Romance శృంగార కథామాళిక

[Mahesh.thehero]

చాలా చాలా చాలా చాలా చాలా చాలా చాలా చాలా చాలా చాలా చాలా చాలా

చాలా చాలా చాలా చాలా చాలా చాలా చాలా చాలా చాలా చాలా చాలా చాలా
చాలా చాలా చాలా చాలా చాలా చాలా చాలా చాలా చాలా చాలా చాలా చాలా
చాలా చాలా చాలా చాలా చాలా చాలా చాలా చాలా చాలా చాలా చాలా చాలా
చాలా చాలా చాలా చాలా చాలా చాలా చాలా చాలా చాలా చాలా చాలా చాలా
చాలా చాలా చాలా చాలా చాలా చాలా చాలా చాలా చాలా చాలా చాలా చాలా
చాలా చాలా చాలా చాలా చాలా చాలా చాలా చాలా చాలా చాలా చాలా చాలా
సంతో...............................................................................................................షంగా ఉంది.

హృదయపూర్వక ధన్యవాదాలు ......

[Mahe@5189]

King is back with block buster damakA.
Entha kaalam wait chesano teliyaledhu.
Super duper bonanza.

[Nani198]

Excellent update Mahesh bro

[Zixer]

Next update yeppudu isthunnav bro

[Mahesh.thehero]

Next update yeppudu isthunnav bro

నెక్స్ట్ అమ్మతనంలో .......

[Manoj1]

నెక్స్ట్ అమ్మతనంలో .......

We are waiting ji

[donakondamadhu]

నెక్స్ట్ అమ్మతనంలో .......

We r waiting for your update

[Iron man 0206]

నెక్స్ట్ అమ్మతనంలో .......

Waiting for it

[Fuckingroll69]

Chaala antey chaala annadham ga undi mahesh gaaru
Ila miru updates isthu untey maaku chala anandham
Finally KING IS BACK....❤️

[Mahesh.thehero]

Heartfully thankyou so much .

[Kumarmb]

Mahesh gaaru alaage bhuvipai velasina devathalu update kudaa ivvandi chaala kaalam ayindhi plzzzzz

[Manoj1]

Hi ji , please pending stories kodhiga update evvande, jtkp and bhuvi pai velsina dhevathalu please please pleasr pls pls pls jj

[Mahesh.thehero]

కింగ్ ఈస్ బాక్     

లవ్ యు ......

[Mahesh.thehero]

Welcome back the hero excellent update 

Thankyou so much .

[Mahesh.thehero]

Update adhripoyindhi bro. Welcome back bro

Thankyou so so much .

[Chinnu518]

Next update epudu istaru bro

[Mahesh.thehero]

Next update epudu istaru bro

11 లోపు ........ అప్డేట్ ........


Stay tuned .........

[Kishore129]

11 లోపు ........ అప్డేట్ ........


Stay tuned .........

Eagerly waiting bhayya

[Mahesh.thehero]

ఎక్కడా ఆగకుండా వేగంగా వెళ్లి , తొలిసారి నా ప్రాణమైన నా దేవకన్యను కలిసినచోటైన చంద్ర రాజ్య సామంతారాజ్యపు నదీప్రవాహంలో మునిగాను , అమ్మా ...... ఎంతకాలం అయ్యింది మీ ఒడిలోకిచేరి - మీ బిడ్డ క్షేమమే కదా అంటూ నీటిలోనే కన్నీటిపర్యంతం అయ్యాను , ప్రాణం కంటే ఎక్కువగా ప్రేమించిన ప్రాణ సఖికి సంతోషాన్ని పంచలేకపోయాను - వివాహం అయిన రోజునే బాధపెట్టాను దూరం చేసుకున్నాను , మీ బిడ్డ ఎక్కడ ఉందో ఎంత బాధపడుతోందో ........ అంతా నా వల్లనే - నేను కలవకపోయి ఉంటే మహి ...... యువరాణిలా రాజమందిరంలో తల్లి ఒడిలో సంతోషంగా ఉండేది , ఎలాగైనా సరే మహిని కలవాలి అంటూ ఒంటిపై వస్త్రాలను వదిలేసి పైకిలేచాను .
ఇన్నిరోజుల చెరశాల నరకం నుండి బయటపడినట్లు హాయిగా - నా దేవకన్య లేని నరకంలోకి అడుగుపెట్టినట్లుగా కళ్ళల్లో చెమ్మతో ఒడ్డుకుచేరాను . 
మహీ ..... నువ్వు రూపొందించిన వజ్రవైఢూర్య క్షత్రియ వస్త్రాలను నిన్ను కలిసిన తరువాతనే దరిస్తాను అంటూ గురుకుల వస్త్రాలనే ధరించి , మంజరితోపాటు మహి భక్తితో కొలిచే పరాశక్తి పాదాల చెంతకు చేరాను , అమ్మా ...... మిమ్మల్నే దైవంగా పూజించే మీ బిడ్డ ఎక్కడ ఉందో అక్కడికి మీరే చేర్చాలి - మీమీదనే భారం వేసి వెళుతున్నాను అంటూ అమ్మవారి కుంకుమను తీసుకుని బయలుదేరాను .

