బ్రహ్మ జ్ఞానం

[dev369]

శ్రీ విష్ణు సహస్రనామ స్తోత్ర పారాయణము
అభీష్టసిద్ధికి ఈ క్రింద సూచించిన శ్లోకములను
108 మార్లు జపించవలెను.

పిల్లల క్షేమార్థము తల్లిదండ్రులు జపము చేయవచ్చును:

1. విద్యాభివృద్ధికి :-

14వ శ్లోకం.
సర్వగ సర్వవిద్భాను ర్విష్వక్సేనో జనార్దనః |
వేదో వేదవిదవ్యంగో వేదాంగో వేదవిత్కవిః ||

2. ఉదర రోగ నివృత్తికి:-

16వ శ్లోకం.
భ్రాజిష్ణు ర్భోజనం భోక్తా సహిష్ణు ర్జగదాదిజః |
అనఘో విజయో జేతా విశ్వయోనిః పునర్వసుః ||

3. ఉత్సాహమునకు:-

18వ శ్లోకం.
వేద్యో వైద్య స్సదాయోగీ వీరహా మాధవో మధుః |
అతీంద్రియో మహామాయో మహోత్సాహో మహాబలః ||

4. మేధాసంపత్తికి:-

19వ శ్లోకం.
మహాబుధ్ధి ర్మహావీర్యో మహాశక్తి ర్మహాద్యుతిః |
అనిర్దేశ్య వపుః శ్రీమా నమేయాత్మా మహాద్రిధృక్ ||

5. కంటి చూపునకు:-

24వ శ్లోకం.
అగ్రణీ గ్రామణీ శ్రీమాన్ న్యాయో నేత సమీరణః |
సహస్రమూర్థా విశ్వాత్మ సహస్రాక్ష స్సహస్రపాత్ ||

6. కోరికలిరేడుటకు:-

27వ శ్లోకం.
అసంఖ్యేయో2ప్రమేయాత్మ విశిష్ట శ్శిష్ట క్రుచ్ఛిచిః |
సిద్ధార్థ స్సిధ్ధసంకల్పః సిద్ధిద స్సిధ్ధిసాధనః ||

7. వివాహ ప్రాప్తికి:-

32వ శ్లోకం.
భూతభవ్య భవన్నాధః పవనః పావనో2నలః |
కామహా కామక్రుత్కాన్తః కామః కామప్రదః ప్రభుః ||

8. అభివృద్ధికి:-

42వ శ్లోకం.
వ్యవసాయో వ్యవస్థానః సంస్థాన స్స్థానదో ధ్రువః |
పరర్థిః పరమ స్పష్ట: స్తుష్ట: పుష్ట శ్శుభేక్షణః ||

9. మరణ భీతి తొలగుటకు:-

44వ శ్లోకం.
వైకుంఠ: పురుషః ప్రాణః ప్రాణదః ప్రణవః ప్రుథుః |
హిరణ్యగర్భః శత్రుఘ్నో వ్యాప్తో వాయు రథోక్షజః ||

10. కుటుంబ ధనాభివ్రుద్ధికి:-

46వ శ్లోకం.
విస్తారః స్థావర స్స్తాణుః ప్రమాణం బీజ మవ్యయం |
అర్థో2నర్థో మహాకోశో మహాభోగో మహాధనః ||

11. జ్ఞానాభివ్రుద్ధికి:-

48వ శ్లోకం.
యజ్ఞ ఇజ్యో మహేజ్యశ్చ క్రతు స్సత్రం సతాం గతిః |
సర్వదర్సీ నివృతాత్మ సర్వజ్ఞో జ్ఞాన ముత్తమం ||

12. క్షేమాభివ్రుధ్ధికి:-

64వ శ్లోకం
అనివర్తీ నివృత్తాత్మ సంక్షేప్తా క్షేమక్రుచ్ఛివః |
శ్రీవత్సవక్షా శ్శ్రీవాస శ్శ్రీపతిః శ్శ్రీమతాం వరః ||

13. నిరంతర దైవ చింతనకు:-

65వ శ్లోకం.
శ్రీద శ్శ్రీశ శ్శ్రీనివాసః శ్రీనిధిః శ్రీవిభావనః |
శ్రీధరః శ్రీకర శ్శ్రేయః శ్రీమాన్ లోకత్రయాశ్రయః ||

14. దుఃఖ నివారణకు:-

67వ శ్లోకం.
ఉదీర్ణ స్సర్వత శ్చక్షు రనీశ శ్శాశ్వత స్థిరః |
భూశయో భూషణో భూతి ర్విశోక శ్శోక నాశనః ||

15. జన్మ రాహిత్యమునకు:-

75వ శ్లోకం.
సద్గతి స్సత్క్రుతి స్సత్తా సద్భూతి స్సత్పరాయణః |
శూరసేనో యదుశ్రేష్ఠ స్సన్నివాస స్సుయామునః ||

16. శత్రువుల జయించుటకు:-

88వ శ్లోకం.
సులభ స్సువ్రత సిద్ధ శ్శత్రుజి చ్ఛత్రు తాపనః !
న్యగ్రోధో దుంబరో2శ్వత్ఠ శ్చాణూరాంధ్ర నిషూధనః ||

17. భయ నాశనమునకు:-

89వ శ్లోకం.
సహస్రార్చి స్సప్తజిహ్వ స్సప్తైధా స్సప్తవాహనః |
అమూర్తి రణఘో2చింత్యో భయక్రు ద్భయ నాశనః ||

18. మంగళ ప్రాప్తికి:-

96వ శ్లోకం.
సనాత్సనాతన తమః కపిలః కపి రవ్యయః |
స్వస్తిద స్స్వస్తిక్రుత్ స్వస్తి స్వస్తిభుక్ స్వస్తిదక్షిణః ||

19. ఆపదలు తొలగుటకు, లోక కల్యాణమునకు:-

97 & 98వ శ్లోకం.
అరౌద్రః కుండలీ చక్రీ విక్రమ్యూర్జిత శాసనః |
శబ్దాదిగ శ్శబ్దసహ శ్శిశిర శ్శర్వరీకరః ||
అక్రూరః పేశలో దక్షో దక్షిణః క్షమిణాం వరః |
విద్వత్తమో వీతభయః పుణ్యశ్రవణకీర్తనః ||

20. దుస్వప్న నాశనమునకు:-

99వ శ్లోకం.
ఉత్తారణో దుష్క్రుతిహా పుణ్యోదుస్వప్న నాశనః |
వీరహా రక్షణ స్సంతో జీవనం పర్యవస్తితః ||

21. పాపక్షయమునకు:-

106వ శ్లోకం.
ఆత్మయోని స్స్వయం జాతో వైఖాన స్సామగాయనః |
దేవకీ నందన స్స్రష్టా క్షితీశః పాపనాసనః ||

[dev369]

జాతకానికి సంబంధించి సూక్ష్మ పరిశీలన ::-


D (1) లగ్నకుండలి ::-

లగ్నకుండలి జీవితానికి సంబంధించిన అన్ని అంశాలను చెపుతుంది.

D (2) హోరా ::-

హోరా కుండలి ఆర్థిక స్తితిని గురించి తెలియ జేస్తుంది.

అలాగే మనలో ఉండే వివిధ అంశాల సంతులతను సూచిస్తుంది.

సింహం మనలో ఉండే బహిర్గత అంశాలను, కర్కాటకం అంతర్గత అంశాలను సూచిస్తుంది.

D (3) ద్రేక్కాణం ::-

ద్రేక్కాణం శరీర భాగాలు, ఆరోగ్య సమస్యల గురించి చెబుతుంది.

ఇది లగ్న కుండలి లో 3 వ భావం, సోదరీమణులు, స్నేహితులు మరియు భాగస్వామ్యాలు గురించి చెబుతుంది.

ఇది మన సామర్థ్యాన్ని పని, లేదా ఒక సమూహం లో, కొన్ని లక్ష్యాన్ని సాధించడాన్ని సూచిస్తుంది. శక్తి, ఆసక్తి, ధైర్యం, పరాక్రమం.

మొదలైనవి ద్రేక్కాణ కుండలి ద్వారా తెలుసుకోవచ్చు విశ్లేషణ కొరకు లగ్న కుండలి మరియు కుజుడి స్థితి మరియు 3 వ భావాన్ని తనిఖీ చెయ్యాలి.

D (4) చతుర్థాంశ చక్రం ::-

చతుర్థాంశ మనకు కలిగే సౌకర్యాలు, గృహ వాహనాది యోగాలు, మన జీవితం కష్టాలతో కూడినదా లేక సుఖాలతో కూడినదా..

తదితర అంశాల గురించి చెపుతుంది.

D (7) సప్తాంశ కుండలి ::-

సప్తాంశ సంతానం గురించి అలాగే మనలో ఉండే సృజనాత్మక శక్తి గురించి చెపుతుంది.

D (9) నవాంశ కుండలి ::-

నవాంశ కుండలి వైవాహిక జీవితం గురించి, జీవిత, వ్యాపార భాగస్వామి గురించి, మన అదృష్టం గురించి చెపుతుంది.

D (10) దశమాంశ చక్రం ::-

దశమాంశ ఉద్యోగము మరియు కీర్తి ప్రతిష్టల గురించి తెలియ జేస్తుంది.

D (12) ద్వాదశాంశ చక్రం ::-

ద్వాదశాంశ మన అదృష్టం గురించి, పూర్వ జన్మలో మనం చేసిన కర్మ ఫలితాలను గురించి తెలియజేస్తుంది.

అలాగే వంశ సంబంధ దోషాలను గురించి కూడా తెలియ జేస్తుంది.

D ( 16 ) షోడశాంశ చక్రం ::-

షోడశాంశ మనకు గల గృహ, వాహనాది సౌఖ్యాలను గురించి తెలిసజేస్తుంది.

అలాగే ఒక వ్యక్తి అంతర్గంతంగా ఎలాంటివాడో తెలుసుకోవటానికి ఇది ఉపయోగపడుతుంది.

D (20) వింశాంశ చక్రం ::-

వింశాంశ మనం చేసే దైవారాధన, అనుకూల దైవం, గురూపదేశం తదితర ఆధ్యాత్మిక అంశాలను తెలియ జేస్తుంది.

మనం ఏ దేవున్ని ఉపాసన చేయాలి అనేది దీని ద్వారా కనుక్కోవచ్చు.

D (24) చతుర్వింశాంశ చక్రం ::-

చతుర్వింశాంశ మన విద్యను గురించి ఆధ్యాత్మికతను గురించి తెలియజేస్తుంది.

D (27) సప్తవింశాంశ చక్రం ::-

సప్తవింశాంశ మన శారీరక, మానసిక శక్తియుక్తుల గురించి తెలియజేస్తుంది.

అలాగే మన జీవితానికి సంబందించిన అంశాల సూక్ష్మపరిశీలనకు లగ్నకుండలితో పాటు దీన్ని కూడా పరిశీలించాలి.

D (30) త్రింశాంశ చక్రం ::-

త్రింశాంశ మన కష్ట, నష్టాలను గురించి, అనుకోకుండా వచ్చే ఆపదల గురించి, ప్రమాదాల గురించి తెలియజేస్తుంది.

D (40) ఖవేదాంశ చక్రం ::-

ఖవేదాంశ జాతకాన్ని మరింత క్షుణ్ణంగా అధ్యయనం చేయటానికి, జాతకంలో కల శుభాశుభ అంశాలను తెలుసుకోవటానికి అలాగే మనకు కల అలవాట్లను, భావోద్వేగాలను అంచనా వేయటానికి ఉపయోగపడుతుంది.

D (45) అక్షవేదాంశ చక్రం ::-

అక్షవేదాంశ మనకుండే నైతిక విలువలను గురించి, జాతకానికి సంబంధించిన అంశాలను సూక్ష్మ పరిశీలన చేయటానికి ఉపయోగ పడుతుంది.

D (60) షష్ట్యంశ చక్రం::-

షష్ట్యంశ జాతకానికి సంబంధించి సూక్ష్మ పరిశీలనకు అలాగే కవలల జాతకాల పరిశీలన విషయంలో ఇది ఉపయోగపడుతుంది.

