Romance శృంగార కథామాళిక

[Mahesh.thehero]

కృష్ణ : అన్నయ్యా ....... సూపర్ గా ఉన్నారు , నాకంటే మీకే డ్రెస్ బాగుంది అని నా ప్రక్కన చేరారు .
పెద్దయ్య : మా ఇంటి దేవుడు వచ్చాడు , పెళ్ళిపనులు మొదలెట్టండి - భాజా భజంత్రీలు మ్రోగించండి - తల్లీ మహీ శ్రీమతిగారూ ........
దేవత : రెడీ నాన్నగారూ అంటూ పూజాసామాగ్రితో బయటకువచ్చారు .
లోపల చూడలేదు కానీ కొత్త పట్టుచీరలో ముత్తైదువుల మధ్యన అందమైన నవ్వులతో దివినుండి భువిపైకి దిగివచ్చిన దేవతలా ఉండటం కన్నార్పకుండా చూస్తున్నాను .
బుజ్జితల్లి : ఏమిటి అంకుల్ చూస్తున్నారు ? , మమ్మీ ...... బ్యూటిఫుల్ కదా ...... కనురెప్ప కూడా వెయ్యడం లేదు .
అవునవును ....... లేదు లేదు బుజ్జితల్లీ అలాంటిదేమీ లేదు .
అంతలో నా ప్రక్కనుండి దేవత ముసిముసినవ్వులతో ముందుకువెళ్లారు . రోడ్డుపై ఆగి నావైపు చూస్తున్నట్లు చూస్తూ తమ్ముడూ రారా అని పిలిచి నవ్వుతూ వెళ్లారు .

కృష్ణ : నాన్నగారూ జాగ్రత్త వెళ్ళొస్తాము అని పాదాలను స్పృశించి ఆశీర్వాదం తీసుకున్నాడు . 
కృష్ణా ...... మాలో కొంతమంది ఇక్కడే ఉంటారులే , వాళ్ళు చూసుకుంటాము కదా పదా గుడికి వెళదాము .
కృష్ణ : సరే , అన్నయ్యా ...... రండి అని నా గుండెలపై ఉన్న బుజ్జితల్లి బుగ్గపై చేతితో ముద్దుపెట్టాడు .
దేవత మరియు ఊరి ఆడాళ్లందరి వెనుక బుజ్జితల్లిని ముద్దుచేస్తూ దగ్గరలోని గుడికి వెళ్ళాము .

గుడిలో దేవత చేతులమీదుగా పందిరి కొమ్మలకు పూజ జరిగింది . మేళ తాళాలతో పందిరి కొమ్మలను తీసుకుని ఇంటికి చేరుకున్నాము . శాస్త్రం ప్రకారం నిమిషాలలో పందిరి నిర్మించడంతో కృష్ణ పంచె కట్టుకునివచ్చి పందిరి కింద కూర్చున్నాడు . 
ఇక అక్కడున్న అందరి చూపూ బుజ్జితల్లిపైనే పడింది . పెద్దమ్మ వచ్చి బుజ్జితల్లీ ....... తోడు పెళ్లికూతురు తమరే మేడం , కొద్దిసేపు మీ అంకుల్ ను వదిలి మీ మావయ్య దగ్గరికి చేరాల్సిందే .......
బుజ్జితల్లీ ....... తోడు పెళ్లికూతురు ? ప్రాణంలా ముద్దుపెట్టబోయి దేవతను చూసి ఆగిపోయి పెద్దమ్మకు అందించాను .
దేవత ముసిముసినవ్వులు నవ్వుకున్నారు .
బుజ్జితల్లి : చూసి నవ్వి , అంకుల్ ....... స్నానం పూర్తవగానే వచ్చేస్తాను అంతవరకూ మీరు ఇదిగో ఇక్కడే నా ఎదురుగానే ఉండాలి అని ముద్దుముద్దుమాటలతో ముద్దుపెట్టి అమ్మమ్మా ...... అంటూ వెళ్ళింది .
