam: dekho agar bataogi nahi toh main nahi Jane wala…tum pehle batao agar mujhe laga k Jana jaruri hai toh hum chalenge…

Divya (kus soch kar): acha thik hai…mujhe kal subah ek jaruri meeting attend karni hai…

Sam: yaar tum ek meeting ke liye itni jaldi kion bhag rahi ho…postponed kardo…

Divya: dekho Sam ab jyada behas mat karo…maine bata diya hai aur main yeh meeting postponed nahi kar sakti…mujhe abhi chalna hai…

Sam: Yaar tum itni jiddi kion ho…

Divya: han hun…ab main last time puch rahi hun…agar nahi Jana toh mujhe car ki keys do main khud chali jaungi…

Sam ab Divya ko akele toh itni late Jane nahi de sakta tha…aur Divya maan nahi rahi thi toh use han karni hi padi…

Sam: OK yaar thik hai…chalte hain…

Divya: toh thik hai tyar hone mein time waste mat karo…aise hi chalte hain…

Sam ko bhi Divya ki yeh baat sahi lagi…waise bhi dono ne car mein hi Jana tha…aur ghar hi Jana tha…isliye Sam lower aur t-shirt mein aur Divya bhi ek salwar kameez mein chal padi…dono ne apna smaan uthaya aur hotel se check out kiya…

Fir dono parking se car lekar nikal pade ghar ki taraf…abhi time 4:20 huye the…par ghar pahunchte huye adhi raat ho jani thi…

Shimla ke pahadi raston ko toh cross kar hi liya…aur Raat hote hote wo log maidani ilake mein pahunch gaye…

Dono apne ghar ki taraf chup chap badhe ja rahe the…par mujhe kion aisa lag raha hai k yeh shanti kus hi time ki hai…kus na kus hone wala hai…

To be continued…

SIDHU SAAB

[sarit11]

Update 26

Shimla ke pahadi raston ko toh cross kar hi liya…aur Raat hote hote wo log maidani ilake mein pahunch gaye…

Dono apne ghar ki taraf chup chap badhe ja rahe the…par mujhe kion aisa lag raha hai k yeh shanti kus hi time ki hai…kus na kus hone wala hai…


Ab age…

Dono apne ghar ki taraf badhe ja rahe the…abhi dono maidani ilake mein the…kabhi koi gaon ata toh kabhi koi sehar ata…par wo dono ek dusre se bilkul bhi baat nahi kar rahe the…

jab se dono shimla gaye the tab se ek dusre se kam hi baat karte the…sayad us din Jo Divya ne Sam ko kus kadwe bol bole the…usi ka asar tha…

Khair Divya toh bas bahar dekh rahi thi…aur Sam as paas dekh raha tha…aise hi dono age badhte ja rahe the…ab tak andhera bhi ho chuka tha…Raat ke 8:30 ho rahe the…

Divya baithi baithi bore ho gayi…aur wo Sam se seedhe munh baat karne se toh rahi…toh usne bas aise hi bina matlab jhagda karne ki Sochi…

Divya(halke banawati gusse se): Sam thoda tez chalo…

Sam: dekho mujhe driving sikhane ki jarurat nahi hai…chup chap baithi raho…

Divya: aise toh hum late ho jayenge..

Sam: mujhe kus nahi sunna…main faltu mein tez chala kar risk nahi Lena chahta...

Divya(Sam ko chidhate huye): acha toh tumhe dar lag raha hai…

Sam: mujhe koi dar bar nahi lag raha…aur bahaduri aur bewkufi mein boht thoda fark hota hai…main bewkuf nahi hun…

Divya: tum boht bade fatu ho…

Sam: kus bhi kaho but mein tez nahi chalane wala…aur wo dekho samne jungle hai ho sakta hai koi janwar ek dum se gadi ke samne a jaye…

Divya ne bhi samne dekha toh ek vishal aur ghana jungle tha samne…use ab dar lagne laga…kionk jab wo log aye the toh us waqt din tha…par ab Kali raat mein yeh jungle ke beech se gujrti road…par Divya apna dar Sam ko dikha kar khud ko kamjor nahi dikhana chahti thi…

Divya: fir kya huya…lao mujhe do main chala leti hun…

Sam: yaar chup chap baitho…

Divya bhi ab chup ho gayi…Car ab us jungle mein enter kar chuki thi…road ke as paas ped hi ped the…aur upar se wo ped apas mein mil kar ek under bridge sa bana rahe the…

Ab tak wo dono is ghane jungle ke bilkul beech mein pahunch gaye the…Divya ko ab boht dar lag raha tha…par wo Sam ko aisa ehsas nahi hone dena chahti thi…is liye usne apna dhyan kisi aur taraf lagane ke liye Sam se fir se tez chalane ko lekar jhagda karna shuru kar diya…aur Sam mana karta raha…

Tabhi Divya ne apni seat belt kholi aur driving seat ki taraf jhuk kar Sam se steering pakadne ki kosish karne lagi...

Divya: chalo seat change karo…main drive karti hun…

Sam: Divya aram se baitho accident ho jayega…

Abhi Sam ne itna bola hi tha k divya se car ka steering thoda right ki taraf mud gaya aur car out of control ho gayi…aur jungle ke ander ki taraf daudane lagi…Sam ne kafi kosish ki brakes lagane ki par uska koi control na raha…

Car jungle ke kafi ander tak chali gayi…Divya toh dar ke mare lagbhag behosh si ho gayi thi aur lagatar cheekh rahi thi…aur Sam har ek ped se bachata huya car ko kafi ander tak le aya…aur tabhi Car ek ped se takra gayi…

Takar jyada jor ki toh nahi thi…seat belt pehne hone ke karan Sam ko kus nahi huya but divya driving seat ki taraf munh karke bina seat belt ke hi baithi thi…aur jhatka lagne se uska sir seedha steering se ja takraya…

Jaise hi gaadi ruki toh Sam ne dekha k Divya steering se takra kar uski god mein a giri thi…uske sir se halka khun bhi Beh raha tha…Sam ne jhat se apni seat belt kholi aur Divya ko utha kar uski seat par bithaya…

Usne Divya ko uthane ki kosish ki…

Sam(Divya ko hilate huye): Divya….utho divya…jyada chot toh nahi lagi na…

Par Divya toh behosh ho chuki thi…Sam ne kafi kosish ki use uthane ki par wo na uthi…Sam ne pani ke chinte bhi mare par koi fayada na huya…

Fir usne socha k pehle bleeding rokni padegi…usne car se first aid box nikala aur Divya ke mathe par saaf karke patti bandh di…

Fir usne car start karne ki kosish ki par car start na huyi…Fir wo car se bahar nikla…

Sam(Apne mathe par hath rakh kar): ab kya karun…Divya toh behosh ho chuki hai…aur agar car thik kar bhi li toh use is halat mein kahan lekar jaunga…upar se itni raat…

Khair usne car se torch uthayi engine dekhne ke liye…usne as paas bhi torch ghumayi toh use paas hi ek khali jagah par ek ghar najar aya...

Par aisa lag raha tha Jaise wahan koi na ho…na toh koi light thi na hi kus aur aisa jisse wahan kisi ke hone ka saboot mile…

Sam (khud se): Yaar mujhe is jagah ko dekhna chahiye…ho sakta hai kus kaam ki jagah ho…vaise bhi agar yahan aj Raat rukne ka itzaam ho jaye toh acha hoga…tab tak Divya ki halat bhi kus behtar hogi…

Yeh soch kar Sam ne car ke doors ko lock kiya aur us ghar ki taraf kus dar aur ghabrahat ke sath badh chala…

Jaise Jaise Sam us ghar ke kareeb ja raha tha uska dar badh raha tha…aur yeh natural hai k ek vishal jungle mein ek sunsan sa ghar dekh koi bhi dar jayega…

Khair Sam us ghar ke kareeb aya aur usne kus soch kar aur thoda darte huye knock kiya…par kisi ne na toh darwaja khola…na hi koi awaj di…sam ne do teen baar aur try kiya…par koi jawaab na mila…

Sam (khud se): lagta hai yahan koi nahi hai…chalo ek baar awaj dekar dekhta hun nahi toh khud hi khol kar ander chala jaunga…

Sam(thoda jor se): koi hai kya…humein madad ki jarurat hai…

Par fir bhi koi jawaab na aya…toh Sam ne khud hi ander jakar dekhne ka socha…usne darte huye darwaja kholne ki kosish ki…aur darwaja badi asani se khul gaya…

Sam ne darwaje par hi khade khade ander torch ki help se dekha…toh use pata chala k yeh koi ghar nahi hai sirf ek room hai…yahan ek charpayi padi thi aur ek bistar…aur kus bartan aur stove….

