Romance శృంగార కథామాళిక

[Mahesh.thehero]

స్కూల్ ఇంటర్వెల్ బెల్ మ్రోగడంతో నన్ను పిల్లలతోపాటు ఆడుకోవడానికి పిలుచుకొనివెళ్లారు . అర గంటసేపు అక్కయ్యల ముందే మా క్లాస్ పిల్లలతో కలిసిపోయి ఫ్రెండ్స్ అయ్యి ఆడుకున్నాను , 

అక్కయ్య మా క్లాస్ మిస్ ను కలిసి విషయం చెప్పడంతో .........

మీకు వీలైనది మీరు టీచ్ చెయ్యండి , తనకు ఇష్టమైనప్పుడే క్లాస్ కు రమ్మనండి , నేను కూడా స్పెషల్ కేర్ తీసుకుంటాను అని బదులివ్వడంతో , 

థాంక్స్ మేడం అంటూ చేతులు కలిపారు .



ఇంటర్వెల్ తరువాత కూడా కాలేజ్ పార్క్ లో కూర్చుని అక్కయ్యలు నేర్పించినది నేర్చుకుని , మధ్యాహ్నం అందరి లంచ్ బాక్స్ లు అందరమూ టేస్ట్ చేసాము . 

సునీత తొలిరోజే కదా మొత్తం వద్దు , అమ్మ కూడా తమ్ముడు అడ్జస్ట్ అయ్యాడా అంటూ పదే పదే కాల్ చేస్తోంది , అమ్మకు తమ్ముణ్ణి చూడాలని ఉన్నట్లుంది . అమ్మకు బస్ లో జరిగినది కూడా ఇంకా చెప్పలేదు , so మేము ఊరికి వెళతాము అని చెప్పింది . 

అవునక్కయ్యా ..........నాకు కూడా అమ్మను వెంటనే చూడాలని ఉంది .

నాకు తెలుసు తమ్ముడూ..........అంటూ తలపై స్పృశించింది .

నేనుకూడా వచ్చేస్తానే నువ్వులేకుండా నేనొక్కటే ఏమిచెయ్యాలే సాయంత్రం బస్ లో ఒక్కతే రావాలంటే నాకు భయం అంటూ కాంచన చెప్పడంతో అందరికీ బై చెప్పి కాలేజ్ దగ్గర నుండి ఆటోలో సర్కిల్ చేరుకొని బస్ లో బయలుదేరాము . అమ్మకు కాల్ చేసి విషయం చెప్పాము .

ఊరికి దగ్గరవుతున్న కొద్దీ దర్శనమిస్తున్న ఎండిపోయిన పంటలు చూసి అక్కయ్యలిద్దరూ బాధపడుతూ ఊళ్ల మధ్యన ఉన్న గొడవలు గురించి మాట్లాడుతూ బస్ స్టాప్ చేరుకున్నాము .

బస్ దిగగానే బుజ్జీ ..........అంటూ అమ్మ కనిపించడంతో , అమ్మా .......అంటూ పరుగునవెళ్లి హత్తుకున్నాను . 

స్కూల్ లో బాగా ఎంజాయ్ చేశావా నాన్నా అంటూ బుగ్గలపై ముద్దులుపెట్టి , బ్యాగు అందుకోగా ఇంటివైపు నడిచాము .

అమ్మా బస్ లో రోజూ పోకిరీ వెధవలు ........

ఏంటి తల్లి ఈరోజు కూడా అల్లరి చేశారా ..........నిన్ను తమ్ముడిని తాకాలేదు కదా అంటూ కంగారుపడుతూ అడిగింది .

అమ్మా కాస్త చెప్పేది పూర్తి విను అంటూ ఇంటికి చేరుకుని కాంపౌండ్ లో నిలబడి చెప్పింది . 

వింటున్నంతసేపు నన్ను వెనుక నుండి హత్తుకొని మొత్తం విని బుజ్జీ అంటూ మోకాళ్లపై కూర్చుని ముద్దులతో ముంచేసి మురిసిపోయింది . నా బుజ్జిమీద ఎంతమంది కల్లుపడ్డాయో అంటూ తల్లిప్రేమతో లోపలికివెళ్లి పిడికిలిలో ఏదో తీసుకొచ్చి దిష్టి తీసి తు తు ......అంటూ ఉమ్మమనిచెప్పి , తల్లి వెనక్కు తిరగకుండా లోపలకు పిలుచుకొనివెళ్లు అనిచెప్పింది .