[dev369]

దిశా కేస్ మాదిరిగానే మార్చ్ 22, 2020 నుండి ఏప్రిల్ 7, 2020 వరకు ఆడవారిపై అత్యాచారాలు జరుగును కావున జాగ్రత్త వహించండి.



THIS IS BASED ON MUNDANE ASTROLOGY.

[dev369]

Gold and Silver down till Feb month end.



It is purely Astrology based production.

[dev369]

Hi Friends,

some members are asking me to know their Horoscopes but i am very sorry.

i am not interested on reading individual horoscopes, my research on mundane and financial astrology (stock market astrology). so i am busy with my work and research.

[dev369]

ఈ ప్రాచీన భారత శిల్పాన్ని గమనించి చూడండి.
సాధారణ ఎద్దులబండి చక్రానికి భిన్నంగా, నేటి సెగ్ వే లాంటి వాహనాలకు దగ్గరగా కనబడుతోంది

[dev369]

ఏలినాటి శని

ప్రస్తుతము గ్రహ ప్రభావములో ఎక్కువగా ప్రచారములో ఉండి భయమును కలిగించేవాటిలో ఏలినాటి శని ప్రభాము ఒకటి. కుజ దోషము, కాల సర్ప దోషము, రాహు కేతు ప్రభావము, ఏలినాటి శని ఇలా కొన్ని గ్రహస్థితుల ప్రభావాలను తెలుసుకొనుటకు ఈ విధముగా పేర్లు పెట్టినారు.

నిజానికి ఏ గ్రహము తనకు తానుగా మంచి చెడు వంటి ప్రభావము చూపదు. కర్మ సిద్ధాంతమును అనుసరించి చేసిన కర్మల ఫలితాన్ని వారు ఇచ్చుటకు అధికారులుగా ఉన్నారు.
కావున కర్మలను అనుసరించే ప్రభావము చూపిస్తారు.

దైవాంశములతో గ్రహములు ఆకాశమున నిలిచి కాలమును నడిపిస్తూ మానవులకు సుఖ దుఃఖములను కలిగిస్తాయి తప్ప వారంతట వారు ఇచ్చుటకు అధికారము లేదు.

ఈ ఏలినాటి శని ప్రభావము ప్రస్తుత కాలములో చాల ప్రాచుర్యములో ఉన్నది, ఏలినాటి శని అంటేనే ప్రజలు భయముతో అవునట్లు తయారయినది కాలము.

ఓరి పిచ్చివాడా ఏ గ్రహమయినా తన ధర్మమును తాను నెరవేరుస్తుంది వారికి నీపై ఏ ప్రతీకార కక్షలు ఉండవు, నీవు చేసిన ధర్మ ఖర్మల ఫలమును సుఖ రోపములో పాప కర్మల ఫలములను దుఃఖ రూపుగా వారు అనుభవింప చేస్తారు తప వారు దైవాంశ సంభూతులు అని శాస్త్రములో అంతగా చెప్పలేదు.

దైవము ఒకరికి అపకారము చేయలేదని వారు ధర్మ బద్ధులని చెప్పకపోవుట చేత శనిని చూస్తె భయము, ఏలినాటి శని అంటే భయము, అష్టమ శని అంటే భయము ఇలా శని అన్నచో మానవులకు దైవ భావముకన్న భయభావము పెరిగి పోయినది దీనికి పండితులు కొంత కారణము అయినా ఎక్కువగా స్వార్ధము బుద్ధితో ఎదుటి వాని నుండి ధనము రాబట్టుకు ధర్మ బుద్ధి లేని కొందరి జ్యోతిష్యులు కారణముగా తెలుస్తున్నది. ఇటు వంటి అధర్మ పరులైన కొందరి వలన మంచివారికి కూడా చెడ్డపేరు వచ్చినది దానివలన ప్రజలలో నమ్మకము తగ్గినది.

ఏలినాటి శని ప్రభావము అంటే ఏమిటి ? అది అందరికి ఒకేలా ప్రభావము చూపిస్తుందా? అనే విషయాలు చక్కగా తెలియాలి.

భూమిపై నుండి ఆకాశములో చూస్తె ప్రతీ గ్రహము సంచారము చేస్తున్నట్లు కనిపిస్తుంది. నిజానికి ఒక సూర్య గ్రహము తప్ప మిగిలిన గ్రహములు అన్నియు మరియు భూమితో సహా సూర్యుడి చుట్టూ పరిభ్రమణము చేస్తాయి.

ఇలా భూమి పై నుండి చూస్తున్నపు ఆకాశములో ఉండే నక్షత్ర మండలాల మీదుగా ప్రయాణము చేస్తున్నట్లు కనిపిస్తాయి. వాటి ఆధారముగా ఏ గ్రహము ఏ రాశిలో ఉన్నది అని గణితభాగము ద్వార తెలుసుకొను చున్నాము.

ఇలా శని గ్రహము 12 రాశులలో 27 నక్షత్రములపై సంచారము చేస్తూఉంటాడు.

ఏలినాటి శని సంచార ప్రభావాన్ని రెండు రకములుగా తీసుకుంటున్నారు.

1. జన్మ లగ్న ఆధారముగా
2. జన్మ రాశి (చంద్రుడు ఉండు రాశి)

ఈ రెండు విధములుగా ఏలినాటి శని పభావఫలము తెలుపుచున్నారు.

ఇందులో జన్మ లగ్న ఆధారముగా ఏలినాటి శని ప్రభావము వాస్తవము. జన్మ రాశిని అనుసరించి చెప్పడము సరి అయింది కాదు దాని వలన ఫలము నిష్ఫలము.

ఏ ఫలము అయినా జన్మ లగ్నమును అనుసరించే చెప్పాలి. జన్మ రాశి అనుసరించిన ఫలము రాదు.

ఏమిటి ఏలినాటి శని?

శని భగవానుడు జన్మ లగ్నములలో ద్వాదశ, లగ్న, ద్వితీయ స్తానములపై అనగా 12, 1, 2 సంచారము చేసినప్పుడు చూపు ప్రభావాన్ని ఏలినాటి శని ప్రభావము అని అంటారు.

పన్నెండు రాశులు ఉన్నవి కదా మరి ఈ 3 స్థానములలో శని సంచారాన్ని ఎందుకు ఇంతగా చెపారు అనెది ముఖ్యమయిన విషయము.

ఎలినాటి శని అందరికి ఒకే రీతిగా ప్రభావము చూపిస్తుందా?

12 లగ్నముల వారికి వేరు వారు రీతిగా ప్రభావము చూపిస్తాయి. 12 లగ్నముల వారికి 12, 1, 2 స్థానములు ఎప్పటికి ఒకటిగా రావు, కావున ఏలినాటి శని ప్రభావము వేరు వేరుగా ఉంటుంది. ప్రతీ లగ్నమునకి వేరుగా ఉంటుంది.

లగ్న ద్వాదశాత్తు ఏలినాటి శని ప్రభావము ప్రారంభము అవుతుంది. చంద్ర లగ్నాత్తు(చంద్ర రాశి) ఏలినాటి శని ప్రారంభము కాదు. ఇది అనుభవమున ఎవరునూ చూపలేరు.

ఎలినాటి శని ప్రభావము అందరకి కీడునే కలిగిస్తుందా?

శని కొన్ని లగ్నములకు శుభుడు కొన్ని లగములు ఆశుభుడు. ఏ లగ్నమునకు అయినా శుభుడు ఎన్నడూ కీడు కలిగించడు. నీ పుణ్య ఫలము నీకు కీడు కలిగిస్తుంది అనుట అధర్మము. అలాగే శని భగవానుడు జాతకుని కర్మ రీత్యా పుణ్యము ప్రసాదించు వాడిగా నియమితుడైనందున వారు పుణ్య ఫలమును అనుభవింప చేస్తారు తప్ప దుఖమును కలిగించరు.

ఆ శని భగవానుడు పాప కర్మమును అనుభవింప చేయుటకు నినయము చేయబడిన ఆ జాతకునికి ఆ కర్మల ఫలము దుఃఖ రూపముగా రోగ రూపముగా ఆయా రూపములుగా కీడు కలిగిస్తాడు. కావున శని పాపము లేదు నిత్య పుణ్యుడు దైవము.

ఒక గ్రహము శుభుడా లేదా పాపియా అనేది లగ్నమే నిర్ణయము చేస్తుంది. లగ్న ఆధారితముగా స్థానము శుభ స్థానమో పాప స్థానమో, గ్రహము శుభ గ్రహమో పాప గ్రహమో అవును.

కావున ఏలినాటి శని ప్రభావము అందరికి కీడు కలిగించదు.

మరి ఏలినాటి శని ఎవరికీ శుభము ఎవరికీ కీడు కలిగిస్తుంది.

శని శుభుడిగా ఉన్న లగ్నములు కలవు అవి వృషభ, మిథున, కన్య, తుల, మకర, కుంభ లగ్నములు. ఈ 6 లగ్నములకు శని ఎల్లప్పుడూ కాపాడుతూ ఉంటాడు. కీడు చేయడు తాను ఉన్న స్థానమును బట్టి చూచెడి స్తానములని బట్టి ఫలము ఇస్తాడు.

గోచార రీత్యా వృషభ, మిథున, కన్య, తుల, మకర, కుంభ లగ్న జాతకులకు శని 12, 1, 2 స్తాములకు వచ్చినప్పుడు శుభాన్నే చేస్తాడు త

ప్ప కీడు చేయడు, కీడు చేస్తాడు అనునది అబద్దము.

శని పాపిగా ఉన్న లగ్నములు కలవు అవి మేష, కటక, సింహ, వృశ్చిక, ధనుస్సు, మీన లగ్నములు. ఈ 6 లగ్నముల వారికి శని పాప ఫలమును ప్రసాదిస్తాడు కీడు కలిగిస్తాడు దుఃఖములని కలిగిస్తాడు తప్ప శుభము చేయలేడు. కర్మ ఫలము తప్పక అనుభవింప చేస్తాడు.

గోచార రీత్యా మేష, కటక, సింహ, వృశ్చిక, ధనుస్సు, మీన లగ్న జాతకులకు శని 12, 1, 2 స్థాన సంచారము చేసినప్పుదు దుఃఖములని అనుభవింప చేస్తాడు.

శని ఒక్కో రాశిలో ఏడున్నర సంవత్సరములు సంచారము చేస్తాడు. శుబుడైన ఏలినాటి శని దోషము లేదు పాపియైన ఏలినాటి శని కీడు తప్పదు.

*********

శని శుభుడైన వృషభ, మిథున, కన్య, తుల, మకర, కుంభ లగ్నము వారికీ ద్వాదశ లగ్న ద్వితీయ సంచారము వలన జీవిత ఆశయములను మెరుగు పరుచును, పోషించును, ఆరోగ్యమును వరూధి చేయును, వ్యాపార ఉద్యోగములను కలిగించును, ధన చలామణి , వాక్ శక్తిని కలిగించును. భార్య భర్తల అనురాగము కలిగించును, ఋణ బాధలు, శత్రు బాధలు తొలగించును, దైవ అనుగ్రహము కలిగించును. సంఘములో పేరు గౌరవము కలిగించును.

శని పాపియైన లగ్నములకు పైన చెపిన దానికి వ్యతిరేకముగా కలిగి బాధించును.

శని దైవ స్వరూపము శని అంటే ఈశ్వరుడే ఈశ్వరుడే శని రూపముగా గ్రహ మండలములో నెలకొని ఉన్నాడు. శని పేరు పెట్టి తిట్టినా, చెడుకు శని పేరు పెట్టి వర్ణించినా, శని పేరు చెప్పి భయమును కలిగించినా పాపము తప్పదు. శనిని అన్న శివున్ని అన్నట్లే.