Dekhne mein aisa lag raha tha mano aj hi kisi ne yahan ki safayi ki ho…sab saaf suthra tha…Sam ne sab dekh kar jab yeh mehsus kiya k ander koi khatra nahi hai toh wo ander chala gaya…

Ander jakar usne sab dhyan se dekha…wahan kone mein ek matka bhi pada huya tha…Sam ne uska dhakan utha kar dekha toh usme pani tha aur lag bhi aisa raha tha mano aj yah kal hi kisi ne bhar kar rakha ho…

Khair Sam ne sab kus check kiya…toh use yeh room boht pasand aya aur aise khatarnak jungle mein aisa saaf suthra aur khali room kisi swarg se kam nahi tha…

Sam ne wahan pade ek lamp ko jalaya(wahin lamp ke paas ek machis ki dibiya bhi padi thi)…fir usne apni torch side mein rakhi…

Fir wahan padi khatiya ko jhad kar bisaya…us par wo bistar daal diya…aur wo bistar bhi ek dum saaf suthra tha…

Sam ne fir apni torch uthayi aur bahar nikal kar fir se apni car ki taraf chal pada…usne car unlock ki Divya ko apni god mein uthaya dobara lock laga kar wo fir se usi room ki taraf chal pada…

Room mein ja kar Sam ne Divya ko bistar par litaya…aur door band kiya…wo khud ek kambal bicha kar niche hi lait gaya…

Wo baar baar Divya ko dekhta k wo hosh mein a rahi hai yah nahi…par Divya ko abhi tak hosh nahi aya tha…Sam ne phone par dekha toh wahan network bhi nahi tha…

Sam aise hi wahan niche baitha raha…aur Divya ke hosh mein ane ka intzar karta raha…ab Divya ko hosh kab ayega aur age kya hoga yeh toh waqt hi bata sakta hai…

To be continued…


SIDHU SAAB

[sarit11]

Hitesh.soni1

Ye kya sun raha hu main bhau..... Divya or sam shimla Jane se pahle bahut baat karte the....

Ye sab kab hua.... Mujhe to laga tha ki shimla tour me divya sam se kuch jyada hi baat kar li....
By the way update was awesome...
Divya ne dar ko chupane ke chakkar me ye kya kar diya bhau.....sunsan jungle me kahi kuch ho na jaye...

Aise sunsan jungle me itna saaf sutra room.... Sochne wali baat hai.... Shayad koi rahta ho yaha.... Ya kahi ye koi bhut bangla to nahi.... O sorry bhut room....

 kkkikahani
Ye hui na bat akhir kichh to bat nikali divua ke muh se..

Aur ye mohtarma jaldi ghar kyu jana chahati hai...
Kahi kuchh party shartu na rakhi is chhori ne.. [img]file:///images/smilies/biggrin.gif[/img]


Ab shanti to nahi chalegi... Tufani shanti chahiye aur sidhhu sahb ro usme mahir hai.

entertainerjatt
Bhai wo kam baat wali line ke liye sorry mera matlab tha k ab Sam bhi Divya se jyada baat karne ki kosish nahi karta tha...


Vaise thanks...and bhai bhoot ka naam leke mujhe dara mat...dekhte hain kya hota hai...
-----------------------------------------------------------------------------
entertainerjatt
Thanks bhai...Aur bhai ab toh jaldi ghar nahi ja sakte...


Bhai yeh tufaani shanti se matlab tufan se pehle ki shanti se hai kya...

[sarit11]

Update 27

Wo baar baar Divya ko dekhta k wo hosh mein a rahi hai yah nahi…par Divya ko abhi tak hosh nahi aya tha…Sam ne phone par dekha toh wahan network bhi nahi tha…

Sam aise hi wahan niche baitha raha…aur Divya ke hosh mein ane ka intzar karta raha…ab Divya ko hosh kab ayega aur age kya hoga yeh toh waqt hi bata sakta hai…

Ab age…

Sam aise hi sari raat na toh so paya aur na hi thoda aram kar paya…wo kabhi toh bahar ki awajein sunne ki kosish karta aur kabhi Divya ko dekhta…aise hi subah ke 3:45 baj gaye…

Pata nahi kaise par Sam ki ankh lag gayi…Sam boht thaka huya tha toh use boht gehri neend a gayi…

Tabhi us room ka darwaja khula…kus log ander aye…5-7 ladke the dekhne mein gunde lag rahe the…

Sam boht gehri neend mein so raha tha toh use koi hosh nahi tha…wo log pehle Sam ki taraf badhe…Sam ko ache se dekh jab unhein laga k yeh jaldi uthne wala nahi hai toh wo log Bistar par laiti Divya ki taraf badhe…

Divya abhi bhi so rahi thi…uske mathe par bandhi patti ke upar bhi uske khoon ka halka nishan ban gaya tha…wo boht pyari lag rahi thi sote huye …par un gundon ko Taras kahan…

Un logon ne Divya ko dhyan se dekha…aur fir ek dusre ko koi ishara kiya…Un logon mein se do ne Divya ko uthaya aur bahar leke Jane lage…fir un logon ne use gadi mein dala aur wahan se leke chale gaye…

Kafi time baad Sam ki ankh khuli aur wo ankhein malte huye uth baitha…usne sabse pehle khatiya ki taraf yeh dekhne ke kiye najar Mari k Divya ko hosh aya yah nahi…

Par Divya toh wahan nahi thi…use thodi fikar hone lagi…fir laga k kahin bahar na gayi ho…wo uth kar room se bahar nikla…

Usne as paas dekha par Divya wahan nahi thi…wo aur bhi jyada ghabra gaya….Fir usne Divya ko boht jor se awaj lagayi…par koi jawaab nahi…kayi baar awaj lagane par bhi jab koi reply na mila toh use fikar hone lagi…

Itne mein use Divya ki ear rings padi mili…usne use utha kar dhyan se dekha…aur sath hi wahan ek car ke tyres ke nishan the…

Sam ko pata chal gaya k Divya jarur kisi musibat mein hai…Sam ne un tyres ke nishan ka picha karne ki Sochi…vaise bhi ab ujala ho gaya tha toh torch ki toh jarurat nahi thi…

Usne ek mota danda uthaya aur us nishan ke piche piche tez kadmon se chalne laga…wo chalta gaya…kafi dur tak chalta gaya…uske pairon mein dard hona shuru ho gaya tha par wo chalta hi gaya…

Par yeh tyres ke nishan ko age hi age ja rahe the…par uske paas inka peecha karne ke ilawa koi option hi nahi tha…

Sam apna man maar kar age badhta gaya…tabhi wo nishan Khatam ho gaye…aisa toh tha nahi k yahan koi pani yah pakki jamin thi…toh jarur wo car yahi kahin hogi…usne thode se baki bache nishano ka peecha kiya toh wo kus jhadion ke piche ja rahe the…

Boht badi badi jhadiyan thin…Sam darte darte unke piche gaya toh wahan ek car khadi thi…Sam ki saans mein saans ayi par use thodi ghabrahat bhi ho rahi thi…

Sam ne darte darte us car ke ander dekha par wahan toh koi nahi tha…Sam ne ache se sabhi khidkion se dekha…par koi najar na aya…

Ab use kus pata nahi tha k Divya kahan hai…wo as paas dekhne laga…wahan koi ghar yah kus aur bhi nahi tha yahan Divya ko rakha ja sake…

Wo wahin as paas ghum kar dekhne laga…kionk use pata tha k Divya kisi musibat mein hai toh wo use awaj nahi de raha tha…wo chup chap use dhundhne ki kosish kar raha tha…

Itne mein kisi ladki ke chikhne ki awaj ayi…Sam ka dhyan us awaj ki taraf gaya…par pata nahi kahan se yeh awaj ayi thi…

Itne mein fir se bachao ki awaj ayi…aur Sam ko awaj se yeh toh pata chal gaya tha k yeh Divya ki hi awaj hai…par kahan se a rahi hai use yeh nahi pata chala…

Itne mein uska dhyan ek Pathron se bani gufa par gaya…jo ek jyada badi toh nahi thi…Sam us guffa ki taraf chal pada…par use yeh dar bhi tha k koi bhalu yah sher yahan na rehta ho…

Wo guffa ke kafi kareeb chala gaya…itne mein wo bachao ki awaj fir se sunayi di…is baar wo awaj saaf sunayi de rahi thi toh Sam ko pakka yakeen ho gaya k Divya isi guffa mein hai…

Sam dhire dhire us gufa ke ander ghus gaya…guffa jyada badi nahi thi toh thoda age jate hi use roshni dikhayi dene lagi…Sam ab dhire dhire deewar ke shahare age badne laga…

Tabhi uski najar wahan par padi yahan Divya thi…wahan 7-8 gunde khade the unke paas hathiyar the…aur Divya ek chair par bandhi baithi thi…

