Fantasy Ron~the dragon holder (Sgp2009) - ( Completed)

[sarit11]

UPDATE-40

"mere pass tumhare bhai ko marne ke siwa aur koyi rasta nahi tha...tumhe apne bhai par bahut garv hona chahiye lisa...wo mujhse bahut bahaduri se lada,lekin aakhir me maineuse hara diya,us samay mere ankho ke samne death iceland ke logo ki khoon me lath path lashe dekhkar main gusse me ye bhi bhool gaya ki main tumhare bhai ko marne jaa raha hoon..yakin karo lisa mujhe us samay bilkul bhi hosh nahi tha....jab maine tumhare bhai ko maar diya to usi samay waha dewan aa pahuncha..mera sar thaka hone ki vajah se dewan bhi mujhe nahi pahchan paya,aur tumhare ka bejan sharir dekhkar wo meri taraf badha...waha Morgan bhi apni sena lekar aa pahuncha ,jiska saaf matlab tha ki jung ke maidan me mere jagah tainat wo bahadur sainik shaheed ho chuka hain...meri halat us samay bilkul bhi thik nahi thi,main akele un sabka mukabala nahi kar sakta tha...hum jung haar chuke the...main waha se kaise bhi karke bhag gaya aur seedhe humare kile me pahuncha ,jab maine chhupkar apne kamre me dekha to tum ro rahi thi ,kisi ne tumhe ye khabar de di thi ki tumhare bhai ab is duniya me nahi raha,aur tumhe ye bhi bata diya gaya tha ki main bhi ab is duniya me nahi raha..."
"us samay mere liye sabke samne aana matlab khud ki jaan ko Gabriel ke hath me saupna tha...isliye main kuch dino tak death iceland me ghoomta raha apni jaan bachane ke liye...death iceland ka raja jab mar jata hain to purani vidhi ke mutabik use tehkhane me ek kabra ke andar daalkar dafna diya jata hain...sabhi ne us sainik ko hee Martin samajhkar use dafan kar diya...koyi bhi us sainik ko nahi pahchan paya kyunki yuddh me uska chehara buri tarah ghayal ho gaya tha ...jisse use pahchan pana mushkil ho gaya tha"
Ron bolte bolte achanak rook gaya,usne lisa ki taraf dekha lisa ki ankho me ansu aa gaye the ,jise wo apne hatho se saaf karte hue boli...
"phhir aage kya hua...mujhe sab kuch vistar se batao..."
"main samajh chuka tha ki ab death iceland mere hath se nikal chuka hain ...main waha jyada din nahi rah sakta tha...par main tumhe akele nahi chhod sakta tha ,main tumhe apne sath lane ke liye yojana banane laga...death iceland ke sabhi log pallora ki taraf bhag gaye the...maine ek kathor sankalp kar apne kile ki taraf badha ,jab dewan ne mujhe pahchan liya...main dewan ko usi vaqt maar deta lekin Gabriel aur Morgan beech me aa gaye...mujhe ek baar phhir apni jaan bachane ke liye waha se bhagna pada ...main bhag kar tehkhane me chhup gaya ,jaha Gabriel aur Morgan bhi mere peechhe peechhe aa gaye...usi samay dewan tumhare pass gaya aur usne tumhe ye bata diya ki main zinda hoon aur maine hee tumhare bhai ka khoon kiya hain aur ab main tumhe marne ke liye kile ki taraf aa raha hain...maine tumhare bhai ko mara ye sunkar mere liye tumhare andar nafrat hee nafrat bhar gaya ,jisne humare pyar ko ek pal me bikhra diya...main tehkhane me is tarah chhup gaya ki Gabriel aur Morgan lakh koshisho ke bawjood mujhe nahi dhoond paye...aur tehkhane ko bahar se band karke chale gaye...bahut der tak main tehkhane me ek kayar ki tarah chhupa raha...aur jab mujhe aisa laga ki Gabriel waha nahi hain ,tab main bahar aaya lekin usi samay tum ,dewan ke sath tehkhane me aa gayi...mujhe samne dekhkar main ek pal ke liye kitna khush hua tha isko main aaj bhi bayan nahi kar sakta tha ...lekin mujhe dhakka us samay laga jab tum mere samne dewan ke baho se lipat gayi...main is jung me sab kuch haar chuka tha ,mujhe maloom chal gaya...mera saltanat ,meri sena aur tum...tumhe dewan ke sath is halat me dekhkar mere andar gusse ka sailab foot pada aur maine tum dono ko hamesha ke liye waha band kar diya...spiritual jahaj ko mere siwa aur koyi nahi chala sakta tha...aur yahi ek aisi chiz thi jo us samay mere pass thi ,main spiritua jahaj ko lekar pallora ki taraf badha...is jung me nakshe ke sabhi hisse gum ho chuke the mere pass nakshe ka keval ek bhag tha....spiritual jahaj ko lekar main pallora ki taraf badh raha tha ki Morgan aur Gabriel ne apni dragon ki vishal fauj ke sath mujhpar hamla kar diya aur Gabriel ne apne shaktiyo se us khooni bawandar ka nirman kiya aur mere peechhe chhod diya...ab jahaj ko chhodne ke aalwa mere pass aur koyi rasta nahi tha ,main jahaj se neeche kood pada is firak me ki ye bawandar mujhe shayad kisi kinare me pahuncha de...meri ankho ke samne mera jahaj us khooni bawandar me doob kar samundar ki gahrayi me ja pahuncha...."
"mujhe maaf kardo Martin ,main us samay mere gusse ne meri sochne samajhne ki shakti ko khatam kar diya tha..."
"main samajh sakta hoon lisa..."Ron ne lisa ko gale lagate hue kaha...lisa bhi Ron ki baho me sama gayi...lekin tabhi Ron ko apni peeth par ek tej dard mahsoos hua...Ron ko aisa laga ki kisi ne tejdhar hathiyar uske peeth me ghused diya hain...Ron ne lisa ko khud se alag kiya aur aur apne peeth par hath rakhte hue peechhe muda...Ron kuch samajh pata uske pahle hee Gabriel ne uske sar par usi tejdhar hathiyar se hamla kiya...Ron behosh hokar wahi gir pada,lisa ko bilkul bhi andaja nahi tha ki Gabriel aur baki sab itni jaldi aa jayenge...
"tum log to do din baad aane wale the...."
Gabriel ne Morgan aur dewan ko Ron ko uthane ke liye kagha aur lisa ki taraf muskurakar bola...
"bas yahi humari yojana thi ..."
"ye kaisi yojna thi..jisme main shamil to hoon par mujhe khud nahi maloom ki yojna thi kya..."
"lisa pahle Ron ko tapu ke beech bane dragon ke nishan wale chakra par le jate hain...waha tumhe sab samjha dunga..."