Fantasy Ron~the dragon holder (Sgp2009) - ( Completed)

[sarit11]

UPDATE-38

"apne bade bhain se baat karne ki tameej nahi tujhe"
Gabriel ne apne hath se Ron ka sar pakda aur jis chattan se Ron ko kuch der pahale bandh diya gaya tha..usi chattan me Gabriel ne Ron ke sar ko de mara...Ron ne bha jawabi hamla karte hue apne kohani se Gabriel ke sar par war kiya...Gabriel ko Ron se ye ummid nahi thi aur na hee wo iske liye taiyar tha...
"main ab Martin nahi hoon Gabriel,jo apne bade bhai ke samne kamjor pad jaye..."
"tu Martin se Ron kyun na ban gaya ho...par tu mere samane kal bhi kamjor tha aur tu aaj bhi mere samane kamjor hain..."
"na to Martin kabhi tere samane kamjor tha aur na hee Ron kabhi kamjor padega...pichhali baar tujhe samne dekhkar ek baar mere kadam ladkhada gaye the Gabriel...lekin ab halat badal chuker hain..."
"mera mukabala karne ki himmat kaha se aa gayi tujhme...maine jis tarah se tere saltanat ko tabah kiya tha usi tarah tujhe bhi barbad kar dunga..."
"abki baar aisa kuch nahi hoga...mera dragon bas kuch dine mere sath hoga,phhir tu kya sath me teri geedado se bhari fauj bhi mera kuch nahi kar payegi..."
"tera dragon..."Gabriel thahake lagane laga.."tere dragon ko maine to kab ka maar diya hain..."
"sach me par mujhe to aisa nahi lagta..."
Gabriel ko tabhi ahsaas hua ki wo jis kaam ke liye Ron ko abhi tak zinda rakha hua hain..wo kahi adhura na rah jaye,isliye Gabriel ne apne tevar badalte hue bola...
"mere bhai hum dono ko purani baate bhool jana chahiye...itana sab kuch hone ke baad bhi main tujhe apni taraf aane ke liye kah rha hoon...ek baar tu meri baat maan le phhir dekh lisa bhi tere sath hogi..."
"lisa..."lisa ka nam sunte hee Ron chup ho gaya...
"tu chup kyun hain..."
"lisa,dewan ke sath hain,use chhodkar wo kabhi mere pass nahi ayegi...aur waise bhi jabse maine uske bhai ko yuddh me mara hain ,wo bhooki sherani ki tarah mere jaan ki pyasi hain..."
"tu ek baar mere sath ho ja..phhir samundar ki tarah tu lisa par bhi hukumat karega..."
"sach me,aisa ho sakta hain.."
"haan mere bhai..."
Ron apni ungaliyo ko hawa me ghumate hue kuch sochane laga aur kuch der baad uske chehare par muskan aa gayi...
"thik hain Gabriel...aaj se Ron teri taraf,par meri ek shart hain,aur wo shart ye hain ki ye kallu abhi mere liye dragon ke kalije ka mans ko bhoonklar layega..bahut saal ho gaye kisi dragon ka shikar kiye hue..."
Gabriel ne Morgan ko ishara kiya,Morgan ,Ron ko ghoorte hue waha se chala gaya...Morgan ke jane ke baad Gabriel bola...
"Ron meri ek baat jehan me baitha le,tu bhi ek dragon holder hain ...ye baat lisa aur dewan ko maloom nahi chalni chahiye..aur tu mera bhai hain is baat ka to bilkul bhi un dono ko pata nahi chalna chahiye..."
"lisa kaha hain aaj ki raat mujhe sharab ke sath lisa aur dragon ka mans dono chahiye..."
"ha...ha..tere tharak ki bhook abhi tak shant nahi hui..."Gabriel hansta hua waha se chala gaya....
**************************************************************
Raaj abhi bhi behosh tha aur uski saanse abhi bhi chal rahi thi ,jo is baat ki gavah thi ki Raaj abhi tak is duniya me hain...Riya,bilandar,seth aur Aditya ne Raaj ko charo taraf se gher rakha tha...kuch der pahale seth ne balladonna ko Aditya ki madad se rok diya tha.
