ఇత్రాకి ఉత్రాకి బత్తరి బిత్తర కత్రాకి - small story

[Haran000]

నేను చెవిలో earphones పెట్టుకొని పాటలు పెట్టుకున్న. “ ఎవరెవరో నాకేదురైన నువు కలిసాకే మొదలైందే………..  మెళకువలో ఓ ఓ.... కలగా దోచె మరుజన్మేదో మొదలైందే...., ఏమో ఎం చేస్తున్నానో, ఇంకా ఇంకేమేం చేస్తానో ఇలా....... ఆ...”

వింటూ ఉంటే సినిమాలో పెళ్ళాం ఉన్నా కానీ ఇంకో దానితో అలా ఏమన్నా ఉందా, నిజంగా నాకు అలా కావాలి, పెళ్ళాం ఉన్నా ఇంకొకరు కావాలి. అసలే నాకు వేడి ఎక్కువ. అయినా రెండు పెళ్ళిళ్ళు ఎందుకు చేసుకోకూడదు నాకు అర్థం కాదు, అంటే అన్నాను అంటారు గానీ ఒకప్పుడు రాజులు రెండు మూడు ఇంకా ఎక్కువే చేసుకున్నారు వాళ్ళు సంతోషంగా లేరా, అక్కడ లేని తప్పు ఇప్పుడెందుకు. నా ఉద్దేశం చెప్పాలా, ఇప్పుడూ ఒక మగాడికి ఒక అమ్మాయి నచ్చి ఇద్దరూ ఇష్టపడి పెళ్ళి చేసుకున్నారు. కానీ ఒక మగాడికి ఒక్క అమ్మాయే నచ్చలని నిబంధన లేదు, అలా ఇంకో అమ్మాయి నచ్చుద్ది, ఇప్పుడూ ఆ అమ్మాయికి కూడా ఈ మొగాడు నచ్చుతాడు, కానీ చేసుకోలేదు, ఇప్పుడు ఆ అమ్మాయి వేరొకరిని చేసుకుంటుంది, నేను అతనితో ఉండలేకపోయాను అనుకొని నిరాశ చెందుతుంది, అవునా కాదా. సరే నాకు తెలుసు నాకు తెలుసు మీరు అడగబోయే ప్రశ్న నాకు తెలుసు, ఇలా ఒక అమ్మాయికి ఇద్దరి మోగాల్లు కావాలి అనుకుంటే ఎలా అంటారు, నేను మాత్రం నచ్చినప్పుడు చేసుకోవడంలో తప్పేం ఉంది అంటాను. సర్దుకోవాలి అంతే. అరె అరేంజ్డ్ మ్యారేజ్ చేసి సర్దుకోవాలి అన్నప్పుడు ఇది కూడా సర్దుకోవాలి అర్థం చేసుకోవాలి అనాలి. సరే సరే ఈ టాపిక్ కి ఒక క్లారిటీ లేదు లెండి వదిలేద్దాం. మీలో ఎంత మందికి మన దేశంలో అక్రమ సంబంధం చట్టవిరుద్ధం కాదు అని తెలుసు. ఇప్పుడు మరోసారి పార్లమెంటులో చట్టవిరుద్ధం చెయ్యాలి, అది కూడా ముందు తప్పు మోగాడిదే అవుతుంది అని అంటున్నారు. అది ఎప్పుడూ అమల్లోకి వచ్చేది తెలీదు. 