Uske hath aur pair chair ke sath bandhe huye the…aur wo ro rahi thi aur bachao bachao chila rahi thi…aur sabhi gunde Hans rahe the…

Gunda1: chilla le chhori jitna man kare…par tujhe yahan bachane koi nahi ane wala…

Gunda2: bhai ise bachane kon ayega…jab iske paas pade us launde ko nahi pata chala k ise hum utha laye hain…

Gunda3: are yaar wo toh ghode bech kar so raha tha…

Gunda1: sone do use ab humein toh fayda hi fayda hai…bada chaukha maal mila hai is baar toh…bech kar khub paise kamayenge…

Gunda4: han bhai nahi toh gaon ki wo Dubli palti si laundian milti hain…hadion ke bhala kon paise dega…par yeh sehari chhori toh chalta firta khajana hai hamare liye…

Us baat par sab hasne lage…par Sam boht ghabra gaya k yeh log Divya ko bechne ki soch rahe hain…aur Divya toh unki baat sun kar Rone lagi thi…

Divya(rote huye): Plz Jane dijiye mujhe…maine ap logon ka kya bigada hai…

Gunda 1: are chhori aise kaise Jane dein…tu hamara jackpot hai…boht maal milega tumhe bech kar…

Divya is baat se aur bhi dar gayi aur jor jor se Rone lagi…

Divya(gidgidate huye): plz chhod dijiye mujhe…main mar jaungi…

Gunda3: are chhori ghabra mat ismein hum sabhi ka fayada hai…hum logon ko paise mil jayenge aur baad mein tujhe maje dene ke liye tarah tarah ke murge ayenge..

Us admi ki baat par sabhi has pade…Divya toh bechari ro ro kar kamli ho gayi thi…par Sam ko us gunde ki baat par bada gussa aya…usne ek bada sa pathar uthaya…

Ek admi uski taraf Peeth karke khada tha uske hath mein ek pistol thi…Sam dhire se chipte huye uske paas pahuncha aur pure jor se wo pathar Us admi ke sir par mar diya…

Wo admi chilate huye wahin gir pada…aur sabka dhyan us taraf gaya…par tab tak Sam uska pistol utha chuka tha…isse pehle wo gunde kus karte Sam ne gusse mein us gunde ke mathe mein goli mar di jisne Divya ko ghatiya si baat boli thi…

Sab gunde ek pal ke liye sun se pad gaye…kisi ko kus samjh mein nahi aya k kya huya…par Sam toh pure gusse mein tha…usne aw dekh na taw…Gunda 2 aur gunda 4 ko bhi uda diya…

Tab tak wo gunde bhi action mein a Chuke the…un logon ne andha dhundh Sam par firing shuru kar di…wo toh acha huya k Wahan pade ek bade se pathar ke piche Sam chip gaya…

Kus time firing ke baad firing band ho gayi…ek gunda apni gun ko samne karke dhire dhire us pathar ki taraf badha…jaise hi wo Pathar ke paas a kar Sam par goli chalane laga Sam ne ek dum se trigger daba diya…aur wo gunda wahin dher ho gaya…

Divya wahin chair par bandhi huyi dar rahi thi...uska rona band ho gaya tha aur wo subak rahi thi…Gunda1 Jo sayad in sab ka leader tha wo bhi ek bade pathar ke piche chup gaya…

Baki bache dono gunde Sam par firing karne lage par sab golian pathar par hi lag rahi thin…Sam bahar nahi nikal sakta tha…use pata tha k wo Jaise hi uthega toh ek do golian bade aram se ar paar ho jayengi…

Par Sam ko kus toh karna tha toh usne ek scheme ladayi...usne Jo gunda pathar ke piche Mara tha uski gun uthayi…fir usne ek gehri sans bhari Aur Pathar ke piche se roll karke side mein nikla aur teji se dono guns se firing start kar di...

Kus golian off target lagi par usne akhirkar in dono gundo ko lutdka hi diya…ab Sam ko laga k aur koi nahi bacha toh Sam Teji se Divya ki taraf bhaga…

Usne Divya ke paas jakar pehle uske hath khole fir pair khole…Divya ajad hote hi Sam ke gale se lag gayi aur jor jor se Rone lagi....Sam uske sir ko sehla kar use chup hone ko kehne laga…

Divya(siskate huye): Sam tum kahan reh gaye the pata hai kitna dar gayi thi main…

Sam: sorry yaar main pata nahi kaise itni gehri neend so gaya…par ab fikar mat karo main a gaya hun na…

Divya: sorry Sam mujhe tumhari baat pehle maan leni chahiye thi…agar main faltu li jidd na karti toh na hamari car takrati aur na main yahan fasti…

Sam: chal koi baat nahi ab sab kus thik ho gaya…ab hum jaldi hi ghar ke liye nikal jayenge…

Abhi Sam ne itna hi bola tha k tabhi Divya ne pata nahi kya dekha usne chilate huye Sam ko dhaka dekar side mein gira diya…isse pehle Sam kus samjh pata ek goli seedha Divya ko akar lagi aur uske munh se ek dardbhari cheekh nikal gayi…

Itne mein Sam Jor se chilaya…

Sam: Divyaaaa….

Aur wo ekdum se uth gaya…usne as paas dekha toh wo abhi bhi usi kamre mein tha yahan wo soya tha…iska matlab yeh sab ek bura sapna tha…

Sam ka chehra pasine se tar ho chuka tha…par ab jab use pata chala k yeh ek sapna hai usne chain ki sans li…usne apni najar wahan mari yahan Divya so rahi thi…

Par Yeh kya Divya wahan nahi thi…Sam ko fir se fikar hone lagi…ab Divya kahan hai yeh toh nahi pata par itna jarur pata hai k is baar koi sapna nahi hai…

To be continued…

SIDHU SAAB

[sarit11]

Hitesh.soni1

Yr aisa update na diya kar bhau.....
Sala abhi tak tension se dil ghabra raha hai....

By the way update was awesome....
Ye Ek Sapna tha.... But ab kaha gayi divya.... Kahi ye sapna sahi to nahi hone wala....
Waise shimla tour ke baad dono wapas ek ho hi jayenge.... I think...

Intezaar...

entertainerjatt
Thanks bhai...aur aise sapne dekhne chahiye admi active rehta hai...aj raat ko divya ka pata bhi chal jayega....keep supporting...

[sarit11]

Update 28

Sam ka chehra pasine se tar ho chuka tha…par ab jab use pata chala k yeh ek sapna hai usne chain ki sans li…usne apni najar wahan mari yahan Divya so rahi thi…

Par Yeh kya Divya wahan nahi thi…Sam ko fir se fikar hone lagi…ab Divya kahan hai yeh toh nahi pata par itna jarur pata hai k is baar koi sapna nahi hai…

Ab age…

Sam ko Divya ki fikar hone lagi thi wo utha aur kamre ke bahar chala gaya…wo Jaise hi kamre se bahar nikla toh uski saans mein saans ayi…

Kionk Divya wahin khadi thi…Sam Divya ke paas gaya aur us par baras pada…

Sam: tum pagal ho kya Jo aise bahar chali ayi…ghumne ko yeh koi park nahi hai…

Divya: ab kya wahin laiti rahun aur sun abhi main ladne ke mood mein bilkul nahi hun…

Sam: kion tu toh Sara din ladti rehti hai…

Divya: Han par aj tune mujhe bachaya toh chal thanks…

Sam(hairani se): aj yeh sala suraj kidhar se nikla hai…

Divya: ab na tum jyada mat bolo…aur tumne mujhe bachaya toh iska yeh matlab nahi k Maine tujhe maaf kar diya…

Sam ko yeh baat sun kar jyada hairani nahi huyi…use pata tha k Divya use itni jaldi maaf nahi karne wali…aur usne yeh sab maafi ke liye nahi kiya tha…

Sam(halki si awaj mein): kus kaam aise hote hain Jo bina kisi matlab ke kiye jate hain…maine bhi wahi kiya…

Yeh bol kar Sam apni car ke paas chala gaya aur use thik karne laga…Divya Sam ki baat sun kar chup kar gayi…kionk yeh sach tha k Sam ne bina kisi matlab ke Divya ko bachaya tha…Aur jab se Divya hosh mein ayi thi tab se uska Sam ke prati gussa kahin mar sa gaya tha…

Khair Sam aise hi apni car thik karne ki kosish karta raha…aur Divya chup chap khadi use dekhta rahi…Khair Sam ne car ko dobara start kar hi liya…

Sam(apna pasina saaf karte huye): chalo kam se kam car toh chalu huyi ab ghar chalte hain…

Itna bol kar Sam car ke ander baith gaya par Divya wahin khadi rahi…Sam ne jab dekha k Divya wahin khadi hai toh usne horn Mara…par Divya na hili toh Sam khud car se bahar nikla aur Divya ke paas chala gaya…Divya pata nahi kin sochon mein khoyi huyi thi…