పైకి రూంలోకివెళ్లి ఫ్రెష్ అయ్యివచ్చి సోఫాలో కూర్చుని క్రికెట్ చూస్తూ కూర్చున్నాను . 

తమ్ముడూ నువ్వు నాకు పెద్దవాడిలా కనిపిస్తున్నావు నీ ఒడిలో పడుకోవాలని ఉంది అని అడిగింది .

పట్టరాని సంతోషంతో పొంగిపోయి అక్కయ్య పడుకోవడం కోసం అనుకూలంగా కూర్చున్నాను .

లవ్ యు తమ్ముడూ అంటూ బుగ్గపై ముద్దుపెట్టి నా తొడలపై తలవాల్చి సోఫాలో పడుకుంది .

 టీవీ మ్యూట్ లో ఉంచేసి అక్కయ్య భుజం పై జోకొట్టాను . 

తమ్ముడూ నువ్వు ప్రక్కనే ఉంటే అంతకంటే సేఫ్ ప్లేస్ లేదనిపిస్తోంది అంటూ నా మరొకచేతిని అందుకొని తన గుండెలపై హత్తుకొని కళ్ళుమూసుకుంది .

అమ్మా దుప్పటి అని కెకెయ్యడంతో , మా ఇద్దరినీ చూసి మురిసిపోయి దుప్పటి తెచ్చి అక్కయ్యకు కప్పి , నా తలపై ప్రేమతో ముద్దుపెట్టి వెళ్ళింది.



ఉదయం బస్ లో వెళ్లిన ముందు ఊరి అక్కయ్యలు స్కూళ్ళు కాలేజ్ వదిలిన తరువాత ప్రైవేట్ బస్ స్టాండ్ చేరి వేచి చూసి మరీ అదే బస్ ఎక్కి నాకోసం బస్ మొత్తం వెతికి నిరాశతో వాళ్ళ ఊర్లు చేరుకుని , ప్రతిరోజు పోకిరీ వెధవల వలన బాధపడుతూ ఇంటికి వచ్చేవాళ్ళు తొలిసారి చాలా చాలా ఆనందంతో ఉత్సాహంతో హుషారుతో తమ తల్లిని , అక్కయ్యలను మరియు చెల్లెళ్లతో డాన్స్ చెయ్యడం చూసి ఆశ్చర్యపోయి ,

తల్లి సిటీలో జాయిన్ అయినప్పటినుండి నిన్ను ఏరోజూ ఇంత సంతోషంతో చూడలేదు , ప్రతిరోజూ ఏదో జరిగింది అన్నట్లు బాధతో కొన్ని కొన్ని రోజులు కన్నీళ్ళతో రావడం చూసి మేము బాధపడేవాళ్ళము అంటూ బుగ్గలను అందుకొని నుదుటిపై ముద్దులు కురిపించి , ఈరోజు నిన్ను చూస్తుంటే చాలా సంతోషం వేస్తోంది అని అడిగింది .

అమ్మా మీతో ఇంట్లోవాళ్ళతో మన ఊరి అమ్మాయిలందరూ ( అందులో సర్పంచి కూతురు మరియు జిల్లా పరిషత్ చైర్మన్ కూతురు కూడా ఉంది ) ఒక విషయం దాచారు . ఆ విషయం తెలిస్తే పరువు పరువు అని అందరి నాన్నలు ఎక్కడ మా చదువులను ఆపేయ్యమంటారో అని భయపడి ఎవ్వరమూ చెప్పలేదు .

అంతే అమ్మలు కంగారుతో ఏంటే ఏవిషయం అని అడిగారు .

చెప్తాను కదా ఎందుకంత ఆత్రం అంటూ ఉదయం బస్ లో జరిగింది మొత్తం వివరించి ఇక వాళ్ళ వీడియోలు ప్రతి ఒక్కరి మొబైల్ లో ఉండటం వలన ఇక బస్ అంటే భయపడేలా చేశాడమ్మా మహేష్ , ఇంతకీ మహేష్ వయసెంతో తెలుసా 10 ఏళ్ళు కూడా సరిగ్గా నిండలేదమ్మా ...........తనకి సరిగ్గా థాంక్స్ కూడా చెప్పనందుకు ఊరిలోని అమ్మాయిలంతా చాలాబాధపడుతున్నారు . సాయంత్రం బస్ లో కూడా రాలేదు అని అమ్మలను కౌగిలించుకొన్నారు .