పెద్దమ్మ : మా బుజ్జి బంగారానికిమా అందరికంటే అంకుల్ అంటేనే ఇష్టం అన్నమాట , మీ అంకుల్ ....... నిన్ను వదిలి ఎక్కడకూ వెళ్లకుండా మేము చూసుకుంటాములే అని ముద్దుచేస్తూ కృష్ణ ప్రక్కన కూర్చోబెట్టారు .

చూడటానికి ముచ్చటెయ్యడంతో కెమెరామెన్ ఫోటోలు తీస్తున్నా , నా మొబైల్ తీసి ఫోటోలు తియ్యడం చూసి బుజ్జితల్లి ముద్దుముద్దుగా నవ్వుతోంది .
పెళ్ళికొడుకు - తోడు పెళ్లికూతురికి పసుపు పూసే కార్యక్రమం దేవతతో మొదలయ్యింది . వారి తమ్ముడి ముఖం - చేతులు - ఛాతీ - పాదాలకు మొత్తం పసుపు పూసి , నావైపు చూసి చిరునవ్వులు చిందిస్తూ బుజ్జితల్లి ముఖానికి - మెడకు - బుజ్జి చేతులకు - బుజ్జిబుజ్జి పాదాలకు పూసి లవ్ యు రా అంటూ కురులపై ప్రాణం కంటే ఎక్కువైన ముద్దుపెట్టారు . ఇద్దరికీ హారతి ఇచ్చి నుదుటిపై కుంకుమ పెట్టి ఇద్దరు వెనుక చేరి అమ్మా కానివ్వు అని పిలిచారు .
బుజ్జితల్లి : అమ్మమ్మా ...... ఆగు , మమ్మీ తరువాత ఫస్ట్ అంకుల్ ఆ తరువాత మీ ఇష్టం అలా అయితేనే మావయ్య ప్రక్కన కూర్చుంటాను .
కృష్ణ : లవ్ యు బుజ్జితల్లీ ...... , నా కోరికనే నువ్వు చెప్పావు అని బుజ్జిచేతిని అందుకుని ముద్దుపెట్టాడు .
అందరూ సంతోషంతో నవ్వుతున్నారు .
బుజ్జితల్లీ ....... ముందు పెద్దవారు అని బుజ్జితల్లి ప్రేమకు ప్రాణంలా చూస్తున్నాను .
బుజ్జితల్లి : తాతయ్య - అమ్మమ్మ - మావయ్య - మమ్మీ ....... అందరూ చెప్పారుకదా మీరు దేవుడని కాబట్టి మీరు ఫస్ట్ , అలా అయితే లేకపోతే ........
అందరితోపాటు పెద్దయ్య కూడా సంతోషంతో నవ్వుతున్నారు బుజ్జితల్లి ముద్దుమాటలకు ........
పెద్దమ్మ : సరే బుజ్జి మేడం గారూ ...... , తమరెలా చెబితే అలా ...... , బుజ్జిదానివైనా సరిగ్గా చెప్పావులే ...... ఉమ్మా ఉమ్మా ...... 
బుజ్జితల్లి : ముద్దులుకూడా అంకుల్ తరువాతనే అంటూ బుజ్జిచేతితో ఆపడం చూసి సంతోషపు నవ్వులు విరిసాయి . 
పెద్దమ్మ తియ్యదనంతో బుంగమూతిపెట్టుకుని , బాబూ ...... రండి అని పిలిచారు .
పెద్దమ్మా ....... ఏదో చిన్నతనం పెద్దవారు ముందు .
పెద్దమ్మ : నువ్వు కాకుండా మరొకరు దగ్గరకు వెళితే కొట్టేలా ఉంది బాబూ ...... ( నవ్వులు ఆగడం లేదు ) , చిన్నదైనా సరిగ్గా చెప్పింది - ఇలా సంతోషాలు పరిమాలిస్తున్నాయి ఆటే కారణం నువ్వు - మొదట నువ్వు పసుపు రాయడమే కరెక్ట్ అంటూ చేతిని పట్టుకుని పందిరి కిందకు చేర్చి పసుపు అందించారు .