Sam: yaar ab yahin rehne ka irada hai kya…chalo ghar chalte hain…

Divya(udaas si awaj mein): Sorry Sam meri wajah se hum is problem mein fase…par plz yeh baat tum ghar ja kar mom se mat bolna…

Sam ne Jaise hi Divya ki baat suni toh wo jor jor se has pada….kionk Divya yeh sab aise bol rahi thi Jaise bache apni galti apne parents ko batane se mana karte hain…

Divya(halke gusse se): ab tumhe kya huya kion aise has rahe ho…ab chalna nahi hai kya…aur han agar tumne mom ko kus bhi bataya…toh dekh Lena…

Sam: OK but yeh Jo itna bada dent pad gaya isse pata nahi chalega kya…

Divya: simple bol dena k tumse takar lag gayi…

Sam: oye hlo mujhe kisi pagal kutte ne kata hai kya…main nahi jhuth bolne wala…

Divya: aise kaise nahi bolte…main bhi dekhti hun…aur jyada satyabadi mat bano mujhe pata hai k tum kaise ho…jhutha kahin ka…

Sam: acha main jhutha toh tum maha jhuthi…aur mujhe toh lagta hai k tum pagal bhi ho gayi ho…

Sam ne Jaise hi Divya ko pagal bola toh wo boht gusse mein a gaya…

Divya(Sam ko ghurte huye): tumne mujhe pagal bola…itni himmat…

Sam: ismein himmat ki kya baat hai…jo sach hai wo hai…tu pagal hi toh hai nahi toh kal ko gadi ka accident kion karwati…

Sam ki baat sunte hi Divya Sam ki taraf use Marne ke liye gusse se badhi…par Jaise hi wo uske kareeb pahunchi toh uska pair ek chote se pathar se takra gaya aur uska balance bigad gaya…

Wo seedha Sam ko sath lekar uske upar giri…wo niche Sam ke upar Jaise hi giri toh dono ki najrein ek pal ke ek dusre se milin…Divya ki najar wahin thehar gayi…

Divya Sam ki ankhon mein dekhte hi pata nahi kion par madhosh si ho gayi thi…use kus hosh na raha wo bas Sam ki ankhon mein dubti chali gayi…

Sam(halki si awaj mein): Divya utho humein ghar bhi chalna hai…

Aisa nahi tha k Sam Divya se alag hona chahta tha but use yeh bhi tha k wo dono jaldi se is jungle se nikal jayein…upar se usne subah subah Jo sapna dekha wo bhi uske dimag mein ghum raha tha…

Khair Sam ki awaj se bhi Divya ko koi farak na pada…

Sam: Divya utho na yaar…

Divya(madhosh si hokar): pehle tum uthoge toh hi main uthungi…aur kion besharamon ki tarah mere upar lete huye ho…

Divya ki baat sun kar Sam ko laga k sir mein chhot lagne se kahin sach mein toh satak nahi gayi na…

Sam(Divya ko hilate huye): Divya kya bole ja rahi ho…tum mere upar ho…ab jaldi se utho ghar nahi chalna kya…

Sam ke hilate hi Divya Jaise hosh mein ayi…aur khud ko Sam ke upar laita pakar wo shakrma gayi aur jaldi se uth kar sir jhukakar khadi ho gayi…

Divya ko is tarah sharmata dekh Sam ke hothon par bhi muskan fail gayi…par abhi in logon ko yahan se niklna tha…

Isliye Sam ne Divya ka hath pakda aur use khinchte huye Car ke paas laya…pehle dusri taraf ka door khola aur Divya ko baithneko ko kaha…aur fir khud jakar driving seat par baith gaya...

Divya toh Jaise abhi bhi kisi alag si duniya mein thi wo chup chap baithi thi lagatar samne dekhe ja rahi thi…chahe wo jitna bhi lade par sach toh yahi tha na k Divya Sam se apni jaan se bhi jyada pyar karti thi…aur Jo uske man mein narajgi thi wo Sam ke is tarah care karne se Khatam ho gayi thi…

Itne time baad khud ko Sam ki bahon mein pakar kahin kho si gayi thi…aur Sam ko bhi pata tha k Divya aise behavior kion kar rahi hai…par wo abhi kus bolna nahi chahta tha kionk wo jaldi jaldi Divya ko is jagah se bahar nikalna chahta tha…

Sam (apni seat belt laga kar): Divya seat belt laga lo…chhot lag sakti hai…

Par Divya ko toh abhi kus samajh hi nahi a raha tha…

Divya(Jaise use kus Suna hi na ho): kya bol rahe ho…

Sam ne Divya ki baat sun kar apne mathe par hath Mara aur khud us taraf jhuk kar Divya ki seat belt lagane laga…Sam ko fir se apne itna kareeb pakar Divya ne apni ankhein band kar li aur uske chehre ki smile bata rahi thi k use kitna sukoon mil raha hai…

Khair Sam ne seat belt laga kar Jaise hi Divya ke chehre ki taraf dekha toh use bade time baad apni purani Divya najar ayi…aur wo khus bhi tha k chahe yeh accident hi tha…par iske baad kus na kus toh badla hi tha…

Khair usne halki si smile ki aur car wahan se nikali...paidon ke beech se nikalte huye wo car ko road par le aya aur fir car usne ghar ki taraf badha di…

Divya chup chap si baithi thi…aur ab wo apni madhoshi se bahar nikal ayi thi…aur kus soch rahi thi…

Divya(man mein): mera Sam bilkul bhi nahi badla…wo abhi bhi vaisa hi hai…dusron ki help karne wala…man karta hai k abhi use apni bahon mein bhar lun…but abhi nahi…main usse naraj hun…usne mujh par gussa kiya tha toh mera bhi haq banta hai…ek toh mujhe thapad Mara upar se itne time baad wapis aya…yeh achi baat nahi hai…aur ab main ise bataungi k kitna tadpi hun main ek saal iske kiye…har roj subah uthte hi yeh sochti k aj mera Sam ayega aur mujhe apni bahon mein bhar kar kahega k bhul jao us manhoos pal ko jab hum lade the…par na toh yeh aya aur na iska koi msg…aur jab aya bhi toh apne papa ke kehne par koi office ke kaam ke liye…

(Oh Teri ki toh yeh baat thi…main bhi sochun k Jo ladki Sam se itna pyar karti hai wo itni naraj kion hai…use is baat ka gussa hai k wo use manane nahi aya balki apne business ke liye apne papa ke kehne par aya hai)

Divya(man mein): aur jab mom ne kaha k Sam office ayega toh mujhe laga k mujhe manane ayega…isliye thode nakhre karne ke baad han kardi….but Sam ne fir se mera dil tod diya…aur office mein yah toh apne kaam mein laga rehta hai yah fir us Neha ki baton mein…par aj akhirkar ise meri fikar ho hi gayi…aj isne meri kitni care ki…par ab main ise asani se maaf nahi karungi…taki age se aisi galti na kare….ache se kaan khichungi iske…

Yeh sab sochte huye Divya ke hothon par ek khubsurat smile thi…bhagban ne is safar mein dono ke beech ki duri ko kus toh kam kar diya tha...wo kehte hain na k pyar mein kus bhi plan ke hisab se nahi hota…jab hona hota hai khud hi ho jata hai…ab Sam ne bhi Divya ka gussa kam karne ke liye kitne plan banaye but koi fayada nahi…aur ek din Dil se uski care ki toh Divya ke dil ki kadwahat bhi kam ho gayi…

(Divya baithi apne hi sapne saja rahi hai par age kya hoga yeh toh upar wala hi Jane…lekin itna toh pata chala k pyar toh dono hi boht karte hain…but Jo problem ek saal pehle thi wahi aj hai…dono mein se koi kus bolta nahi hai)

To be continued…

SIDHU SAAB

[sarit11]

Update 29

Divya(man mein): aur jab mom ne kaha k Sam office ayega toh mujhe laga k mujhe manane ayega…isliye thode nakhre karne ke baad han kardi….but Sam ne fir se mera dil tod diya…aur office mein yah toh apne kaam mein laga rehta hai yah fir us Neha ki baton mein…par aj akhirkar ise meri fikar ho hi gayi…aj isne meri kitni care ki…par ab main ise asani se maaf nahi karungi…taki age se aisi galti na kare….ache se kaan khichungi iske…

Yeh sab sochte huye Divya ke hothon par ek khubsurat smile thi…bhagban ne is safar mein dono ke beech ki duri ko kus toh kam kar diya tha...wo kehte hain na k pyar mein kus bhi plan ke hisab se nahi hota…jab hona hota hai khud hi ho jata hai…ab Sam ne bhi Divya ka gussa kam karne ke liye kitne plan banaye but koi fayada nahi…aur ek din Dil se uski care ki toh Divya ke dil ki kadwahat bhi kam ho gayi…

