Angrakshak Parivar Ka .........MAHI

[Dmahi19]

bhai story bahut sundar h par fast update do

Thanks for liking the story .
Keep reading and posting your views and comments on the story.

[Aryarock 123]

Bhai update do

[Dmahi19]

excellent story and super update

but which update is  in between these updates

UPDATE - 33   PART - 7 ( Deepti ) or

PART - 8 ( Deepti )




as per my knowledge this update is continuous one i think just for confirmation i asking don't think otherwise

Thanks bhai remind karane ke liye woh update 33 part 7 hi hai.....
Thanks for your support and encouragement.
Keep reading and posting your views and comments on the story.

[Dmahi19]

Bhai update do

Bhai update pe hi kaam kar raha hun . Complete karke post karunga . Dhayanwad.

[Dmahi19]

Sorry doston kuch office ka kaam atak gaya hai band baji padi hai .....
Aaj late night ya kal night tak pakka bada update dunga .
Dhayanwad.

[akii_789]

Sorry doston kuch office ka kaam atak gaya hai band baji padi hai .....
Aaj late night ya kal night tak pakka bada update dunga .
Dhayanwad.

Koi bat nai Bhai.
Me wait Kar lainge...

[Dmahi19]

Koi bat nai Bhai.
Me wait Kar lainge...

Next update in 1 hr .....

[Demon King]

Bhai kya X Forum close ho gaya hai???

Error 523 Ray ID: 584bcc35182fee13 • 2020-04-16 06:19:57 UTC
Origin is unreachable

[Dmahi19]

UPDATE 33   
Part -8 (A)      (Deepti)


CM ke yahan lunch pe Aryan unke parivaar se bhi mila aur lunch ke baad CM ne poocha ," Aryan beta jab tum politics me itna interest rakhte ho toh hamari party join kyo nahi karte ".


Aryan bas muskara bhar diya phir bade dhairya se bola ," Sir mein businessman hun aur apni Mahapanchyat ka sevak hi rehna chahta hun . politics join kar mein bahot neech aadmi ban jaunga joh mere bapu yaani Choudry MADHAV SINGH ki aatma ko gwara nahi hoga ".


CM ko Aryan ki neech waali baat pasand nahi aayi lekin phir bhi bole ," Aryan tum nahi jaante lekin mein khud Choudry MADHAV SINGH se 2 baar mil chuka hun . bahot hi nek aur dayalu insaan they , tab meine politics join hi ki thi aur MLA ka election ladne waala tha woh Delhi aaye huye they ........ unho ne ek baat kahi thi 'insaan gir sakta hai , uth sakta hai par kho nahi sakta ' ..... nahi samjhe ".


Aryan bas unko dekhta raha tab woh bole," insaan apne acche karmo se sabka bhala kar unki nazaron mei uth sakta hai , burey karmo se paapi banakar ghirna ke kabil ho jayega yaani sabki nazaron mei gir sakta hai paruntu woh ish niyati se bhaag nahi sakta yani kahin kho nahi sakta . politics me bhi log gir uth sakte hain lekin gayab nahi ho sakte aap retirement bhi logo toh tumhare karam tumhara picha nahi chodte . rahi baat neech ki toh tum itne kamjor nahi balki kaafi budhimaan lagte ho ".

Aryan bhi serious hokar bola ," ji Sir , mein alert rehta hun lekin politics me mujhe kayi aise kaam karne honge joh kabhi sahi nahi keh laaye jaa sakte aur mujhe bas jeetna hi aata hai yeh mera kabhi kabhi negative point ho jata hai . mein politics join kar jeetne laga toh sahi galat nahi tolunga bas maksad jeetna hoga . yehi wajah hai bapu ne mujhe aur meri choti bhen Anita Singh ( Ani) ko kabhi politics join nahi karne ka vaada liya . meine unke faisle ko purey parivaar pe lagu kar diya . mere khaandan se koi politics join nahi karega".


CM shabh bhi uski baat pe muskara ke bade pyar se bole ," yaani Choudry MADHAV SINGH ke khandhan ki hone waali bahu Rajkumari Deepti bhi politics join nahi karegi ?"


Deepti ka naam sunkar Aryan bhi smile ke saath bola," aapko jab pata hai toh meri biwi bankar Deepti kabhi politics join nahi karegi ".


CM shab ke chehre pe pehli baar Aryan ke aane ke baad sacchi smile aayi toh khush hokar bole ," Malik ne tumhare baare me theek kaha tha lekin mere hi aadmi aur mantrion ko kyo rishwat khila rahey ho bhai jab hum ek doosre pe vishwas karke baat kar sakte hain. Tum mujhpar vishwaas karo mein tum par toh dono ka fayda hi hoga aur purane rishtey joh Choudry MADHAV SINGH ke time se hain tootenge nahi jaada majboot honge ".


CM aur Aryan ish samay unke study room me they phir woh Aryan ko lekar apne private meeting hall me gaye jahan unke 2 bete aur Industrial Minister bhi bethe they . wahan phonchkar apas me formal talks ke baad drinks serve huye tab CM shabh bole," dekho Aryan beta mein tumko 2 MP ki seat deta hun lekin agle saal hum state election haar bhi sakte hain ".