Sorry మేడం అంటూ దేవతవైపు చూసాను . 
దేవత : తియ్యదనంతో నవ్వుతూ కానివ్వండి అంటూ అందమైన కళ్ళతో సైగచేశారు .
బుజ్జితల్లీ ........ మీ మమ్మీ పర్మిషన్ ఇచ్చేసారు అంటూ సంతోషంతో దేవత చేసినట్లు ముందు కృష్ణ ముందుకువెళ్ళాను .
బుజ్జితల్లి బుంగమూతిపెట్టుకోవడం చూసి , అన్నయ్యా ...... మొదట బుజ్జితల్లికి పసుపు రాయండి లేకపోతే నన్ను కూడా కొట్టేలా ఉంది . 
అధికాదు బుజ్జితల్లీ ..... శాస్త్రం ప్రకారం , మమ్మీ కూడా మొదట ........
బుజ్జితల్లి : మమ్మీకి ...... నాకంటే వాళ్ళ తమ్ముడంటేనే ఎక్కువ ఇష్టం .
దేవత : అవును నిజమే నాకు నా తమ్ముడంటేనే ఎక్కువ ఇష్టం అంటూ బుజ్జి బుగ్గను గిల్లేసారు . 
చుట్టూ సంతోషాల నవ్వులు చూసి పెద్దయ్య ఆనందబాస్పాలతో మురిసిపోతున్నారు .
బుజ్జితల్లి : అంకుల్ ...... మమ్మీలా మీకు కూడా మావయ్య అంటేనే ఇష్టం కదా అంటూ బుంగమూతి పెట్టుకుంది .
లేదు లేదు లేదు మీ తాతయ్యకు - అమ్మమ్మకు - మమ్మీకు - మీ మావయ్యకు ...... నాకు మా బుజ్జితల్లి అంటేనే ప్రాణం అంటూ సంతోషంతో మొదట బుజ్జితల్లికి సున్నితంగా పసుపు రాసి హ్యాపీనా అంటూ కృష్ణ ముందుకు వెళ్ళాను . 
లవ్ యు అంకుల్ అంటూ లేచి , కృష్ణకు పసుపు రాయడానికి వొంగిన నా బుగ్గపై తియ్యనైన ముద్దుపెట్టింది .
దేవత : మొదట పసుపు రాసింది నేనుకదా బుజ్జితల్లీ ....... , నాకు పెట్టలేదే ముద్దు . 
బుజ్జితల్లి : నాకు మమ్మీకంటే అంకుల్ అంటేనే ఇష్టం కాబట్టి , ఆ మాత్రం తెలియదా మమ్మీ .........
దేవత ఈ ఈ ...... అంటూ ఏడుపు నటించడం చూసి , సరే సరే ఏడవకు మమ్మీ ... అంటూ దేవతకు ముద్దుపెట్టి కూర్చుంది .
దేవత : ఇప్పుడు హ్యాపీ ....... , లవ్ యు బంగారూ ...... అంటూ ముద్దుపెట్టబోతే ........
మమ్మీ స్టాప్ ....... అంకుల్ ఇంకా ముద్దుపెట్టలేదు అంటూ నోటికి అడ్డంగా బుజ్జిచేతిని అడ్డుపెట్టింది .
మహీ మహీ ....... అవునుకదా , కాస్త కంట్రోల్ చేసుకో లేకపోతే కీర్తితో దెబ్బలు తింటావు అని చుట్టూ ఉన్న ఆడవాళ్ళంతా నవ్వుతున్నారు .
దేవత ......నావైపు చిరుకోపంతో చూస్తున్నారు .
Sorry sorry మేడం అంటూ లోలోపలే ఎంజాయ్ చేస్తూ కృష్ణకు పసుపు పూసి బుజ్జితల్లి కురులపై ప్రాణమైన ముద్దుపెట్టి వెనక్కువచ్చాను .
