Romance సహాయం - శృంగారం

[Mahesh.thehero]

కళ్ళ ముందు బామ్మ కన్నీళ్లు - అక్కయ్య గుర్తుకురావడంతో ఆగిపోయాను , వీరి అంతం కంటే వారి సంతోషం ముఖ్యం , ఎలా ఉన్నారో ఏమిటో ..... అప్పులవాళ్ళు ఈరోజే వస్తారని అన్నారు .
అంతలో ఆ రాక్షసులిద్దరూ లోపలికివెళ్లిపోవడంతో కూల్ అయ్యాను , ఇల్లు ఖాళీ చేయాలి అన్నారు అక్కడి పరిస్థితి ఏమిటో , వెళితే కదా తెలిసేది అంటూ లిఫ్ట్ దగ్గరికి పరుగులుతీసి బటన్ ప్రెస్ చేసాను .
పరిష్కారం డబ్బు ...... , అంతడబ్బు నేనేమి చేసుకుంటాను అనుకుని ఫ్లాట్ లో ఏముందో కూడా పట్టించుకోకుండా అసలు ఆ విషయమే గుర్తులేనట్లు లోపలికివెళ్ళాను - ధడేల్ మంటూ డోర్ క్లోజ్ అయినా డోంట్ కేర్ అన్నట్లు బెడ్రూంలోకి వెళ్లి , మేడమ్ గారు లాకర్లో ఉంచిన నాకొచ్చిన డబ్బు 10 లక్షలూ తీసుకుని బయటకు పరుగులుతీసాను , ఫ్లాట్ కు లాక్ వెయ్యడం కూడా పట్టించుకోలేదు , లిఫ్ట్ తెరుచుకోవడంతో వెళ్లి డౌన్ ఫ్లోర్ బటన్ నొక్కాను , కిందకు వెళ్లి తెరుచుకోవడంతో పరుగపెట్టాను బయటకు ......
మళ్లీ అవే గుసగుసలు .......
తమ్ముడూ తమ్ముడూ అంటూ సెక్యూరిటీ అన్న పరుగునవచ్చి , అంతా ok కదా ఏంటి పరుగున వచ్చారు అంటూ కంగారుగా అడిగారు .
అర్జెంట్ గా వెళ్ళాలి , అయినా ఎందుకలా అడిగారు - కంగారు కూడా పడుతున్నారు .
సెక్యురిటి : ఫ్లాట్ లో అంతా ok కదా తమ్ముడూ ......
అంఏ ఫ్లాట్ లో something అన్నమాట , అవేమీ పట్టించుకోకుండా ఆటో అంటూ పిలిచాను , అప్పుడు గుర్తొచ్చింది బామ్మ ఇంటి అడ్రెస్ తెలియదు అని .....