Aryan bhi bade pyar se jawab diya ," Sir aap profit ki kuch baat kar rahey they "...... tabhi wahan state Home Minister aaye . 


Usne CM sir ko wish kiya aur Aryan se haath milaya . tab CM ne kaha ," dekho Aryan yeh jo mera chota beta hai yeh 2 factory daalna chahta hai tumhare state mei . bade beta ki tumhari hi company mei partnership pehle se hai bhale small share sahi . tum kya chote bete ki madad karoge aur partnership bhi ".


Aryan ne chote bete ko dekha phir bade bete ko tab usne kaha ," CM sir maaf karna par aapke dono bete mere kisi kaam ke nahi , rahi investment ki baat factory mei inke saath partnership kar ke mein paisa borey me bhar ke petrol chidkar aag laga dun "...... CM ko bhi apne nayalak beton ka pata tha kitne kaanil hain.


Joh baat koi kehne ki soch bhi nahi sakta woh Aryan ne bilkul 2 tuk jawaab me keh di . Aryan ki baat sunkar sabko gussa hi aaya lekin bada beta jab ungli dikha ke kuch bolna chaha toh CM ne usko haath dikha shaant rehne ko kaha .


CM ke bade bete ki age 42 yrs aur chotey ki 37 yrs hogi lekin Aryan joh dikhne me toh lambha chouda lag hi raha tha par umer mei itna chota tha unko 2 kodi ka bol diya jabki unka baap mukhmantri hai state ka woh dono bhi chotey motey aadmi nahi .


Industrial Minister ," Mr Aryan aap bhool rahey hain yeh dono hamare CM shabh ke sagey bete hain , aapko maafi maagni chaiye ".


Aryan ne apna peg finish kiya aur kutil smile se bola ," I am sorry , I don't want to humilate you but I can't do business with both of you sorry. business mei profit gain hi dekha jaata hai meri aapke bade bete ke saath factory loss me chal rahi hai kyon yeh aap sab jaante hai . ho sakta hai ek saal baad taala lag jaaye ".


Phir khada hokar bottle utha ke ek peg banaya aur dono Minister ki taraf dekh ke CM ko bola ," Sir aap ek kaam kyon nahi karte aapke dono Minister paise waale hain , yeh ek ek factory mei partnership karenge toh aapka kaam bhi ho jayega aur mein poora paperwork apni state government se free me clear karwa dunga ".


Dono Minister bagle jhakne lage aur CM ka chota beta bhi uthsahit laga . Aryan ne baat jodi ," ministers ki factory hain toh local pressure bhi kam rahega ".


CM shabh samajh gaye yeh ladka bahot bade shatir dimaagh waala hai toh bole ," tumhara suggestion aacha hai toh baad me baat karenge . home minister (H M ) se bole ," Kya report le aaye Vermaji ?"


Unke haan kehne pe CM ne usko chodkar sabko jaane ko kaha . unke jaate hi CM shabh bole ," Aryan hamey pata hai ki tumne hi hamari government ke laghu udhog minister aur uske bete ko maara tha Deepti ke kidnapping case me hamey kanooni karwahi bhi karni pad sakti hai . doosra security officer ne Aaj tumhari hi factory me drugs aur hathiyar bhi baramad kiye hain . Verma ji sabot dikha dijye Aryan beta ko ".


HM ne ek file Aryan ko di jisko woh bade sakoon se dekhne laga . "ish sabke aadhar pe humko tumhari state ki saari properties aur factories seal bhi karni padegi aur arrest bhi karna padega . lekin hum yeh sab nahi karna chahte par tumhare chahne waale bahot hain jinko kuch jaada hi bair hoga tumse "..... CM ne aage baat jodi .


Aryan ne 5 min. file dekhi aur HM ko vapas di aur bola," ish mei se ek saboot aisa nahi jiske dam pe aap mujhe 2 min. bhi security officer station me rakh paaye , doosra aapke pass satellite images aur video recording nahi hai mein deta hun aapko HM shabh apna number batiye mein dono ko  ek saath sab saboot bhejta hun ".


HM ne apna number diya toh Aryan ne 1 min ke ander apne cellphone se unko photos aur videos ke saath kuch documents bheja jinhe dekhkar dono ki hawa khusak ho gayi . jisko woh 21 saal ka naya lounda samjh rahe the woh unka baap nazar aa raha tha .


CM apne seat se khade hokar bole ," kya hai yeh Aryan tum humey hi dhamki de rahey ho inh photos aur videos ka kya matlab hai ???? ....... hum abhi tumhe arrest kar sakte hain ".


Aryan ne apna peg pitey huye kaha ," mein bhi aapki tarah yeh nahi chahta,  dosti ka haath badhne aaya tha lekin bharosa dono taraf se ho . aapko kya lagta Deepti ko yahan se shaadi karke lejaane se mujhe koi rok sakta hai sayad nahi ...... joh bhi aapki Govt ke upar pressure daal rahey hain unko aap aache se samjha do ki mujhse na ulajhen nahi toh unka hasar ke jimmedar mein nahi hun. Deepti ne mujhse shaadi karne ki mansa sacche Dil se jahir ki........ mein karunga ushse Shaadi kyonki ab mein vaada kar chuka hun. aap aache insaan ho phir aapke mere bapu se aache rishtey they toh aapse yahi umeed karunga aap neutral hi rehain to aacha hai ".