Ab age…

Pure raste dono ne apas mein koi baat nahi ki…dono chup chap baithe rahe…aise hi wo Dono ghar pahunch gaye…Divya ab kafi khus lag rahi thi…

Aj Wednesday tha toh dono bache college Gaye huye the…Sam Aur Divya ne apna smaan naukaron ko uthane ko kaha aur ghar ki taraf chal pade…

Seema hall mein hi baithi thi…Usne Jaise hi Sam aur Divya ko ghar ke ander ate dekha toh wo boht khus ho gayi…wo apne sofe se uthi aur un dono ke paas chali gayi…sam ne Seema ke pair chuye aur Divya apni mom ke gale mili…

Sam(sofe par baith kar naukar se): yaar pani la ke de boht Thak gaya hun…

Idhar Seema ne Jaise hi Divya ke mathe par patti bandhi dekhi toh use fikar hone lagi…

Seema: beta yeh chhot kaise lagi tujhe…

Divya(halki muskurahat ke sath): are maa kus nahi huya washroom mein pair slip ho gaya tha…

Seema(Divya ka kaan pakad kar): tu na dekh kar nahi chal sakti…faltu mein chhot lagwa li…

Divya: ah mom chhod do dard hota hai…age se dhyan rakhungi…

Seema: chal thik hai ab ja main tere liye pani bhejti hun…

Par Divya toh ab chahti thi k wo jitna Sam ke as paas rahe utna acha hai…isliye usne wahin hall mein baithne ki Sochi…

Divya: are mom main yahin baithti hun apke paas baad mein aram kar lungi vaise bhi main konsa aj office Jane wali hun…

Seema: toh a chal baith kar batein karte hain…

Fir Seema jakar Sam ke sath baith gayi aur Divya dusre Couch par…Sam abhi toh piche ko apna sir latka kar aram kar raha tha…itne mein naukar pani leke aya Aur in dono ne pani liya…

Seema: acha toh Sam batao tumhara trip kaisa raha…

Sam: acha raha aunty…ab project ache se pura kar lunga…

Seema vaise toh kus aur puchna chahti thi par kionk wahan Divya bhi baithi thi toh wo chup hi rahi…aur Divya se batein karne lagi…

Seema: tum batao Divya tumhara kaisa raha…

Divya(Sam ki taraf dekh kar): mom ab main aise bande ke sath jaungi toh bore hi hoga na…

Sam: han aunty Divya ne toh puri kosish ki thi hum dono ko entertain karne ki wo toh Maine aisa hone nahi diya…

Sam ka ishara jungle mein accident wali baat ki taraf tha…aur Divya yeh ache se samajh gayi aur Seema ko pata chalne ke dar se chup hi rahi…

Aise hi thodi der baad Sam uth kar apne room mein aram karne ke liye chala gaya…Divya bhi Seema ke sath thodi batein karne ke baad apne room mein chali gayi…

Seema thodi der baad Sam ke room mein ayi…Sam washroom se fresh ho kar aya tha…

Seema(bed par baithte huye): toh Sam beta tumhari is Hitler se koi baat huyi…

Sam: are aunty baat toh huyi but jab dekho yeh mujhse jhagda karti rehti hai…jab dekho purani baton ko lekar baith jati hai…

Seema: beta uske man mein Jo gussa hai wo utna hi bahar nikalega jitna wo tumhare sath jhagdegi…par han yeh baat hai k yeh jhagda bada na ho jaye…

Sam: are aunty is baar ap fikar mat karo….main pehle wali galti dobara nahi karunga…

Seema(kus soch kar): beta ek baat toh hai…jab se tum log wapis aye ho Divya khus lag rahi hai...kus huya tha kya…

Seema ki baat sun kar Sam ko aj subah Jo Jo jungle mein huya wo sab yaad a gaya…

Sam: han aunty mujhe bhi laga…aj subah se hi Divya kus ajeeb sa behave kar rahi hai…kabhi kabhi toh lagta hai wo pehle wali Divya hi ban gayi hai…

Seema: toh kya aj subah kus huya tha…jiski wajah se uska yeh behavior badla ho…

Sam: aunty huya toh tha par main ek sharat par bataunga…

Seema: han bol…

Sam: aunty Divya ne mujhe yeh baat apko batane se mana ki hai…toh ap is baat ka jikar Divya ke paas nahi karengi…

Seema: han thik hai par baat toh bata…

Fir Sam ne puri baat Seema ko batayi…Seema ko pehle toh Divya ki is harkat par thoda gussa aya…par Sam ke kehne par wo shant ho gayi…

Seema: toh yeh baat hai…asal mein tum dono ki yahi problem hai k tum ek dusre ke prati apne pyar ko show nahi kar pate ho…pehle bhi isi karan tum dono mein misunderstanding huyi thi…

Sam: toh ab kya karna chahiye aunty…

Seema: dekho tumne Divya ka thoda dhyan rakha toh use dekho kitna acha laga…main yeh toh nahi kahungi k jhuthi care karo par Jo tumhare dil mein use bahar lana sikho…tumhara pyar Divya ko bhi pata chalna chahiye…jab bhi kabhi use kisi ki jarurat ho toh pehle tum khade raho uske sath…tum dono ko ek dusre ke liye apne pyar ko sirf apne dil mein nahi rakhna chahiye kionk Pyar sambhal kar rakhne se badhta nahi hai…

(Seema ne Jo bhi kaha wo Sam ne ache se samjha aur yeh sach bhi tha…k agar Sam aur Divya apna pyar chipa kar na rakhte toh ek saal pehle dono ke beech galtfehmi na paida hoti....khair agar wo dono abhi bhi yeh baat samjh jayein toh sab thik ho sakta hai…mujhe lagta hai k Divya toh yeh baat samjh gayi hai…par Sam kab samjhega yahi dekhne wali baat hai…)

Khair Seema thodi der baar wahan se chali gayi aur Sam Seema ki baton ko sochta huya bed par lait kar aram karne laga…

Sham ko tuition se ane ke baad Sahil aur Riya dono Sam ke paas chale gaye…us waqt Sam bed par lait kar aram kar raha tha…uski ankhein band thi aur headphones laga rakhe the…

Un dono ne jaise hi Sam ko is tarah lete dekha toh Riya ke dimag mein ek plan aya Jo usne Sahil ke kaan mein bhi bata diya…aur dono ne ek dusre ki taraf dekh kar ek smile paas ki aur dhire dhire Sam ke paas chale gaye…

Wo dono bina koi awaj kiye Sam ke paas jakar khade huye aur uske pait mein gudgudi karni shuru kar di…

Sam ek dum se dar gaya…par agle hi pal wo hasne laga Aur gudgudi se bachne ke liye bed ki dusri taraf ko khisak gaya…

Wo dono bhi uske sath sath bed par chhad gaye…

Sam(haste huye): Plz bas karo boht gudgudi ho rahi hai…

Riya: pehle batao ke humein chocolate la kar doge…

Sam: han meri maa la dunga par mujhe chhod do…

Fir un dono ne Sam ko chhoda aur bed par chhad kar baith Gaye...Sam bhi lambi lambi sansein lene laga…

Riya: bhaiya kaise ho ap…

Sam: abhi tak toh thik tha but tum dono ne halat Kharab kar di…

Riya: hum toh apka welcome kar rahe the…

Sam: OK but plz age se aisa swagat mat Karna…

Riya: OK nahi karenge…par apko humein riswat dete rehna hoga…

Sam: kaisi riswat…

Sahil: bhaiya riswat matlab chocolate…aur han Didi se chupa kar..