కావున ఎలి నాటి శని సంచారములో శని శుభుడుగా గల లగ్నముల వారు పూజించి అర్చించిన శుభము, శని ఆశుభుడిగా గల లగ్నముల వారు శని శాంతికి సంకల్పయుతముగా దానము ఇచ్చిన కొంత దోష పరిహారమై బాధ కొంత తాగును కావున సరైన విధముగా పరిహారములు పూజలు చేయిన్చుకోవలెను. శని శుభుడిగా ఉన్న లగ్నముల వారు శనికి పూజ చేయాలి తప్ప దానము చేయరాదు. ఇది గమనించుకోవలసిన ముఖ్య విషయము.

ఏలినాటి శని అంటే భయము అవసరము లేదు. మన కర్మఫలములనే వారు ఇస్తున్నారు తప్ప వారిని దూషించడము మహా పాపము.

[dev369]

brihat-jataka-varaha-mihira.pd



http://www.mediafire.com/file/tsmm5i9jvz...a.pdf/file

[dev369]

Astro-secrets & KP Part5.pdf






http://www.mediafire.com/file/ai0cz09dws...5.pdf/file

[dev369]

* భవనాలు ఎన్ని రకాలు?

ఆంగ్లంలో అవి కట్టబడేదాన్ని బట్టి రకరకాల భవంతుల పేర్లు వింటుంటాము.
కాని మన భాషలోకూడ అనేక రకాల పేర్లున్నాయి వాటిని ఇప్పుడు తెలుసుకుందాము.

#మందిరం - రాళ్ళతో కట్టబడినది.
#సౌధము - గచ్చుతో కట్టబడినది.
#భవనం - కాల్చిన ఇటుకలతో కట్టబడినది.
#సుధారము - మట్టి గోడలతో తయారైనది.
#సుమనము - పచ్చి ఇటుకలతో నిర్మించబడినది.
#మానస్యము - కర్రలతో కట్టబడినది.
#చందనము - బెత్తములతో అల్లబడినది.
#విజయము - వస్త్రముతో(గుడ్డతో) రూపొందినది(డేరా)
#కాలము - గడ్డి, ఆకులతో రూపొందిచబడినది.
#ప్రాయువము - జల గర్జితము (ఎయిర్ కండీషన్)
#అనిలము - లక్కతో నిర్మించినది.
#కరము - బంగారు శిఖరము కలది.
#శ్రీపదం - వెండి శిఖరము కలది.
#సూర్యమంత్రం - రాగి శిఖరము కలది.
#చండము - ఇనుప శిఖరము కలది.

[dev369]

అష్టదిక్పాలకులు..వారి సతీమణులు

అన్ని మతము లలోను దేవుడు , దేవుని ఆరాధన ఉన్నది ... సంప్రదాయాలు , కొలిచే విధానాలు వేరువేరు గా ఉన్నాయి కాని మూలము , అర్ధము , పరమార్ధము , ఒక్కటే ...దేవుడు ఉన్నాడా? లేడా? అన్నది ఎవరికీ తెలీదు . అది ఒక నమ్మకము మాత్రమే . పూర్వము ఆదిమానవుడు ప్రకృతి లో ఉండే భీబత్సవాలు ... ఉరుములు , మెరుపులు , గాలివానలు , సునామీలు , వరదలు , చీకటి , వెలుతురు , చలి , ఎండా, వాన లన నుండి భయపడి అప్రయత్నముగా " అమ్మో , నాన్నో " అని అరిచేవాడు ... చనిపోయిన అమ్మ , నాన్న లను తలచుకొని ధైర్యం తెచ్చుకునేవాడు .. ఆ ధైర్యం తోనే జీవము గడిపేవాడు , రక్షణ కోసము ఏ చెట్టునో ,రాయినో , పుట్టనో ఆశ్రయించేవాడు ... తనకు రక్షణ నిచ్చే ఆ చెట్టును , రాయిని , పుట్టను తనను కాపాడే శక్తి / దేవుడు గా భావించేవాడు . పూజించేవాడు . ఆమ్మ నుండే పుట్టినది 'అమ్మోరు ' , నాన్న నుండి పుట్టినదే 'నారాయణ ' , చెట్టే అమ్మోరు .. పుట్టే నారాయణుడు . దేవుడు లేడని మానవుని నమ్మకాన్ని వమ్ము చేయకూడదు , ఆత్యాద్మికత ఉంటేనే జీవితానికి ఆశ కలుగుతుంది . నమ్మకమే జీవిత నావకు దిక్చూచి . ఈ విశ్వములో రకరకాల మనుషులు , రక రకాల మనషులు ... మనిషి మనిషి కి తేడా , మనసు మనషు కి తేడా ఉంటుంది . మనసు + శరీరము కలిస్తేనే మానవ జీవి . (psycho + soma ) ప్రాణము గాలి నుండి , శరీరము భూమి (మట్టి)నుండి పుడతాయి . పంచభూతాల మిళితమే ఈ విశ్వములోని జీవుల తయారీ . అయితే ఈ పంచభాతాలు ఏమిటి ?. అవి ఎలా ఉద్భవించాయి ? అస్సలు ఎందుకు ఉద్భవించాయి అనేది ఎవరికీ తెలియదు . ప్రతి వస్తువుకి జీవము ఉంటుంది ... కొన్నింటికి అంతర్గతముగాను కొన్నింటికి బహిర్గతము గాను , అంతర్గతం గా జీవమున్న వస్తువులను మనిషి జీవము లేనివిగా భావిస్తాడు .... ఎందుకంటే తానూ బహిర్గతముగా జీవము ఉన్నవాడు అయినందున. ఇక్కడ మనము--అష్టదిక్పాలకులు .. వారి సతీమణులు -- గురించి తెలుసుకొని ఆనందించి జీవన విధి-విధానం లో మన పాత్రేమిటో తెలుసుకుందాం . --

అష్టదిక్పాలకులు ఎవరు.. వారి భార్యల పేర్లు చాలా మందికి తెలియవు. అసలు అష్టదిక్పాలకులు అంటే ఏంటి. నాలుగు ప్రధాన దిక్కులతో పాటు.. నాలుగు దిక్కుల మూలలకు కాపలాగా ఉండే వారినే-అధిపతులుగా ఉండే వారినే అష్టదిక్పాలకులు అంటారు. ఒక హిందూ మతములోనే ఈ దేవతా మూర్తులను మనము చదువ గలుగూ ఉన్నాము . మిగతా మతాలలో ఈ నమ్మకము లేదు. ఆత్యాధ్మికముగా ఇది ఒక నమ్మకము మాత్రమే. ఉన్నారా? లేరా? అనేది ప్రక్కన పెడితే ... దేవుళ్లే మనకి కపాలా ఉన్నార్ననే నమ్మకము మనోబలాన్ని ఇస్తుంది.

అష్టదిక్పాలకులు..వారి సతీమణులు --వీరిలో-------->

• తూర్పు దిక్కుకు ఇంద్రుడు --భార్య : శచీదేవి,
• పడమర దిక్కుకు వరుణుడు--భార్య : కాళికాదేవి,
• ఉత్తర దిక్కుకు కుబేరుడు --భార్య : చిత్రరేఖాదేవి,
• దక్షిణ దిక్కుకు యముడు--భార్య : శ్యామలాదేవి,
• ఆగ్నేయానికి అధిపతిగా అగ్నిదేవుడు--భార్య స్వాహాదేవి: ,
• నైరుతి దిక్కుకు అధిపతిగా నిర్భతి--భార్య : దీర్ఘాదేవి,
• వాయువ్య దిక్కుకు వాయుదేవుడు--భార్య : అంజనాదేవి,
• ఈశాన్య దిక్కుకు ఈశానుడు--భార్య : పార్వతీదేవి . . .

.వీరినే అష్టదిక్పాలకులు అంటారు.

[dev369]

దృక్, సూర్య సిద్ధాంత పంచాంగాలు

భారతదేశంలో సుమారు 2వేల సంవత్సరాల నుంచి వెలువడే పంచాంగాలు దృక్, సూర్య సిద్ధాంతాల ఆధారంగా గణించబడుతున్నాయి. ఈ విధానం ఒక్క భారతదేశంలోనే కనిపిస్తుంది. దృక్ సిద్ధాంతం, సూర్య సిద్ధాంతాల మూల వ్యాఖ్యల మీద గత 150 సంవత్సరాలలో అనేక భాష్య, కారణ, దర్పణ, తిక ఇత్యాది గ్రంధాలు విలువడ్డాయి. ఈ మూల గ్రంధాలో కాని, లేదా వీటి సవరణ, భాష్య గ్రంధాల ఆధారంగా పంచాంగ గణితం చేసి పంచాంగాలు ప్రటిస్తున్నారు.

భారతదేశంలోని వివిధ ప్రాంతీయ భాషలలో దాదాపు 30 పంచాంగాలు ప్రతి సంవత్సరం వెలువడతాయి. వీటన్నింటికి మూలం - దృక్, సూర్య సిద్ధాంత గ్రంధాలే. విభిన్న ప్రాంతీయ ఆచారలను బట్టి ఈ గ్రంధాలు, తదనుగుణ ఉపలబ్ధ భాష్యాలు ప్రమాణంగా వాడుతున్నారు. సూర్య సిద్ధాంతం - కాల శాస్త్రానికి, ఖగోళ శాస్త్రానికి తదనుగుణ గణిత సాధనలకు ప్రమాణ గ్రంధం.

భారతంలోని కేరళ రాష్ట్రానికి చెందిన అతి విశిష్ట పర్యవేక్షక ఖగోళ శాస్త్రజ్ఞుడు, గణిత కోవిదుడు పరమేశ్వర క్రీ.శ. 1431లో దృక్ గణిత పద్ధతి ని నెలకొల్పాడు. అప్పటిదాకా ప్రమాణంగా వాడబడుతున్న 'పరహిత' పద్ధతికి తన పర్యవేక్షక అనుభవాలను అనుసంధానం చేసి దృక్ గణిత సిద్ధాంత పద్ధతి కి కారణ భూతులైయ్యారు.

ప్రాచీన భారతీయ శాస్త్రవేత్తలు ఖగోళశాస్త్రం, గణితశాస్త్రాలలో ఉద్దండ మహా పండితులు. ఊహకే అంతుపట్టనంత దుస్సాధ్యమైన గ్రహ గతులను పరిశీలించి తెలుసుకోవడమే కాక సూర్యుడి ప్రభావంతో విభిన్న గ్రహ గతులు ఎలా ప్రభావితం అవుతాయో పరిశోధనతో అవగతం చేసుకున్నారు. గ్రహ గతులు గణించడానికి ప్రత్యేక గణిత పద్ధతులను వివరించారు.

సూర్య సిద్ధాంతం భారతీయ ఖగోళ-గణిత శాస్త్రానికి ప్రమాణిక గ్రంధం. 1700 ఏళ్ళకు పైగా ఇది భారతదేశ జనపదాలలో అతి విస్తృతంగా ఉపయోగంలో ఉన్న ఖగోళ-గణిత (ఆస్ట్రో-మేథమెటికల్) శాస్త్రంగా వ్యవహారంలో ఉంది. ఇంత సుదీర్ఘ కాలం పాటు మరే ఖగోళ-గణిత శాస్త్ర గ్రంధం ప్రాచుర్యంలో లేదు. కాలానుగుణంగా - భటోట్పల (క్రీ.శ.966), దివాకర (క్రీ.శ.1606), కేశవ, విజయనంది, చిత్రభాను, శ్రీ రంగనాథ, మకరంద, నరసింహ ఇత్యాడి గణిత-ఖగోళ శాస్త్ర వైజ్ఞానికులు ప్రకటించిన సూర్య సిద్ధాంత భాష్యాలు, విభిన్న ప్రాంతాలలో వాడుకలో ఉన్నాయి. భాస్కరాచార్య, క్రీ.శ. 1150 లో రచించిన " సిద్ధాంత శిరోమణి " గ్రంధంలో సూర్య సిద్ధాంతంలోని సంఖ్యలను ఉటంకించారు.