HM kuch sochkar bola ," Aryan humko pata hai tum valuable asset ho hamari country ke , lekin humko state bhi chalna hai phir jinse tum bhidne ki soch rahey ho woh indirectly state hi chalate hain hum sirf government . woh log bahot powerful hain aur woh hi tumko Deepti se shaadi karne me roda atka rahein hain tumko phasa kar . inh saboot se humko toh rok logo unka kya karoge".



HM ki baat sunkar Aryan ne apni kutil muskaan dete huye kaha ,"joh aapke mobile me hai woh sab mere pass hai kaise aaya aap soch bhi nahi payoge dusra unko samjha dena Deepti ko mein chahta tab hi apne saath le jaata jab kidnappers se bachaya tha kisi ko bhank tak nahi lagti usko dharti khaa gayi ya ashmaan nigal gaya ".


Thodi diar chuppi chaayi rehi to Aryan hi bola ," ek hafte pehle, mein Deepti naam ka koi sakhs bhi duniya mei hai nahi jaanta tha magar ab meri MAA Rati devi ki bhi jid hai toh meri bhi jid hai ki Rajkumari Deepti Singh meri Haveli ki shaan banegi aur koi bich me aaya toh government ho ya non government dono ko dhaa ke hi jaunga ".


Aryan ki sard awaaj me dhamki nahi chetawni thi ki bil khodo aur chhip jayo nahi toh be mout maare jayoge . 

CM aur HM aaj dono apne ko nisahay samjh rahey they . Aryan unko namaste karke lunch aur drinks ke liye thanks kehke chala gaya aur picche chod gaya swaal ab kya hoga ????


Aryan ke jaate hi CM ne gusse se HM ko dekha toh wo bhi darke bola," Sir Malik sahi bola tha yeh ladka aag hai hum ishe panga nahi le sakte Central home ministery se lekar sab intelligence agencies aur American Govt se isko protection hai ".


CM bhi hatash hokar ," phir dua karo ki ladaai mei yeh hi jeete toh aacha hai nahi toh government giri hi samjho "...... aur yeh saboot bhi hatwao kisi tarah se .


Aryan ne joh satellite images bheji thi ushme Aryan ke security team ne Deepti rescue mission me state commandos ki uniform aur batches pehne they joh zoom hokar saaf dikh rahey they . matlab Deepti ko State crime branch ke commandos ne bachaya tha Aryan ki team ne nahi . yaani government ne apna hi minister maar diya . ek video me wohi mara huya minister CM aur apni party ke naam se 2 businessman se 2 crore chanda ek black bag mei le raha tha . doosre video me wohi paisa CM ko ushi bag mei party fund ke liye unke office me diya 4 ministers ke saamne jisme HM bhi ek tha . 3rd video mei ek local actress ke saath uska sex karte videos tha . 4th mei illegal hathiyar aur durgs uske godawn me utaare gaye . 5th video recording mei local security officer kuch aadmio ke saath durgs aur hathiyar Aryan ki factory mei utaar rahe they aur end me Beena ki team ne unko bandi banya huya tha .


photos mei ushi actress ke CM or HM se haath milane ke kisi party ke photos they aur minister ( killed)  khud introduce karwa raha tha . actress ke saath ek hi table pe khaana khane ke photos bhi they . sabse badi baat face morph kar CM ke saath nange soone ke bhi pics they . 


Last waala video mei Aryan khud bol raha tha awaaj uski chehra kisi aur ka tha,"  agar ab koi chalaaki dikhayi toh media ke pass kuch seconds mei sab saboot ko send kar diya jayega . yeh baat aap dono tak rahey aapke doston tak na phonche. Namaskar ."


Kahan toh CM ke ghar se Aryan ko arrest kar jhoote saboot ke saath jail me daalne ka plan tha . Kahan Aryan inko inki hi seat pe bandh gaya hilna mat nahi toh bomb phat jayega . adhe ghante baad jab intelligence walon ki IT ki team ne dono ke mobile khangale toh unki baat sunkar dono ko lakhwa maar gaya . 


IT expert ," Sir ishme joh videos , photos aur documents hai self hidden ho gayen hain . ab inko humne open karne ki koshish kiye toh self delete ho jayenge aur trace nahi hoga ki aaya kahan se . agar trace karen toh bhi auto delete ho jayega . doosri baat aap ishko dobara dekh sakte ho jab sender ek software activate karega . aisi techique India me toh koi use nahi karta lekin kuch din pehle pata chala Israel secret agency iska istemaal karti hai ".


Dono ne hi usko ched chaad karne se mana kiya . tab woh bola ," Sir isshe toh usko apke phone ki har activity ka pata chalta rahega aur yeh security breech hoga ". 


