Fantasy Ron~the dragon holder (Sgp2009) - ( Completed)

[sarit11]

Update-30
"Ron tum zinda ho..."


"nahi main Ron ka bhoot hoon.."
"thank u...thanku very much Ron..i will never forgot ur this help..thank u..thanku.."
"janeman..meri hindi thodi kamjor hain..aasan hindi ka istemal karo.."
"kya..aasan hindi.."Riya ke kuch der pahale maut ke dar se jo khauf tha..wo puri tarah hat chuka hain..
"janeman..jaan bachane ka shukriyada to kar do.."
"abhi maine wahi kiya tha Ron.."
"aisa kya..mujhe samajh nahi aaya shayad..koyi baat nahi.."
Ron ne Morgan dekha..aur Morgan ko dekhate hi Ron ko hansi aa gayi..usne Morgan ke pet me ghusi hui talwar ko pakad kar aur andar ghusa diya..Morgan ashay hokar chillane laga..
"chub be..teri aawaj utani bhi surili nahi hain.."
"Ron..tujhe dragon holder se kaun bachayega.."Morgan ne apne pet se Ron ki talwar nikalte hue bola..Morgan aadhi talwar apne pet se nikal chuka tha..Ron aur Riya Morgan ki is halat ka maza utha rahe the..
"tumhe kya lagta hain Riya,..ye kallu talwar nikal lega.."
"shayad haan.."Riya ne apne kandhe uthate hue jawab diya..
ron ki nazar neeche pade Morgan ke farse par padi..bina samay gavaye Ron ne Morgan ka farsa utha liya..
"kallu..jaise tere chehare aur is farse ka rang bahut milta hain ..dono nihayat hi bahut kale hain.."
"Ron..hume baki sabki madad karni hogi...Morgan ke sath do aur bhi the.."
"chalo meri jaan..sabki karte hain..mera matlab madad.."kahte hue Ron ,Morgan ki taraf badha aur Morgan ke ghutano par usi ke farse se hamla kiya..lekin farse tej dhar bhi Morgan ke sharir se khoon ka ek katra bhi nahi nikal payi..lekin Morgan ke ghutano par dard hua..dard itna tej tha ki Morgan khada nahi rah paya..aur ghutano ke bal wahi ludhak gaya...Ron ne Morgan ke pet me dhansi hui talwar par apni laat rakh kar andar daba diya..Morgan ek baar phhir dard se chilla utha.."Dhokebaaj..yadi apni taqat par itna hi ghumar tha to peechhe se kyun hamla kiya.."
"shukar man ..talwar pet me ghusayi..yadi kahi aur ghusa di hoti to...."lotpot" tu talwar nikal main tera farsa lekar jata hoon..meri talwar ka achchhe se khayal rakhna.."
Ron ke ishare se Riya teji se daudane lagi...peechhe peechhe Ron bhi daudane laga..
*************************************
"gabriel ke nam se jante hain mujhe...main hoon dragon holder.."Gabriel ne Nair ka kata hua sar apne hatho me pakda..aur pass me maujood bade se patthar me de mara...aisa ghinona drishya koyi nahi dekh paya..sabne apni ankhe band kar li..
"Aditya-abey Raaj...kuch kar toofan utha nahi to sabka yahi hoga.."Aditya ne khaufnak nazaro se Gabriel ki taraf dekha..Gabriel ka sharir dragon se juda hua tha..uske kandho me pankh the..jo use hawa me udne me sahayata karte the..Gabriel ke kamar ke neeche ka sharir puri tarah dragon ki tarah tha..farak sirf itna tha ki pairo ki banawat insan ki tarah thi..lekin rang aur mans kisi dragon ka tha..Dragon ke hatho ko dekh kar aisa lagta raha tha jaise usne dragon ke sharir ko katkar uska tukda apne hatho me chipka liya ho...Gabriel ki nazar Aditya par padi..
"kya haal hain dost..tum itane dare hue kyun ho.."kahte hue Gabriel ne apne farse ko Aditya ke gale par rakha..aur dheere dheere apne farse ko Aditya ke seene ke taraf laya..jaha jaha Aditya ke sharir me Gabriel ke farse ne Aditya ko chhua..waha ek gahra jakhm ban gaya..aur khoon ki tej dhar nikalne lagi...dar ke karan Aditya ne apni ankhe band kar li...Raaj se ye sab dekha nahi gaya...wo dewan se ladte hue bahut thak chuka tha...lekin phhir bhi usne apne hatho ko Gabriel ki taraf kiya aur apne hath ko jhatka diya..Gabriel ko iski khabar tak nahi hui..aur girte padte Gabriel ka sar usi patthar se ja takraya..jaha kuch der pahle Nair ka kata hua sar gira tha..jab patthar se Gabriel ka sar takraya to waha ek jordar visfot hua..patthar ke kayi tukade ho gaye..lekin Gabriel ke sar se khoon ki ek boond bhi nahi bahi...