Sam: kion usse kion chupana…

Riya: are agar unko pata chala toh apke sath sath humari bhi pitayi hogi…

Sam: kion wo chocolate nahi khane deti kya…

Riya: nahi bhaiya didi kehti hain k daant kharab ho jayenge…

Sam: fir sahi hi toh kehti hain…

Riya: han but kabhi kabhi khane se toh kus nahi hota na…

Sam: han yeh bhi sahi hai…

Fir wo log aise hi batein karte rahe…aur baad mein dinner karke so gaye….Sam toh kal ko ache se so bhi nahi paya tha isliye use toh badi achi neend ayi…

Next Day Thursday subah sab breakfast kar rahe the….Sam aj bhi apni usi seat par matlab Divya ke samne baitha tha…

Par aj ka najara kus different tha…Divya bhi Sam ki taraf bari bari dekh rahi thi…par ek toh wo seedha nahi dekh rahi thi upar se wo tab dekhti jab Sam na dekh raha hota…

Toh dono ki najrein ek waqt par na takrati…sabhi ne breakfast Khatam kiya aur Bache college chale gaye…

Sam aur Divya bhi office Jane ke liye ready the toh apni apni car lekar wo bhi office ke liye nikal gaye…

To be continued…

SIDHU SAAB

[sarit11]

Update 30

Par aj ka najara kus different tha…Divya bhi Sam ki taraf bari bari dekh rahi thi…par ek toh wo seedha nahi dekh rahi thi upar se wo tab dekhti jab Sam na dekh raha hota…

Toh dono ki najrein ek waqt par na takrati…sabhi ne breakfast Khatam kiya aur Bache college chale gaye…

Sam aur Divya bhi office Jane ke liye ready the toh apni apni car lekar wo bhi office ke liye nikal gaye…

Ab age…

Pehle Divya office pahunchi…aj Divya ka mood acha tha toh wo kisi se ladi jhagdi nahi…sab ko morning wishes ka jawaab dete huye apne cabin mein chali gayi…thodi der baad wahan Sam bhi a gaya…

Sam(Ashu ke paas ja kar): kion be aj kisi ko nahi dhanta kya Hitler ne Sab khus lag rahe hain…

Ashu(halka sa muskurate huye): nahi bhai aj kus nahi kaha usne…

Sam: chal achi baat hai…ok ab main apne cabin mein chalta hun…

Ashu: are bhai ruk na…main tujhe kus batane wala hun…jise sun kar tu khus ho jayega…

Sam: han bol bhai aisi kya baat hai…

Ashu: aj Deepak Aur Lucky ko bualaya hai…par in logon ko bataya nahi k tu a gaya hai…aj office ke baad yahin se chalenge…

Sam: are wah kya baat hai…par a kahan rahe hain yeh kamine…

Ashu: bhai mere ghar par…

Yeh sunte hi Sam kus soch mein pad gaya…use is tarah sochte dekh Ashu bol pada…

Ashu: bhai kya huya kya soch raha hai…tu a raha hai yah nahi…

Sam: bhai a toh raha hun…par yeh batao k yeh Jo tum log daru party karte ho…

Sam ki baat sunte hi Ashu samajh gaya k Sam yeh nahi chahta k wo log party mein daru piyein…

Ashu: oye nahi bhai…jab tumhare sath wo sajish huyi thi toh hum teeno ne usi waqt chhod di…sab huya bhi toh hamari wajah se hi hai na…

Yeh bolte huye Ashu ne apna sir jhuka liya uske chehre par paschatap ke bhaw saaf dekhe ja sakte the…Sam ko apne dost ka jun sharminda hona bilkul acha nahi laga toh usne use gale lagaya…

Sam(Ashu ki peath thap thapate huye ): oye koi na yaar…purani baat hai chhod use…tum logon ne pina chhod diya yahi badi baat hai…

Ashu(Sam se alag hote huye): Bhai wo dono apni girlfriends ke sath a rahe hain…

Ashu ki baat sun kar Sam ko badi hairani huyi…k un Dono namuno ki GF hai…kionk in Charon mein Sam ko chhod kar Ashu ki tha Jo thoda boht acha dikhta tha…wo dono toh ek dum namune the…

Sam: sale tune toh bola tha tune pina chhod diya hai…subah subah hi pikar aya hai kya…Jo un dono ki setting karwa dali…

Ashu: nahi bhai yeh sach hai…kamino ne badi muskil se fasayin hain…

Sam: toh fir sale tu bhi apni GF la raha hai kya…

Ashu: Bhai hum toh single hi hain…koi nahi hai apni…

Sam: chal tu toh hai na mere sath…mujhe laga main akela hi reh gaya hun…

Ashu: han main toh hun…

Sam: chal ab main cabin mein jata hun…tu bhi apna kaam karle nahi toh wo Hitler a jayegi…

Ashu(halka sa muskura kar): chal thik hai…

Fir Sam apne cabin ki taraf chal pada…aur Ashu apne table par baith kar apna kaam karne laga…

Sam apne cabin mein baitha Seema ki kal ki kahi baton ko soch raha tha…

Sam(apne man mein): yaar aunty ne Jo kus bhi kaha… hai toh wo sahi hi…agar main pehle Divya ko apne pyar ka izhaar kar deta toh use yeh kabhi bhi na lagta k main usse pyar nahi karta hun…khair Jo ho gaya so ho gaya…ab age ka kya…usko seedha toh bol nahi sakta…ab wo meri baat ka biswas karegi yah nahi kus pata nahi hai…toh ab kya karun…han dhire dhire pehle uske dil se khud ke liye gussa Khatam karna hoga fir dosti karni hogi aur fir pyar…yaar bada lamba processor hai…

(Ab Sam yeh sab soch toh raha tha par yeh plan kitna kamyab hoga yeh toh waqt hi batayega…kionk plan bana kar toh propose kiya nahi jata…)

Khair Sam inhi sab sochon mein khoya huya tha…tabhi uske cabin ka door khula aur Neha ander ayi…

Neha(Sam ke table ke samne wali chair par baithte huye): kahan khoye huye ho…

Sam Neha ki baat se Jaise hosh mein aya…

Sam: kus nahi yaar bas aise hi kus soch raha tha…tum batao kaisi ho…

Neha: main toh ek dum thik hun…tum batao kya haal hai…aur tumhara trip kaisa raha…Divya ko sab sach bata diya yah nahi…

Itne sare swaal ek sath sun kar Sam ka Sir chakra gaya…k wo kis ka jawaab de kiska nahi…

Sam: are yaar main kahin bhag nahi raha…ek ek karke pucho…aur main thik hun…Trip bhi thik Thak raha…

Neha: tumne main swaal ka jawaab toh diya hi nahi…divya se baat ki Yah nahi…

Sam: nahi ki Yaar…kayi baar socha…par wo jab bhi mujhse baat karti hai yah toh jhagda karti hai yah fir mujhe purani batein sunati rehti hai…

Neha: chal koi na…sab dhire dhire thik ho jayega…aur Suna…

Sam: aur toh kus nahi…aj main raat ko apne Bachpan ke dosto se Milne ja raha hun…

Neha: wow yeh toh kitni achi baat hai…vaise hamare office wala Ashu bhi tumhara dost hai kya…

Sam: Han wo toh mera sabse purana aur kareebi dost hai…

Neha: han acha ladka hai…kabhi meri bhi jaan pehchan karwao usse…

Sam(majak karte huye): tumhe kya pasand a gaya hai wo…

Neha(gusse hone ka natak karte huye): main Marungi tujhe…kus bhi bolta hai...Maine toh aise hi bol diya k tumhara dost hai toh main bhi mil lungi…aur hamare office mein bhi hai…

Sam: dekho ladka acha hai…par rishte ki baat karne mere paas hi ana padega…

Neha : tum mujhse pit kar rahoge aj…

Sam: kion main konsa rishte ke liye mana kiya hai…

Neha (apni chair se uth Kar): Maine tujhse puch kar hi galti ki…mujhe nahi milna tere kisi dost se…aur main ja rahi hun…

Sam: are are ruko majak kar raha tha…tum toh gussa hi kar gayi…milwa dunga…

Neha: nahi mujhe nahi milna…

Sam: Yaar gussa kion karti ho…aur ab milwa dunga na…

Neha: chal thik hai…

Sam: par tum mil kar Propose kaise karne wali ho…

Yeh Baat bol kar Sam jor jor se has pada aur Neha use Marne ke liye daudi…Sam bhi apni chair se uth kar daudne laga…wo dono table ke irad girad ghum rahe the…

Kafi bhagne ke baad Neha Thak gayi aur apni chair par baith gayi aur hamfne lagi…Sam bhi jakar aram se apni chair par baith gaya…usne Neha ko itna jyada hanfte dekh pani ka glass uski taraf badhaya…

Sam: Neha are you OK?...sorry yaar Maine tumhe itna bhagaya…

Neha(pani lete huye): koi baat nahi…tum toh majak kar rahe the main hi paglon ki tarah baghti rahi…

Sam: chal yaar ab majak nahi karunga…aur tumhe apne sabhi doston se milwa bhi dunga…bol kab milna hai…

Neha(glass side mein rakhte huye aur apni Sason ko normal karte huye): aj raat ko hi chalun tumhare sath…agar tumhe koi problem na ho…

Sam: mujhe koi problem nahi hai…tumhare ghar wale tumhe ane denge kya…

Neha: wo kus nahi bolenge…main bhaiya ko bol dungi wo sab sambhal lenge…

Sam: tumhare bhaiya tumse boht pyar karte hain kya…

Neha(halki si muskurahat apne chehre par la kar): han mere mom dad bachpan mein hi mujhe chhod gaye…mujhe mere mama Mami ne apni khud ki beti ki tarah pala hai…aur bhaiya toh mujhe apni gudiya jaise rakhte hain…wo toh mujhe naukari bhi nahi karne de rahe the bole k itna paisa kya ag lagana hai…par Maine jidd ki toh maan Gaye…
Sam: tumhare mom dad ka jaan kar dukh huya…aur tumhare mama Mami aur tumhare bhaiya ache log lagte hain…kabhi mauka mila toh milunga jarur… toh thik hai…aj yahan se seedha hi chalenge…baad mein main tumhe ghar drop kar dunga…