CM ne usko bahar wait karne ko kaha aur intelligence head officer se poocha ki Aryan ke baarey me kya jaankari hai kahan hai ish waqt . 


woh bola ," sir Aryan abhi family ke saath Inox mei movie dekh raha hai joh RD mall me hai . yeh movie kal release hogi India mei , special screening hai . sir yeh mall Rati devi ka hi hai ". 


CM gusse me bola ," woh hum sabki band baja ke movie dekh raha hai aur hum kuch nahi kar paa rahey ". 


Intelligence officer ," sir , Aryan se na hi ulajha jaaye toh accha hai . woh akela ek hafte pehle Mumbai Underword ka poora khaatma karke Jaipur aaya tha aur Sir woh oil ship hijack case bhi ushi ne rescue mission successfully lead kar complete kiya tha ".


CM ke saath HM bhi chounk gaye yeh ladka kya bala hai ..... tab officer bola," sir yeh information Malik sir ne aapko dene ko kaha tha bas aap dono se yet baat bahar nahi jani chahiye . Aryan ko mat touch kijye ishi me aapki aur aapki government ki bhlaai hai ".


HM thoda taav me bola ," officer tum humko Aryan ke naam se dara rahey ho".


Officer ," sir mein dara nahi raha aapko ek sacche deshbhakt se na ulajhne ki baat samjha raha hun . Aryan ki hamare desh ko jarurat hai , aisa asset milna impossible hai kitne mission apne dam pe karen hain . American government uske piche padi hai ki woh unke liye kaam karey lekin phir bhi apne desh me hai . aap gaddar toh lakhon khade kar loge lekin desh pe marne waala aisa shurma kahan se laogye . 5 din pehle Aryan ne aisa case hamare liye bhi solve kiya Mr Khan ke kehne pe ......... do jasoos ka mouh hum nahi khulwa paye par Aryan ke sujhaw ne humko case ki teh tak phoncha diya . woh to sirf Mumbai se Delhi jaate huye Jaipur hamare liye hi aaya tha . Rajkumari Deepti ki jaan usne sirf uski badi bhen Suchitra se jaan pehchan ki wajah se bachai . Phir aapka minister konsa santh aadmi tha...... corrupted, deshdhrohi aur neech kism ka insaan tha usko maar ke toh Aryan ne aapka kaam hi asaan kiya ".


CM ne uski baat samjhte huye Mr Malik ko phone milaya ," Malik yeh tumhare Aryan ne toh hum sabki neend uda di hai lagta hamari govt gira ke manega "..... unhone ne speaker on kar diya .


Mr Malik ," CM shabh , Aryan ko kabhi kisi government me interest nahi raha , na usko kisi ki jarurat hai . bas humko aur aapko uski jarurat rehti hai . aapne usko roka hoga tab pakka woh warning diya hoga , uska koi interest nahi hoga government girane mei ".


CM ne bhi thandi saas li aur bole ," Malik Aryan ne galat logon se panga liya hai sab Rajwaade hain aur unki council bahot powerful hai . state mei bahot bada votebank aur kaafi MLA se lekar MP bhi inke hotey hain , mein chahakar bhi unke khilaaf kuch nahi kar sakta ".



Mr Malik hasa ," ha ha ha CM sir aap 2-3 din bas so jaayen Aryan aapka state sudhar dega dekhna paapi aur paap bilkul saaf ho jayenge , meri baat ka bharosa rakhiye  . Aap usko kam samajh rahen hai woh baaki sabse 5 chaal aage sochta hai . uske liye yeh khel hai , God gifted baccha hai usko milkar koi bina impress huye nahi rehta . aap toh lucky hi huye Rajkumari Deepti ne Aryan ko var chuna . Rajkumari jitni dil ki aachi hai Aryan utna hi jaada care karta hai apno ki . Khush kismat ho joh aisa Damaad ghar bethe mil raha hai aapki ek call pe sar jhukey aapke saamne khada rahega ".


CM bhi samajh gaye Aryan ki taraf rehne aur uske jeetne me hi laabh hai . Deepti shaadi karti hai toh dono shingashan ki utaradhikaari honge aur Aryan, indirectly . 


Yeh tha Aryan ka 4th shikaar government ko paralyzed kar dena . government machinery thap kar di thi yaani ladai aamne samney ki thi .

*(Aryan ne ek teer se 4 shikaar kiye pehle government ka , doosra Ani ka aur teesra Rati ka ( 4th shikaar???? ka waqat aane pe pata chalega) ...... teeno samajh rahey they Aryan unki kitni care aur respect karta hai lekin woh bina kuch kiye hi apni phonch aur taakat badha raha tha...... read update 33 part -5 )



Aryan ke 2 MP seat maang ne par CM sir usko jaroor akele me meeting karenge yeh Aryan ko pata tha . dushman directly Govt pe usko rokne ki liye pressure banega . CM aur HM ko subha hi Aryan ke khilaaf jhoote saboot dekar arrest kiya jaaye media ke samney aisa kaha gaya nahi toh government gayi samjho.