పిలగాన్ని చూస్తూ మళ్ళీ earphones చేవుల్లోంచి తీసా, మనోడు మళ్ళీ గుక్కపెట్టడం మొదలు పెట్టాడు, “ ఇ.... ఆమ్.... ఇ.... టాయ్....” అంటూ వాళ్ళమ్మ వడిలో కదులుతున్నాడు. వాళ్ళమ్మ, “ సప్దేక ఉండు, ఇంకొచెం సేపు ” అంటూ ఉండగా వాడేమో అటూ ఇటూగా కదులుతూ కాళ్ళు ఆడిస్తూ ఉంటే, భుజం మీద కొట్టింది. గోల మొదలు పెట్టాడు, “ ఈఈ..... టాయ్.... టాయ్.... ”

నా ముందున్న వ్యక్తి చిరాకు పడుతూ “ ఏడవకు, ఊకుంచమ్మా ” అన్నాడు. ఆమె, “ మూత్రం ఆగుతలేదు అంటుండు ఎట్లనో ఏమో ” అంది మొరాయిస్తూ. 

ముందున్న కండక్టర్ ఇటు చూసి, “ అక్కడే విప్పు అమ్మా ఇగ పోసుకుంటడు ” అంటూ పరిహాసం చేసాడు.

నాలుగో వరుస వెనక పోల్ ముందు ఒకతను ఇన్షర్ట్ వేసుకొని ఉన్నాడు, టీచర్ ఏమో బహుశా షర్ట్ జేబులో పెన్నులున్నాయి. ఎదో ఒకటి, వెనక వాళ్ళు కాస్త  వెనక్కి జరిగితే అతను కూడా వెనక్కి ఎడమకి తిరుగుతూ పొల్ మీద ఒరిగే ప్రయత్నం చేస్తుంటే, అతడి ముందున్న పసుపు రంగు చీర కట్టుకున్న ఆంటీ జెడ కురులు అతని షర్ట్ బొత్తాల్లో ఇరుక్కున్నాయి. వెనక్కి అడుగు వెయ్యగానే, అప్పుడే యాదృచ్ఛికం, బస్సు సడెన్ బ్రేకు వేసి అతను ఇంకాస్త వెనక్కి ఒరగడంతో ఆవిడ రెండు వెంట్రుకలు ఊడొచ్చాయి. “ ఆ... శ్.... ” అంటూ అరిచి వెనక్కి చూసి అతన్ని కోపంగా, “ చుస్కొరా, ఎట్లా పడుతే అట్లా నిల్చుంటరా, నా మీద మీదకి ఎందుకు ఉన్నారు. ” అని మొహం విరుచుకుంది.


అసలు అతని తప్పేం లేదు, నాకో అనుమానం ఈ మధ్య ఉప్పు ఎక్కువ తింటున్నారా అందరూ, చిన్న చిన్న వాటికే కోపం వచ్చేస్తుంది. 

“ ఎందమ్మా ఇక్కడ ప్లేస్ లేక నేను వెనక్కి పోతే అట్లా అరుస్తవు నా మీదకి, ఎట్లా కనిపిస్తున్నా ఆ...”, “ అయినా ఫ్రీ బస్సు అనగానే ఓ ఎక్కేసిర్రు, మీకు ఫ్రీ పెట్టుడే ఎక్కువ ఇంకా మాకు జాగ లేక, తిట్లు కూడా ” అనేసాడు మండిపడుతూ. ఏం దరిద్రమో ఏమో బస్సులో ఒక్క కనీసం యావరేజ్ అమ్మాయి కూడా లేదు, అనుకుంటూ ఉంటే ఈ ఆంటీ ఇటు తిరిగింది. ఆంటీ ఉందీ, మాస్త్ ఉంది. వాడు కావాలనే ఆమె మీద ఒరిగాడేమో అనిపిస్తుంది నాకు. ఆవిడకి అలా అనగానే కోపం వచ్చి, “ ఫ్రీ బస్సు గురించి మాట్లాడే అర్హత నీకు లేదు, నువ్వెందుకు మాట్లాడాలి, బస్సు ఎక్కినవు ఎక్కడుండాలో అక్కడ ఉంటే మంచిది చెప్తున్న ” అంటూ బెదిరించింది. “ అంటే నువ్వే జెడ విప్పుకుంటవ్, నీ జుట్టే నాకు తాకుద్ది, నువ్వే తిడతవా ఇగ, అందుకే ఆడాల్లకి అన్నీ ఇయ్యద్దు, నన్ను ఎందుకమ్మా ఇగ మేము బస్సు ఎక్కాలా వద్దా ఎంది ” అని గునుక్కున్నాడు. ఆవిడ కళ్ళు పెద్దచేసి చిరాకుగా చూస్తూ, “ ఇగో ఎక్కువ మాట్లాడినవో, ఆడాల్లని ఏమైనా అన్నవో బస్సు మొత్తం ఆడాల్లే ఉన్నారు, ఇక్కడే కుమ్ముతరు నిన్ను ”. అతను ఆవిడ మీదకి లేస్తూ, “ ఎంది కుమ్ముతవా దా కుమ్ము సూద్ధాం. ఏం మాట్లాడుతున్నావు నువు అసలు ”. ఆవిడ ఒకడుగు వెనక్కి వేసి, “ అగో మీదకి వస్తవూ సూసిర్రానుల్లా గీ మనిషి ” అంది. 