క్రీ.శ. 1178 లో ఖగోళ శాస్త్ర వైజ్ఞానికుడు, మల్లికార్జున సూరి రచించిన సూర్య సిద్ధాంత భాష్యం బహుళ ప్రాచుర్యం సంతరించుకుంది. ఈ గ్రంధం అటు సంస్కృతంలోనూ, ఇటు తెలుగులో కూడా ప్రకటించబడ్డాయి. దాదాపు 600 సంవత్సారాల క్రితం తెలుగులో వెలువడిన గ్రంధం ఒక ప్రాంతీయ భాషలో వెలువడిన మొట్టమొదటి ఖగోళ శాస్త్ర గ్రంధం. గణిత, ఖగోళ శాస్త్ర కోవిదులు దీన్ని ప్రామాణిక గ్రంధంగా ఉపయోగిస్తూవచ్చారు. ఈ ఉపయుక్త గ్రంధాల ఆధారంగానే పంచాంగ గణితం చేసి, ప్రతి ఏడాది పంచాంగాలు ప్రకటిస్తున్నారు.

సూర్య సిద్ధాంతం, ఆర్యభటీయం, బ్రహ్మస్పుట సిద్ధాంతం - ఈ మూడు ప్రాధమిక శాస్త్ర గ్రంధాల ఆధారంగా - గణాంకము, గణిత సాధనా పద్ధతుల ద్వార రూపొందించడమే కాక - అరేబియా, ఇరాన్, ఇరాక్, సిరియా, తజైకిస్తాన్, ఉత్తర ఆఫ్రికా, స్పేయిన్, పిరనీస్ పర్వత ప్రాంతం, ఫ్రాన్స్, ఇటలీ ఇత్యాది దేశాలకు విభిన్న అనువాధ గ్రంధాల రూపేణా (ట్రాన్స్లేషన్స్ గా), తర్జుమా ఐన గ్రంధాలుగా, లేదా భాష్యాలతో ప్రసారమయ్యాయి.

1858 లో సూర్య సిద్ధాంత గ్రంధాన్ని రెవరెండ్ ఎబినిజెర్ బర్జెస్స్ (క్రైస్తవ మిషనరీ) ఆంగ్లంలోకి.. 'సూర్య సిద్ధాంత - ఏ టెక్ష్ట్ బూక్ ఆఫ్ హిందూ ఆస్ట్రానమీ'గా పండితుల సహాయ సహకారాలతో తర్జుమా చేసి పుస్తకంగా రూపొందించి ప్రకటించారు.

[dev369]

మంచి కిటుకులు..!!?శ్రీ?

ప్రతిరోజు ఇంటి నుండి బయటకు వెళ్లే ముందు పనులయందు ఆటంకం కలగకుండా ఉండాలంటే..

ఆదివారం.?
ఇంటి నుండి బయటకు వెళ్లే ముందు...
తమలపాకు నమలడం లేదా
ఆకులు జేబులో ఉంచుకోవడం చేస్తే..
అనుకున్న పనులు సకాలంలో పూర్తవుతాయి.

సోమవారం.?
సోమవారం మీ ముఖాన్ని అద్దంలో ఒకసారి చూసుకుని ఇంట్లో నుండి బయటకు రావాలి.
వీలైతే కోడి గుడ్డు ఆకారంలో ఉండే అద్దాన్ని
ఇంటి ప్రవేశ ద్వారం దగ్గర అమర్చుకోవాలి.

మంగళవారం.?
హనుమంతుడికి ఇష్టమైన మంగళవారం
ఉదయం స్నానం చేసి,
హనుమాన్ చాలీసా పఠించాలి.
అలాగే ఉదయాన్నే ఇంటి నుంచి బయటకు వెళ్ళేటప్పుడు నోరు తీపి చేసుకోవాలి.
బెల్లం తింటే మరీ మంచిది.

బుధవారం.?
బుధవారం బయటకు వెళ్లేప్పుడు పుదీనా లేదా కరివేపాకు ఆకులు నోట్లో వేసుకోవాలి.
ప్రతి బుధవారం ఇలా చేస్తే ఆరోగ్యంగానూ..
చాలా ప్రయోజనం ఉంటుంది.

గురువారం.?
గురువారం ఇంటి నుంచి బయటకు వెళ్లే ముందు కొద్దిగా జీలకర లేదా ఆవాలు నోట్లో వేసుకోవడం మంచిది.
వాటిని నమల కుండా అలానే నోట్లో ఉంచుకోవాలి. గుమ్మం దాటి బయటకు వెళ్లే వరకూ అలాగే ఉంచాలి.

శుక్రవారం.?
ముఖ్యమైన పనిమీద శుక్రవారం వెళ్లాల్సి వస్తే
పెరుగు తిని బయలుదేరాలని హిందూ ధర్మశాస్త్రం చెబుతోంది.
అలాగే ప్రతి శుక్రవారం కనీసం రెండు టేబుల్ స్పూన్ల పెరుగు ఇంటి నుండి బయటకు వెళ్లే ముందు తీసుకోవాలి.

శనివారం.?
అల్లంతో కలిగే ప్రయోజనాలు అందరికీ తెలుసు.
ప్రతి శనివారం కొద్దిగా అ్లలం తురుము నేతితో కలిపి తీసుకోవాలి.
ఇలా చేయడం వల్ల సిరిసంపదలు మీ దరిచేరతాయి.
స్వస్తి..!!?

ఓం నమః శివాయ..!!?
సర్వే జనా సుఖినోభవంతు..!!?

?శ్రీ మాత్రే నమః?

[dev369]

మహాభారతం లో కొన్ని ముఖ్య సంఘటనలు జరిగిన ---తిథులు :

వింటే భారతం వినాలి తింటే గారెలే తినాలి అని ఎందుకు అంటారో తెలుస్తుంది.
మహాభారతం గురించి ఎంత చదివినా ఎంత విన్నా కొత్త గానే అద్భుతం గానే వుంటుంది. అందుకే ఈ మధ్య తెలుసుకున్న కొన్ని మహాభారత విశేషాలు మీ కోసం.


సులభం గా టైపు చేయడానికి సంవత్సరాలను సం గాను , నెలలను నె గాను , రోజులను రో గాను చేయడం జరిగింది.
తారీఖు లను రోజులు-నెలలు-సంవత్సరాలు గా dd-mm-yy గా భావించవలెను.

కర్ణుని జననం : మాఘ శుద్ధ పాడ్యమి.
ఇతను ధర్మరాజు కంటే 16 సం పెద్దవాడు.

యుధిష్టరుని జననం :
ప్రజోత్పత్తి నామ సంవత్సర జ్యేష్ఠ నక్షత్ర శుక్ల పంచమి మిట్టమధ్యాహ్నం అభిజిత్ ముహూర్తం లో Sagittarius (ధనుర్రాశి) లో.
సుమారు క్రీ పూ 15-8-3229.

భీముని జననం :
మఖ నక్షత్ర అంగీరస బహుళ నవమి .
ధర్మరాజు కన్నా 1సం 19రో చిన్నవాడు.

అర్జునుని జననం:
శ్రీముఖి నామ సం ఫాల్గుణ మాస ఉత్తరా నక్షత్ర శుక్ల పౌర్ణమి.
భీమునికన్నా 1సం 4నె 21రో చిన్నవాడు.

నకుల & సహదేవుల జననం :
భవ నామ సం ఫాల్గుణ మాస అశ్విని నక్షత్ర పౌర్ణమి మిట్ట మధ్యాహ్నం.
అర్జునుని కన్నా 1సం 15రో చిన్నవాళ్ళు.

శ్రీ కృష్ణ జననం :
శ్రీముఖ నామ సం శ్రవణ నక్షత్ర బహుళ అష్టమి .
అర్ధరాత్రి అనంతరం tarus (వృషభ)లగ్నం.

దుర్యోధనుడి జననం :
భీముని మరుసటి దినం.
హిడింబాసురుడు, బకాసురుడు,కీచకుడు వీరుకూడా ఇదే సమయాలో మఘ & స్వాతి నక్షత్రాల మధ్య జన్మిస్తారు.
అక్కడి నుండి రోజుకొకరు చొప్పున మిగిలిన 99 కౌరవులు వారి చెల్లి దుశ్శల (సైంధవుని భార్య).

పాండురాజు మరణం:
సర్వ ధారి నామ సం ఉత్తర నక్షత్ర శుక్ల ద్వాదశి.
అప్పటికి ధర్మరాజు వయసు 16సం 6నె 7రో.

పాండవుల హస్తినపుర ప్రవేశం:
సర్వధారి సం చైత్ర మాస బహుళ త్రయోదశి.
పాండురాజు మరణాంతర 16 రో కు.

యుధిష్టరుని పట్టాభిషేకం:
శుభకృత్ నామ సం ఆస్వీయుజ శుక్ల దశమి.
అతని వయసు 31సం 5రో.

అక్కడినుండి 5సం 4నె 20రో హస్తినాపురం లో ఉంటారు.

వారణావ్రత ప్రవేశం :
ప్లవ నామ సం ఫాల్గుణ మాస శుక్ల అష్టమి.

లాక్ష గృహ దహనం:
కీలక ఫల్గుణ 13/14 వ రాత్రి 3 వ ఝాము.

ఘటోత్కచ జననం:
సౌమ్య నామ సం అశ్వినీ శుక్ల విదియ.

పాండవులు ఏక చక్రపురం లో సాధారణ నామ సం చైత్ర శుక్ల విదియ నుండి ఆస్వీయూజ శుక్ల విదియ వరకు అనగా 6నెలలు ఉంటారు.

బకాసుర వధ :
సాధారణ నామ సం శుక్ల దశమి.

పాండవులు ఏకచక్రపురం లో సాధారణ మార్గశిర బహుళ పంచమి వరకు అనగా ఇంకనూ 1నె10రో ఉన్న తర్వాత పాంచాల రాజ్యం కు బయలుదేరుతారు.

ద్రౌపది స్వయంవరం:
సాధారణ నామ సం పుష్య మాస శుక్లపక్ష దశమి.

విరోధి నామ సం పుష్య పౌర్ణమి వరకు 1సం 15రో పాటు పాంచాల రాజ్యం లో వుంటారు.

హస్తినాపురం రాజధాని గా 5సం 6నె పాటు అనగా విరోధి కృత నామ సం మాఘ శుక్ల విదియ నుండి పింగల శ్రావణ శుక్ల విదియ వరకు.
ఈ కాలం లొనే ఇంద్రప్రస్థం నిర్మాణం జరుగుతుంది.
అప్పటికి ధర్మజుని వయసు 45సం 9నె 27రో.

ధర్మరాజు పట్టాభిషేకం :
పింగళ ఆశ్వీయుజ శుక్ల దశమి.
యధిష్టురుని వయసు 46 సం.

అర్జునుని తీర్థయాత్రలు:
కాలయుక్తి నుండి ప్రమోదూత వరకు.

సుభద్ర తో పరిణయం:
ప్రమోదూత వైశాఖ శుక్ల దశమి.

ఖాండవవన దహనం :
ప్రమోదూత శ్రావణ శుక్ల విదియ.
మయసభ 1సం 2నె లో నిర్మితమవుతుంది.

మయసభ ప్రవేశం :
ప్రజోత్పత్తి ఆస్వీయుజ శుక్ల దశమి
ధర్మజుని వయసు 60 సం 5 రో.

ఇంద్రప్రస్థం రాజధాని గా సర్వజిత్ ఆస్వీయుజ శుక్ల దశమి వరకు అనగా 16 సం పాలిస్తారు.

జరాసంధ వధ :
సర్వజిత్ కార్తీక శుక్ల విదియ నుండి 14 వ రోజు వరకు పోరాడి సాయంత్రం న.

రాజసూయ యాగం :
సర్వధారి చైత్ర పౌర్ణమి.
యధిష్టురుని వయసు 76సం 6నె 15రో.

మాయాజూదం
సర్వధారి శ్రావణ తదియ & సప్తమి నాడు.
ధర్మజుని వయసు 76సం 10నె 2రో.
కనుక మొత్తం 36 సం 6నె 20రో అనగా విరోధి కృతు మాఘ శుక్ల విదియ నుండి సర్వధారి శ్రావణ బహుళ సప్తమి.