Neha: ok…and ab main chalti hun kus kaam bhi karna hai…

Yeh bol kar Neha wahan se chali gayi…aur Sam apne kaam mein lag gaya…

To be continued…

SIDHU SAAB

[sarit11]

Update 31

Sam: tumhare mom dad ka jaan kar dukh huya…aur tumhare mama Mami aur tumhare bhaiya ache log lagte hain…kabhi mauka mila toh milunga jarur… toh thik hai…aj yahan se seedha hi chalenge…baad mein main tumhe ghar drop kar dunga…

Neha: ok…and ab main chalti hun kus kaam bhi karna hai…

Yeh bol kar Neha wahan se chali gayi…aur Sam apne kaam mein lag gaya…

Ab age…

Neha ke Jane ke baad Sam apna kaam kar hi raha tha k tabhi wahan Divya a gayi…Divya chahti thi k Sam ab uske as paas hi rahe par wo kus bolna nahi chahti thi…isliye wo project ke Bare mein Janne ka bahana bana kar wahan a gayi…

Divya: Sam project ki kya progress hai…

Sam: Yaar kamal karti ho…abhi toh main office aya hun toh utna kaam hi huya hoga jitna humne shimla mein kiya tha…

Sam ki baat sun kar Divya buri tarah se jhenp gayi…aur use kus samjh mein nahi a raha tha k ab wo kya bole…

Divya(thoda haklate huye): nahi wo toh main aise hi puch rahi thi…tum araam se apna kaam karo…

Sam: OK…

Fir Sam ne apna dhyan laptop mein laga diya…Divya kus der wahan baithi rahi par jab Sam kus na bola toh wo uth kar khadi ho gayi…

Divya: Sam ab main chalti hun…

Sam(bina dhyan diye): OK…

Divya : chalo thik hai toh main chalti hun…

Divya baar baar isliye bol rahi thi taki Sam use rukne ko Kahe par yeh ullu Sam laptop mein ankhein gade baitha tha…par tabhi Sam ko Seema ki baat yaad ayi k wo Divya ki taraf dhyan de taki dono ke beech pyar badhe…yeh soch kar Sam ne wo kar hi diya Jo Divya chahti thi…

Sam: Divya ruko…

Abhi Sam ne itna hi bola tha k Divya jaldi se Sam ke samne chair par baith gayi…par ab Sam ko kus samjh nahi a raha tha k wo kya bole …isliye wo lagatar idhar udhar dekh raha tha…par Divya ko is baat se koi farak nahi padta tha k Sam kus bole yah na…use toh bas apna Sam ankhon ke samne chahiye tha…

Sam: wo Divya wo…

Divya(Sam ki taraf dekhte huye): han bolo Sam…

Sam(ekdum se): tum aj boht khubsurat lag rahi ho…

Divya ko is baat se koi farak nahi padta tha…k Sam kya ut patang bole ja raha tha…uske liye itna kafi tha k wo usse baat kar raha hai…

Divya: thanks…par aj kya khas lag raha hai mujh mein…

Sam (haklate huye): wo wo Jo aj tumne jis tarah ke kapde pehne hain na wo…

Divya(ab toh Divya ko bhi thoda at pata laga k aj achanak Sam ko kya ho gaya hai): are main toh roj hi office time isi tarah ke kapde pehnti hun…

Sam: acha aisa hai kya?...

Iske baad dono fir se chup ho Gaye…kafi der baithe rehne ke baad Divya uth kar chali gayi…aur Sam ki saans mein sans ayi…

Sam(ek lambi saans chhod kar): thanks god Bach gaya aj toh…kya kya bakwas batein bak raha tha main…baitha toh liya divya ko par baat koi thi nahi karne ko…sab bhul gaya uske samne baith kar…

Aise hi sham ke 6:30 ho gaye aur Divya ghar ko chali gayi…par Sam nahi gaya…wo Neha ke paas gaya aur use lekar Ashu ke paas chala gaya…

Ashu(neha ki taraf dekh kar): yeh aj gayi nahi abhi tak ghar…

Sam: yeh bhi hamare sath chal rahi hai…

Ashu: par kion …yaar rehne de main toh ise ache se janta bhi nahi...

Yeh sun kar Neha ka chehra utar gaya…kionk Ashu kus jyada hi rudely bol gaya tha…

Sam: tujhe bolne ki akal kab ayegi…aur yeh hamare sath hi ja rahi hai…yeh meri dost hai…

Neha(dukhi man se): nahi Sam agar tumhara friend nahi chahta toh main rehne hi deti hun…

Sam: Yaar yeh toh gadha hai…main bol raha hun na Jane ko…

Sam ki baat sun kar pata nahi kion par Neha ko thoda bura laga…

Neha: Sam aise mat bolo…wo sahi bol raha hai k wo mujhe janta nahi toh sath lekar kion jayega…

Jis tarah se Neha Ashu ki side le rahi thi…wo dekh kar Sam ko shak huya k kahin wo Ashu ko pyar toh nahi karti…aur sayad isi liye wo Ashu se milwane ke liye Sam se bol rahi ho…

Sam: yaar tujhe main Leja raha hun…aur iske kus chahne yah na chahne se koi farak nahi padta…

Neha: tum aisa kion bol rahe ho Ashish ki baat se farak kion nahi padta…agar wo nahi chahta toh main nahi jaungi…

Sam(tang a kar): yaar Ashu bolde ise chalne ko nahi toh mera sir fat jayega…

Ashu: chal thik hai chalo tum bhi sath mein…

Itna sunte hi Neha ka chehra ek dum khil utha aur yeh baat Sam ne notice ki…fir wo teeno Sam ki gaadi se Ashu ke ghar ki taraf chal pade…

Sam: yaar tumhare ghar wale kahan Gaye hain…

Ashu: bhai wo log kisi shadi mein gaye huye hain…isliye wahin Milne ka plan banaya hai sabne…

Sam: ok…

Neha: Ashu tumhare ghar mein kon kon hai…

Ashu(beman se): mere mom dad hain…

Neha: aur koi nahi hai…

Ashu(tang akar): aur kon hoga ab…

Neha: nahi Maine socha tumhari shadi na ho gayi ho…

Sam sab samjh raha tha k Neha ke deemag mein kya khichdi pak rahi hai…par wo in dono ke beech mein kus bol nahi raha tha…dusri taraf Ashu Jo pehle hi Neha ko sath nahi Lana chahta tha…uska toh Neha ke swaal sun kar deemag fat raha tha…

Ashu: yaar abhi meri umar hai kya shadi ki…

Neha: achi baat hai…

Ashu: kya achi baat hai…

Neha: nahi nahi kus nahi…bas aise hi…

Itne mein Sam ne gadi Ashu ke ghar ke samne roki…wo teeno gadi se utre…abhi wo log ghar ki taraf chale hi the k Neha fir se bol padi…

Neha: Ashu tumhara ghar boht khubsurat hai…

Ashu: thanks ab ander chalein…

Neha: han…

Abhi sandy ne door khola hi tha k tabhi do bikes a kar wahan ruki…lucky aur deepak apni girlfriends ke sath aye the…wo log apni bikes se utre aur lucky aur Deepak ki najar jaise hi Sam par padi dono khusi ke Mare pagal se ho gaye…

Wo dono bhag kar aye aur Sam ke gale lag gaye…yeh sab itni jaldi huya k Sam ko kus samjh nahi aya…par agle ki pal Sam ne bhi in dono ko gale laga liya…aur fir teeno gale lage lage ki kudane lage…aur ho ho karne lage…yeh dekh kar wahan maujud sabhi Hans pade…fir teeno alag huye…

Deepak: yaar tu kab aya aur humein bataya kion nahi…

Lucky: han yaar yeh achi baat nahi hai…

Sam: yaar maine Ashu ko kaha tha k tum dono ko bata dega par isne kaha k surprise denge…

Deepak(Ashu ki taraf dekhke ): sale Teri khabar toh baad mein lete hain…Sam aur Suna bhai kaisa hai…uncle aunty kaise hain…

Sam: yaar sab vadiya hai…tum log batao…

Lucky: apni bhi life ab achi chal rahi hai…mujhe toh kal naukari bhi mil gayi…

Sam: achi baat hai…yaar apni girlfriends se nahi milwaoge tum dono…

To be continued…

SIDHU SAAB

[sarit11]