మంజరి : ప్రభూ ...... మీవల్లనే మహికి ఇన్ని కష్టాలు అని బాధపడకండి - ఆ అమ్మ మనల్ని మహి చెంతకు చేరుస్తుంది .
మంజరీ ...... నా మనసులో అనుకున్నది - ప్రార్థించినది ....... 
మంజరి : నాకెలా తెలుసానుకుంటున్నారా ...... ? , మీ మనసు - హృదయం నిండా ఉన్నదే మహి కాబట్టి , అక్కడి నుండి బయటకువస్తున్న ఈ కన్నీళ్లే చెబుతున్నాయి . బాధపడకండి ప్రభూ ...... ఒకటిమాత్రం ఖచ్చితంగా చెబుతాను మిమ్మల్ని కలిసిన తరువాతనే మహి పెదాలపై సంతోషాలు పరిమళించాయి - ప్రక్కనే ఉండి చూసాను కాబట్టి చెబుతున్నాను .
నిజమా మంజరీ ...... అంటూ మనసు కాస్త కుదుటపడింది .
మంజరి : ప్రభూ ...... మీ సంతోషమే మహి సంతోషం , మీకోసం ఎన్నిరోజులైనా ప్రాణంలా ఎదురుచూస్తూ ఉంటుంది . 
నాకు తెలుసు మంజరీ ....... , కానీ ఆ యువరాజు ...... మహిని ఎన్ని కష్టాలకు గురిచేస్తున్నాడో తలుచుకుంటేనే హృదయం బద్దలైపోతోంది .
మంజరి : మీ ప్రేమ బలం - అమ్మవారి అనుగ్రహం ఉండగా అలా జరగనే జరగదు ప్రభూ .......
మంజరీ ...... నీ మాటలు నిజం అయితే అంతకంటే సంతోషం మరొకటి ఉండదు అంటూ ప్రేమతో స్పృశించాను - అమ్మవారిని ప్రార్థించాను .

మంజరి : అదిగో ప్రభూ ...... ఆ యువరాజుని తప్పుడు దారిలో పంపించిన కొండచరియలు విరిగిపడిన ప్రదేశం .......
అవును మంజరీ ...... దారిని బాగుచేసినట్లున్నారు సామంతరాజ్య ప్రజలు అంటూ దాటుకుని వారిని కలిసిన ప్రదేశం దగ్గర కిందకుదిగాను . మంజరీ ....... ఈదారి గుండానే వచ్చారని తెలుస్తోంది - ఆ రాజ్యాన్ని గుర్తించే రాజ చిహ్నాన్ని లాగేసుకున్నాడు - ఎటువంటి ఆధారం లేకుండా గుడ్డిగా మహిని వెతుకుతూ వెళ్ళాలి , ఆ అమ్మవారే మనల్ని సరిఅయిన దారిలో తీసుకువెళ్లాలని ప్రార్థించడం కంటే ఏమీ చేయలేము అంటూ బాధపడ్డాను .
మంజరి : ప్రభూ ...... మీ ఇద్దరిమధ్యన ఉన్న స్వచ్ఛమైన ప్రేమనే మిమ్మల్ని ఏకం చేస్తుంది .
మంజరీ ...... నీ మాటలే నాకు ధైర్యాన్ని ఇస్తున్నాయి - నువ్వు లేకపోయి ఉంటే కృంగిపోయేవాడిని .......
మంజరి : నా జీవితం ...... నా ప్రభువుకే అంకితం అని ఎప్పుడో నిర్ణయించుకున్నాను , సంతోషమైనా ...... కష్టమైనా ...... మీతోపాటే .......

అలా కొండలు - కోనలు - నదీప్రవాహాలు దాటుకుంటూ పగలూ - రాత్రీ పట్టించుకోకుండా ఎక్కడా విశ్రమించకుండా ప్రతీ రాజ్యాన్నీ - సామంత రాజ్యాన్నీ చేరుకోవడం ...... , ప్రభూ ...... నేనే స్వయంగా రాజమందిరాలలో రెండుమూడుసార్లు చూసాను ఈ రాజ్యంలో లేదు - ఈ సామంతరాజ్యంలో లేదు అని మంజరి ఖచ్చితంగా చెప్పడంతో ముందుకువెళ్ళసాగాను .
మంజరీ ....... ఇంతదూరం కూడా వచ్చావన్నమాట ...... 
మంజరి : నా బుల్లి గుండెలో ఉన్నది మీరిద్దరు మాత్రమే ప్రభూ ...... , మీ సంతోషం కోసం ఏమైనా చేస్తాను , మీరిద్దరూ కలిసి సంతోషంగా జీవించడం చూస్తూ హాయిగా మీతోపాటే ఉండిపోతాను .