అరణ్యవాసం
సర్వధారి శ్రావణ బహుళ అష్టమి నాడు ప్రారంభమౌతుంది.
అప్పటికి యధిష్టురుని వయసు 76సం 10నె 18రో.
12సం అరణ్యవాసం శార్వరి శ్రావణ బహుళ సప్తమి తో పూర్తి అవుతుంది.

1సం అజ్ఞాతవాసం ప్లవ శ్రావణ బహుళ సప్తమి తో పూర్తి అవుతుంది.

కీచక వధ :
ప్లవ ఆషాఢ బహుళ అష్టమి.
అతని సోదరురులు మరుసటి దినం మరణిస్తారు.

ఇవన్నీ చాంద్రమానం ప్రకారం సం. వీటిలో
ప్రతి 5 సం కు 2 అధిక మాసాలు మరియు 13 సం లలో 5 అధిక మాసాలు ,12 రోజులు అధికంగా ఉంటాయి.
వీటి లెక్క తిథులలో సహా ధర్మజునికి & భీష్మునికి తెలుసు కాబట్టే ఉత్తర గోగ్రహణం నందు పాండవులు బయటకు తెలుస్తారు.
కానీ దుర్యోధనుడు సూర్యమానం ప్రకారం ఇంకా అజ్ఞాతవాసం పూర్తి అవలేదని భ్రమ పడతాడు.

అందుకే ఉత్తర గోగ్రహణం నందు బయటపడడానికి ముందు రోజే మొత్తం 13 సం కాలం పూర్తి అగుతుంది.
ఇదంతా అర్జునుడు ఉత్తర కుమారునికి వివరిస్తూ తాను గాండీవం ను 30 సం ధరించానని ఇంకనూ 35 సం దరిస్తానని చెప్తాడు.
బహుళ నవమి రోజు అర్జునుడు అజ్ఞాతవాసం నుండి బయటకు వస్తాడు.
అప్పటికి ధర్మజుని వయసు 89సం 10నె 9రో.

పాండవులు ఉపప్లవ్యం లో 1సం 2నె 17ర

ో ఉంట

ారు. ఈ కాలం ల

ొనే ఉత్తర&అభిమన్యుల వివాహం శుభకృత్ జ్యేష్ఠ మాసం లో జరుగుతుంది.
ఆస్వీయుజ మాసం లో ఏర్పడిన సూర్య చంద్ర గ్రహణాలు రాబోయే కాలం లో జరగబోయే వినాశానికి హేతువులు గా చెప్తారు.

శ్రీ కృష్ణ రాయబారం :
కృష్ణుడు శుభకృత్ కార్తీక శుక్ల విదియ రేవతి నక్షత్రం నాడు ప్రారంభమై త్రయోదశి నాడు హస్తినపురం కు చేరతాడు.అక్కడి నుండి బహుళ అష్టమి వరకు శాంతి కాముకం గా రాయబారం నడుపుతాడు.
అష్టమి రోజే విశ్వరూప సందర్శనం జరుగుతుంది. రాయబారం విఫలమైన తర్వాత అదే రోజు పుష్యమి నక్షత్రం నాడు తిరుగు ప్రయాణం అవుతూ కర్ణుడి తో ఈ విధం గా అంటాడు. వారం రోజులలో అనగా జ్యేష్ఠ నక్షత్రం పాడ్యమి నాడు కురుక్షేత్ర సంగ్రామం జరగపోతుంది. సిద్ధంగా ఉండండి అని ఉపప్లవ్యం కు బయలు దేరతాడు.

మార్గశిర శుక్ల విదియ నుండి ద్వాదశి వరకు సైన్యాల మోహరింపు, యుద్ధ సరంజామా , సామర్ధ్య పరీక్షలు నిర్వహించ బడతాయి.

యుద్ధ ప్రారంభం :
శుభకృత్ నామ సంవత్సరం మార్గశిర మాసం శుక్ల త్రయోదశి / చతుర్దశి భరణి నక్షత్రం మంగళవారం నాడు ప్రారంభమౌతుంది.
అప్పటికి ధర్మరాజు వయసు 91సం 2నె 9రో .
దీనికి ముందు రోజే అర్జునునికి భగవద్గీత ను బోధిస్తాడు.

మార్గశిర బహుళ సప్తమి నాడు భీష్ముడు అంపశయ్య పై చేరతాడు.

అభిమన్యుని మరణం :
మార్గశిర బహుళ దశమి తన 17 వ ఏట. అప్పటికి అతని వివాహం జరిగి 6నెలలు మాత్రమే. ఉత్తర 6నెలల గర్భిణీ.

సైంధవ మరణం :
మార్గశిర బహుళ ఏకాదశి.

ద్రోణుడు ద్వాదశి నాడు
కర్ణుడు చతుర్దశి నాడు
శల్యుడు శుక్ల పాడ్యమి సాయంత్రం మరణిస్తారు.

దుర్యోధనుడి మరణం :
పుష్య మాస శుక్ల పాడ్యమ

ఉపపాండవుల మరణం :
పుష్య శుక్ల పాడ్యమి నాటి రాత్రి వేళ.

ధర్మరాజు పట్టాభిషేకం :
శుభకృత్ పుష్య పౌర్ణమి.
అప్పటికి ఆయన వయసు 91సం 3నె 10 రో.

పుష్య బహుళ విదియ నుండి అష్టమి వరకు భీష్ముని చే అనేక విషయాలు పాండవుల కు చెప్పబడతాయి.హస్తిన కు వెళ్లిన 15 రోజుల తర్వాత మళ్ళీ మాఘ శుక్ల అష్టమి నాడు మళ్ళీ కలుసుకుంటారు.
అష్టమి నుండి పంచ ప్రాణాలలో రోజుకు ఒక్కొకటి చొప్పున భీష్ముడు విడిచారు అని దీనిని భీష్మ పంచకం అని అంటారు.
భీష్ముడు మార్గశిర సప్తమి నుండి మాఘ ఏకాదశి వరకు 48 రోజులపాటు అంపశయ్య మీద ఉన్నట్లు చెప్తారు.

అశ్వమేధ యాగం :
శుభకృత్ మాఘ శుక్ల ద్వాదశి.
15సం అనంతరం ధృతరాష్ట్రుడు వన వాసానికి కార్తీక మాసంలో వెళతాడు.
3సం తర్వాత పాండవులు పెద్ద వారు మరణించారని తెలుసుకుని వారిని చూడడానికి అడవులకు వెళ్తారు.
ఒక నెల తర్వాత గాంధారి , ధృతరాష్ట్రుడు, కుంతి మొదలగు వారు అడవులలో అగ్నికి ఆహుతి అవుతారు.

యుద్ధానంతరం 36 సం కు ద్వారక లో ముసలం పుట్టి యాదవులు వినాశనం జరుగుతుంది.

ధర్మరాజు పాలన : శుభకృత్ పుష్య పౌర్ణమి నుండి బహుదారణ్య పుష్య పౌర్ణమి వరకు ధర్మరాజు 36సం 2నె 15రో పాటు పరిపాలిస్తాడు.

కలియుగ ప్రారంభం :
ప్రమాధి శుక్ల పాడ్యమి నాడు శ్రీ కృష్ణ నిర్యాణం తో కలియుగం ఆరంభం అవుతుంది.
అది క్రీ పూ,... 20 - 2 - 3102. 2:27:30 AM

7 రోజుల అనంతరం ద్వారక సముద్రం లో మునిగి పోతుంది.
యుధిష్టర శకం ఆయన పట్టాభిషేకం రోజునుండి మొదలవుతుంది.

పాండవుల రాజ్య నిర్గమన
ద్వారక నిమ్మజ్జన అనంతరం 6నె 11రో అనగా ధర్మజుని వయసు 127సం 6రో ఉన్నపుడు 36 సం పరీక్షిత్తు నికి రాజ్యాభిషేకం చేస్తారు.

స్వర్గారోహణ గురించి పూర్తి వివరణ తెలియదు కాని అది 26 సం తర్వాత జరిగింది గా చెప్తారు.

వ్యాసుడు గణపతి కి స్వర్గారోహణ తర్వాతే మహాభారతం చెప్తాడు అని అంటారు.

పరీక్షిత్తు 60 సం రాజ్యపాలన అనంతరం మరణిస్తాడు. 25 సం జనమేజయుడు రాజు అవుతాడు.

మహాభారత రచన అనంతరమే వేద వ్యాసుడు కలియుగం ప్రారంభమైన 60 సం కు భాగవత రచన చేశాడని చెప్తారు.

[dev369]