Aryan ko toh unki chaal ka andaza tha lekin uski local commandos waali uniform aur batch waali yukti usne apne ko clear rakhne ke liye use ki thi . rescue mission ke baad bhi Aryan jald se jald state ishliye choda tha ki uska koi lena dena nahi ...... videos aur photos uski team ko Haveli udane se pehle loot ke maal me miley they ..... Minister bahot ki gaagh tha saala saarey saboot apne bachaw aur blackmailing ke liye rakhta tha joh Aryan ke kaam aaye .


Rati ki factory mei hathiyar aur drugs aaj 12 baje hi plant huye joh Aryan ne hone diye lekin sab vedio recording Beena ki team ne ki aur unke aadmi apne kabje me rakhe . security officer ki special team bhi indirectly phas chuki thi aur Aryan ke aadmio ke kabje me thi .


dushman apni sab chaal chal raha tha par Aryan ke instant action ki unko bhank nahi thi . Aryan ne bas "hidden dragon" ki policy apnayi yani hamle hone ke baad dushman ko sabut nighal jaana bina ko shor kiye .

Unko toh yahan tak bhank nahi thi ki CM sir apni angiography ke liye Bombay chale gaye 4 baje ki flight se . HM meeting ke liye aaj 7 pm Delhi jaa raha they .

___________________________

Aashram 


Subha RajGuruji ne ek baar Rani Mirdula ko dekha aur apna ek mantar padhkar usko surakhsit kiye . Rani Mirdula ko unke jaane ke baad chote Guruji se gupt roop se pass ke gaav me shift karne ka nirdesh diye taaki koi unhoni na ho . Guruji ko kisi anhist ki akansha lag rahi thi .

Raja Raghubhar Singh aur Guruji ko lene Ek car aur 2 security guards ki suv Raja Tribhuvan Singh ne bheji thi Alwar laane ke liye . 


Raghubhar Singh bhi apni choti bhen Rani Mirdula ko dekhkar dukhi hi huye aur bole ," hum Deepti aur uske var ko lekar jaldi hi loutenge meri bhen teri chetna jaldi hi loutegi ".

____________________________________

Alwar


 Shaam ke 4 baje woh Alwar ke Rajmahal phonche aur Rajdarbar mei Raja Tribhuvan Singh , Raja Jabar Singh ke saath unki Raniyon aur Rajkumari Deepti , Rajkumari Suchitra ne unka swagat kiya aur ashirwad liya . 


Raja Raghubhar Singh apne parivaar ko dekhkar emotional ho gaye ...... Aaj kai saalon baad sabne unko dekha tha . milna milana, ek doosre ka haalchal pooch ke RajGuruji aur Raghubhar Singh ko aasan grahan karne ko kaha gaya .


Sab 2 ghante pehle hi helicopters se yahan phonche they . lekin RajGuruji aur Raja Raghubhar Singh bas ek sakhs ko talaash rahey they joh unko nahi dikha .

Sab virajmaan huye tab RajGuruji ne poocha ," Aryan kahan hai hum dono usse milne itni dur se aayen hain usko toh bulwayo ".


Aryan ka naam sunkar sab chup ho gaye tab Tribhuvan ne kaha ," Aryan abhi Alwar nahi phoncha ". 


RajGuruji ," prantu vatsh tum ne toh kaha tha ki woh kal Jaipur aa chuka hai apne parivaar sahit aur aaj yahan aayega ".


Tab Raja Jabar Singh ne kaha ," Guruji woh raatri tak aa jayega lekin woh swayamvar mei Rajkumari ka haath vivah ke liye sarvsresth yodha ki bhanti jeet kar thamega parampara ke anusaar ".


RajGuruji apne aasan se khade hokar bole ," Tribhuvan tum galti kar rahey ho usko khud Rajkumari ne chuna hai phir swayamvar ka kya pryojan ".


Raja Tribhuvan ," guruji yeh faisla saare Rajpootana council aur sab Rajwaadon ke karan huya hai . Aryan kyonki gair Rajpoot hai usko apni shrestha sabit karni hogi tabhi woh Deepti se vivah kar sakta hai ".


Raja Raghubhar Singh khade huye toh sab khade ho gaye , woh sabko gusse se dekhe ," tum sabki mati maari gayi hai, Koi aur Rajkumari ko chu bhi nahi sakta aur yeh dono ek dooje se judey hain inko koi alag nahi kar sakta. mujhe laga mein kabhi jeete ji Deepti ki mukti aur Divya Talvaar dekh nahi sakunga lekin Aryan ko chunkar ek umeed ban gayi hai ...... tumko kya lagta hai Rajkumari koi shadran ladki hai phir Aryan toh pakka ashadharan hi hoga . Tribhuvan poora Darbaar khaali karwayo mujhe Guruji , tumse aur Jabar se akele mei baat karni hai ".


Sab chale gaye tab Raghubhar Singh ne aage badhkar apne bete Jabar ko ek thappad kheench ke maara toh baaki dono stabhd reh gaye . 