రోజులు - వారాలు - పక్షములు గడిచిపోతున్నాయి కానీ మహి జాడ కనిపించడం లేదు . 500 మైళ్ళ పరిధిలో తూర్పు - దక్షిణాన ఉన్న రాజ్యాలన్నింటినీ మరొకసారి వెతుకుతూ కొన్ని పక్షముల తరువాత ఒక సూర్యోదయ సమయాన నా గురుకుల అరణ్యాన్ని చేరుకున్నాను . 
మంజరీ ...... వివాహం అయిన తరువాతిరోజునే మహి ఇక్కడికి చేరుకుని గురువుగారి ఆశీస్సులు తీసుకోవాలని ఆశపడింది .
ప్రభూ ...... మన గురుకులం చేరుకున్నామా ? అంటూ మంజరి మాటల్లోకూడా సంతోషం లేకపోయింది .
అవును మంజరీ ....... , గురువుగారు కోరిన ఒకేఒక కోరికను తీర్చలేకపోయాను - ఏ ముఖం పెట్టుకుని గురువుగారిని చూడగలను అంటూ నదీఅమ్మ ఒడ్డున ఆగాను కన్నీళ్ళతో .......
మంజరి : ప్రభూ ...... ప్రవాహం దగ్గరికి ఎవరో వస్తున్నారు .
గురుకులం నుండే అయిఉంటుంది అంటూ చూస్తే చిన్న గురువుగారు ....... 

మహేష్ మహేష్ ....... నువ్వేనా ? , భగవంతుడా ....... మహేష్ నువ్వు క్షేమమే కదా , నిన్ను రాజ్యద్రోహం నెపంతో కారాగారంలో బంధించారని మన యువరాజులు వచ్చి గురువుగారిని బాధపెట్టి రాక్షసానందం పొందారు , స్వయంవరంలో గెలుపొందినది నువ్వే అని యువరాజులకు తెలిసి నిన్ను పంపించిన గురువుగారిని చాలా ఇబ్బందిపెట్టారు .
గురువుగారిని ఇబ్బందిపెట్టారా అంటూ గురుకులం వైపుకు వెళ్లబోయాను .
చిన్న గురువుగారు : మహేష్ ఆగు , నువ్వు బాధపడతావని చెప్పడం లేదు - నిన్ను పంపించిన కారణంతో గురువుగారిపై కూడా రాజ్యద్రోహీ అని ముద్రవేసి చెరశాలలో కూడా ఉంచారు .
గురువుగారూ ...... అంటూ కన్నీళ్లు ఆగడం లేదు .
చిన్న గురువుగారు : కంగారుపడాల్సిన అవసరం లేదు మహేష్ ....... , గురువును చెరశాలలో ఉంచడం పాపం అని మహారాజులు తప్పయింది క్షమించమని గురుకులంలో వదిలారు , ఇక ఎప్పుడూ ఇలా చెయ్యకండి యువరాజులను బాధపెట్టడం మాకుకూడా ఇష్టం లేదు అంటూ గురువుగారిదే తప్పు అన్నట్లు వెళ్లిపోయారు . గురువుగారు ...... ఆక్షణమే అగ్నిజ్వాలపై ప్రతిజ్ఞ చేశారు - " మన మహేష్ గురించి నాకు తెలుసు ఎలాగైనా చెరశాల నుండి నిజాయితీగా బయటపడతాడు రాజ్యానికి రాజై నాదగ్గరికివచ్చి నా గౌరవాన్ని పెంచుతాడు - ఏ యువరాజులైతే అధికారం ఉందని ఇలా చేశారో వాళ్ళను నా పాదాలచెంతకు చేరుస్తాడు అంతవరకూ మహేష్ ను కలవనే కలవను ....... " .

మంజరి : చిన్న గురువుగారూ ...... అదేంతపని , గురువుగారు చెప్పినట్లుగానే చంద్ర రాజ్య మహారాజుగారే వారి తప్పును తెలుసుకుని మన్నించమని కోరి , అఖండమైన చంద్ర రాజ్యాన్నే ఈ ప్రభువు పాదాలచెంతకు చేర్చి మహారాజుగా ఉండమని కోరుకున్నారు . ఒక్క చిటికెతో యువరాజులను ..... గురువుగారి పాదాల చెంతకు చేరుస్తాడు .
చిన్న గురువుగారు : సంతోషం మహేష్ ...... , అలా జరిగితే గురువుగారికి సగం సంతోషాన్ని మాత్రమే ఇస్తుంది .
గురువుగారూ ........
చిన్న గురువుగారు : రాజ్యం తోపాటు నువ్వు అంగరంగవైభవంతో వివాహం చేసుకున్న యువరాణీ సమేతంగా వచ్చి ఆశీర్వాదం తీసుకుంటేనే కదా గురువుగారికి సంపూర్ణమైన ఆనందం ....... , నువ్వు కారాగారావాసం చెందావని మన రాజ్యాలకు సమాచారం అందగానే నువ్వే నని నిర్ధారించుకుని కోపంతో ఊగిపోతూ యువరాజులు వచ్చి స్వయంవరం గురించి వివాహం గురించీ చెబుతుంటే గురువుగారు పొందిన ఆనందం అంతా ఇంతా కాదు ....... , " రాజ్యం - యువరాణి " రెండింటిలో ఏ ఒక్కటి లేకపోయినా గురువుగారి ప్రతిజ్ఞ తీరదు , నాకు తెలుసు నువ్వు ...... గురువుగారిని కలవకుండా వారి పాదసేవ చేసుకోకుండా ఉండలేవని కానీ కలిసి మరింత బాధకు గురిచేస్తావో లేక రాజ్యం - యువరాణి సమేతంగా వచ్చి గురువుగారికి అంతులేని సంతోషం పంచుతావో నిర్ణయం నీదే అదిగో గురువుగారు వస్తున్న చప్పుడు అవుతోంది .
నాకు ...... నా గురువుగారి సంతోషమే కావాలి అంటూ మంజరి - మిత్రుడితోపాటు పొదలచాటుకు చేరుకుని , గురువుగారి సేవకు ఎలాగో నోచుకోలేను కనీసం గురువుగారిని దర్శించుకుంటాను అంటూ బాధపడుతున్నాను .