విశ్వ సర్ ఏమైనా హెల్ప్ ...... , ఆశ్చర్యం షాకింగ్ అనే చెప్పాలి - తమ్ముడూ ఎక్కడికి వెళ్ళాలి అంటూ మధ్యాహ్నం బామ్మను - లాయర్ గారిని తీసుకెళ్లిన ఆటో డ్రైవర్ .......
అంటే జరగాల్సినదే జరుగుతోందన్నమాట , చెల్లి కీర్తి చెప్పినట్లు బామ్మ కోసం దేవుడు పంపించిన దూతను ......
అలాంటిదేమీ లేదులే , బామ్మకు సహాయం చేస్తే చెల్లి హ్యాపీ - దాని ద్వారా చెల్లికి మంచి జరిగితే అంతకంటే సంతోషం మరొకటి లేదు అనుకుని ఆటో ఎక్కాను .
డ్రైవర్ : తమ్ముడూ ఎక్కడికి ? .
అన్నా ...... మధ్యాహ్నం కోర్టు దగ్గర ఒక బామ్మను - లాయర్ గారిని ......
డ్రైవర్ : ఎక్కించుకున్నాను .
గుర్తుందన్నమాట అయితే వారిని ఎక్కడ దించావో కూడా ......
డ్రైవర్ : గుర్తుంది .
థాంక్యూ అన్నా , అక్కడికే పోనివ్వండి . 
డ్రైవర్ : సరే అంటూ మీటర్ వేసి పోనిచ్చాడు .
అంతా విధి అన్నమాట - ఆ దేవుడి ఆట అనుకున్నాను , కానీ ఒకటే బాధ బామ్మ ప్రాణమైన ఇద్దరిలో ఒకరు లేకపోవడం అంటూ కన్నీళ్లను తుడుచుకున్నాను , అన్నా ఏమీ అనుకోకుండా ఫాస్ట్ గా పోనివ్వండి ప్లీజ్ ......
వేగం పెంచాడు - దగ్గరలోనే అనుకుంటాను 15 నిమిషాలలో తీసుకెళ్లాడు , చూస్తే మంచి costly ఏరియా లానే ఉంది .
డ్రైవర్ : ఇక్కడే దిగారు , ఈ వీధిలో లోపలికివెళ్లారు .
థాంక్స్ అన్నా అంటూ మీటర్ డబ్బులు ఇచ్చేసి లోపలికి పరుగుపెట్టాను .

ఏడెనిమిది ఇళ్ల తరువాత ఒక ఇంటి ముందు జనాలు గుమికూడి ఉండటం చూసి ,  దేవుడా ఏమీకాకుండాలే చూడు అని కంగారుపడుతూ జనాల మధ్యలో లోపలికివెళ్ళాను .
పెద్ద ఇంటి మెయిన్ గేట్ ప్రక్కనే బామ్మ - బామ్మ గుండెలపై అక్కయ్య అనుకుంటాను , హమ్మయ్యా అనుకున్నాను .
ఇంటిలోనుండి వస్తువులన్నీ తీసుకొచ్చి బయటకు విసిరేస్తున్నారు కొంతమంది .
బామ్మ .... అక్కయ్యను ఓదారుస్తూ , బ్రతిమిలాడి బ్రతిమిలాడి అలసిపోయినట్లు వద్దు వద్దు కాస్త సమయం ఇవ్వండి అంటూ ఏడుస్తున్నారు .
జనాలు చూస్తూ గుసగుసలాడుకుంటున్నారే తప్ప ఇంతకాలం తమతోపాటు ఇరుగుపొరుగుగా జీవించారని ఓదార్చడానికి కూడా ముందుకు వెళ్లడం లేదు .
కళ్ళల్లో నీళ్ళు తిరిగాయి .