దేవత : ఆగండాగండి ఎంతైనా మా ఇంటి దేవుడు , హారతి కూడా ఇవ్వాలి .
అవునవును బాబూ అంటూ పెద్దమ్మ ...... నా చేతికి అందించడంతో హారతి తీసి ఇద్దరికీ బొట్టుపెట్టి చిరునవ్వులు చిందిస్తున్న బుజ్జితల్లి కురులపై ముద్దుపెట్టి వెనక్కువచ్చాను .
బుజ్జితల్లి : లవ్ యు అంకుల్ ........
చుట్టూ ఆడవాళ్లు : ఇక నీ బుజ్జితల్లికి ముద్దుపెట్టుకో మహీ ....... అంటూ ఆటపట్టించి నవ్వుతున్నారు .
దేవత : తియ్యనికోపంతో ....... ఇప్పుడైనా ముద్దుపెట్టొచ్చా బుజ్జిమేడం గారూ అని అడిగారు .
బుజ్జితల్లి : లవ్ యు మమ్మీ అంటూ ముద్దుపెట్టింది .
దేవత : హ హ హ లవ్ యు బంగారూ అంటూ కురులపై ముద్దుపెట్టి బుజ్జి బుగ్గను గిల్లేసారు .
బుజ్జితల్లి : స్స్స్ ....... చూడండి తాతయ్యా - అంకుల్ అంటూ రుద్దుకోవటం చూసి చాలా చాలా ఆనందం వేసింది .
పెద్దయ్య : నొప్పివేస్తోందా బుజ్జితల్లీ ...... , స్నానం అయిన తరువాత ఇద్దరమూ కలిసి మీ మమ్మీ బుగ్గలను గిల్లేద్దాములే సరేనా .......
బుజ్జితల్లి : థాంక్యూ తాతయ్యా .......
దేవత ....... బుజ్జితల్లివైపు తియ్యనైన కోపంతో చూడటం చూసి నవ్వుకున్నారు . 
నెక్స్ట్ పెద్దమ్మతో కంటిన్యూ అయిన కార్యక్రమం ముత్తైదువులందరూ పూయడంతో పూర్తయ్యింది . ఆ వెంటనే చిన్నా పెద్దా మొదలుకుని అందరూ తడి పసుపును చేతుల్లోకి తీసుకుని వారికిష్టమైన వారికి పరుగులుపెట్టించి మరీ పూసే కార్యక్రమం బహు ముచ్చటగా జరిగింది . పెద్దమ్మ ...... పెద్దయ్యకు - ఆడవాళ్లు ...... వారి వారి భర్తలకు .......
బుజ్జితల్లి ....... నాదగ్గరికి పరుగునవచ్చి రెండుచేతులూ చాపడంతో లవ్ యు లవ్ యు అంటూ ఎత్తుకోగానే , అంకుల్ ...... అంటూ రెండుచేతులతో నా ముఖం మొత్తం పూసేసి నవ్వుతోంది .
అమ్మ దొంగా ...... ఉండు నీకూ పూస్తాను .
బుజ్జితల్లి : నా వొళ్ళంతా పసుపే కదా అంకుల్ ఇంకెక్కడ పూస్తారు అంటూ కిందకుదిగి పరుగుతీసింది . 
బుజ్జితల్లీ బుజ్జితల్లీ అంటూ పసుపు అందుకుని వెనుకే పరుగుతీసాను . బుజ్జితల్లి వెళ్లి దేవత వెనుక దాక్కుంది - అంతే చేతులుకట్టుకుని కదలకుండా తలదించుకున్నాను .
దేవత : నాకు పూయడానికే వచ్చారా ? .
భయంతో నో నో నో అన్నట్లు తలఊపాను . 
దేవత రెండుచేతులతో నా బుగ్గలపై పూసి పరుగున వారి అమ్మ దగ్గరకు చేరారు .