L.O.V.E

bohot hi umada updet sidhhu bhai Divya or Sam ki halat ek jaisi ho gayi thi office mai, dil to chahta tha apne pyar ke paas rahe par bahana nahi tha esi liye esi utpatang bate chal rahi thi office me ....

or yaha to llagta hai pyaar me sab pagal ho gaye hai kyuki neha bhi abhi ke pyaar me pad gayi or kyaa kyaa puchhne lagi ......kher pyaar me log pagal na ho to wo pyaar hi kyaa. ....
Afer all ek dam achhawala updet diya

or jesaki mene kaha tha party meri taraf se

[sarit11]

Update 32

Sam: yaar sab vadiya hai…tum log batao…

Lucky: apni bhi life ab achi chal rahi hai…mujhe toh kal naukari bhi mil gayi…

Sam: achi baat hai…yaar apni girlfriends se nahi milwaoge tum dono…

Ab age…

Lucky: han kion nahi…

(Toh main apni taraf se intro de deta hun…sam ke sath sath ap log bhi jaan jaoge…

Ruchi(Lucky ki girlfriend): Age 23…height 5’4”…rang thoda sanwla hai…par nain nakash ache hain…kulmila kar Lucky ke liye toh kus jyada hi khubsurat hai…

Kalpana(Deepak ki girlfriend): Age 23…height 5’2”…rang na jyada gora na hi sanwla…shakal boht hi pyari hai…achi ladki hai…)

Khair un dono ne apni apni girlfriend se Sam ko milwaya…

Kalpana: Toh ap hain Sam…boht kus btaya Deepak ne apke bare mein…

Sam: shukriya…par yeh jyada respect mat do… dosto ki respect mere se hajam nahi hoti…

Kalpana(halka sa muskura kar): ok…

Ruchi(Neha ko dekh kar): Ashu yeh tumhari girlfriend hai kya…

Ruchi ki baat sun kar sab ka dhyan Neha ki taraf gaya…wo log neha ko dekhne lage…Neha ruchi ki baat sun kar sharma gayi…Ashu ko kus samjh na aya k yeh kya bol gayi Ruchi…

Ashu: yaar tum kaisi baat kar rahi ho…yeh meri GF nahi hai…Sam ki friend hai…

Ruchi: oh sorry yaar…By the way…naam kya hai tumhara…

Neha: Neha…

Kalpana: bada acha naam hai…

Sam: yaar tum log yahin gate par khade rahoge yah fir ander bhi chaloge…

Ashu: han Yaar chalo ander…

Fir sab ander chale Gaye…Sab hall mein baith Gaye…

Ashu(Deepak se): chal yaar hum sab ko cold drink serve karte hain…

Fir Deepak ashu ke sath kitchen mein gaya aur cold drink ki bottles aur glass le aya…aur sab ko serve kiya…

Kalpana(Cold drink pite huye): Sam Maine Suna hai tumhari shadi Ashu ki boss se hone wali thi…par tut gayi…mujhe bada bura laga k tumhare sath kisi ne aisa kiya…

Sam: it’s OK yaar…jo kismat mein hota hai…vaise wo Ashu ki boss se pehle hum sab ki dost thi…

Deepak: yaar ab India ane ke baad tumhari usse mulakat huyi kya…

Sam: han roj hi hoti hai…

Lucky(hairani se): kya matlab bhai…

Fir Sam ne puri baat btayi k wo India kion aya…kahan reh raha hai…office Jane tak sab kus…

Deepak: yaar toh tu Divya ko manane aya hai…aur tu usse pyar karta tha toh pehle hi bata deta…

Lucky : han yaar faltu mein itna sab kus huya…wo toh tumse pyar karti hi thi aur yeh baat hum sab jante the…

Sam: yaar bas galti ho gayi kya karta…baat ab samjh mein ayi hai…pehle a jati toh yeh sab na hota…vaise Jo hona tha ho gaya…ab toh use sudharne ka waqt hai…

Kalpana: sahi keh rahe ho tum…apne pyar ko pane ke liye insan ko Jo bhi karna pade wo Karna chahiye…(yeh baat wo Deepak ki taraf pyar se dekh kar boli)

Kalpana ki baat Neha bade dhyan se sun rahi thi…dekhte hain kya karti hai yeh ladki ab…Udhar Kalpana aur Deepak ankhon hi ankhon mein ek dusre se hazaron batein kar gaye…aur Sam ne jab yeh dekha toh wo Deepak ki tang khichne laga…

Sam: are wah bhai yahan bhi sabar nahi tujhe…

Deepak: yaar Maine kya kiya…

Sam: mujhe pata hai tum dono kya kar rahe ho…

Sam ki baat sun kar sab hans pade…aur fir kus der aise hi batein karte rahe Itne mein Ashu bola…

Ashu: Yaar tum dono apni girlfriends ke sath aye ho toh chalo thoda dance hi karlo…hum toh single hain par tum log kion bore ho rahe ho…

Deepak: han yaar kion nahi…

Fir Ashu ne romantic music lagaya…aur Deepak-Kalpana aur Lucky-Ruchi dance karne lage…tabhi Sam ke deemag mein kus aya…kionk Neha un logon ko dance karte dekh Ashu ki taraf Hasrat bhari najron se dekh rahi thi…

Sam Neha ke paas gaya uska hath pakda aur Ashu ke paas gaya…wo dono Sam ko hairani se dekh rahe the…

Sam(Neha ka hath Ashu ke hath mein thama kar): yaar tum dono bhi dance kar lo…

Ashu: par bhai…

Sam: yaar ab tu mujhse swaal jawab karega…

Ashu: thik hai yaar…

Fir Ashu Neha ke sath dance karne laga…Neha toh mano boht khus ho gayi usne ankhon hi ankhon mein Sam ko thanks kaha aur Sam ne bhi vaise hi jawab diya…

Ashu bhi ab Neha ke sath thoda khul kar dance kar raha tha…wo dono apas mein kus batein bhi kar rahe the…par music ki tez awaj mein Sam ko kus sunayi nahi de raha tha…

Sam un dono ko is tarah dekh kar khus tha…pata nahi kion par wo chahta tha k Neha aur Ashu ko ek kare…sayad Jo uske aur Divya ke beech huya wo Neha aur Ashu ke beech mein wo nahi hone dena chahta tha…

Khair aise hi sab dance karte rahe aur Sam un logon ko dekhta raha…Kalpana ne use dance ke liye pucha bhi par usne un logon ka maja kirkira karna sahi nahi samjha…

Dance karne ke baad sab Fir se baith kar batein karne lage…aur fir 10:00 baje ke lagbhag sabne apne apne ghar chalne ka faisla kiya…sam bhi Neha ko sath lekar nikal gaya…

Neha chup chap si baithi thi…Par wo khus lag rahi thi aur kus soch rahi thi….tabhi Sam ne usse pucha…

Sam: ab toh khus ho na…

Neha(jaise ek dum se is duniya mein wapis ayi ho): kis baat ke liye…

Sam: are Maine tumhe apne dosto se milwa diya…

Neha (halki smile ke sath): han sab boht ache hain…

Sam: aur Ashu?...sayad tumhe kus jyada hi acha laga…

Neha(hadbada kar jaise uski koi chori pakdi gayi ho): nahi aisi koi baat nahi hai…

Sam: acha toh aur kaisi baat hai…

Neha: tum fir se shuru ho gaye…Maine bola na koi baat nahi hai…

Sam ko pata tha k Neha kus bhi Kahe par wo Ashu se pyar karti hai…aur Sam yeh baar kaise bhi karke Neha ke munh se sunna chahta tha…

Sam: yaar mujhe pata hai tum Ashu ko like karti ho…

Neha(ekdum se): nahi main use koi like bike nahi karti…

Sam(ekdum se break marte huye): oh Yaar tumne yeh baat pehle kion nahi btayi…khamkha Maine aj us ladki ko Ashu se dur rakha…

Sam ki baat sunte hi Neha ke kaam khade ho Gaye…

Naha: konsi ladki…

Sam: yaar hai koi ab main use Ashu ko propose karne dunga wo achi Ladki hai Ashu use mana nahi karega…

Sam ki yeh baat sun kar toh Neha ka dil jal utha…Sam bhi ache se janta tha Neha yeh baat sun kar sab bol degi aur huya bhi aisa hi…

Neha: nahi Sam aisa nahi ho sakta…Ashu aise kaise kisi ko GF bana lega…

Sam: yaar par kion nahi bana sakta…

Neha (ekdum se): kionk main use pyar karti hun aur koi kaise uski life mein a sakti hai…

Neha ki baat sunte hi Sam Hans pada…Aur Neha hairani se uski taraf dekhne lagi k Sam has kion raha hai...

To be continued…

SIDHU SAAB

[sarit11]

Posted up to 150 pages

[Dnesh]

Pls yarr ab to update de do...eagerly waiting...