సంవత్సరం సమయం ఇచ్చాము - ఇక ఒక్క క్షణం కూడా ఉపేక్షించేది లేదు - రేయ్ త్వరత్వరగా అన్నీ బయటకు చేర్చి తాళం వేసేయ్యండి అంటూ ఖద్దరు బట్టలు వేసుకున్న పెద్దాయన ఆజ్ఞలు వేస్తున్నాడు , ఏదో ఫోన్ రావడంతో జనంలోనుండి అలా ముందుకువెళ్లాడు .
కన్నీళ్లతోనే పెద్దాయన దగ్గరికి వెళ్ళాను , కాల్ మాట్లాడేంతవరకూ వేచిచూసాను , అన్నా ..... పాపం కాస్త కనికరించి సమయం ఇవ్వండి ప్లీజ్ ప్లీజ్ .
పెద్దాయన : ఇంతలేవు నీకెందుకురా , అయినా ఆడిగావు కాబట్టి చెబుతున్నాను ఇంతా అంతా కాదు పాతిక లక్షలు ఇచ్చాను , బాధలో ఉన్నారని తెలిసి సంవత్సరం పాటు వడ్డీ కూడా తీసుకోకుండా వేచి చూసాను , అంత డబ్బును వారు తీసుకురాలేరు అందుకే తప్పడం లేదు ప్రక్కకు తప్పుకో ......
మీగురించి బామ్మ చెప్పారు - సంవత్సరం పాటు ఎవ్వరూ ఉండరు - మీరు చాలా మంచివారు - ఇంతమంది మీకింద పనిచేస్తున్నారు అంటే ఆదాయం బాగానే ఉంటుంది - అన్నా అన్నా ప్లీజ్ ప్లీజ్ మీ కాళ్ళు పట్టుకుంటాను కాస్త సమయం ఇవ్వండి .
పెద్దాయన : ఇంతకాలం ఆ మంచితనంతోనే ఆగాను ఇక ఆగలేను , వారికి ఎంత సమయం ఇచ్చినా ఇవ్వలేరు .
నేనిస్తాను అన్నా ......
పెద్దాయన : తమ్ముడూ చెప్పానుకదా వేలు కాదు పాతిక లక్షలు , నిన్ను నమ్మి సమయం ఇవ్వాలా ? ప్రక్కకు తప్పుకో ఇప్పటికే చీకటి పడిపోయింది ఇంటికి వెళ్ళాలి . 
నాపై నమ్మకం లేదు సరే గౌరవనీయులైన సెక్యూరిటీ అధికారి సర్ చెబితే ok నా ? .
పెద్దాయన : న్యాయంగా ఖాళీ చేయిస్తున్నాను , సెక్యూరిటీ ఆఫీసర్ల నుండి - కోర్టు నుండి అనుమతి కూడా తీసుకున్నాను , ఉదయమే బాధ్యతలు స్వీకరించిన కొత్త కమిషనర్ గారిని కూడా వేరే విషయమై కలిశాను , నీకు నీ వయసుకు కానిస్టేబుల్ - SI తెలుసేమో ..... వెళ్లు వెళ్లు .
ఓ కమిషనర్ విశ్వ గారు తెలుసా ? , విశ్వ సర్ చెబితే ok నా ? లేక ఇంతకుముందు విక్రమ్ సర్ తో కూడా చెప్పించాలా ? .
పెద్దాయన : పో తమ్ముడూ నాకు నవ్వు వస్తోంది అంటూ ప్రక్కకు తోసేసి వెళుతున్నాడు .

వెంటనే మొబైల్ తీసి విశ్వ సర్ కు కాల్ చేసి స్పీకర్లో ఉంచాను .
మేడమ్ లిఫ్ట్ చేసినట్లు , మహేష్ ..... మీ కమిషనర్ సర్ ఫ్రెష్ అవుతున్నారు .
" మీ కమిషనర్ సర్ " మాట వినగానే ఆగిపోయి వెనక్కు తిరిగారు పెద్దాయన .
మేడమ్ : మహేష్ ..... ఆకలి వేస్తోంది కదూ - భోజనం పంపిస్తాము అంటే వద్దు అన్నావు , ఉండు మీ కమిషనర్ సర్ తో ఇప్పుడే పంపిస్తాను .
పెద్దాయన : వద్దు వద్దు మేడమ్ , ఆకలి లేదు అని చెప్పానుకదా ఫ్రూట్స్ కూడా తిన్నాను , మీరు - కమిషనర్ సర్ భోజనం చేశారో లేదోనని కాల్ చేసాను , కాల్ చెయ్యొచ్చు కదా మేడమ్ ? .
మేడమ్ : ఎప్పుడైనా కాల్ చెయ్యొచ్చు మహేష్ , అంతకంటే సంతోషమా చెప్పు , మీ సర్ రాగానే కాల్ చేయిస్తాను .
పెద్దాయన : వద్దు వద్దు వద్దు అంటూ బ్రతిమాలుకుంటున్నాడు .
సర్ ను డిస్టర్బ్ చేయకండి , విక్రమ్ సర్ - చెల్లి నుండి కాల్ వచ్చినప్పుడు నేనే మళ్లీ కాల్ చేస్తాను .
మేడమ్ : సరే అయితే .....
బై మేడమ్ అంటూ కట్ చేసాను .