అదంతా గది బయట నుండి విన్న కొంతమంది నాన్నలు , లోపలికివచ్చి కళ్ళల్లో కన్నీళ్ళతో తల్లి మమ్మల్ని క్షమించు . మా పరువు ప్రతిష్టలు కోసం పిల్లలను బలిచేస్తున్నాము . ఒక ఆడపిల్లకు కష్టమొస్తే తల్లిదండ్రులతో చెప్పుకుంటారు . కానీ ఆ తల్లిదండ్రులు అర్థం చేసుకోకపోతే పిల్లలు ఎంతలా బాధపడతారో తెలిసి మా హృదయం కదిలిపోయింది తల్లి అంటూ చేతులుచాపి కౌగిలిలోకి పిలిచారు . 

నాన్న అంటూ పరుగునవెళ్లి కౌగిలించుకొన్నారు . 

కూతురు ప్రాణంలా కౌగిలించుకుంటే , తన ఆనందం చూడటం కంటే ఒక తండ్రికి అదృష్టం ఏముంటుంది తల్లి అంటూ నుదుటిపై ప్రాణం కంటే ఎక్కువైన ముద్దుపెట్టి , ఇంతకీ ఆ బాబుది ఏ ఊరు అని అడిగారు . 

చెబితే మీరు మళ్లీ మొదటికొస్తారు మేమే ఎలాగోలా రుణం తీర్చుకుంటాము అని బదులిచ్చారు .

తల్లి వాళ్ళది ఏ ఊరైనా ఎవరి పిల్లాడైనా సంతోషంతో కలిసి మా ఊరి పిల్లలకు సంతోషాన్ని పంచినందుకు ధన్యవాదాలు తెలుపుతాము అని చెప్పారు . 

నాన్నగారు మాట తప్పకూడదు అని ఊరుపేరు చెప్పగానే కోపంతో చూస్తుంటే ,

నాకు తెలుసు నాన్నగారు మీకు మీ పిల్లల కంటే పరువు ప్రతిష్టలే ముఖ్యం అందుకే మేము మీతో ఏవిషయం చెప్పము అంటూ అమ్మా చెప్పానుకదా అంటూ వెళ్లి కౌగిలించుకుని బాధపడుతుంటే ,

తల్లి ఇది నేనొక్కరే తీసుకునే నిర్ణయం కాదు వెళ్లి సర్పంచి , చైర్మన్ గారిని కలుస్తాను అనిచెప్పి వాళ్ళ ఇంటిదగ్గరకువెలితే అప్పటికే అక్కడకు చాలామంది పేరెంట్స్ చేరడం చూసి వెళ్లి విషయం కనుక్కోవడంతో , సంతోషించి అందరికీ సపోర్ట్ గా నిలబడ్డారు .



చైర్మన్ బయటకువచ్చి మీ పిల్లలే కాదు నా కూతురు కూడా మీలానే కోరుకుంటోంది లేకపోతే జీవితంలో మాట్లాడను అంటోంది . 

చూడండి చైర్మన్ గారు ఎప్పుడో జరిగిన కొట్లాటలను మన పిల్లల మీద రుద్దడం మంచిదికాదు అని చదువుకున్న వ్యక్తి మాట్లాడటంతో , దానికి అందరూ వంత పాడారు . ఇంతకుముందు రెండు ఊర్లవాళ్ళము అన్నదమ్ముల్లా ఉండి జాతర్లు , సంబరాలు చేసుకునేవాళ్ళము ఒకసారి ఆలోచించండి అని చెప్పడంతో , 



తనకు కూడా అదేకావాలి లేకపోతే లోపల ఫుడ్ కూడా పెట్టేలా లేదు తల్లీకూతుళ్ళు అని కాస్త బెట్టుచేసి అందరూ ఒప్పించడంతో తగ్గినట్లు , ఊరందరి సంతోషమేకదా నాకు కావాల్సింది రేయ్ తిప్పయ్యా , గోపి .........ట్రాక్టర్లు తియ్యండ్రా అందరమూ ఆ ఊరికి వెళుతున్నాము అని కెకెయ్యడంతో , ట్రాక్టర్లు ఉన్నవాళ్ళంతా వెళ్లి తీసుకొచ్చి గుంపులు గుంపులుగా సంతోషంతో అరుస్తూ బయలుదేరారు.