కండక్టర్ వీళ్ళని చూసి, “ వో ఎంది లొల్లి, అన్నా నువు జర వెనకకు పోరాదే ” అన్నాడు. 

“ ఇంకెక్కడికి పోతాం అన్నా, ఇంత దానికి గింత చేస్తుంది ఈమె ”. 

“ అగో నువు మల్ల ఈమె గీమే అంటే మంచిగుండది చెప్తున్నా. ” అని ఇద్దరూ మండిపోతున్నారు.

అగో నా ఫోన్లో ఒక మ్యూజిక్కు బయట ఈ మ్యూజిక్కు నడుస్తుంది. ఇక earphones పెట్టుకున్నా. కళ్ళు మూసుకున్నా, సీటుకి ఒరిగా.



అలా నాలుగు పాటలు గడిచాయి, కండక్టర్ “ $$$$$$$$ చౌరస్తా వచ్చింది దిగాలి ” అంటూ కేకేసాడు. మా ఊరు వచ్చేసింది. నేను తదుపరి స్టాప్ బస్టాండ్ లో దిగాను. ఆ అనుషా ఆంటీ వాళ్ళు కూడా దిగారు. బస్టాండ్ లో దిగ్గానే పిల్లాడిని పక్కకి చెట్ల దగ్గరకి తీసుకెళ్ళి జిప్పు తీసింది. వాడు పోసుకున్నాడు. బాగానే ఆపుకున్నాడు పిల్లోడు.


దిగి ఇంటి తోవ పట్టాను. అనిపించింది, మళ్ళీ బస్సు ఎక్కాలి, ఆ బస్సులో ఎక్కువ ఆడవాళ్ళు ఉండాలి అది కూడా సెక్సీ అంటీస్ అండ్ బ్యూటిఫుల్ అమ్మాయిలు, నా చుట్టూ ఉండాలి. ఆహా…….

జనవరి పదకొండు, రెండువేలా ఇరవై నాలుగు, సాయంత్రం ఆరు గంటలు, ఏదైనా చిన్న కథ రాద్దాం  ఏం రాద్దాం. కొత్త ఆలోచనలు రావట్లేదు అనుకుంటూ ఉండగా ఇలా జరిగిందిగా అని గుర్తొచ్చి  ఇదే రాసాను.

కథ శీర్షిక ఏం పెట్టాలా అనుకుంటూ ఉన్నాను, బిత్తిరి బిత్తిరిగా ఏదైనా పెట్టాలి అనుకున్న. అప్పుడే నోటి వెంట, ఇత్రాకి ఉత్రాకి బత్తరి బిత్తర కత్రాకి అని వచ్చింది.

॥——————— End ———————॥

~~~~~~~

|_|_|_|_|_|

|_|_|_|_|_|

0ె         0ె

ఇట్లు మీ ఇఠాచి