అంతలో సూర్యవందనం చేసుకోవడానికి గురువుగారు రానే వచ్చారు - నా కళ్ళల్లోలానే గురువుగారి కళ్ళల్లోకూడా బాధ ప్రస్ఫూటంగా కనిపించి కళ్ళల్లోనుండి కన్నీళ్లు ధారలా కారసాగాయి .
కొన్నిక్షణాలవరకూ నేను నిలుచున్న చోటును దాటుకుని వెళ్లబోయి ఒక్కసారిగా ఆగిపోయి , చుట్టూ చూస్తున్నారు .
ఆ క్షణం అనిపించింది గురువుగారి మనసులో నా స్థానం ...... , కన్నీళ్లు ...... ఆనందబాస్పాలుగా మారిపోతున్నాయి - మంజరి ఎగురుకుంటూ వెళ్లి గురువుగారి పాదాలకు నమస్కరిస్తోంది .
గురువుగారు : ఆశ్చర్యం అంటూ మంజరిని అపురూపంగా చేతిలోకి తీసుకుని సున్నితంగా స్పృశించి స్వేచ్ఛగా జీవించు అంటూ ఎగురవేశారు చిరు సంతోషంతో ........
మంజరి ఎగురుకుంటూ వచ్చి నాభుజంపైకి చేరింది - సంతోషం చాలా సంతోషం మంజరీ ...... గురువుగారి పెదాలపై చిరు సంతోషాన్ని చిగురింపచేశావు - ఇక యువరాణీ సమేతంగా వచ్చి గురువుగారి ఆశీర్వాదం తీసుకుని సంపూర్ణ సంతోషాన్ని అందించే బాధ్యత మనపై ఉంది .

చిన్న గురువుగారు : గురువుగారూ ..... ఏమైంది ? .
గురువుగారు : మనసుకు దగ్గరైన వ్యక్తి దగ్గరలోనే ఉన్నట్లు అనిపిస్తోంది అంటూ మరొకసారి చుట్టూ చూసి దైవేచ్చ అంటూ ప్రవాహంలోకి అడుగుపెట్టి సూర్యవందనం చేసుకుని స్నానమాచరించి గురుకులం వైపుకు వెళ్లిపోయారు .
పొదలనుండి బయటకువచ్చి గురువుగారి అడుగుజాడలను స్పృశించి ఆనందం పొందాను - గురువుగారూ ..... నావల్ల మీరుకూడా ఇబ్బందులకు గురి అవుతున్నారు .
చిన్న గురువుగారు : దిగులుచెందకు మహేష్ ...... , బాధ తాత్కాలికం - సంతోషం శాశ్వతం ....... , గురువుగారి ప్రతిజ్ఞను తీరిస్తే ఇక అందరికీ సంతోషాలే , ఇక నాకు సెలవు .......
గురువుగారిని జాగ్రత్తగా చూసుకోండి - గురువుగారి ప్రతిజ్ఞను తీర్చే కలుస్తాను అంటూనే అమ్మా అమ్మా ...... అంటూ కన్నీళ్ళతో నదీఅమ్మ ఒడిలోకి పూర్తిగా చేరాను . ఆశ్చర్యం ...... నాకళ్ల ముందు నా దేవకన్య - మహీ మహీ ....... అంటూ చుట్టూ చూసిపైకిలేచాను - ఎక్కడా లేదు , మహీ మహీ అంటూ మళ్లీ అమ్మ ఒడిలోకి చేరాను ....... నీళ్ళల్లో దేవకన్య ప్రతిరూపం - అమ్మా ...... అంటూ కళ్ళుమూసుకున్నాను పెదాలపై సంతోషం ....... , నీళ్ళల్లోనుండి పైకిలేచి మంజరీ - మిత్రమా ...... మన మహి ఆరోజున ఇటువైపుగా ప్రయాణిస్తూ ఇక్కడే ఎక్కడో దగ్గరలో దాహం తీర్చుకుంది అంటే ఇటువైపుగానే వెళ్ళింది - ప్రవాహం వెంబడి రాజ్యాలలోనే ఉండి ఉంటుంది అంటూ సూర్యవందనం పూర్తిచేసుకుని తడి వస్త్రాలతోనే మిత్రుడిపైకి చేరి వేగంగా బయలుదేరాను .