వరాహ మిహిరుడు.
పూర్వం ఉజ్జయిని రాజైన విక్రమార్కుని ఆస్థానములో వరాహ మిహిరుడు గొప్ప విద్వాంసుడు.విక్రమాదిత్యుని ఆస్థానములో తొమ్మండుగురు విద్వాంసులు ఉండే వారు.. వారినే నవరత్నములు అని కూడ పిలిచే వారు.ప్రముఖ కవి కాళిదాసు కూడ అందులో ఒకరు.వరాహ మిహిరుడి అసలు పేరు మిహిరుడు.అయితే ఆయనకు వరాహ అనే బిరుదు ఎలా వచ్చిందో తెలిపే కథ ఒకటి ఉంది.
విక్రమార్క మహారాజు కు ఒక కొడుకు పుట్టిన తరుణం లో రాజు ఆస్థాన జ్యోతిష్కులందరిని పిలిచి జనన కాలమును బట్టి తన కుమారుని జన్మ పత్రిక లిఖించి ఆయుర్దాయం గణింప వలసినదని కోరెను.ఆస్థాన జ్యోతిష్కులందరు జాతకమును సిద్దపరచిరి.గ్రహ స్థానముల బలాబలములను పరిశీలించి కుమారునకు 18 వ ఏట ఏదో ఒక గండమున్నదని ఊహింపగల్గిరి,కాని దాని స్వభావ మెట్టిదో మరణకారకమగునా కాదా నిశ్చయింప జాలక పోయిరి.కాని గండము గడచి బయట పడ వచ్చునని తెలిపిరి.దీనికి భిన్నముగా మిహిరాచార్యుడు ఆ బాలుడు 18 వ ఏట పలాన మాసమున పలానా దినమున సూర్యోదయానంతరము 27 ఘడియలకు వన వరాహముచే ప్రాణములు కోల్పోవునని జంకు గొంకు లేకుండ నిర్మొహమాటముగా నిర్భయుడై రూఢిగా చెప్పెను.ఆ రాజు జ్యోతిష శాస్త్రము నందు అధిక విశ్వాసము గలవాడైనందున మరియు జ్యోతిష విద్వాంసుల పై గౌరవముతో మిహిరుడు చెప్పిన మాటలపై కినుక వహించక ,తగు ప్రయత్నము చేయుట వలనను,భగవదనుగ్రహం వలనను ఆ అనర్థ తీవ్రతను తగ్గింప వచ్చునేమో నని తలచి మంత్రులతోను,శ్రేయోభిలాశులతో అలోచించి కుమారుని రక్షణార్థం తగు జాగ్రత్తలు తీసుకొనెను.
తన భవనమునకు మైలు దూరములో 7 అంతస్తుల భవనము నొకటి నిర్మింపజేసి దాని చుట్టును 80 అడుగుల ఎత్తున ప్రాకారమును కట్టి, క్రిమి కీటకములు గూడ లొన ప్రవేశించుటకు వీలు లేనంత కట్టడి చేసి రాకుమారునకు కావల్సిన సమస్త సౌకర్యములను ఏర్పాటు చేసెను.విద్యాభ్యాసమునకు కూడ ఆ భవనములోనే తగు ఏర్పాట్లు చేసెను. జ్యోతిష్కులు పేర్కొన్న గడువు ఇంకను 2 రోజులు ఉన్నదనగా ఆ భవనము చుట్టూ అడుగడుగున అంగ రక్షకులను నిలిపి బయటి ప్రాణి ఓక్కటి కూడా లోపలికి పోకుండ హెచ్చరికలతో భటులకు ఆఙ్ఞాపించెను.కుమారుని దేహ ఆరోగ్యస్థితి తెలిసికొనుటకై వేగులని ఏర్పాటు చేసెను. నాటి మధ్యాహ్నము 3 జాముల వరకు వేగులు తడవ తడవకు ఒకరి వెనుక ఒకరు వచ్చి రాకుమారుని క్షేమమను గూర్చి తెలుపుచుండిరి.రాజు గారు నిండు సభలో జాతక పలితములను గూర్చి దైవఙ్ఞులతో చర్చలు జరుపుచుండెను.కొందరు దైవఙ్ఞులు మిహిరాచార్యుని జాతక గణన లో ఏదో తప్పు చేసియుండునని తమలో తాము బాధ పడుచుండిరి.సభాసదులు వారి వారి అభిప్రాయములను రాజు గారికి తెలిపిరి.వారి వారి భిన్నాభిప్రాయములు విని రాజు గారు, దైవ వశమున తన కుమారుని గండము తప్పినను ,ఆచార్యులయెడ తనకు గల భక్తి గౌరవములు సడలవని,శాస్త్రముపై గురుత్వమేమాత్రము నశింపదనియు,మరింత హెచ్చునని గంభీరముగా పలికెను. ఇంతలో సూర్యోదయాది నుండి 26 వ ఘడియ గడిచెను.అప్పుడు ఒక వేగు వచ్చి రాకుమారుని క్షేమ వార్త తెలిపెను.
తదుపరి అందరు రాకుమారుని చూడ డానికి బయలు దేరిరి.దారిలో 28 వ ఘడియ సమయములో ఒక బంటు వచ్చి కుమారుని క్షేమ సమాచారము తెలిపెను.అందరు ఆచార్యుని వంక చూసిరి.అతడు ఇంతకు ముందు లాగానే గంభీరముగా నుండెను.అందరు మేడలోకి ప్రవేశించి ప్రతి అంతస్తును పరికించుచూ అచ్చట ఉన్న వారు కుమారుని క్షేమ సమాచారము చెప్పుచుండగా పైకి వెళ్ళిరి.మధ్యలో కొందరు రాకుమారుడు ఏదో బద్ధకముగా నుండుటచే అరఘడియ ముందు మంచి గాలికై డాబా మీదికి వెళ్ళినాడని తెలిపిరి.గుండెలు దడ దడ కొట్టుకొనుచుండగా అందరును ఏడవ అంతస్తు డాబా పైకి వెళ్ళీ చూడగా అచట ఒక ధ్వజ స్తంభము క్రింద మంచం పై ఇనుప వరాహ విగ్రహము రొమ్ముపై బడి నెత్తురు గారుచున్న కుమారుని చూచిరి. రాజు పుత్ర శోకములో మునిగి ఉండికూడా,మిహిరుని విఙ్ఞాన విశేషమునకు ఆశ్చర్యపడెను.తాను ఎన్ని ఉపాయములు అవలంబించినకూడ శాస్త్ర పలితముమే సంభవించెను.ఆకాలములో వారి కులదైవం వరాహమూర్తి అగు విష్ణువును ఇళ్ళు నిర్మిస్తున్నప్పుడు శిల్పి స్తంభముపై నిలిపెను.దైవ వశమున అది రాకుమారుని మరణమునకు కారణమయ్యెను.
శాస్త్ర విధి తప్పదనుటకు ఇది తార్కాణమని పల్కుచూ రాజు అచార్యుని ఆలింగనము చేసుకొని అదిమొదలు అతడు “వరాహ మిహిరాచార్యుడు”అని పిలువబడునని “వరాహ” బిరుదు నొసగి శ్లాఘించెను.
ఈ కథ ఎంత వరకు సత్యము అనునది చారిత్రకాన్వేషకుల బాధ్యత,కాని ఆకాలములో జ్యోతిష శాస్త్రము యొక్క ఔన్నత్యమును,వికాసమును చాటుతుంది.తరువాతి తరములలో దానికి తగు శ్రద్ధ,శిక్షణ,గ్రంథ లభ్యత ,ఆసక్తి లేనందున జ్యోతిషమ్ వెనుక బడినది.
వరాహ మిహిరాచార్యుని రచనలు.బృహత సంహిత.(హోరా గ్రంథము),పంచ సిద్ధాంతిక,లఘు జాతకము,వివాహ పటలము,యాత్రా గ్రంథము,సమాస సంహిత,జాతకార్ణవము,ఢికినిక యాత్ర,గ్రహణ మండల ఫలమ్,పంచ పక్షి,మొదల్గునవి.

[dev369]

[dev369]

సుబ్రహ్మణ్య షష్టి విశిష్టత!

సుబ్రహ్మణ్య షష్టి లేదా స్కంద షష్టి :
లోకసంరక్షనార్ధం తారకాసురున్ని వధించేందుకై దేవతలకోరిక మేరకు లోకనాయకుడు పరమశివుడు అంశతో మార్గశిర శుద్దషష్టి నాడు జన్మించారు సుబ్రహ్మణ్య స్వామి. ఈ మార్గశిర షష్టి ని "సుబ్రహ్మణ్య షష్టి" లేదా "స్కంద షష్టి" గా పిలువబడుతోంది.

దేవసేనాధిపతి సుబ్రహ్మణ్య స్వామి:
పూర్వము "తారకాసురుడు" అనే రాక్షసుడు శివుని మెప్పుకై తీవ్రముగా తపస్సు చేసి తపోఫలముగా (అర్భకుడైన) బాలునితో తప్ప ఇతరులతో చావు లేని వరము పొందుతాడు. తదుపరి తాను అజేయుడునని, అమరుడునని వరగర్వముతో ముల్లోకాలను గజగజలాడించగా దేవతలు విష్ణువు వద్దకువెళ్ళి మొరపెట్టుకుంటారు. తదుపరి ఆ శ్రీహరి వరమిచ్చిన ఆ పరమశివుని పుత్రుని వలెనే తారకాసురుని మరణం సంభవిస్తుందని తెలిపి ఆ ఆదిదేవునివద్దకు వెళ్లి సమస్యను విన్నవించుకోమని సెలవివ్వగా దేవతలు పరమశివుని వద్దకు వెళ్తారు.

పరమశివుడు సమస్య తీవ్రతను గ్రహించి తన అంశతో సుబ్రహ్మణ్య స్వామి జన్మకు కారకులయ్యారు.

సుబ్రహ్మణ్యస్వామి జన్మ వృత్తాంతం :
పురాణగాధల ప్రకారం పరమశివుని దివ్యతేజస్సు వాయుదేవునిలో ప్రవిశింపబడి తిరిగి వాయుదేవుడు అగ్నిదేవునిలో ప్రవేశింపబెడతాడు. అగ్నిదేవుడు కూడా శివతేజస్సును తాళలేక గంగానదిలో విడిచిపెట్టగా రుద్రతేజం ప్రవాహంలో రెళ్ళు వనంలో (శరవనం ) చిక్కుకొని ఆరు ముఖాలు (షణ్ముఖాలు) పన్నెండు చేతులతో ఓ బాలుడు జన్మించెను. అతడే "సుబ్రహ్మణ్యస్వామి" లేదా "కుమార స్వామి"

సుబ్రహ్మణ్యస్వామి పేర్లు :
కుమారస్వామికి గల విశిష్ట నామాలు వాటి వివరణ ఈ క్రింది విధంగా వున్నవి.

షణ్ముఖుడు --------------> ఆరు ముఖాలు కలవాడు.
స్కందుడు ----------------> పార్వతీదేవి పిలిచిన పేరు.
కార్తికేయుడు --------------> కృత్తికానక్షత్రాన జన్మిచినందుకు లభించిన నామం.
వేలాయుధుడు ------------> శూలాన్ని ఆయుధముగా కలిగిన వాడు.
శరవణుడు -----------------> శరవణం (రెల్లు వనం) లో జన్మించెను కాబట్టి.
గాంగేయుడు ---------------> గంగానది ప్రవాహంలో వఛ్చినవాడు.
సేనాపతి -------------------> దేవతలకు సేనాధిపతి కనుక.
స్వామినాధుడు -----------> శివునకు ప్రణవ మంత్రము అర్ధాన్ని చెప్పినాడు కనుక.
సుబ్రహ్మణ్యుడు -----------> బ్రహ్మ జ్ఞానము కలిగినవాడు.
మురుగన్ -----------------> ఈ తమిళ నామాని అర్ధం "అందమైన వాడు"

తారకాసుర సంహారం:
కుమారస్వామిని దేవతలు తమ సేనాధిపతిని చేసారు. కుమారస్వామి తారకాసురిని సంహరించేందుకు భీకరయుద్దాన్ని ఆరు రోజుల పాటు చేసి వధించి లోకాన్ని, దేవతలను కాపాడి అందరి మన్ననలు పొందిన సుబ్రహ్మణ్యస్వామి దేవసేనాపతి గా కీర్తింపబడ్డారు.

సుబ్రహ్మణ్య కావడి:
విశేషముగా సుబ్రహ్మణ్య షష్ఠి రోజున భక్తులు తెల్లవారే లేచి శిరస్నామచారించి పాలు, పంచాదరాలతో నిండిన కావిడలను ధరించి సుబ్రహ్మణ్య స్వామికి సమర్పిస్తారు. దేవాలయాలను దర్శించి భక్తిశ్రద్ధలతో అష్టోత్తర శతనామాల పూజలు చేస్తారు. భక్తులు కావడిలతో తెచ్చిన పంచదార, పాలను స్వామికి సమర్పించుకుంటారు. అయితే ఈ కావడిలోని వస్తువులు భక్తుల మొక్కుల బట్టి ఉంటాయని తెలుస్తున్నది. ముఖ్యముగా ఈ ఆచారము తమిళనాడు రాష్ట్రములో విశేషముగా ఆచరణలో ఉన్నది.

శ్రీ వల్లిదేవసేన సమేత సుబ్రహ్మణ్య స్వామి కళ్యాణము:
స్కంద షష్టి రోజునాడు సుబ్రహ్మణ్య దేవాలయాలలో "శ్రీ వల్లి దేవసేన సమేత సుబ్రహ్మణ్యస్వామి" కళ్యాణం నిర్వహిస్తుండడం పరిపాటి. ఈ వివాహాన్ని వీక్షించిన వివాహంకాని యువతీయువకులకు ఆటంకములు తొలగి వివాహాలు జరుగుతాయని చెబుతుంటారు. అంతేకాకుండా వీరికి సత్సంతానము కలుగుతుందని పెద్దలు చెబుతున్నారు.

సుబ్రహ్మణ్య షష్ఠి నాడు పాటించాల్సిన నియమాలు :

సూర్యోదయానికి ముందే నిద్రలేవాలి.
నదీస్నానం ఆచరించాలి (సమీపాన నది ఉంటే) లేదా శిరస్నానం చేయాలి.
సుబ్రహ్మణ్య స్వామి కి పాలు నైవేద్యంగా సమర్పించాలి.
అచంచల భక్తి భావంతో సుబ్రహ్మణ్య స్వామి గాధలు చదవాలి.
సుబ్రహ్మణ్య స్వామి కీర్తనలు ఆలాపన చేయాలి.
దగ్గరలోని సుబ్రహ్మణ్య స్వామి ఆలయాలను సందర్శించి పూజలు చేయాలి.
వీలైనంత దానధర్మాలు చేయాలి.
రోజంతా ఉపవాస దీక్ష ఆచరించాలి.

స్కంద షష్టి పూజ ఫలితం:
## విశేషించి ఈ రోజు సుబ్రహ్మణ్య స్వామి పూజ చేసినా, కావడి సమర్ఫిన్చినా సత్సంతాన ప్రాప్తి మరియు వారి కుటుంబములో మరియు రాబోయో తరాలవారికి కూడా సంతాన లేమి లేకుండా వంశవృద్ధి జరుగుతుందని నమ్మకము. అందుకే సుబ్రహ్మణ్యస్వామి ఆలయాలు ఎక్కువగా మహిళలు సందర్శిస్తుంటారు.

