Fantasy Ron~the dragon holder (Sgp2009) - ( Completed)

[sarit11]

Update-33


"jab tu samundar me rah nahi hi nahi saktato khud ko Samundar ka Shikari kyun kahtahain..."

"wo to mujhe mere saltanat ke log kahte the...mere karnamo ki vajah se..aur baki baate baad me...mujhe samane balladonna dikh raha hain...aur main jald se jald waha jakar apne kapde sukhana chahta hoon...bahut dino baad kamar ke upar se maine pani ko sparsh kiya hain..."
Aditya ne samane dekha...balladonna samundar me adha dhans chuka tha...
"oh no...iski halat to bahut kharab hain..pata nahi ye chal bhi payega ki nahi..."
"Raaj hain na wo apne shaktiyo se ise bahar nikal dega...ab chale"
Ron aur Aditya balladonna par pahunch gaye...Ron ko waha neeche padi sharab ki ek botal dikhi...usne us botal ko uthaya aur hila kar dekha...botal khali thi...
"khali botal sharab me kyun rakhi hain...ummid hain andar sharab se bhari botal jaroor milegi.."Khali botal ko phenkate hue Ron bola..
"Riya..jab Ron tumhe janeman kah ke bulata hain to tumhe bura nahi lagta.."
Raaj ke is sawal par Riya muskura di...
"Riya main tumse kuch puchh raha hoon.."
"Raaj...wo uski adat hain,isme koyi naraj honi wali baat mujhe nahi dikhti..."
"ye adat nahi buri adat hain...mujhe bilkul achchha nahi lagta.."
"tum Ron se jal rahe ho Raaj.."
"us behude me aisa hain hi kya...jo main usse jalunga..."
"balladonna karib hain,ab hum dono ko waha chalna chahiye..."
"iski halat to badtar ho chuki hain...tum chalo main ise bahar nikalta hoon.."
"aur wo kaise hoga.."
"tum shayad kuch bhool rahi ho janeman..."Raaj ne apne hatho ko dikhate hue kaha..Riya seedhe balladonna ki taraf chali gayi...Raaj balladonna ke neeche gaya...aur apni shaktiyo se balladonna ko upar kar diya...Riya balladonna par aa chuki thi...
"Aditya ,tumne engine check kiya...kya balladonna aage badh payega..."
"yadi mera andaja sahi hain to ship ke engine par dhakka laga hain...aur isne kaam karna band kar diya hain...hume chahiye ki iske engine ko ek baar ghuma diya jaye...lekin ye karega kaun.."
"Raaj kar dega ye kaam...aur Ron ke kis rahasya ki baat tum kar rahe the.."
"Ron ka rahasya,tum kis rahasya ki baat kar rahi ho..."
"Aditya...mujhe bewkoof banana aasan nahi...tum bhi jante ho ki Ron vishwas ke kabil nahi hain,wo abhi humare sath hain kyunki use humari jaroorat hain...yadi ek baar wo jo chahta hain yadi use mil gaya to wo humari madad nahi karega..."Riya,Ron ke taraf dekhte hue boli...jo bahar sharab ki botal ko hila kar dekh raha tha ki usme sharab baki hain ya nahi...
"Ron par to mujhe bhi bharosa nahi...mujhe sirf itna maloom hain ki Ron Spiritual ship ki talash me hain..."
"kya usne tumse aisa kaha..."
"haan...usne mujhe hamesha aisa hi kaha ki ek baar spiritual ship use mil jaye...phhir use koyi nahi rok sakta..."
"kya usne tumhe ye kabhi nahi bataya ki spiritual ship me hi wo beshumar khajana chhupa hua hain...jiski talash me hum sab yaha aaye hain..."
Riya aur Aditya ko baat karte dekh Ron un dono ki taraf aane laga...
"Aditya...wo isi taraf aa raha hain...uske samne kuch mat bolna.."
"janeman...jahaj me sharab kaha rakhi hui hain..."
"neeche ,balladonna ke neeche wale kamro me..."
Ron udhar hi chala gaya...jis taraf Riya ne ishara kiya tha...tab tak bilandar aur Seth bhi waha pahunch chuke the...bilandar ne balladonna me pahunchate hi sabse pahle nakshe ko jeb se nikala...wo gila ho chuka tha...
"Riya-ye wahi teesara naksha hain na.."
"bilkul wahi hain..."
"phhir mujhe do ye naksha..."
"ahhh...itna bewkoof nahi hoon main...is nakshe ko main apne pass hi rakhunga taki tum sab mujhe beech me hi dhoka na do..."
"phhir rakho ise apne pass...lekin aage ke raste ke liye tumhe ye naksha dena padega...tabhi hume maloom chalega ki kis disha me hume jana hain..."Raaj ne kaha ,jo abhi abhi waha aaya tha...
"befikar raho aage ka rasta main bata dunga..."Ron ne aate hue kaha...Usne sharab ki ek botal apne jeb se nikal kar bilandar ki taraf phenki...aur ek botal ko hath me rakhe hue tha...
"tum logo ne sahi suna...aage ka rasta main tumhe bata dunga...ab apne ye khule hue mu band kar lo...meri is sharab ki botal me se ek boond bhi kisi ko nahi milegi.."
"kameena sala.."Raaj ne man me Ron ko gaaliya dete hue kaha...
"Raaj,ab tum apne hawa wale kartab ka kamal dikhao...jald se jald yaha se nikalna hoga,Gabriel se jald hi mulakat hone wali hain..."
"sun be,tu khud ko kya samajhta hain,main nahi janta...lekin ek baat yaad rakhna ye jahaj tere ishare par nahi chalega..."Raaj ne apni ungali Ron ko gusse se dikhate hue bola..
"waise mujhe koyi jaldi nahi...jab man ho tab jahaj ko aage badha...lekin ek baar meri baat nahi mani thi tum sabne aur iska nateeja tum sab dekh chuke ho..."
Riya ne Ron ka samarthan kiya..."Raaj,Ron sahi bol raha hain...hume jald hi aage badhna chahiye..."
Raaj ne apni shakti se engine ke spring ko ghumana shuru kar diya...balladonna kuch door dhakke khata hua aage badha...
"Raaj aur jor lagao kaam ban raha hain..."
balladonna ki speed badhti gayi...seth ne ghumti hui spring ko dekhkar Raaj ko rukne ke liye ishara kiya..
"ab ye thik tarah se kaam kar raha hain...bahut achchhe Raaj.."
Ron,waha se bahar aa chuka tha...usne peechhe mud kar dekha...sabhi engine ke pass hi khade the...
"sab teen nakshe ke peechhe hi pagal hain...lekin in namuno ko ye nahi maloom ki Martin ne teen nahi char nakshe banwaye the...maloom bhi kaise hoga Martin to khud main hoon,aur ye sirf mujhe pata hain..."
Ron ne apne jeb se naksha nikala...aur dekhkar wapas rakh diya..uske samane wo nazara ghumane laga jab lisa aur dewan se wo lad raha tha...aur Aditya,bilandar teesare nakshe ko lekar waha se bhag gaye the...unke jane ke kuch der baad Raaj aur baki sab bhi waha pahunche,unse usne khud ko chhipa liya tha..aur unke jaane ke baad wo mashal lekar Tehkhane ke dusare hisse me gaya jaha usne nakshe ke aakhiri bhag ko kayi saal pahale chhupa diya tha...in bewkoofo ko to ye bhi nahi maloom ki main khud ek dragon holder hoon...aur mujhe sirf Gabriel hi maar sakta hain...bas ek baar mera dragon mil jaye...uske baad...ha..ha..ha...
_