స్వీట్ షాక్ చెంది , దేవతకు పసుపు పూయాలన్న కోరికను కంట్రోల్ చేసుకుని , బుజ్జితల్లీ ....... దొరికావు అంటూ ప్రాణంలా హత్తుకున్నాను . 
దేవత ...... ఆరాధనతో చూడటం గమనించలేకపోయాను .

పెద్దమ్మ వచ్చి పందిరి స్నానానికి వేలయ్యింది బుజ్జితల్లీ - బాబూ ...... , ఇప్పటికే ఆలస్యం అయ్యింది అందరికీ ఆకలివేస్తుంటుంది అని బుజ్జితల్లిని ఎత్తుకునివెళ్లి కృష్ణ ప్రక్కన కూర్చోబెట్టి జల్లెడ ద్వారా మొదట దేవత నీళ్లు పోశారు .
పెద్దమ్మ : బాబూ ...... నెక్స్ట్ నువ్వే పొయ్యి లేకపోతే గోల గోల చేసేస్తోంది బుజ్జి రాక్షసి అంటూ ఆహ్వానించారు .
మరింత ఆలస్యం చెయ్యడం ఇష్టం లేక దేవతతోపాటు నీళ్లుపోసి , అందరూ పంచుతున్న ఆప్యాయతకు పరవసించిపోయాను . 
తరువాత ముత్తైదువులంతా నీళ్లుపోసి బుజ్జితల్లి ఒంటిపై పసుపు పూర్తిగా పోయేలా చేసి బుజ్జిబుజ్జిగా వణుకుతున్న బుజ్జితల్లిని - కృష్ణను లోపలికి తీసుకెళ్లారు . 
అంకుల్ ........ డ్రెస్ చేంజ్ చేసుకుని వచ్చేస్తాను . 
పెద్దమ్మ : అప్పుడే మీ అంకుల్ దగ్గరికి వెళ్ళడానికి లేదే బుజ్జి రాక్షసి , బట్టలు మార్చుకున్నాక లోపల కూడా పూజ ఉంది . కావాలంటే మీ అంకుల్ ...... నీ ఎదురుగానే కూర్చుంటాడులే ....... 
బుజ్జితల్లి : ఇంకెంతసేపు అమ్మమ్మా ...... 
Sorry బుజ్జితల్లీ ....... త్వరగా పూర్తి చేస్తాములే అని అందరూ నవ్వుకున్నారు .

అందరూ పసుపును శుభ్రం చేసుకుని లోపలికి వెళుతున్నారు .
పెద్దమ్మ వచ్చి పెద్దయ్య కు అంటించిన పసుపును తడిగుడ్డతో శుభ్రం చేసి , బాబూ ....... లోపలికివచ్చి నీకిష్టమైన గదిలోకివెళ్లి శుభ్రం చేసుకో - బుజ్జితల్లి వచ్చే సమయానికి ఎదురుగా కనిపించకపోతే మాపై కోప్పడుతుంది .
Sorry పెద్దమ్మా ....... , నా వలన ......
పెద్దమ్మ - పెద్దయ్య : లేదు లేదు బాబూ ...... , మాకు చాలా సంతోషం - చూశావుకదా ఆలస్యమైనా మీ ఇద్దరివలన ఎంత సంబరంలా జరిగింది - అందరూ సంతోషంతో చిరునవ్వులు చిందిస్తూనే ఉండటం చూసి చాలా చాలా ఆనందం వేసింది - అందుకు మేమే కృతజ్ఞతలు చెప్పుకోవాలి - మాకోసమే వచ్చిన దేవుడు బాబూ ....... నువ్వు .
పెద్దమ్మా ........
పెద్దయ్య : చెప్పాముకదా బాబూ ...... ఇక నువ్వు అలవాటు పడాల్సిందే అని నవ్వుకున్నారు - వెళ్లు బాబూ .......

లోపలికివెళ్లి పైకివెళ్ళాను . నేను స్నానం చేసిన గదిలోకివెళ్ళాను . 