## ఈ రోజు పుట్టలో పాలు పోసిన భక్తులకు సర్పదోషాలు తొలగిపోతాయని నమ్మకం.

## స్కంద షష్ఠి నాడు సుబ్రహ్మణ్య కళ్యాణం జరిపించు భక్తులకు సకలశుభాలు కలుగుతాయని ప్రతీతి.

[dev369]

గుడి దగ్గర్లో ఇల్లు ఉండకూదనడానికి ఖచ్చితమైన కారణాలు..
గుడి నీడ ఇంటి మీద పడే విధంగా ఇల్లు నిర్మించకూడదంటారు. నిజమేనా? నిజమే. గుడినీడ పడకూడదు అంటే గుడికి దగ్గర ఇల్లు నిర్మించరాదు అని అర్థం. గుడి అత్యంత శక్తివంతమైనది. ఆ శక్తి గుడి పరిసరాలను ప్రభావితం చేస్తుంది. కొన్ని సమయాల్లో ఈ శక్తి ఇంటిని ప్రశాంతంగాఉంచకపోవచ్చు. అందుకనే పురాతన గుళ్ళుచూసినట్లైతే గర్భగుడి చుట్టూ ఒకటికంటే ఎక్కువ ప్రహరీ గోడలు నిర్మించి ఉండటం గమనించినవచ్చు. అందువల్ల గుడి గోడ నీడ పడే విధంగా ఇంటిని నిర్మించకుండా ఉంటే మంచిది.

అసలు గుడికి దగ్గర్లో ఇల్లు కట్టుకోవచ్చా? ఒకవేళ కట్టుకుంటే ఎలాంటి పరిణామాలు జరుగుతాయి? ఆ విషయాలే ఇప్పుడు తెలుసుకుందాం..!!

ప్రాచీన గ్రందాల ప్రకారం
ప్రపంచం ఎంతో వేగంగా అభివృద్ధి చెందుతుంది. కాని మనిషికి ప్రశాంతత మాత్రం కరువైపోయింది. మనసు ప్రశాంతత కోరినప్పుడు చాలా మంది గుడికి వెళ్తుంటారు. అందుకే ఇప్పటికి చాలా మంది గుడికి దగ్గర్లో ఇల్లు కట్టుకుంటారు. కాని ప్రాచీన గ్రందాల ప్రకారం కొన్ని మంచి, కొన్ని చెడు ప్రభావాలు ఉంటాయని తెలుస్తుంది.

పురాణాల ప్రకారం దేవాలయం బయట ఉండే ధ్వజస్తంభం
వీటిలో ముఖ్యంగా ధ్వజస్తంభం గురించి తెలుసుకోవాలి. పురాణాల ప్రకారం దేవాలయం బయట ఉండే ధ్వజస్తంభం యొక్క నీడ ఇంటిపైన పడకూడదనే సూత్రం ఉంది. వస్తు శాస్త్రంలో ఈ విషయం పై చక్కని వివరణ కూడా ఉంటుంది. అలాగే ధ్వజస్తంభానికి ఎదురుగా ఇల్లు కట్టుకుంటే హాని జరుగుతుందని పురాణాలు తెలుపుతున్నాయి.

అదే విధంగా శివుని గుడికి,
అదే విధంగా శివుని గుడికి, గ్రామ దేవతల గుడికి, అమ్మవారి గుడికి ఎదురుగా ఇల్లు కట్టుకోకుడదు. శివాలయం ఎదురుగా ఇల్లు కట్టుకోవాలనుకుంటే కనీసం 100 గజాలు దూరం పాటించాలి. శివుని యొక్క చూపు ఎల్లవేళలా ఇంటి పైన పడటం అంత క్షేమం కాదట. ఈ విషయాన్ని ప్రాచీన గ్రంధాల్లో వివరించారు.

విష్ణు దేవుని గుడి వెనకాల
అలాగే విష్ణు దేవుని గుడి వెనకాల కూడా ఇల్లు కట్టుకోకూడదని వాస్తు శాస్త్రం సూచిస్తుంది. ఒకవేళ ఇల్లు కట్టుకోవాలనుకుంటే కనీసం 20 అడుగుల దూరం పాటించాలి.

శక్తి ఆలయాలకు
శక్తి ఆలయాలకు ఇరు వైపులా కూడా ఇల్లు కట్టుకోకూడదు అంటున్నాయి శాస్త్రాలు. ఒకవేళ ఇల్లు కట్టుకోవాలనుకుంటే కనీసం 120 అడుగుల దూరం పాటించాలని వాస్తు శాస్త్రవేత్తలు హెచ్చరిస్తున్నారు.

కొన్ని గ్రంధాలలో శక్తి ఆలయాలకు వెనక వైపున ఇల్లు కట్టుకోకుడదు
కొన్ని గ్రంధాలలో విష్ణు దేవుని ఆలయానికి పక్క ఇల్లు కట్టుకోకుడదు అని ఉన్నాయి. అలాగే కొన్ని గ్రంధాలలో శక్తి ఆలయాలకు వెనక వైపున ఇల్లు కట్టుకోకుడదు అని ఉన్నాయి.

మిగితా దేవుళ్ళ యొక్క ఆలయాలకి
మిగితా దేవుళ్ళ యొక్క ఆలయాలకి 80 అడుగుల లోపల ఎటువంటి నివాసయోగ్యమైన ఇల్లు కట్టకూడదు

[dev369]

ఏకవింశతి దోషములు

1.పంచాంగ శుద్ధి హీనము, 2.సంక్రాంతి అహస్సు, 3.పాప షడ్వర్గు, 4.కునవాంశ, 5.కుజ అష్టమం, . 6.భృగుషట్కరి, 7.కర్తరీ, 8.అష్టమ లగ్న దోషము, 9.అష్టమ చంద్రుడు, 10.షడష్ట చంద్ర దోషం, 11.సగ్రహ చంద్ర దోషం, 12.వారజనిత దుర్ముహూర్త దోషం, 13.ఖార్జురి సమాంఘ్రిభం, 14. గ్రహణం దోషం, 15.ఉత్పాత దోషం, 16. .క్రూరయుక్త నక్షత్రం, 17. అశుభ వేధ, 18.విషయుత లగ్నం, 19.లగ్నాస్త దోషం, 20.గండాంతం, 21.వ్యతీపాత వైదృతి యోగములు. ఈ 21 దోషాలను సమస్త శుభకర్మల యందు విడిచి పెట్టవలెను.

ఏక వింశతి దోషములు అనేది ముహూర్త నిర్ణయంలో చాలా ప్రాముఖ్యం కలిగిన అంశం. వివాహ, ఉపనయన, శంఖుస్థాపన, గృహ ప్రవేశ, గర్భాదాన, అక్షరాభ్యాసం వంటి ప్రధానమైన కార్యక్రమాలు ఈ ఏకవింశతి దోషములు లేకుండా సుముహూర్తము చేయవలసిన అవసరం చాలా అధికంగా ఉంది.

‘యః పంచాంగ విశుద్ధి హీన దిన కృత్ సంక్రాంత్యహః పాపినాం.
షడ్వర్గః కునవాంశకో ష్ట మకుజ ష్వట్కం భృగోః కర్తరీ’

ఇలా నాలుగు శ్లోకాలలో ఏకవింశతి దోషాలు నిక్షిప్తం చేశారు. అవి

1.పంచాంగ శుద్ధి హీనము: ప్రతి కార్యమునకు కొన్ని ఆధ్యాదులు ప్రత్యేకంగా చెప్పారు. ఏ కార్యమునకు ఏ తిథి వార నక్షత్రములు చెప్పారో వాటిని ఆచరించడం పంచాంగశుద్ధి అనియు, ఆచరింపక పోవడం పంచాంగ శుద్ధి హీనము అని చెప్పారు. ఉదాహరణకు కృష్ణ పాడ్యమి మంగళప్రదమని అంటారు. కానీ ఉపనయనం అక్షరాభ్యాసం విషయాలు బహుళ పాడ్యమి నిషిద్ధము కలిగిన తిథి. అలాగే మఘ నక్షత్రం వివాహానికి గ్రాహ్యత వున్న నక్షత్రం. ఇతరమైన ఏ కార్యమును మఘ నక్షత్రంలో చేయరు. ఇలా పంచాంగంములు ముహూర్త నిర్ణయాలు ప్రధాన భూమిక వహిస్తాయి.

2.సంక్రాంతి అహస్సు: ప్రతి నెలలో వచ్చే సంక్రమణము వున్న దినము అహస్సు అనగా పగలు అని అర్థం. రవి ప్రవేశమునకు 19 ఘడియలు ముందు వెనుకలు, మేష, కర్కాటక, తులా, మకర, సంక్రమణములకు ఆయన ప్రవేశములకు 30 ఘడియలుముందు వెనుకలు దోషము.

3.పాప షడ్వర్గు. హోర, ద్రేక్కోణ, సప్తాంశ, నవాంశ, ద్వాదశాంశ, త్రిశాంశలను షడ్వర్గులు అంటారు. మనం నిర్ణయింపబోవు లగ్నము షడ్వర్గులలో పాప గ్రహాధిపత్యములు లేనిది అయి ఉండాలి. అందుకే మన ప్రాంతంలో పుష్కరాంశను గ్రహించారు.

4.కునవాంశ: పాప గ్రహ ఆధిపత్యములు వున్న మేష, సింహ, వృశ్చిక, కుంభ, మకర నవాంశలుగాగల లగ్న సమయము విడనాడమని అర్థం. ఈ కునవాంశ ఆధారం చేసుకొని కేవలం పుష్కరాంశకే సుముహూర్తం చేయనవసరం లేదని మంచి గ్రహ ఆధిపత్యం వున్న నవాంశ సమయం, ముహూర్త సమయంగా నిర్ణయించవచ్చని ఆంధ్రేతరుల వాదన.

5.కుజ అష్టమం. ముహూర్త లగ్నమునకు 8 వ ఇంట కుజుడు ఉండుట దోషం. 6.భృగుషట్క దోషం:- ముహూర్త లగ్నమునకు 6 వ ఇంట శుక్రుడు ఉండుట దోషం అయితే కుజ శుక్రులు బలహీనమైన స్థాన బలం కలిగినప్పుడు దోషం ఉండదు.

7.కర్తరీ: మే నెలలో వచ్చే కర్తరీ కాదు. లగ్నానికి వ్యయంలో వున్న పాపగ్రహం ఋజు మార్గంలోనే వున్ననూ దోషం లేదు.

8.అష్టమ లగ్న దోషము: జన్మ లగ్నము నుండి ముహూర్తము చేయబోవు లగ్నము ఎనిమిదవ లగ్నం అవకూడదు. అదే రీతిగా జన్మరాశిని కూడా చూడాలి. దీనికి మతాంతరం ఉన్నది.

9.అష్టమ చంద్రుడు: ముహూర్త కాలంలో చంద్రుడు వున్న స్థానం. మన జన్మ రాశి నుండి ఎనిమిదవ రాశి అవకూడదు.

10.షడష్ట చంద్ర దోషం ముహూర్త లగ్నంలో చంద్రుడు లగ్నం నుండి 6,8,12 స్థానముల యందు ఉండరాదు. పాపగ్రహములతో కలిసి ఉండరాదు.

11.సగ్రహ చంద్ర దోషం.ముహూర్త లగ్నం నందు చంద్రునితో ఇతర గ్రహములు కలసి ఉండుట దోషం

12.వారజనిత దుర్ముహూర్త దోషం: ప్రాంతీయంగా దుర్ముహూర్తముల వాడకంలో పాఠాంతరములు ఉన్నాయి. పంచాంగంలో రోజూ దుర్ముహూర్త కాలం రాస్తారు. అయితే లగ్నం ఆరంభం నుండి అత్యంత వరకు కూడా దుర్ముహూర్తం తగులరాదు.