Raghubhar ne 2 thappad aur diye , gusse mei phukarte huye bole ," nalayak aur nikkame ho tum dono , tum dono kabhi Raj singhasaan ke yogh hi nahi they ..... aur tu nalayak ab samajh me aaya meine kyon tujhe thappad maare tune ek nahi 3 -3 galti ki ......  pehli yeh swayamvar ki shart tune rakhi hogi Tribhuvan me itni akal nahi hai . doosri Aryan Deepti ke milan ki wajah se tum dono pe nisantan ka sahrap khatam ho jayega . teesra agar Aryan wahi hai toh Mahakaal ka ashirwad uske sar pe hoga sawam Bhagwan Bholenath ka . woh Divya Talvaar hamare purvajon ko surakhsit rakhne ko mili thi jabki uska galat prayog huya . teri vajah se poora Rajpootana viraan ho jayega . Guruji khud uske darshan ko tarash rahey hain pooch unse kyon ?"


RajGuruji ," swayamvar kab ka rakha hai aur kon kon aa raha hai ".


Raja Tribhuvan ," maaf karna Guruji humse galti ho gayi kal subha swayamvar ki parkirya shuru hogi. 40 Rajpootana ke Raja , 30 doosre Indian states ke aur 35 videshi Raja bhi aa rahey hain apne yodha lekar".


Raghubhar Singh ," Tribhuvan tu ne toh beti mana Deepti ko phir jab Aryan ko usne chun liya kya jarurat thi yeh sab karne ki . gadhon yeh toh sochon Seetaji ka swayamvar huya aur phir Droupdhi ka aur na jaane kitne . lekin swayamvar ki wajah se kitne veer aur shurma maare gaye , lakhon croron . Tum toh pehle hi sabko marwa ke tab Deepti ka haath Aryan ko sopunge . Tum ko nahin pata Deepti aur Aryan ko koi bahot badi do Shaktiyan protect kar rahi hain yeh mujhe kal pata chala . Tribhuvan meri mano toh cancel kar do chahye tumhe sar jhuk ke maafi maangni pade ".


RajGuruji ," nahi Raghubhar ab baat Rajpootana shaan ki hai swayamvar hone do ab baat vishwas ki hai ki Deepti ne sahi chunaw kiya hai ".


Raghubhar Singh ," jaisa aap kahey gurudev , Alwar ko chaawni bana do , yeh baat yahan se bahar nahi jayegi ki swayamvar huya tha aur Aryan ko jald se jald bulwayo . hamare ikaanth me rehne ka prabandh karo ".

________________________________ 


Guruji aur Raghubhar Singh ke jaane ke baad Jabar Singh kutil muskaan liye bola," pitaji ka haath abhi bhi utna hi karara hai ..... ha ha ha ".Tribhuvan Singh bhi chakit tha yeh Jabar kis mitti ka bana hai . 


Jabar Singh ne kaha ," tum swayamvar ki tyaari karo aur Aryan ko call kar Rajkumari Deepti se pehle baat karwa ke khud amantrit karo . Mein baaki sab dekhta hun , Aaj raat ko 11 bajey doosre Mahal pe gupt Rajpootana council ki meeting hogi wahan hum saath hi chalenge ".


Tribhuvan apne Pradhan mantri ko aadesh diya aur Rajmahal se 2 km bahar tak saari killabandi karne ka aadesh diya , koi parinda bhi meri izajat ke bagar bahar ya andar na jaa paye ".


Udher kaksh me Deepti bas Aryan ke sapno me khoyi thi , woh meetha sparsh , woh choomna, woh meri care karna , apni goad me bitha lena , unka sunder badan kitna balisht aur mann mohak hai. Jaldi se mujhe apna lo mere prananath mein apke bina adhuri si hun .



Dono raniyon Sangita aur Jamuna ke saath Suchitra bethi thi unke kaksh me darwaja band kar teeno mantrna kar rahi thi ........ 

Sangita ," yeh aachanak Rana Sa ko Rajkumari ke swayamvar ki kya pad gayi jab hum ne Aryan ko chun liya aur rishta bhi tay ho gaya ".


Jamuna ," Didi , yeh Raja Jabar Singh ne prastaav rakha hoga woh council ke chairman hai ".


Suchitra ," bhabhi , jis tarah Rati maaji ne challenge diya uske baad toh bahot khoon kharaba hone waala hai . Aryan ko yeh log jaante nahi hai meine khud apni aankhon se Deepti ko kidnappers se chudane ke liye akele usko gajar mooli ki tarah sab gundon ko maarte huye suna I mean dekha camera pe . Aap nahi jaanti lekin mere nandoi Thakur Baldev Singh bata rahey they Aryan ne 2 saal pehle apni judwa bhen Meena ke liye nihatthye  hi ek poora gaon khatam kar diya tha ".


Rani Sangita thoda josh se boli," phir toh sab Thakuron ne apni mout ko lalkara hai . Deepti pe Aryan ka hak ushi din ho gaya tha jab bina jaane pehchane usne hamari beti ko kidnappers se mukht karwaya . Deepti ka itne saal purana pyar hai woh phir ye dono karna kya chahte hain ".


Rani Jamuna thoda serious hokar boli," Didi , mujhe ek hi baat samjh mei aa rahi hai inko khazaana aur Divya Talvaar chahiye apne liye magar jaisa guruji ne kaha hai toh khojne waala aur Deepti ki jaan bachane waala toh sirf Aryan hi hoga yeh kaise hak jata payenge ".