పెద్దాయన : Sorry sorry బాబూ ..... , ఇంతలేవు అన్నాను క్షమించు , కొంత సమయం ఏమిటి ఎన్ని సంవత్సరాలైనా తీసుకో , విక్రమ్ సర్ అంటే మాకు చాలా గౌరవం - మాకు చాలా సహాయం చేసారు - ఎంతోమంది బడావేత్తలు వడ్డీకి తీసుకుని డబ్బు ఎగ్గొడితే సర్ హెల్ప్ చేశారు , నేను ఇప్పుడు ఈ స్థాయిలో ఉన్నానంటే వారి వల్లనే , సర్ చాలా నిజాయితీ సెక్యూరిటీ అధికారి , ఆ సర్ కు మరియు కొత్త సర్ కు తెలిసిన నీకు ఏమైనా చేస్తాను , రేయ్ రేయ్ ఆపండ్రా ..... ఎక్కడి వస్తువులను అక్కడే జాగ్రత్తగా ఇంట్లోకి చేర్చండి , ఏంట్రా చూస్తున్నారు త్వరగా లోపలికి చేర్చండి , ముందు ఎలా ఉందో అలా ఉండాలి .
బయటకు విసిరేసిన వస్తువులను మళ్లీ లోపలికి చేరుస్తున్నారు .
జనమంతా ఆశ్చర్యపోతున్నారు .
అన్నా ..... తీసుకోండి ఇందులో 10 లక్షలు ఉన్నాయి - వడ్డీకి జమ చేసుకోండి - ఎక్కడ సంతకాలు పెట్టాలో చెప్పండి , ఐదారేళ్ళల్లో నా చదువు పూర్తయిపోతుంది , అప్పటికి వడ్డీతో సహా మొత్తం తీర్చేబాధ్యత నేను తీసుకుంటాను .
పెద్దాయన : తమ్ముడూ అవసరమే లేదు - నువ్వు సర్ తాలూకా ......
ఒకరికి బాకీపడటం నాకు ఇష్టం లేదు అన్నా , ఇవ్వకూడదు అనుకుని ఉంటే నేరుగా సర్ తోనే మాట్లాడించేవాడిని , మీరు మంచివారని తెలిసే నేనుగా వచ్చాను , మీరూ కష్టపడిన డబ్బే కదా ఇచ్చేస్తాను .
పెద్దాయన : చిన్న పిల్లాడివి అయినా పెద్ద మనసు బాబూ నీది , సర్ దగ్గర నా గౌరవం కాపాడావు - నిన్ను నమ్ముతున్నాను - నీకు కావాల్సినంత సమయం తీసుకో , ఎక్కడా ఏ పత్రాలపై సంతకాలు పెట్టాల్సిన అవసరం లేదు - ఈ డబ్బును కూడా .......
ఇచ్చినది వెనక్కు తీసుకోలేను అన్నా , నన్ను నమ్మారు అది చాలు , సంవత్సరానికి రెండు రూపాయల వడ్డీ చొప్పున 6 లక్షలు , నేను మళ్ళీ ఇచ్చేన్తవరకూ వడ్డీ జమా వేసుకోండి .
పెద్దాయన : వడ్డీ వ్యాపారంలో నిజాయితీగా ఉంటాను బాబూ ..... , 6 లక్షలు మాత్రమే తీసుకుంటాను అంటూ 4 లక్షలు వెనుకకు ఇచ్చేసారు .
థాంక్యూ అన్నా అంటూ బ్యాగులో ఉంచుకున్నాను , ముఖానికి కర్చీఫ్ కట్టుకుని వెళ్లి కిందపడిన వస్తువులను శుభ్రన్గా తుడిచి లోపలికి చేర్చడంలో సహాయం చేస్తున్నాను .