13.గ్రహణభం గ్రహణం ఏర్పడిన నక్షత్రం ఆ తరువాత ఆరు మాసాల వరకు ఆ నక్షత్రంలో ఏ విధమైన శుభ కార్యములూ చేయరాదు.

14.ఉత్పాత, భూకంపం ఏర్పడిన ప్రాంతాలలో వారు ఆ రోజున వున్న నక్షత్రమును ఆరు మాసాల వరకు శుభ కార్య నిమిత్తంగా వాడరాదు.

15.క్రూరయుక్త నక్షత్రం: పాప గ్రహములు వున్న నక్షత్రం శుభ కార్యములకు నిషేధము.

16.అశుభ వేధ: సప్తశలాక వేధ, పంచశిలాక వేధ అని రెండు రకాలయిన సిద్ధాంతములు వున్నాయి. వాటి ద్వారా వేధాక్రాంతలు అని రెండు రకాలైన విశేషములు వున్నాయి. వీటిని గురు ముఖం నేర్చుకోవలసిందే.

17.‘ఖార్జురి సమాంఘ్రిభం’ అనే 17వ దోషం కూడా గురువు ద్వారా తెలుసుకోవలసిన అంశం.

18.వ్యతీపాత వైధృతి పంచాంగంలో రాసిన యోగాలలో శుభకార్యాములు చేయుట నిషేధముగా చెప్పబడినది.

19.విషయుత లగ్నము: లగ్నారంభం నుండి లగ్నాంతము వరకు వున్న కాలములో వర్జ్యము స్పృశింపరాదు. అలా వర్జ్యము తగలదని లగ్నములు మనము శుభకార్యములు చేయవచ్చు.

20.గండాంత దోషము: తిథి గండాంతం, లగ్న గండాంతం, నక్షత్ర గండాంతం అని మూడు రకాలు. రేవతీ చివరి 48 ని.లు అశ్వినీకి మొదటి 48 ని.లు అలాగే ఆశే్లష జ్యేష్ఠలలో చివరి 48 ని.లు మఘ మూల నక్షత్రములు ప్రారంభ 48 ని.లు గండాంతము అంటారు. మీనం కర్కాటకం వృశ్చికం లగ్నములు చివరి 48 ని.లు మరియు మేషము సింహం ధనస్సు లగ్నములలో ప్రారంభం 48 ని.లు. గండ సమయం అంటారు. దీనికి లగ్న గండాంతం అని పేరు. అలాగే పంచమి దశమి పౌర్ణమిలకు చివరి 48 ని.లు షష్ఠి ఏకాదశీ, పాడ్యమి తిథులకు ప్రారంభ 48 ని.లు తిథి గండాంత సమయము అంటారు. దీనికే గండాంత దోషం అని పేరు.

21.ఉదయాస్త శుద్ధి: సుముహూర్త నిర్ణయం చేయబడిన తరువాత ఆ ముహూర్తము యొక్క లగ్నాధిపతి నవాంశాధిపతి ఇరువురూ శుభ గ్రహముల చేత లేదా మిత్ర గ్రహముల చేతనయిననూ చూడబడు ముహూర్తం నిర్ణయించాలి. లగ్నాధిపతికి నవాంశాధిపతికీ పాప గ్రహములు శత్రు గ్రహముల వీక్షణ పనికిరాదు. ఈ విధంగా పైన చెప్పబడిన 21 దోషములు లేకుండా ఉండే మంచి ముహూర్తం నిర్ణయించాలి. ఇంకా ఒక్కో ముహూర్తానికి ఒక్కో విశేషం, దోషం చెప్పబడిననూ ప్రధానమయినవి పైన చెప్పిన ఏకవింశతి దోషములు. ఇవి బాగా పరిశీలించి ముహూర్త నిర్ణయం చేయవలెను.

[dev369]

"అమర్త్యాశ్చైవ మర్త్యాశ్చ యత్ర యత్ర మసంతిహి
తత్ వస్త్వితి మతం జ్ఞేయం తద్భేందంచ వదామ్యహమ్
భూమి ప్రాసాదయానాని శయనంచ చతుర్విధం" దేవతలకు కానీ మనుష్యులకు కానీ నివసించదగిన స్థలమే వస్తువు ఈ వస్తువు నాలుగు రకములు 1.భూమి 2.ప్రసాదము( గృహము) 3. యానము (వాహనము రధములు వగైరాలు ) 4. శయనం (మంచములు కుర్చీలు వగైరాలు)
వాస్తు అనగా ఒక స్థలంలోగాని, ఒక నిర్మాణములోగాని ఏర్పడే పంచభూతాల అమరిక. గాలి, నీరు, భూమి, ఆకాశం, అగ్ని ఈ ఐదింటిని పంచభూతాలు అంటారు. వాస్తు శాస్తములో పంచభూతాలకు విశిష్ట ప్రాధాన్యత ఉంది. ఈ పంచభూతాలు ఖాళి స్థలములోకి మరియు నిర్మాణములలోకి ప్రవేశించి అక్కడ నివసించే వారి మీద ప్రభావాన్ని చూపుతాయి.
వాస్తు నియమాల ప్రకారం ఏదైనా నిర్మాణం చేస్తే ఈ పంచభూతాలు ఆ నిర్మాణంలో చక్కగా అమరి ఆ నిర్మాణంలో ఉండే వారికి శుభఫలితాలను కలిగిస్తూ వారి జీవితం సంతోషంగా గడిచిపోయేల చేస్తాయి. వాస్తు నియమాలకు విరుద్ధంగా నిర్మాణం చేస్తే ఈ పంచభూతాలు ఆ నిర్మాణంలో చక్కగా అమరక ఆ నిర్మాణంలో ఉండే వారిని అనేక ఇబ్బందులకు గురి చేస్తాయి.
పంచ భూతాలు - సమతుల్యత
పంచ భూతాల మద్య గల సృష్టి మరియు నియంత్రణ సిద్దాంతం పై ఆదారపడి వాస్తు పలితాలు వస్తాయి.
ప్రతి గృహానిర్మాణములోను.ప్రతీకట్టడంలోను. పంచభూతాల మద్య సమ తుల్యత దెబ్బతినకుండ నిర్మాణాలు/ నిత్య కృత్యాలు ఉన్నప్పుడు ఎలాంటి సమస్యలు రావు.

పంచ భూతాల సృష్టి - సిద్దాంతం ప్రకారం ఆకాశం నీటి ని, నీరు వాయవును, వాయువు అగ్ని ని, అగ్ని భూమిని, భూమి ఆకాశాని సృష్టిస్తుంది ఇది ఒక చక్రం ఒక ధానిపై మరి ఒకటి ఆదారపడి ఉండును. అలాగే
పంచ భూతాల నియంత్రణ సిద్దాంతం ప్రకారం ఆకాశము వాయువు ను, వాయువు భూమిని, భూమి నీటిని. నీరు అగ్ని ని, అగ్ని ఆకాశాన్ని నియంత్రిస్తాయి.

ఒక పద్దతి ప్రకారం పంచ భూతాల సృష్టి / నియంత్రణ నిరంతరం జరిగి విశ్వం లొ జీవం కొనసాగాడాని దొహద పడుతుంది. సహాజత్వానికి దగ్గరగా జీవించే వారు మంచి ఆరొగ్యవంతులుగా ఆనందకరమైన జీవితాన్ని అనుబవిస్తారు

మానవాళి తనకు అనుకూలంగ ప్రకృతికి విరుద్దంగ / తమ అవసరాలకు అనుగునంగ నివాసాలను ఎర్పాటు చేసుకోవడం వలన పంచ భూతాల ప్రభావం / సహాకారం లో సమతుల్యత లోపించి ఆరోగ్య/ఆర్దిక/సంసారిక/సామాజిక సమస్యలను ఎదుర్కోంటున్నారు

మహాభారతం కేవలం కట్టుకధ కాదు అని చెప్పటానికి పురావస్తు ఆధారాలు, శాసనాలు దొరికాయి. వాటిలో ప్రధానమైనది ద్వారక. శ్రీ కృష్ణపరమాత్ముడి అద్భుత నగరం, 5000 ఏళ్ళ క్రితం భారత్‌లో ఉన్న నైపుణ్యానికి, సాంకేతికపరిజ్ఞానానికి నిలువుటద్దం.

1980వ దశకంలో గుజరాత్‌ సముద్ర తీరంలో జరిగిన పరిశోధనలు భారతీయ చారిత్రక నిర్మాణంలో అపూర్వ ఘట్టాన్ని ఆవిష్కరించాయి, కుట్రపూరిత బ్రిటీష్ చరిత్రకు సవాల్ విసిరాయి. శ్రీ కృష్ణుడి ఉనికి అబద్దమంటూ వస్తున్న ప్రచారాలకు గట్టి సమాధానం ఇచ్చాయి. భారత పురావస్తు పరిశోధనా సంస్థ, జాతీయ సముద్రగర్భ శాస్త్ర సంస్థల సంయుక్త పరిశోధన జరపాలని జడ్.డి.అన్సారీ, ఎమ్.ఎస్.మతే ప్రతిపాదించారు. దీని ద్వారా డాక్టర్ ఎస్.ఆర్.రావు ఆధ్వర్యంలో చెప్పుకోదగిన కృషిజరిగింది. ఆ పరిశోధనల్లో భాగాంగా గుజరాత్ పశ్చిమాన గోమతి నది అరేబియా సముద్రంలో కలిసే ప్రాంతంలో సాగర గర్భంలో ఒక మహానగరం బయటపడింది.. మహాభారత కాలాన్ని, శ్రీకృష్ణుడి ఉనికిని ఈ నగరం బయటి ప్రపంచానికి చాటి చెప్పింది.. ఇదే ఇవాళ మనం చెప్పుకుంటున్న ద్వారక.. .కృష్ణుడి ద్వారక.. విశ్వకర్మ నిర్మించిన ద్వారక..

192 కిలోమీటర్ల పొడవు …
192 కిలోమీటర్ల వెడల్పు..
36864 చదరపు కిలోమీటర్ల విస్తీర్ణం..
బారులు తీరిన వీధులు..
వీధుల వెంట బారులు తీరిన చెట్లు..
రాయల్‌ ప్యాలెస్‌లు..
రెసిడెన్షియల్‌ కాంప్లెక్స్‌లు..
కమర్షియల్‌ మాల్స్‌..
కమ్యూనిటీ హాల్స్‌..
వాటర్ ఫౌంటేయిన్లు ....
క్రీస్తుపూర్వం మూడు వేల సంవత్సరాల నాడే
అపూర్వ మహానగరం..
రత్నస్తంభాలు..
వజ్ర తోరణాలు..
సాటిలేని వాస్తు/శిల్ప కళా నైపుణ్యం..
సముద్రం మధ్యలో మహా నిర్మాణం..
జగన్నాథుడి జగదేక సృష్టి..
క్రీస్తుపూర్వం 3000 సంవత్సరాల నాటి
లెజెండ్‌ సిటీ…
ద్వారక..
ఇప్పుడు సాగర గర్భంలో..
మన నాగరికత..
మన సంస్కృతి..
మన హిందూ ప్రతిభకు పట్టం కట్టిన నాటి కాస్మోపాలిటన్‌ సిటీ..
ద్వారక

1983 నుంచి 1992 వరకు 12 సార్లు సాగరాన్ని మధించారు. ఫలితంగా నాటి ద్వారకకు చెందిన వస్తువులు సేకరించి ఫిజికల్ రిసెర్చి లేబొరేటరీకి పంపారు. అక్కడ థెర్మోలూమినెసెన్స్, కార్బన్ డేటింగ్ వంటి అత్యాధునికపరీక్షలు జరిగాయి. అవన్నీ ద్వారాకలో దొరికిన వస్తువులు ఖగోళశాస్త్రవేత్తలు లెక్కకట్టిన మహాభారత సమయానికి సరిగ్గా సరిపోతున్నాయి. ఏవో రెండు, మూడు వస్తువులు దొరికితే ఫర్వాలేదు, ఏకంగా ఒక మహానగరమే సాగర గర్భంలో దొరికింది.