[Mahesh.thehero]

మంజరి : ప్రభూ ...... అలాగైతే ముందు ఈ ముగ్గురి యువరాజుల రాజ్యాలలో ........ ఖచ్చితంగా ఉండదు ఉండి ఉంటే ఈపాటికి గురువుగారిని మరింత బాధపెట్టి ఉండేవారు .
అవును ఈ మూడు రాజ్యాలలోనేకాదు చుట్టూ ఉన్న సామంతరాజ్యాలలో కూడా లేనట్లే అంటూ ప్రవాహం వైపుగా సాయంత్రం వరకూ ఎక్కడా ఆగకుండా ప్రయాణించి కొత్తరాజ్యానికి చేరుకున్నాము .
మిత్రమా ...... నిన్ను ఇబ్బందిపెట్టాను .
మిత్రుడు : మహికోసం తప్పదు అన్నట్లు నన్ను స్పృశించాడు .
మిత్రుడిని ప్రేమతో హత్తుకుని దాహం తీర్చుకో అంటూ మంజరితోపాటు ప్రవాహంలోకి చేరాను - నీరు త్రాగబోతే నీళ్ళల్లో మహి ప్రతిరూపం ...... 
మంజరి : నా కళ్లల్లో వెలుగుని చూసి , ప్రభూ ...... మహి కదూ .
అవును మంజరీ ...... ఇక్కడకూడా ఈ ప్రవాహం వెంబడి ఎక్కడో మహి దాహం తీర్చుకుంది - అంటే మనం సరైన దిక్కులోనే ఉన్నాము .
మంజరి : అయితే మహి ...... ఈరాజ్యంలో ఉండనూవచ్చు , ప్రభూ ...... మీరు అదిగో ఆకొండపైకి చేరండి నేనువెళ్లి రాజభవనంలోని మందిరాలతోపాటు అంగుళం అంగుళం వెతికి సంతోషమైన వార్తతో వస్తాను . 
జాగ్రత్త మంజరీ ....... , అపాయం సంభవిస్తే ......
మంజరి : సంకేతంగా శబ్దాలు చేస్తానులే ప్రభూ ...... , మీరేమీ కంగారుపడకండి - ఇదొక్కటే మార్గమని నాకు తెలియదా ...... అంటూ ఆశతో ఎగురుకుంటూ పెద్ద రాజభవనం వైపుకు వెళ్ళింది .
అమ్మా పరాశక్తీ ...... మంజరికి మీరే తోడుగా ఉండాలి అంటూ కంగారుపడుతూ పైనుండి చూస్తున్నాను .

మంజరి శుభవార్తతో వచ్చేలోపు తనకు ఇష్టమైన పళ్ళను సిద్ధంగా ఉంచాలని చుట్టూ చూసి అరణ్యంలో ఉన్న చెట్ల నుండి పళ్ళను తీసుకొచ్చాను - మిత్రుడికి తినిపించబోతే ...... మంజరి వచ్చాకనే అన్నట్లు రాజ్యం వైపుకు చూస్తోంది .
పూర్తి చీకటిగా మారిపోయింది ఘడియలు గడిచిపోతున్నా మంజరి జాడ లేదు - మంజరిని ఎవరూ గమనించకూడదు - మంజరి జాగ్రత్తగా రావాలి అంటూ ప్రార్థిస్తుండగానే అర్ధరాత్రి దాటిపోతోంది - మిత్రమా ...... ఇక వేచిచూసి లాభం లేదు అంటూ విల్లుని - కత్తిని చేతబట్టి మిత్రుడిపైకి చేరేంతలో ........
శాంతించండి శాంతించండి మహాప్రభూ ....... నాకోసమే అంతపెద్ద రాజ్యంపై ఒక్కరే దండెత్తడానికి సిద్ధమవుతున్నట్లున్నారే అంటూ మంజరి వచ్చి నా భుజంపైకి చేరింది .
మంజరీ మంజరీ ...... నీకేమీ కాలేదుకదా అంటూ చేతుల్లోకి సున్నితంగా తీసుకుని గమనిస్తున్నాను .
మంజరి : నాకేమీ కాలేదు ప్రభూ కంగారుపడకండి ....... , ప్రభూ ..... సగం రాజ్యం మొత్తం వెతికినా మహి జాడలేదు , నిద్రపోవడానికన్నట్లు మిగతా రాజ మందిరాలు మూతపడ్డాయి , ఉదయం వరకూ అక్కడే వేచి ఉండాలనుకున్నాను , మీగురించి తెలిసి మళ్లీ ఉదయం వెళ్ళొచ్చులే అని వచ్చేసాను .
ఇప్పటికే ప్రాణం కంటే ఎక్కువైన ఒకరిని దూరం చేసుకున్నాను - మాఇద్దరి ప్రాణమైన మా మంజరిని కూడా పోగొట్టుకోలేము ...... 
మంజరి : చాలా సంతోషం వేస్తోంది ప్రభూ ...... , మహి కనిపించే ఆనందం కోసం ఎదురుచూస్తున్నాను .
ఆ సంతోషం దగ్గరలోనే ఉంది మంజరీ ...... , అలా కలిసినప్పుడు నువ్వులేకపోతే నన్ను దగ్గరికైనా రానివ్వదు , మన నలుగురం ఒక కుటుంబం ఏ ఒక్కరు లేకపోయినా తట్టుకోలేను .
మంజరి : ప్రభూ ...... ఉదయం కూడా ఆలస్యం అవ్వవచ్చు , ఇలా వెంటనే రణరంగానికి సిద్ధం కాకండి .
ఆలస్యం అయ్యేకొద్దీ ఈ హృదయస్పందన మారిపోతుంది మంజరీ ...... , నాకు తెలియకుండానే సిద్ధం అయిపోతాను , ఒకసారి తప్పుచేశానన్న భావనతో శాంతంగా ఉండి ప్రాణసమానమైన మహిని దూరం చేసుకున్నాను , మళ్లీ అలాంటి తప్పును చేసి మిమ్మల్ని కూడా దూరం చేసుకోలేను , నీకోసం తియ్యనైన పళ్ళు తీసుకొచ్చాను నువ్వు - వస్తేనేకానీ తిననని మిత్రుడు కూడా తినలేదు అంటూ తినిపించాను .
మంజరి : ప్రభూ ..... మీరు తింటేనే మేమూ తినేది - ఇక్కడ మీరు తింటేనే మనకు తెలియనిచోట ఉన్న మహి తింటుంది .
అయితే తింటాను మంజరీ ...... , అమ్మా ...... మహి తినేలా మీరే చూసుకోవాలి అంటూ ప్రార్థించి తిని అక్కడే విశ్రాంతి తీసుకున్నాము . మహి వస్తువులను హృదయంపై హత్తుకుని మహి ఊహాలతో నిద్రపోవడం కష్టమైనా మహి వస్తువులు జోకొడుతున్నట్లు నిద్రపట్టేసింది .