లోపల దేవత ...... బుజ్జితల్లి తడిచిన డ్రెస్ ను విప్పుతున్నారు . Sorry sorry మేడం - బుజ్జితల్లీ ....... ఎవ్వరూ లేరు అనుకున్నాను అని వెనుతిరిగాను .
పర్లేదు అంకుల్ ....... బుజ్జితల్లి నవ్వుతోంది .
అక్కడే ఆగండి మహేష్ గారూ ...... , ఎంత ధైర్యం నా గదిలోకి రావడానికి ...... అని కాస్త కోపంతోనే అడిగారు . 
అదీ అదీ ..... ఇంతకుముందు ఇక్కడే ఫ్రెష్ అయ్యాను మేడం అని వణుకుతూ బదులిచ్చాను .
ముసిముసినవ్వులు వినిపించడంతో వెనక్కుతిరుగబోతే .......
దేవత : స్టాప్ ...... , డ్రెస్ చేంజ్ చేసుంటున్నామని తెలిసికూడా చూడబోతున్నారు , నాకు తెలుసు మీరు బ్యాడ్ బాయ్ అని మళ్ళీ ముసిముసినవ్వులు .......
బుజ్జితల్లి : నాకైతే ఇష్టమే మమ్మీ ........
దేవత : కీర్తీ ..... ష్ ష్ ...... , ఎంత ధైర్యం నా గదిలో స్నానం చేయడానికి .......
అదీ అదీ బుజ్జితల్లి ....... sorry sorry
బుజ్జితల్లి : అవును మమ్మీ ...... నేనే పిలుచుకునివచ్చాను అంకుల్ ను .
దేవత : ష్ ష్ ....... కీర్తీ , వెళ్ళండి ప్రక్కగదిలోకి వెళ్ళండి .
బ్యాగ్ లో టవల్ .......
దేవత : మీకోసం ప్రక్కగదిలో ఉంచాను వెళ్ళండి .
Sorry అంటూ తుర్రుమన్నాను .
గట్టిగా నవ్వుకున్నట్లు దేవత - బుజ్జితల్లి నవ్వులు వినిపించాయి . ప్రక్క గదిలోకివెళ్ళిచూస్తే బెడ్ పై టవల్ తోపాటు మరొక జత కొత్తబట్టలు కూడా ఉండటం చూసి ఆశ్చర్యం వేసింది . దేవత నవ్వుతోంది - కవ్విస్తోంది - వెంటనే కోప్పడుతోంది ఏమీ అర్థం కావడం లేదు . అందుకే అన్నారు కాబోలు " ఆడువారిమాటలకు అర్థాలేవేరు " అని నవ్వుకుని శుభ్రం చేసుకునివచ్చి డ్రెస్ చేంజ్ చేసుకుని కిందకువచ్చేసరికి , కృష్ణను - బుజ్జితల్లిని ప్రక్కప్రక్కనే కూర్చోబెట్టి కార్యక్రమం జరిపిస్తున్నారు .
అంకుల్ ...... మీకోసమే సోఫా కూర్చోండి అని బుజ్జితల్లి ఫ్లైయింగ్ కిస్ వదిలింది .
లవ్ యు బుజ్జితల్లీ ..... పర్లేదులే ......
దేవత : కూర్చోండి అని ఆర్డర్ వెయ్యడంతో ........ బుద్ధిగా కూర్చోవడం చూసి నవ్వుకున్నారు .
పూజా కార్యక్రమం పూర్తవగానే , అయిపోయింది అంటూ కృష్ణ బుగ్గపై ముద్దుపెట్టి పరుగునవచ్చి నా గుండెలపైకి చేరిపోయింది .
దేవత ...... అసూయతో చూడటం చూసి వారి ఫ్రెండ్స్ తోపాటు నాకూ నవ్వువచ్చేసింది .
అప్పటికే 2 గంటలు అవ్వడంతో బయట భోజనాలు మొదలుపెట్టారు . తృప్తిగా భోజనాలు చేసి పెళ్లిలో కలుద్దాము అని ఊరిజనమంతా వెళ్లిపోయారు .