"Aditya-Raaj behosh hain aur Ron ko Gabriel utha ke le gaya hain...hum log to buri tarah phans chuke hain..."
"Riya-mujhe ek baat ab bhi samajh me nahi aa rahi hain ki Gabriel ne Ron ko marne ki bajay use utha kyun liya...
bilandar ne apne jeb se naksha nikala ,aur pass me rakhi hui ek chair par baith gaya..."har ek tarah shayad Gabriel bhi Ron se koyi hisab chukana chahta ho..."
sabhi Gabriel ki tarah dekhane lage...
"haan aisa ho sakta hain...ya phhir ye bhi ho sakta hain ki Gabriel, Ron se koyi kaam karwana chahta ho..."
usi samay seth balladonna ke engine ka nirikshan karne ke liye Aditya ko lekar waha se chala gaya...ab kamre me bilandar,Raaj aur Riya hee the...Riya ke man me abhi kuch der pahale kahi gayi bilandar ki baat ghoom rahi thi...
"bilandar...abhi tumne kaha ki Gabriel apna koyi kaam karwanw kw liyw Ron ko apne sath le gaya hain..."
"ye kahna to bilkul aasan hain...yadi Ron ko zinda rakhne se Gabriel ko koyi fayda nahi hota to wo abhi tak Ron ko maar chuka hota..."
"bilandar ye bhi to ho sakta hain ki Ron ko Gabriel ne apne thikane me jakar maar diya ho..."
**************************************************************
idhar Morgan ,lisa ko Ron ke sath kuch din shanti se rahne ke liye mana raha tha...jisse lisa bhadak uthi..
"mujhe samajh me nahi aa raha hain Morgan ki malik ne us dhokebaj ko abhi tak zinda kyun rakha hua hain...upar se tum mujhe ye behuda kaam de rahe ho ki Ron ke samane main shanti se pesh aau...."
"lisa malik ki shaktiya khatam ho rahi hain..."
"malik ki shaktiya khatam ho rahi hain to isme main kya karu aur Ron ko zinda rakhne se iska kya talluk hain..."
"lisa main samajh sakta hoon ki Ron ne tumhare bhai ko jung me maar diya tha...aur tum uska badla lena chahti ho...lekin jaisa malik ne kaha uske mutabik malik ki shaktiya khatam ho rahi hain aur Ron ko malik dhoke se samundar ke beech bane us tapu par lana chahte hain jaha Ron se malik uski shaktiya chheen le..."
"Ron ke pass aisi kaun si shakti hain jiski jaroorat malik ko hain..."
"lisa ek dragon holder ki shaktiya kuch samay ke baad nast ho jati hain...aur un shaktiyo ko wapas lane ka sirf ek tareeka hain...wo ye ki humare kandhe me jaise nishan hain..usi nishan wale kisi ek ko maarkar uska khoon pee liya jaye...aur malik mujhe ,tumhe aur dewan ko nahi marna chahte hain...isiliye unhone Ron ko ko dhoke se apne sath mila liya hain aur yahi vajah hain ki Ron ko malik ne abhi tak zinda rakha hain..."
"to ye baat hain...lekin uske liye samundar ke beech bana wo tapu hee kyun..."
"kyuunki wahi ye vidhi shuru ho sakti hain..."
"iska matlab ye hua ki samundar ke shikari ka shikar hone wala hain...aur use pata bhi nahi..."
"ab tumhe Ron ko sambhalna hain,dhayan rahe wo bahut chalak hain,kahi use shaq na ho jaye.."
"iski fikar mat karo Morgan...Ron to mere jism ka deewana hain...use main jald hee apne vash me kar lungi..."
"phhir tum aaj raat hee us bejan se tapu ke liye Ron ke sath ravana ho jao...do din ke baad malik ,main aur dewan waha aa jayenge....."