కళ్లపై సూర్యకిరణాలు పడటంతో మేల్కొన్నాను . కళ్ళు తెరవడం ఆలస్యం .....
ప్రభూ ...... శుభవార్తతో వస్తాను అంటూ మంజరి ..... రాజభవనం వైపుకు ఎగురుకుంటూ వెళ్లిపోతోంది .
జాగ్రత్త మంజరీ ..... 
అలావెళ్లిన మంజరి మిట్ట మధ్యాహ్నం సమయానికి నిరాశతో వచ్చింది . ప్రభూ ..... మిగిలిన సగం రాజభవనంతోపాటు ఎవరికీ కనిపించకుండా మళ్లీ మొత్తం ఒకసారి వెతికినా మహి జాడ కనిపించలేదు .
బాధపడకు మంజరీ ...... , ఈ పెద్ద రాజ్యం చుట్టూ ఐదారు సామంతరాజ్యాలు ఉన్నాయని పశువుల కాపరుల ద్వారా తెలుసుకుని పటాన్ని కూడా తయారుచేసాను కానీ హిడుంభి పేరుతో ఏ రాజ్యం లేదని చెబుతున్నారు .
మంజరి : ఆ యువరాజు మోసగాడు ప్రభూ - రాజ్యం పేరు కూడా తప్పుగా చెప్పి ఉండొచ్చు , ముందైతే పదండి ప్రభూ ...... ఆ సామంతరాజ్యాలలో మన మహి మరియు ఆ మోసగాడు ఎక్కడ ఉన్నాడో కనిపెడదాము .
అలాగే మంజరీ అంటూ భుజంపై ఉంచుకుని చుట్టూ ఉన్న ఒక్కొక్క సామంతరాజ్యానికి చేరుకోవడం - మంజరి గుట్టుచప్పుడు కాకుండా రాజభవనంలోకి వెళ్లి రాజమందిరాలలో రెండు మూడుసార్లు మహికోసం అన్వేషించడం చివరికి నిరాశతో తిరిగిరావడం ....... , అలా ఆ సామంతరాజ్యాలన్నీ వెతికేసరికి రెండు పక్షాల సమయం పట్టింది .

చివరి సామంతరాజ్యం కూడా వెతికి బాధపడుతూ నదీఅమ్మ చెంతకు చేరాము . అమ్మా ...... మాఇద్దరి మధ్యన ఈ విరహం ఇంకెంతకాలం అంటూ నీళ్ళల్లోకి చేరాను .
వెంటనే పైకిలేచి మంజరీ ...... అన్నాను .
మంజరి : మిత్రమా కృష్ణా ...... ప్రవాహం వెంబడి ఉన్న మరొక రాజ్యానికి చేరుకోవాలి వెంటనే ......
ముందు కాళ్ళను అంతెత్తుకు పైకిలేపి సిద్ధం అంటూ ఎక్కమని హుషారుగా పిలిచాడు .
మంజరి కూడా మిత్రుడి తలపైకి చేరింది - పరుగునవెళ్లి మిత్రుడిమీదకు చేరి వేగంగా మరొక రాజ్యాన్ని చేరుకునేసరికి రెండురోజులుపట్టింది .