"tere pass to adhbudh shakti hain..par afsoos ki tu mera mukabala nahi kar sakta.."
Gabriel ab Aditya ko chhod Raaj ki taraf badhne laga...
"meri shaktiyo ko tune dekha kaha hain abhi...ye dekh.."
Raaj ne apni puri takat se ek toofani bawandar khada karne laga..aur us bawandar ko Gabriel ki taraf mod diya..Is baar Gabriel taiyar tha..usne apne ko do kadam peechhe kiya..aur jordar hunkar maari jaise dragons marte hain...aag ki vishal lapte Gabriel ke mu se nikalne lagi..jisne uske taraf aate hue Raaj ke toofani bawandar ko rok diya..sabke dimak sun ho gaye...
"Gabriel-ab shayad yaha par maujood har shaks samajh jayega ki mujhe dragon holder kyun kahte hain..."
Raaj ka hamla nakam hua ye dekh kar bilandar,Aditya aur Seth ka dil ki dhadkane band hone ko aa gayi...
Tabhi waha daudte hue Riya aur Ron aa pahunche.."yaaakkkkkk...Riya ne jaise hi Nair ke khoon se lathpath sharir ko dekha uske mu se yahi aawaj bahar nikli..usne apne hatho se khud ke chehare ko thak liya...
"lo ek aur aa gayi marne.."lisa ,Riya ke taraf badhi..."ise main sambhal lungi malik...aap fikar na kare..."kahte hue lisa ne apni talwar kheench li...lekin uske hath me tabhi Ron ne Morgan ke farse ke peechhe wale hisse se de mara..lisa ki pakad talwar se chhut gayi...
"kya haal hain janeman..mujhe to tum sab bhool gaye.."
"Ron.."
"itane saal tehkhane me rahne ke baad bhi tumhare daant safed hain.."
sabki nazare Ron ki taraf ghoom gayi..ek taraf jaha Seth, bilandar aur Raaj khush the..wahi dusari taraf lisa,dewan ...Ron ko zinda dekhkar buri tarah chaunk gaye the...
"dewan-tujhe to maine apne hatho se mara tha..tu zinda kaise bach gaya..
"wo sab chhod dewan..main tujhse puchhna bhool gaya tha ki tum dono ko mera naya nam kaisa laga...The Ron...samundar ka Shikari..achchha hain na.."
Gabriel apne chehare par muskan late hue shant lahaze me apne ek hath me farsa thame Ron ki taraf badha...
"kaise ho..samundar ke Shikari..main aaj khas tumhare liye hi yaha aaya hoon.."
Gabriel ko dekh kar Ron ne apne farse ko majbooti se pakad liya...
"Gabriel tu yaha dragon ke liye khane ka intejam karne aaya hain kya.."
"kamal hain Ron tum kitane badal gaye ho...lekin tumhara hunar abhi tak tumhare pass hain.."
Raaj ke dimak me ye prashn uth raha tha ki Ron aur Gabriel ek dusare ko kaise jante hain...ek aur karan tha jo Raaj ko dil hi dil me khaye ja raha tha ki Ron ,jise wo apna dushman manta hain wo usse jyada famous tha...akhirkar jhalla kar Raaj bol pada...
"Ron tu is dragon mu wale bandar ko kaise janta hain..."
"bandar...mujhe bandar kaha.."khud se baat karte hue Gabriel ne apna farsa Raaj ki taraf de mara..jo seedhe uske pair me ja ghusa..lekin Raaj ke kandhe me maujood nishan ki vajah se Gabriel ka farsa Raaj ke pair ko kaat nahi paya...
"narah nahi hote Gabriel...wo to bas puchh raha tha.."Ron ne apne hath ,Gabriel ke kandhe par rakh diya..."Raaj jise tune bandar kaha wo mere karnamo ka bahut bada fan hain..aur mujhe apna guru manta hain.."
Ron aage kuch bol deta...Gabriel ne Ron ko majbooti se pakad liya..Gabriel ke kandhe se jude pankh satark ho gaye...Gabriel ,Ron ko lekar upar uda..aur uchayi par jakar Ron ko chhod diya..na chahate hue bhi Raaj ne Riya ke ishare par Ron ko neeche girne se bacha liya...
"Ron-isne sahi kaha ...tu bandar hi hain...