Suchitra ," bura na maan na magar koi bhi Aryan ko taakat aur porush me toh  nahi hara payega itna vishwas hai ".


Jamuna ," hum ko Rana Sa se baat karni chahiye ".

Tabhi kaksh me Tribhuvan aaya teeno ne  khade hokar abhivadan kiya . Suchitra permission lekar jaane lagi toh Tribhuvan ne usko rok liya .


Tribhuvan ," Meri bhen tum bhi yahi batho humne Rajkumari ko bulawa bheja hai "...... sub ne uski taraf dekha toh muskara ke bola ," Rajkumari ke vivah ke liye Aryan ki family ko invitation bhi to dena hoga , Kya aap sabko Aryan pasand nahi "...... hi hi hi hi hi .....


Sangita thoda chintit hokar ," Rana Sa maaf karna , Kya humne subha unki family ko bula ke apmaan nahi kiya . Ab aap khud unko amantrit kar rahey hain".


Tribhuvan ," subha bhi humne ladki ke pita ki hasiyat se Aryan ki family ko bulaya tha aur ek Raja ki tarah apni sharat rakhi thi swayamvar waali . Abhi bhi hum ek Raja aur pita ki tarah unki family ko swayamvar me bhaag lene aur Deepti se vivah waali baat pe kayam Hain ".


Jamuna ," Rana Sa humko yeh nahi bhulna chahiye ki kunwar Aryan ne hi Deepti ki jaan bachai thi aur samay chakra shuru ho gaya tha . Aage bhi kunwar hi hamari beti ko ish sankat se bacha sakte hain phir hum kyon deri kar rahe hain ?"


Tribhuvan thoda serious hokar ," Rani sa baat itni aasaan nahi hai , Rajpootana council aur hamara samaj ke bhi kuch usool aur niyam hai . Kal Rajkumari Deepti hamare singhaashan aur jaisa Raja Jabar Singh ne bhi kaha unki jagah Rajpootana council chairman ki seat pe virajmaan hogi toh kon unko samman dega . yeh toh hum sab hi jaante hain Aryan hi woh purush hai joh Rajkumari ka var hoga lekin council aur rajvaade yeh maan jaayen kya yeh sambhav hai . Phir Aryan khud itna bahadur aur taakatwar hai toh ajmaane do auron ko bhi apna josh jab harenge usse toh khud sar nahi utha payenge balki Aryan aur Deepti ke pairon ke hamesha nicche hi rahenge".


Jamuna ne apni baat rakhi ," Rana Sa kahin aap aur Raja Jabar Singh ush khazaane aur Divya Talvaar ko paane ki wajah se toh yeh sab nahi kar rahey? ".


Tribhuvan khoob hasa ," ha ha ha ha ha ..... theek kaha Rani sa kon ush khazaane aur Divya Talvaar ko paana nahi chahta prantu kya hamare kehne bhar se woh humko mil jayega , kadaapi naheen ...... har rajwaada ushpar hak to lena chahega parantu Aryan aur Deepti hi faisla lenge ..... phir sab kuch Rajkumari ka hi toh hai bhale hi kal hamari santaan janam le lekin Rajgaddi ki Maharani Deepti hi hogi ".


Tabhi bahar se dawarpal ne annouce kiya ki Rajkumari Deepti padhaar rahi hain .


Raja Tribhuvan haskar bole ," dekha nayi Maharani ka naam liya aur woh hazir ho rahi hain ..... ha ha ha ha ha "...... 


Baaki teeno bhi hasne lagi , Deepti ne shahi kaksh mei pravesh kar sabko pranaam kiya toh usko bethne ko kaha gaya ......


Raja Tribhuvan ," putri Deepti humne aapke swayamvar ki ghosna ki hai aur kal ek se ek shurveer , dhani , shaktishaali aur Sundar aap ke yog var banne ke liye aayenge ..... aap ka faisla aakhiri hoga ki pratiyogita ke baad kiska varan karen ".


Rajkumari Deepti ne haath jodkar kaha ," Pitaji Maharaaj hum apna var jinko chun liye hain unko aap bhali bhaanti jaante hain ".


Raja Tribhuvan Singh muskara ke dono raniyon ko dekhkar bole ," phir aapko hamara ek nimatran bhejna hoga ki Aryan jald se jald yahan aayen aur vivah ki ish prakirya ke bhaagi baney ".


Rajkumari Deepti," joh aagya pitaji Maharaaj , hamey aagya den ".


Tribhuvan ne baaki sab ko jaane ka aadesh diya ," humko apni beti se akele mei baat karni hai ".


Suchitra aur Deepti ki 2 khaas daasiyan bahar chali gayi ...... tab Sangita ne uthkar Deepti ka maatha chooma ," tumhare sapno ka Rajkumar Aryan jaroor jeetega aur tumhe apni ardhangi banega "...... Jamuna ne bhi aisa hi kaha .


Raja Tribhuvan ," Deepti beti mein jaanta hun Aryan aur uska parivaar hamse naraaz hai magar hamari bhi majboori hai . I hope you will understand my situation "...... ab shahi adab se nahi maa baap beti baat kar rahey they .