అక్కడకూడా ప్రధాన రాజ్యం మరియు రాజ్యం చుట్టూ ఉన్న సామంతరాజ్యాలలో మంజరి వెతికి నిరాశతో వెనుతిరివచ్చింది . చివరి సామంతరాజ్యం వెతికిన తరువాత మరింత ముందుకు ప్రవహిస్తున్న ప్రవాహం చెంతకు చేరగానే , మహి ఇంకా ముందుకువెళ్లినట్లు తెలియజెయ్యడంతో దక్షిణ భారతదేశం వెడల్పునా ఉన్న ఒక్కొక్క ప్రతీ రాజ్యాన్ని - సామంతరాజ్యాలను వెతుకుతూ ఎలా గడిచిపోయిందో బాధలోనే సంవత్సర కాలం గడిచిపోయింది .

అలా నదీ అమ్మ సహాయంతో దక్షిణ భారతదేశంలోనే అతిపెద్ద సామ్రాజ్యానికి చేరుకున్నాము , కొండపైనుండి అంతపెద్ద రాజ్యాన్ని - లక్షల్లో ప్రజలను మరియు అడుగుకొక సైనికుడిని చూసి ఆశ్చర్యపోయాము . 
మంజరీ ...... ఈ సామ్రాజ్యాన్ని క్షుణ్ణoగా వెతకాలి అంటే ఎంత సమయం పట్టేనో ........
మంజరి : అందుకే ఇప్పుడే బయలుదేరతాను ప్రభూ ...... , ఆలస్యం అవ్వవచ్చు కంగారుపడకండి .......
కాస్త జాగ్రత్త మంజరీ .......
చిత్తం ప్రభూ అని బదులిచ్చి ఆశతో వెళ్లిన మంజరి , గడియలైనా రోజులైనా వెనుతిరిగిరాకపోవడంతో కంగారుపడుతూ రాజ్యంలోకివెళ్ళాను - ఎవ్వరికీ అనుమానం రాకుండా రాజభవనం సింహద్వారం చేరుకున్నాను , అక్కడ ఉన్న రక్షణ చూస్తేనే అర్థమైపోయింది అనుమతి లేకుండా ఒక్క అడుగుకూడా లోపలకువెయ్యలేమని .......

అంతలో సింహద్వారం నుండి 10 - 15 మంది అమ్మాయిలు బయటకువచ్చారు . చిలుక చిలుక అంటూ వాళ్ళ గుసగుసలకు వెనువెనుకే నడిచాను .
అమ్మాయిలు : చిలుక ఎంత అందంగా ఉందో తెలుసా ..... , ఎంత ముద్దుముద్దుగా మాట్లాడుతోందో ...... , దాదాపు సగం భటుల సహాయంతో వలలు వేసిమరీ పట్టించారు మహారాజుగారు - బయటకు వెళ్ళడానికి ప్రయత్నిస్తుండటంతో పంజరంలో బంధించి మహారాణికి బహూకరించారు - అంత అందమైన బహుమతి లేదన్నట్లు ప్రాణంలా చూసుకుంటున్నారు - వదిలితే ఎగిరిపోయేలా ఉందని పంజరంలోనే బంధించేసి స్నేహాన్ని పెంచుకుంటున్నారు .
ఆ మాటలు వినగానే గుండె ఆగిపోయినంత పని అయ్యింది  - ఎలాగైనా మంజరిని రక్షించాలని రాజ్యం మొత్తం చుట్టేసి చేసిన ప్రయత్నాలన్నీ విఫలమైపోయాయి , మొదట దేవకన్యను ఇప్పుడేమో దేవకన్యకు ప్రియమైన మంజరిని దూరం చేసుకున్నాను లేదు లేదు ఇక్కడనుండి వెళితే మంజరితోనే వెళ్ళాలి మిత్రమా అంటూ ఏ దారినీ వదలకుండా ప్రయత్నం చేస్తూనే ఉన్నాను .