ఒకటివెనుక ఒకటి ట్రాక్టర్లు వరుసపెట్టి వస్తుండటం అదికూడా కలిసిపోతున్నాము అని ఆనందంతో కేకలువేస్తూ వస్తుండటం , ఊరిబయటే చూసిన జనాలు రేయ్ మన ఊరిమీదపడటానికి ఊరుమొత్తం వస్తోందిరోయ్ దొరికిన ఆయుధం పట్టుకొని రండి అంటూ పరిగెత్తుకుంటూ ఊరుమొత్తం చెప్పడంతో ,

దొరికిన వాటిని చేతబట్టుకొని అందరూ ఒకచోట గుమికూడి కోపంతో వారివైపు చూస్తున్నారు .

ఇంట్లో టీవీ చూస్తుంటే నాన్నగారు పరిగెత్తుకుంటూ వచ్చి తలుపులన్నీ వేసేసి పక్క ఊరివాళ్ళు మన ఊరివాళ్లను కొట్టడానికి వచ్చారు , సౌండ్ చేయకండి అంటూ టీవీ ఆఫ్ చేసి రూంలోకి వెళ్లి దాక్కున్నారు .

తల్లి అంటూ అమ్మవచ్చి నా మీద పడుకున్న అక్కయ్యను లేపి విషయం చెప్పింది .

తమ్ముడు అంటూ అక్కయ్య నన్ను తన గుండెలపై దాచుకుని నీ ప్రాణాలకు మా ప్రాణాలు అడ్డు అంటూ ముద్దుపెట్టి తలుపువైపు చూస్తున్నారు .

అక్కయ్యా .........నా ప్రాణాలడ్డు వెసైనా మా అమ్మను అక్కయ్యను కాపాడుకుంటాను భయపడకండి అంటూ ధైర్యం చెప్పాను .

తమ్ముడూ అంటూ ఇద్దరూ ప్రాణంలా ముద్దుపెట్టి రెండువైపుల నుండి హత్తుకున్నారు .



బయట మాత్రం అందరూ ట్రాక్టర్లు దిగి మేము గొడవపడటానికి రాలేదు చూడండి కర్రలు కూడా లేవు అంటూ స్వయంగా చైర్మన్ , సర్పంచ్ వచ్చి మా ఊరి సర్పంచి చేతులను కలిపి మొత్తం వివరించి, మా ఊరి పిల్లలకు మీ ఊరిలోని పిల్లాడి వలన మంచి జరిగింది తనను అందరమూ ఒకసారి కలిసి మా కృతజ్ఞతలు తెలపాలని వచ్చాము అంతే లేకపోతే మాపిల్లలు మాతో మాట్లాడేలా లేదు అనిచెప్పారు . మీరు అనుమతిస్తే కలిసి ఎలావచ్చామో అలా వెళ్లిపోతాము అని వినయంతో చెప్పారు .



మా ఊరివాళ్లకు మీవాళ్లపై ఎప్పుడూ కోపం లేదు వెళ్ళండి అంటూ ఊరిలోకి దారి వదిలి , ఇంతకీ ఎవరి పిల్లాడు అనిచెప్పారు .

వాసంతి అనే అమ్మాయి తమ్ముడని మాత్రం చెప్పారు .

ఒహ్ .......మహేష్ కోసం వచ్చారన్నమాట , రెండు రోజుల క్రితం పేపర్ చూసినవాళ్ళందరికీ పిల్లాడు పరిచయమే అని చెప్పారు .

అతడేనా ఊరుఊరంతా చూసాము అయితే వెంటనే కలవాల్సిందే అంటూ ఆతృత చూపిస్తుంటే ........

మహేష్ అంటే మా అందరికీ ఇష్టం , రండి మేమే స్వయంగా తీసుకెళ్తాము అని ఊరుఊరంతా పక్క ఊరివారందరినీ పిలుచుకొనివచ్చి బయటి నుండే వాసంతి , అమ్మాయి వాసంతి నీ తమ్ముడి కోసం ఎంతమంది వచ్చారో ఒకసారి బయటకువచ్చి చూడండి అనిపిలిచారు .

అంతలో కృష్ణగాడు గేట్ తీసుకుని పరిగెత్తుకుంటూ తలుపుదగ్గరకువచ్చి రేయ్ మహేష్ వినిపిస్తుందా తొందరగా తలుపు తెరువరా అని తలుపు తట్టాడు .