Deepti ne apne cellphone se Aryan ko call milaya toh Rani Jamuna ne speaker on kar diya taaki sab sun sake kya baat huyi ...... call attend hote hi ...... 


"hamari darling Deepti ko hamari yaad toh aayi I love you jaan and miss you lipstick strawberry taste ...... "


Deepti ne jhat se phone kaat diya aur sharma ne lagi aur teeno hasne lagey .... Deepti apne mann me kitne besharm hain kahin bhi shuru ho jaate hain. 


Jamuna haskar ," waah kunwar ji bahot romantic hain aur kafi kuch taste bhi kar chuke hain ...... hi hihihihi ...... "

Deepti ne phir se phone milaya ," aapse Daddy baat karenge "...... aur phone Tribhuvan ko de diya .


Tribhuvan ," Aryan beta mein tumko Alwar apne Rajmahal parivaar sahit amantrit karta hun ho sake toh shaam tak aa jayo toh kuch baatien ho jayegi aur Deepti ke Mamaji aur hamare RajGuruji tumse specially milne aaye huye Hain "....... phir speaker on kar diya .


Aryan ne udher se jawaab diya ," Charan sparsh Raja shabh , hum 2 ghante me Alwar ke liye nikal rahey hain plane se bas aapki airstrip clear honi chahiye ...... Rajkumari Deepti ko mera poore khandhan ne bhi pasand kiya hai toh apni amanat to hum lekar he jayenge ...... aacha wahin aakar baatien hongi ".


Raja Tribhuvan badi khusi se ," lo bhai tum dono toh keh rahi thi unka humne apmaan kiya jabki woh khud sabke saath aa rahein hain , kyon beti ab toh khush ho "........ 


Deepti bhi smile karti wahan se apne kaksh mei chali gayi aur Aryan ko call mila usko shikyat ki kaise sabne sunn liya tha speaker on tha . 


8 baje evening mei Aryan ka poora parivaar Alwar ke airstrip se utar seedha Rajmahal phoncha jahan unka swagat huya ...... Rajmahal poori roshni aur sajawat se jagmaga raha tha ...... sacch mei sabko Rajmahal aur uski bhavta dekhkar anand ho raha tha ...... 


Darbar mei sab phonche toh sabkuch jaise sapne jaisa tha , sabne Raja Tribhuvan Singh ko pranaam kiya toh unho ne haste huye unka abhivadan swikaar kiya .


RajGuruji aur Raghubhar Singh jab suchna milne pe phonche toh RajGuruji Aryan ko dekhkar apni khusi chhipa na sake aur Aryan ke aage haath jodkar sar jhukaye toh woh samajh gaya bahot sidh purush hain .
 

Aryan ne aage badhkar unke paon chuhye toh unho ne usko gale laga liya . gale lagate hi bade Guruji ( vishaal ped ) ne unko mann me darshan diye toh bichare khusi se roo padey ....... jisko tum dhoond rahe ho woh aapko aachanak mil jaye toh insaan kya sadhu ki bhi tapsya poori ho jaati hai. 


Aryan toh pichle janam mei Nishaank Guruji ka guru bhai tha joh RajGuruji aur Rati ke parivaar ke guru they ...... 

Sab bas RajGuruji ko dekhkar aschariye chakit the ki woh Aryan ko itna samman de rahe they jabki baaki sab toh Aryan ki personality dekhkar hi impressed they ki yahi yogh var hai .

Aryan ke poore parivaar ko Rajmahal me Deepti ke aagrah pe rukaya gaya lekin Aryan ko Rajmahal se 2 km door alag Mahal me rukya gaya tha jahan doosre partiduvandi bhi rukne waale they . 

[Dmahi19]

Rajkumari Deepti

[Dmahi19]

Bhai kya X Forum close ho gaya hai???

Error 523 Ray ID: 584bcc35182fee13 • 2020-04-16 06:19:57 UTC
Origin is unreachable

Don't know exactly ? Maybe maintenance work or fully shut down gods know????

Don't worry if you want to read my story this is the first site I started story .

On the recommendation of one my close friend who suggest me to post my story that forum also .

Since then I m posting updates simultaneously on both forum same day same Update..... Without any partiality .

This I do to for safer side of my story if any one forum closed then other can be safe house ..... And see it becomes today true .
This happened to many writers at the era of xossip ..... Forum closed lost their story and backup .

Keep reading and posting your views and comments on the story.

[123aaliahai]

Nice update

[Dmahi19]

Nice update

Thanks bhai.
Keep reading and posting your views and comments on the story.

[omkarkumar2001]

Awesome updates

[bajaj_innova]

Unable to express words, simply superb

[Aryarock 123]

Wah Bhai
Awesome
Maja aa gaya

[vkf]

excellent story and super update

[Dmahi19]

Awesome updates

Thanks bhai.

[Dmahi19]

Unable to express words, simply superb

Thanks bhai for your support and encouragement.

[Dmahi19]

Wah Bhai
Awesome
Maja aa gaya

Thanks bhai.
Keep reading and posting your views and comments on the story.