కొన్నిరోజులుగా రాజ్యంలో అనుమానంగా తిరుగుతున్నానన్న కారణంతో పెద్దమొత్తంలో సైనికులు నన్ను చుట్టుముట్టారు .
మిత్రమా ...... మనపై అనుమానం కలిగినట్లు ఉంది - నీకు దారిని ఏర్పరుస్తాను వెళ్లిపో అంటూ కత్తిని అందుకున్నాను .
అంతే సైనికులంతా నాపైకి ఆయుధాలను ఎక్కుపెట్టారు - ఆయుధాన్ని వదిలెయ్యమని హెచ్చరిస్తున్నారు .
చావైనా - బ్రతుకైనా ....... మిత్రుడితోనే అన్నట్లు నన్ను అంటిపెట్టుకునే ఉండిపోయాడు మిత్రుడు .
మిత్రుడు ...... అడుగడుగునా ప్రమాదం పొంచి ఉన్న బయట ఉండటం కంటే రాజ్యంలోని గుర్రపు శాలలో ఉండటం మంచిది అనుకుని కత్తిని కిందకుజార్చేసి సైనికులకు లొంగిపోయాను - మిత్రమా ...... దైర్యంగా ఉండు ఎప్పటికైనా మనం మళ్లీ కలుస్తాము అని హామీ ఇచ్చాను .
నన్ను తాళ్లతో బంధించి సింహద్వారం ద్వారా లోపలికి లాక్కెళ్లి సైన్యాధ్యక్షా ..... రాజ్యం చుట్టూ అనుమానంగా తిరుగుతున్నాడు అంటూ కొద్దిమంది వెనుక నిలబెట్టారు - మిత్రుడిని మరొకవైపుకు తీసుకెళ్లారు .

సైన్యాధ్యక్షుడు ...... ఒక్కొక్కరినే విచారిస్తూ వారి తప్పులకు అనుగుణంగా శిక్షలువేస్తూ కారాగారంలో పడెయ్యమని అదేశాలిస్తున్నాడు .
నావంతు రావడంతో సైన్యాధ్యక్షుడి ముందుకు తోసారు ........
సైన్యాధ్యక్షుడు : ఎవరు నువ్వు ? , ఏ రాజ్యం నుండి వచ్చావు ? , మా రాజ్యంలో ఎందుకు తిరుగుతున్నావు ? .
ఒక మహారాజుగా అపద్ధం చెప్పకూడదు అని , నేను మన దేశం మధ్యలో ఉన్న చంద్ర రాజ్య మహారాజునని - ఒకరిని అన్వేషిస్తూ రాజ్యాలు తిరుగుతున్నానని - కొన్నిరోజుల క్రితం వారిని వెతకడానికి రాజభవనంలోకి వెళ్లిన అందమైన చిలుకను మీ మహారాజు బంధించి మహారాణీ గారికి బహుకరించిడంతో దిక్కుతోచని స్థితిలో రాజ్యంలోనే తిరుగుతున్నాను .
నేను చెప్పినదంతా విని సైన్యాధ్యక్షుడితోపాటు సైనికులు కూడా నవ్వుకుంటున్నారు - నిజం చెప్పమని కొరడా దెబ్బలు కొట్టారు .
మళ్లీ మళ్లీ అదే నిజం అని దైర్యంగా చెప్పాను .
సైన్యాధ్యక్షుడు : మహారాజు - మహారాణి గురించే ప్రస్తావించాడు అంటే రాజద్రోహమే - వీడివల్ల అపాయం పొంచి ఉన్నది కాబట్టి వీడిని తీసుకెళ్లి పోటీలకోసం తయారుచేస్తున్న యోధుల చెరశాలలో పడేయ్యండి - మరొకసారి ఇలానే చెబితే చావుని పరిచయం చేసేలా కొరడా దెబ్బలు కొట్టండి - ప్రాణం మాత్రం పోకూడదు పోటీలలో పోయే తొలిప్రాణం వీడిదే కావాలి - వీడు వదలండి వదలండి అంటూ ప్రాధేయపడటం చూసి మహారాజు గారితోపాటు ప్రజలందరూ నవ్వుకోవాలి , చంద్ర రాజ్య మహారాజట - చిలుక కోసం వచ్చాడట అంటూ నవ్వుకుంటున్నాడు .

సైనికులు : రేయ్ ...... దొంగతనం చెయ్యడానికి వచ్చాను అని ఒప్పుకో కొన్నిరోజులు సాధారణ శిక్షను అనుభవించి వెళ్లిపోవచ్చు ...... , ఇలా మళ్లీ బాదులిచ్చావంటే రాజుగారు నిర్వహిస్తున్న అతి భయంకరమైన యోధుల పోటీలలో కుక్క చావు చస్తావు అంటూ చీకటి కారాగారంలోకి తీసుకెళ్లారు .
మరొక సైనికుడు : చివరిసారిగా అడుగుతున్నాము ఎవరు నువ్వు ? - ఎందుకు వచ్చావు ? .
ఒక రాజ్య మహారాజుగా అపద్ధం చెప్పకూడదు అంటూ నా సమాధానం మారలేదు .
సైనికులు : ఇక నిన్ను ఎవ్వరూ కాపాడలేరు అంటూ చేతులను కట్టేసి చావుని పరిచయం చేసేలా స్పృహకోల్పోయేలా కొరడా దెబ్బలు కొట్టి , తాళ్లను విప్పి నేలపై పడేసారు , రేపు సూర్యోదయం కాగానే రాజు గారు - ప్రజలందరి సమక్షంలో నువ్వు అస్తమిస్తావు అనిచెప్పి తాళం వేసుకుని వెళ్లిపోయారు .
మహిని - మంజరిని దూరం చేసుకున్న నొప్పి - బాధతో పోలిస్తే ఈ దెబ్బల నొప్పికి ఏమాత్రం బాధనిపించడం లేదు .